ពិធី​ចុះហត្ថលេខាលើអនុស្សរណៈយោគយល់គ្នានេះ ​បាន​ធ្វើ​ឡើងនៅ​​មន្ទីរពេទ្យ អ៊ីនធ័រឃែរ ​រាជធានី​ភ្នំពេញ ក្រោមអធិបតីភាព លោកស្រី វេជ្ជបណ្ឌិត Carolyne Pung សហស្ថាបនិក និងជានាយិកាប្រតិបត្តិ នៃមន្ទីរពេទ្យ អ៊ីនធ័រឃែរ និងអ្នកឧកញ៉ា វេជ្ជបណ្ឌិត គួច ម៉េងលី ស្ថាបនិក ប្រធានក្រុមប្រឹក្សាភិបាល និងអគ្គនាយកប្រតិបត្តិ នៃក្រុមហ៊ុន ម៉េងលី ជេ. គួច អេឌ្យូខេសិន ម.ក ព្រមទាំងមានការអញ្ជើញចូលរួមពីថ្នាក់ដឹកនាំ និងបុគ្គលិកនៃស្ថាប័នទាំងពីរ សិស្សានុសិស្សរបស់សាលារៀន អន្តរទ្វីប អាមេរិកាំង (AIS) ក៏ដូចជាភ្ញៀវកិត្តិយស និងអ្នកព័ត៌មានជាតិ-អន្តរជាតិជាច្រើនរូប។

អនុស្សរណៈយោគយល់គ្នានេះ ធ្វើឡើងក្នុងគោលបំណងសំខាន់ ក្នុងការផ្ដល់សេវាកម្មថែទាំសុខភាពជូនសិស្សានុសិស្ស បុគ្គលិក និងក្រុមគ្រួសាររបស់ក្រុមហ៊ុន ម៉េងលី ជេ. គួច អេឌ្យូខេសិន ម.ក រួមមានដូចជា៖ ការពិនិត្យសុខភាពមុនចូលបម្រើការងារ ការពិនិត្យសុខភាពទូទៅ ការពិនិត្យសុខភាពប្រចាំឆ្នាំ ការចាក់វ៉ាក់សាំងជំងឺផ្សេងៗ ការព្យាបាលជំងឺ និងកម្មវិធីយល់ដឹងអំពីការថែទាំសុខភាពជាដើម។

ថ្លែងក្នុងពិធីចុះអនុស្សរណៈយោគយល់គ្នានេះដែរ លោកស្រី វេជ្ជបណ្ឌិត Carolyne Pung សហស្ថាបនិក និងជានាយិកាប្រតិបត្តិ នៃមន្ទីរពេទ្យ អ៊ីនធ័រឃែ បានបង្ហាញថ្លែងថា៖ «ភាពជាដៃគូជាមួយក្រុមហ៊ុន ម៉េងលី ជេ. គួច អេឌ្យូខេសិន ម.ក ដើម្បីផ្ដល់ជូនសេវាសុខភាព ការបង្ការជំងឺ ឬការព្យាបាលតាមបែបវេជ្ជសាស្រ្តដ៏លំដាប់ជូនដល់សិស្សានុសិស្ស បុគ្គលិក ក៏ដូចជាក្រុមគ្រួសាររបស់ក្រុមហ៊ុន ម៉េងលី ជេ. គួច អេឌ្យូខេសិន។

លោកស្រី វេជ្ជបណ្ឌិត បន្តថា៖ «កិច្ចសហការគ្នានេះ នឹងជួយលើកកម្ពស់ការអប់រំលើផ្នែកសុខភាពជូនដល់សិស្សានុសិស្ស និងបុគ្គលិកទាំងអស់របស់ក្រុមហ៊ុន ម៉េងលី ជេ. គួច អេឌ្យូខេសិន ដើម្បីអាចឱ្យពួកគេបានយល់ដឹងអំពីរបៀបថែទាំសុខភាពក្នុងការរស់នៅប្រចាំថ្ងៃផងដែរ»។ មិនតែប៉ុណ្ណោះ កិច្ចសហការនេះ ក៏នឹងជួយជំរុញដល់ការពង្រឹងភាពស៊ាំរាងកាយ និងសុខភាពផ្លូវចិត្ត ដែលជាផ្នែកមួយក្នុងការបង្កើនគុណភាពសុខភាព។ ជាពិសេស ភាពជាដៃគូសហការជាមួយក្រុមហ៊ុន ម៉េងលី ជេ. គួច អេឌ្យូខេសិន នេះ បង្កប់នូវស្មារតីដ៏ស៊ីសង្វាក់គ្នា និងមានតម្លៃ ដែលជួយជំរុញឱ្យដៃគូទាំងពីរដើរឆ្ពោះទៅកាន់អនាគតពោរពេញដោយសុខុមាលភាព និងការអប់រំមានទំនាក់ទំនងគ្នាយ៉ាងសុខុដុមរមនា។

