បើតាមឯកឧត្តម ហួត ហាក់ បានឲ្យដឹងថា ការអញ្ជើញចុះពិនិត្យស្ថានភាពជាក់ស្តែងនៅរមណីយដ្ឋានធម្មជាតិខ្នងផ្សារ ដែលជាតំបន់ព្រៃភ្នំដ៏ធំមួយ និងជាឋានសួគ៌ធម្មជាតិប្រសព្វមុំបីភ្ជាប់ខេត្តបី កំពង់ស្ពឺ កោះកុង និងពោធិ៍សាត់ ភាគនិរតីនៃព្រះរាជាណាចក្រកម្ពុជា ដែលស្ថិតនៅក្នុងឃុំតាសាល ស្រុលឱរ៉ាល់ ខេត្តកំពង់ស្ពឺ នេះគឺដើម្បីពិនិត្យលទ្ធភាពក្នុងការរៀបចំកញ្ចប់ទស្សនកិច្ចទាក់ទាញភ្ញៀវទេសចរឱ្យមកទស្សនាឱ្យបានច្រើនដើម្បីជួយលើកកម្ពស់ជីវភាពប្រជាសហគមន៍ក្នុងមូលដ្ឋានឱ្យកាន់តែមានភាពរីកចម្រើន។

ជាមួយគ្នា ម្ចាស់ក្រុមហ៊ុនដឹកជញ្ជូនឈានមុខគេនៅកម្ពុជា និងជាធុរកិច្ចបទពិសោធន៍ជោគជាំលើវិស័យបដិសណ្ឋារកិច្ច អ្នកឧកញ៉ា សួរ វីរៈ បានដាក់ក្តីរំពឹងបែបនេះថា៖ “ជាមួយសក្តានុពលទេសចរណ៍ដែលមានស្រាប់ និងការយកចិត្តទុកដាក់ពីសម្តេចធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា និងឯកឧត្តម ហួត ហាក់ ខ្ញុំជឿជាក់យ៉ាងមុតមាំថា តំបន់ទេសចរណ៍ទាំងនេះ នឹងអាចទាក់ទាញភ្ញៀវទេសចរណ៍ជាតិ អន្តរជាតិ មកទស្សនាយ៉ាងច្រើនកុះករប្រកបដោយនិរន្តរភាព”។

គួររំឭកថា កាលពីថ្ងៃទី៨ ខែមីនា ឆ្នាំ២០២៥ សម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា អមដំណើរដោយ ឯកឧត្តម ហួត ហាក់ រដ្ឋមន្ត្រីក្រសួងទេសចរណ៍, ឯកឧត្តម អ៊ាង សុផល្លែត រដ្ឋមន្ត្រីក្រសួងបរិស្ថាន និងឯកឧត្តម ជាម ច័ន្ទសោភ័ណ អភិបាលនៃគណៈអភិបាលខេត្តកំពង់ស្ពឺ បានឆ្លៀតចំណាយពេលវេលាធ្វើដំណើរថ្មើរជើងចាប់ពីជើងភ្នំរហូតដល់កំពូលភ្នំខ្នងផ្សារ ដើម្បីស្វែងយល់សក្ដានុពលតំបន់ទេសចរណ៍ធម្មជាតិ។

ក្រោយដំណើរទស្សនកិច្ចខាងលើនេះ សម្តេចធិបតីនាយករដ្ឋមន្ត្រី បានប្រគល់ភារកិច្ចដល់រដ្ឋមន្រ្តីក្រសួងពីរ រួមមាន រដ្ឋមន្រ្តីក្រសួងទេសចរណ៍ រដ្ឋមន្រ្តីក្រសួងបរិស្ថាន សហការជាមួយអភិបាលខេត្តកំពង់ស្ពឺ ដើម្បីអភិរក្សនិងថែរក្សាតំបន់ទេសចរណ៍ខ្នងផ្សារ ខ្នងសំពៅ នៃឧទ្យានជាតិភ្នំក្រវាញឱ្យបានល្អ និងដើម្បីជំរុញទេសចរណ៍ធម្មជាតិនៅតំបន់នោះឱ្យកាន់តែប្រសើរឡើងផងដែរ៕

The post អ្នកឧកញ៉ា សួរ វីរៈ រួមដំណើរថ្មើរជើងជាមួយរដ្ឋមន្ត្រីក្រសួងទេសចរណ៍ ទៅកាន់តំបន់អេកូទេសចរណ៍ទេរទឹកពុះ និងតំបន់ខ្នងផ្សារ ស្វែងរកវិធីជំរុញទេសចរ បង្កើនចំណូលដល់សហគមន៍ appeared first on .

