កម្មវិធីសម្ភោធជាផ្លូវការរថយន្ត All New MG7 ត្រូវបានប្រារព្ធឡើងនៅសណ្ឋាគារ Sun and Moon Riverside ដែលកម្មវិធីរៀបចំឡើងលើសពីការបង្ហាញវត្តមានរថយន្តថ្មីទៅទៀត ដែលកម្មវិធីនេះបានរៀបចំឡើងយ៉ាងអន្ធឹកអន្ធាប់ដើម្បីអបអរសាទរវត្តមានដ៏អស្ចារ្យនៃការច្នៃប្រឌិតថ្មីរបស់MG។ ភ្ញៀវកិត្តិយសជាច្រើនបានចូលរូមនិងរីករាយជាមួយការពិសាភោជនាហារនាពេលរាត្រី និងទទួលយកនូវផ្ទាំងទស្សនីយភាពដ៏អស្ចារ្យដូចជា ការបើកបង្ហាញវត្តមានរថយន្តស៊េរីថ្មី MG7 និងទស្សនារថយន្តផ្ទាល់, ការដើរបង្ហាញម៉ូតពីក្រុមរបស់លោក Oliva Kong, ការគូររូប, ការរាំកម្សាន្តជាមួយ DJ ដែលញាំងបរិយាកាសកាន់តែរីករាយបំផុតនារាត្រីដ៏អស្ចារ្យនេះ។

MG7 បានរចនារូបរាងយ៉ាងលេចធ្លោ និងបំពាក់នូវបច្ចេកវិទ្យាទំនើបៗដែលជាភាពទាក់ទាញយ៉ាងខ្លាំង។ ការបើកបង្ហាញវត្តមានរថយន្តនេះគឺជាការផ្តល់នូវបទពិសោធន៍ថ្មីសម្រាប់អ្នកគាំទ្រ MG ជាមួយនឹងរថយន្តថ្មីដែលបំពាក់ដោយភ្លើង LED មានការរចនាដូចភ្នែកខ្លាកំណាច, កាងទប់ខ្យល់អូតូ(Auto Spoiler) អមនឹងទ្វារឃ្លុបក្រោយអូតូដែលពិតជាកម្រមាននៅលើរថយន្តប្រភេទ Sedan។ លក្ខណៈពិសេសទាំងនោះបានបង្ហាញពីភាពអស្ចារ្យ និងសមត្ថភាពខ្លាំងរបស់រថយន្ត។

នៅផ្នែកខាងក្នុងរថយន្ត MG7 វិញបានរចនាឡើងយ៉ាងធំទូលាយនិងផ្តល់នូវកៅអីស្ព័រពូកស្បែក Nappa និងពណ៌ដ៏ទាន់សម័យយ៉ាងប្រណិត។ ផ្នែកកាប៊ីនក្នុង​ត្រូវបាន​តុបតែង​ដោយ​សម្ភារៈស្តង់ដារ​ដែល​មាន​គុណភាព​ខ្ពស់ដ៏ល្អឥតខ្ចោះ រួមជាមួយភ្លើង ambient អាចប្តូរពណ៌បានយ៉ាងទាក់ទាញនិងស៊ីវិល័យបំផុត។ រថយន្ត MG7 គឺមិនត្រឹមតែជារថយន្តស្ព័រប៉ុណ្ណោះទេ តែវាបានផ្តល់នូវភាពប្រណិតនិងច្នៃប្រឌិតបំផុត។