អ្នកឧកញ៉ា វេជ្ជបណ្ឌិត គួច ម៉េងលី ស្ថាបនិក ប្រធានក្រុមប្រឹក្សាភិបាល និងអគ្គនាយកប្រតិបត្តិ នៃក្រុមហ៊ុន ម៉េងលី ជេ. គួច អេឌ្យូខេសិន ម.ក បានសម្តែងការអបអរសាទរចំពោះភាពជាដៃគូថ្មីនេះ ដោយអ្នកឧកញ៉ា មានប្រសាសន៍ថា៖ «ក្រុមហ៊ុន ម៉េងលី ជេ. គួច អេឌ្យូខេសិន ម.ក តែងតែស្វែងរកឱកាសថ្មីៗ ក្នុងការផ្ដល់ការលើកកម្ពស់ការអប់រំ និងសុខុមាលភាពដល់បុគ្គលិក គ្រូបង្រៀន និងសិស្សានុសិស្សរបស់យើង ក៏ដូចជាសហគមន៍ទាំងមូល»។

អ្នកឧកញ៉ា វេជ្ជបណ្ឌិត គួច ម៉េងលី កត់សម្គាល់ថា៖ «ស្របពេលដែលសាលារៀនរបស់យើងកំពុងមានការកើនឡើងជាបន្តបន្ទាប់ ដូច្នេះគោលដៅរបស់យើងគឺត្រូវធានាដល់សុខុមាលភាពរបស់បុគ្គលិ គ្រូបង្រៀន និងសិស្សានុសិស្សរបស់យើងជាចាំបាច់។ ប្រការនេះ ទើបបានជាយើងត្រូវស្វះស្វែងរកដៃគូសហការជាមួយមន្ទីរពេទ្យ ធ្វើយ៉ាងណា អាចឱ្យបុគ្គលិក គ្រូបង្រៀន និងសិស្សានុសិស្សរបស់យើង អាចទទួលបានការអប់រំសុខភាព ឬការព្យាបាល ប្រកបដោយស្តង់ដា និងការយកចិត្តទុកដាក់ ដែលជាកិច្ចខិតខំប្រឹងប្រែងមួយក្នុងការលើកកម្ពស់ការអប់រំនៅកម្ពុជា។

អ្នកឧកញ៉ា វេជ្ជបណ្ឌិត គួច ម៉េងលី បានបង្ហាញសេចក្តីសោមនស្សរីករាយ ក្នុងការប្រកាសពីភាពជាដៃគូថ្មីរបស់យើង ជាមួយមន្ទីរពេទ្យ អ៊ីនធ័រឃែរ ដែលនឹងផ្តល់ជូននូវសេវាថែទាំសុខភាពដ៏មានគុណភាពខ្ពស់ ចាំបាច់សម្រាប់សុខុមាលភាពរបស់បុគ្គលិក គ្រូបង្រៀន និងសិស្សានុសិស្សរបស់ក្រុមហ៊ុន ម៉េងលី ជេ. គួច អេឌ្យូខេសិន ម.ក ទាំងអស់»។

គួរជម្រាបថា ទន្ទឹមនឹងកំណើននៃចំនួនសាខារបស់សាលារៀន បុគ្គលិក សិស្សានុសិស្ស ក្រុមហ៊ុន ម៉េងលី ជេ. គួច អេឌ្យូខេសិន ម.ក នឹងបន្តបំពេញបេសកកម្មរបស់ខ្លួន ព្រមទាំងសហការគ្នាជាមួយ មន្ទីរពេទ្យតាមរយៈការបណ្តុះបណ្តាល និងការរៀបចំសិក្ខាសាលានានា ដើម្បីពង្រីកការយល់ដឹងអំពីសារៈសំខាន់នៃសុខភាព និងសុវត្ថិភាពនៅក្នុងសហគមន៍៕