នាឱកាសនោះ សម្ដេចធិបតី បានលើកឡើងថា វិស័យពាណិជ្ជកម្មនៅកម្ពុជាមានការអភិវឌ្ឍរីកចម្រើនគួរឱ្យកត់សម្គាល់ ទាំងការផលិត ទាំងការលក់ ការចែកចាយ ធានាគុណភាពទាំងក្នុងនិងក្រៅប្រទេស។ ហើយសម្រាប់ការភ្ជាប់បែបនេះជារឿងដែលល្អបំផុត សម្រាប់ធ្វើការចែកចាយទំនិញ ផលិតផលទាំងក្នុងស្រុក និងក្រៅប្រទេសទាំងផលិតផលស្បៀងអាហារ វត្ថុអនុស្សាវរីយ៍ជាដើម។ ជាមួយគ្នានោះ ក្រុមហ៊ុន វីរៈ ប៊ុនថាំ ក៏បានធ្វើប្រតិបត្ដិការលើប្រព័ន្ធដឹកជញ្ជូនឡូជីស្ទិកនេះរួចមកហើយ ដែលធ្វើឱ្យការផ្ដល់សេវាកម្មដឹកជញ្ជូនកាន់តែងាយស្រួល ភ្ជាប់គ្នារវាងអ្នកលក់ និងអ្នកទិញ។

សូមជម្រាបជូនថា «ពិព័រណ៍ពាណិជ្ជកម្មកម្ពុជា (CTE)» ជាព្រឹត្តិការណ៍ពិព័រណ៍ដ៏ធំមួយប្រចាំឆ្នាំ ត្រូវបានរៀបចំឡើងក្នុងគោលបំណងតាំងបង្ហាញផលិតផលដែលមានគុណភាពខ្ពស់របស់កម្ពុជា ទំនិញនាំចេញ-នាំចូលសំខាន់ៗ និងសេវាកម្ម ដែលមានលក្ខណៈពិសេសរបស់បណ្តាអ្នកផ្គត់ផ្គង់ជុំវិញពិភពលោក។ បេសកកម្មចម្បងរបស់ CTE គឺជំរុញសកម្មភាពពាណិជ្ជកម្មកម្ពុជា និងធ្វើឱ្យកាន់តែប្រសើរឡើង នូវបរិយាកាសធុរកិច្ច និងវិនិយោគ ព្រមទាំងជំរុញការនាំចេញ-នាំចូល និងការផ្សារភ្ជាប់ទំនាក់ទំនងពាណិជ្ជកម្មរវាងអ្នកតាំងពិព័រណ៍ក្នុងស្រុកនិងអន្តរជាតិ អ្នកទស្សនា ពិព័រណ៍ និងអ្នកចូលរួមពិព័រណ៍។ នៅក្នុងពិព័រណ៍នេះ ក្រៅពីមានការតាំងបង្ហាញផលិតផល និងសេវាកម្មដ៏សម្បូរ ក៏ជាវេទិកាសម្រាប់ពង្រឹងទំនាក់ទំនងពាណិជ្ជកម្មរវាងកម្ពុជាជាមួយទីផ្សារសកល និងការតាំងបង្ហាញផលិតផលរបស់ដៃគូអន្តរជាតិរបស់យើងផងដែរ។

សូមគូសបញ្ជាក់ផងដែរថា វិរៈប៊ុនថាំ អេចប្រេស ជាក្រុមហ៊ុន ដឹកអ្នកដំណើរ និងបញ្ញើឆាប់រហ័ស ឈានមុខគេប្រចាំប្រទេសកម្ពុជា ដែលបានបង្កើតឡើងដោយ អ្នកឧកញ៉ា សួរ វីរៈ តាំងក្នុងឆ្នាំ២០០៤ ផ្តល់នូវ សេវាកម្មរថយន្ត ដឹកអ្នកដំណើរ និង ដឹកជញ្ជូនទំនិញ យ៉ាងទូលំទូលាយ នៅទូទាំងប្រទេសកម្ពុជា ថៃ វៀតណាម និងប្រទេសឡាវ។
ក្រៅពីសេវាកម្មទាំងនេះ ក្រុមហ៊ុន វិរៈប៊ុនថាំ គ្រុប មានក្រុមហ៊ុនជាបុត្រសម្ព័ន្ធ និងសេវាកម្មផ្សេងៗជាច្រើនទៀត ដូចជា៖ រថយន្តជួលប្រណិត, រថយន្តក្រុងប្រណិត និងAir Bus, រថយន្តគ្រែគេងយប់ប្រណិតដំបូងគេក្នុងប្រទេសដំណើរការតាំងពីឆ្នាំ២០០៦, រថយន្តសម្រាប់ដឹកទំនិញ, ទូកល្បឿនលឿន Buva Sea, សេវាកម្ម សណ្ឋាគារ និងរីសត ជាច្រើននៅកម្ពុជា ដូចជា៖ Tube Resort, Sandy Beach Bungalows, One Beach Resort, Koh Sdach Resort, Eden Beach Resort, Sara Sea Bodega, Pidoma Resort, Romdoul Kirirom Resort, Camping Park, Romheay Kirirm Resort, Sara Resort, កោះស្ដេចរីសត និងកោះអភិជនរីសត។ នាពេលឆាប់ៗនេះ ក្រុមហ៊ុន ក៏នឹងមានជាប្រភេទផ្លូវអាកាស SeaPlanes (VET Airway) ស្របតាម តម្រូវការបស់អតិថិជនផងដែរ៕

The post ប្រមុខរាជរដ្ឋាភិបាលកម្ពុជា កោតសរសើរការផ្ដល់សេវាកម្មដឹកជញ្ជូនក្រុមហ៊ុន វីរៈ ប៊ុនថាំ អេចប្រេស របស់អ្នកឧកញ៉ា សួរ វីរៈ appeared first on .

