កាលដើមឡើយអ្នកឧកញ៉ារូបនេះ ល្បីល្បាញខាងជំនួញដឹកឈើនាំចេញទៅក្រៅប្រទេស ព្រមទាំងជំនួញវិស័យកសិកម្ម កសិ-ឧស្សាហកម្ម កាស៊ីណូ ភោជនីយដ្ឋាន តំបន់សេដ្ឋកិច្ចពិសេស និងដឹកញ្ជូន។ នៅប៉ុន្មានឆ្នាំចុងក្រោយនេះក្រុមហ៊ុន ទ្រីភាព គ្រុប ដែលគ្រប់គ្រងដោយផ្ទាល់ពីអ្នកឧកញ៉ា ទ្រី ភាព បានបន្តបេសកកម្មជំនួញលើវិស័យសំណង់, កំពង់ផែទឹកជ្រៅ និងភស្តុភារកម្ម និងទេសចរណ៍បដិសណ្ឋារកិច្ចក្នុងទំហំទឹកប្រាក់រាប់ពាន់ដុល្លារវិនិយោគនៅតំបន់សក្តានុពលសំខាន់ៗដូចជានៅខេត្តព្រះសីហនុ, ខេត្តកំពត, ខេត្តកែប, ខេត្តពោធិ៍ និងខេត្តកំពង់ឆ្នាំងជាដើម។

ក្នុងឆ្នាំ២០២៤នេះ អ្នកឧកញ៉ា ទ្រី ភាព បានប្រកាសលើកទិសដៅអនុវត្ត និងជំរុញគម្រោងតាមផែនការដែលបានគ្រោងទុក ជុំរិញការ
អភិវឌ្ឍន៍រោងចក្រកៅស៊ូ, រីសតនៅក្រុងកែប ក្រុងព្រះសីហនុ កោះទន្សាយ, ការងារវិស្វកម្មនិងសំណង់, ការសាងសង់កំពង់ផែក្នុងស្រុក, ការសាងសង់កំពង់ផែសមុទ្រទឹកជ្រៅ, ការងារភស្តុភារកម្ម និងក្រុមហ៊ុននាំចេញផ្សេងៗទៀត។ នេះបើតាមលទ្ធផលកិច្ចប្រជុំបូកសរុបលទ្ធផលការងារប្រចាំឆ្នាំ២០២៣ និងលើកទិសដៅអនុវត្តបន្តសម្រាប់ឆ្នាំ២០២៤ កាលពីខែធ្នូឆ្នាំ២០២៣កន្លងទៅ។

នៅក្នុងកិច្ចប្រជុំរយៈពេល២ថ្ងៃដែលដឹកនាំដោយអ្នកឧកញ៉ា ទ្រី ភាព ថ្នាក់ដឹកនាំនៃក្រុមហ៊ុនបុត្រសម្ព័ន្ធ និងសាខាទាំងអស់បានប្ដេជ្ញាចិត្តយ៉ាងមុតមាំ ថានឹងព្យាយាមឱ្យអស់ពីសមត្ថភាពដើម្បីសម្រេចឱ្យបាននូវផែនការដែលបានគ្រោងទុករបស់ខ្លួន៕

The post ឆ្នាំ២០២៤ អ្នកឧកញ៉ា ទ្រី ភាព ដាក់គោលដៅអនុវត្តពង្រីកបន្ថែមលើមុខជំនួញសំខាន់អ្វីខ្លះ? appeared first on .

