ក្រុមការងារសិក្សាគម្រោងបង្កើតក្រុងថ្មីនៃខេត្តព្រះសីហនុ បានថ្លែងប្រាប់គេហទំព័រសារព័ត៌មានឧកញ៉ាញូស៍ (Oknha News) ឱ្យដឹងថា គម្រោងគ្រោងនឹងបង្កើតក្រុងថ្មីនេះមានឈ្មោះថា ក្រុងកំពង់សោម ដែលបំបែកចេញពីស្រុកព្រៃនប់។

យោងតាមរបាយការណ៍ដែលឧកញ៉ាញូស៍ទទួលបាន ការបង្កើតក្រុងថ្មីនេះ ត្រូវបំបែកចេញពីស្រុកព្រៃនប់ កំណត់យក៥ឃុំ គឺឃុំបិតត្រាំង ឃុំរាម ឃុំអូរឧកញ៉ាហេង ឃុំបឹងតាព្រហ្ម និងឃុំអូរជ្រៅ។

របាយការណ៍ដដែលបញ្ជាក់ថា ក្រុងដែលគ្រោងបង្កើតថ្មី ឈ្មោះក្រុងកំពង់សោម ក្រោបដណ្តប់លើកោះចំនួន ៧ គឺកោះថ្មី, កោះសំពោច, កោះស្រមោច, តាគៀវ, កោះឫស្សី, កោះក្របី, កោះចន្លុះឫកោះព្រើស។

ខេត្តព្រះសីហនុ បច្ចុប្បន្នមានក្រុងចំនួន២ គឺក្រុងព្រះសីហនុ, ក្រុងកោះរ៉ុង ចំណែកឯស្រុកមាន៣ គឺស្រុកព្រៃនប់, ស្រុកស្ទឹងហាវ, ស្រុកកំពង់សិលា និងមាន ២៩ឃុំ/សង្កាត់។

លោក គួច ចំរើន អភិបាលខេត្តព្រះសីហនុ ធ្លាប់បានបញ្ជាក់ថា ក្នុងរយៈពេល ៥ឆ្នាំកន្លងមកនេះ ខេត្តព្រះសីហនុមានការរីកចម្រើនយ៉ាងខ្លាំង ជាពិសេសគឺការរីកដុះដាលនៃសំណង់អគារខ្ពស់ៗ ការបង្កើតឱ្យមានតំបន់សេដ្ឋកិច្ចពិសេស, កំពង់ផែសមុទ្រទឹកជ្រៅ, និងការអភិវឌ្ឍនៅតាមបណ្ដាកោះនានាទូទាំងខេត្ត។

លោកបានលើកឡើងថា សំណង់អគារសរុបក្នុងខេត្តព្រះសីហនុ មានចំនួន ១ ០០៦អគារ និងមានកោះ ចំនួន៣០ ថ្មប៉ប្រះទឹក ចំនួន២។

បច្ចុប្បន្នខេត្តព្រះសីហនុមានតំបន់សេដ្ឋកិច្ចពិសេស សរុបចំនួន១១តំបន់ ក្នុងនោះមាន៣តំបន់ ដែលមានរោងចក្រកំពុងដំណើរការ និងរោងចក្រសរុបចំនួន ២៣៩រោងចក្រ។ លោក គួច ចំរើន បានបញ្ជាក់បន្ថែមថា រោងចក្រក្នុងតំបន់សេដ្ឋកិច្ច ពិសេសមានចំនួនសរុប ១៦៨រោងចក្រ និងក្រៅតំបន់សេដ្ឋកិច្ចពិសេស មានចំនួនសរុប៧១រោងចក្រ មានកម្លាំងពលកម្មសរុបចំនួន ៣៤ ៤៧៩នាក់ មានទុនវិនិយោគសរុបចំនួន ២,២១១,៦៧ ១,០០០ដុល្លារអាម៉េរិក។

