ពិធីប្រកាសបើកដំណើរការនេះ ធ្វើឡើងក្នុងគោលបំណងប្រកាសនាំយកឈ្មោះម៉ាកយីហោ “តេលាខ្មែរ” ដែលមានប្រវត្តិតាំងពីឆ្នាំ១៩៦០ ដោយមានការគាំទ្រយ៉ាងខ្លាំងពីប្រជាពលរដ្ឋខ្មែរនាសម័យនោះ ឥលូវនេះតេលាខ្មែរបានត្រឡប់មកបម្រើប្រជាជនខ្មែរឡើងវិញ បន្ទាប់ពីអវត្តមានអស់រយៈពេលជាច្រើនទសវត្សរ៍ដោយសារបញ្ហាសង្គ្រាម។

ក្រុមហ៊ុន តេលាខ្មែរ បានឱ្យដឹងថា ក្នុងឱកាសនោះ អ្នកឧកញ៉ា អគ្គនាយក មានប្រសាសន៍អំពីប្រវត្តិ និងការវិវត្តន៍របស់តេលាខ្មែរ ព្រមទាំងបង្ហាញពីចក្ខុវិស័យថ្មីក្នុងការផ្គត់ផ្គង់ប្រេងឥន្ធនៈ និងឧស្ម័ន គុណភាពស្តង់ដា Euro 5 និងការប្រើប្រាស់ប្រព័ន្ធបច្ចេកវិទ្យាទំនើបមកគ្រប់គ្រងទិន្នន័យក្នុងស្ថានីយដូចជា បរិមាណប្រេង ទិញចូល លក់ចេញ តម្លៃ ចំណូល ចំណាយ និងទិន្នន័យផ្សេងៗតាមប្រព័ន្ធថ្មីទាំងអស់ ដើម្បីធានាបាននូវតម្លាភាព ប្រសិទ្ធភាព និងកាត់បន្ថយការបាត់បង់។ 

អ្នកឧកញ៉ា អគ្គនាយក បានណែនាំពីសារធាតុបន្ថែមគីណេតិច បច្ចេកវិទ្យាថ្មីពីសហរដ្ឋអាមេរិកក្នុងប្រេងសាំង និងប្រេងម៉ាស៊ូត របស់តេលាខ្មែរ ជួយសម្អាតម៉ាស៊ីន កាត់បន្ថយកាកសំណល់ កាត់បន្ថយការកកិតក្នុងម៉ាស៊ីន បង្កើនប្រសិទ្ធភាពថាមពល និងសន្សំសំចៃប្រេងឥន្ធនៈ។

ជាមួយគ្នានេះ អ្នកឧកញ៉ា អគ្គនាយក បានប្រកាសផែនការពង្រីកស្ថានីយ “តេលាខ្មែរ” ចំនួន ២០០ ស្ថានីយ នៅទូទាំងប្រទេសត្រឹមឆ្នាំ២០២៨ ដើម្បីបម្រើសេវាកម្មជូនអតិថិជន និងពង្រឹងវិស័យប្រេងឥន្ធនៈរបស់ខ្មែរ។ បន្ថែមពីនេះ ក្រុមហ៊ុនកំពុងសាងសង់ឃ្លាំងស្តុកហ្គាស LPG ចំណុះ ១២០,០០០ ម៉ែត្រគូប នៅកំពង់ផែក្រុងព្រះសីហនុ ដែលគ្រោងដាក់ដំណើរការនៅឆ្នាំ២០២៨ ផងដែរ៕ 

The post អ្នកឧកញ៉ា ឈុន អូន ប្រកាសផែនការពង្រីកស្ថានីយ “តេលាខ្មែរ” ចំនួន ២០០ ស្ថានីយ នៅទូទាំងប្រទេសត្រឹមឆ្នាំ២០២៨  appeared first on .

