ព្រឹត្តិកាណ៍ដ៏អស្ចារ្យនេះ ធ្វើឡើងក្រោមអធិបតីភាពសម្តេចហាបវរធិបតី ហ៊ុន ម៉ាណែត នាយករដ្ឋមន្រ្តីនៃព្រះរាជាណាចក្រកម្ពុជា ព្រមទាំងមានកីឡាករល្បីៗរួមមាន ក្រុមបាល់ទាត់គុនខ្មែរ ក្រុមបាល់ទាត់ថ្នាក់ដឹកនាំ សសយក និងក្រុមតារាបាល់ទាត់កម្ពុជា ផងដែរ ដែលមានតារាចម្រៀងល្បីឈ្មោះប្រចាំនៅក្នុងផលិតកម្ម Galaxy Navatra លោក ខេម គឺជាប្រធានក្រុម ។

ការរៀបចំព្រឹត្តិការណ៍បាល់ទាត់មិត្តភាពនេះ ក្នុងគោលបំណងដើម្បីចូលរួមរំលឹកខួបទិវាសន្តិភាពនៅកម្ពុជាប្រវត្តិសាស្រ្ត និងធ្វើការផ្សព្វផ្សាយលើកស្ទួយវិស័យកីឡាបាល់ទាត់នៅកម្ពុជាក្រោមដំបូលសន្តិភាព។

សូមបញ្ជាក់ថា កម្មវិធីព្រឹត្តិការណ៍បាល់ទាត់មិត្តភាព ដើម្បីអបអរសាទរ ទិវាសន្តិភាពនៅកម្ពុជា ធ្វើឡើងនៅពហុកីឡដ្ឋានមរតកតេជោ ដែលមានទីតាំងនៅលើវិថីឈ្នះឈ្នះ សង្កាត់បាក់ខែង ខណ្ឌជ្រោយចង្វា ចាប់ពីម៉ោង២រសៀល ដល់ម៉ោង៨យប់។

ព្រឹត្តិការណ៍នេះ មានការប្រកួតចំនួន២គូ ដោយគូទី១ ក្រុមបាល់ទាត់គុនខ្មែរប្រកួតជាមួយក្រុមបាល់ទាត់ តារាកម្ពុជា និងគូទី២ ក្រុមបាល់ទាត់ ស.ស.យ.ក.ប្រកួតជាមួយក្រុមបាល់ទាត់តារាកម្ពុជា និងគ្រោងមានអ្នកចូលរួមប្រមាណ៤ម៉ឺន ទៅ៥ម៉ឺននាក់។

គួររម្លឹកថា កាលពីថ្ងៃទី១ឧសភា ឆ្នាំ២០២៤ កម្ពុជាបានរៀបចំព្រឹត្តិការណ៍កីឡាបាល់ទាត់មិត្តភាពសម្បុរធម៌ ក្រោមអធិបតីភាព សម្ដេចតេជោ ហ៊ុន សែន ប្រធានព្រឹទ្ធសភា ក្រោមមូលបទ «រួមគ្នាដើម្បីសប្បុរសធម៌ និងប្រយុទ្ធប្រឆាំងគ្រឿងញៀន» បានទទួលថវិកាពីសប្បុរសជនទាំងអស់សរុប ជាង៥លានដុល្លារ។

ថវិកាទាំងនេះត្រូវបានបែងចែកសម្រាប់មន្ទីរពេទ្យកុមារអង្គរចំនួន ៥០០ ០០០ ដុល្លារ មជ្ឈមណ្ឌលព្យាបាលកុមារបេះដូងជប៉ុនចំនួន ៣០០ ០០០ដុល្លា គ្រួសារយុទ្ធជនពលី ២០ គ្រួសារចំនួន ២០០ ០០០ដុល្លារ ដែលសរុបមាន ១ ០០០ ០០០ ដុល្លារ។ ក្រៅពីនោះមន្ទីរពេទ្យគន្ធបុប្ផានិងទទួលបានថវិកាចំនួន ៤ ០០១ ២៥០ដុល្លារជាបណ្តោះអាសន្ន៕

https://www.facebook.com/share/v/hHhqfH1hqa9p68n6/?mibextid=wwXIfr

The post ក្រុមបាល់ទាត់តារាកម្ពុជា ត្រៀមប្រកួតឈុតធំ ក្រោមវត្តមាន ក្រោមអធិបតីភាពសម្តេចហាបវរធិបតី ហ៊ុន ម៉ាណែតនៅថ្ងៃទី២៩ ធ្នូខាងមុខ appeared first on .