ខេត្តព្រះសីហនុ មានវិស័យសេដ្ឋកិច្ចសំខាន់ៗ រួមមាន៖ វិស័យឧស្សាហកម្ម, ពាណិជ្ជកម្ម, ទេសចរណ៍, និងកសិកម្ម ដែលជាវិស័យអាទិភាពសម្រាប់ការអភិវឌ្ឍខឿនសេដ្ឋកិច្ចជាតិ របស់រាជរដ្ឋាភិបាល។ សក្តានុពលរួមមាន៖ កំពង់ផែសមុទ្រទឹកជ្រៅ, តំបន់សេដ្ឋកិច្ចពិសេស មានចំនួន១១ទីតាំង (៣កំពុងដំណើរការ និង៨ត្រៀមដំណើការ), អាកាសយានដ្ឋានអន្តរជាតិខេត្តព្រះសីហនុ, និងឆ្នេរសមុទ្រដ៏ស្រស់ស្អាត ដែលត្រូវបានប្រសិទ្ធនាមជា «តារារៈនាទិសនិរតី» ៕

The post ឈ្មោះក្រុងចាស់ ត្រូវបានរដ្ឋបាលខេត្តព្រះសីហនុសម្រេចជ្រើសរើសយកមកបង្កើតជាក្រុងថ្មី appeared first on .

បញ្ហាអគារជាប់គាំងនៅក្រុងព្រះសីហនុ កាលពីខែកក្កដា អាជ្ញាធរខេត្តបានជួបជាមួយតំណាងអ្នកវិនិយោគក្នុង ស្រុកនិងម្ចាស់ដីដែលបានជួលគម្រោងវិនិយោគឱ្យចិនដើម្បីពិភាក្សាអំពីវិបត្តិនេះ។ បើតាមអាជ្ញាធរខេត្ត អគារជាង ១ ០០០ ក្នុងក្រុងព្រះសីហនុ ត្រូវបានបោះបង់ចោលអស់រយៈ ពេលជាងពីរឆ្នាំមកហើយ។

ជុំវិញបញ្ហាវិបត្តិនេះដែរ លោក អ៊ឹម សេងហ៊ួរ នាយកប្រចាំតំបន់នៃក្រុមហ៊ុនអចនលទ្រព្យ Century 21 Zilllion Holding នៅខេត្តព្រះសីហនុ បានប្រាប់ខេមបូចា ដោយប៉ាន់ប្រមាណថា តម្លៃអគារដែលគេបោះបង់ចោលសរុបមានយ៉ាងហោចណាស់៥ពាន់លានដុល្លារ។ លោកបន្តថា ទោះបីជា គម្រោង មួយ ចំនួន បាន ចាប់ ផ្តើម ដំណើរការឡើង វិញ ជា បណ្តើរៗក៏ដោយ ម្ចាស់អចលនទ្រព្យជាច្រើនកំពុងជម្នះ ដោះស្រាយការខាតបង់ របស់ពួកគេ។

លោកបន្ថែមថា ៖ « យើងអាចនឹងពិបាកក្នុងការទាក់ទាញអ្នកវិនិយោគផ្សេងទៀតឱ្យមកជំនួសចិន ទោះបីអ្នក វិនិយោគក្នុងស្រុកខ្លះអាចនឹងទិញ ប៉ុន្តែពួកគេ ឱ្យក្នុង តម្លៃ ទាបជាងទីផ្សារ »។