តាមរយៈបណ្តាញសង្គមហ្វេសប៊ុក តេលាខ្មែរ ក្រុមហ៊ុនបានគូសបញ្ជាក់បែបនេះថា៖ “ស្ថានីយតេលាខ្មែរ មានឧស្ម័ន LPG ផ្គត់ផ្គង់គ្រប់គ្រាន់ ដើម្បីបំពេញតម្រូវការប្រើប្រាស់របស់អតិថិជនប្រចាំថ្ងៃ ប្រកបដោយស្ថិរភាព។ អតិថិជនអាចប្រើប្រាស់សេវាកម្ម និងឧស្ម័ន LPG ដោយទំនុកចិត្ត និងសុវត្ថិភាពខ្ពស់។ ខ្មែរគាំទ្រក្រុមហ៊ុនខ្មែរ សម្រាប់ប្រជាជនខ្មែរ”។

គួររំឭកថា កាលមានសង្គ្រាមកម្ពុជា-ថៃ ក្រុមហ៊ុនកម្ពុជាតេលា របស់អ្នកឧកញ៉ា ឈុន អូន ក៏បានប្រកាសថាខ្លួននឹងផ្គត់ផ្គង់ប្រេងឥន្ធនៈទូទាំងប្រទេសកម្ពុជា ទោះស្ថិតនៅក្នុងកាលៈទេសៈមានការរាំងស្ទះការផ្គត់ផ្គង់ពីក្រុមហ៊ុនផ្សេងៗក៏ដោយ។

ក្រុមហ៊ុនកម្ពុជា តេលា គឺជាក្រុមហ៊ុនចែកចាយប្រេងឥន្ធនៈ និងឧស្ម័នដ៏ធំមួយ ក្នុងប្រទេសកម្ពុជា ដែលបានបង្កើតឡើងតាំងពីឆ្នាំ១៩៩៣។ គិតមកទល់ពេលនេះ ក្រុមហ៊ុនមានសាខាចែកចាយបន្ត និងផ្ទាល់ខ្លួនដល់ច្រើនជាង ២០០០ សាខាទូទាំងប្រទេសកម្ពុជា៕

The post ស្ថានីយតេលាខ្មែរ របស់អ្នកឧកញ៉ា ឈុន អូន ប្រកាសធានាមានឧស្ម័ន LPG ផ្គត់ផ្គង់គ្រប់គ្រាន់ appeared first on .

ក្រុមហ៊ុន កម្ពុជាតេលា បានឱ្យដឹងថា ថ្លៃលក់រាយប្រេងឥន្ធនៈ ពីថ្ងៃទី១១ ដល់២០ ខែកុម្ភៈ ឆ្នាំ២០២៦ នឹងត្រូវលក់ ៣ ៩៦២រៀល/លីត្រ សម្រាប់ប្រេងសាំងធម្មតា Gasoline 92 និង ៤ ០១២រៀល/លីត្រ សម្រាប់ប្រេងម៉ាស៊ូត Gasoil 10ppm។

ប៉ុន្តែដោយអនុវត្តតាមគោលការណ៍ដែលដាក់ចុះដោយ សម្តេចតេជោ ហ៊ុន សែន នាយករដ្ឋមន្ត្រីកម្ពុជា នីតិកាលទី៦ ក្នុងគោលបំណងជួយសម្រួលដល់ជីវភាពរបស់ប្រជាពលរដ្ឋ និងដោយមានការចូលរួមចំណែកពីក្រុមហ៊ុន ចែកចាយប្រេងឥន្ធនៈនៅកម្ពុជា សម្តេចធិបតីបតី បានអនុញ្ញាតឱ្យបន្តបញ្ចុះតម្លៃលក់រាយប្រេងឥន្ធនៈនៅកម្ពុជាចំនួន៦,៥សេនដុល្លារ/លីត្រ។ ដូច្នេះថ្លៃលក់រាយប្រេងឥន្ធនៈសម្រាប់អនុវត្ត ចាប់ពីថ្ងៃទី១១ ដល់២០ ខែកុម្ភៈ ឆ្នាំ២០២៦ គឺត្រូវលក់៣ ៧០០រៀល/លីត្រ សម្រាប់ប្រេងសាំងធម្មតា Gasoline 92 និង៣ ៧៥០រៀល/លីត្រ សម្រាប់ប្រេងម៉ាស៊ូត Gasoil 10ppm។