អ្នកឧកញ៉ា​បណ្ឌិត ទ្រី ភាព បាន​លើកឡើង​ថា ទោះបី​ជា​​មាន​បញ្ហា​ប្រឈម​មួយ​ចំនួន​ដូចជា ចំហាយ​ជំងឺ​កូវីដ-១៩ សង្គ្រាម​អន្តរជាតិ និង​សង្គ្រាម​ពាណិជ្ជកម្ម​រវាង​ប្រទេស​មហាអំណាច​ក្តី​ ប៉ុន្តែ​សម្រាប់​ឆ្នាំ២០២៣​ ក្រុមហ៊ុន ទ្រី ភាព គ្រុប ​​​​​​​​នៅ​តែ​អាច​ជម្នះ​ឧបសគ្គ​​ទាំង​នេះ​បាន ព្រម​ទាំង​រក្សា​បាន​នូវ​លទ្ធផល​ដ៏​ប្រសើរ​ថែម​ទៀត ​​ធ្វើ​ឱ្យ​លោក​សប្បាយរីករាយ និង​មោទនភាព​យ៉ាង​ខ្លាំង​ចំពោះ​ក្រុមការងារ និង​បុគ្គលិក​​គ្រប់​ផ្នែក​ទាំង​អស់។

តាមរបាយការណ៍​​ប្រចាំឆ្នាំ​២០២៣​​របស់​ក្រុមហ៊ុន បានបង្ហាញថា ក្រុមហ៊ុនទ្រីភាពគ្រុប ​មានបុគ្គលិកសរុប​ប្រមាណ​ ៤ពាន់នាក់ ហើយបានចំណាយប្រាក់ខែប្រចាំខែជាង ១លានដុល្លារសហរដ្ឋអាមេរិក។ របាយការណ៍​ដដែល​​បានបង្ហាញ​ទៀត​​ថា គិតត្រឹមខែវិច្ឆិកា ឆ្នាំ២០២៣ ក្រុមហ៊ុនបានចូលរួមបង់ពន្ធជូនរដ្ឋ រហូត​ដល់​ទៅ​ប្រមាណ​ជា​ ២០លាន​ដុល្លារអាមេរិក។

ក្នុង​កិច្ចប្រជុំ​បូកសរុប​​ប្រចាំឆ្នាំ​នេះ​ដែរ ក្រុមហ៊ុន​​ក៏​បាន​លើកឡើង​​លទ្ធផល​សម្រេច​បាន បញ្ហា​ប្រឈម សំណូមពរ និង​ទិសដៅ​សម្រាប់​ឆ្នាំ២០២៤។ យ៉ាងណាមិញ ចំពោះការលើកទិសដៅអនុវត្តឆ្នាំ​២០២៤ អង្គប្រជុំបានឯកភាព​តាមផែនការ ដែលបានគ្រោងទុក ដោយ​គ្រោង​ជំរុញការងារចំការកៅស៊ូ រោងចក្រកៅស៊ូ ការអភិវឌ្ឍរីសត (ក្រុង​កែប ក្រុងព្រះសីហនុ និងកោះទន្សាយ) ការងារវិស្វកម្មនិងសំណង់ ការសាងសង់កំពង់ផែក្នុងស្រុក ការសាង​សង់កំពង់ផែសមុទ្រទឹកជ្រៅ ការងារភស្តុភារកម្ម និងក្រុមហ៊ុននាំចេញផ្សេងៗទៀត។

សូម​ជម្រាប​ថា ក្រុមហ៊ុន ទ្រីភាព គ្រុប ជាក្រុមហ៊ុនដែលបាន​និង​កំពុង​រកស៊ីលើវិស័យជាច្រើន ​មានដូចជា​សំណង់ ដឹកជញ្ជូន កំពង់ផែ សណ្ឋាគារ ប្រេងឥន្ធនៈ ដំណាំ​កៅស៊ូ​ និង​កន្លែង​សម្រាកលំហែ​ទេសចរណ៍ ដូចជា គម្រោង​អភិវឌ្ឍ កោះទន្សាយ រីសត ​នៅ​ខេត្តកែប ​​ដែល​គ្រោង​​ចំណាយ​ទុន​វិនិយោគ​ប្រមាណ ១៣០​លាន​ដុល្លារ​ផង​ដែរ៕

The post ក្រុមហ៊ុន អ្នកឧកញ៉ា ទ្រី ភាព ចូលរួមបង់ពន្ធជូនរដ្ឋដល់ទៅជាង ២០លានដុល្លារ ក្នុងឆ្នាំ២០២៣ appeared first on .