យ៉ាងណា ទៅថ្ងៃអនាគត សំណង់អគារចិននៅក្រុងព្រះសីហនុនឹងទៅជាយ៉ាងណា? ឧកញ៉ា វណ្ណ សុខ ហេង ប្រធានសភាពាណិជ្ជកម្មខេត្តព្រះសីហនុ បានឆ្លើយតបប្រាប់លោក ពុយ គារ អ្នកឆ្លើយឆ្លងឱ្យទីភ្នាក់ងារសារព័ត៌មានជប៉ុនតុក្យូ យ៉ាងដូច្នេះថា៖ “និយាយទៅដូចជាអាក្រក់ស្តាប់បន្តិច ប៉ុន្តែខ្ញុំសូមនិយាយថា ក្រោយចប់កុងត្រាក្នុងរយៈពេល១០ទៅ២០ឆ្នាំទៀត អគារទាំងនោះនឹងទៅជារបស់ខ្មែរហើយ ព្រោះចិនមិនអាចលើក ឬរើអគារទាំងនោះទៅស្រុកចិនវិញបានទេ”។

នៅក្នុងសំណុំរឿងអគារជាប់គាំងនេះ កន្លងទៅ រដ្ឋបាលខេត្តព្រះសីហនុ កំពុងសហការជាមួយក្រសួងសេដ្ឋកិច្ចនិងហិរញ្ញវត្ថុ, អ្នកជំនាញផ្នែកអចលនទ្រព្យ, វិស័យធនាគារ, វិស័យឯកជន រួមទាំងភាគីពាក់ព័ន្ធផ្សេងៗទៀត ដើម្បីដោះស្រាយបញ្ហាជាប់គាំងនៃសំណង់អគារនៅក្រុងព្រះសីហនុ ដែលមានរហូតដល់ ១ ១៥០កន្លែង ឱ្យបានឆាប់រហ័ស។

សូមជម្រាបថា ខេត្តព្រះសីហនុ ត្រូវបានរដ្ឋាភិបាលដាក់ផែនការអភិវឌ្ឍតំបន់សមុទ្រមួយនេះ ឱ្យទៅជាតំបន់សេដ្ឋកិច្ចពិសេសគំរូពហុបំណង ដើម្បីឈានឱ្យក្លាយជាក្បាលម៉ាស៊ីនថ្មីមួយ សម្រាប់ជំរុញកំណើនសេដ្ឋកិច្ចជាតិ។ បន្ថែមទៀតនោះ ការអភិវឌ្ឍខេត្តនេះ គឺជាចំណែកមួយយ៉ាងធំ ដើម្បីសម្រេចឱ្យបាននូវចក្ខុវិស័យក្នុងការប្រែក្លាយកម្ពុជា ឱ្យទៅជាប្រទេសចំណូលមធ្យមកម្រិតខ្ពស់ នៅឆ្នាំ២០៣០ និងចំណូលខ្ពស់នៅឆ្នាំ២០៥០៕

The post អ្នកជំនួញ៖ តម្លៃអគារនៅក្រុងព្រះសីហនុដែលគេបោះបង់ចោលមានយ៉ាងហោចណាស់ ៥ពាន់លានដុល្លារ appeared first on .

បើតាមសម្តេច ហ៊ុន សែន ថវិកាដ៏ច្រើនសន្ធឹកសន្ធាប់សម្រាប់សាងសង់នេះ ក្រៅពីរាជរដ្ឋាភិបាលផ្តល់ចំនួន ៣១០ ៤៦៦ ២៧៦ ដុល្លារ ក៏មានការចូលរួមវិភាគទានពីអ្នកឧកញ៉ា ឧកញ៉ា រួមនឹងសប្បុរសជនក្នុងស្រុកមួយចំនួន។