សម្រាប់ព័ត៌មានលម្អិតអំពីកិច្ចសហការ និងកម្មវិធីថែទាំសុខភាពនាពេលខាងមុខ សូមទាក់ទងតាមរយៈ៖

•ក្រុមហ៊ុន ម៉េងលី ជេ. គួច អេឌ្យូខេសិន ម.ក (Mengly J. Quach Education PLC.) អ៊ីមែល(Email)៖ info@mjqeducation.edu.kh លេខទូរសព្ទ៖ +855 011 388 868

•មន្ទីរពេទ្យ អ៊ីនធ័រឃែរ(Intercare Hospital) អ៊ីម៉ែល(Email)៖ info@intercarehospital.com  លេខទូរសព្ទ៖ +855 23 996 900

The post ក្រុមហ៊ុន ម៉េងលី ជេ. គួច អេឌ្យូខេសិន អ្នកឧកញ៉ា គួច ម៉េងលី ចុះMOU ជាមួយមន្ទីរពេទ្យ អ៊ីនធ័រឃែរ សហការលើការផ្តល់សេវាសុខភាព appeared first on .

ពិធី​ចុះហត្ថលេខានេះ ​បាន​ធ្វើ​ឡើងនៅ​​មន្ទីរពេទ្យសង់ត្រាល់ ​រាជធានី​ភ្នំពេញ ក្រោមអធិបតីភាព លោកស្រី ស៊ីម សុវណ្ណារ៉ា នាយិកាមន្ទីរពេទ្យ សង់ត្រាល់ អ្នកឧកញ៉ា វេជ្ជបណ្ឌិត គួច ម៉េងលី ស្ថាបនិក ប្រធានក្រុមប្រឹក្សាភិបាល និងអគ្គនាយកប្រតិបត្តិ នៃក្រុមហ៊ុន ម៉េងលី ជេ. គួច អេឌ្យូខេសិន ម.ក និងមានការអញ្ជើញចូលរួមពីថ្នាក់ដឹកនាំ និងបុគ្គលិកនៃស្ថាប័នទាំងពីរ ភ្ញៀវកិត្តិយស និងអ្នកព័ត៌មានជាច្រើនរូប។

អនុស្សរណៈយោគយល់គ្នានេះ រំលេចអំពីសេវាកម្មថែទាំសុខភាពមួយដែលត្រូវផ្តល់ជូនសិស្សានុសិស្ស បុគ្គលិក និងក្រុមគ្រួសាររបស់ក្រុមហ៊ុន ម៉េងលី ជេ. គួច អេឌ្យូខេសិន ម.ក រួមមានដូចជា៖ ការពិនិត្យសុខភាពមុនចូលបម្រើការងារ ការពិនិត្យសុខភាពទូទៅ ការពិនិត្យសុខភាពប្រចាំឆ្នាំ ការចាក់វ៉ាក់សាំងជំងឺផ្សេងៗ ការព្យាបាលជំងឺ និងកម្មវិធីយល់ដឹងអំពីការថែទាំសុខភាពជាដើម។

លោកស្រី ស៊ីម សុវណ្ណារ៉ា នាយិកាមន្ទីរពេទ្យ សង់ត្រាល់ បានបង្ហាញសេចក្ដីសោមនស្សរីករាយ ចំពោះកិច្ចសហការនេះ និងចាត់ទុកភាពជាដៃគូជាមួយក្រុមហ៊ុន ម៉េងលី ជេ. គួច អេឌ្យូខេសិន ម.ក គឺជាជំហានដ៏សំខាន់មួយឆ្ពោះទៅរកការផ្តល់សេវាថែទាំសុខភាពដែលមានគុណភាពខ្ពស់។ យើងប្តេជ្ញាធានាថា សិស្សានុសិស្ស បុគ្គលិក និងក្រុមគ្រួសាររបស់ក្រុមហ៊ុននេះ ទទួលបានការថែទាំសុខភាពដ៏ល្អបំផុត និងសំដៅរួមគ្នាលើកកម្ពស់សុខុមាលភាពក្នុងសហគមន៍ និងលើកកម្ពស់ការយល់ដឹងកាន់តែស៊ីជម្រៅអំពីសុខភាពនិងសុវត្ថិភាព។»

