ក្រោយពីត្រូវបានគេបោះបង់ចោលអស់រយៈពេលជាយូរ សណ្ឋាគារមួយនេះក៏បានកែប្រែមុខមាត់ថ្មីទៅតាមសម័យកាល ប៉ុន្តែអគារទាំងមូលនៅតែមានសភាពរឹងមាំនៅឡើយរហូតដល់សព្វថ្ងៃនេះ ហើយនាពេលបច្ចុប្បន្ន ឡឺ បូកគោ ផាឡេស ត្រូវបានគេកំពុងជួលជុលអភិវឌ្ឍ និងលាបពណ៌ឡើងវិញដោយរក្សាទុកនូវទម្រង់ដើមទាំងស្រុង ព្រមទាំងកំពុងបើកដំណើរការទទួលភ្ញៀវស្នាក់នៅបានជាធម្មតាផងដែរ។

តាមក្រុមហ៊ុន សុខា អូតែល បានឱ្យដឹងថា សណ្ឋាគារ ឡឺ បូកគោ ផាឡេស ជាសណ្ឋាគារដ៏ប្រណីត និងប្រវត្តិសាស្រ្តតាំងពីទសវត្សរ៍ឆ្នាំ ១៩២០ ដែលបានបើកសម្ពោធលើកទី១ នៅថ្ងៃទី១៤ ខែកុម្ភៈ ឆ្នាំ១៩២៥ ដោយលោក François-Marius Baudoin អ្នកប្រចាំការជាន់ខ្ពស់នៅកម្ពុជា និងបើកដំណើរការលើកទី២ ក្នុងខែមករា ឆ្នាំ១៩៦២ ដោយព្រះករុណា ព្រះបាទសម្តេចព្រះ នរោត្តម សីហនុ ព្រះបរមរតនកោដ្ឋ និងលើកទី៣ នៅត្រីមាសទី ១ នៃឆ្នាំ២០១៨ ដោយក្រុមហ៊ុនសុខា អូតែល។

បច្ចុប្បន្ន សណ្ឋាគារ ឡឺ បូកគោ ផាឡេស គឺជាកន្លែងរៀបចំពិធីជប់លៀង ការស្នាក់នៅបែបទេសចរណ៍ នៅលើកំពូលភ្នំបូកគោ ជាមួយនឹងទេសភាពដ៏ស្រស់ស្អាត និងអាកាសធាតុត្រជាក់ ផ្តល់នូវបរិយាកាសល្អស្រស់ស្រាយ ដែលល្អឥតខ្ចោះសម្រាប់ការជួបជុំនានា ពិសេសមានបន្ទប់ដ៏ប្រណីត ត្រូវបានរចនាយ៉ាងពិសេស និងមានបន្ទប់គេងធំទូលាយ អមដោយកន្លែងទទួលភ្ញៀវស្រស់ស្អាតផងដែរ៕

The post ដឹងអត់ថា អ្នកឧកញ៉ា សុខ គង់ បើកដំណើរការសណ្ឋាគារប្រវត្តិសាស្ត្រ ឡឺ បូកគោ ផាឡេស ជាលើកទី៣ នៅពេលណា? appeared first on .

ក្រុមហ៊ុន សូគីម៉ិច អ៊ិនវេសមេន គ្រុប បាន​ឱ្យដឹង កាលពីថ្ងៃទី៣១ ខែកក្កដា ឆ្នាំ២០២៤ ថា ដោយសារប្រជាជន​និងតម្រូវការទឹកកំពុងកើនឡើង​នៅលើ​ភ្នំបូកគោ ក្រុមហ៊ុន សូគីមុិច អុិនវេសមេន គ្រុបបានចាត់វិធានការពង្រីកបន្ថែម​នូវធនធានទឹក ខណៈដែល​បច្ចុប្បន្ននេះ បឹងលើភ្នំត្រូវបានប្រើប្រាស់់ដើម្បីផលិតជាទឹកពិសាឋានសួគ៌បូកគោ។

ដូច្នេះហើយក្រុមហ៊ុនបានកំពុងអភិវឌ្ឍទំនប់ទឹកថ្មី ដើម្បីបំពេញតម្រូវការដែលកើនឡើងនៅលើភ្នំបូកគោ។ ក្រុមហ៊ុន បាន​បន្ថែមថា ការពង្រីកទំនប់ទឹកថ្មីនេះបង្ហាញពីការប្តេជ្ញាចិត្តរបស់​ក្រុមហ៊ុន ចំពោះការអភិវឌ្ឍ​ហេដ្ឋា​រចនាសម្ព័ន្ធ​និងការគ្រប់គ្រងរយៈពេលវែងនៅលើភ្នំបូកគោ។ ដោយការព្យាករណ៍តម្រូវការទឹក​នាពេលអនាគត ក្រុមហ៊ុនកំពុងធ្វើការ ដើម្បីរក្សាការផ្គត់ផ្គង់ទឹកដែលអាចជឿទុកចិត្តបាន សម្រាប់ទាំងប្រជាពលរដ្ឋ និងអាជីវកម្ម​នៅក្នុងតំបន់។

