កត្តាអំណោយផលខាងភូមិសាស្ត្រ ប្រជាសាស្ត្រ និងធនធានមនុស្ស ក្រុងតាខ្មៅបានក្លាយជាចំណុចចាប់អារម្មណ៍ច្រើនពីវិនិយោគិន ស្របពេលប្រជាជនស្នាក់នៅក្រុងតាខ្មៅ ចេញចូលធ្វើការងារនៅរាជធានីភ្នំពេញ។

នៅអត្ថបទនេះ សូមបង្ហាញសមាសភាពពាណិជ្ជករដែលកំពុងរកស៊ីបណ្តាក់ទុននៅក្រុងតាខ្មៅ ដ៏មានឥទ្ធិពលទៅលើគម្រោង និងអាជីវកម្មមានភាពលេចធ្លោរ រួមមាន៖ ឧកញ៉ា តាំង គួង មជ្ឈមណ្ឌលទីក្រុងតាខ្មៅ Takhnao City,ឧកញ៉ា ឈាង សុវណ្ណរតនៈ ម្ចាស់ស្ថានីយប្រេងឥន្ធនៈ PTT ព្រែកហូរ, អ្នកឧកញ៉ា ហុង ពីវ បុរិពិភពថ្មី, អ្នកឧកញ៉ា សៀ ឫទ្ធី លំនៅដ្ឋានតម្លៃសមរម្យ, ​ឧកញ៉ា ប៊ុន ហៃ ម្ចាស់បុរី ភ្នំពេញថ្មី កណ្តាលក្រុងតាខ្មៅ, អ្នកឧកញ៉ា សំ អាង ម្ចាស់ធនាគារវឌ្ឍនៈ, អ្នកឧកញ៉ា ពុង ឃាវសែ ម្ចាស់ធនាគារកាណាឌីយ៉ា និងព្រលានយន្តហោះអន្តរជាតិតេជោ តាខ្មៅ, លោក អ៉ិន ចាន់នី ម្ចាស់ធនាគារ អេស៊ីលីដា, អ្នកឧកញ៉ា ចេន ហ្ស៉ី ម្ចាស់ធនាគារ ព្រីនស៍, ឧកញ៉ា ស៊ន សុខណា ម្ចាស់ស្ថានីយប្រេងឥន្ធនៈ តេលា និង LUNA Coffee, ឧកញ៉ា តែ ឡូរិន ម្ចាស់សាលា វេសស្ទើនអន្តរជាតិ, ឧកញ៉ា ប៊ិច បូឡែន ម្ចាស់សាលាអន្តរជាតិ វេសឡាញ, លោកបណ្ឌិត កុល ផេង ស្ថាបនិកសាលាបញ្ញាសាស្ត្រអន្តរជាតិ, ឧកញ៉ា ជា ធីឡាយ  ម្ចាស់សាលារៀនសុវណ្ណភូមិ, ឧកញ៉ា លី ឆេង ម្ចាស់សាលា ប៊ែលធីអន្តរជាតិ, ឧកញ៉ា សុខ ស្រស់ ម្ចាស់សំណង់ផ្ទះល្វែង ក្រុងតាខ្មៅ, លោកស្រីឧកញ៉ា សៀង ចាន់ហេង ម្ចាស់ក្រុមហ៊ុន ហេង អភិវឌ្ឍន៍, លោកស្រីវេជ្ជបណ្ឌិត ឯក ម៉េងលី ម្ចាស់មន្ទីរពេទ្យសម្រាកព្យាបាល សុខៈ, លោក ចាង ប៊ុនលាង ម្ចាស់ហាងកាហ្វេ BROWN ។ល។

សូមជម្រាបជូនថា ក្រុងតាខ្មៅ បច្ចុប្បន្នមានលោក លោក ឃឹម សំភារ ជាអភិបាលក្រុង ដែលទើបតែងតាំងថ្មីជំនួស លោក នូ សុវណ្ណរ៉ា ត្រូវបានផ្ទេរភារកិច្ចឲ្យទៅបម្រើការងារ នៅរដ្ឋបាលខេត្តកណ្តាល ខណៈអភិបាលខេត្តមានលោក គង់ សោភ័ណ្ឌ ចូលកាន់ដំណែងជំនួសលោក ម៉ៅ ភារុណ៕

The post អ្នកជំនួញល្បីៗដ៏មានឥទ្ធិពលកំពុងវិនិយោគក្នុងភូមិសាស្រ្តក្រុងតាខ្មៅ appeared first on .

