ជាការឆ្លើយតបទៅនឹងតម្រូវការរបស់មណ្ឌលមែកឈើកំបូល និងតាមរយៈការអំពាវនាវរបស់លោក ផន ផល្លា ក្នុងរដូវបុណ្យភ្ជុំបិណ្ឌនេះ ប៉េង ហួត គ្រុប បានចូលរួមជាមួយសប្បុរសជន និងដៃគូគាំទ្រជាច្រើន ក្នុងការគាំទ្រគម្រោងសាងសង់អគារស្នាក់នៅសម្រាប់កុមារប្រុស ដោយបានឧបត្ថម្ភសម្ភារសំណង់សំខាន់ៗ ដើម្បីជួយបំពេញ និងបង្ហើយការសាងសង់ឱ្យបានរួចរាល់។ អគារស្នាក់នៅកម្ពស់ ២ ជាន់នេះ មានទទឹង ៩ ម៉ែត្រ បណ្តោយ ៤៥ ម៉ែត្រ និងមានចំនួនសរុប ១៨ បន្ទប់ ដែលត្រូវបានសាងសង់ឡើងតាមរយៈការចូលរួមពីសប្បុរសជន និងអ្នកគាំទ្រជាច្រើន ដើម្បីផ្តល់កន្លែងស្នាក់នៅប្រកបដោយសុវត្ថិភាព ផាសុកភាព និងសមរម្យសម្រាប់កុមារប្រុសដែលកំពុងស្នាក់នៅ និងទទួលការថែទាំពីមណ្ឌល។

ការចូលរួមលើកនេះ ស្របតាមទិសដៅទំនួលខុសត្រូវសង្គម (CSR) របស់ ប៉េង ហួត គ្រុប ក្នុងការរួមចំណែកអភិវឌ្ឍសង្គម និងលើកកម្ពស់សុខុមាលភាពរបស់កុមារកម្ពុជា ដោយផ្តោតលើវិស័យអប់រំ ការអភិវឌ្ឍសង្គម និងការលើកកម្ពស់គុណភាពជីវិតរបស់សហគមន៍។

គួរបញ្ជាក់ថា នេះគឺជាលើកទី៣ហើយ ដែល ប៉េង ហួត គ្រុប បានគាំទ្រមណ្ឌលមែកឈើកំបូល។ កាលពីពេលកន្លងមក ក្រុមហ៊ុនបានឧបត្ថម្ភអំណោយ និងសម្ភារចាំបាច់ជាច្រើន ដើម្បីរួមចំណែកលើកកម្ពស់សុខុមាលភាព និងគាំទ្រការរស់នៅ និងការសិក្សារបស់កុមារ។ ការគាំទ្រជាបន្តបន្ទាប់នេះ ឆ្លុះបញ្ចាំងពីការប្តេជ្ញាចិត្តរបស់ ប៉េង ហួត គ្រុប ក្នុងការរួមចំណែកកសាងអនាគតដ៏ប្រសើរសម្រាប់កុមារ និងសហគមន៍កម្ពុជា ស្របតាមទស្សនវិស័យ «ធ្វើឱ្យជីវិតលោកអ្នកកាន់តែមានន័យ»។

អំពី ប៉េង ហួត គ្រុប

ប៉េង ហួត គ្រុប គឺជាក្រុមហ៊ុនឈានមុខគេមួយក្នុងវិស័យអភិវឌ្ឍន៍អចលនទ្រព្យនៅកម្ពុជា ដែលប្តេជ្ញាបង្កើតគុណតម្លៃជូនអតិថិជន សហគមន៍ និងសង្គម តាមរយៈការអភិវឌ្ឍគម្រោងលំនៅឋានប្រកបដោយគុណភាព និងការអនុវត្តទំនួលខុសត្រូវសង្គមប្រកបដោយនិរន្តរភាព។

The post ប៉េង ហួត គ្រុប រួមចំណែកជាមួយសប្បុរសជនក្នុងការបញ្ចប់ការសាងសង់អគារស្នាក់នៅ ១៨ បន្ទប់ សម្រាប់កុមារប្រុស នៅមណ្ឌលមែកឈើកំបូល appeared first on .