លោក តាន់ គឹមសួរ ប្រធានសមាគមយុវជនស្រលាញ់ធម្មជាតិ បាន​បង្ហាញ​សារ​ថ្លែង​អំណរគុណ​ដល់​អ្នកឧកញ៉ា សួរ វីរៈ លើទំព័រហ្វេសប៊ុក កាលពី​យប់​ថ្ងៃ​សុក្រ ដូច្នេះថា៖ “​នេះគឺជាមហាកិត្តិយស និងសំណាងមួយដែលខ្ញុំមាន​ឱកាស បានជួបសំណេះសំណាលជាមួយអ្នកឧកញ៉ា ​សួរ វីរៈ អគ្គនាយកក្រុមហ៊ុនវិរៈប៊ុនថាំ Vireak Buntham Express Travel & Logistic និងទទួលបាននូវអនុសាសន៍ណែនាំល្អៗជាច្រើន”។

លោក តាន់ គឹមសួរ បាន​បន្ត​ថា លោក​ពិតជាមានសេចក្ដីរំភើបចិត្តយ៉ាងខ្លាំងដែលទទួលបានការឱ្យ​តម្លៃ ផ្ដល់នូវទំនុកចិត្ត និងបានរួមចំណែកជាមួយគ្នាដោយឧបត្ថម្ភនូវដ្រូន DJI Mavic 3T ដែលមានតម្លៃរហូតទៅដល់ ៥,៩០០​ដុល្លារ។ ដ្រូនមួយនេះគឺនឹងអាចជួយសម្រួលដល់កិច្ចការក្រុមការងារ​របស់​លោក​​ជាច្រើន។

លោក តាន់ គឹមសួរ ក៏បានជម្រាបទៅអ្នកឧកញ៉ាថា ដ្រូននេះ ​លោក នឹងយកទៅប្រើប្រាស់ឱ្យ​ក្លាយទៅជា​ប្រយោជន៍​ក្នុងការថែរក្សានូវសម្បត្តិធនធានធម្មជាតិគ្រប់ទីកន្លែងដែលត្រូវការតែម្ដង។ លោកសូមជូនពរ​អ្នកឧកញ៉ា និងក្រុមគ្រួសារក្រុមហ៊ុនវិរៈប៊ុនថាំទាំងអស់គ្នា ឱ្យ​ជួបតែសេចក្ដីសុខ សេចក្ដីចម្រើន ជាពិសេសគឺ​ទទួល​បាននូវសុខភាពល្អ និងជោគជ័យគ្រប់ភារកិច្ចទាំងអស់។

សូមជម្រាបថា អ្នកឧកញ៉ា សួរ វីរៈ ជាអគ្គនាយកក្រុមហ៊ុន វីរៈប៊ុនថាំ អេចប្រេស ដែលជាក្រុមហ៊ុនដឹកជញ្ជូន​អ្នកដំណើរ និងសេវាកម្មបញ្ញើរឆាប់រហ័ស ឈានមុខគេនៅកម្ពុជា និងជាម្ចាស់រីសត ជាច្រើនកន្លែង រួមមាន កោះស្តេចរីសត, កោះអភិជន រីសត, ភីដូម៉ា រីសត (Pidoma Resort) , ឧទ្យានបោះតង់គិរីរម្យ រំហើយ រីស៊ត, និងរំដួល រីស៊ត ព្រមទាំងរីសត ជាច្រើនកន្លែងទៀត។ អ្នកឧកញ៉ា ជាអ្នកជំនួញ​មួយ​រូប​ ដែល​​​តែងតែគិត​ឃើញ​នូវជំនួញថ្មីៗ មិនធ្លាប់មានក្នុងប្រទេសកម្ពុជា និង​តែង​គិតគូ​ពី​សង្គមជាតិ។ អ្នកឧកញ៉ា ក៏​ទើប​​ឈ្នះពាន​រង្វាន់​ម្ចាស់អាជីវកម្ម និងជាសហគ្រិនឆ្នើម​តំបន់អាស៊ាន ប្រចាំឆ្នាំ២០២៤ ដោយសារ​ការ​រួមចំណែកជួយ​អភិវឌ្ឍ​ដល់​សហគមន៍ ឬ​ប្រជាជន​ក្នុងតំបន់​ផងដែរ៕​

The post អ្នកឧកញ៉ា សួរ វីរៈ ឧបត្ថម្ភដ្រូនតម្លៃជិត ៦ពាន់ដុល្លារ ជូនលោក តាន់ គឹមសួរ appeared first on .