បើតាមក្រុមប្រឹក្សាអភិវឌ្ឍន៍កម្ពុជា គម្រោងសាងសង់មន្ទីរពេទ្យនេះ ស្ថិតនៅផ្លូវជាតិលេខ ២១ ភូមិព្រែកសំរោង៣ សង្កាត់តាខ្មៅ ក្រុងតាខ្មៅ ខេត្តកណ្តាល ដែលអាចនឹងបង្កើតការងារបានចំនួន ៤៥៨កន្លែង។

ដោយ​​មាន​ទីតាំង​ចម្ងាយ​ប្រមាណ​១០​គីឡូម៉ែត្រ ពី​រាជធានី​ភ្នំពេញ ក្រុង​តាខ្មៅ​ ហើយជាខេត្តជាប់នឹងរាជធានីភ្នំពេញស្រាប់ ខេត្តកណ្តាល កំពុងតែបង្ហាញ​​សក្តានុពល​របស់​ខ្លួន ដោយ​សារ​មានការ​សាងសង់​មជ្ឈមណ្ឌល​ពាណិជ្ជកម្ម និង​បុរី​លំនៅឋាន​ជាច្រើន​ព្រោងព្រាត​នៅ​ក្នុង​ទី​ក្រុងនៃទីរួម​ខេត្ត​មួយ​នេះ​។​

ពិេសសទៀតនោះ ខេត្តកណ្តាល ក៏ដូចជាក្រុងតាខ្មៅ នារយៈពេលប៉ុន្មានឆ្នាំចុងក្រោយនេះ បាននឹងកំពុងស្វាគមន៍រោងចក្រសហគ្រាសជាច្រើនមកវិនិយោគបន្ថែមកាន់តែច្រើនឡើង ដែលជាការបង្កើនការវិនិយោគ និងការងារជូនប្រជាពលរដ្ឋផងដែរ៕

The post ក្រុងតាខ្មៅ ទទួលបានគម្រោងសាងសង់មន្ទីរពេទ្យឯកជនថ្មីមួយកន្លែង តម្លៃប្រមាណ ២៣លានដុល្លារ appeared first on .

សូមចុច Subscribe Telegram oknha_news ដើម្បីទទួលបានព័ត៌មានគ្រប់​សកម្មភាព​ឧកញ៉ា​ អាជីវកម្ម ចែក​រំលែក ជោគជ័យ

ស្ពានទន្លេបាសាក់កោះអន្លង់ចិននៃក្រុងតាខ្មៅ ខេត្តកណ្តាល ដែលជាគម្រោងផ្លូវក្រវ៉ាត់ក្រុងទី៣របស់រាជរដ្ឋាភិបាល សម្រេចបាន៩៧,២៥%ហើយ គិតរហូតមកទល់ពេលនេះ ក្នុងនោះ៖ ស្ពានឆ្លងកាត់ទន្លេបាសាក់ខាងកើតប្រវែង៦៣០ម៉ែត្រ សម្រេចបាន៩៥,១០% គ្រោងនឹងបញ្ចប់ នៅខែតុលា ឆ្នាំ២០២១ និងស្ពានឆ្លងកាត់ទន្លេបាសាក់ខាងលិចប្រវែង៣៦៦ម៉ែត្រ សម្រេចបាន៩៩,៤០% គ្រោងនឹងបញ្ចប់នៅខែកញ្ញា ឆ្នាំ២០២១។

ជាមួយគ្នានេះ ក្រុងតាខ្មៅ បាននឹងកំពុងស្វាគមន៍គម្រោងសាងសង់ព្រលា​នយន្តហោះ​អន្តរជាតិថ្មី  ដែលសា​ងសង់លើផ្ទៃដី​ទំហំជាង២៦០​០ហិចតា ក្នុងទឹកប្រា​ក់ជាង​១៥០០លា​នដុល្លារ។