គួរបញ្ជាក់ថា ឧទ្យានជាតិព្រះមុនីវង្ស «ភ្នំបូកគោ» ជាតំបន់ដែល​មានសក្តានុពលបែបធនធានធម្មជាតិ និងប្រវត្តិសាស្ត្រ។ នៅ​លើ​ភ្នំពេញ​នេះ ​មាន​អំណោយផល​ល្អ​សម្រាប់​វិស័យ​ទេសចរណ៍ ​កសិកម្ម អចលនទ្រព្យ និង​ការ​វិនិយោគ​នានា។ យ៉ាងណាមិញ ​​នៅ​លើ​ភ្នំ​បូកគោ ក៏​មាន​បឹង​ធម្មជាតិ​ដ៏​ធំ​មួយ​ផងដែរ​ ​​មាន​កម្ពស់ ១០៧៥ម៉ែត្រ ពីនីវ៉ូទឹកសមុទ្រ ដែល​អាច​ស្តុក​ទឹក​បាន​យ៉ាង​ច្រើន​ម៉ែត្រ​គូប។ ទោះយ៉ាងណា បឹង​ធម្មជាតិ​លើ​ភ្នំបូកគោ បច្ចុប្បន្ន​ត្រូវបាន​ប្រើប្រាស់​​​​​មួយភាគ​ធំ​ក្នុងការ​ផលិត​ទឹកពិសាបរិសុទ្ធ “ឋានសួគ៌បូកគោ” ដែល​ទាមទារ​ឱ្យ​មាន​ប្រភព​ទឹកបន្ថែមសម្រាប់ការ​ផ្គត់ផ្គង់៕

The post អ្នកឧកញ៉ា សុខ គង់ អភិវឌ្ឍទំនប់ទឹកថ្មីពង្រីកធនធានទឹកបន្ថែមនៅលើភ្នំបូកគោ ដើម្បីបំពេញតម្រូវការកំពុងកើនឡើងរបស់ប្រជាជន appeared first on .

តាមការឱ្យដឹងពីក្រុមហ៊ុន សុខា អូតែល ពិធីបុណ្យមហាផ្កាប្រាក់សាមគ្គី រយៈពេល​៣ថ្ងៃ​កន្លងទៅនេះ មានការ​និមន្ត និងអញ្ជើញចូលរួមពីសំណាក់សម្តេចព្រះសង្ឃ ព្រះមេគណរាជធានី ខេត្ត ព្រះមន្រ្តីសង្ឃគ្រប់​ឋានានុក្រម និង អ្នកឧកញ៉ា សុខ គង់ លោកជំទាវ ព្រមទាំងក្រុមគ្រួសារ សម្តេច ឯកឧត្តម លោកជំទាវ អ្នកឧកញ៉ា ឧកញ៉ា លោក លោកស្រី អ្នកនាងកញ្ញាជាពុទ្ធបរិស័ទជិតឆ្ងាយយ៉ាងច្រើនកុះករ។ បច្ច័យទទួលបានពីពុទ្ធ​បរិស័ទ ដែល​មានសទ្ធាជ្រះថ្លាចូលរួមក្នុងពិធីបុណ្យនេះ មានចំនួនសរុប ១៣១,០៤៦ដុល្លារ (មួយរយសាមសិប​មួយពាន់​សែសិបប្រាំមួយដុល្លារអាមេរិក)។

សូមជម្រាបថា អ្នកឧកញ៉ា សុខ គង់ ប្រធានក្រុមហ៊ុនសុខា អូតែល បាននឹងកំពុងដំណើរការសាងសង់​ព្រះពុទ្ធ​ប្បដិមាកម្ពស់១០៨ម៉ែត្រដ៏ស្កឹមស្កៃនៅលើខ្នងភ្នំបូកគោ ដើម្បីរំលឹកគុណដល់ព្រះសម្មាសម្ពុទ្ធ​ជាព្រះបរមគ្រូ​នៃយើង ដែលព្រះអង្គបានត្រាស់ដឹងចម្លងសត្វលោកឱ្យរួចផុតចាកទុក្ខ និងដើម្បីរក្សានូវអត្តសញ្ញាណ​វប្បធម៌​សាសនាជាតិខ្មែរ សម្រាប់ជាទីគោរពសក្ការៈដ៏ថ្លៃថ្លាឧត្តុងឧត្តម​របស់បងប្អូនពុទ្ធសាសនិកជនទាំងអស់គ្នា​គោរព​ប្រណិប័តន៍ ហើយព្រះពុទ្ធបដិមាដ៏ស្កឹមស្កៃនេះ នឹងគង់ជាសម្បត្តិវប្បធម៌សាសនាជាតិខ្មែរជារហូតតរៀងទៅ៕