តារាចម្រៀងលោក ខេម ដែលជាប្រធានក្រុម បាល់ទាត់តារាកម្ពុជា បាននិយាយថា « រថយន្តសម្រាប់ដឹកកីឡាករបាល់ទាត់តារាកម្ពុជាក្នុងការងារសង្គមនិងការងារសប្បុរសធម៌ដែល ដែលជាអំណោយដ៏ថ្លៃថ្លាឧបត្ថម្ភដោយសម្ដេចអគ្គមហាសេនាបតីតេជោ ហ៊ុន សែន ។ គោរពជូនពរសម្ដេចពុកសម្ដេចម៉ែនិងក្រុមគ្រួសារទទួលបាននូវសេចក្តីសុខសាន្ត សុខភាពល្អបរិបូរណ៍ ព្រះជន្មាយុយឺនយូរជាម្លប់សម្រាប់កូនចៅរហូតតទៅ ។ ពួកយើងនឹងនៅតែបន្តគ្រប់ការងារសកម្មភាពសង្គមនិងការងារសប្បុរសធម៌ ដើម្បីសង្គមជាតិ និងដើម្បីប្រទេសកម្ពុជា ចូលរួមលេងកីឡាដើម្បីជាសឆ្ងាយពីគ្រឿងញៀន ដើម្បីសុខភាពកីឡារស់ក្នុងសន្តិភាព » ។

ព្រឹត្តិការណ៍បាល់ទាត់មិត្តភាពរវាង ក្រុមបាល់ទាត់ តារាកម្ពុជា និងក្រុមកីឡាករថ្នាក់ដឹកនាំខេត្តកំពត  ក្រោមប្រធានបទ « រួមគ្នាំគាំទ្រគម្រោងព្រែកជីកហ្វូណនតេជោ » បានបញ្ចប់ទៅដោយជោគជ័យ បើទោះបីជាខាងក្រុម បាល់ទាត់តារាកម្ពុជា បានចាញ់ ខាង ក្រុមកីឡាករថ្នាក់ដឹកនាំខេត្តកំពត ក្តី ប៉ុន្តែមានអ្នចូលរួមទស្សនារហូតដល់ទៅរាប់ម៉ឺននាក់ ដើម្បីផ្តល់ជាកម្លាំងចិត្តដល់កីឡាករទាំងអស់ ៕

The post ក្រុមបាល់ទាត់តារាកម្ពុជា ទទួលអំណោយរថយន្តក្រុងយ៉ាងស្រស់ស្អាតពីសម្តេចតេជោ ហ៊ុន សែន ដើម្បីចូលរួមការងារសប្បុរសធម៌ ! appeared first on .

លោក ខេម និងក្រុមបាល់ទាត់ តារាកម្ពុជា បានត្រៀមខ្លួនរួចរាល់ហើយសម្រាប់ការប្រកួតព្រឹត្តិការណ៍បាល់ទាត់បរិស្ថានបៃតង ក្រោមមូលបទ « កម្ពុជាស្អាត និងសប្បុរសធម៌ » ។ លោក ខេម ប្រធានក្រុមបាល់ទាត់ តារាកម្ពុជា បាននិយាយថា អ្នកត្បូងឃ្មុំ ចាំទទួលពួកយើងផង ថ្ងៃទី០៥.០៦.២០២៤ ប្រកួតបាល់ទាត់សប្បុរសធម៌ក្រោមមូលបទ កម្ពុជាស្អាត និងសប្បុរសធម៌ ប្រទេសស្អាតបរិស្ថានស្អាតគឺផ្ដើមចេញពីយើងទាំងអស់គ្នា។

ក្រុមបាល់ទាត់ តារាកម្ពុជា កាន់តែល្បីឈ្មោះបន្ទាប់ពី ប្រកូតបាល់ទាត់សប្បុរសធម៌ដែលរកថវិកាបានរាប់លានដុល្លារ កាលពីដើមខែឧសភា កន្លងមកនេះ។

លោក ខេម បានអំពាវនាវឱ្យបងប្អូនប្រជាជននៅក្នុងខេត្តត្បូងឃ្មុំចូលរួមគាំទ្រការប្រកួតនោះឱ្យបានច្រើន ពីព្រោះការប្រកួតនោះពុំមានការលក់សំបុត្រនោះទេ គឺទស្សនិកជនអាចចូលរួមទស្សនាដោយសេរី នៅទីលានបាល់ទាត់វិទ្យាល័យពញ្ញាក្រែក។

សម្រាប់ការប្រកួតនេះ លោក ខេម ក៏ពុំទាន់ដឹងច្បាស់ថា អាចនឹងរកថវិការបានកម្រិតណាដែរ តែលោកសង្ឃឹមថា នឹងមានការចូលរួមជួយច្រើនពីសប្បុរសជននានា ដើម្បីការងារសប្បុរសធម៌៕

The post ក្រុមបាល់ទាត់ តារាកម្ពុជា ត្រៀមបញ្ចេញសមត្ថភាពថ្មីនៅក្នុងព្រឹត្តិការណ៍បាល់ទាត់បរិស្ថានបៃតង ក្រោមមូលបទ « កម្ពុជាស្អាត និងសប្បុរសធម៌ » appeared first on .