បើតា​មការគូសប​ញ្ជាក់ពីអ្នកឧកញ៉ា ពុង ឃាវសែ អគ្គនាយ​កក្រុមហ៊ុនសាជី​វកម្មវិនិយោគក្រៅប្រ​ទេសកម្ពុជា (OCIC) នាពេលកន្លងមកបានឲ្យដឹងថា ព្រលា​នយន្តហោះ​អន្តរជាតិ​ភ្នំពេញថ្មីនេះ គឺកំពុងស្ថិត​នៅក្នុងការ​សាងសង់ ស្ថិតនៅក្រុងតាខ្មៅ និងស្រុកក​ណ្តាលស្ទឹងខេត្ត​កណ្តាល ហើយអាចប៉ះ​តំបន់មួយចំនួនក្នុ​ងស្រុកបាទីខេ​ត្តតាកែវ។ បើតាម​អ្នកឧកញ៉ាគម្រោងសាងសង់ព្រលា​នយន្តហោះ​អន្តរជាតិថ្មីនេះ អាចនឹងរួ​ចរាល់នៅត្រឹមឆ្នាំ២០២​៣ខាងមុខនេះ​។

ក្រុមអ្នកវិភាគ និងអ្នកជំនាញ បានលើកឡើងដូចគ្នាថា តាម​រយៈគម្រោងដ៏​ធំនេះ​ នឹងជំរុញសកម្ម​ភាពសេដ្ឋកិ​ច្ចនៅក្នុងតំប​ន់ខា​ងលើនេះ ឲ្យមានស​កម្មភាព​សកម្មឡើង ជា​ពិសេសលើ​សកម្មភា​ពដីធ្លី។ បន្ថែ​មលើនេះ វានឹងផ្តល់ផលប្រយោ​ជន៍ដោ​យផ្ទាល់ ដល់ប្រជាពល​រដ្ឋនៅក្នុងតំប​ន់ខាងលើ​នេះផង​ដែរ៕

The post គម្រោងផ្លូវក្រវ៉ាត់ក្រុងទី៣ រួចរាល់នឹងជំរុញកំណើនការអភិវឌ្ឍន៍ដីធ្លី បុរី អគារពាណិជ្ជកម្មនៅក្រុងតាខ្មៅឲ្យកាន់តែច្រើនឡើង appeared first on .

សូមចុច Subscribe Telegram oknha_news ដើម្បីទទួលបានព័ត៌មានគ្រប់​សកម្មភាព​ឧកញ៉ា​ អាជីវកម្ម ចែក​រំលែក ជោគជ័យ

ក្នុងចំណោមសប្បុរជនខ្មែរ ដែលមានបេះដូងសប្បុរសដ៏បរិសុទ្ធ ព្រួយបារម្ភ និងយកចិត្តទុកដាក់ចំពោះ សុខទុក្ខជនរួមជាតិខ្មែរដូចគ្នា ក៏មានលោកជំទាវឧកញ៉ា គិត ហុងយី ឯកឧត្តម លី ប៊ុនធឿន និងក្រុមគ្រួសារ ដែលគេស្គាល់ថាជាបងបង្កើតមហាសេដ្ឋីកំពូល គិត ម៉េង ដែលបានរួមគ្នាយ៉ាងសស្រាក់សស្រាំ ជាថវិកា និងគ្រៀងឧបភោគបរិភោគចាំបាច់មួយចំនួនទៀត ចុះជួយជាប់ជាមួយអាជ្ញាធរមូលដ្ឋានសង្កាត់កោះអន្លង់ចិន ក្រុងតាខ្មៅ ខេត្តកណ្តាល ដែលកំពុងរាតត្បាតដោយសារជំងឺកូវីដ-១៩ នេះផងដែរ។

អំណោយដែលលោកជំទាវឧកញ៉ា គិត ហុងយី រួមចំណែកនាពេលនេះតាមរយៈព្រះគ្រូធម្មចរិយាមុនី ឃីន ជីន ព្រះចៅអធិការវត្តក្បាលកោះអង្លង់ចិន និងជានាយកពុទ្ធិកសាលាបឋមសិក្សាវត្តជោតិរង្សី ដើម្បីចាត់ចែងជួនជនរងគ្រោះនៅតាមបណ្តាលភូមិនៃសង្កាត់កោះអន្លង់ចិន ជាង២០០គ្រួសារ ដែលក្នុងមួយគ្រួសារទទួលបានអង្ករចំនួន ១០គីឡូក្រាម មីខ្លាឃុំមួយកេស ត្រីខ ២យួ និងថ្នាំសង្កូវចំនួន១ប្រអប់ធំ ដើម្បីរួមចំណែកក្នុងគ្រាលដ៏លំបាកនេះ។