លោក ជា សុផារ៉ា ឧបនាយករដ្ឋមន្រ្តី រដ្ឋមន្រ្តីក្រសួងរៀបចំដែនដី នគរូបនីយកម្ម និងសំណង់ បានលើកឡើងថា គម្រោងស្ថាបនាហេដ្ឋារចនាសម្ព័ន្ធផ្លូវក្រុង ចំនួន៣៧ខ្សែ នៅក្រុងព្រះសីហនុនេះ នឹងចូលរួមចំណែកក្នុងការអនុវត្តផែនការរៀបចំដែនដីខេត្ត ព្រះសីហនុ ចក្ខុវិស័យឆ្នាំ២០៣០ ក្នុងគោលបំណងធ្វើឱ្យខេត្តព្រះសីហនុក្លាយទៅជាប៉ូលអភិវឌ្ឍជាតិ ប្រកបដោយចីរភាព មជ្ឈមណ្ឌលកម្សាន្តជាតិ តាមរយៈការអភិវឌ្ឍទីក្រុងទំនើប និងការរៀបចំជាតំបន់សេដ្ឋកិច្ចពិសេសគំរូពហុបំណង មជ្ឈមណ្ឌលភស្តុភារកម្មជាតិ មជ្ឈមណ្ឌលកំណើនជាតិ និងជាមជ្ឈមណ្ឌលឧស្សាហកម្មបច្ចេកវិទ្យាទំនើប។

បើតាមលោក ជា សុផារ៉ា សមិទ្ធផលទាំងនេះនឹងចូលរួម សម្រួលលំហូរចរាចរណ៍ ទាក់ទាញទេសចរណ៍ជាតិ និងអន្តរជាតិ បង្កើតការងារធ្វើ បង្កើនប្រាក់ចំណូល ដល់ពលរដ្ឋ កាត់បន្ថយការធ្វើចំណាកស្រុក ធ្វើឱ្យប្រជាជនមានជីវភាពល្អប្រសើរមានសុខដុមក្នុងសង្គម។

សូមជម្រាបជូនថា៖ គម្រោងស្ថាបនាហេដ្ឋារចនាសម្ព័ន្ធផ្លូវក្នុងក្រុងចំនួន៣៧ខ្សែក្នុងខេត្តព្រះសីហនុ ត្រូវបានបើកការដ្ឋានសាងសង់កាលពីថ្ងៃទី១៦ ខែវិច្ឆិកា ឆ្នាំ២០១៩ ក្រោមវត្តមានសម្ដេចនាយករដ្ឋមន្ត្រី ហ៊ុន សែន មានប្រវែងសរុប៨៤គីឡូម៉ែត្រ និងមានផ្ទៃក្រឡាសរុប ១ ៤៧០ ៥១១ម៉ែត្រការ៉េ សាងសង់ដោយអង្គភាព និងក្រុមហ៊ុនចំនួន៨ ចែកចេញជាបីប្រភេទរួមមាន៖ មហាវិថីចំនួនបីខ្សែប្រវែង ២០,៨គីឡូម៉ែត្រ វិថីចំនួន១៥ខ្សែប្រវែង៥០,៣គីឡូម៉ែត្រ និងអនុវិថីចំនួន១៩ខ្សែប្រវែង១២,៨គីឡូម៉ែត្រ ខ្សែផ្លូវនីមួយៗធ្វើពីបេតុងសរសៃដែក ក្រាលដោយកម្រាលកៅស៊ូបេទីម មានបណ្ដាញលូទឹកភ្លៀង និងលូទឹកកខ្វក់ផ្សេងគ្នា ចិញ្ចើមផ្លូវមានខឿនថ្មក្រានីត ផ្លូវថ្មើរជើង ផ្លូវសម្រាប់ជនមានពិការភាព និងផ្លូវជិះ កង់ក្រាលថ្មក្រានីត ដោយបានគិតគូរតាមប្លង់នគរូបនីយកម្មហេដ្ឋារចនាសម្ព័ន្ធផ្លូវក្រុងដែលមានភាពចាំបាច់ ដើម្បីធ្វើឱ្យក្រុងព្រះសីហនុក្លាយជាទីក្រុងដែលមានចរាចរណ៍ល្អប្រសើរប្រកបដោយនិរន្តរភាព៕

The post ថវិកាជាង ៣០០លានដុល្លារ ក្រៅពីរាជរដ្ឋាភិបាល ក៏មានឧកញ៉ាចូលរួមសាងសង់គម្រោងផ្លូវក្រុងចំនួន ៣៧ខ្សែ នៅខេត្តព្រះសីហនុ appeared first on .

