ក្រុមហ៊ុន យីតាក់ គ្រុប

រយៈពេល១ឆ្នាំចុងក្រោយ ថ្នាក់ដឹកនាំក្រុមហ៊ុន យីតាក់ គ្រុប ទទួលបានគោរមងារ «អ្នកឧកញ៉ា» ទាំងពីររូប

ឧកញ៉ាដែនដី — Thu, 14 Dec 2023 00:45:00 +0000

រយៈពេល១ឆ្នាំចុងក្រោយនេះ ថ្នាក់ដឹកនាំក្រុមហ៊ុន យីតាក់ គ្រុប (YETAK GROUP ) ដែលជាក្រុមហ៊ុននាំចូល និងចែកចាយជីកសិកម្មដ៏ធំមួយនៅកម្ពុជា ចាប់តាំងពីឆ្នាំ២០០២ បានទទួលគោរមងារ «អ្នកឧកញ៉ា» ទាំងពីររូប។

អ្នកឧកញ៉ា ផែ ហុកឈួន អគ្គនាយកក្រុមហ៊ុន យីតាក់ គ្រុប

ឧកញ៉ា ផែ ហុកឈួន ស្ថាបនិក និងជាអគ្គនាយកក្រុមហ៊ុន យីតាក់ គ្រុប ត្រូវបានព្រះមហាក្សត្រនៃកម្ពុជា ត្រាស់បង្គាប់ផ្តល់គោរមងារ «អ្នកឧកញ៉ា» រួមគ្នាជាមួយនឹងភរិយារបស់លោក គឺលោកស្រីឧកញ៉ា អ៊ឹង ស៊ីស្រ៊ន នៅថ្ងៃទី២៦ ខែវិច្ឆិកា ឆ្នាំ២០២២ តាមរយៈព្រះរាជក្រឹត្យលេខ នស/រកត/១១២២/១៤៧៧។

អ្នកឧកញ៉ា សុខ ឆេង (ស្តាំ) អគ្គនាយករងក្រុមហ៊ុន យីតាក់ គ្រុប

រំលងមិនបានមួយឆ្នាំឧកញ៉ា សុខ ឆេង អគ្គនាយករងក្រុមហ៊ុន យីតាក់ គ្រុប ក៏ត្រូវបានព្រះមហាក្សត្រ ត្រាប់ង្គាប់ផ្តល់គោរមងារ «អ្នកឧកញ៉ា» នៅថ្ងៃទី៤ ខែសីហា ឆ្នាំ២០២៣ ដោយព្រះរាជក្រឹត្យលេខ នស/រកត/០៨២៣/១៧៣៩។

សូមជម្រាបថា ក្រុមហ៊ុន យីតាក់ គ្រុប បាននាំចូលនិងចែកចាយ ជី អ៊ិនប៉េកា សញ្ញាក្បាលក្របី និង ជី អិនប៉េកា សញ្ញាស្លឹកមាស លើដំណាំស្រូវ ដែលសហការជាមួយក្រុមហ៊ុនដ៏ធំរបស់វៀតណាមគឺក្រុមហ៊ុន ជីប៊ិញឌៀន ចាប់តាំងពីឆ្នាំ២០០២ មកដល់បច្ចុប្បន្ន។ នៅថ្ងៃទី០៧ ខែមេសា ឆ្នាំ២០១៥ ក្រុមហ៊ុន យីតាក់ គ្រុប បានចុះបញ្ជីជាផ្លូវការ ដោយមានទីស្នាក់ការនៅផ្លូវ២១៤ សង្កាត់បឹងរាំង ខណ្ឌដូនពេញ រាជធានីភ្នំពេញ៕

The post រយៈពេល១ឆ្នាំចុងក្រោយ ថ្នាក់ដឹកនាំក្រុមហ៊ុន យីតាក់ គ្រុប ទទួលបានគោរមងារ «អ្នកឧកញ៉ា» ទាំងពីររូប appeared first on .

