កិច្ចព្រមព្រៀងនេះត្រូវបានចុះហត្ថលេខាដោយ លោក Thierry Tea អនុប្រធានក្រុមហ៊ុន អូស៊ីអាយស៊ី (OCIC) និងសមាជិកក្រុមប្រឹក្សាភិបាលនៃសាកលវិទ្យាល័យ ខេមតិច (CamTech) និងលោកបណ្ឌិត Raymond Patrick Guico ប្រធានក្រុមហ៊ុន WCC-ATC ដោយមានការចូលរួមពីលោកស្រីវេជ្ជបណ្ឌិត Lim Lina អនុប្រធានក្រុមប្រឹក្សាភិបាលក្រុមហ៊ុន អូស៊ីអាយស៊ី (OCIC) និងលោកបណ្ឌិត Arlyn Grace V. Guico ប្រធានក្រុមប្រឹក្សាភិបាលក្រុមហ៊ុន World Citi Group។ កម្មវិធីនេះត្រូវបានបង្កើតឡើងនៅលើអនុស្សរណៈនៃការយោគយល់គ្នាដែលបានចុះហត្ថលេខាកាលពីដើមឆ្នាំនេះរវាងសាកលវិទ្យាល័យ ខេមតិច (CamTech) ដែលជាសកលវិទ្យាល័យមានសម្ព័ន្ធភាពជាមួយក្រុមហ៊ុន អូស៊ីអាយស៊ី និង WCC-ATC ក្នុងអំឡុងពេលទស្សនកិច្ចរបស់លោកនាយករដ្ឋមន្ត្រី ហ៊ុន ម៉ាណែត នៅទីក្រុងម៉ានីល។

ក្រុមហ៊ុន អូស៊ីអាយស៊ី (OCIC) ដែលជាក្រុមហ៊ុនសំខាន់ក្នុងការអភិវឌ្ឍអាកាសយានដ្ឋានអន្តរជាតិតេជោ (KTI) ឥឡូវនេះកំពុងពង្រីកការបណ្តុះបណ្តាលផ្នែកអាកាសចរណ៍ ដើម្បីគាំទ្រដល់ការអភិវឌ្ឍវិស័យមួយនេះរយៈពេលវែងក្នុងប្រទេស។ ក្រុមហ៊ុន WCC-ATC គឺជាស្ថាប័នអប់រំអាកាសចរណ៍ឈានមុខគេមួយរបស់ប្រទេសហ្វីលីពីន ជាមួយនឹងបទពិសោធន៍ជាង ៥០ ឆ្នាំនៃការបណ្តុះបណ្តាលវិស្វករយន្តហោះ អ្នកបច្ចេកទេស និងអ្នកគ្រប់គ្រង – ឥឡូវនេះបានពង្រីកជំនាញរបស់ខ្លួនដល់ប្រទេសកម្ពុជា។

លោក Thierry Tea ដែលធ្លាប់ជានាយកប្រតិបត្តិក្រុមហ៊ុន Airbus Helicopters Philippines និងជានាយកប្រតិបត្តិជាន់ខ្ពស់នៃក្រុមហ៊ុន Airbus Group បានលើកឡើងថា «ការចុះហត្ថលេខាលើកិច្ចព្រមព្រៀងនេះជាមួយ WCC-ATC គឺជាការបោះជំហានឆ្ពោះទៅមុខក្នុងការបង្កើតឱកាសសម្រាប់និស្សិតកម្ពុជាក្នុងការទទួលបានចំណេះដឹងផ្នែកអាកាសចរណ៍ និងអភិវឌ្ឍជំនាញដែលពួកគេត្រូវការដើម្បីពង្រីកអាជីពរបស់ពួកគេ។ ការកសាងឱកាសថ្មីៗនៅក្នុងវិស័យអាកាសចរណ៍នៅកម្ពុជាគឺពិតជាគួរឲ្យរំភើបណាស់។»

ក្រោមកិច្ចព្រមព្រៀង ក្រុមហ៊ុន អូស៊ីអាយស៊ី (OCIC) និង WCC-ATC នឹងសហការលើ៖

• បរិញ្ញាបត្រផ្នែកបច្ចេកវិទ្យាថែទាំយន្តហោះ – សេវាកម្ម និងថែទាំយន្តហោះ។
• បរិញ្ញាបត្រផ្នែក អាកាសចរណ៍ – ប្រព័ន្ធអេឡិចត្រូនិច និងប្រព័ន្ធនាវីការយានអាកាស។
• បរិញ្ញាបត្រផ្នែកគ្រប់គ្រងប្រតិបត្តិការអាកាសចរណ៍ – ការធ្វើផែនការក្រុមហ៊ុនអាកាសចរណ៍ និងប្រតិបត្តិការលើដី (Ground operations)។
• បរិញ្ញាបត្រផ្នែកវិស្វកម្មអាកាសចរណ៍ – ការរចនា និងការធ្វើតេស្តយន្តហោះ។
• វិញ្ញាបនបត្រកម្មវិធីបណ្តុះបណ្តាលអ្នកបម្រើការលើយានអាកាស (Flight Attendant Training) – សុវត្ថិភាព និងសេវាកម្មនៅក្នុងយន្តហោះ។

កម្មវិធីទាំងនេះនឹងផ្តល់ឲ្យនិស្សិតកម្ពុជាទទួលស្គាល់នូវលក្ខណៈសម្បត្តិបច្ចេកទេស និងវិស្វកម្ម ដើម្បីរៀបចំពួកគេសម្រាប់អាជីពនៅទូទាំងក្រុមហ៊ុនអាកាសចរណ៍ អាកាសយានដ្ឋាន និងសេវាកម្មអាកាសចរណ៍។