The post អ្នកឧកញ៉ា សុខ គង់ រៀបចំពិធីបុណ្យមហាផ្កាប្រាក់សាមគ្គី រយៈពេល៣ថ្ងៃ ទទួលបានបច្ច័យពីពុទ្ធបរិស័ទជាង ១៣ម៉ឺនដុល្លារ appeared first on .

ការកសាងវត្តព្រះអង្គធំ លើផ្ទៃ​ដីទំហំ ៧ហិកតា​នេះ ​​​បាន​ធ្វើ​កម្មវិធីបញ្ចុះបឋមសិលា​ប្រព្រឹត្តទៅកាល ពីថ្ងៃសៅរ៍ ទី១៥ ខែមិថុនា ឆ្នាំ២០២៤ កន្លងទៅ ​​ដើម្បី​ទុកជូន​​ពុទ្ធបរិស័ទ​ក្នុងនិងក្រៅប្រទេស​គោរពបូជា​ក្នុងវិស័យ​ព្រះពុទ្ធ​សាសនា។ ទីតាំង​វត្តព្រះអង្គធំ ស្ថិតនៅ​តំបន់​វាលស្រែ៥០០ លើកំពូលភ្នំបូកគោ ជិតព្រះអង្គធំ​​ដែលមានកម្ពស់​១០៨ម៉ែត្រ។ តាមគម្រោង​វត្តព្រះអង្គធំ នឹង​ត្រូវ​កសាង​នូវហេដ្ឋារចនាសម្ព័ន្ធ​សំខាន់ៗ​ជា​ច្រើន​ដូចជា ព្រះវិហារ សាលាឆាន់ កុដិព្រះចៅអធិការ កុដិភិក្ខុសាមណេរ បន្ទប់ទឹក ខ្លោងទ្វារ ចេតិយធំ និងទាំង​សួន​ដ៏ធំ​ផងដែរ។

សូមជម្រាបជូនថា អ្នកឧកញ៉ា សុខ គង់ បានទទួលសិទ្ធិ​វិនិយោគ ​អភិវឌ្ឍន៍ ឧទ្យានជាតិព្រះមុនីវង្ស (បូកគោ) ពីរាជរដ្ឋាភិបាល​លើផ្ទៃដីមួយផ្នែកធំ ក្នុងរយៈពេលវែង ចាប់ពីឆ្នាំ២០០៩ ក្នុងគោលបំណង​ធ្វើការអភិវឌ្ឍន៍​តំបន់នេះ​​ឱ្យក្លាយជា​តំបន់ពាណិជ្ជកម្ម និងរមណីយដ្ឋាន​ទេសចរណ៍ ស្របតាមស្តង់ដាអន្តរជាតិ ដែលអាចទាក់​ទាញ​ភ្ញៀវ​ទេសចរ និងការ​វិនិយោគ។

ថ្មីៗនេះ អ្នកឧកញ៉ា សុខ គង់ ក៏បាន​បង្ហើប​ឱ្យ​ដឹង​​ផងដែរ​ថា រហូតមកទល់នឹងពេលនេះ ក្រុមហ៊ុនបានចំណាយ​ទុនអស់ពី ៧០០ទៅ ៨០០លានដុល្លារហើយ ទៅលើការវិនិយោគអភិវឌ្ឍន៍ ហេដ្ឋារចនា​សម្ព័ន្ធផ្លូវ ភ្លើង ទឹក សណ្ឋាគារលំដាប់ផ្កាយ៥ គម្រោងសង់លំនៅឋានប្រណិត និងសំណង់អគារផ្សេងៗទៀត ដែលបម្រើឱ្យវិស័យ​ទេសចរណ៍​នៅតំបន់នេះ៕

The post អ្នកឧកញ៉ា សុខ គង់ ប្រគេនដីទំហំ ៧ហិកតា សម្រាប់កសាងវត្តព្រះអង្គធំ appeared first on .