ថ្លែងនៅក្នុងឱកាសនោះ អ្នកឧកញ៉ា ទ្រី ភាព អគ្គនាយកក្រុមហ៊ុន ទ្រីភាព គ្រុប គូសបញ្ជាក់ថា ឆ្នាំ២០២២កន្លងទៅ អាជីវកម្មរបស់លោកទាំងអស់មានដំណើរការល្អប្រសើរ បើទោះបីពិភពលោកជួបវិបត្តិខ្លះបណ្តាលមកពីការរាតត្បាតជំងឺកូវីដ១៩ និងសង្គ្រាមនៅអ៊ុយក្រែនក៏ដោយនោះ។ សម្រាប់ដំណើរការល្អប្រសើរ នៃអាជីវកម្មនេះ លោកថាគឺបានមកពីការដឹកនាំរបស់សម្តេចតេជោ ហ៊ុន សែន នាយករដ្ឋមន្ត្រី ដែលបានដាក់ចេញបទអន្តរាគមន៍ជាច្រើន ដើម្បីទប់ស្កាត់ផលលំបាករបស់វិស័យឯកជន កើតពីវិបត្តិទាំងអស់នោះ។

យ៉ាងណា អ្នកឧកញ៉ា ទ្រី ភាព ក៏បានលើកទឹកចិត្តដល់ថ្នាក់ដឹកនាំ និងបុគ្គលិកគ្រប់ផ្នែកទាំងអស់របស់ក្រុមហ៊ុន បន្តប្រឹងប្រែងយកចិត្តទុកដាក់បំពេញការងារ ឱ្យទទួលបានលទ្ធផល្អប្រសើរ ហើយអភិវឌ្ឍន៍សមត្ថភាពរបស់ខ្លួនឱ្យកាន់តែល្អប្រសើរថែមទៀត។ ទន្ទឹមនឹងនោះអ្នកឧកញ៉ាបានប្រកាសថា លោកមិនខ្លាចនឹងដំឡើងប្រាក់ឈ្នួលជូនដល់បុគ្គលិកដែលស្មោះត្រង់ និងពូកែនោះឡើយ។

ក្រុមហ៊ុន ទ្រី ភាព គ្រុប នាពេលបច្ចុប្បន្នបានផ្តល់ការងាររហូតដល់ទៅជាងពីរពាន់កន្លែងជាមួយនឹងប្រាក់ឈ្នួលមួយសមរម្យ។

គួររម្លឹកផងដែរថា ប្រមុខរដ្ឋាភិបាលនាពេលកន្លងទៅបានចាត់ទុកវិស័យឯកជនជាដៃគូអភិវឌ្ឍន៍ដ៏សំខាន់។ តាមរយៈការវិនិយោគ និងដំណើរការអាជីវកម្មរបស់វិស័យឯកជន បានផ្តល់ចំណូលដល់ជាតិ តាមរយៈការបង់ពន្ធនានា។ មិនតែប៉ុណ្ណោះ តាមរយៈអាជីវកម្មទាំងនោះ ក៏បានរួមចំណែកផ្តល់ការងារដល់ប្រជាពលរដ្ឋផងដែរ៕

The post អ្នកឧកញ៉ា ទ្រី ភាព៖ ឆ្នាំ២០២២ អាជីវកម្មក្រុមហ៊ុន ទ្រី ភាព គ្រុប មានដំណើរការល្អប្រសើរ ទោះជួបបញ្ហាកូវីដ appeared first on .

ជាក់ស្តែងបើតាមក្រុមប្រឹក្សាអភិវឌ្ឍន៍កម្ពុជា ធ្លាប់បានឱ្យដឹងថា គម្រោងអភិវឌ្ឍន៍កោះចំនួន២ ​ដែលមានទីតាំងនៅខេត្តកែបនោះគឺ៖
១. TRY PHEAP KOH TUNSAY RESORTS CO., LTD ទទួលបានសិទ្ធិវិនិយោគលើគម្រោងអភិវឌ្ឍន៍កោះត្បាល់ ដែលមានទីតាំងវិនិយោគស្ថិតនៅភូមិកែប សង្កាត់កែប ក្រុងកែប ខេត្តកែប ក្នុងទុនវិនិយោគចំនួន១៧លានដុល្លារអាម៉េរិក និងអាចបង្កើតការងារបានចំនួន១០៥កន្លែង។
កោះត្បាល់ ជាកោះធម្មជាតិមួយមានទំហំប្រហែលជាង ១០ ហិចតា មានចម្ងាយប្រហែល ៦គីឡូម៉ែត្រ ពីក្រុងកែប និង ធ្វើដំណើរតាមទូកប្រមាណពី ៣៥-៤៥នាទី។