សូមបញ្ជាក់ថា តម្លៃប្រេងឥន្ធនៈនេះត្រូវបានដកស្រង់ចេញពីក្រសួងពាណិជ្ជកម្មផ្ទាល់ ដែលបានវិភាគតាមទីផ្សារអន្តរជាតិជាក់ស្តែង។

សូមបញ្ជាក់ថា ក្រុមហ៊ុន កម្ពុជា តេលា គឺជាក្រុមហ៊ុនបង្កើតដោយកូនខ្មែរឈរជើងជាង៣០ឆ្នាំ ក្នុងទីផ្សារកម្ពុជា។ ក្រុមហ៊ុន កម្ពុជា តេលា ជាក្រុមហ៊ុនចែកចាយប្រេងឥន្ធនៈ និងឧស្ម័នដ៏ធំមួយក្នុងប្រទេសកម្ពុជា ផ្តល់ជូននូវផលិតផល និងសេវាកម្មផ្នែកថាមពលប្រកបដោយគុណភាព ដែលគិតមកទល់ពេលនេះ ក្រុមហ៊ុនមានសាខាចែកចាយបន្ត និងផ្ទាល់ខ្លួនដល់ច្រើនជាង ២០០០ សាខាទូទាំងប្រទេស៕

The post កម្ពុជាតេលា បានបង្ហាញតម្លៃប្រេងសាំងថ្មីពីថ្ងៃទី១១ ដល់ថ្ងៃទី២០ ខែកុម្ភៈ appeared first on .

សូមចុច Subscribe Telegram oknha_news ដើម្បីទទួលបានព័ត៌មានគ្រប់​សកម្មភាព​ឧកញ៉ា​ អាជីវកម្ម ចែក​រំលែក ជោគជ័យ

ក្រុមហ៊ុន កម្ពុជា តេលា ត្រូវបានបង្កើតឡើងដំបូងនៅឆ្នាំ ១៩៩៣ ជាក្រុមហ៊ុនអាហរ័ណនីហរ័ណ ដែល​មានឈ្មោះថា កាឌីម៉ិច (Kadimex)។ ជាមួយនឹងការដឹកនាំដ៏រឹងមាំរបស់លោកឧកញ៉ា ឈុន អូន ស្ថាបនិ​​ក និងជាប្រធាននាយកប្រតិបត្តិ។ ពីរឆ្នាំក្រោយមកក្រុមហ៊ុន កាមេឌីម៉ិច បានសម្រេចប្តូរឈ្មោះទៅជាក្រុមហ៊ុន កម្ពុជា តេលា វិញនៅឆ្នាំ ១៩៩៥ ដោយ​ផ្តោតសំខាន់លើអាជីវកម្មស្នូល​របស់ខ្លួន​ គឺការចែក​ចាយ​ប្រេងឥន្ធនៈ។ នៅឆ្នាំ ១៩៩៦ ក្រុមហ៊ុនមានស្ថានីយស្តុកប្រេងដំបូងរបស់ខ្លួននៅ​រាជធានីភ្នំពេញ។