លោកបណ្ឌិត Raymond Patrick Guico ប្រធានក្រុមហ៊ុន WCC-ATC មានប្រសាសន៍ថា «កិច្ចព្រមព្រៀងនេះពង្រឹងកិច្ចសហប្រតិបត្តិការរបស់យើងជាមួយ ក្រុមហ៊ុន អូស៊ីអាយស៊ី (OCIC) និងសាកលវិទ្យាល័យ CamTech ។ យើងមានគោលបំណងជួយដល់ប្រទេសកម្ពុជាក្នុងការអភិវឌ្ឍអ្នកជំនាញអាកាសចរណ៍ដែលមានជំនាញដែលអាចបំពេញតម្រូវការក្នុងវិស័យមួយនេះនាពេលអនាគត។»

តាមរយៈការរួមបញ្ចូលគ្នានូវសមត្ថភាពរបស់ ក្រុមហ៊ុន អូស៊ីអាយស៊ី ក្នុងហេដ្ឋារចនាសម្ព័ន្ធ និងការអប់រំជាមួយនឹងជំនាញរបស់ WCC-ATC ក្នុងការបណ្តុះបណ្តាលអាកាសចរណ៍ កិច្ចសហការនេះមានគោលបំណងបង្កើតអ្នកជំនាញនិងទេពកោសល្យ​ដ៏រឹងមាំដើម្បីពង្រឹងតម្រូវការនាពេលអនាគតរបស់វិស័យនេះ។ នេះក៏ជាការឆ្លុះបញ្ចាំងផងដែរពីទំនាក់ទំនងកាន់តែស៊ីជម្រៅរវាងកម្ពុជា និងហ្វីលីពីន ដោយពង្រឹងកិច្ចសហប្រតិបត្តិការក្នុងវិស័យឯកជនលើវិស័យអាកាសចរណ៍ ឧស្សាហកម្ម បច្ចេកវិទ្យា ការអប់រំ និងការអភិវឌ្ឍកម្លាំងពលកម្មនៅក្នុងតំបន់។

The post ក្រុមហ៊ុន អូស៊ីអាយស៊ី (OCIC) ដែលបានអភិវឌ្ឍអាកាសយានដ្ឋានអន្តរជាតិ តេជោកំពុងបន្តពង្រឹងវិស័យអាកាសចរណ៍នៅកម្ពុជា  appeared first on .

ការទទួលស្គាល់នេះបន្តពីជោគជ័យរបស់ ក្រុមហ៊ុនវិនិយោគទុនអនិកជនកម្ពុជា នៅព្រឹត្តិការណ៍ឆ្នាំ ២០២៣ ដែលទទួលបានពានរង្វាន់អ្នកអភិវឌ្ឍឆ្នើម (Cambodia) និងគម្រោងលំនៅឋាន Diamond Bay Garden ដែលបានទទួលការទទួលស្គាល់ថាជាគម្រោងល្អបំផុតក្នុងតំបន់ទឹក (Asia) ជាមួយទេសភាពដ៏អស្ចារ្យនៃទន្លេមេគង្គ។

លោក Thierry Tea ដែលជាអនុប្រធានរបស់ក្រុមហ៊ុន បានថ្លែងថា”ការទទួលស្គាល់នេះបញ្ជាក់ពីការប្តេជ្ញាចិត្តរបស់យើងក្នុងការអភិវឌ្ឍទីក្រុងដែលឆ្លើយតបទៅនឹងវឌ្ឍនភាពរបស់យុវជនកម្ពុជាដែលកំពុងមានសន្ទុះឈានទៅមុខ” ។

ការអភិវឌ្ឍទីក្រុងកោះពេជ្រជាតំបន់សេដ្ឋកិច្ច និងកម្សាន្ត

ទីក្រុងកោះពេជ្រ ជាតំបន់អភិវឌ្ឍលើផ្ទៃដីចំនួន ១០០ ហិកតា ដែលត្រូវបានគេស្គាល់កាលពីមុនថាជា “កោះខ្លាង” ត្រូវបានអភិវឌ្ឍយ៉ាងខ្លាំងក្នុងរយៈពេល ១៨ ឆ្នាំ។ បច្ចុប្បន្ននេះ តំបន់នេះមានអ្នករស់នៅជាង១៥,០០០ នាក់ និងអ្នកធ្វើការជាង ៧,០០០ នាក់។ ទីក្រុងនេះបានទាក់ទាញបណ្តាក្រុមហ៊ុនអន្តរជាតិដូចជា Unilever, Nestlé, Maersk, KPMG, Legrand, Jotun, Minibea, AIA, Starbucks និង JTI ក៏ដូចជាបានទទួលស្វាគមន៍តារាពិភពលោកដូចជា Manny Pacquiao, PSY, Charlie Puth ជាដើម។

កោះពេជ្របន្តទាក់ទាញយីហោអាហារ និងភេសជ្ជៈល្បីៗពីក្នុងប្រទេសនិងអន្តរជាតិ ដែលធ្វើឱ្យតំបន់នេះកាន់តែរស់រវើកនិងមានការរីកចម្រើន។ ជាក់ស្តែងយីហោថ្មីៗរួមមាន Little Caesars, Kaiwan Baan Sushi និង Starbucks Reserve ដែលនឹងបើកដំណើរការខាងមុខនេះ ជាមួយនឹងហាងទំនើបក្នុងស្រុកផ្សេងទៀត។ ទន្ទឹមនឹងនេះគម្រោងត្រូវបើកអាជីវកម្មអាហារ និងភេសជ្ជៈថ្មីចំនួន ២០ ទៀតនៅក្នុងឆ្នាំ ២០២៥។**