ពានរង្វាន់សហគ្រិនឆ្នើម ប្រចាំតំបន់អាស៊ាន​ ត្រូវបានបង្កើតឡើង និងប្រគល់ជូន​ដល់​បុគ្គលដែល​​មាន​ជំនាញ​អាជីវកម្ម​ច្បាស់លាស់​ រួមចំណែកជួយ​អភិវឌ្ឍ​ដល់​សហគមន៍ ឬ​ប្រជាជន​ក្នុងតំបន់ ព្រមទាំង​​ពង្រីក​សក្តានុពល​អាជីវកម្ម​របស់​ខ្លួន​​​ទៅ​ដល់​ក្រៅប្រទេស។ លើសពីនេះ បេក្ខភាព​ដែល​ឈ្នះ​ពាន​រង្វាន់​នេះ ក៏​ត្រូវ​មាន​សកម្មភាព​គាំទ្រ​ ទទួលខុសត្រូវ​លើ​ផ្នែក​បរិស្ថាន សង្គម និង​អភិបាលកិច្ចល្អ ព្រមទាំង​បុគ្គល​ដែល​ដឹកនាំ​អាជីវកម្ម​ទទួលបាន​ជោគជ័យ មាន​គំនិតផ្តួចផ្តើម​​​ច្នៃប្រឌិតខ្ពស់ ជួយ​ដល់​សង្គមជាតិ​​តាមរយៈ​ប្រភេទ​មុខជំនួញ​ផ្សេងៗ​របស់​ខ្លួន។

ក្រោយទទួលបានពានរង្វាន់​ដ៏​មាន​កិត្តិយស​កម្រិត​អន្តរជាតិនេះ អ្នកឧកញ៉ា សួរ វីរៈ បាន​ចែក​រំលែក​ជា​សារ​លើ​ទំព័រហ្វេសប៊ុក យ៉ាង​​ដូច្នេះថា៖ “វាមិនមែនគ្រាន់តែជាពានរង្វាន់ពាណិជកម្មនោះទេ តែជាពានរង្វាន់ក្នុងការ​ចូល​រួម​ការទទួល​ខុស​ត្រូវក្នុងសង្គមផងដែរ។ សូមអរគុណចំពោះការជ្រើសរើស”។

សូមជម្រាបថា អ្នកឧកញ៉ា សួរ វីរៈ ជាអគ្គនាយកក្រុមហ៊ុន វីរៈប៊ុនថាំ អេចប្រេស ដែលជាក្រុមហ៊ុនដឹកជញ្ជូន​អ្នកដំណើរ និងសេវាកម្មបញ្ញើរឆាប់រហ័ស ឈានមុខគេនៅកម្ពុជា និងជាម្ចាស់រីសត ជាច្រើនកន្លែង រួមមាន កោះស្តេចរីសត, កោះអភិជន រីសត, ភីដូម៉ា រីសត (Pidoma Resort) , ឧទ្យានបោះតង់គិរីរម្យ រំហើយ រីស៊ត, និងរំដួល រីស៊ត ព្រមទាំងរីសត ជាច្រើនកន្លែងទៀត។ អ្នកឧកញ៉ា ជាអ្នកជំនួញ​មួយ​រូប​ ដែល​​​តែងតែគិត​ឃើញ​នូវជំនួញថ្មីៗ មិនធ្លាប់មានក្នុងប្រទេសកម្ពុជា ដូចជាសេវាកម្មរថយន្ដដឹកជញ្ជូនពេលយប់ មានគ្រែសម្រាប់គេង​ជូនបងប្អូនប្រជាពលរដ្ឋ ការ​បង្កើត​ទីផ្សារ​បន្លែ​ក្នុងស្រុក និង​គ្រោងដាក់ដំណើរការ​​រថយន្ដត្រជាក់ (សីតុណ្ហភាព​ក្រោម០អង្សាសេ) ដើម្បីដឹកជញ្ជូនអីវ៉ាន់ ឬទំនិញផ្សេងៗ ជាដើម៕

The post អ្នកឧកញ៉ា សួរ វីរៈ ឈ្នះពានរង្វាន់សហគ្រិនឆ្នើមតំបន់អាស៊ាន ប្រចាំឆ្នាំ២០២៤ appeared first on .

