១. ក្រុមហ៊ុន Air Cambodia (អាកាសចរណ៍ជាតិកម្ពុជា)

ក្រុមហ៊ុន Air Cambodia ជាក្រុមហ៊ុនអាកាសចរណ៍ដំបូងគេក្នុងប្រទេសកម្ពុជា។ ក្រុមហ៊ុន Air Cambodia មានឈ្មោះដើម Cambodia Angkor Air ដែលបានប្តូរឈ្មោះមក Air Cambodia (អាកាសចរណ៍ជាតិកម្ពុជា)វិញ។ ក្រុមហ៊ុនអាកាសចរណ៍ក្នុងស្រុកដំបូងគេមួយនេះ ត្រូវបានបង្កើតឡើងនៅក្នុងឆ្នាំ២០០៩។

២. ក្រុមហ៊ុន Sky Angkor Ailines

ក្រុមហ៊ុន Sky Angkor Airlines ជាក្រុមហ៊ុនអាកាសចរណ៍មួយដែលផ្តោតជាចម្បងលើការផ្តល់ជើងហោះហើរក្នុងស្រុក និងក្នុងតំបន់។ ក្រុមហ៊ុនមួយនេះមានទីស្នាក់ការកណ្តាលនៅខេត្តសៀមរាប ត្រូវបានបង្កើតឡើងនៅឆ្នាំ ២០១០ និងចាប់ផ្តើមប្រតិបត្តិការនៅឆ្នាំ២០១៥។

៣. ក្រុមហ៊ុន Cambodia Airway

ក្រុមហ៊ុន Cambodia Airway បានចុះបញ្ជីនៅទីក្រុងភ្នំពេញ ជាមួយនឹងការវិនិយោគដំបូងប្រមាណ ២០០ លានដុល្លារ និងទទួលបានការយល់ព្រមដំបូងដើម្បីដំណើរការនៅខែសីហា ឆ្នាំ ២០១៧។

៤. ក្រុមហ៊ុន AirAsia Cambodia

AirAsia Cambodia ជាក្រុមហ៊ុនអាកាសចរណ៍មួយដែលមានរចនាយន្តហោះរូបប្រាសាទអង្គរវត្ត និងការលាបពណ៍យន្តហោះយកលំនាំតាមទង់ជាតិប្រទេសកម្ពុជា។ក្រុមហ៊ុនអាកាសចរណ៍មួយនេះត្រូវបានគេស្គាល់ថាជា ក្រុមហ៊ុនអាកាសចរណ៍មានតម្លៃទាបរបស់កម្ពុជា ដែលមានមូលដ្ឋាននៅ អាកាសយានដ្ឋានអន្តរជាតិភ្នំពេញ។ ក្រុមហ៊ុនអាកាសចរណ៍មួយនេះ បានបើកដំណើរការនៅខែធ្នូ ឆ្នាំ ២០២២ ហើយបានចាប់ផ្តើមប្រតិបត្តិការហោះហើរនៅខែឧសភា ឆ្នាំ ២០២៤។

សូមជម្រាបជូនថា យោងតាមរបាយការណ៍របស់រដ្ឋលេខាធិការដ្ឋានអាកាសចរស៊ីវិល (SSCA) បានឱ្យដឹងថា ខែគិតចាប់ពីមករា ដល់ខែវិច្ឆិកា ឆ្នាំ២០២៤ អាកាសយានដ្ឋានអន្តរជាតិទាំងបីរបស់កម្ពុជា ទទួលបានដំណើរអ្នកដំណើរតាមផ្លូវអាកាសចំនួន ៥.៥៩ លាននាក់ មានការកើនឡើង២២ ភាគរយ បើធៀបនឹងឆ្នាំមុន។

បើតាមការបង្ហោះសារតាមទំព័រហ្វេសប៊ុករបស់សម្តេចធិបតី ហ៊ុន ម៉ាណែត នាយករដ្ឋមន្រ្តីកម្ពុជា នៅថ្ងៃទី៣០ ខែធ្នូ ឆ្នាំ២០២៤នេះថា អ្នកធ្វើដំណើរ តាមជើងហោះហើរ គឹតត្រឹមឆ្នាំ២០២៤ មានប្រមាណ៥.៦លាននាក់ ហើយរំពឹងថា នៅឆ្នាំ២០២៥ ចំនួនអ្នកធ្វើដំណើរ តាមជើងហោះហើរ មានការកើនឡើង លើស៧លាននាក់ នៅក្នុងមួយឆ្នាំ៕

The post តើក្រុមហ៊ុនអាកាសចរណ៍នៅកម្ពុជាមានប៉ុន្មានដែលកំពុងដំណើរការ? appeared first on .