—

Connexion: មជ្ឈមណ្ឌលសម្រាប់ការបង្កើតថ្មីប្រកបដោយនិរន្តរភាព

Connexion ដែលទទួលពានរង្វាន់ Best Sustainable Design មានទីតាំងនៅចំកណ្តាលទីក្រុងកោះពេជ្រ គឺជាគម្រោងអភិវឌ្ឍចម្រុះប្រកបដោយបរិយាកាសធម្មជាតិ ដែលបានរចនាឡើងដើម្បីជម្រុញការរួមគ្នាបង្កើតថ្មីៗ។ Connexion គឺជាកន្លែងនៃបណ្តុំ សហគ្រិនទាំងចាស់ និងថ្មី ហើយក៏ជាកន្លែងនៃអ្នកបច្ចេកវិទ្យាផងដែរ។

លោក Thierry Tea បានបន្ថែមថា “Connexion ជាការបង្ហាញនូវចក្ខុវិស័យរបស់យើងក្នុងការបង្កើតលំហដែលបង្កើតគំនិតប្រកបដោយច្នៃប្រឌិត និងនិរន្តរភាព។”

មជ្ឈមណ្ឌលបច្ចេកវិទ្យាទំហំ ៤៥,០០០ ម៉ែត្រការេនេះ គឺជាទីតាំងរបស់ការិយាល័យក្រុមហ៊ុន និងអាជីវកម្មអាហារ-ភេសជ្ជៈ ដោយរួមមានស្ថាប័នជាតិចាប់ផ្តើមឌីជីថលកម្ពុជា (Federation of Cambodian Startups), Dreamlab, Dichi Academy, Robot Young Academy, Sabay Cambodia Network Exchange, Studio Collections, AI Farm និង Peanex by The Desk។ ក្រុមហ៊ុនដែលមានច្នៃប្រឌិតចំនួន៣០ ទៀត គ្រោងនឹងបើកការិយាល័យនៅទីនេះត្រឹមពាក់កណ្តាលឆ្នាំ២០២៥។

ក្នុងរយៈពេលតិចជាង ៦ ខែ មជ្ឈមណ្ឌលនេះបានធ្វើជាម្ចាស់ផ្ទះសម្រាប់ព្រឹត្តិការណ៍សហគមន៍ដូចជា Cambodia Tech Catalyst ដែលទទួលបានការគាំទ្រពី Google Cloud, Oktoberfest ដោយ German Business Cambodia និងយុទ្ធនាការភ្នំពេញស្អាតផងដែរ។

ការទទួលស្គាល់ថ្នាក់តំបន់សម្រាប់ស្ថាប័នឈានមុខ

ព្រឹត្តិការណ៍នេះបាននាំឱ្យទទួលការជួបជុំជាមួយក្រុមហ៊ុនអភិវឌ្ឍល្បីៗដូចជា UOL Group, Sansiri, Sime Darby, Ayala, Sinar Mas។ក្រុមហ៊ុនវិនិយោគទុនអនិកជនកម្ពុជា បានបង្ហាញភាពរឹងមាំក្នុងឧស្សាហកម្មអចលនទ្រព្យទូទាំងតំបន់អាស៊ីប៉ាស៊ីហ្វិក។

លោក Thierry Tea បញ្ចប់ថា “យើងកំពុងឈានទៅថ្ងៃខួប២៥ឆ្នាំរបស់អូស៊ីអាយស៊ី ហើយពានរង្វាន់ទាំងនេះបានសរបញ្ជាក់ពីការខិតខំប្រេងប្រែងនៃការងាររបស់ក្រុមយើងដែលមានគោលដៅអភិវឌ្ឍនរួមគ្នានោះគឺ ដោយខ្មែរ សម្រាប់ខ្មែរ។”

—

អំពីក្រុមហ៊ុនវិនិយោគទុនអនិកជនកម្ពុជា

បង្កើតឡើងនៅឆ្នាំ ២០០០ ក្រុមហ៊ុនវិនិយោគទុនអនិកជនកម្ពុជា គឺជាក្រុមហ៊ុនអភិវឌ្ឍឈានមុខគេដែលមានវិនិយោគនៅក្នុងវិស័យអចលនទ្រព្យ ហេដ្ឋារចនាសម្ព័ន្ធ ការសាងសង់ និងវិស្វកម្ម សុខាភិបាលការអប់រំ កសិកម្ម ព័ត៌មានមជ្ឈមណ្ឌល ពាណិជ្ជកម្ម និងចែកចាយ។ជាមួយនឹងការវិនិយោគជាង ១០ ពាន់លានដុល្លារអាមេរិក និងបុគ្គលិកជាង ១៧,៥០០ នាក់ យើងប្តេជ្ញាផ្គត់ផ្គង់ការរីកចម្រើនសេដ្ឋកិច្ចក្នុងប្រទេសកម្ពុជា។

The post ក្រុមហ៊ុនវិនិយោគទុនអនិកជនកម្ពុជា ទទួលការទទួលស្គាល់សម្រាប់ការអភិវឌ្ឍតំបន់លំនៅឋាន និងការរចនាដែលប្រកបដោយនិរន្តរភាព ក្នុងព្រឹត្តិការណ៍ PROPERTYGURU PROPERTY AWARDS 2024 នៅទីក្រុងបាងកក appeared first on .