តាមរយៈវីដេអូឃ្លីប​​បង្ហោះ​លើ​បណ្តាញ​សង្គម​ហ្វេសប៊ុក​របស់​ឧកញ៉ា សុខ ចន្ថា កូនស្រី​អ្នកឧកញ៉ា សុខ គង់ ​​កាលពី​ដើមខែមិថុនា ឆ្នាំ២០២៤​នេះ បាន​បង្ហាញ​ពី​ ៩ចំណុច​ពិសេស​របស់​ អ្នកឧកញ៉ា សុខ គង់ ក្នុងការ​ផ្តល់​ជំនឿចិត្ត បង្ហាញពីការទទួលខុសត្រូវ និងកសាង​កេរ្តិ៍ឈ្មោះក្នុងវិស័យជំនួញ ដូចខាងក្រោម៖

១. ចុះធ្វើដោយខ្លួនឯង ពេញដៃពេញជើង ជាបទពិសោធន៍ រៀនសូត្រពីការងារ

២. ច្នៃប្រឌិត បង្កើតថ្មី ចាប់យកឱកាស សម្រេចចិត្តឱ្យលឿន

៣. កុំខ្លាចការនឿយហត់ ម៉ោងណាពេលណា ក៏ជាពេលការងារដែរ

៤. ព្យាយាម ពុះពារ កុំបោះបង់ពេលជួបការលំបាក ឬឧបសគ្គ ព្រោះរឿងអ្វីក៏មានដំណោះស្រាយ

៥. តាំងចិត្តថា ត្រូវតែធ្វើឱ្យបានសម្រេចគោលដៅ

៦. គិតវិជ្ជមាន និងជឿជាក់លើខ្លួនឯង

៧. សិក្សា ស្រាវជ្រាវ ឈ្វេងយល់ អភិវឌ្ឍសមត្ថភាព កាំបិតមិនមុត ត្រូវតែព្យាយាមសំលៀង

៨. ស្មោះត្រង់ យកចិត្តទុកដាក់ ដើម្បីកសាងកេរ្តិ៍ឈ្មោះ

៩. ធ្វើឱ្យគេមើលឃើញ ឱ្យគេជឿជាក់លើយើង។

សូមជម្រាបថា អ្នកឧកញ៉ា សុខ គង់ ធ្លាប់បាន​បង្ហើបឱ្យដឹង​​អំពី​ជីវប្រវត្តិ​របស់​លោក​ថា​ លោក​​បាន​ចាប់​ផ្តើម​រៀន​រក​ស៊ី តាំង​ពី​សម័យ​សង្គ្រាម​ឆ្នាំ​១៩៧៣ ដោយ​ពេល​នោះ​លក់​អង្ក សាំង ប្រេង អំបិល និង​ដូរ​ជ្រូក​ជា​ដើម មុន​ត្រូវ​ជាប់​ពន្ធនា​នៅ​វៀតណាម​ជាង ៧​ខែ។ លុះ​ដល់​ឆ្នាំ​១៩៧៩ ​​លោក​ក៏​បាន​វិល​ត្រឡប់​មក​ទីក្រុង​ភ្នំពេញ ដែល​ដំបូង​ឡើយ​រក​ស៊ី​បន្តិច​​បន្តួច​នៅ​លើ​ទូក តែ​​​មិន​សម​ប្រកប។​​​​ បន្ទាប់​មក​ទៀត​ លោក​ក៏​បាន​ឡើង​មក​រក​ស៊ី​លើ​ដី​គោក​វិញ ​​ដោយ​កិនកៅស៊ូ ធ្វើសំបកកង់ឡាន លក់ទៅវៀតណាម និង​មាន​ដើមទុន ​ត្រឹម​តែ​ មាស​១ជី។ ក្រោយ​មក​ទាហាន​ក៏​កម្ម៉ង់​ឱ្យ​ធ្វើ​​ស្បែកជើងកង់ឡាន ឱ្យកងទ័ព​ចំនួន ៥​ម៉ឺន​គូ ​ដែល​ពេល​នោះ​ហើយ​លោក​ទទួល​បាន​មាស​ដល់ ១០០​ជី ​​ដើម្បី​ធ្វើ​ជា​ដើម​ទុន​វិនិយោគ​លើ​មុខ​ជំនួញ​ផ្សេងៗ​ទៀត។

បច្ចុប្បន្ន អ្នកឧកញ៉ា សុខ គង់ គឺជាម្ចាស់ក្រុមហ៊ុនសូគីមុិច អុិនវេសមេន​ គ្រុប ដែលកំពុងតែប្រតិបត្តិការ​យ៉ាងសកម្មនៅក្នុងព្រះរាជាណាចក្រកម្ពុជា លើអាជីវកម្មមួយចំនួនដូចជា៖ ស្ថានីយ៍ប្រេងឥន្ទនៈសូគីមុិច សណ្ឋាគារ​សុខាដែលមានរហូតដល់ ៧សាខា និងវិស័យអចនលទ្រព្យ៕​​

The post ៩ចំណុចរបស់អ្នកឧកញ៉ា សុខ គង់ បង្ហាញពីការទទួលខុសត្រូវ កសាងកេរ្តិ៍ឈ្មោះក្នុងវិស័យជំនួញ appeared first on .