បន្ទាប់​ពី​មាន​ការ​ស្នើ​សុំ​វិនិយោគ​អភិវឌ្ឍន៍​ពី​ក្រុមហ៊ុន​ TRY PHEAP KOH TUNSAY RESORTS CO., LTD របស់​អ្នក​ឧកញ៉ា ទ្រី ភាពនេះដែរ កាលពីថ្ងៃទី០២ ខែកញ្ញា ឆ្នាំ២០២២កន្លងទៅ ក្រុមការងារ​របស់​ក្រុម​ប្រឹក្សា​អភិវឌ្ឍន៍​កម្ពុជា ក្រុម​ការងារ​គណៈ​​កម្មាធិការជាតិគ្រប់គ្រង និងអភិវឌ្ឍតំបន់ឆ្នេរសមុទ្រកម្ពុជា និង​មន្ត្រី​របស់​រដ្ឋបាល​ខេត្ត​កែប ​​ក៏បាន​ចុះ​​​ទៅ​ពិនិត្យមើលស្ថានភាព​​​កោះត្បាល់នេះផងដែរ។

The post អ្នកឧកញ៉ា ទ្រី ភាព ទទួលបានសិទ្ធិវិនិយោគលើគម្រោងអភិវឌ្ឍន៍កោះសំខាន់ៗចំនួន២ ពីរដ្ឋាភិបាល appeared first on .

ក្រុមហ៊ុន ទ្រី ភាព គ្រុប ត្រូវបានបង្កើតឡើង ដោយឧកញ៉ា ទ្រី ភាព នៅឆ្នាំ២០០៣។ ក្រុមហ៊ុននេះបានវិនិយោគលើការអភិវឌ្ឍ ដីសម្បទានសេដ្ឋកិច្ច និងដីកម្មសិទ្ធិរបស់ក្រុមហ៊ុន ក្រោមរូបភាពជា ចម្ការដាំកសិ-ឧស្សាហកម្ម កៅស៊ូ ម្រេច តំបន់រមណីយដ្ឋាន សំណង់ និង ផែស្ងួត។

យោងតាមវិបសាយផ្លូវការ របស់ក្រុមហ៊ុន អាជីវកម្មរបស់ ក្រុមហ៊ុន ទ្រី ភាព គ្រុប មានដូចខាងក្រោម៖

ផ្នែកដំណាំកសិ-ឧស្សាហកម្ម៖
* ចម្ការ កៅស៊ូ ១៨៦០ហិចតា និង ចម្ការ ម្រេច ៥០ហិចតា នៅស្រុក វាលវែង ខេត្តពោធិ៍សាត់។
* ចម្ការ កៅស៊ូ ៣៣៧៦ហិចតា និង ចម្ការ ម្រេច ៥០ហិចតា នៅស្រុករវៀង ខេត្តព្រះវិហារ។