គម្រោងអភិវឌ្ឍន៍ដែលត្រូវនឹងត្រូវដាក់បង្ហាញរួមមានតំបន់កណ្ដាលនៃទីក្រុងរណបជ្រោយចង្វារ ទីក្រុងកោះពេជ្រ ក៏ដូចជា គម្រោង ខុនដូ ដាយ អឹមិន បេ ហ្គាដិន ដែលទទួលបានពានរង្វាន់ប្រចាំឆ្នាំ 2023 ពីPropertyGuru Asia Property Awards សម្រាប់គម្រោងអចលនទ្រព្យដ៏ល្អបំផុតនៅតាមទន្លេ។ លើសពីនេះទៅទៀត ក៏មានគម្រោងជ្រោយចង្វារហ្គាដិន ដែលជាជម្រើសល្អសម្រាប់ក្រុមគ្រួសារ និងបុរីទេសចរណ៍ នៅខេត្តសៀមរាប ដែលមានទេសភាពបឹងដ៏ស្រស់ស្អាតគួរឱ្យទាក់ទាញ និងល្អប្រសើរសម្រាប់ការរស់នៅ។

ទទួលបានការផ្តល់ជូន និងបញ្ចុះតម្លៃពិសេស

នៅក្នុងកម្មវិធីពិព័រណ៍អចលនទ្រព្យប្រចាំឆ្នាំ ២០២៤ នេះ អ្នកចូលរួមនឹងទទួលបានការផ្តល់ជូនពិសេសដែលអាចរកបានត្រឹមតែនៅក្នុងព្រឹត្តិការណ៍នេះតែប៉ុណ្ណោះ។ មិនថាអ្នកជាអ្នកទិញផ្ទះជាលើកដំបូង ឬវិនិយោគិននោះទេ OCIC មានគម្រោងអភិវឌ្ឍន៍ជាច្រើនដែលផ្តល់ឱកាសចំណេញសម្រាប់អ្នកទាំងអស់គ្នា។

ដំណើរការហិរញ្ញវត្ថុមានភាពងាយស្រួល

ធនាគារ កាណាឌីយ៉ា នឹងផ្តល់ជូននូវកញ្ចប់ហិរញ្ញវត្ថុជាច្រើន ដែលរួមមានកម្ចីទិញផ្ទះ និងជម្រើសហិរញ្ញវត្ថុពិសេសផ្សេងៗ ដើម្បីធ្វើឱ្យការជាវអចលនទ្រព្យកាន់តែងាយស្រួល និងសន្សំសំចៃបំផុត។ កុំឱ្យឱកាសវិនិយោគ ឬទិញអចលនទ្រព្យនេះរំលងផុតឱ្យសោះ។

អញ្ជើញចូលរួមនិងជួបជាមួយក្រុមការងារ OCIC ដើម្បីស្វែងយល់បន្ថែមអំពីគម្រោងនីមួយៗ និងទទួលបានព័ត៌មានអំពីឱកាសវិនិយោគពិសេសដែលអាចរកបាននៅក្នុងព្រឹត្តិការណ៍ កម្មវិធីពិព័រណ៍អចលនទ្រព្យប្រចាំឆ្នាំ២០២៤ ។

អំពី OCIC៖

OCIC គឺជាក្រុមហ៊ុនអភិវឌ្ឍន៍វិស័យចម្រុះដែលឈានមុខគេនៅប្រទេសកម្ពុជា ។ ក្រុមហ៊ុនសម្ព័ន្ធ OCIC ផ្តោតទៅលើការអភិវឌ្ឍ៍វិស័យជាច្រើនដូចជា វិស័យអចលនទ្រព្យ វិស័យអប់រំ វិស័យសុខាភិបាល ការសាងសង់អាកាសយានដ្ឋាន សំណង់អគារពាណិជ្ជកម្មប្រព័ន្ធផ្សព្វផ្សាយ និងការកំសាន្តផ្សេងៗ។ ការអភិវឌ្ឍដែលជាគោលសំខាន់ៗរបស់ក្រុមហ៊ុន OCIC មានដូចជា អាកាសយានដ្ឋានអន្តរជាតិតេជោ ទីក្រុងកោះពេជ្រ ទីក្រុងកោះនរា ទីក្រុងរណបជ្រោយចង្វារ និងទីក្រុងអូឡាំព្យាជាដើម ។ OCIC Group គឺជាសមាជិកមួយនៃ CanadiaGroup. www.ocic.com.kh

The post ស្វែងរកដំណោះស្រាយអចលនទ្រព្យជាមួយ OCIC នៅក្នុងព្រឹត្តិការណ៍កម្មវិធីពិព័រណ៍អចលនទ្រព្យប្រចាំឆ្នាំ២០២៤ ដើម្បីទទួលបានការផ្តល់ជូន និងឱកាសពិសេសៗ appeared first on .

ជាការគួរឲ្យកត់សំគាល់ មានក្រុមហ៊ុនចំនួន ៥ ធំៗ បានបរិច្ចាគច្រើនជាងគេនៅក្នុង «មូលនិធិកសាងហេដ្ឋា​រចនាសម្ព័ន្ធតាមព្រំដែន» តួយ៉ាង ក្រុមហ៊ុន ទ្រីភាព គ្រុប របស់លោកអ្នកឧកញ៉ា ទ្រី ភាព បានចូលរួមបរិច្ចាគថវិការចំនួន ១លាន២សែនដុល្លារ, ក្រុមហ៊ុន រ៉ូយ៉ាល់ គ្រុប របស់អ្នកឧកញ៉ា គិត ម៉េង បានចូលរួមបរិច្ចាគចំនួន ១លានដុល្លារ, ក្រុមហ៊ុន ជីប ម៉ុង គ្រុប បានចូលរួមបរិច្ចាគ​ចំនួន ១លានដុល្លារ, ក្រុមហ៊ុន OCIC របស់លោកអ្នកឧកញ៉ា ពុង ឃាវសែ បានចូលរួមបរិច្ចាគចំនួន ១លានដុល្លារ និងក្រុមហ៊ុន LYP Group របស់លោកអ្នកឧកញ៉ា លី យ៉ុងផាត់ បានចូលរួមបរិច្ចាគចំនួន ១លានដុល្លារផងដែរ៕

The post ក្រុមហ៊ុនខ្នាតយក្ស៥ បរិច្ចាគច្រើនជាងគេ ក្នុងមូលនិធិកសាងហេដ្ឋារចនាសម្ព័ន្ធតាមព្រំដែន appeared first on .