MG7 ក៏ត្រូវ​បាន​បំពាក់​ដោយ​ម៉ាស៊ីន​ដែល​មាន​សមត្ថភាព​ខ្ពស់ក្នុងការ​ផ្តល់​នូវ​ថាមពលខ្លាំង និងមាន​ប្រសិទ្ធភាព​ខ្ពស់គួរ​ឱ្យ​ចាប់​អារម្មណ៍។ សំឡេងរោទិ៏ចេញពីបំពង់ស៊ីមាំងទាំង4របស់រថយន្តគឺប្រៀបដូចជារថយន្តស្ព័រ supercar ដ៏ទំនើបដោយគ្រាន់តែចុចប៊ូតុងមួយដើម្បីប្តូរសំឡេងស៊ីមាំងបានតែម្តង។ មិនថាបើកបរលើផ្លូវក្នុងទីក្រុង ឬជិះលើផ្លូវហាយវេនោះទេ ក៏រថយន្ត MG7 ផ្តល់នូវការធ្វើដំណើរយ៉ាងរលូន និងស័ក្តសមជារថយន្តស្ព័រដែលបើកបរនាយុគសម័យថ្មីនេះ។ ប្រព័ន្ធគ្រឿងក្រោម​កម្រិត​ខ្ពស់ ផ្តល់ការបើកបរនឹងល្អ ព្រមទាំងមានប្រព័ន្ធ​គ្រប់គ្រង​ពត៌មាន​ជាក់លាក់ ​ដែលធ្វើ​ឱ្យម្ចាស់រថយន្តមាន​ភាព​រីករាយ​ក្នុង​ការ​បើកបរ ហើយក៏ផ្តល់នូវការ​សន្សំសំចៃ​ប្រេងបានល្អផងដែរ។

ចំណែកប្រព័ន្ធសុវត្ថិភាពវិញគឺជាអាទិភាពចម្បងរបស់រថយន្ត MG7 ដោយវាត្រូវបានបំពាក់ដោយមុខងារជាច្រើនក្នុងការជំនួយដល់អ្នកបើកបររួមមានប្រព័ន្ធគ្រប់គ្រងលំនឹងពេលបើកបរ, ប្រព័ន្ធជំនួយពេលបើកបរខុសគន្លងផ្លូវ, ប្រព័ន្ធហ្វ្រាំងABSចាប់ហ្វ្រាំងដោយស្វ័យប្រវត្តិ, ប្រព័ន្ធកំណត់ល្បឿនថេរ និងកាមេរ៉ា360ដឺក្រេមើលមួយជុំរថយន្ត។ល។ ប្រព័ន្ធសុវត្ថិភាពទាំងនោះបានធ្វើការរួមគ្នាដើម្បីផ្តល់នូវទំនុកចិត្តនៃការបើកបរដើម្បីធានាបានថារាល់ការបើកបរគឺមានសុវត្ថិភាពនិងរីករាយបំផុត។ កាន់តែពិសេសក្រុមហ៊ុន MG ផ្តល់ការធានារហូតដល់ទៅ 5ឆ្នាំ ឬ 150,000Km ទៀតផង។

ម្យ៉ាងវិញទៀត ដើម្បីអបអរសាទរពិធីសម្ពោធជាផ្លូវការរថយន្ត MG7 នេះក្រុមហ៊ុន MG ក៏កំពុងផ្តល់ជូននូវប្រម៉ូសិនពិសេសគឺ ប័ណ្ណញាំអហារអភិជននៅ Yuzu Omakase សម្រាប់មនុស្សពីរនាក់ ដល់អតិថិជនដែលកក់ទិញរថយន្ត MG7 ចាប់ពីថ្ងៃនេះរហូតដល់ថ្ងៃទី30 ខែសីហា ឆ្នាំ2024។ ការផ្តល់ជូនពិសេសនេះគឺផ្តល់នូវបទពិសោធន៍ថ្មីមួយទៀតក្នុងការទទួលទានអាហារអភិជនដ៏ប្រណិតនៅភោជនីយដ្ឋានជប៉ុនលំដាប់កំពូលមួយក្នុងទីក្រុង ហើយការផ្តល់ជូនពិសេសនេះបានឆ្លុះបញ្ចាំងពីការប្តេជ្ញាចិត្តរបស់ MG ក្នុងការផ្តល់ជូនមិនត្រឹមតែរថយន្តទំនើបប៉ុណ្ណោះទេ ប៉ុន្តែជា Lifestyle ដែលរស់នៅប្រកបដោយប្រណិតភាព និងភាពទាន់សម័យ។