ក្លឹបបាល់ទាត់បុរី ប៉េងហួត ដឹកនាំដោយផ្ទាល់ពីនាយឧត្តមសេនីយ៍ ម៉ៅ ហាវណ្ណាល់ រដ្ឋមន្ត្រី ទទួលបន្ទុករដ្ឋលេខាធិការដ្ឋានអាកាសចរស៊ីវិល ដដោយឈលេីគោលការណ៍កីឡានាំមកនូវ​សសុខភាព មិត្តភាព​​ វិន័យ​ និង ការទទួលខុសត្រូវ។

នៅឆ្នាំ២០២២នេះ ជាឆ្នាំទី៧ហើយ នាយឧត្តមសេនីយ៍ ម៉ៅ ហាវណ្ណាល់ ដែលបានចូលរួមប្រកួតមិត្តភាជាច្រើនប្រកួត។ ប្រភពច្បាស់ការ បានបង្ហើបប្រាប់ឧកញ៉ាញូស៍ថា ក្លឹបបាល់ទាត់បុរី ប៉េងហួត ក្រោមការដឹកនាំដោយលោក ម៉ៅ ហាវណ្ណាល់ ក្រៅពីរៀបចំការប្រកួតហើយនោះ ក៏តែងតែរៀបចំចាត់ថវិកា និងសម្ភារៈជូនដល់អតីតកីឡារករចាស់ៗ ចាប់តាំងពីសម័យសង្គមរាស្រ្តនិយម រហូតមកដល់សម័យរដ្ឋកម្ពុជា រួមទាំងកីឡាករចាស់ៗបច្ចុប្បន្នផងដែរ។

សូមជម្រាបថា ក្លឹបបាល់ទាត់បុរី ប៉េងហួត នៅថ្ងៃសៅរ៍ ទី៣ កញ្ញានេះ បានរៀបចំការប្រកួត ដណ្តើមពានរង្វាន់ និងបើករដូវកាលថ្មី រវាងក្រុម «ឯកសណ្ឋានពណ៌ លឿងទុំ» និង «ឯកសណ្ឋានពណ៌ ស្វាយ» ដែលមានការចូលរួមពីមន្ត្រីជាន់ខ្ពស់រាជរដ្ឋាភិបាល ឧកញ៉ា និងកីឡាករជាច្រើនរូបទៀត មានជាអាថ៌៖ លោក ម៉ៅ ហាវណ្ណាល់ រដ្ឋមន្ត្រី រដ្ឋលេខាធិការដ្ឋានអាកាសចរស៊ីវិល លោក កែប ជុតិមា អតីតអភិបាលក្រុងភ្នំពេញ លោក សាយ សំអាល់ រដ្ឋមន្ត្រីក្រសួងបរិស្ថាន លោក ហ៊ុន ម៉ានី សមាជិករដ្ឋសភា ព្រមទាំងអ្នកឧកញ៉ា លាង ឃុន សហស្ថាបនិក ក្រុមហ៊ុន ជីបម៉ុង គ្រុប ឧកញ៉ា ថៃ ជាហួត និងកីឡាករជាច្រើនរូបទៀត៕

The post តើនរណាជាប្រធានក្លឹបបាល់ទាត់បុរី ប៉េង ហួត? appeared first on .