ការផ្ដល់ជូនដ៏ពិសេសនេះ គឺសម្រាប់តែរយៈពេលពីរថ្ងៃប៉ុណ្ណោះ ចាប់ពីថ្ងៃទី27 និង 28 ខែកក្កដា ឆ្នាំ​2024។ អតិថិជនដែលមានចំណាប់អារម្មណ៍កក់ ឬបញ្ជារទិញនូវ ផ្ទះម៉ូដែលណាមួយ នឹងទទួលបានការបញ្ចុះតម្លៃតាមប្រភេទផ្ទះរហូតដល់ 12ម៉ឺនដុល្លារអាមេរិក ដែលកាន់តែពិសេសជាងនេះទៅទៀតនោះគឺ ការបន្ថែមជូនសម្រាប់ការ Decor ពេញមួយបន្ទប់គេងមេគ្រួសារ សម្រាប់គ្រប់ប្រភេទផ្ទះវីឡាទោល និងវីឡាភ្លោះ។ 

កុំឱ្យការផ្ដល់ជូនដ៏ពិសេសមិនធ្លាប់មានរំលងផុតទៅឱ្យសោះ !!!

គម្រោងជ្រោយចង្វារហ្គាដិន មាន ចក្ខុវិស័យក្នុងការបង្កើតសហគមន៍ទំនើប និង ប្រណិតភាព នៅក្នុងទីក្រុងរណបជ្រោយចង្វារ ដែលនឹងផ្ដល់នូវ សហគមន៍មួយដែលហ៊ុមព័ទ្ធដោយធម្មជាតិ ភាពស្ងប់ស្ងាត់សម្រាប់ការរស់នៅ និងគម្រោងអគារពាណិជ្ជកម្ម ដែលស្ថិតនៅលើផ្លូវអាជីវកម្ម OCICដែលសក្តិសមបំផុតសម្រាប់ការប្រកបអាជីវកម្មគ្រប់ប្រភេទ ក្នុងគម្រោងអភិវឌ្ឍរបស់ គម្រោងជ្រោយចង្វារហ្គាដិន មានសរុបរហូតដល់ 8 ម៉ូតផ្ទះវីឡា និងអគារសម្រាប់ពាណិជ្ជកម្ម ដែលសុទ្ធសឹងតែបំពេញរាល់បែបផែន នៃការរស់នៅ និងការប្រកបអាជីវកម្ម។

ដើម្បីឆ្លើយតប នូវតម្រូវការជាក់ស្ដែង ដែលកំពុងមានការគាំទ្រយ៉ាងខ្លាំងក្លាផងនោះ គម្រោងជ្រោយចង្វារហ្គាដិន បានបើកសម្ពោធនូវផ្ទះគំរូ Premium Gold Villa ដើម្បីផ្ដល់ជូនភាពងាយស្រួល ដល់អតិថិជនក្នុងការស្វែងយល់លម្អិតពីប្លង់បាតរបស់ផ្ទះ មុខងារប្រើប្រាស់ និងបានពិនិត្យផ្ទាល់លើគុណភាព និងការប្រើប្រាស់វត្ថុធាតុដើមផងដែរ តាមប្រភេទផ្ទះ ក៏ដូចជាបានទស្សនានូវវិវត្តនភាព នៃការអភិវឌ្ឍរបស់គម្រោងផ្ទាល់។

ការផ្ដល់ជូនដ៏ពិសេសដែលមិនធ្លាប់មានពីមុនមកនេះ គឺដើម្បីឆ្លើយតបនូវការគាំទ្រ យ៉ាងច្រើនក្រៃលែងពីសំណាក់អតិថិជនគ្រប់ៗរូប ក៏ដូចជាបំពេញនូវចក្ខុវិស័យក្នុងការបង្កើតសហគមន៍មួយសម្រាប់អតិថិជនដែលកំពុងតែស្វែងរក ឬទន្ទឹងរង់ចាំ នូវបណ្តុំសហគមន៍ដែលមកទាំងព្រមនូវភាពទំនើប ភាពប្រណិត និងធម្មជាតិហ៊ុមព័ទ្ធជុំវិញ ដើម្បីផ្ដល់ជូននូវសុភមង្គលទ្វេដងសម្រាប់ក្រុមគ្រួសារ និងមនុស្សជាទីស្រលាញ់របស់អ្នក។

ដើម្បីកាន់តែជ្រាបច្បាស់ និងទទួលបាននូវការផ្ដល់ជូនដែលមិនធ្លាប់មានពីមុនមក សូមកុំភ្លេចចូលរួមជាភ្ញៀវកិត្តិយសរបស់យើងនាថ្ងៃនៃកម្មវិធីដែល កម្មវិធីបើកសម្ពោធផ្ទះគំរូ Premium Gold Villa នឹងប្រារព្ធទៅនៅទីតាំងរបស់គម្រោងផ្ទាល់ស្ថិតលើដងវិថី OCIC ភូមិព្រែកតាសេក សង្កាត់ព្រែកតាសេក ខណ្ឌជ្រោយចង្វារ នាថ្ងៃទី 27 និង 28 ខែកក្កដា ឆ្នាំ2024  ឬទំនាក់ទំនងមកកាន់សហការីផ្នែកលក់តាមរយៈលេខ 023​ 901 551 / 023 901 552 ឬ 089 822 009 / 093 822 009 ។

សូមកុំភ្លេចណាការផ្ដល់ជូនដ៏ពិសេសមិនធ្លាប់មាននេះ គឺមានត្រឹមតែរយៈពេលពីរថ្ងៃ តែប៉ុណ្ណោះ!

The post គម្រោងជ្រោយចង្វារហ្គាដិន ផ្ដល់ជូនការបញ្ចុះតម្លៃមិនធ្លាប់មានក្នុងឱកាសបើកសម្ពោធផ្ទះវីឡាគំរូ Premium Gold Villa appeared first on .

