យ៉ាងណា​ គេ​ជឿ​ថា​ហេតុផល​មួយ​ក្នុង​ចំណោម​ហេតុផល​ច្រើន​ទៀត ដែល​នាំ​ឲ្យ​ក្រុម​តាលីបង់​អាច​វាយ​ដណ្ដើម​រដ្ឋធានី​ជោគជ័យ​បែបនេះ គឺ​ដោយសារ​ចំណូល​នៃ​ក្រុម​មួយ​នេះ គឺ​មាន​ច្រើន​ជាង​ ក្រសួង​ការពារ​ជាតិ​នៃ​ផ្ទៃ​ប្រទេស​ដល់ទៅ ៣ ដង​ឯណោះ ជា​ហេតុ​នាំឲ្យ​ក្រុម​ភេរវករ​នេះ​មាន​សព្វាវុធ​ទំនើបៗ​ជាង​កងទ័ព​អាហ្វហ្គានីស្ថាន។

កាលពី​ឆ្នាំ ២០១៦ តាលីបង់​ត្រូវ​បាន Forbes ចាត់ទុក​ជា​ក្រុម​ភេរវករ​មាន​បំផុត​ទី ៥ ដែល​កាលនោះ​ចំណូល​ប្រចាំឆ្នាំ​របស់​ពួកគេ​គឺ​ប្រមាណ ៤០០ លាន​ដុល្លារ តែ​ ៥ ឆ្នាំ​ក្រោយ តាលីបង់​ក្លាយជា​ក្រុម​ភេរវករ​មាន​បំផុត​ទី ២ លើ​ពិភពលោក​ជាមួយ​ប្រាក់ចំណូល​ប្រចាំឆ្នាំ​ ១,៦ ពាន់​លាន​ដុល្លារ​ច្រើនជាង​មុន​ដល់ទៅ ៤០០%។ នេះ​បើ​តាម​របាយការណ៍​ពី​អង្គការ NATO។

ត្រឹម​ជា​ក្រុម​ឧទ្ទាម​មួយ​ក្រុម​សោះ ហេតុអ្វី​មាន​លុយ​ច្រើន​ម្លឹងៗ? ប្រភព​ចំណូល​ធំៗ​របស់​ក្រុមតាលីបង់​ដូច​តទៅ៖

• ទទួល​បាន​ពី​ការ​ជីក​រ៉ែ​ ៤៦៤ លាន​ដុល្លារ
• ទទួល​បាន​ពី​ការ​លក់​គ្រឿងញៀន ៤១៦ លាន​ដុល្លារ
• ទទួល​បាន​ពី​ការ​ឧបត្ថម្ភ​ក្រៅ​ប្រទេស ២៤០ លាន​ដុល្លារ
• ទទួល​បាន​ពី​ការ​នាំចេញ​ ២៤០ លាន​ដុល្លារ
• ទទួល​បាន​ពី​ការ​បង់ពន្ធ​ ឬ​ថ្លៃ​ការពារ​តាម​តំបន់ ១៦០ លាន​ដុល្លារ
• ទទួល​បាន​ពី​វិស័យ​អចលនទ្រព្យ ៨០ លាន​ដុល្លារ

បញ្ជាក់​ថា​ កាលពី​ឆ្នាំ ២០២០ រាជរដ្ឋាភិបាល​ប្រទេស​អាហ្វហ្គានីស្ថាន​មាន​របាយការណ៍​ប្រាក់ចំណូល​រហូត​ដល់ ៥,៥ ពាន់​លាន​ដុល្លារ តែ​ពួកគេ​ចំណាយ​ត្រឹម ២%​ នៃ​ចំនួន​ទាំងអស់​នោះ​ទៅកាន់​ក្រសួង​ការពារ​ជាតិ​ប៉ុណ្ណោះ ខុសប្លែក​ពី​តាលីបង់ ចំណូល​របស់​ពួកគេ​ទាំង​ប៉ុន្មាន​ គឺ​បែងចែក​ជា​ធំ​ទៅ​ផ្នែក​សព្វាវុធ។

ប្រភព: indiatoday

The post មក​ដឹង​ពី​ប្រភព​ចំណូល​របស់​ក្រុម​តាលីបង់​ ​ជា​ក្រុម​ភេរវករ​មាន​បំផុត​ទី ២ លើ​លោក ​ appeared first on .