សូមជម្រាបជូនថា លោកជំទាវឧកញ៉ា គិត ហុងយី កំពុងត្តោបក្តាប់ក្រុមហ៊ុន និងមុខជំនួញធំៗជាច្រើនផ្សេងទៀតក្នុងដៃ។ ការចុះជួយឧបត្ថម្ភដល់បងប្អូនប្រជាពលរដ្ឋកំពុងខ្វះខាត មានការលំបាក នៅតាមបណ្ដាមូលដ្ឋានតាមស្រុក និងតំបន់កំពុងរងគ្រោះមួយចំនួន មិនមែនមានតែក្រុងតាខ្មៅមួយនោះទេ កន្លងមក គេតែងឃើញ លោកជំទាវឧកញ៉ា ចិត្តធម៌រូបនេះ បរិច្ចាគធនធានផ្ទាល់ខ្លួន រួមទាំងកៀងគងដល់មិត្តភ័ក្តិ និងសប្បុរជននានា រួមចំណែកធ្វើការងារសប្បុរសធម៌ដូចគ្នានេះមិនដែលខានឡើយ៕

សូមចុចអានអត្ថបទខាងក្រោម៖

The post លោកជំទាវឧកញ៉ា គិត ហុងយី និងព្រះគ្រូ ឃីន ជីន ឃើញកូវីដរាតត្បាតខ្លាំងនៅក្រុងតាខ្មៅ នាំយកអំណោយជូនជនរងគ្រោះជាង ២០០គ្រួសារ appeared first on .

សូមចុច Subscribe Telegram https://t.me/oknha_news ដើម្បីទទួលបានព័ត៌មានគ្រប់​សកម្មភាព​ឧកញ៉ា​ អាជីវកម្ម ចែក​រំលែក ជោគជ័យ

ក្នុងសេចក្តីសម្រេចខាងលើក៏មានប្រភេទអាជីវកម្មមួយចំនួន ត្រូវបានអនុគ្រោះឱ្យបន្តដំណើរការ ដើម្បីធានាដល់ការផ្គត់ផ្គង់ស្បៀង និងបំពេញតម្រូវការចាំបាច់នៃការរស់នៅរបស់ប្រជាពលរដ្ឋ។ ខាងក្រោមនេះ ជាសកម្មភាពការងារ មុខរបរ ឬអាជីវកម្ម អាចត្រូវបានអនុញ្ញាតឱ្យដំណើរ៖

– សកម្មភាពការងាររបស់ស្ថាប័នសាធារណៈ ប៉ុន្តែប្រធានស្ថាប័នសាមីត្រូវកាត់បន្ថយចំនួនអ្នកធ្វើការ ឱ្យមកនៅត្រឹមកម្រិតអប្បបរមាមិនឱ្យលើសពី ២% និងត្រូវអនុវត្តគោលការណ៍អាហារថ្ងៃត្រង់ នៅហ្នឹងកន្លែងបំពេញការងារ ដើម្បីធានានិរន្តរភាពការងាររបស់ស្ថាប័ន។ ការធ្វើដំណើររបស់មន្ត្រី នៃស្ថាប័នសាធារណៈសម្រាប់គោលបំណងនេះ ត្រូវភ្ជាប់ជាមួយនូវឯកសារបញ្ជាក់អត្តសញ្ញាណ និង លិខិតបញ្ជាបេសកកម្មដែលចេញដោយស្ថាប័នសាមី។ ប្រធានស្ថាប័នសាមី ត្រូវសម្រេចផ្អាកការងារ ដែលមិនចាំបាច់ជាបណ្តោះអាសន្នក្នុងអំឡុងពេលបិទខ្ទប់ និងត្រូវណែនាំតាមការជាក់ស្តែង ដើម្បី អាចឱ្យមន្ត្រីបំពេញការងារពីចម្ងាយ ឬតាមរយៈប្រព័ន្ធអនឡាញ។

– សកម្មភាពការងាររបស់កងកម្លាំងប្រដាប់អាវុធគ្រប់ប្រភេទ និងរដ្ឋបាលថ្នាក់ក្រោមជាតិ ព្រមទាំង មន្ត្រីនិងបុគ្គលិកសុខាភិបាល ត្រូវដំណើរការស្របតាមការចាំបាច់ និងតាមការកំណត់របស់ប្រធាន ស្ថាប័ននីមួយៗ។

– រោងចក្រ សហគ្រាស សិប្បកម្ម ឬទីកន្លែងផលិតឱសថ និងសម្ភារៈបរិក្ខាពេទ្យ រួមទាំងម៉ាស អាកុល និងអុកស៊ីសែន។