ក្នុងឱកាស​ដំណើរទស្សនកិច្ច​របស់​ប្រតិភូសភាពាណិជ្ជកម្មកម្ពុជា ម៉ុងរ៉េអាល លោកអ្នកឧកញ៉ា ពុង ឃាវសែ បានទទួលជួបស្វាគមន៍យ៉ាងកក់ក្តៅ​​​​​ និងមានជំនួបពិភាក្សាដោយផ្តោតលើឱកាសវិនិយោគ និងការធ្វើធុរកិច្ច​នៅកម្ពុជា​ រួមទាំងការនាំចេញផលិតផលក្នុងស្រុក។ ជាមួយគ្នា​នេះ ក្រុមហ៊ុន អូស៊ីអាយស៊ី បាន​សម្តែង​ការ​ថ្លែង​អំណរគុណ​ចំពោះលោក Kelvin K. Mo ​ប្រធានសភាពាណិជ្ជកម្មកម្ពុជា​ ម៉ុងរ៉េអាល និងក្រុមប្រតិភូរបស់លោក​ដែលបានធ្វើដំណើរទស្សនកិច្ចនេះ។ ក្រុមហ៊ុន OCIC ​​របស់​លោកអ្នកឧកញ៉ា ពុង ឃាវសែ ទន្ទឹងរង់ចាំការ​សហការបន្ថែម និងកិច្ចខិតខំប្រឹងប្រែងរួមគ្នា​នា​ពេលខាងមុខ។

សូមជម្រាបថា លោក Kelvin K. Mo ប្រធានការិយាល័យតំណាងសភាពាណិជ្ជកម្មកម្ពុជានៅក្រុងម៉ុងរ៉េអាល់ ខេត្តកេប៊ិច ប្រទេសកាណាដា នៅថ្ងៃបន្ទាប់ក៏បាន​ដឹកនាំ​ប្រតិភូ​អញ្ជើញចូលជួប​សម្តែងការគួរសម និងពិភាក្សាការងារ ​ជាមួយ​សម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា នៅ​ព្រឹក​ថ្ងៃទី០៤ ខែមិថុនា ឆ្នាំ២០២៤។

សម្តេចធិបតីនាយករដ្ឋមន្ត្រី បាន​ឱ្យដឹងថា ប្រទេសកម្ពុជា និងប្រទេសកាណាដា មានទំនាក់ទំនងដ៏រឹងមាំ និងយូរ​អង្វែង​មកហើយ ចាប់ផ្តើមតាំងពីឆ្នាំ១៩៥២ ព្រមទាំងបានភ្ជាប់ទំនាក់ទំនងការទូតឡើងវិញ ក្នុងឆ្នាំ១៩៩៣។ ​ប្រទេស​កាណាដា គឺជាដៃគូដ៏សំខាន់របស់កម្ពុជា ទាំងការស្វែងរកសន្តិភាពនាពេលអតីតកាល និងការកសាង​សេដ្ឋកិច្ច ដោយប្រទេសកាណាដាគឺជាដៃគូពាណិជ្ជកម្មលេខរៀងទី៨ របស់កម្ពុជា។

ក្នុងឆ្នាំ២០២២ ទំហំវិនិយោគដោយផ្ទាល់ (FDI) ពីប្រទេសកាណាដា មានទំហំរហូតដល់ ២.០៦២ពាន់លាន​ដុល្លារ បូករួមជាមួយនឹងគំនិតផ្តួចផ្តើមចូលក្នុងទីផ្សារកាណាដា ដែលផ្តល់នូវកូតាក្នុងការលើកលែងពន្ធ​ដល់​កម្ពុជា លើមុខទំនិញដូចជា សម្លៀកបំពាក់ ស្បែកជើង និងវាយនភណ្ឌ៕

The post លោកអ្នកឧកញ៉ា ពុង ឃាវសែ ទទួលស្វាគមន៍ប្រតិភូសភាពាណិជ្ជកម្មកម្ពុជា ម៉ុងរ៉េអាល ចុះទស្សនកិច្ចវិមានកាណាឌីយ៉ា appeared first on .

ពានរង្វាន់អ្នកអភិវឌ្ឍន៍ប្រចាំឆ្នាំ និងបុរី (អចលនទ្រព្យ) អ្នកអភិវឌ្ឍន៍ប្រចាំឆ្នាំ គូសបញ្ជាក់ពីការយកចិត្តទុក​ដាក់របស់ OCIC Group ក្នុងការវិនិយោគសម្រាប់អតិថិជន និងការរួមចំណែកសម្រាប់ជីវភាពរស់នៅ តម្លៃ​អតិថិជន និងរបៀបរស់នៅលើគម្រោងផ្សេងៗរបស់ខ្លួន។

ក្នុងរយៈពេលជាង ២៤ឆ្នាំ ក្រុមហ៊ុន OCIC Group បានបន្តរួមចំណែកដល់ការអភិវឌ្ឍន៍ហេដ្ឋារចនាសម្ព័ន្ធ ពាណិជ្ជកម្ម លំនៅដ្ឋាន និងវប្បធម៌របស់ប្រទេសកម្ពុជា ដែលដឹកនាំដោយចក្ខុវិស័យរយៈពេលវែង។ ការប្តេជ្ញា​ចិត្តនេះពង្រីកដល់ការគាំទ្រដល់ការអភិវឌ្ឍន៍សំខាន់ៗ របស់សហគមន៍ និងគម្រោងប្រកបដោយនិរន្តរភាព។