សូមចុច Subscribe Telegram oknha_news ដើម្បីទទួលបានព័ត៌មានគ្រប់​សកម្មភាព​ឧកញ៉ា​ អាជីវកម្ម ចែក​រំលែក ជោគជ័យ

លិខិតខាងលើបានបញ្ជាក់ថា គោលបំណងនៃចំណងមេត្រីភាពនេះ គឺដើម្បីបង្កើតភាពស្និតស្នាល និងបង្កើនកិច្ចសហប្រតិបត្តិការក្នុងការអភិវឌ្ឍលើគ្រប់វិស័យ ជាប្រយោជន៍ដល់ប្រជាជននៃប្រទេសទាំងពីរ។

សូមជម្រាបជូនថា ខេត្តហ៊ូប៉េ ជាមជ្ឈមណ្ឌលភូមិសាស្រ្តសេដ្ឋកិច្ច និងដឹកជញ្ជូនរបស់ចិន និងជាខេត្តដែលស្ថិតក្នុងផែនការអភិវឌ្ឍន៍ខ្សែក្រវ៉ាត់និងផ្លូវផងដែរ លើសពីនេះទៅទៀត ក្រុមហ៊ុនធំៗនៅខេត្តនេះបានមកធ្វើការវិនិយោគនៅកម្ពុជាលើវិស័យហេដ្ឋារចនាសម្ព័ន្ធ និងធនធានថាមពលជាដើម៕

The post ចិនស្នើសុំបង្កើតចំណងមេត្រីភាពរវាងខេត្តប៉ូលសេដ្ឋកិច្ចរបស់ខ្លួនជាមួយនឹងខេត្តកំពុងមានសក្តានុពលខ្លាំងចំនួន ៣ របស់កម្ពុជា appeared first on .

សូមចុច Subscribe Telegram oknha_news ដើម្បីទទួលបានព័ត៌មានគ្រប់​សកម្មភាព​ឧកញ៉ា​ អាជីវកម្ម ចែក​រំលែក ជោគជ័យ

នៅក្នុងកិច្ចព្រមព្រៀងទិញលក់ អ្នកទិញត្រូវបានបង់ប្រាក់ចំនួន ៤,២ លានដុល្លារអាមេរិក ជាថ្លៃកក់ ហើយនឹងបន្តបង់តាមដំណាក់កាលដែលមានចែងក្នុ្ងងកិច្ចសន្យា។ ក្រៅពីការបង់ប្រាក់ឱ្យគ្រប់តាមតម្លៃ អ្នកទិញក៏ត្រូវតែទទួលខុសត្រូវ លើការបង់ពន្ធប្រថាប់ត្រាក្នុងការផ្ទេរកម្មសិទ្ធអចលនទ្រព្យ ក៏ដូចជាពន្ធផ្សេងៗ ផងដែរ។

construction-property បានឲ្យដឹងថា ក្រុមហ៊ុន Hong Lai Huat Group បានប្រកាសលក់សណ្ឋាគារ D’Seaview ជាលើកដំបូងក្នុងតម្លៃ ១៥,៧ លានដុល្លារអាមេរិក កាលពីខែមីនាឆ្នាំ ២០១៨ ។ ក្រោយមក ក្នុងខែធ្នូឆ្នាំដដែល ក្រុមហ៊ុនសម្រេចបញ្ឈប់កិច្ចព្រមព្រៀងទិញលក់ ដោយបញ្ជាក់ថាភាគីអ្នកទិញមិនបានគោរពទៅតាមកិច្ចសន្យា។ 