ការ​ធ្វើដំណើរជាមួយនឹងក្រុមហ៊ុន Buva Sea Cambodia លោកអ្នក​នឹង​មិន​មាន​ភាព​ធុញទ្រាន់នោះទេ ពីព្រោះ​ទូកល្បឿនលឿន​នេះ​ មាន​កន្លែងអង្គុយធំទូលាយ ផ្ដល់ជូននូវ​សុវត្ថិភាពខ្ពស់​ និងមិនចំណាយពេលយូរ។ លោក​អ្នក​​អាច​អញ្ជើញ​ទៅ​លេង​កម្សាន្ត​នៅ​រីសត​​ល្បីៗ​​​នៅ​​លើ​កោះស្តេច​ ដូច​ជា កោះអភិជន រីសត​​ (Koh Apikjun Resort) និង​កោះស្ដេច រីសត (Koh Sdach Resort)។ ជាមួយ​គ្នា​នេះ ក្រុមហ៊ុន ក៏​មាន​ប្រភេទរថយន្តទំនើប​ធ្វើ​ដំណើរពីកោះស្ដេច ទៅកាន់ប្រទេសថៃ ដែលបើកដំណើរការ នៅ​ថ្ងៃ​ទី៤ ខែវិច្ឆិកា តទៅ​ដូច​គ្នា​ផងដែរ។

ទាញយកកម្មវិធី VET Express ឥឡូវនេះសម្រាប់ការកក់ទូក ៖
-សម្រាប់ប្រព័ន្ធប្រតិបត្តិការ IOS: https://apple.co/2GG57Vq
-សម្រាប់ប្រព័ន្ធប្រតិបត្តិការ GooglePlay: https://bit.ly/2IhMiZ8
Website: www.buvasea.com
សម្រាប់ព័ត៌មានបន្ថែម និងចង់កក់សំបុត្រសូមទំនាក់ទំនងទៅកាន់លេខទូរស័ព្ទ:

-015 888850
-089 971291
-098 888950
-097 8888950។

The post តោះ! ធ្វើដំណើរទៅលេងកោះស្តេច ជាមួយទូកល្បឿនលឿន ប៊ូវ៉ាស៊ីកម្ពុជា ចេញពីខេត្តព្រះសីហនុ appeared first on .

បើតាមការបញ្ជាក់ របស់អ្នកឧកញ៉ា សួរ វីរៈ មូលហេតុដែលក្រុមហ៊ុន វីរៈ ប៊ុនថាំ ក៏ដូចជាអ្នកឧកញ៉ាផ្ទាល់ តែងតែមានឆន្ទៈ និងទឹកចិត្ត ចូលរួមបវិច្ចាគថវិកា ជួយមន្ទីរពេទ្យគន្ធបុុប្ផាជាហូរហែបែបនេះ វត្ថុបំណងធំតែមួយគត់ គឺដើម្បីរួមចំណែកជួយព្យាបាលកុមារកម្ពុជា ដែលមកទទួលសេវាកម្មព្យាបាលនៅទីនេះ ក្រោមពាក្យស្លោកថា “វិរៈ ប៊ុនថាំ ដើម្បីកុមារកម្ពុជា”។

គួររំឮកដែរថា ថវិកាសប្បុរសធម៌ ចំនួន ១០០លានរៀល ដែលស្ថាបនិកក្រុមហ៊ុន វីរៈ ប៊ុនថាំ អេចប្រេស បានបរិច្ចាគលើកនេះ គឺជាលើកទី៦ ហើយ។ ក្នុងនោះ បើគិតជាថវិកាសរុប ចូលជិត ១០មុឺនដុល្លារសហរដ្ឋអាមេរិច ដែលក្រុមហ៊ុនដឹកជញ្ជូនអ្នកដំណើរ និងសេវាកម្មបញ្ញើរឆាប់រហ័ស ឈានមុខគេនៅកម្ពុជាមួយនេះ បានរួមចំណែកក្នុងវិស័យសុខភាពសាធារណៈ ក៏ដូចជាការជួយសង្គ្រោះជីវិត និងព្យាបាលកុមារក្នុងប្រទេសកម្ពុជា ដែលមកទទួលសេវាសុខភាពនៅមន្ទីរពេទ្យ។

The post ក្រោមពាក្យស្លោក “វិរៈ ប៊ុនថាំ ដើម្បីកុមារកម្ពុជា” អ្នកឧកញ៉ា សួរ វីរៈ នាំយកថវិកា ១០០លានរៀល ជួយមន្ទីរពេទ្យគន្ធបុប្ផា ជាលើកទី៦ appeared first on .

សម្រាប់ពេលវេលាបុណ្យចូលឆ្នាំថ្មីប្រពៃណីជាតិខ្មែរនេះ អ្នកដែលអ្នកទន្ទឹងរង់ចាំដំណើរកម្សាន្តដ៏អស្ចារ្យ គឺមានតែកោះអភិជនរីសត ជាទីកន្លែងលំហែកាយដ៏ស្រស់ស្អាតនៅកោះស្ដេច ដែល ហ៊ុព័ទ្ធដោយសម្រស់ធម្មជាតិពណ៌បៃតង និងបទពិសោធន៍នៃការស្នាក់នៅដ៏ប្រណិត។

