ក្រុមបាល់ទាត់ជម្រើសជាតិកម្ពុជា

បើកឆាកពានរង្វាន់ សម្ដេចក្រឡាហោម ក្រុមឧកញ៉ា ភួ វាសនា បំប៉ោងសំណាញ់ទីក្រុម ស.ស.យ.ក បាត់ដំបង ដោយលទ្ធផល ៣-២

អ្នកឧកញ៉ាវត្តភ្នំ — Sun, 30 Oct 2022 09:56:55 +0000

កាលពីរសៀលថ្ងៃទី២៩ ខែតុលា ២០២២ ក្រុមកីឡាករបាល់ទាត់ឆ្នើម ដែលដឹកនាំដោយ ឧកញ៉ា ភួ វាសនា អនុប្រធានសភាពាណិជ្ជកម្មកម្ពុជា និងជាប្រធានសភាពាណិជ្ជកម្មខេត្តបាត់ដំបង បានយកឈ្នះក្រុមគណៈអធិបតី ស.ស.យ.ក ខេត្តបាត់ដំបង ដោយលទ្ធផល ៣-២ ក្នុងការប្រកួតបើកឆាក កីឡាបាល់ទាត់ពានរង្វាន់ សម្ដេចក្រឡាហោម ស ខេង ខេត្តបាត់ដំបង។

ការប្រកួតកីឡាពានរង្វាន់ សម្ដេចក្រឡាហោម ស ខេង ខេត្តបាត់ដំបង នេះដែរ ត្រូវបានរៀបចំឡើងដោយសហភាពសហព័ន្ធយុវជនកម្ពុជាខេត្តបាត់ដំបងក្រោមអធិបតីភាព ឯកឧត្តម សុខ លូ អភិបាលនៃគណ:អភិបាលខេត្តបាត់ដំបង និងឯកឧត្តម ស រដ្ឋា ប្រធានសហភាពសហព័ន្ធយុវជនកម្ពុជាខេត្តបាត់ដំបង នៅបរិវេនទីលានបាល់ទាត់សកលវិទ្យាល័ជាតិបាត់ដំបង។

ពានរង្វាន់សម្ដេចក្រឡាហោម ស ខេង រៀបចំឡើង ក្នុងគោលបំណងលើកស្ទួយវីស័យកីឡានៅកម្ពុជា ជាពិសេសនៅខេត្តបាត់ដំបងផ្ទាល់តែម្ដង។ សម្រាប់ការប្រកួតឆ្នាំ២០២២ នេះ ប្រារព្ធឡើងនៅក្នុងកីឡដ្ឋាន សាកលវិទ្យាល័យជាតិបាត់ដំបង ដែលមានកីឡាករ ចូលរួមចំនួន៨៥០នាក់ចូលរួមប្រកួត ចាប់ពីថ្ងៃទី២៩ ខែតុលា ដល់ថ្ងៃទី២៩ ខែវិឆ្ឆិកា ឆ្នាំ២០២២ ដោយមានបញ្ចូលវិញ្ញាសាកីឡាចំនួន ៣ រួមមាន៖ វិញ្ញាសាបាល់ទាត់ វិញ្ញាសាវាយសី និងវិញ្ញាសាប៉េតង់។

ដោយឡែកសម្រាប់វិញ្ញាសាបាល់ទាត់ មានក្រុមចូលរួមប្រកួត សរុបចំនួន ៣៧ក្រុម។ សម្រាប់ម្ចាស់ជ័យលាភីលេខ១ នឹងទទួលបានប្រាក់រង្វាន់ចំនួន ៦លានរៀល លេខ២ ទទួលបាន ៤លានរៀល និងជយលាភីលេខ៣ ទទួលបាន ៣លានរៀល៕

The post បើកឆាកពានរង្វាន់ សម្ដេចក្រឡាហោម ក្រុមឧកញ៉ា ភួ វាសនា បំប៉ោងសំណាញ់ទីក្រុម ស.ស.យ.ក បាត់ដំបង ដោយលទ្ធផល ៣-២ appeared first on .

អ្នកចាត់ការក្រុមជម្រើសជាតិកម្ពុជា Keisuke Honda ត្រៀមកាដូឆ្នាំថ្មីជាពិសេស សម្រាប់ប្រជាជនកម្ពុជា

ឧកញ៉ាសំពៅ — Fri, 31 Dec 2021 09:51:04 +0000

ដូចបានដឹងរួចមកហើយថា លោក Keisuke Honda ដែលជាកីឡាករបាល់ទាត់ជនជាតិជប៉ុនបានលះបង់ទាំងពេលវេលា និងកម្លាំងកាយដើម្បីមកជួយបង្វឹក និងពង្រឹងសមត្ថភាពនៃវិស័យកីឡាបាល់ទាត់របស់ប្រទេសកម្ពុជា ដោយលោកបានស្ម័គ្រខ្លួនធ្វើជាអ្នកចាត់ការក្រុមជម្រើសជាតិកម្ពុជាផ្ទាល់។

ថ្វីបើតាំងពីកាន់តំណែងជាគ្រូបង្វឹកអ្នកចាត់ការក្រុមជម្រើសជាតិតាំងពីឆ្នាំ ២០១៨ មកទល់ពេលនេះ ជ័យជម្នះហាក់មានមិនសូវច្រើនក្ដី តែបើក្រឡេកទៅមើលស្ថានភាពនៃក្រុមវិញ គឺហាក់មានការរីកចម្រើនច្រើន ធៀបនឹងអតីតកាល។