ការអភិវឌ្ឍន៍ដ៏សំខាន់មួយរបស់ OCIC Group ក្នុងឆ្នាំ ២០២៤ គឺ Connexion ដែលជាមជ្ឈមណ្ឌលសហគមន៍​ត្រួសត្រាយដែលត្រូវបានទទួលស្គាល់សម្រាប់វិធីសាស្រ្តប្រកបដោយភាពច្នៃប្រឌិតរបស់ខ្លួនចំពោះការអភិវឌ្ឍន៍ទីក្រុង។ Connexion បានឈ្នះពានរង្វាន់ការអភិវឌ្ឍន៍ប្រកបដោយនិរន្តរភាពនៃឆ្នាំ ការអភិវឌ្ឍន៍របៀបរស់​នៅ​ប្រចាំឆ្នាំ និងការអភិវឌ្ឍន៍លក់រាយប្រចាំឆ្នាំ។

Connexion ដែលរៀបចំកន្លែងលក់រាយ និងការិយាល័យ គ្រោងនឹងណែនាំមជ្ឈមណ្ឌលច្នៃប្រឌិត សាលា​សរសេរកូដ សាលាឌីជីថល និងព្រឹត្តិការណ៍បច្ចេកវិទ្យា ដោយដាក់ខ្លួនវាជាមជ្ឈមណ្ឌលសម្រាប់បច្ចេកវិទ្យា និងសហគ្រិនភាព។ គំនិតផ្តួចផ្តើមនេះឆ្លុះបញ្ចាំងពីការយកចិត្តទុកដាក់របស់ OCIC ក្នុងការអភិវឌ្ឍន៍បរិយាកាស​រស់រវើកដែលស្របតាមតម្រូវការ និងសេចក្តីប្រាថ្នារបស់សហគមន៍យុវជន។

Diamond Bay Garden ដែលស្ថិតនៅទីតាំងយុទ្ធសាស្ត្រនៅកោះពេជ្រ ជាមួយនឹងទេសភាពដ៏ស្រស់ត្រកាល​នៅលើដងទន្លេមេគង្គ កំពុងពង្រឹងឋានៈរបស់ខ្លួនជា Condo មាត់ទឹកលំដាប់កំពូលនៅក្នុងរាជធានី។ បន្ទាប់ពី​ការទទួលស្គាល់របស់ខ្លួនជា PropertyGuru Best Waterfront Condo Development in Asia កាលពីឆ្នាំមុន Diamond Bay Garden បានទទួលការអបអរសាទរដ៏មានកិត្យានុភាពម្តងទៀត ដោយបានឈ្នះទាំងការ​អភិវឌ្ឍន៍ខុនដូ Waterfront ប្រចាំឆ្នាំ និងការរចនាខុនដូពិសេសប្រចាំឆ្នាំនេះ។

ភាពជាដៃគូយុទ្ធសាស្រ្តថ្មីៗដែលបានបង្កើតឡើងជាមួយក្រុមហ៊ុនអន្តរជាតិដូចជា The Ascott Limited និង Philip Trustee, Diamond Bay Garden មិនត្រឹមតែទាក់ទាញអ្នកវិនិយោគក្នុងស្រុក និងអន្តរជាតិប៉ុណ្ណោះទេ ប៉ុន្តែថែមទាំងទទួលបានការទទួលស្គាល់ជាគោលដៅវិនិយោគនៅក្នុងទីផ្សារអចលនទ្រព្យពិភពលោកផងដែរ។

លោក Thierry Tea អនុប្រធានក្រុមហ៊ុន OCIC Group មានប្រសាសន៍ថា “ទិដ្ឋភាពនៃការអភិវឌ្ឍន៍នៅកម្ពុជា​កំពុងវិវឌ្ឍយ៉ាងឆាប់រហ័ស ហើយក្រុមហ៊ុន OCIC Group កំពុងវិនិយោគដើម្បីគាំទ្រយ៉ាង​សកម្មនូវដំណើរ​ផ្លាស់ប្តូរនេះ”។ «បេសកកម្មរបស់យើងដែលរៀបចំដោយលោកឧកញ៉ាបណ្ឌិត ពុង ឃាវសែ ប្រធានរបស់យើង ជះឥទ្ធិពលទាំងការច្នៃប្រឌិតក្នុង​ការអភិវឌ្ឍន៍ហេដ្ឋារចនាសម្ព័ន្ធ ក៏ដូចជាការបង្កើតសហគមន៍ប្រកប​ដោយ​និរន្តរភាព ដែលលើកកម្ពស់ជីវភាពរស់នៅរបស់ប្រជាជនកម្ពុជា»។

កោះពេជ្រ គឺជាឧទាហរណ៍មួយនៃការរីកចម្រើននេះ។ សង្កាត់កំពុងរីកចម្រើនជាសង្កាត់ពាណិជ្ជកម្មកណ្តាល ជាមួយនឹងអគារខ្ពស់ៗទំនើបៗ។ យីហោលក់រាយអាហារជាង ១៥ គ្រោងនឹងបើកនៅឆ្នាំក្រោយ ដើម្បីឆ្លើយតប​នឹង​ការកើនឡើងនៃបរិមាណ៕

The post ក្រុមហ៊ុន OCIC GROUP ទទួលបានពានរង្វាន់អ្នកអភិវឌ្ឍន៍ប្រចាំឆ្នាំចំនួន៧ ក្នុងកម្មវិធីពានរង្វាន់អចលនទ្រព្យកម្ពុជាឆ្នាំ២០២៤ appeared first on .