លោក អ៊ុំ គីម អគ្គនាយកផ្នែកលក់នៃក្រុមហ៊ុន MG Cambodia បានមានប្រសាសន៏ថា Òនៅពេលដែលពិភពលោកនៅតែបន្តវិវឌ្ឍន៏នូវបច្ចេកវិទ្យាទំនើបៗ យើងក៏នៅតែបន្តការខិតខំនិងប្រកួតប្រជែងខ្លួន ដើម្បីក្លាយជាជម្រើសល្អបំផុតនៅក្នុងទីផ្សាររថយន្តថ្មីនៅប្រទេសកម្ពុជា តាមរយៈការផ្តល់រថយន្តទំនើបស៊េរីថ្មីៗនិងផ្តល់នូវសេវាកម្មល្អជូនដល់អតិថិជនដែលជាគ្រួសារ MG ផងដែរ។ ម្យ៉ាងវិញទៀត តាមរយៈការទិញរថយន្តម្តងហើយម្តងទៀត និងការណែនាំបន្តពីអ្នកប្រើប្រាស់រួច បានធ្វើឱ្យ MG បន្តបង្កើនការលក់និងទទួលសមាជិកថ្មីជាច្រើនរៀងរាល់ថ្ងៃ ព្រមទាំងពង្រីកបន្ថែមនូវសាខាថ្មីបន្តទៀតរួមមានដូចជា ខេត្តបាត់ដំបងជាដើម។ ខណៈដែលក្រុមហ៊ុនMG គឺជាម៉ាកយីហោរបស់ចក្រភពអង់គ្លេសដែលមានឫសគល់ប្រវត្តិសាស្ត្រនៅក្នុងការផលិតរថយន្តស្ព័រ ដូច្នេះហើយទើបធ្វើឱ្យរថយន្ត MG7 ផ្តល់នូវជម្រើសល្អក្នុងការប្រើប្រាស់រថយន្តថ្មីបែបស្ព័រដែលមានតម្លៃសមរម្យនិងមានលក្ខណៈពិសេសខុសពីដៃគូរប្រកួតប្រជែងរបស់ខ្លួន។”

សរុបមក ការ​បង្ហាញនូវវត្តមាន​រថយន្ត MG7 គឺជា​សញ្ញានៃភាពរីកចម្រើន​ថ្មី​មួយទៀតហើយ​សម្រាប់ក្រុមហ៊ុន MG ដោយ​បាន​កំណត់នូវ​ស្តង់ដារ​ថ្មី​ក្នុង​ត្រកូល​ sedan អមជាមួយនឹងការរួមបញ្ចូលគ្នានៃការរចនាដ៏ប្រណិតស៊ីវិល័យ បំពាក់ដោយបច្ចេកវិទ្យាទំនើបៗ និងដំណើរការបើកបរខ្លាំងដែលសុតសឹងជាលក្ខណៈពិសេសរបស់ MG7 ហើយរថយន្តនេះនឹងក្លាយទៅជាតួឯកក្នុងផ្នែករថយន្តស៊ីឌាននៅកម្ពុជាដែលទទួលបានការចាប់អារម្មណ៏ខ្លាំងពីសំណាក់អ្នកប្រើប្រាស់រថយន្តថ្មី។ បន្ថែមពីលើបទពិសោធន៍ក្នុងការបើកបររថយន្តស្ព័រ MG7 នឹងផ្តល់នូវមធ្យោបាយធ្វើដំណើរដែលជាដៃគូរពិតប្រាកដ និងត្រឹមត្រូវបំផុត៕

The post ក្រុមហ៊ុន MG Cambodia សម្ពោធរថយន្តបែបស្ព័រស៊េរីថ្មីម៉ូឌែល MG7 ឆ្នាំ2025 ដ៏ស៊ីវិល័យ និងបំពាក់បច្ចេកវិទ្យទំនើបចុងក្រោយ appeared first on .

ដំណើរទេសចរណ៏នេះ នឹងឆ្លងកាត់ប្រទេសជាច្រើនដូចជា៖ អឺរ៉ុប, ទីក្រុងឡុងដ៍, ចក្រភពអង់គ្លេស, ឆ្លងកាត់ប្រទេស​បែលហ្សិក, អាល្លឺម៉ង់, បារាំង, ប្រទេសអេស្បាញ, អ៊ីតាលី, បន្ទាប់មកបន្តទៅកាន់មជ្ឈិមបូព៌ារួមមាន Jordan, អារ៉ាប៊ី​សាអូឌីត Saudi Arabia និង អារ៉ាប់រួម UAE, បន្ទាប់មក នឹងធ្វើដំណើរទៅកាន់ទ្វីបអាស៊ី តាមរយៈប្រទេសឥណ្ឌា, ម៉ាឡេស៊ី, ថៃ, ហ្វីលីពីន, កម្ពុជា, វៀតណាម ហើយបន្តទៅដល់គោលដៅធំគឺទីក្រុងសៀងហៃ។ ដំណើរកម្សាន្តទេសចរណ៏ Cyberster នេះនឹងត្រូវបើកបរដោយអ្នកដំណើរផ្សងព្រេងកូនភ្លោះជនជាតិអង់គ្លេស គឺលោក Ross និង Hugo Turner។

