អាជ្ញាធរអង់គ្លេសសម្រេចពិន័យក្រុមហ៊ុនទូទាត់ប្រាក់ចំនួន ៥ ក៏មាន Mastercard គិតជាប្រាក់ប្រហែល ៤៥ លានដុល្លារ

ឧកញ៉ាសំពៅ — Fri, 21 Jan 2022 09:19:34 +0000

កាលពីពេលថ្មីៗនេះ អាជ្ញាធរអង់គ្លេសបានសម្រេចពិន័យក្រុមហ៊ុនទូទាត់ប្រាក់ចំនួន ៥ ក្រុមហ៊ុន រាប់បញ្ចូលទាំង Mastercard ផង ក្នុងទំហំទឹកប្រាក់ ៣៣ លានផោន ឬ ៤៥ លានដុល្លារ ដោយសារល្មើសច្បាប់ទូទាត់ប្រាក់តាមកាតឥណទានជាមុន។

ក្នុងចំណោមក្រុមហ៊ុនទាំង ៥ នោះ Mastercard ទទួលរងពិន័យធ្ងន់ធ្ងរជាងគេដល់ទៅ ៣១,៥៦ លានផោន។

បើតាមការអះអាងពីអាជ្ញាធរមូលដ្ឋានផ្នែកទូទាត់ប្រាក់ បាននិយាយថា ក្រុមហ៊ុនទាំងនេះបានល្មើសច្បាប់ទីផ្សារប្រកួតប្រជែង ដោយយល់ព្រមមិនដណ្ដើមអតិថិជនគ្នា សម្រាប់ការប្រើប្រាស់កាតឥណទាន ដែលផ្ដល់ឲ្យអាជ្ញាធរមូលដ្ឋានក្នុងការចាយវាយចំពោះប្រជាពលរដ្ឋ។

បញ្ជាក់ដែរថា Mastercard គឺជាក្រុមហ៊ុនផ្ដល់សេវាកម្មហិរញ្ញវត្ថុខ្នាតយក្សមួយនៅលើពិភពលោកដោយមានទីស្នាក់ការកណ្ដាលនៅទីក្រុង New York សហរដ្ឋអាមេរិក។ បច្ចុប្បន្ន Mastercard ក៏ជាក្រុមហ៊ុនផ្ដល់សេវាកម្មហិរញ្ញវត្ថុធំបំផុតលើលោកទី ៤ ផងដែរ ដោយផ្អែកលើតម្លៃក្រុមហ៊ុន ៣៦៥ ពាន់លានដុល្លារ៕

ប្រភព: Kelo

The post អាជ្ញាធរអង់គ្លេសសម្រេចពិន័យក្រុមហ៊ុនទូទាត់ប្រាក់ចំនួន ៥ ក៏មាន Mastercard គិតជាប្រាក់ប្រហែល ៤៥ លានដុល្លារ appeared first on .