អ្នកឧកញ៉ា វេជ្ជបណ្ឌិត គួច ម៉េងលី ស្ថាបនិក ប្រធានក្រុមប្រឹក្សាភិបាល និងអគ្គនាយកប្រតិបត្តិ នៃក្រុមហ៊ុន ម៉េងលី ជេ. គួច អេឌ្យូខេសិន ម.ក បានសម្តែងការអបអរសាទរចំពោះភាពជាដៃគូថ្មីនេះ ដោយអ្នកឧកញ៉ា មានប្រសាសន៍ថា៖ «“យើងពិតជាមានសេចក្តីសោមនស្សរីករាយក្នុងការប្រកាសពីភាពជាដៃគូថ្មីរបស់យើង ជាមួយមន្ទីរពេទ្យ សង់ត្រាល់ ដែលនឹងផ្តល់ជូននូវសេវាថែទាំសុខភាពដ៏មានគុណភាពខ្ពស់ ចាំបាច់សម្រាប់សុខុមាលភាពសិស្សានុសិស្ស បុគ្គលិក និងក្រុមគ្រួសាររបស់ក្រុមហ៊ុន ម៉េងលី ជេ. គួច អេឌ្យូខេសិន ម.ក ទាំងអស់។

អ្នកឧកញ៉ា វេជ្ជបណ្ឌិត គួច ម៉េងលី បានគូសបញ្ជាក់ថា ការសហការគ្នានេះ៖ «យើងមានគោលបំណងលើកកម្ពស់ការអប់រំផ្នែកសុខភាព ស្របពេលដែលកម្ពុជាកំពុងជំរុញការបណ្ដុះបណ្ដាលជំនាញវិជ្ជាជីវៈ តាមរយៈការរៀបចំកញ្ចប់សេវាកម្មសុខភាពនៅមន្ទីរពេទ្យ ដែលអាចស្រាវជ្រាវ និងស្វែងរកសេវាថែទាំជំងឺដោយផ្ទាល់។»

សូមបញ្ជាក់ថា ទន្ទឹមនឹងកំណើននៃចំនួនសាខារបស់សាលារៀន បុគ្គលិក សិស្សានុសិស្ស ក្រុមហ៊ុន ម៉េងលី ជេ. គួច អេឌ្យូខេសិន ម.ក នឹងបន្តបំពេញបេសកកម្មរបស់ខ្លួន ព្រមទាំងសហការគ្នាជាមួយ មន្ទីរពេទ្យ សង់ត្រាល់ តាមរយៈការបណ្តុះបណ្តាល និងការរៀបចំសិក្ខាសាលានានា ដើម្បីពង្រីកការយល់ដឹងអំពីសារៈសំខាន់នៃសុខភាព និងសុវត្ថិភាពនៅក្នុងសហគមន៍៕

សម្រាប់ព័ត៌មានលម្អិតអំពីកិច្ចសហការ និងកម្មវិធីថែទាំសុខភាពនាពេលខាងមុខ សូមទាក់ទងតាមរយៈ៖

ក្រុមហ៊ុន ម៉េងលី ជេ. គួច អេឌ្យូខេសិន ម.ក (Mengly J. Quach Education PLC.) អ៊ីមែល(Email)៖ info@mjqeducation.edu.kh លេខទូរសព្ទ៖ +855 011 388 868

មន្ទីរពេទ្យ សង់ត្រាល់ (Central Hospital) អ៊ីម៉ែល(Email)៖ info@centralhospital.com.kh  លេខទូរសព្ទ៖ +855 23 214 955

The post ក្រុមហ៊ុន ម៉េងលី ជេ. គួច អេឌ្យូខេសិន ម.ក អ្នកឧកញ៉ា វេជ្ជបណ្ឌិត គួច ម៉េងលី ចុះហត្ថលេខាលើអនុស្សរណៈយោគយល់គ្នាជាមួយ មន្ទីរពេទ្យ សង់ត្រាល់ សហការលើការផ្ដល់សេវាផ្នែកសុខភាព appeared first on .