ប្រទេសកម្ពុជា គឺជាប្រទេសទី២៤ នៅក្នុងដំណើរទេសចរណ៍អន្តរជាតិនេះដោយបង្ហាញពីភាពខ្លាំង និងដំណើរការ​របស់​រថយន្តជាមួយបរិយាកាសចម្រុះតាមប្រទេសនីមួយៗ។ ការធ្វើដំណើរកម្សាន្តទេសចរណ៏​អន្តរជាតិដោយឆ្លងកាត់ប្រទេស​កម្ពុជាគឺជាផ្នែកមួយដ៏សំខាន់ក្នុងការបង្ហាញពីការប្តេជ្ញាចិត្តរបស់ក្រុមហ៊ុន MG ចំពោះការអភិវឌ្ឍន៏វិស័យរថយន្តអគ្គិសនី និងការអបអរគម្រប់ខួប១០០ឆ្នាំរបស់ខ្លួន។ ដំណើរទេសចរណ៏ MG Cyberster ឆ្លងកាត់ប្រទេសកម្ពុជា គឺមិនត្រឹមតែ​បង្ហាញពីបច្ចេកវិទ្យាទំនើបនិងភាពអស្ចារ្យនៃរថយន្តអគ្គិសនីMGប៉ុណ្ណោះទេ ប៉ុន្តែថែមទាំងបានជួយផ្សព្វផ្សាយ​អំពី​ទេសចរណ៍ និងវប្បធម៌របស់ប្រទេសកម្ពុជាទៅកាន់ពិភពលោកផងដែរ។

ដំណើរកម្សាន្តទេសចរណ៏របស់ MG Cyberster នៅកម្ពុជា បានចូលរួមទស្សនាទីក្រុងភ្នំពេញ និងខេត្តសៀមរាប ដែល​ពួកគេអាចស្វែងរក និងយល់ដឹងអំពីទីតាំងបេតិកភណ្ឌជាតិ និងប្រវត្ថិសាស្ត្រជាច្រើនដូចជា: ព្រះបរមរាជវាំង, វិមាន​ឯករាជ្យ, ផ្សារធំថ្មី, និងទទួលបានចំណេះដឹងនិងបទពិសោធន៍​ជាច្រើនពីរមណីយដ្ឋានប្រវត្តិសាស្ត្រ​ល្បីៗតាមរយៈ​ការ​ទស្សនា ប្រាសាទអង្គរវត្ត, ប្រាសាទបាយ័ន, ប្រាសាទតាព្រហ្ម ជាដើម។ បន្ថែមពីលើនេះ ដំណើរកម្សាន្តទេសចរណ៍​អន្តរជាតិ បានរួមបញ្ចូលនូវសកម្មភាពសំខាន់ៗដែលរៀបចំដោយក្រុមហ៊ុន MG Cambodia មានដូចជា៖ ការទស្សនា​មជ្ឈមណ្ឌលសិប្បកម្មធ្វើដោយដៃសច្ចៈ, ការជិះរទេះគោកម្សាន្តតាមភូមិ, ការជិះបាឡុងខ្យល់លើអាកាស, ការទស្សនាថ្ងៃ​រៈ​ចំកំពូលប្រាសាទអង្គរវត្ត និងចូលរួមក្នុងកម្មវិធីសប្បុរសធម៌​ចែកសម្ភារៈសិក្សាដល់សិស្សានុសិស្ស​នៅសាលាបឋម​សិក្សា​បាគង ដើម្បីជាការគាំទ្រការសិក្សាដល់កុមារផងដែរ។