ទន្ទឹមនឹងនោះ កាលពីពេលថ្មីៗនេះ យោងតាមការបង្ហោះសារនៅលើគេហទំព័រ Facebook ផ្លូវការរបស់អតីតកីឡាករ AC Milan ខាងលើ គឺលោកបានបង្ហើបថា នៅឆ្នាំ ២០២២ ខាងមុខ លោកមានគម្រោងចង់ជួយដល់ប្រព័ន្ធអប់រំនៃប្រទេសកម្ពុជាបន្ថែមទៀត ក្រៅពីវិស័យកីឡាបាល់ទាត់។

លោកសង្ឃឹមទៀតថា គម្រោងការមួយនេះនឹងអាចជួយដល់ប្រជាជនកម្ពុជាបានច្រើន ជាពិសេសគឺជាឱកាសយ៉ាងពិសេសសម្រាប់ក្មេងៗខ្មែរ។

បញ្ជាក់ដែរថា កីឡាករបាល់ទាត់វ័យ ៣៥ ឆ្នាំ ធ្លាប់បានសន្យាថានឹងជួយអភិវឌ្ឍន៍ក្រុមជម្រើសជាតិកម្ពុជាដោយមិនទទួលប្រាក់ខែសូម្បីមួយកាក់មួយសេន ដោយគិតតែថ្លៃរ៉ាប់រងលើការធ្វើដំណើរមកដឹកនាំក្រុមរបស់លោកម្ដងម្កាលតែប៉ុណ្ណោះ៕

ប្រភព: Facebook

The post អ្នកចាត់ការក្រុមជម្រើសជាតិកម្ពុជា Keisuke Honda ត្រៀមកាដូឆ្នាំថ្មីជាពិសេស សម្រាប់ប្រជាជនកម្ពុជា appeared first on .

ចាន់ វឌ្ឍនាកា និងសមាជិក៥នាក់ទៀតនៃក្រុមបាល់ទាត់ជម្រើសជាតិវិជ្ជមានកូវីដ១៩?

អ្នកឧកញ៉ាវត្តភ្នំ — Thu, 14 Oct 2021 05:51:50 +0000

តាមរយៈការ live ពីក្រុមកាងារជម្រើសជាតិឱ្យដឹងថា សមាជិកមួយចំនួននៃក្រុមជម្រើសជាតិកម្ពុជា បានវិជ្ជមានកូវីដ១៩ អំឡុងការប្រកួតនៅ ប៉ារ៉ែន។ កីឡាករដែលបាន ធ្វើតេស្តឃើញវិជ្ជមានកូវីដ ទាំង៦នាក់ រួមមាន៖ លោក គួច សុកុម្ភៈ, សឿយ វិសាល, សារ៉េត គ្រីយ៉ា, កែវ សុខសិលា, អ៊ាន ពិសី និងចាន់ វឌ្ឍនាកា។

គួរបញ្ជាក់ដែរថា ក្នុងការប្រកួតជើងទី២ តទល់ កោះហ្គាំ កាលថ្ងៃទី១២តុលា កន្លងទៅនេះ គេមិនបានឃើញកីឡាករបាលទាត់ជម្រើសជាតិកម្ពុជា មួយចំនួនបង្ហាញខ្លួនលើវាលស្មៅទេ ហើយនេះទំនង ដោយសារកីឡាករមួយចំនួនបានឆ្លង និងមួយចំនួនទៀត បានជាប់ពាក់ព័ន្ធដែលត្រូវដាក់ដោយឡែក៕

រូបភាព៖ ពីផេក Chan Vathanaka CV11

The post ចាន់ វឌ្ឍនាកា និងសមាជិក៥នាក់ទៀតនៃក្រុមបាល់ទាត់ជម្រើសជាតិវិជ្ជមានកូវីដ១៩? appeared first on .

ក្រុមបាល់ទាត់ជម្រើសជាតិកម្ពុជា

បើកឆាកពានរង្វាន់ សម្ដេចក្រឡាហោម ក្រុមឧកញ៉ា​ ភួ​ វាសនា​ បំប៉ោងសំណាញ់ទីក្រុម ស.ស.យ.ក​ បាត់ដំបង ដោយលទ្ធផល ៣-២

អ្នកចាត់ការ​ក្រុមជម្រើសជាតិ​កម្ពុជា Keisuke Honda ត្រៀម​កាដូ​ឆ្នាំ​ថ្មី​ជាពិសេស សម្រាប់​ប្រជាជន​កម្ពុជា

ចាន់ វឌ្ឍនាកា និងសមាជិក៥នាក់ទៀតនៃក្រុមបាល់ទាត់ជម្រើសជាតិវិជ្ជមានកូវីដ១៩?

បើកឆាកពានរង្វាន់ សម្ដេចក្រឡាហោម ក្រុមឧកញ៉ា ភួ វាសនា បំប៉ោងសំណាញ់ទីក្រុម ស.ស.យ.ក បាត់ដំបង ដោយលទ្ធផល ៣-២

អ្នកចាត់ការក្រុមជម្រើសជាតិកម្ពុជា Keisuke Honda ត្រៀមកាដូឆ្នាំថ្មីជាពិសេស សម្រាប់ប្រជាជនកម្ពុជា