មហាសន្និបាតនេះ រៀបចំឡើងរយៈពេល៣ថ្ងៃ កាលពីថ្ងៃទី៦-៩ ខែមិថុនា ឆ្នាំ២០២៤ ដោយមានអ្នកចូលរួម​ជាតិ និងអន្តរជាតិប្រមាណជិត ៤ពាន់នាក់ មកពី ២១ប្រទេសក្នុងតំបន់ និង២៣ប្រទេសពីតំបន់នានាផងដែរ។

កម្មវិធីមហាសន្និបាតនេះ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានអញ្ជើញ​​ជា​អធិបតីភាព​កម្មវិធីបើកការប្រជុំមហាសន្និបាទអាស៊ីប៉ាស៊ីហ្វិចប្រចាំឆ្នាំ ២០២៤​ ព្រមទាំង​​ទិដ្ឋភាព​នៃការទស្សនាផ្ទាំងទស្សនីយភាពដ៏ស្រស់បំព្រងអស្ចារ្យ និងរស់រវើកប្រកបដោយអត្ថន័យ​នៃសិល្បៈ​បុរាណខ្មែរ។ រីឯ​កម្មវិធីបិទ ធ្វើឡើង​ក្រោម​អធិបតីភាព​លោកជំទាវ ចម និម្មល រដ្ឋមន្ត្រីក្រសួងពាណិជ្ជកម្ម។

សូមជម្រាបថា ក្រៅពីចូលរួមក្នុងកម្មវិធី​ខាងលើ​ ឧកញ៉ា សាយ សុភ័ត្រា ក៏បានដឹកនាំ​ក្រុមការងារ​ សុខាអូតែល សៀមរាប ទទួល​រៀបចំ​​កម្មវិធី​ខាង​លើ​នេះ ប្រកបដោយជោគជ័យ​ រយៈពេល ៣​ថ្ងៃពេញ។ មហាសន្និបាតនេះ ជាការរំលឹកឱ្យ​សមាជិកទាំងអស់ចងចាំថា ពួកគេមានទំនួលខុសត្រូវ ក្នុងការអភិវឌ្ឍសង្គមជាតិ ទាំងក្នុងតំបន់ និងពិភពលោក៕

The post ឧកញ៉ា សាយ សុភ័ត្រា ចូលរួមកម្មវិធីមហាសន្និបាត JCI តំបន់អាស៊ី និងប៉ាស៊ីហ្វិក ឆ្នាំ២០២៤ appeared first on .

ក្នុង​ដំណើរទស្សនកិច្ច​របស់​ឧកញ៉ា​ទាំង​១៣រូប​នេះ​ដែរ អ្នកឧកញ៉ា សុខ គង់ ក៏បានចូលរួមសំណេះសំណាល ពិភាក្សាអំពីការអភិវឌ្ឍ និងសក្តានុពលនៃការវិនិយោគលើភ្នំបូកគោ ក្នុងឱកាសទទួលទានអាហារពេល្ងាច នៅសណ្ឋាគារ ឡឺ បូកគោ ផាឡេស មានអាយុកាលជាង១០០ឆ្នាំ និងជាសណ្ឋាគារប្រណីត និងប្រវត្តិសាស្រ្ត​នៅលើភ្នំបូកគោ។

សូមជម្រាបថា ភ្នំបូកគោជាតំបន់ទេសចរណ៍ដ៏ល្អពិសេស​មួយនៅខេត្តកំពត ដែល​កំពុងអភិវឌ្ឍដោយ​ក្រុមហ៊ុន​ សុខា អូតែល និងក្រុមហ៊ុន សុខា រៀល អ៉ីស្តេត ដូចជា៖ ១.តំបន់ប្រវត្តិសាស្រ្ត, ២.កន្លែងលម្ហែដែលមានខ្យល់​អាកាសល្អ ហើយអាចជួយព្យាបាលសុខភាពបាន, ៣.ប្រព័ន្ធផ្លូវខ្វាត់ខ្វែង និងទី៤.ទេសចរណ៍សាសនា។ បច្ចុប្បន្ន​ ក្រុមហ៊ុន​​បានកំពុងអភិវឌ្ឍ​គម្រោងកសាងតំបន់ព្រះពុទ្ធបដិមា ដែលមានកម្ពស់១០៨ម៉ែត្រ ជាព្រះពុទ្ធ​បដិមាមានកម្ពស់ខ្ពស់ជាងគេនៅអាស៊ី​ផងដែរ។