– រោងចក្រ សហគ្រាស សិប្បកម្ម ឬទីកន្លែងផលិតម្ហូបអាហារ និងគ្រឿងឧបភោគបរិភោគ ដោយ រួមទាំងទីសត្តឃាត ដែលជាតម្រូវការចាំបាច់ប្រចាំថ្ងៃ។

– សកម្មភាពការងារដែលពាក់ព័ន្ធនឹងការផ្ដល់សេវាសាធារណៈ តាមការកំណត់របស់ស្ថាប័ននីមួយៗ ជាអាទិ៍ សេវាពន្លត់អគ្គិភ័យ, សេវាផ្គត់ផ្គង់អគ្គិសនី, សេវាទឹកស្អាត, សេវាកំពង់ផែ, សេវាប្រមូល និងដឹក ជញ្ជូនសំរាម-សំណល់រឹង ជាដើម។ ចំពោះសេវាផ្គត់ផ្គង់អគ្គិសនី, សេវាទឹកស្អាត និងសេវាកំពង់ផែ ប្រធានស្ថាប័នសាមីត្រូវកាត់បន្ថយចំនួនអ្នកធ្វើការនៅការិយាល័យឱ្យមកនៅត្រឹមកម្រិតអប្បបរមា មិនឱ្យលើសពី ២% និងត្រូវអនុវត្តគោលការណ៍អាហារថ្ងៃត្រង់នៅហ្នឹងកន្លែងបំពេញការងារ លើក លែងតែបុគ្គលិកឬមន្ត្រីទទួលបន្ទុកខាងផ្នែកប្រតិបត្តិការ និងសង្វាក់ផលិតកម្ម ដែលត្រូវបំពេញ ការងារជាប្រក្រតីធម្មតា។ ការធ្វើដំណើររបស់មន្ត្រី ឬបុគ្គលិកដើម្បីបម្រើឱ្យសេវាទាំងនេះ ត្រូវភ្ជាប់ ជាមួយឯកសារបញ្ជាក់អត្តសញ្ញាណ និងលិខិតបញ្ជាបេសកកម្មដែលចេញដោយស្ថាប័នសាមី។

– រាល់សកម្មភាពការងារ មុខរបរ ឬអាជីវកម្ម ដែលដំណើរការតាមរយៈប្រព័ន្ធអនឡាញ ដោយត្រូវកាត់ បន្ថយចំនួនអ្នកធ្វើការឱ្យមកនៅត្រឹមកម្រិតអប្បបរមាមិនឱ្យលើសពី ២% និងត្រូវអនុវត្តគោលការណ៍ អាហារថ្ងៃត្រង់នៅហ្នឹងកន្លែងបំពេញការងារ។

– ការផ្គត់ផ្គង់ទំនិញដែលជាតម្រូវការចាំបាច់ប្រចាំថ្ងៃ ជាអាទិ៍ផ្សារលក់ដុំផ្សារឬទីតាំងលក់ដូរ គ្រឿងឧបភោគបរិភោគដែលមានសណ្តាប់ធ្នាប់ ផ្សារម៉ាត និងភោជនីយដ្ឋាន-អាហារដ្ឋានដែលលក់ជាអាហារវេចខ្ចប់, ស្ថានីយប្រេងឥន្ធនៈ-ហ្គាស, ទីតាំងលក់ហ្គាស, ឬទីតាំងផ្គត់ផ្គង់ទំនិញ ដែលជាតម្រូវការចាំបាច់ប្រចាំថ្ងៃផ្សេងទៀតដោយមានការអនុញ្ញាតពីអាជ្ញាធរមានសមត្ថកិច្ច។ ចំពោះ ផ្សារ ឬទីតាំងលក់ដូរគ្រឿងឧបភោគបរិភោគ ភោជនីយដ្ឋាន-អាហារដ្ឋាន អាជ្ញាធរមានសមត្ថកិច្ចដែល អនុវត្តវិធានការបិទខ្ទប់ត្រូវធ្វើការត្រួតពិនិត្យ និងសម្រេចអនុញ្ញាត ទៅតាមការជាក់ស្តែងដោយផ្អែក ទៅលើតម្រូវការចាំបាច់នៅក្នុងភូមិសាស្រ្តរបស់ខ្លួន។