 
កាលពីថ្ងៃទី០៥ ខែឧសភា ឆ្នាំ២០២៤ កន្លងមកនេះ តារាចម្រៀង ខេម និងក្រុមបាល់ទាត់ តារាកម្ពុជា(Cambodia football super stars) បាននាំថវិការចំនួន ៥០ម៉ឺនដុល្លារ ទៅជូនដល់មន្ទីរពេទ្យកុមារអង្គរ ។

ក្នុងនាមជាប្រធានក្រុម Cambodia football super stars  លោក ខេម បានបង្ហោះសារនៅលើ ហ្វេសប៊ុក របស់ខ្លួនថា « ទឹកប្រាក់ 50ម៉ឺនដុល្លារ របស់សប្បុរសជនតាមរយៈសម្ដេចតេជោហ៊ុន សែន ផ្ដល់ជូនទៅមន្ទីរពេទ្យកុមារអង្គរ ខេត្តសៀមរាប តាមរយៈការប្រកួតបាល់ទាត់សប្បុរសធម៌ទាំងបួនក្រុមក្រោមមូលបទ រួមគ្នាដើម្បីមនុស្សធម៌ និងប្រយុទ្ធប្រឆាំងគ្រឿងញៀន កាលពីថ្ងៃទី1 ខែឧសភាឆ្នាំ 2024 ពហុកីឡដ្ឋានជាតិអូឡាំពិកចូលរួមធ្វើការងារសប្បុរសធម៌ដើម្បីស្នាមញញឹមកុមារ កម្ពុជា » ។លោក ខេម ពិតជារំភើបចិត្តខ្លាំងដែលក្រុមបាល់ទាត់របស់ខ្លួនអាចរកថវិការបានច្រើន ដើម្បីជួយដល់ការងារសង្គម ។

សម្រាប់ការប្រកួតបាល់ទាត់សប្បុរសធម៌ទាំងបួនក្រុមក្រោមមូលបទ រួមគ្នាដើម្បីមនុស្សធម៌ និងប្រយុទ្ធប្រឆាំងគ្រឿងញៀន កាលពីថ្ងៃទី1 ខែឧសភា ឆ្នាំ2024 ពហុកីឡដ្ឋានជាតិអូឡាំពិកចូលរួមធ្វើការងារសប្បុរសធម៌ដើម្បីស្នាមញញឹមកុមារកម្ពុជា គឺរកបានប្រាក់ពីសប្បុរសជនប្រមាណ ជិត 5លានដុល្លារ ។ លោកនិងក្រុមការងារនឹងបែងចែកថវិការទាំងនោះទៅតាមគោលដៅដែលបានកំណត់ជាបន្តបន្ទាប់ បន្ទាប់ពីបានផ្តល់ថវិការ ៥០ ម៉ឺនដុល្លារដល់មន្ទីរពេទ្យ កុមារអង្គរ ។

ជាក់ស្តែងតាមការបង្ហោះសាររបស់សម្តេចតេជោ ហ៊ុន សែន បានរៀបរាប់ថា «អរគុណសប្បុរសជនទាំងអស់ដែលបានចូលរួមជាថវិកាដែលគិតត្រឹមថ្ងៃទី ១ឧសភា២០២៤ នេះ មានប្រាក់រៀល ៦០៥,000,000រៀល ជាដុល្លារ ៤,៨៥០,០០០ដុល្លារ ។ សរុបគិតជាប្រាក់ដុល្លារចំនួន(5,001,250)។ ដូចបានជំរាបជូន៣ថ្ងៃមុននេះថាថវិកាត្រូវបានបែងចែកសម្រាប់មន្ទីរពេទ្យកុមារអង្គរ500,000$ មជ្ឈមណ្ឌលព្យាបាលកុមារបេះដូងជប៉ុន300,000$ គ្រួសារយុទ្ធជនពលី២០គ្រួសារ 200,000$សរុប1,000,000$ ។ សម្រាប់មន្ទីរពេទ្យគន្ធបុប្ផានិងទទួលបាន4,001,250$ ជាបណ្តោះអាសន្ននិងប្រសិនជាទទួលបានបន្ថែមទៀតក៏នឹងប្រគល់ជូនមន្ទីរពេទ្យគន្ធបុប្ផាទាំងអស់ » ៕

The post ក្រុមបាល់ទាត់តារាកម្ពុជា របស់ខេម បាននាំយកថវិកា ៥០ម៉ឺនដុល្លារ ជូនមន្ទីរពេទ្យកុមារអង្គរ appeared first on .