ពិធីមហាសន្និបាតនេះធ្វើឡើងក្រោមអធិបតីភាពក្រុមប្រឹក្សាភិបាលដែលមាន អ្នកឧកញ៉ា វេជ្ជបណ្ឌិត គួច ម៉េងលី ស្ថាបនិក ប្រធានក្រុមប្រឹក្សាភិបាល និងជាអគ្គនាយកប្រតិបត្តិ, លោក គួច ផល អភិបាលប្រតិបត្តិ, លោក គួច អាឡិច អភិបាលប្រតិបត្តិ, លោកជំទាវ អ៊ឹង លីហុង អភិបាលប្រតិបត្តិ, លោកគង់ វ៉ារ៉ា អភិបាលឯករាជ្យ, តំណាងនិយ័តករមូលបត្រកម្ពុជា, តំណាងផ្សារមូលបត្រកម្ពុជា ព្រមទាំងថ្នាក់ដឹកនាំ បុគ្គលិក នៃក្រុមហ៊ុន ម៉េងលី ជេ. គួច អេឌ្យូខេសិន ក៏ដូចជាភាគហ៊ុនិក សាធារណជន និងអ្នកព័ត៌មានជាតិ អន្ដរជាតិ ជាច្រើនរូបផងដែរ។

របាយការណ៍ក្រុមហ៊ុន បានឱ្យដឹងថា នៅក្នុងពិធីចុះបញ្ជីលក់មូលបត្រកម្មសិទ្ធិជាផ្លូការនៅក្រុមហ៊ុនផ្សារមូលបត្រកម្ពុជា កាលពីថ្ងៃទី២៨ ខែមិថុនា ឆ្នាំ២០២៣ ក្រុមហ៊ុន ម៉េងលី ជេ. គួច អេឌ្យូខេសិន ម.ក បានប្ដេជ្ញាចិត្តធានាជូនការផ្ដល់ភាគលាភយ៉ាងតិច៦%ក្នុងមួយឆ្នាំ រយៈពេល២ឆ្នាំ។

ក្នុងកិច្ចប្រជុំក្រុមប្រឹក្សាភិបាលកាលពីថ្ងៃទី២២ ខែមីនា ឆ្នាំ២០២៤ ក្រុមប្រឹក្សាភិបាលបានសម្រេច និងស្នើទៅកាន់ភាគហ៊ុនិក ដើម្បីអនុម័តលើការបែងចែកភាគលាភនៃប្រាក់ចំណេញឆ្នាំ២០២៣ ទៅកាន់ភាគហ៊ុនិកជាសាធារណជន ដែលភាគលាភត្រូវបែងចែកជាសាច់ប្រាក់ និងផ្ទេរទឹកប្រាក់ដែលនៅសល់ចូលក្នុងប្រាក់ចំណេញដើម្បីរក្សាទុក។

បើតាមអ្នកឧកញ៉ា គួច ម៉េងលី ជាក់ស្តែងក្នុងឆ្នាំ២០២៣ ចំណូលរបស់ក្រុមហ៊ុន ម៉េងលី ជេ. គួច អេឌ្យូខេសិន ម.ក បានកើនឡើងគួរឱ្យកត់សម្គាល់ចំនួន៤៥.៧៧០.៤១៥ពាន់រៀល ពី១០៣.៨៣៥.៦០២ពាន់រៀលដល់១៤៩.៦០៦.០១៧ពាន់រៀល ដែលស្មើនឹងអត្រាកំណើន៤៤%។ ប្រាក់ចំណេញដុលរបស់យើងបានកើនឡើងយ៉ាងខ្លាំងចំនួន២៩.៦០៨.៥០០ពាន់រៀល ពីចំនួន៦៦.២៧៩.៦៤០ពាន់រៀលទៅចំនួន៩៥.៨៨៨.១៤០ពាន់រៀល ដែលស្មើនឹង៤៥%។ ប្រាក់ចំណេញសុទ្ធរបស់យើងក៏បានកើនឡើងចំនួន៩.៦៣៨.០៦០ពាន់រៀលដែរ ដែលស្មើនឹងអត្រាកំណើន១០២% ពីចំនួន៩.៤៤២.៦៣៥ពាន់រៀលមកចំនួន១៩.០៨០.៦៩៥ពាន់រៀល។

សម្រាប់លទ្ធផលអាជីវកម្មវិញ ក្រុមហ៊ុន ម៉េងលី ជេ. គួច អេឌ្យូខេសិន ម.ក បានសម្ពោធសាខាថ្មីនៃ សាលារៀន អន្ដរទ្វីប អាមេរិកាំង (AIS) និងមជ្ឈមណ្ឌលភាសា អេ អាយ អាយ (Aii) ចំនួន៥សាខា មានជាអាទិ៍ សាខាតាកែវ (១សាខា) សាខាសែនសុខ (២សាខា) សាខាច្បារអំពៅ (២សាខា) ដែលធ្វើឱ្យចំនួនសាខាសរុបបានកើនឡើងដល់២០ ពីចំនួន១៥សាខាក្នុងឆ្នាំ២០២២។ យើងក៏បានប្រារព្ធពិធីបុកគ្រឹះសាងសង់អគារថ្មីនៃសាលារៀន អន្តរទ្វីប អាមេរិកាំង និងមជ្ឈមណ្ឌលភាសា អេ អាយ អាយ សាខាចោមចៅ នៅក្នុងត្រីមាសទីបួននៃឆ្នាំ២០២៣ផងដែរ។