រហូតមកដល់បច្ចុប្បន្ននេះ បុរី ប៉េង ហួត ដែលជាក្រុមហ៊ុនបុត្រសម្ព័ន្ធចម្បងមួយរបស់ក្រុមហ៊ុន ប៉េង ហួត គ្រុប បានមានវត្តមាននៅលើទីផ្សារអចលនទ្រព្យរបស់ប្រទេសកម្ពុជាប្រមាណ ១៦ ឆ្នាំមកហើយ។ គម្រោងដំបូងគេដែលបុរីប៉េងហួតបានបង្កើតឡើងគឺមានឈ្មោះថា ប៉េងហួតភូមិន្ទ ដែលមានទីតាំងនៅតាមបណ្តោយផ្លូវលេខ ៥៩៨ សង្កាត់ភ្នំពេញថ្មី ខណ្ឌសែនសុខ បង្កើតឡើងនៅក្នុងឆ្នាំ ២០០៥ និងជាគម្រោងដែលមានប្រភេទផ្ទះល្វែង និងវីឡាកូនកាត់។

បើតាមលោកឧកញ៉ា ថៃ ម៉េងលី ដែលជាអគ្គនាយកបុរី ប៉េង  ហួត បានលើកឡើងពីការចាប់ផ្តើមដំបូងនៃការ វិនិយោគបុរីបុរីប៉េង ហួត នៅឆ្នាំ​ ២០០៥ ព្រោះអំឡុងពេលនោះនៅកម្ពុជាមិនទាន់ មានលំនៅឋានរបៀបជាបុរីស្អាតៗនៅឡើយទេ គឺមានតែផ្ទះល្វែងនិងការសាងសង់វីឡាជាលក្ខណៈឯកជន។ នៅពេលលោកចេញចូលក្រៅប្រទេសច្រើនក៏បានសិក្សាពីការសាងសង់បុរីនៅប្រទេសគេ ហើយក៏បានចាប់ផ្តើមសាងសង់បុរីប៉េងហួត​ជាលើកទី១នៅតាមបណ្តោយផ្លូវ៥៩៨។

ចំពោះការឌីហ្សាញវិញបុរីបានគិតគូរពីសួនបៃតងដើមឈើធំៗ ដោយរក្សាផ្ទៃដីប្រមាណ ៤៥ ភាគរយ នៃបុរីនីមួយៗត្រូវបានរៀបចំដាំដើមឈើនិងសួនច្បារ។ ដោយសារក្រុមហ៊ុនបុរី ប៉េង ហួត ចង់ធ្វើអ្វីឲ្យប្លែកធ្វើអ្វីឲ្យល្អសម្រាប់ប្រទេសជាតិទើប ក្រុមហ៊ុន​កសាងបុរីនេះឡើងគិតពីបរិស្ថានសួនបៃតង និងរចនាផ្ទះដែលស្អាតៗជូនអតិថិជនទាំងអស់។

លោក​លើក​ពីទស្សនៈចង់ឲ្យប្រជាជនខ្មែរមានមោទនភាពថាខ្មែរ ក៏អាចសាងសង់ផ្ទះបានល្អដូចប្រទេសផ្សេងៗផងដែរ ។

បន្ទាប់ពីសាងសង់គម្រោង​អភិវឌ្ឍ​បុរីប៉េង ហួត​ទី១នៅផ្លូវលេខ ៥៩៨ នៅឆ្នាំ ២០០៥ ក្រុមហ៊ុន​បាន​ពង្រីកខ្លួនយ៉ាងរហ័សរហូតដល់ជាង៣០គម្រាងនាពេលបច្ចុប្បន្ននេះ។ ​​វិនិយោគធំបំផុត​នៅលើ​ផ្លូវជាតិលេខ១ ដែលមានទំហំដីកើនឡើងរហូតដល់ជាង ២០ គីឡូម៉ែត្រការ៉េទៅហើយ និងបន្តវិនិយោគនៅគម្រោងជាច្រើនទៀត។