ក្នុងដំណើរអញ្ជើញទៅកាន់ទីតូក្យូនោះ ឧកញ៉ា ឆាស៍ វ៉ាន់ ទីប្រឹក្សាស្ថានីយ៍ទូរទស្សន៍ បាយ័ន និងអគ្គនាយករងក្រុមហ៊ុន វិនិយោគអាណិកជនក្រៅប្រទេស OCIC របស់អ្នកឧកញ៉ា ពុង ឃាវសែ រូបនេះក៏បានអមដំណើរសម្តេចតេជោ ជួបពិភាក្សាការងារជាមួយនាយករដ្ឋមន្រ្តីជប៉ុន លោក គីសូដា ហ្វូមីអូ និងលោក តាកាហាសី ហ៊្វូមីអាគី (Takahashi Fumiaki) ប្រធានសមាគមជប៉ុន-កម្ពុជា នាល្ងាចថ្ងៃទី១០ ខែមករា ឆ្នាំ២០២៤។

បន្ថែមទៀត សម្តេចតេជោអតីតនាយករដ្ឋមន្រ្តី ក៏បានអនុញ្ញាតឱ្យ លោក កូមួរ៉ា ម៉ាសាហ៊ិកូ (Komura Masahiko) អតីតរដ្ឋមន្ត្រី ការបរទេសជប៉ុន ចូលជួបសំដែងការគួរសម និងពិភាក្សាការងារ នៅសណ្ឋាគារ New Otani Tokyo ប្រទេសជប៉ុនផងដែរ។

សូមជម្រាបជូនថា បន្ទាប់ពីពិនិត្យសុខភាព និងបញ្ចប់ការបំពេញបេសកកម្មការទូតជួបមិត្តភក្ដិជប៉ុន សម្តេចតេជោបានដឹកនាំក្រុមគ្រួសារសម្តេច លោកស្រី ហ៊ុន ម៉ាណា អគ្គនាយិកាក្រុមហ៊ុន អរគីដេរ វីឡា និងស្ថានីយ៍ទូរទស្សន៍ បាយ័ន, លោក ហ៊ុន ម៉ានី រដ្ឋមន្រ្តីក្រសួងមុខងារសាធារណៈ, លោក សុខ ពុទ្ធិវុធ រដ្ឋលេខាធិការក្រសួងប្រៃសណីយ៍ និងទូរគមនាគមន៍ និងភរិយា គឺលោកស្រី ហ៊ុន ម៉ាលី ព្រមទាំងឧកញ៉ា ឆាស៍ វ៉ាន់ បាននឹងកំពុងនិវត្តន៍មករាជធានីភ្នំពេញហើយនាព្រឹកថ្ងៃសុក្រ ទី១២ ខែមករានេះ៕

The post ឧកញ៉ាម្នាក់ជាអគ្គនាយករងក្រុមហ៊ុន OCIC អមដំណើរសម្តេចតេជោ ហ៊ុន សែន ទៅកាន់ទីក្រុងតូក្យូ appeared first on .

នៅក្នុងឱកាសនោះ អ្នកឧកញ៉ា ពុង ឃាវសែ បានឱ្យដឹងថា ការចំណាយរបស់ក្រុមហ៊ុនOCIC សម្រាប់គម្រោងកោះនរា ចាប់ពីដំបូង រហូតមកដល់ពេលនេះ ក្រុមហ៊ុន បានចំណាយជាង ៣០០លានដុល្លារ រួចមកហើយ និងត្រូវចំណាយខ្ទង់រយលានដុល្លារបន្ថែមទៀត ដើម្បីឲ្យគម្រោងទីក្រុងរណបកោះនរានេះ អាចបញ្ចប់ការសាងសង់ហេដ្ឋារចនាសម្ព័ន្ធទាំងអស់ នៅក្នុងឆ្នាំ២០២៥ ខាងមុខ (ដោយមិនរាប់បញ្ចូលការសាងសង់អគារនោះទេ)។

អ្នកឧកញ៉ា បន្តថា ក្នុងអំឡុងពេលដ៏មមាញឹកខ្លាំងនេះ ទីក្រុងរណបកោះនរា បានបង្កើនកន្លែងការងារដល់ប្រជាពលរដ្ឋយ៉ាងច្រើនដូចជា បុគ្គលិក វិស្វករ សន្តិសុខ ជាង ៥០០នាក់ កំពុងបំពេញការងារ ដែលមានការចំណាយ លើប្រាក់បៀរវត្ស ជាង ៣០ម៉ឺនដុល្លារ ក្នុងមួយខែ និងមានតម្រូវការ កំលាំងកម្មករ និងជាងប្រមាណ ១២០០នាក់ កំពុងបំពេញការងារសព្វថ្ងៃ និងការចំណាយលើប្រាក់បៀរវត្ស ប្រហែល ៥០ម៉ឺនដុល្លារក្នុងមួយខែផងដែរ។

សូមជម្រាបថា ក្រុមហ៊ុន OCIC GROUP ជាក្រុមហ៊ុនពហុវិស័យមួយនៅកម្ពុជា ដែលមានក្រុមហ៊ុនបុត្រសម្ព័ន្ធ និងអាជីវកម្មលើវិស័យជាច្រើនដូចជា ការអភិវឌ្ឍន៍អចលនទ្រព្យ អចលនទ្រព្យ ការអប់រំ ការថែទាំសុខភាព បដិសណ្ឋារកិច្ច អាកាសយានដ្ឋាន សំណង់ និងវិស្វកម្ម ការលក់រាយ ប្រព័ន្ធផ្សព្វផ្សាយ និងការកម្សាន្ត។ គម្រោងធំៗរបស់ក្រុមហ៊ុន អូស៊ីអាយស៊ី គ្រុប នាពេលបច្ចុប្បន្នរួមមាន ព្រលានយន្តហោះអន្តរជាតិតេជោតាខ្មៅ ទីក្រុងកោះពេជ្រ ទីក្រុងកោះនរា ទីក្រុងរណបជ្រោយចង្វារ ទីក្រុងអូឡាំព្យា បុរីសាន់វេ បុរីចំការមន បុរីបាសាក់ហ្គាឌិន និងខុនដូ Diamond Bay Garden ជាដើម៕

The post អ្នកឧកញ៉ា ពុង ឃាវសែ៖ ក្រុមហ៊ុន OCIC ចំណាយថវិកាជាង៣០០លានដុល្លារ ក្នុងការអភិវឌ្ឍន៍គម្រោងទីក្រុងរណបកោះនរា appeared first on .