ផ្នែកទេសចរណ៍ និងសណ្ឋាគារ
* ខុនដូ កម្ពស់ ១២ជាន់ នៅសង្កាត់បឹងកេងកង ទី១ ខណ្ឌចំការមន រាជធានីភ្នំពេញ លើ ផទៃដី ១៨៦២ម៉ែត្រការ៉េ
* សណ្ឋាគារ និង កាស៊ីណូ មិត្តភាព នៅស្រុក អូរយ៉ាដាវ ខេត្តរតនគិរី គ្របដណ្ដប់លើផ្ទៃដី ២ហិចតា ឆ្នាំ ២០១៥
* វិមាន ទ្រី ផាលែស រីស្សត និងស្ប៉ា ជា ប្រភេទ ផ្ទះខ្មែរបុរាណ ធ្វើពីឈើប្រណិត គ្របដណ្ដប់ លើផ្ទៃដីប្រមាណ ២ហិចតា នៅខេត្តកែប។
* សណ្ឋាគារ និង កាស៊ីណូ ថ្មដា នៅស្រុកវាលវែង ខេត្តពោធិ៍សាត់ គ្របដណ្ដប់លើផ្ទៃដី ១០ហិចតា។
* សណ្ឋាគារ និង កាស៊ីណូ អានសេះ ស្ថិតនៅស្រុកជាំក្សាន្ត ខេត្តព្រះវិហារ លើផ្ទៃដីប្រមាណ ៥ហិចតា។

ផ្នែកសិប្បកម្ម
* ក្រុមហ៊ុន ទ្រីភាព គ្រុប មានរោងសប្បកម្ម ២កន្លែងធំៗ នៅស្រុកអង្គស្នួល ខេត្តកណ្ដាល គ្របដណ្ដប់លើផ្ទៃដីប្រមាណ ៤៥,១៤៧ហិចតា និងនៅស្រុក ភ្នំក្រវ៉ាញ ខេត្តពោធិ៍សាត់ គ្របដណ្ដប់ លើផ្ទៃដីប្រមាណ ១,៥ហិចតា។

ផ្នែកផែស្ងួត
* ផែស្ងួត នៅតំបន់សេដ្ឋកិច្ចពិសេស អូរយ៉ាដាវ ខេត្តរតនគិរី
* ផែស្ងួត នៅស្រុកឧត្តុង្គ ខេត្តកំពង់ស្ពឺ គ្របដណ្ដប់លើផ្ទៃដី ៣០ហិចតា

ផ្នែកតំបន់សេដ្ឋកិច្ចពិសេស
* តំបន់សេដ្ឋកិច្ចពិសេស ទ្រី ភាព អូរយ៉ាដាវ ខេត្តរតនគិរី (ផ្ទៃដី ១៣៦ហិចតា)
* តំបន់សេដ្ឋកិច្ចពិសេស អិម ឌី អេស ថ្មដា ខេត្តពោធិ៍សាត់ គ្របដណ្ដប់លើផ្ទៃដីប្រមាណ ២២៦៥ហិចតា ក្នុងនោះ ៥៩៤ហិចតា ជាតំបន់អភិវឌ្ឍន៍ទេសចរណ៍ ពាណិជ្ជកម្ម និងផ្សារទំនើប និង ១៦៧១ហិចតា ជាតំបន់ ដំណាំកសិ-ឧស្សាហកម្ម។

ផ្នែកប្រេង
* ក្រុមហ៊ុន ប៉ាប៉ា ប៉េត្រូលៀម នាំប្រេងចែកចាយ ទូទាំងប្រទេស មានស្ថានីយ៍ ផ្ទាល់ខ្លួននៅខេត្តព្រះវិហារ រតនគិរី កំពង់ស្ពឺ និងរាជធានីភ្នំពេញ។

សូមជម្រាបថា ក្រុមហ៊ុន ទ្រី ភាព គ្រុប របស់ឧកញ៉ា ទ្រី ភាព មានក្រុមហ៊ុន បុត្រសម្ព័ន្ធជាច្រើនផ្សេងទៀត ដូចជា ក្រុមហ៊ុន ទ្រី ភាព ហ្រ្គេន រ៉ូយ៉ាល់ ដែលមានរោងចក្រដំឡើងម៉ូតូជាច្រើន ប្រភេទ ដោយក្នុងមួយថ្ងៃ អាចដំឡើងបានពី ៤០០ ទៅ ៥០០គ្រឿង៕

The post តើមហាសេដ្ឋីប្រាក់លាន ទ្រី ភាព ក្តោបជំនួញប៉ុន្មានក្នុងដៃ? appeared first on .