MG Cambodia ក៏សូមថ្លែងអំណរគុណដល់ក្រសួងទេសចរណ៏ អាជ្ញាធម៌អប្សារា និងក្រសួងដែលពាក់ព័ន្ធទាំង​អស់ដែល​បានចូលរួម​សហការណ៏ដើម្បីអនុញ្ញាត្តិឱ្យក្រុមហ៊ុនអាចផ្តល់នូវដំណើរកម្សាន្តមួយដ៏អស្ចារ្យនៅក្នុងប្រទេសកម្ពុជា និងចូល​រួមគាំទ្រផ្សព្វផ្សាយបន្តអំពីទេសចរណ៏នៅកម្ពុជាតាមរយៈបណ្តាញសង្គមអន្តរជាតិនៃដំណើរទេសចរណ៏នេះ។

បងប្អូនភ្លោះ Ross & Hugo Turner បានបង្ហាញចំណាប់អារម្មណ៍របស់ពួកគេចំពោះប្រទេសកម្ពុជាថា “យើងខ្ញុំសុំសរសើរ​ដល់ទីក្រុងភ្នំពេញសម្រាប់សោភ័ណ្ឌភាពដ៏ស្រស់ស្អាត និងលំហូរចរាចរណ៍ដ៏រលូន ហើយខេត្តសៀមរាបវិញ គឺអស្ចារ្យ​ណាស់​ដោយមានទេសភាពស្អាតអមដោយ បឹងទន្លេជាច្រើន ព្រមទាំងមានបេតិកភណ្ឌជាតិប្រវត្តិសាស្ត្រ និងវប្បធម៌ដ៏​សម្បូរបែប ជាពិសេសគឺប្រាសាទអង្គរវត្ត។ ពួកគេបានបន្ថែមថា រថយន្ត Cyberster ជារថយន្តអគ្គិសនី​ដែលមានភាព​ស្ងប់ស្ងាត់ ហើយអនុញ្ញាតឱ្យពួកគេអាចស្តាប់សម្លេងសត្វយំ និងសម្លេងខ្យល់ធម្មជាតិពិតៗនៅជុំវិញ​ពួកគេដូចដែល​កំពុង​ឆ្ពោះ​ទៅកាន់ការសាកថាមពលទៅកាន់អនាគត។ ទីកន្លែងសំខាន់ៗជាច្រើនដែលសម្គាល់អំពីប្រទេសកម្ពុជាគឺពិតជាអស្ចារ្យ និងបង្ហាញថាកម្ពុជាអច្ឆរិយ។”

ការធ្វើដំណើរកម្សាន្តទេសចរណ៏នេះ គឺមិនត្រឹមតែបង្ហាញពីសមត្ថភាពរបស់រថយន្តអគ្គិសនី MG Cyberster បែបស្ព័រ​សម្រាប់ការធ្វើដំណើរផ្លូវឆ្ងាយ និងបើកបរតាមស្ថានភាពផ្លូវនៃប្រទេសផ្សេងៗគ្នាប៉ុណ្ណោះទេ ប៉ុន្តែថែមទាំងបង្កើតការ​ផ្សព្វ​ផ្សាយយ៉ាងខ្លាំងខ្លាពីទេសចរណ៏នៅប្រទេសកម្ពុជា និងផ្តល់ការចាប់អារម្មណ៍កាន់តែខ្លាំងចំពោះរថយន្ត MG ផងដែរ ព្រោះវាបានធ្វើដំណើរឆ្លងកាត់តំបន់នីមួយ និងបង្ហាញពីវប្បធម៌ផ្សេងៗ​ក្នុងបណ្តាប្រទេសជាច្រើន​ក្នុងដំណើរកម្សាន្ត​ទេសចរណ៍​អន្តរជាតិនេះ៕

The post ក្នុងឱកាសប្រារព្ធខួប១០០ឆ្នាំនៃម៉ាកយីហោ MG! MG Cyberster Global Tour កំពុងចូលរួមផ្សព្វផ្សាយគោលដៅទេសចរណ៍កម្ពុជាទៅកាន់ពិភពលោក appeared first on .