នៅឆ្នាំ ២០០៤ ក្រុមហ៊ុនបានសាងសង់ស្ថានីយស្ដុកប្រេងទី២ របស់ខ្លួន មាន​ទីតាំងនៅចំណតកុងតឺន័រ ក្រុងព្រះសីហនុ ​ដែលជាកំពង់ផែ ​និងទីក្រុងកំពង់ផែ ដ៏សំខាន់របស់ប្រទេសកម្ពុជា ដែលអាចឱ្យ កម្ពុជា តេលា ផ្គត់ផ្គង់ប្រេងឥន្ធនៈទៅកាន់​ទាំងឧស្សាហកម្ម និងអ្នកប្រើប្រាស់ចុងក្រោយ ​តាមរយៈបណ្តាញចែកចាយយ៉ាង​ទូលំទូលាយនៅក្នុងប្រទេស។

លោកឧកញ៉ា ឈុន អូន បានបោះទុនវិនិយោគក្នុងវិស័យនេះអស់រយៈពេល ២៥ ឆ្នាំមកហើយ។ ដើម្បីពង្រឹងកេរ្តិ៍ឈ្មោះម៉ាករបស់ក្រុមហ៊ុន និងដើម្បីទទួលបានចំណែក​ទីផ្សារ​កាន់តែច្រើនថែមទៀត នៅក្នុងទីផ្សារក្នុងស្រុករបស់កម្ពុជា នាប៉ុន្មានឆ្នាំ​ខាងមុខ ក្រុមហ៊ុនបានបង្កើតដេប៉ាតឺម៉ង់ស្រាវជ្រាវ និងអភិវឌ្ឍអាជីវកម្មថ្មីមួយ ដំណើរការដោយបុគ្គលិកអន្តរជា​តិ មកពីសហរដ្ឋអាមេរិក ន័រវែស បារាំង និងចក្រភពអង់គ្លេស​។

តាមរយៈសារនៅលើគេហទំព័រផ្លូវការរបស់កម្ពុជា តេលា លោកឧកញ៉ា ឈុន អូន បានឲ្យដឹងថា “ការបង្កើត និងដំណើរការអាជីវកម្មដែលមានទំហំធំធេងនេះ គឺជាការប្រគួតប្រជែង​មួយ​ដ៏​ធំ​។​ វាតម្រូវឱ្យមានយុទ្ធសាស្រ្តអាជីវកម្ម ប្រកបដោយភាពទាន់ពេលវេលា និងមានភាពច្បាស់​លា​ស់ និងការប្តេជ្ញាចិត្តខ្ពស់ ក្នុងការជំរុញការអនុវត្ត និង​ភាពរីក​ចម្រើន​លូតលាស់ប្រកប​ដោ​យ​ចីរភាព”។​

លោកថា ក្នុងរយៈពេលពីរទសវត្សចុងក្រោយនេះ ក្រុមហ៊ុនរបស់យើង បានធ្វើការ​ដោយ​មិនខ្លាច​នឿយ​ហត់ ដើម្បីបំពេញ និងគោរពតាមស្តង់ដារអន្តរជាតិ ដោយបានបំពាក់ និងធ្វើឱ្យ​ប្រសើរ​ឡើង​នូវសម្ភារៈបច្ចេកទេស ផលិតផល និងសេវាអតិថិជន ព្រមទាំងការ​​​​​កសាងសមត្ថភាពធនធានមនុស្សរបស់យើង។

ប្រធាននាយកប្រតិបត្តិបានគូសបញ្ជាក់ថា ខណៈពេលដែលយើងយល់ពីសារៈសំខាន់នៃនិរន្តរភាពហិរញ្ញវត្ថុ ក្នុងនាម​ជា​សហគ្រាស​មួយ យើងក៏ទទួលស្គាល់ពីសារៈសំខាន់ នៃកិច្ចការពារបរិស្ថាន​របស់យើង ដើម្បីសុខុមាលភាពរបស់មនុស្សជំនាន់ក្រោយនៅក្នុងប្រទេស​កម្ពុជាផងដែរ។  ដោយសារតែការប្ដេជ្ញាចិត្តរបស់យើងចំពោះប្រតិបត្តិការដែលមិនប៉ះពាល់​ដល់​បរិស្ថាន ក្រុមហ៊ុន តេលា បានទទួលពានរង្វាន់ ISO 9001: 2008 ។