– ការផ្គត់ផ្គង់សេវាដែលជាតម្រូវការចាំបាច់ប្រចាំថ្ងៃ ជាអាទិ៍ សេវាសង្គ្រោះបន្ទាន់ និងសេវាសុខាភិបាល ទាំងរដ្ឋ និងឯកជន, ឱសថស្ថាន, សេវាប្រៃសណីយ៍-ទូរគមនាគមន៍, សេវាធនាគារ និងហិរញ្ញវត្ថុ និងសេវាដែលជាតម្រូវការចាំបាច់ប្រចាំថ្ងៃផ្សេងទៀតដោយមានការអនុញ្ញាតពីអាជ្ញាធរមានសមត្ថកិច្ច ប៉ុន្តែ ត្រូវកាត់បន្ថយចំនួនបុគ្គលិកបម្រើការឱ្យមកនៅត្រឹមកម្រិតអប្បបរមាមិនឱ្យលើសពី ២% និង ត្រូវអនុវត្តគោលការណ៍អាហារថ្ងៃត្រង់នៅហ្នឹងកន្លែងបំពេញការងារ លើកលែងតែសេវាសង្គ្រោះបន្ទាន់ សេវាសុខាភិបាល និងឱសថស្ថាន ដែលត្រូវដំណើរការជាប្រក្រតីធម្មតា។

– សេវាកម្មសណ្ឋាគារ និងផ្ទះសំណាក់ ប៉ុន្តែ ត្រូវកាត់បន្ថយចំនួនបុគ្គលិកបម្រើការឱ្យមកនៅត្រឹមកម្រិត អប្បបរមាមិនឱ្យលើសពី ២% និងត្រូវអនុវត្តគោលការណ៍អាហារ និងការស្នាក់នៅនៅហ្នឹងកន្លែង បំពេញការងារ លើកលែងតែសណ្ឋាគារដែលបម្រើឱ្យការធ្វើចត្តាឡីស័ក ដែលចំនួនបុគ្គលិកអប្បបរមា និងពេលម៉ោងធ្វើការរបស់បុគ្គលិក ត្រូវកំណត់ដោយអាជ្ញាធរមានសមត្ថកិច្ចដែលអនុវត្តវិធានការ បិទខ្ទប់។

– សេវាកម្មដឹកជញ្ជូនម្ហូបអាហារឬគ្រឿងឧបភោគបរិភោគ ដើម្បីបម្រើឱ្យភូមិសាស្ត្រដែលត្រូវបាន បិទខ្ទប់។ សកម្មភាពនៃការដឹកជញ្ជូននេះ មិនត្រូវបានអនុញ្ញាតឱ្យមានការដឹកជញ្ជូនមនុស្សឡើយ។

– សេវាកម្មដឹកជញ្ជូនទំនិញទូទៅចេញ-ចូល ឬឆ្លងកាត់ភូមិសាស្ត្រដែលត្រូវបានបិទខ្ទប់ដើម្បីបម្រើឱ្យ វិស័យសង្គម-សេដ្ឋកិច្ចនៃប្រទេស។ សកម្មភាពនៃការដឹកជញ្ជូននេះ មិនត្រូវបានអនុញ្ញាតឱ្យមាន ការដឹកជញ្ជូនមនុស្សឡើយ។

– ចំពោះការគ្រប់គ្រង និងថែរក្សាឃ្លាំងស្តុកទំនិញ ឬគ្រឿងឧបភោគបរិភោគ ត្រូវបានអនុញ្ញាតឱ្យមាន បុគ្គលិកប្រចាំការក្នុងចំនួនអប្បបរមា និងត្រូវអនុវត្តគោលការណ៍អាហារ និងការស្នាក់នៅនៅហ្នឹង កន្លែងបំពេញការងារ។

– ការដឹកជញ្ជូនបុគ្គលដែលបានបញ្ចប់ការធ្វើចត្តាឡីស័ក និងអ្នកជំងឺចេញពីមន្ទីរពេទ្យ ឬកន្លែង សម្រាកព្យាបាល ដោយមានការអនុញ្ញាត និងការសម្របសម្រួលរបស់អាជ្ញាធរមានសមត្ថកិច្ច និងសកម្មភាពការងារ មុខរបរ ឬអាជីវកម្មចាំបាច់ដទៃទៀត ដោយមានការអនុញ្ញាតពីអាជ្ញាធរមាន សមត្ថកិច្ច។