កម្មវិធីសម្ពោធជាផ្លូវការរថយន្ត MG HS Facelift ស៊េរីថ្មីឆ្នាំ២០២៤ នៅផ្សារទំនើបអ៊ីអនម៉លសែនសុខ បានប្រព្រឹត្តិទៅ​យ៉ាងរលូន និងអន្ធឹកអន្ធាប់បំផុត ដោយមានវត្តមានចូលរួមពីភ្ញៀវកិត្តិយសដែលជាម្ចាស់រថយន្ត MG, influencer, ធនាគារដៃគូរ និងអ្នកសារពត៌មានជាច្រើនរូប។ រថយន្ត MG HS Facelift ដែលត្រូវបានផ្លាស់ប្តូររូបរាង​និងកំណត់ស្តង់ដា​ថ្មីនៅក្នុងជួរនៃរថយន្តប្រភេទ SUV ដោយបន្តផ្តល់ជូនអតិថិជននូវតម្លៃដ៏សមរម្យនិងសន្សំសំចៃជាមួយតម្លៃត្រឹមតែ $35,990 ដែលធ្វើឱ្យវាក្លាយជារថយន្តប្រភេទ SUV ដែលមានតម្លៃទាបជាងប្អូនប្រុសរបស់គេបន្តិចគឺ MG RX5 Sport Edition។ បន្ថែមពីនេះ អតិថិជននឹងទទួលបានកញ្ចប់ប្រូម៉ូសិនរួមមានដូចជា: កាតសាំង 500$, កម្រាលជើងប្រណិត, UV ការពារកម្តៅ និងថ្លៃសេវាស្លាកលេខវែង។ ការផ្តល់ជូនពិសេសនេះមានតែចាប់ពីថ្ងៃទី16 ដល់ថ្ងៃទី18 ខែកុម្ភៈ ឆ្នាំ2024 ប៉ុណ្ណោះ ហើយរថយន្ត MG ក៏ផ្តល់ជូននូវការធានារយៈពេល 5 ឆ្នាំ ឬ 150,000Km ផងដែរ។

រថយន្ត MG HS Facelift ត្រូវបានរចនាឡើងវិញនូវរូបរាងកាន់តែស៊ីវិល័យដោយបំពាក់នូវ ប៉ាណាមុខប្រភេទ Digital Burning Grille, ចង្កៀងមុខប្រភេទ LED Bi-function និងកាងខាងមុខថ្មីប្លែកកាន់តែមានអំណាច ដែលផ្តល់ឱ្យ​រថយន្ត​នេះនូវរូបរាងកាន់តែទាក់ទាញ និងរឹងមាំជាងមុន។ ផ្នែក​ខាង​ក្រោយក៏បានផ្លាស់ប្តូរដោយ​មានការរចនាបែបថ្មី​នូវស៊ីមាំង​ភ្លោះចំនួន២ និង​ចង្កៀង LED ហើយបំពេញជាស្តង់ដារនៃរថយន្តប្រភេទ SUV ដោយ​​ទំហំកង់18-អ៊ីញ​ជារចនាម៉ូត​បែប​ផ្កាចំប៉ា។ ចំណែកផ្នែកខាងក្នុងក៏ត្រូវបានផ្លាស់ប្តូរនឹងអាប់ឌែតជាមួយកៅអីខាងមុខប្រភេទស្ព័រ និងបំពាក់នូវពូក​ស្បែកពណ៌​ដ៏ប្រណិតដោយផ្តល់ជូននូវពណ៌ខាងក្នុងចំនួន២ជម្រើសគឺ ពណ៌ក្រហមឈើរី (Cheery) និងពណ៌ខៀវ (Neptune Blue) ប្រៀបដូចថ្លៃរាប់សិបម៉ឺនដុល្លារ។ រថយន្ត MG HS ស៊េរីថ្មីនេះក៏បានបំពាក់នូវបច្ចេកវិទ្យាទំនើប​ជាច្រើនរួម​មាន​ដូចជា៖ អេក្រង់កម្សាន្តទំហំ 10.1-អ៊ីញ, ប្រព័ន្ធសោរឆ្លាតវៃ, កុងទ័រឌីជីថលដ៏ទាន់សម័យ, កៅអីអូតូ និងមុខងារកម្តៅកៅអី, ប៊ូតូង Sport Mode, ដំបូលលើ Panoramic Sunroof, និងប្រព័ន្ធម៉ាស៊ីនត្រជាក់មុខក្រោយ អមជាមួយមុខងារ​ផ្សេងៗ​ទៀត។