ឧកញ៉ា ឈុន អូន គឺឥស្សរជនឆ្នើមម្នាក់ដែលមានជំនាញខ្ពស់ទាំងផ្នែកគំនិត និងបច្ចេកទេសក្នុងការគ្រប់គ្រង នឹងជាកម្លាំងជំរុ​ញដ៏សំខាន់សម្រាប់ការអភិវឌ្ឍ និងការរីកចម្រើនរបស់ក្រុមហ៊ុន។ លោកបានឲ្យតំបូន្មានថា “គន្លឹះឆ្ពោះទៅរកភាពជោគជ័យរបស់យើង គឺការខិតខំប្រឹងប្រែងដោយមិនខ្លាចនឿយហត់ ដើម្បីឧត្តមភាព” ។

ខាងក្រោមជាសេវាកម្ម និងផលិតផលរបស់ កម្ពុជា តេលា៖

ក្រុមហ៊ុន កម្ពុជា តេលា មានស្ថានីយផ្ដល់សេវាកម្មចំនួន ១.៨៩៩ ស្ថានីយ ដែលមាន​ទីតាំង​ជាយុទ្ធសាស្រ្ត​នៅទូទាំងប្រទេស ដើម្បី​ឱ្យប្រជាជនកម្ពុជាម្នាក់ៗ មានភាពងាយស្រួល​ក្នុងការប្រើប្រាស់សេវាកម្ម និងផលិតផលប្រេងឥន្ធនៈ និងហ្គាសរបស់ខ្លួន។ ស្ថានីយផ្ដល់សេវាកម្ម តេលា ជាង ១.៨០០ ត្រូវបានគ្រប់គ្រង និងដំណើរការដោយអតិថិជនប្រចាំរបស់តេលា តាមរយៈការទិញអាជ្ញាប័ណ្ណពាណិជ្ជកម្ម។

សហគ្រិនជើងចាស់ជោគជ័យក្នុងពិភពជំនួញនៅកម្ពុជា ឧកញ៉ា ឈុន អូន បានមើលឃើញពីចក្ខុវិស័យវែងឆ្ងាយនឹងតម្រូវការដែលកំពុងកើនឡើងនៅក្នុងប្រទេសកម្ពុជា។ លោកបានវិនិយោគបន្ថែមវិស័យដឹកជញ្ជូន គឺរថយន្តដឹកទំនិញច្រើនជាង ៦០០ គ្រឿង សម្រាប់ធ្វើប្រតិបត្តិការប្រចាំថ្ងៃ ក្នុងការដឹកជញ្ជូន​ឱ្យបានទាន់ពេលវេលា​ដល់អតិថិជន។ លោកកំពុងធ្វើឱ្យប្រសើរឡើងឥតឈប់ឈរ នូវដំណើរការអាជីវកម្ម និងប្រតិបត្តិការដឹកជញ្ជូន ស្របតាមស្តង់ដារជាសកល​សម្រាប់ការដឹកជញ្ជូន និងសេវាកម្ម ឱ្យស្របតាមស្តង់ដារ ISO 9001:2018។

កម្ពុជា តេលា បាននឹងកំពុងដំណើរការហាងលក់ទំនិញ​នៅតាមស្ថានីយចំនួន ៥០ កន្លែង ដែល​ផ្តល់ជូននូវទំនិញប្រើប្រាស់ប្រចាំថ្ងៃ ជាច្រើនប្រភេទ ។ ចាប់ពីឆ្នាំ ២០១៩ មក កម្ពុជា តេលា មានផែនការដាក់អាជីវកម្មបន្ថែម​ទៀត ដោយបន្ថែមសេវាកម្មកាហ្វេ (Lunar Coffee) ទៅកាន់ស្ថានីយផ្ដល់សេវា​កម្ម​របស់​ខ្លួន។