អ្នកឧកញ៉ា សុខ គង់ ធ្លាប់បាន​បញ្ជាក់​ប្រាប់​អ្នកសារព័ត៌មាន កាលពេលថ្មីៗនេះ​ថា មក​ទល់​បច្ចុប្បន្ន​លោកបាន​ចំណាយទុន​វិនិយោគ​អស់ប្រមាណ ៨០០លានដុល្លារអាមេរិក ដើម្បីអភិវឌ្ឍនៅលើកំពូលភ្នំបូកគោ ប៉ុន្តែប្រាក់​ដែលបានចំណាយ​ទាំង​នោះ នៅមិនទាន់ទទួលបានផលចំណេញមកវិញនៅឡើយទេ។ យ៉ាងណាក្តី គម្រោង​វិនិយោគជាច្រើន ​ដែលក្រុមហ៊ុនបានកំពុងអភិវឌ្ឍនេះ គឺដើម្បីអភិវឌ្ឍភ្នំបូកគោនេះ ឱ្យ​ក្លាយជាតំបន់ទេសចរណ៍​ដ៏សម្បូរបែប៕

The post អ្នកឧកញ៉ា សុខ គង់ ទទួលជួបស្វាគមន៍ឧកញ៉ា ១៣រូប នៅភូមិគ្រឹះលើភ្នំបូកគោ appeared first on .

លោក ស្វាយ វុឌ្ឍី នាយកនីតិកម្ម និងទំនាក់ទំនងសាធារណៈនៃក្រុមហ៊ុន សុខា អូតែល បានថ្លែងប្រាប់ក្រុម​អ្នកសារព័ត៌មានក្នុងបេសកម្ម «ផ្សព្វផ្សាយទ្រង់ទ្រាយធំពីសក្ដានុពល នៃការអភិវឌ្ឍក្រុងបូកគោ» ដែលរៀបចំ​ដោយក្លិបអ្នកកាសែតកម្ពុជា នាថ្ងៃទី២៧ ខែឧសភា ថា រហូតមកទល់ពេលនេះ ដំណើរការឈូសឆាយផ្លូវ​ថ្មី​នេះ​បានបញ្ចប់រួចរាល់ជាស្ថាពរ ១០០ភាគរយហើយ នៅឡើយតែការចាក់បេតុងទើបតែសម្រេចបានប្រហែល ២.៣៥០ម៉ែត្រប៉ុណ្ណោះ ដែលយឺតជាងការរំពឹងទុក។ ភាពយឺតយ៉ាវនៃការសាងសង់នេះ បណ្តាលមកពីវិបត្តិ​សេដ្ឋកិច្ចសកល ដែលជះឥទ្ធិពលដល់ការវិនិយោគរបស់ក្រុមហ៊ុននៅតំបន់ភ្នំបូកគោ តែទោះជាយ៉ាងណា​ក្រុមហ៊ុននៅតែបន្តជំរុញការសាងសង់ តែមិនទាន់អាចកំណត់ពេលវេលាយ៉ាងណាមួយឱ្យ​ពិតប្រាកដបានទេ។

តំណាង​ក្រុមហ៊ុន​រូបនេះ បាន​បញ្ជាក់​បន្ត​ថា តាមការសិក្សារបស់ក្រសួងជំនាញគម្រោងសាងសង់ផ្លូវថ្មីនេះ អាច​ចំណាយអស់ប្រហែល ៣លានដុល្លារ ក្នុងមួយគីឡូម៉ែត្រ។ ដោយសារ​ផ្លូវមានប្រវែងសរុប ៦១ម៉ែត្រ ដូច្នេះសរុប​ការ​ចំណាយ គឺ​អស់​ថវិកា​ក្នុងរង្វង់ជាង ១៨០លានដុល្លារ។ ចំពោះ​មូលហេតុ​ដែល​ត្រូវ​ចំណាយ​ច្រើន លោក​​បាន​បកស្រាយ​ថា ដោយសារ​ផ្លូវនេះ ជាប្រភេទផ្លូវថ្មីត្រូវការកាប់ឈូសឆាយដី ការចាក់ដី​បំពេញបន្ថែម និងការសាង​សង់ស្ពាន ពិសេសការឈូសឆាយដីភ្នំឡើងចុះ ដែលបង្កផលលំបាកច្រើន បើធៀបនឹងការធ្វើផ្លូវធម្មតា។