ដំណើរការម៉ាស៊ីនរថយន្ត MG HS Facelift ស៊េរីថ្មីនេះវិញគឺបានបំពាក់នូវម៉ាស៊ីនដូចគ្នា​ទៅនឹងជំនាន់មុនដែរគឺម៉ាស៊ីន​សាំងចំណុះ 1.5 តួបូ ចំនួន៤ស៊ីឡាំងដែលផ្តល់កម្លាំងខ្លាំង 169hp និងកម្លាំងរមួល 250Nm។ ជាមួយនឹងប្រសិទ្ធ​នៃការ​ស៊ីប្រេងឥន្ធនៈត្រឹមតែ 6.5L/100Km សម្រាប់ការបើកបរលើផ្លូវហាយវេ នេះពិតជាសន្សំសំចៃ និងផ្តល់នូវដំណើរ​ល្អសម្រាប់​ការបើកបរផងដែរ។ សម្រាប់រថយន្ត MG គឺតែងតែផ្តល់អទិភាពខ្ពស់ទៅលើប្រព័ន្ធសុវត្ថិភាព​ ដោយមានលក្ខណៈពិសេស​សុវត្ថិភាពស្តង់ដារដូចជា: ប្រព័ន្ធ Blind Spot Detection ផ្តល់ដំណឹងការវារជែង, Rear Cross Traffic Alert, Intelligent high beam assist, ប្រព័ន្ធជំនួយពេលឡើងទួលនិងចុះចំណោទ, កាមេរ៉ាក្រោយនិងសេនស័រជំនួយពេលចតរថយន្ត, ប្រព័ន្ធហ្វ្រាំងABS, ពោងសុវត្ថិភាព, ប្រព័ន្ធផ្តល់ដំណឹងសម្ពាធកង់ TPMS, និងប្រព័ន្ធជាច្រើនទៀតដែលបានធ្វើឱ្យរថយន្ត MG HS Facelift ទទួលបានពិន្ទុផ្កាយ៥ពីការធ្វើតេស្តប្រព័ន្ធសុវត្ថិភាពពី ENCAP។

លោក អ៊ុំ គីម នាយកផ្នែកលក់នៃក្រុមហ៊ុន MG Cambodia បានសម្តែងនូវមោទនភាពចំពោះកេរិ៏ដំណែលរយៈពេល 100 ឆ្នាំនៃម៉ាកយីហោ MG និងការនាំចូលនូវរថយន្ត MG HS Facelift ជំនាន់ទី2សម្រាប់ទីផ្សារកម្ពុជា។ រថយន្ត MG HS ស៊េរី​ថ្មីផ្តល់នូវតម្លៃសមរម្យ, គ្រឿងបរិក្ខាកម្រិតខ្ពស់ដ៏ប្រណិត, ប្រព័ន្ធបច្ចេកវិទ្យាទំនើបទាន់សម័យ និងដំណើរការម៉ាស៊ីនខ្លាំង ដែលបំពេញតាមចំណង់ចំណូលចិត្តនិងតម្រូវការរបស់អ្នកប្រើប្រាស់។ MG នៅតែប្តេជ្ញាបន្តនូវការអាប់ឌែត​ជាមួយបច្ចេក​វិទ្យា​ថ្មីចុងក្រោយបង្អស់ និងសូមថ្លែងអំណរគុណចំពោះការគាំទ្រនិងការជឿទុកចិត្តរបស់គ្រួសារ MG តាំងពីឆ្នាំ 2011 នៃ​វត្តមានរថយន្ត MG ក្នុងប្រទេសកម្ពុជា។

The post ក្រុមហ៊ុន MG Cambodia បង្ហាញវត្តមានរថយន្ត MG HS Facelift ស៊េរីថ្មីឆ្នាំ២០២៤ តម្លៃសមរម្យ ស៊ីសាំងតិច និងជាប់សុវត្តិភាពផ្កាយ៥ លំដាប់ពិភពលោក appeared first on .