គួរ​បញ្ជាក់​ថា ឈ្មោះប៉េង ហួត ជាឈ្មោះបូកបញ្ចូលគ្នារបស់អ្នកវិនិយោគស្ថាបនិកពីរ​រូបគឺ​ឧកញ៉ា ហៀង ប៊ុនប៉េង និង​ឧកញ៉ាថៃ ជាហួត។ គិតរហូតមកទល់ពេលនេះមានផ្ទះជិត ១០,០០០ ខ្នងត្រូវបានលក់ចេញហើយទីតាំងនៅតាមបណ្តោយផ្លូវជាតិលេខ១ជាទីតាំងធំជាងគេដែលមានផ្ទះប្រមាណ ៧០០០ ទៅ ៨០០០ ខ្នងត្រូវបានលក់ចេញផងដែរ៕

The post ទម្លាយ​អត្តសញ្ញាណ​ឈ្មោះ​បុរី ប៉េង ហួត កើត​ពី​​ស្ថាបនិកពីរ​នាក់​ បង្កើត​គម្រោង​ដំបូង​កាលពី ១៦ ឆ្នាំមុន appeared first on .

ការចូលរួម​នេះ គឺជា​ទឹកចិត្ត និង​សប្បុរសធម៌​ជួយ​គ្នា​នៅក្នុង​គ្រា​ដែល​ប្រទេសជាតិ​កំពុង​ជួប​គ្រោះអាសន្ន​ដោយសារ​ការរីក​រាលដាល​នៃ​ជំងឺ កូ​វីដ​-១៩ ខណ​:​ពេលបច្ចុប្បន្ន​ដែល​ថ្នាក់ដឹកនាំ និង​ក្រុមការងារ​សមាគម​គ្រូពេទ្យ​ស្ម័គ្រចិត្ត​យុវជន​សម្តេច​តេ​ជោ (TYDA) និង​យុវជន​ស្ម័គ្រចិត្ត​ប្រឆាំង​កូ​វីដ​-១៩ ដែល​កំពុង​បំពេញភារកិច្ច​យ៉ាងសកម្ម​ដើម្បី​ជាតិ និង​ប្រជាជន​។

ស្រប​ពេលដែល​ប្រទេស​កម្ពុជា មាន​ការរីក​រាលដាល​ជំងឺ​កូ​វីដ​-១៩ នៅក្នុង​សហគមន៍ មាន​សប្បុរសជន​ជាច្រើន​បាន​ចូល​រួ​ឧបត្ថម្ភ​ថវិកា សម្ភារៈ ជូន​ដល់​សមាគម TYDA ដើម្បី​រួមចំណែក​ជាមួយ​សកម្មភាព​មនុស្ស​ធម៌ ដើម្បី​ជាតិ​និង​ប្រជាជន​។

សមាគម​គ្រូពេទ្យ​ស្ម័គ្រចិត្ត​យុវជន​សម្តេច​តេ​ជោ (TYDA) សូម​ថ្លែងអំណរគុណ​ដល់​សប្បុរ​សជន​ដែល​បាន​ចូលរួម​សកម្មភាព​មនុស្សធម៌​ជាមួយ​សមាគម​គ្រូពេទ្យ​ស្ម័គ្រចិត្ត​យុវជន​ស​ម្តេ​ចតេ​ជោ​(TYDA) តាមរយៈ​ការឧបត្ថម្ភ​ថវិកា សម្ភារៈ ដើម្បី​ផ្តល់​លទ្ធភាព​ឱ្យ​សមាគម​បំពេញបេសកកម្ម​មនុស្ស​ធម៌​សម្រាប់​ជាតិ និង​មាតុភូមិ​។