គួរបញ្ជាក់ថា គម្រោងស្ថាបនាផ្លូវតភ្ជាប់ឧទ្យានជាតិ​ព្រះមុនីវង្សបូកគោ​ មកផ្លូវជាតិលេខ៤ ត្រង់ចំណុច គីឡូ​ម៉ែត្រលេខ​១៥៨+២៩១​​ ត្រូវ​បាន​រាជរដ្ឋាភិបាលកម្ពុជា ​សម្រេច​​កាល​ពី​ដើម​ឆ្នាំ​២០២២ ឱ្យ​ក្រសួង​រៀបចំដែនដី នគរូបនីយកម្ម និង​សំណង់ ​សហការ​ជាមួយ​អ្នកជំនួញ​ជើង​ចាស់​ពីរ​រូប​គឺ អ្នកឧកញ៉ាបណ្ឌិត សុខ គង់ និង​អ្នកឧកញ៉ាបណ្ឌិត ម៉ុង ឬទ្ធី ​​បើក​ការ​​ឈូសឆាយ​ធ្វើ​ផ្លូវ​ថ្មី​នេះ​ឡើង ដើម្បី​មាន​ភាព​ងាយស្រួល​សម្រាប់​ប្រជាពលរដ្ឋ​ក្នុង​ការ​ធ្វើដំណើរ ចំណេញ​ពេលវេលា ​ជួយ​លើក​កម្ពស់​សេដ្ឋកិច្ច គាំទ្រ​ដល់ការ​វិនិយោគ​ និង​ទាក់ទាញ​ផ្នែក​ទេសចរណ៍៕

The post ផ្លូវថ្មីតភ្ជាប់ពីភ្នំបូកគោ ទៅផ្លូវជាតិលេខ៤ សាងសង់ដោយ អ្នកឧកញ៉ា សុខ គង់ ចំណាយអស់ ១៨០លានដុល្លារ appeared first on .

ក្រៅពីតួនាទីជាថ្នាក់ដឹកនាំសំខាន់មួយរូបប្រចាំក្រុមហ៊ុន សុខា អូតែល ឧកញ៉ា សាយ សុភ័ត្រា  ពេលទំនេរពីការងារ ចុងសប្តាហ៍ ឬថ្ងៃឈប់សម្រាក លោកឧកញ៉ា តែងតែរៀបចំខ្លួនយ៉ាងសាមញ្ញ ចូលរួមជាមួយសមាជិកក្រុមកង់គីរីរម្យ ធ្វើដំណើរចេញពីរាជធានីភ្នំពេញ ជិះទៅកាន់បណ្ដាខេត្តឆ្ងាយៗ ដូចជា ខេត្តសៀមរាប ខេត្តព្រះសីហនុ កំពង់ឆ្នាំង កំពតជាដើម។ ខេត្តបាត់ដំបងនឹងជាទិសដៅបន្ទាប់របស់ក្រុមកង់។

លោកឧកញ៉ា ប្រធាន ក្រុមកង់គីរីរម្យ រូបនេះបញ្ជាក់ថា ការជិះកង់ជាក្រុម ទៅកាន់បណ្ដាខេត្តនៅក្នុងប្រទេសកម្ពុជា គឺជាអ្វីដែលខ្ញុំចូលចិត្តបំផុតជាពិសេសជិះឡើងភ្នំបូកគោក្នុងកម្មវិធីប្រណាំងកង់និងរត់ពាក់កណ្តាលម៉ារ៉ាតុងដើម្បីមន្ទីរពេទ្យគន្ធបុប្ផាជារៀងរាល់ឆ្នាំនៅខែតុលា។  គោលដៅចម្បង គឺក្រុមកង់គីរីរម្យ យើងខ្ញុំ  គឺជិះកង់ដើម្បីសុខភាព ដើម្បីសាមគ្គីភាព និងដើម្បីរួមចំណែកខ្លះៗ ក្នុងការបង្ហាញពីសក្កានុពលតំបន់ទេសចរណ៍នានាទូទាំងប្រទេសកម្ពុជា ជាពិសេសពួកយើងក៏បានរួមចំណែក បង្ហាញពីហេដ្ឋារចនាសម្ព័ន្ធរបស់រដ្ឋាភិបាល ក៏ដូចជាអាជ្ញាធរមូលដ្ឋាន ដូចជា៖ ផ្លូវថ្នល់ ស្ពាន និងសមិទ្ធិផលផ្សេងៗទៀត ដើម្បីឱ្យការផ្សព្វផ្សាយបានកាន់តែទូលំទូលាយតាមរយៈបណ្ដាញសង្គម។  