អាជីវកម្មហ្គាស LPG ចាប់តាំងពីខែកញ្ញា ឆ្នាំ ២០០៦ មានធុងផ្ទុកហ្គាស LPG ដែល​មាន​រាង​ស្វែរ ចំនួន ២ ដែលមានសមត្ថភាពផ្ទុក ១.០០០ ម៉ែត្រគូប  និងមានផែនការពង្រីក​សមត្ថភាព​ផ្ទុករហូត​ដល់ ៥.០០០ ម៉ែត្រគូប។ ដើម្បីបំពេញតម្រូវការរបស់អតិថិជនឱ្យកាន់តែមានប្រសិទ្ធិភាព និងរៀបចំ​រោងចក្រសម្រាប់ច្រកហ្គាស LPG ចំនួន ២កន្លែងនៅចំណតកុងតឺន័រ ក្រុងព្រះសីហនុ និងនៅរាជធានីភ្នំពេញ។

រោងចក្រផលិតប្រេងរំអិល របស់តេលា គឺជារោងចក្រដំបូងគេនៅកម្ពុជា ​ដែលត្រូវបានបង្កើតឡើងក្នុងឆ្នាំ ១៩៩៩ និងបំពាក់ដោយបច្ចេកវិទ្យាស្តង់ដារសកល  និងមានអ្នកបច្ចេកទេស និងវិស្វករគីមី ដែលទទួលការបណ្តុះបណ្តាល​ជាន់ខ្ពស់​។ រោងចក្រនេះ មានសមត្ថភាពផលិតប្រចាំឆ្នាំ ចំនួន ១០.០០០ តោន នៃផលិតផលប្រេងរំអិល ដែលមានចំណាត់ថ្នាក់ផ្សេងៗគ្នា។

ដោយមានការទទួលស្គាល់ពី LLOYD International សម្រាប់ស្ដង់ដារ​ប្រេងឥន្ធនៈ​កម្រិតអន្តរជាតិ បច្ចុប្បន្ននេះ កម្ពុជា តេលា មានស្ថានីយស្តុកប្រេង និងហ្គាស ធំៗចំនួនពីរ គឺនៅចំណតកុងតឺន័រក្រុងព្រះសីហនុ និងនៅរាជធានីភ្នំពេញ ខណៈស្ថានីយស្ដុកប្រេងមួយបន្ថែមទៀត នៅបាត់ដឹង តាមបណ្តោយ​ផ្លូវលេខ ៥ កំពុងសាងសង់ ដើម្បីឆ្លើយតបនឹង​តម្រូវការដែលកំពុងកើន​ឡើងនៅ​ប្រទេសកម្ពុជា។ ក្រុមហ៊ុន ក៏បានរក្សាទុក​ទីតាំង​ដើម្បីសាងសង់ស្ថានីយស្ដុកប្រេង ចំនួន​ពីរ​បន្ថែម​ទៀត នៅកំពង់ចាម និងនៅព្រំប្រទល់ខេត្តបាត់ដំបង និងខេត្តបន្ទាយមាន​ជ័យ។

ផែបណ្ដែតរបស់តេលា ប្រវែង ១.២៥០ ម៉ែត្រ ត្រូវបានបំពាក់ដោយ បណ្តាញបំពង់ ទីធ្លាប្រតិបត្តិការ និងបង្គោលថ្មជាច្រើន ដែលត្រូវបានរចនាឡើង​សម្រាប់នាវា​ដែលមានទម្ងន់​ចាប់ពី ៥០០ ទៅ ៦០.០០០ តោន​ដើម្បីចូលចតដោយសុវត្ថិភាព​ និងងាយស្រួល។

The post សេដ្ឋីម្នាក់នៅពីក្រោយភាពជោគជ័យដ៏មហិមាររបស់ក្រុមហ៊ុន ប្រេង​ឥន្ធនៈ​កម្ពុជា​តេលា appeared first on .