ម្ចាស់ក្រុមហ៊ុន វិរៈប៊ុនថាំ អេសប្រេស ដែលជាអ្នកវិនិយោគលើវិស័យបដិសណ្ឋារកិច្ច និងទេសចរណ៍ លោកឧកញ៉ា សួរ វិរៈ បានបង្ហាញឲ្យដឹងនៅលើបណ្ដាញសង្គមហ្វេសប៊ុកផ្ទាល់ខ្លួនយ៉ាងដូច្នេះថា “មិនមែននៅថៃ មិនមែននៅវៀតណាម មិនមែននៅបាលី មិនមែននៅម៉ាលឌីវ នោះឡើយ តែជាតំបន់ទេសចរក្នុងប្រទេសកម្ពុជាយើងនឹងចាប់ផ្តើមដំណើរការសាកល្បងហើយ មិនចាំបាច់ហោះទៅប្រទេសគេទៀតឡើយ ត្រឹមកោះស្តេចយើងនឹង”។

លោកអ្នកនឹងទទួលបាននូវអារម្មណ៏ស្រស់ស្រាយ និង បន្ធូរភាពតានតឹង ជាមួយនឹង ទេសភាពឆ្នេរសម្រុទដ៏ស្រស់ស្អាត ទឹកសមុទ្រខៀវស្រងាត់របស់ កោះអភិជនរីសត ក្នុងពេលឆាប់ៗនេះ!!!

The post មិនមែនថៃ វៀតណាម ឬបាលី ហើយក៏មិនមែនម៉ាលឌីវ គឺកោះអភិជនរីសតមួយកន្លែង នៅខេត្តកោះកុង appeared first on .

នៅលើបណ្ដាញសង្គមហ្វេសប៊ុកផ្ទាល់ខ្លួន ឧកញ៉ា​ សួរ វីរៈ ថ្លែងថា៖ “ថ្ងៃទី12/11/1998 ថ្ងៃដំបូងដែលមកដល់ទឹកដីកោះកុងជាមួយនិងថវិកា 20,000រៀល”។

អតីតកូនអ្នកខេត្តកំពង់ធំរូបនេះ បន្ថែមទៀតថា បើគិតមកដល់ថ្ងៃទី12/11/2022 នេះ ក្រោយឆ្លងកាត់ឧបសគ្គ និងបទពិសោធន៏ស្ទើររាប់មិនអស់ បានផ្លាស់ប្តូរដំណើរជីវិតប្រកបដោយមោទនភាព ហើយទទួលបានលើសការរំពឹង។ ក្នុងសំណេរដដែលរបស់ខ្លួន ឧកញ៉ា សួរ វីរៈ ក៏បានលើកឡើងយ៉ាងដូច្នេះថា៖ “ទោះបីជា ដើរមកដល់សព្វថ្ងៃក៏ដោយ តែអ្វីដែលមិនបានប្តូររ គឺខ្ញុំនៅតែជាខ្ញុំ មិនប្តូរឆន្ទ: មិនក្បត់ឧត្តមគតិ មិនទទួលយកការប្រមាថ ដើម្បីលុយ និងអំណាចឡើយ!”។

តាមរយៈនៃបទសម្ភាសន៍ផ្ទាល់ជាមួយ ឧកញ៉ាញូញ៍ នាពេលកន្លងមក ឧកញ៉ា សួរ វីរៈ បានប្រាប់ថា ការងារដំបូង ដែលលោកចាប់ផ្ដើមក្រោយពេលចាកចេញពីស្រុកកំណើត ពេលទៅដល់ខេត្តកោះកុងដំបូង គឺលោកបានជួយលក់ផ្លែឈើ ជាមួយម្ដាយនៅផ្សារខេត្តកោះកុង ។

ក្រោយមក ដោយសារមើលឃើញឱកាស ខេត្តកោះកុងចាប់ផ្ដើមមានភ្ញៀវបរទេស ចូលទៅកម្សាន្តច្រើន គួបផ្សំនឹងឧកញ៉ា សួរ វីរៈ ពេលនោះចេះភាសា​អង់គ្លេសបន្តិចបន្ទួចផង លោកក៏សម្រេចចិត្តធ្វើ ជាអ្នកនាំ​ភ្ញៀវ​ដើរលេងកម្សាន្ដ តាមរមណីដ្ឋាននានា នៅខេត្ត​កោះកុងនាពេលនោះតែម្ដង។

ប្រហែលជា ១ឆ្នាំក្រោយមក ខេត្តកោះកុងចាប់ផ្ដើមមានភ្ញៀវបរទេស ចូលមកលេង ហើយពេលនោះលោក សួរ វីរៈ ចេះភាសា​អង់គ្លេសផង និងដោយសារមានការជំរុញពីបងប្រុស ជាអ្នកដឹកភ្ញៀវទេសចរផង លោកក៏សម្រេចចិត្តធ្វើ ជាអ្នកនាំ​ភ្ញៀវ​ដើរលេងកម្សាន្ដ នាពេលនោះតែម្ដង។