– រាល់សកម្មភាពការងារ មុខរបរ ឬអាជីវកម្មដែលត្រូវបានអនុញ្ញាតដូចបានរៀបរាប់ខាងលើ បុគ្គលគ្រប់ រូបមានកាតព្វកិច្ចត្រូវអនុវត្តវិធានការសុខាភិបាល រួមមានការពាក់ម៉ាស និងការរក្សាគម្លាតសុវត្ថិភាព ព្រមទាំង ត្រូវប្រកាន់ខ្ជាប់នូវការធ្វើអនាម័យដើម្បីសម្លាប់មេរោគ និងការវាស់កម្ដៅ ដើម្បីប្រយុទ្ធនិងទប់ស្កាត់ការឆ្លង រាលដាលនៃជំងឺកូវីដ-១៩។

គួររម្លឹកថា ថ្ងៃនេះកម្ពុជា​ប្រកាស​មាន​អ្នក​​ឆ្លង​ចំនួន ៦១៨ នាក់​ទៀត​។ ទីក្រុង​ភ្នំពេញ នៅតែធ្ងន់ធ្ងរដោយ​​មានអ្នក​ឆ្លងរហូត​ដល់ ៤៩៣ នាក់៕

ចុចអាន

The post មកដឹងប្រភេទអាជីវកម្ម ដែលត្រូវបានអនុញ្ញាតអំឡុងពេលបិទខ្ទប់រាជធានីភ្នំពេញ និងក្រុងតាខ្មៅ appeared first on .

អភិបាលខេត្តកណ្ដាល លោក គង់ សោភ័ណ្ឌ បានឲ្យដឹងថា ដើម្បីអនុវត្តសេចក្តីសម្រេចលេខ៤៩ សសរ របស់រាជរដ្ឋាភិបាល ឱ្យមានប្រសិទ្ធភាព អាជ្ញាធរក្រុងតាខ្មៅ និងកងកម្លាំងមានសមត្ថកិច្ចទាំងអស់ ត្រូវផ្ដោតសំខាន់លើការហាមឃាត់ចំពោះការធ្វើដំណើរឆ្លងកាត់ពីក្រុងតាខ្មៅ ទៅរាជធានីភ្នំពេញ លើកលែងតែកិច្ចការងារបំពេញមុខងារ ការងារផ្ដល់សេវាសង្រ្គោះបន្ទាន់ សេវាសាធារណៈចាំបាច់ និងបន្ទាន់ សេវាពាក់ព័ន្ធនឹងការងារសន្តិសុខ សណ្ដាប់ធ្នាប់សាធារណៈ និងការដឹកជញ្ជូនទំនិញ ផ្សេងៗ ដែលមានការអនុញ្ញាតពីអជ្ជាធរមានសមត្ថកិច្ច ហើយប្រជាពលរដ្ឋអាចចេញពីផ្ទះទៅផ្សារ ជាក់ស្តែង ទៅតាមការអនុញ្ញាតរបស់អាជ្ញាធរ។ ប្រជាពលរដ្ឋក៏អាចចេញទៅទិញថ្នាំពេទ្យ ឬទៅទទួលសេវាព្យាបាលបាន បើមានជម្ងឺជាក់ស្តែង។

លោកបានបញ្ជាក់ថា ក្រុងតាខ្មៅនឹងធ្វើការបិទខ្ទប់ទាំងស្រុងតែម្តង ដោយចំពោះផ្សារលក់គ្រឿងឧបភោគបរិភោគ បន្លែ ត្រីសាច់ គឺអនុញ្ញាតអោយលក់ធម្មតា បន្តែសម្រាប់ប្រជាពលរដ្ឋ គឺអនុញ្ញាតអោយមកទិញគ្រឿងឧបភោគយកទៅផ្ទះ ត្រឹមតែ ៣ថ្ងៃក្នុងមួយសប្ដាហ៍ប៉ុណ្ណោះ ចំពោះហាងលក់ សម្ភារៈផ្សេងៗ ដូចជាកន្លែងលក់គ្រឿងសំណង់ លក់កង់ លក់ខោអាវ លក់គ្រឿងអេឡិចត្រូនិច និងផ្ទះសំណាក់ និងត្រូវបានបិទទាំងស្រុងរយៈពេល១៤ថ្ងៃតែម្ដង។ ចំពោះសហគ្រាស ក្នុងក្រុងតាខ្មៅ គឺអនុញ្ញាតអោយដំណើរការធម្មតា ប៉ុន្តែអនុញ្ញាតឱ្យមានកម្មករត្រឹមតែ ២៥នាក់ប៉ុណ្ណោះ។

The post សូម្បីចេញចូលពីផ្ទះមួយទៅផ្ទះមួយគឺមិនអនុញ្ញាតិដាច់ខាតនៃពលរដ្ឋក្រុងតាខ្មៅ appeared first on .