អ្នកឧកញ៉ាបន្តថា ភាគហ៊ុនិកស្ថាបនិកនឹងមិនទទួលយកភាគលាភនេះទេ ដោយផ្អែកលើកិច្ចព្រមព្រៀងភាគហ៊ុនិកនិងសំណើរបស់ក្រុមប្រឹក្សាភិបាល ដើម្បីរក្សាភាគលាភសម្រាប់ការអភិវឌ្ឍរបស់ក្រុមហ៊ុន ចំណែកភាគហ៊ុនិកសាធារណៈនឹងទទួលបានភាគលាភ ៧% នៃតម្លៃភាគហ៊ុន២,០៨០រៀល (១% លើសពីចំនួនដែលបានសន្យាមុនពេលក្រុមហ៊ុនចូល IPO)។

លើសពីនេះ ភាគហ៊ុនិកបានអនុម័តលើការចែកចាយភាគលាភជាសាច់ប្រាក់នៃប្រាក់ចំណេញឆ្នាំ២០២៣ ដែលត្រូវប្រគល់ជូនភាគហ៊ុនិករបស់ក្រុមហ៊ុនចំនួន១.៤៥១.០៦៨.០៩១,២០រៀល ក្នុងតម្លៃ១៤៥.៦០រៀលក្នុងមួយហ៊ុន និងផ្ទេរសមតុល្យដែលនៅសល់នៃប្រាក់ចំណេញឆ្នាំ២០២៣ សម្រាប់រយៈពេលដែលត្រូវប្រគល់ឱ្យក្រុមហ៊ុនដើម្បីរក្សាទុកប្រាក់ចំណូល.

សូមបញ្ជាក់ថា ក្រុមហ៊ុនក៏មានផែនការសម្រាប់ការពង្រីកសាខា និងនវានុវត្តន៍នៅក្នុងការអប់រំកំពុងដំណើរការយ៉ាងរលូន ដោយសាខាថ្មីៗនិងការផ្ដួចផ្ដើមគំនិតឌីជីថលថ្មីត្រូវបានបង្កើតឡើងដើម្បីពង្រឹងគុណភាពអប់រំរបស់។ដោយគម្រោងសាងសង់នឹងចាប់ផ្ដើមសម្រាប់សាខា៤បន្ថែមទៀតនៅដើមឆ្នាំ២០២៤ ដែលជាសាខាទី២២និងទី២៤ សម្រាប់មជ្ឈមណ្ឌលភាសា អេ អាយ អាយ (Aii) និងសាលារៀន អន្ដរទ្វីប អាមេរិកាំង (AIS) ដែលមានទីតាំងនៅចំការដូង (២សាខា) និងទួលសង្កែ (២សាខា)៕

The post ក្រុមហ៊ុន ម៉េងលី ជេ.គួច របស់អ្នកញ៉ា គួច ម៉េង លី ផ្ដល់ភាគលាភដល់ភាគហ៊ុនិកសាធារណៈ ៧% លើសពីចំនួនដែលក្រុមហ៊ុនបានសន្យា appeared first on .

ពិធីចុះ MOUនេះធ្វើឡើងរវាងអ្នកឧកញ៉ា គួច ម៉េងលី ស្ថាបនិកប្រធានក្រុមប្រឹក្សាភិបាល និងអគ្គនាយកប្រតិបត្តិនៃក្រុមហ៊ុន ម៉េង លី ជេ.គួច អេឌ្យូខេសិន និងឯកឧត្ដមសាស្ត្រាចារ្យ ជេត ជាលី សាកលវិទ្យាធិការនៃសាកលវិទ្យាល័យភូមិន្ទភ្នំពេញ នៅថ្ងៃទី១២ ខែមីនា ឆ្នាំ២០២៤។