លោកឧកញ៉ា ដែលជាថ្នាក់ដឹកនាំនៃក្រុមហ៊ុន សុខា អូតែល រូបនេះ បន្ថែមថា៖ កន្លងមក  ក្រុមកង់គីរីរម្យ ពួកយើងតែងតែសហការគ្នាបានយ៉ាងល្អ ជិះកង់ផ្សព្វផ្សាយពីតំបន់ទេសចរណ៍ ដូចជាជិះឡើងភ្នំបូកគោ និងចូលរួមកម្មវិធីប្រកួតជិះកង់នានា ស្របតាមអនុសាសន៍របស់សម្ដេចតេជោ គឺ “កីឡារស់ក្នុងសន្តិភាព”។

The post បងប្អូនអ្នកនិយមជិះកង់កម្សាន្តអាចចូលរួមជាមួយក្រុមកង់គីរីរម្យ ឧកញ៉ា សាយ សុភ័ត្រា បាន appeared first on .

តាម​ការ​បញ្ជាក់​ពី​ក្រុមហ៊ុន សុខា អូតែល ​​បាន​ឱ្យ​ដឹង​ថា នៅក្នុងគម្រោងទាំងមូល​ គឺ​មានផ្ទៃដីសរុបរហូតដល់ទៅ ៩១,៧​ហិកតា​ ហើយ​​នឹងមានគម្រោងបង្កើតនូវឧទ្យានផ្សេងៗ​ជាច្រើន ដែលក្នុងឧទ្យាននីមួយៗ​សុទ្ធសឹងតែមានដំណែល​រឿង​ទាក់ទងទៅនឹងព្រះពុទ្ធសាសនា និងពុទ្ធប្រវត្តិ។

បន្ថែមពីនេះ នៅលើផ្ទៃដីដ៏ធំ​ ក្រៅពីទេសភាពដែលអំណោយផល​ពីធម្មជាតិនៃឧទ្យានជាតិមុនីវង្យបូកគោ ​ក៏​នឹងមានការដាំ​រុក្ខជាតិ​បន្ថែមជាច្រើនទៀតដើម្បីបង្កើនសោភ័ណភាព ​និងភាពទាក់ទាញកាន់តែខ្លាំង មានដូចជា៖ ដើម​សាគូរ៉ាពណ៍ឈូក, ដើម​សាគូរ៉ាពណ៍ឈូកស្រាល, ដើម​សាគូរ៉ាពណ៍ស, ដើម​សាគូរ៉ាពណ៍លឿង, ដើមស្រល់, ដើមឬស្សី, ដើមពោធិ៍, ដើម​សាល​ព្រឹក្ស ​រួមជាមួយ​នឹង​ព្រៃធម្មជាតិ​ផងដែរ។

គម្រោង​សាងសង់ព្រះពុទ្ធប្បដិមាកម្ពស់ ១០៨ ម៉ែត្រ​​ នៅលើខ្នងភ្នំ​បូកគោ​ ស្ថិតនៅក្នុងឧទ្យានជាតិ​ព្រះមនុវង្ស «បូកគោ» ​ខេត្តកំពត ​ត្រូវ​បាន​បញ្ចុះបឋមសិលាបើកការដ្ឋានសាងសង់​​ជា​ផ្លូវការ​ ក្រោម​អធិបតីភាព​ លោក​ ជា សុផារ៉ា កាលពី​ថ្ងៃទី​០៤ ខែមករា ឆ្នាំ២០២៣។ អ្នកឧកញ៉ា សុខ គង់ ប្រធានក្រុមហ៊ុន សុខា អូតែល ធ្លាប់បានបញ្ជាក់ថា ព្រះពុទ្ធបដិមានេះ នឹង​ចំណាយរយៈពេល​សាងសង់​​ ៤ឆ្នាំ និងចំណាយប្រាក់ចន្លោះពី ៣០លានដុល្លារ ទៅ៤០​លាន​ដុល្លារ​អាមេរិក៕ ​

The post អ្នកឧកញ៉ា សុខ គង់ ប្រើប្រាស់ដីជាង៩០ហិកតា លើគម្រោងសាងសង់ព្រះពុទ្ធប្បដិមាកម្ពស់ ១០៨ម៉ែត្រទាំងមូល appeared first on .