លោករដ្ឋមន្ត្រីបានលើកឡើងថា វត្តមានក្រុមហ៊ុនដ៏ធំ បម្រើផ្នែកអាហាររបស់បារាំងនេះ នឹងរួមចំណែកបង្កើតការងារក្នុងស្រុក ក៏ដូចការគាំទ្រដ៏កំណើនវិស័យទេសចរណ៍នាពេលខាងមុខ។ 

លោកសម្ដែងនូវការស្វាគមន៍ និងថ្លែងអំណរគុណដល់វិនិយោគិនបារាំង ដែលបានជ្រើសរើសយកកម្ពុជា ជាទីផ្សារសេវាកម្មរបស់ខ្លួន ស្របតាមគោលនយោបាយ លើកទឹកចិត្តវិនិយោគរបស់ព្រះរាជាណាចក្រកម្ពុជា។ 

សូមបញ្ជាក់ថា ក្រុមហ៊ុនNewrest ជាក្រុមហ៊ុនសេវាកម្មម្ហូបអាហារលំដាប់ពិភពលោកដ៏ធំមួយ របស់ប្រទេសបារាំង ដែលប្រតិបត្តិការនៅក្នុង៥៨ប្រទេសលើពិភពលោក មានបុគ្គលិកបម្រើការងារចំនួន៣៤.៩០០នាក់ ដែលអាចរកចំណូលរួមបានចំនួន១.៥២៦,៧០លានអឺរ៉ូក្នុងឆ្នាំ២០១៨-២០១៩។

ក្រុមហ៊ុនNewrest បម្រើសេវាផ្គត់ផ្គង់ម្ហូបអាហារ យ៉ាងសំបូរបែប រួមមាន សេវាម្ហូបអាហារលើយន្តហោះ សេវាម្ហូបអាហារតាមកម្មវិធី និងតំបន់ដាច់ស្រយាល សេវាម្ហូបអាហារលើរថភ្លើង និងសេវាម្ហូបអាហារនៅតាមភោជនីយដ្ឋាន៕

The post ក្រុមហ៊ុនសេវាកម្មម្ហូបអាហារលំដាប់ពិភពលោកដ៏ធំមួយរបស់ប្រទេសបារាំង បើកសម្ពោធនៅកម្ពុជា appeared first on .