ការចុះ MOU លើកិច្ចសហប្រតិបត្តិការរវាងភាគីទាំងពីររួមមាន៖
១, ក្រុមហ៊ុន ម៉េង លី ជេ.គួច អេឌ្យូខេសិនផ្តល់ថវិកាប្រមាណ១ម៉ឺនដុល្លារ ក្នុងមួយឆ្នាំ ដល់សាកលវិទ្យាល័យភូមិន្ទភ្នំពេញសម្រាប់រយៈពេល៣ឆ្នាំ លើមូលនិធិទស្សនវិជ្ជាខ្មែរ។
២, ផ្តល់ថវិកាប្រមាណ១ម៉ឺនដុល្លារ ក្នុងមួយឆ្នាំ សម្រាប់រយៈពេល៣ឆ្នាំដូចគ្នា ដល់មហាវិទ្យាល័យវិស្វកម្ម។
និង៣, ក្រុមហ៊ុនមានឱកាសរៀបចំព្រឹត្តិការណ៍ ផ្សព្វផ្សាយជ្រើសរើសបុគ្គលិក និងផ្តល់កិច្ចពិភាក្សាការងារដល់និស្សិតនៅសាកលវិទ្យាល័យភូមិន្ទភ្នំពេញ។

ថ្លែងក្នុងពិធីខាងលើ អ្នកឧកញ៉ា គួច ម៉េងលី បានលើកឡើងថាមូលហេតុដែលចុះ MOUនាពេលនេះ ព្រោះសាលារៀន និងវិទ្យាស្ថានរបស់អ្នកឧកញ៉ា តែងតែស្វែងរកអង្គការ សហគមន៍ណាដែលបានជួយលើកស្ទួយក្នុងអក្សរសាស្រ្ត អក្សរសិល្ប៍ឬមុខវិជ្ជាដែលអាចជួយដល់និស្សិតខ្មែរដើម្បីពង្រឹងនូវការសិក្សា ហើយដោយឃើញថានៅ RUPP មានកម្មវិធីពីរ ទី១,ការពង្រឹងទៅលើសំស្រ្កឹត ទី២,ពង្រឹងលើការរៀនសូត្រផ្នែកវិស្វកម្ម។

អ្នកឧកញ៉ាបន្តថា គោលដៅរបស់ក្រុមហ៊ុនគឺចូលរួមជាមួយរាជរដ្ឋាភិបាលដើម្បីពង្រឹងវិស័យអប់រំតាមខ្សែរយៈគម្រោងផ្សេងៗ ដើម្បីលើកស្ទួយវិស័យអប់រំ ហើយដើម្បីឱ្យក្មេងៗមានឱកាសស្វែងយល់ផងដែរ។

អ្នកឧកញ៉ាបានសង្កត់ធ្ងន់ថា «ពិធីចុះMOUនេះមួយឆ្នាំខ្ញុំនឹងផ្តល់២ម៉ឺនដុល្លារជូនទៅ RUPPខាងវិស័យសំស្រ្កឹតលើការលើកស្ទួយស្រាវជ្រាវពង្រឹងថែមទៀត ក្នុងរយៈពេល៣ឆ្នាំ។ការផ្តល់ថវិកានេះជាការផ្តល់ថវិកាដោយសប្បាយចិត្ត ព្រោះនឹងបង្កើនធនធានមនុស្ស ចំណេះដឹងច្រើនទៅដល់យុវសិស្ស បញ្ញាវនថ្ងៃក្រោយ។ការផ្តល់ថវិកាជាការចម្រើនឱ្យកើនចំណេះដឹងដល់បញ្ញវនខ្មែរយើងគឺជាចំណុចមួយស្មើនឹងការធ្វើបុណ្យធ្វើទានមួយធំ។ហើយសង្ឈឹមមានការកើនជាង២ម៉ឺនដុល្លារទៀតនៅក្នុងមួយឆ្នាំ»៕

The post ក្រុមហ៊ុនអ្នកឧកញ៉ា គួច ម៉េងលី ចុះ MOU ជាមួយសាកលវិទ្យាល័យភូមិន្ទភ្នំពេញផ្តល់ថវិកា ២ម៉ឺនដុល្លារក្នុងមួយឆ្នាំលើកម្មវិធីពីរ appeared first on .