មានទីតាំងប្រមាណមួយគីឡូម៉ែត្រពីឆ្នេរសុខា និងមានសរុបចំនួន ៩៨ បន្ទប់ សណ្ឋាគានេះគឺជាផ្នែកមួយនៃគម្រោង D’Seaview ដែលជាគម្រោងប្រភេទ Freehold ជាលើកដំបូងរបស់ក្រុមហ៊ុន HLH Group នៅកម្ពុជា។ គម្រោងមានជាប្រភេទលំនៅដ្ឋានចំនួន ៧៣៧ យូនិត និងប្រភេទអគារពាណិជ្ជកម្មចំនួន ៦៧ យូនិតដែលមានផ្ទៃក្រឡា Freehold សរុប ២២.០៦៤ ម៉ែត្រការ៉េ៕

The post ក្រុមហ៊ុនអចលនទ្រព្យរបស់ប្រទេសសិង្ហបុរី HLH Group ប្រកាសលក់គម្រោងសណ្ឋាគារដ៏ធំនៅទីក្រុងព្រះសីហនុ appeared first on .

តាម​រយៈ​បណ្តាញសង្គម​ហ្វេស​បុក​សម្តេចតេជោ​ ហ៊ុន សែន​ បាន​​លើក​ឡើង​ថា​ ការសាងសង់ “ ផ្លូវល្បឿនលឿនភ្នំពេញ–ព្រះសីហនុ” គឺកំពុងដំណើរការយ៉ោងសកម្ម ដែលមកទល់ខែធ្នូ ២០១៩ នេះគឺសម្រេចបានជាង ៧% ហើយ ដែលគ្រោងសាងសង់អោយរួចជាស្ថាពរនៅឆ្នាំ ២០២២ មុនប្រារព្ឋបើកកីឡាស៊ីហ្គេម (Sea Games)ជាប្រវត្តិសាស្រ្តនៅកម្ពុជាក្នុងឆ្នាំ ២០២៣។​

ការសាងសង់បណ្តាញផ្លូវល្បឿនលឿន (Expressway)​នេះគឺនឹងជួយពង្រឹងសមត្ថភាព​បណ្តាញ​ផ្លូវនៅកម្ពុជា ព្រោះផ្លូវល្បឿនលឿនអាចបម្រើសេវាកម្មដឹកជញ្ជូន​បានល្អលឿនរហ័សទាន់​ពេលនិង​ចំណេញ​ពេលវេលាដឹកជញ្ជូនជាងផ្លូវធម្មតា ដែលជាមូលដ្ឋានដ៏សំខាន់បំផុតសម្រាប់បម្រើអោយ​វិស័យឧស្សាហកម្មទំនើបៗ និងសកម្មភាពដឹកជញ្ជូនធន់ធ្ងន់ក្នុងកម្រិតអន្តរជាតិផងដែរ។

ការសាងសង់ផ្លូវល្បឿនលឿននៅកម្ពុជា (Expressway) គឺស្របទៅនឹងសមាហរណកម្ម​ក្នុងតំបន់​ទាំង​ក្នុងអាស៊ាន និងមហាអនុតំបន់ទន្លេមេគង្គ នឹងពិភពលោកទាំងមូល ដែលនឹងជួយ​តភា្ជប់​បណ្តាញ​ដឹកជញ្ជូនក្នុងតំបន់ពីប្រទេសមួយទៅប្រទេសមួយទៀត និងជាការលើកកម្ពស់សមត្ថភាព​ដឹកជញ្ជូនកម្ពុជាឲ្យសមស្របទៅតាមការអភិវឌ្ឍបែបសាកលភាវូបនីយកម្ម ព្រមទាំងជួយបង្កើននូវ​តុល្យភាពនៃការអភិវឌ្ឍដែនដី ដោយផ្សារភ្ជាប់រាជធានីភ្នំពេញជាមួយនឹងទីរួមខេត្តនានា និងជាមាគ៌ា​ដ៏សំខាន់ឆ្ពោះទៅកាន់ពិភពលោកទៀតផង។

The post សម្តេច​តេជោ​៖ ផ្លូវ​ល្បឿន​លឿន​​ភ្នំពេញ​-ព្រះសីហនុ នឹង​រួចរាល់​ជា​ស្ថាពរ​​នៅ​​ឆ្នាំ​២០២២​ appeared first on .