ណែនាំឱ្យស្គាល់ឧកញ៉ា២រូប ជាថ្នាក់ដឹកនាំក្រុមហ៊ុនចែកចាយជីកសិកម្មដ៏ធំ នៅកម្ពុជា ២ទសវត្សរ៍

ឧកញ៉ាដែនដី — Mon, 31 Oct 2022 01:30:00 +0000

ក្រុមហ៊ុន យីតាក់ គ្រុប (YETAK GROUP LTD) ជាក្រុមហ៊ុននាំចូល និងចែកចាយជីកសិកម្មដ៏ធំមួយនៅកម្ពុជា តាំងពីឆ្នាំ២០០២។ ក្រុមហ៊ុននេះ មានឧកញ៉ា២រូបជាថ្នាក់ដឹកនាំគឺ ឧកញ៉ា ផែ ហុកឈួន ជាស្ថាបនិក និងជាអគ្គនាយកក្រុមហ៊ុន និងឧកញ៉ា សុខ ឆេង ជាអគ្គនាយករង។

ឧកញ៉ា ផែ ហុកឈួន អគ្គនាយក ក្រុមហ៊ុន យីតាក់ គ្រុប

យីតាក់ គ្រុប បាននាំចូលនិងចែកចាយ ជី អ៊ិនប៉េកា សញ្ញាក្បាលក្របី និង ជី អិនប៉េកា សញ្ញាស្លឹកមាស លើដំណាំស្រូវ ដែលសហការជាមួយក្រុមហ៊ុនដ៏ធំរបស់វៀតណាមគឺក្រុមហ៊ុន ជីប៊ិញឌៀន ចាប់តាំងពីឆ្នាំ២០០២ មកដល់បច្ចុប្បន្ន។ យ៉ាងណាមិញ លុះដល់ថ្ងៃទី០៧ ខែមេសា ឆ្នាំ២០១៥ ក្រុមហ៊ុន បានចុះបញ្ជីជាផ្លូវការ ដោយមានទីស្នាក់ការនៅផ្លូវ២១៤ សង្កាត់បឹងរាំង ខណ្ឌដូនពេញ រាជធានីភ្នំពេញ។

ឧកញ៉ា សុខ ឆេង ជាអគ្គនាយករង ក្រុមហ៊ុន យីតាក់ គ្រុប

សូមជម្រាបជូនថា ក្រុមហ៊ុន ជីប៊ិញឌៀន របស់វៀតណាម ដែលមានមូលដ្ឋាននៅទីក្រុងហូជីមិញ បានបង្កើតឡើងតាំងពីឆ្នាំ១៩៧៣។ ក្រុមហ៊ុននេះ បានផលិត និងជួញដូរ ជី ចំណីសត្វ និងថ្នាំសម្លាប់សត្វល្អិតផងដែរ ហើយកសិកម្មរបស់ប្រទេសវៀតណាមប្រមាណ ៣០% បានប្រើប្រាស់ ជី NPK របស់ក្រុមហ៊ុនមួយនេះ។ យ៉ាងណាមិញ នៅកម្ពុជា ក្រុមហ៊ុន យីតាក់ គ្រុប បាននាំចូលជី ក្រុមហ៊ុន ជីប៊ិញឌៀន ប្រមាណជាង ១០ម៉ឺនតោនក្នុងមួយឆ្នាំៗ និងមានតំណាងចែកចាយបន្តនៅទូទាំង ២៥រាជធានី ខេត្ត នៃប្រទេសកម្ពុជា។ នេះបើតាមសារព័ត៌មាន Vietnam Plus៕

The post ណែនាំឱ្យស្គាល់ឧកញ៉ា២រូប ជាថ្នាក់ដឹកនាំក្រុមហ៊ុនចែកចាយជីកសិកម្មដ៏ធំ នៅកម្ពុជា ២ទសវត្សរ៍ appeared first on .