បច្ចុប្បន្ន ឧកញ៉ា សួរ វីរៈ គឺជាអគ្គនាយកក្រុមហ៊ុន វីរៈប៊ុនថាំ អេចប្រេស ដែលជាក្រុមហ៊ុនដឹកជញ្ជូនអ្នកដំណើរ និង​បញ្ញើរអ៊ីវ៉ាន់ឈានមុខគេមួយ នៅក្នុងប្រទេសកម្ពុជា ហើយក៏ជាក្រុមហ៊ុនក្នុងវិស័យដឹកជញ្ជូនដំបូងគេ ដែលបានដាក់ឱ្យប្រើប្រាស់នូវបច្ចេកវិទ្យាថ្មីៗ និងទំនើបចុងក្រោយបង្អស់ ក្នុងការសម្រួលដល់អតិថិជនរបស់ខ្លួនឱ្យកាន់តែងាយស្រួល៕

ដើម្បីឱ្យជ្រាបកាន់តែច្បាស់ពីដំណើរជីវិតផ្សងព្រេងតាំងពីជាង ២០មុន របស់ឧកញ៉ា សួរ វីរៈ សូមទស្សនាវីដេអូសម្ភាសន៍ទាំងស្រុង ដោយក្រុមការងារ ឧកញ៉ាញូញ៍ ជាមួយឧកញ៉ា សួរ វីរៈ ក្នុងវិធី “សេដ្ឋី និងជំនួញ” ដូចខាងក្រោម៖

The post ចាកចេញពីស្រុកកំណើត ២៤ឆ្នាំ ឧកញ៉ា សួរ វីរៈ ថាពិតជាមោទនភាពនឹងលទ្ធផលសព្វថ្ងៃ តែដាច់ខាតមិនធ្វើរឿងទាំងអស់នេះ appeared first on .

កាលពី​ថ្ងៃទី​១៧ ខែ​តុលា ឆ្នាំ២០២២ ​កន្លងទៅ​ ក្រុមហ៊ុន វិរៈ ប៊ុនថាំ អេចប្រេស ក៏​​​បានដាក់​ឱ្យដំណើរការ​កម្មវិធី VET EXPRESS ដែលជា​កម្មវិធី​បញ្ញើ​ដោយ​ខ្លួន​ឯង​បែបឌីជីថលជា​លើក​ដំបូង​នៅកម្ពុជា ​ដើម្បី​ឆ្លើយ​តប​ទៅ​នឹង​​កំណើន​នៃការប្រើប្រាស់​សេវាកម្ម​របស់ក្រុមហ៊ុន វិរៈ ប៊ុនថាំ ពីអតិថិជន​មានការ​កើន​ឡើង​ខ្ពស់ និង​ដើម្បី​ឱ្យ​អតិថិជន​​កាន់​តែ​ងាយស្រួល ហើយចំណេញ​ពេល​វេលា​ផង​ដែរ។

គាំទ្រអាជីវកម្មក្នុងស្រុក គាំទ្រក្រុមហ៊ុន វិរៈ ប៊ុនថាំ អេចប្រេស។ ទាញយកកម្មវិធី VET Express ឥឡូវនេះ ! ដើម្បីប្រើប្រាស់សេវាកម្មទាំងអស់របស់ក្រុមហ៊ុន វីរៈ ប៊ុនថាំ៖

-សម្រាប់ប្រព័ន្ធប្រតិបត្តិការ IOS: https://apple.co/2GG57Vq
-សម្រាប់ប្រព័ន្ធប្រតិបត្តិការ GooglePlay: https://bit.ly/2IhMiZ8

ឬអាចទំនាក់ទំនង សម្រាប់ព័ត៌មានទូទៅ​៖ 010 522 522 ៕

The post ក្រុមហ៊ុន វិរៈប៊ុនថាំ ប្រកាសបម្រើសេវាកម្មបញ្ញើជូនអតិថិជនរៀងរាល់ថ្ងៃ ចាប់ពីម៉ោង៦ព្រឹកដល់ម៉ោង១០យប់ appeared first on .