ការ​សម្អាត​គំនរកំប្លោក​ខាងលើ​នេះ ធ្វើ​ឡើង​ដោយ​រដ្ឋបាល​ខេត្ត​ព្រះសីហនុ មន្ទីរ​ទេសចរណ៍ មន្ទីរ​បរិស្ថាន ក្រុម​ហ៊ុន​សម្រាម KSWM ក្រុមហ៊ុន​ប្រមូល​សំណល់​សំណង់ សង្កាត់ទាំង៤ និង​អាជីវករ​លក់ដូរ​សរុប​ជាង ២០០នាក់ បាន​​ចុះ​សម្អាត​គំនរកំប្លោក​​នៅឆ្នេរអូឈើទាល ស្ថិត​នៅ​ក្នុង​ភូមិ៤ សង្កាត់លេខ៤ ក្រុងព្រះសីហនុ។ នេះ​បើ​តាម​ការ​ឲ្យ​ដឹង​ពី លោក​ ​លឹម ភត្រី​ ​មន្ដ្រី​រដ្ឋបាល​ក្រុង​ព្រះ​សីហនុ​ទទួល​បន្ទុក​រដ្ឋបាល​សាធារណៈ​ ​និង​បរិស្ថាន​ ដែល​បាន​ឆ្លើយឆ្លង​តាម​សារអេឡិចត្រូនិច។

បើទោះបីជា​យ៉ាងណា លោក លឹម ភត្រី បាន​ឲ្យ​ដឹង​ថា តួលេខ​នៃ​ការប្រមូល​គំនរកំប្លោក​ព្រឹក​នេះ ប៉ុន្មា​ន​តោន នៅ​មិនទាន់​ដឹង​នៅឡើយព្រោះកំពុង​ប្រតិបត្តិការនៅឡើយ ហើយ​កំប្លោក ដែល​ប្រមូល​បាន​នឹង​យក​ទៅ​ចាក់ចោល​នៅទីតាំង​ចាក់​សម្រាម។

គេនៅចាំបាន​ថា កាលពី​ឆ្នាំ​២០១៨​កន្លង​ទៅ កំប្លោក​បាន​រសាត់​តាមសមុទ្រ មក​ទើតាមឆ្នេរ​មួយចំនួន​ ដូចជា​ឆ្នេរអូ​ឈើទាល និង​ឆ្នេរអូរត្រេះ ជាដើម។ ប្រភព​កំប្លោក​ដែល​រសាត់​មក​ឆ្នេរខ្មែរ​នាពេល​នោះ ត្រូវបាន​អតីតភិបាលខេត្ត​ព្រះសីហនុ​ ឯកឧត្តម យន្ត មីន បញ្ជាក់​ថា ប្រភព​មក​ពី​ប្រទេស​ជិតខាង៕

ប្រភព៖ រដ្ឋបាល​ក្រុងព្រះសីហនុ

The post គំនរកំប្លោក​រសាត់​តាម​ទឹក​សមុទ្រ ជាច្រើន អាជ្ញាធរខេត្តព្រះសីហនុ នាំគ្នាសម្អាត appeared first on .