គិត​ត្រឹម​ថ្ងៃទី​២២ ខែឧសភា ឆ្នាំ​២០២១​នេះ ខណៈ​ដែល​ចំនួន​អ្នក​កើត​ជំងឺ​កូ​វីដ​-១៩ នៅ​តែ​មាន​ចំនួន​ច្រើន មាន​សប្បុរសជន​ជាច្រើន​បាន​ចូលរួម​ឧបត្ថម្ភ​ជា​ថវិកា ភេសជ្ជៈ អាហារ និង​សម្ភារៈ​ជូន​ដល់​ក្រុម​គ្រូពេទ្យ​ស្ម័គ្រចិត្ត​យ​វជន​សម្តេច​តេ​ជោ (TYDA) ដែល​ចូលរួម​ប្រយុទ្ធប្រឆាំង​ជំងឺ​កូ​វីដ​១៩ ដើម្បី​ជា​ការ​លើកទឹកចិត្ត​ចំពោះ​កិច្ចខិតខំ ប្រឹងប្រែង​ចូលរួម​ក្នុងការ​ទប់ស្កាត់​ជំងឺ​កូ​វីដ​-១៩​កន្លងមក​៕

The post ក្រុមហ៊ុន ប៉េង ហួត គ្រុប ឧបត្ថម្ភ​ថវិកា​ចំនួន​៥​ម៉ឺន​ដុល្លារដល់សមាគម​គ្រូពេទ្យ​ស្ម័គ្រចិត្តសម្ដេចតេជោ appeared first on .

យុទ្ធនាការនេះបាននឹងកំពុងប្រព្រឹត្តទៅនៅ មជ្ឈមណ្ឌល កីឡា ផ្លាទីនីម (Platinum Sports Center) ក្នុងគម្រោង បុរី ប៉េង ហួត ហ្គ្រេនស្តា ផ្លាទីនីម (បឹងស្នោ) ចាប់ពីថ្ងៃទី២០ ខែមេសា ២០២១ តទៅ។

ថ្ងៃទី១នៃសកម្មភាពចាក់វ៉ាក់សាំង “ស៊ីណូវ៉ាក់ (Sinovac)” សម្រាប់ដូសទី២ ជូនដល់ប្រជាពលរដ្ឋដែលរស់នៅក្នុងខណ្ឌច្បារអំពៅ ប្រមាណ ៣០០នាក់ នៅមជ្ឈមណ្ឌលកីឡា ផ្លាទីនីម (Platinum Sports Center) ក្នុងគម្រោង បុរី ប៉េង ហួត ហ្គ្រេនស្តា ផ្លាទីនីម (បឹងស្នោ)។

សម្រាប់ថ្ងៃទី២១ មេសា ២០២១ ត្រូវនឹងថ្ងៃទី២ នៃយុទ្ធនាការចាក់វ៉ាក់សាំងនេះដែរ ក្រុមការងារជាបុគ្គលិករបស់ក្រុមហ៊ុន ប៉េង ហួត គ្រុប ក៏បានបន្តសហការជាមួយមន្ត្រីក្រសួងសុខាភិបាល ដោយនាំយកនូវវ៉ាក់សាំងស៊ីណូវ៉ាក់ ដូសទី២ ចំនួន ៥០០ដូស បន្ថែមទៀត សម្រាប់ត្រៀមចាក់ជូនបងប្អូនប្រជាពលរដ្ឋក្នុងមូលដ្ឋានខណ្ឌច្បារអំពៅ។

គួរបញ្ជាក់ថា យុទ្ធនាការចាក់វ៉ាក់សាំង ស៊ីណូវ៉ាក់ដូសទី២នេះ នឹងបន្តរហូតដល់មានការជូនដំណឹងជាថ្មី ដោយក្រសួងសុខាភិបាល។ សូមចូលរួមចាក់វ៉ាក់សាំងតាមការរៀបចំរបស់ក្រសួងសុខាភិបាល និងសូមប្រកាន់ខ្ជាប់នូវវិធានការ ”៣ការពារ ៣កុំ” ទាំងអស់គ្នា។

The post ក្រុមហ៊ុន ប៉េង ហួត គ្រុប សាខាបឹងស្នោផ្ដល់ទីតាំងចាក់វ៉ាក់សាំង “ស៊ីណូវ៉ាក់”ដូសទី២ ដល់ប្រជាពលរដ្ឋក្នុងខណ្ឌច្បារអំពៅ appeared first on .