​​ឧកញ៉ា សួរ វីរៈ បាន​​ថ្លែង​ឱ្យ​ដឹង​ថា កម្ម​វិធីបញ្ញើទំនិញ​ខ្លូនឯង (VET EXPRESS) បានដាក់​ឱ្យ​ដំណើរ​ការ​ជា​ផ្លូវការ ចាប់ពី​​ថ្ងៃទី១៧​ ខែតុលា ឆ្នាំ២០២២។​ កម្មវិធីនេះ​នឹង​ផ្តល់អត្ថប្រយោជន៍យ៉ាង​ច្រើនសម្រាប់អតិថជន​ដោយ​មិនចាំបាច់រងចាំ​នៅបញ្ជរ​ទៀតទេ ​មានន័យថា នៅពេល​ដែល​​អតិថិជន​ទៅ​បញ្ជរ​បញ្ញើអីវ៉ាន់​គាត់មាន​ជម្រើស២ គឺទី១ ប្រសិន​បើ គាត់​បាន​តម្លើងAPPនេះ​ របស់​ក្រុមហ៊ុន វីរៈ ប៊ុនថាំ​ ហើយ​ គ្រាន់តែគាត់​ចុច​កន្លែង​បញ្ញើអីវ៉ាន់​ខ្លួន​ឯង​ហើយ​ គាត់ត្រូវ​បំពេញ​លេខទូរស័ព្ទ​អ្នក​ផ្ញើ លេខទូរស័ព្ទ​អ្នកទទួល​ ធ្វើ​ដូច​នេះ​​បុគ្គលិកបំពេញ​នៅ​បញ្ជរដែរ​ បន្ទាប់មក ​ចុចពាក្យ Save គឺនឹង​មាន​ QR Code​ មួយ​ ឬលេខា​បាកូដ​មួយ​ ដូច្នេះ​ គាត់​អាច​ប្រាប់​លេខកូដ​បញ្ញើអីវ៉ាន់​ ឬ QR Code ក៏បាន​ទៅ​កាន់បុគ្គលិក​ក្រុមហ៊ុន​ វីរៈ ប៊ុនថាំ​ ដើម្បី​ស្កេន​ បន្ទាប់ពី​ស្កេន​រួច​ហើយ​រាល់ព័ត៌មានទាំង​អស់ នឹង​​បំពេញ​ដោយស្វ័យប្រវត្តិក្នុង​កម្មវិធី​នេះ ​និង​អាចព្រីន​វិក័យប័ត្របាន​​ជាស្រេច​ អីចឹងគាត់មិនបាច់​រង់ចាំ​ទៀតទេ​។​

អត្ថប្រយោជន៍​មួយទៀត​ ទី២ គឺ​អតិថិជន​អាចបំពេញ​ព័ត៌មាន​សម្រាប់ផ្ញើអីវ៉ាន់​ពីផ្ទះ​មកឱ្យ​រួចរាល់​ក៏​បាន​ មុន​នឹងមក​ទីតាំង​បញ្ជរ​ ដោយគាត់គ្រាន់តែសរសេរលេខកូដបញ្ញើនីមួយៗដែល​លោត​ឡើង​នៅ​អេក្រង់ទូរស័ព្ទ​ ឧទាហរណ៍​លេខ ០០១៥ រួចសរសេរ​នៅលើបញ្ញើ​អីវ៉ាន់​ហ្នឹងទៅ ពេល​ទៅ​ដល់​កន្លែង​ផ្ញើ​គាត់គ្រាន់បង្ហាញ​លេខ​កូដនេះ នោះ​បុគ្គលិកនឹង​បំពេញ​លេខកូដ​នេះ​គឺព័ត៌មាន​ទាំងប៉ុន្មានមានស្រាប់​ អីចឹង​ព្រីន​បិទលើ​អីវ៉ាន់​រួច​ជាស្រេច​។កម្មវិធី​នេះ ​វា​លឿន​សម្រាប់អតិថិជន​ទាំងអស់​។​ សម្រាប់​ភ្ញៀវ​មិនទាន់​មាន​ កម្មវិធី VET EXPRESS របស់ក្រុមហ៊ុន​ វីរៈ ប៊ុនថាំ​ ទេ យើង​មាន​បាកូដមួយ​នៅ​ទីតាំង​បញ្ជរ​របស់ក្រុមហ៊ុន​ ដូច្នេះ​ គ្រាន់តែ​អតិថិជន​ ស្កេន​លើបាកូដនេះ គឺគាត់អាច​ប្រើប្រាស់​កម្មវិធីបញ្ញើអីវ៉ាន់​ដោយខ្លួន​ឯងបាន​ហើយ។

លោកឧកញ៉ា ​​បាន​បញ្ជាក់​បន្ថែម​ថា ទាំងអ្នកផ្ញើ និង​អ្នក​ទទួល​ គឺ​អាច​ប្រើប្រាស់​ APP នេះ​បាន​ដូចគ្នា​។ សម្រាប់​អ្នកទទួលអីវ៉ាន់​ ដែល​បាន​តម្លើង​ APP នេះ​រួចហើយ​នោះ នៅពេល​ដៃគូគាត់​ផ្ញើអីវ៉ាន់​មក​ គាត់​អាច​មើលឃើញអីវ៉ាន់​ដល់ណា​ បានន័យថា​ ទំនិញ​នេះ​បាន​ដល់ទីតាំង​កន្លែងណាហើយ​ គាត់​អាច​តាម​ដាន​មើលទំនិញ​របស់គាត់​ទៅដល់ទីតាំងណា ទៅដល់សាខាណា​ ហើយ​គាត់អាច​​​ដឹង​ថា នឹង​ទទួលបាន​អីវ៉ាន់​នៅពេលណា៕

The post ក្រុមហ៊ុន វីរៈប៊ុនថាំ ដាក់ឱ្យដំណើរការកម្មវិធីបញ្ញើទំនិញដោយខ្លួនឯង ចាប់ខែតុលានេះតទៅ appeared first on .