បើតាមរបាយការណ៍ហិរញ្ញវត្ថុបានបង្ហាញថា ក្រុមហ៊ុនទទួលបានចំណូលសរុបប្រមាណ ១៨,៨លានដុល្លារអាមេរិក នៅត្រីមាសទី២ដំបូង ក្នុងឆ្នាំ២០២៣ ដោយមានការកើនឡើងជាង ៦,៣លានដុល្លារ ស្នើនឹង៥១% ធៀបនឹងត្រីមាសទី២ដំបូង ក្នុងឆ្នាំ២០២២កន្លងទៅ ដែលកើនត្រឹមតែ ១២,៤លានដុល្លារអាមេរិក។

បើតាមរបាយការណ៍ខាងលើបញ្ជាក់ថា« ភាពរីកចម្រើនផ្នែកហិរញ្ញវត្ថុដ៏រឹងមាំនេះ បណ្តាលមកពីកត្តាមួយចំនួន។កត្តាដំបូងនិងសំខាន់បំផុតនោះគឺ ក្រុមហ៊ុន ម៉េងលី ជេ. គួច អេឌ្យូខេសិន ម.ក អាចរៀបចំសម្របខ្លួនបានភ្លាមៗ ទៅនឹងស្ថានភាពអប់រំអំឡុងពេលរីករាលដាលនៃជំងឺកូវីដ-១៩។ ថ្វីបើពេលនោះ អ្វីៗធ្វើឡើងដោយបណ្តោះ អាសន្ន ប៉ុន្តែដោយមានកំណែទម្រង់យ៉ាងយកចិត្តទុកដាក់ជាទីបំផុត ទើបក្រុមហ៊ុន ម៉េងលី ជេ. គួច អេឌ្យូខេសិន ម.ក អាចបន្តប្រតិបត្តិការផ្តល់សេវាអប់រំនិងត្រលប់មកបង្រៀនដូចដើមបានភ្លាមៗ នៅពេលប្រទេសដទៃទៀតក្នុងសកលលោកអាចវិលត្រលប់មកសភាពធម្មតាវិញ»។

លើសពីនេះ បើតាមរបាយការណ៍ក្រុមហ៊ុនបានប្រមូលបានប្រាក់ចំណេញដុលជាង ១២,៣លានដុល្លារអាមេរិក និងប្រាក់ចំណេញសុទ្ធប្រមាណជាង ៣,២លានដុល្លារអាមេរិក។ ពិតណាស់ ទឹកប្រាក់បានកើនឡើងគួរឱ្យកត់សម្តគាល់ ប្រមាណ ៤,០៤លានដុល្លារអាមេរិក និង ១,០៥លានដុល្លារអាមេរិក បើធៀបទៅនឹង៦ខែដំបូងនៃឆ្នាំមុន។

បើក្រឡេកមើលស្ថានភាពហរិញ្ញវត្ថុរបស់ក្រុមហ៊ុន តាមឆ្នាំហិរញ្ញវត្ថុចុងគ្រា ដែលបានបិទបញ្ចប់នៅខែធ្នូឆ្នាំ២០២២កន្លងទៅ យើងអាចមើលឃើញថា ទ្រព្យសកម្មសរុបមានចំនួនជាង ៦,៥លានដុល្លារអាមេរិក បានកើនដល់ទៅជាង ៨០,៤លានដុល្លារអាមេរិក។ ការណ៍នេះ បញ្ជាក់ឱ្យឃើញថា អត្រាកើនឡើងមានដល់ទៅ៩% ធៀបនឹងចំនួនជាង ៧៣,៨លានដុល្លារអាមេរិក យោងតាមរបាយការណ៍ដែលបិទបញ្ចប់នៅឆ្នាំកន្លងទៅ។ ម្យ៉ាងវិញទៀត មូលធនសរុបក៏បានកើនឡើងគួរឱ្យកត់សម្គាល់ផងដែរ ពោលកើនពីជាង ១៧,៩លានដុល្លារអាមេរិក ទៅ ២២,៧លានដុល្លារអាមេរិក ស្មើនឹងកំណើន២៦.៤% ។ បំណុលសរុបបានកើនឡើងជាង ១,៨លានដុល្លារអាមេរិក ស្មើនឹង៣.៣% ពោលកើនពីជាង ៥៥,៩លានដុល្លារអាមេរិក ទៅ ជាង៥៧,៧លានដុល្លារអាមេរិក៕

អត្ថបទ៖សារេត

The post ក្រុមហ៊ុនអ្នកឧកញ៉ា គួច ម៉េងលី រកប្រាក់ចំណូលបានជាង១៨លានដុល្លារអាមេរិក នៅត្រីមាសទី២ ឆ្នាំនេះ appeared first on .