លោកឧកញ៉ា គីម ហ៊ាង ប្រធានក្រុមហ៊ុន Keller Williams Cambodia និងជាអគ្គនា​យក​ក្រុមហ៊ុន ខ្មែររៀល អ៊ីស្ទេត បានលើកឡើងថា ក្រុងតាខ្មៅកំពុងទទួលបានគម្រោង វិនិយោគធំៗជាច្រើន ហើយវិស័យអចលនទ្រព្យនៅក្នុងក្រុងតាខ្មៅក៏មានរីក​ចម្រើនគួរ​ឲ្យកត់សម្កាល់ផងដែរ ខណៈក្រុងនេះកំពុងទទួលបានការចាប់ពីអារម្មណ៍​ពី​អ្នកវិនិយោគក្នុងស្រុកនិងក្រៅស្រុកខ្លាំង។

លោកបានបន្តថា៖« មានការចាប់អារម្មណ៍ខ្លាំងពីសំណាក់វិនិយោគិនទាំងក្នុងនិងក្រៅ ស្រុក ក៏ព្រោះតែក្រុងតាខ្មៅ ស្ថិតនៅក្បែរគម្រោងផ្សារទំនើបអ៊ីអ៊នទី៣  ពិសេសគម្រោង​បុរីលំនៅឋានល្បីៗជាច្រើនទៀតក៏កំពុងអភិវឌ្ឍន៍នៅទីនោះ។

ទន្ទឹមគ្នានឹងភាពរីកចម្រើ​ន​​​នៃវិស័យអចលនទ្រព្យនៅក្នុងក្រុងតាខ្មៅ តំបន់នេះ​ត្រូវបាន​ជ្រើសរើសជាតំបន់ដែលត្រូវសាងសង់ព្រលានយន្ដហោះភ្នំពេញថ្មីផងដែរ»។

ដោយមើលឃើញពីសក្តានុពលនៃក្រុងតាខ្មៅ  អ្នកជំនាញផ្នែកអចលនទ្រព្យរូបនេះ បានវាយ​តម្លៃថា ក្រុងតាខ្មៅ នឹងក្លាយជាតំបន់ដែលមានការវិនិយោគ​វិស័យខុន​ដូច្រើនជាងគេក្នុងរយៈពេល​៣ឆ្នាំ​ខាងមុខ។

លោកបញ្ជាក់ថា ក្នុង១ឆ្នាំៗ ប្រជាពលរដ្ឋចំណាកស្រុកមករស់នៅ​ទីក្រុងកើន​ដល់ជាង​១០​​ម៉ឺននាក់ ហេតុនេះវិស័យខុនដូក្នុងក្រុងតាខ្មៅ គឺជាទីតាំងល្អសម្រាប់ការរស់នៅ​របស់ពលរដ្ឋ ព្រោះ​ជាតំបន់ក្បែររាជធានីភ្នំពេញស្រាប់។

ជាងនេះទៀត លោកអះអាងថា ទន្ទឹម​នឹងការ​បន្តរីកចម្រើន​វិស័យ​អចលនទ្រព្យ​នៅកម្ពុជា​ វិស័យខុនដូនៅក្រុងតាខ្មៅ ក៏ចាប់ផ្តើមមាន​តម្រូវច្រើន​ពីពេលនេះ​តទៅថ្ងៃ​ខាងមុខ នោះក៏ព្រោះតែអ្នកមាន​លទ្ធភាពមធ្យម​អាចទិញខុនដូ​ស្នាក់នៅខណៈផ្ទះជាប់​ដីឡើ​ងថ្លៃរាប់លានដុល្លារនៅ​កណ្តាលទីក្រុង​៕

អត្ថបទ៖ សិរីកា

The post លោកឧក​ញ៉ា គីម​ ហ៊ាង​ ៖​ ក្រុង​តា​ខ្មៅ នឹង​ក្លាយ​ជា​ទីក្រុង​​ខុន​ដូ​ក្នុ​ង​រ​យៈ​​ពេល​៣​ឆ្នាំខា​ងមុខ appeared first on .