ខ្មែរ​ថាម​ន៍​:​ ​លោក​និយាយ​ថា​ ​លោក​ចាប់អារម្មណ៍​នឹង​ប្រទេស​កម្ពុជា​ ​ហើយ​ចង់​វិនិយោគ​នៅក្នុង​ប្រទេស​នេះ​។​ ​តើ​អ្វីទៅ​ជា​ផែនការ​ជាក់លាក់​របស់​លោក?​ ​តើ​តំបន់​ណា​ដែល​លោក​គ្រោង​នឹង​ធ្វើការ​វិនិយោគ​?​
​
​លោក​ ​Xue​:​ ​ខ្ញុំ​មក​ទីនេះ​កាលពី​ឆ្នាំមុន​ដើម្បី​ចូល​រួម​សន្និ​សិ​ទស្ដី​ពី​ប្រព័ន្ធ​ ​blockchain​ ​ហើយ​ខ្ញុំ​ក៏បាន​ស្រលាញ់​ប្រទេស​កម្ពុជា​ចាប់ពី​ពេលនោះ​។​ ​ខ្ញុំ​បាន​ត្រលប់​មកកាន់​ទីនេះ​ ​១១​ ​ដង​ ​ហើយ​ខ្ញុំ​បាន​ស្នាក់នៅ​ទីនេះ​អស់​រយៈពេល​បួន​ខែ​មក​ហើយ​ដែរ​។​ ​
​
​ខ្ញុំ​បាន​ជ្រើសរើស​ខេត្ត​ព្រះសីហនុ​ជា​កន្លែង​ចាប់ផ្ដើម​ដំបូង​របស់ខ្ញុំ​។​ ​យើង​នឹង​ចាប់ផ្តើម​វិនិយោគ​ជាមួយ​វិស័យ​ដី​ផ្លី​ ​និង​អចលនទ្រព្យ​។​ ​ខ្ញុំ​បាន​ទិញ​ដី​ទំហំ​ ​១ពាន់​ ​ហិ​ក​តា​នៅ​រាម​ ​ក្បែរ​ព្រលា​នយន្ត​ហោះ​ខេត្ត​ព្រះសីហនុ​។​ ​ខ្ញុំ​ក៏បាន​ជួល​ដី​ទំហំ​ ​៤ពាន់​ ​ហិ​ក​តា​ ​ក្នុងរយៈពេល​ ​១០០​ ​ឆ្នាំ​ ​នៅ​ឯ​កន្លែង​មួយ​ដែល​ជា​តំបន់​អភិរក្ស​ព្រៃឈើ​ជាតិ​ ​ស្ថិតនៅ​ក្បែរ​ព្រលា​នយន្​ត​ហោះ​ផង​ដែរ​។​ ​ទីតាំង​នេះ​មានក្រឡាផ្ទៃ​ទំហំ​ ​៨​ ​គីឡូម៉ែត្រ​ការ៉េ​ ​ដែល​មាន​ទំហំ​ធំជាង​ ​ក្រុង​ម៉ាកាវ​ដល់ទៅ​ ​១៥ដង​។​

​យើង​នឹង​សាងសង់​ក្រុង​ព្រះសីហនុ​ថ្មី​។​ ​យើង​មាន​គម្រោង​សាងសង់​កាស៊ីណូ​ ​មជ្ឈមណ្ឌល​កំសាន្ត​ ​និង​មជ្ឈមណ្ឌល​តាំង​បង្ហាញ​ទំនិញ​។​ ​យើង​នឹង​សាងសង់​ជា​ផ្ទះ​វីឡា​ ​ទីលាន​វា​យកូនហ្គោល​ ​សួនសត្វ​ ​ផ្ទះ​លម្ហែ​កាយ​សម្រាប់​ប្រជាជន​ក្នុង​តំបន់​ ​និង​ផ្ទះ​សម្រាប់​ជនជាតិ​ចិន​ចូលនិវត្តន៍​ ​ក្នុង​មានតម្លៃ​សមរម្យ​។​ ​ក៏​នឹង​មាន​សង់​តំបន់ឧស្សាហកម្ម​មួយ​ ​សម្រាប់​ជនជាតិ​ចិន​អាចប​ង្កើត​រោងចក្រ​ពួកគេ​បាន​ផង​ដែរ​៕

ប្រភព៖www.khmertimeskh.com​

The post កំពូលមហាសេដ្ឋី​ចិន ​នឹង​អភិវឌ្ឍ​តំបន់​ឧទ្យានជាតិ​រាម ​ជា​ក្រុង​ព្រះសីហនុ​ថ្មី appeared first on .