នៅព្រឹកនោះ អ្នកទស្សនាបានរកមើលនិងទស្សនាផលិតផលនៅក្នុងហាង ដោយមានបុគ្គលិក Vinamilk ណែនាំអំពីផលិតផល ចែករំលែកព័ត៌មានអំពីគុណភាពផលិតផល និងការទទួលស្គាល់ជាអន្តរជាតិរបស់ម៉ាកយីហោ Vinamilk និងឆ្លើយសំណួររបស់បងប្អូនអ្នកដើរទិញឥវ៉ាន់ នៅពេលពួកគាត់កំពុងមើល និងជ្រើសរើសផលិតផលនៅក្នុងហាង។ នៅខាងក្រៅហាង អ្នកទស្សនាត្រូវបានអញ្ជើញឱ្យភ្លក្សផលិតផលដែលបានជ្រើរើស រួមមាន ទឹកដោះគោស្រស់ ទឹកដោះគោ ដែលមានជាតិរុក្ខជាតិ និងទឹកដោះគោជូរ ​ រីឯ​ក្រុមគ្រួសារ​និង​កុមារ​មួយ​ចំនួន​ក៏​បាន​ចូល​រួម​នៅ​ក្នុង​កន្លែងផាត់ពណ៌រូប នៅកន្លែងក្មេងលេងដែលហាងបានរៀបចំឡើង សម្រាប់​ការ​បើក​សម្ពោធនេះ​ផង​ដែរ​។

លើសពីហាងលក់រាយធម្មតា ហាងដែលបើកនៅភ្នំពេញនេះ ត្រូវបានរចនាជាកន្លែងមួយដែលអតិថិជនអាចស្វែងរកផលិតផល ទៅតាមប្រភេទ និងតម្រូវការផ្សេងៗគ្នា ដើម្បីផ្ដល់នូវការរៀបចំឡើងដែលលើកទឹកចិត្តឱ្យមានការសាកល្បង ការរុករក និង ការចូលរួមពីក្រុមគ្រួសារ។ លើសពីនេះ ហាងក៏បានប្រមូលផ្តុំនូវស្រឡាយផលិតផលនានារបស់ Vinamilk នៅក្នុងទីតាំងតែមួយ និងផ្តល់ជូនដល់អតិថិជនកម្ពុជានូវវិធីទទួលបានបទពិសោធន៍ពីម៉ាកយីហោ ដោយផ្ទាល់បន្ថែមទៀត។ ការបើកសម្ពោធនេះ បានស្វាគមន៍ដល់ក្រុមគ្រួសារ កុមារ និងអតិថិជនវ័យក្មេង ដែលភាគច្រើនបានស្វែងយល់ពីការរចនានៃហាង និងការជ្រើសរើស ផលិតផល ប្រកបដោយចំណាប់អារម្មណ៍។ អ្នកទស្សនាជាច្រើនបានទិញផលិតផលដើម្បីយកទៅផ្ទះ និងចែករំលែកជាមួយ ក្រុមគ្រួសាររបស់ពួកគាត់ ដែលនេះបង្ហាញពីការពង្រីកបទពិសោធន៍លើសពីនៅហាង។

បង្កើតឡើងក្នុងឆ្នាំ១៩៧៦ ក្រុមហ៊ុន Vinamilk គឺជាក្រុមហ៊ុនទឹកដោះគោ និងអាហារូបត្ថម្ភ ដែលមានវត្តមានលំដាប់អន្តរជាតិ នៅទូទាំងប្រទេស និងដែនដីជាង ៦៥ ជុំវិញពិភពលោក។ ក្រុមហ៊ុនបានលើកឡើងថា ហាងផ្ទាល់នៅរាជធានីភ្នំពេញនេះ គឺជា ផ្នែកមួយនៃកិច្ចខិតខំប្រឹងប្រែងរបស់ក្រុមហ៊ុនក្នុងការពង្រីកលទ្ធភាពឱ្យអតិថិជននៅកម្ពុជាងាយស្រួលទិញបានផលិតផល កាន់តែច្រើន តាមរយៈវិធីសាស្រ្តលក់រាយដែលផ្តោតលើ បទពិសោធន៍កាន់តែច្រើន និងប្លែកជាងមុន។

លោក Pham Hong Y ប្រធានផ្នែកលក់រាយ (Head of Retail) នៅ Vinamilk បានមានប្រសាសន៍ថា៖ «ការបើកហាងផ្ទាល់ខ្លួនរបស់យើងនៅភ្នំពេញនេះ ឆ្លុះបញ្ចាំងពីការប្តេជ្ញាចិត្តរយៈពេលវែងដែលក្រុមហ៊ុន Vinamilkគិតគូចំពោះ អតិថិជនកម្ពុជា។ យើងខ្ញុំចង់ផ្តល់ជូនក្រុមគ្រួសារនៅកម្ពុជានូវជម្រើសកាន់តែច្រើន ដោយផ្ដល់នូវផលិតផលទឹកដោះគោ និងអាហារូបត្ថម្ភដែលគួរឱ្យទុកចិត្ត ព្រមទាំងគាំទ្រដោយស្តង់ដាអន្តរជាតិ បច្ចេកវិទ្យាទំនើបនិងបទពិសោធន៍លក់រាយ ដែលងាយស្រួល រាក់ទាក់ និងសមស្របនឹងជីវិតប្រចាំថ្ងៃ។»

លោក Pham Hong Y បានបន្ដថា៖ «នៅពេលដែលបងប្អូនទិញផលិតផលអាហារ និងអាហារូបត្ថម្ភសម្រាប់គ្រួសាររបស់បងប្អូន បងប្អូនចង់បានអារម្មណ៍ជឿជាក់លើអ្វីដែលបងប្អូនកំពុងជ្រើសរើស»។ លោកក៏បានបន្ថែមទៀតថា៖ «ហាងនេះ ត្រូវបានរចនាឡើងដើម្បីសម្រួលក្នុងការផ្តល់ឱ្យអតិថិជនកម្ពុជា នៅកន្លែងមួយដែលពួកគាត់អាចមើលឃើញផលិតផល សាកល្បងវា និងស្វែងរកជម្រើសដែលសក្តិសមនឹងតម្រូវការប្រចាំថ្ងៃរបស់ខ្លួន។ការទទួលស្គាល់ជាអន្តរជាតិដែល Vinamilk ទទួលបាន ពិតជាមានសារៈសំខាន់ ពីព្រោះវាឆ្លុះបញ្ចាំងពីស្តង់ដារនៅពីក្រោយផលិតផលទាំងនោះ ប៉ុន្តែសម្រាប់ពួកយើង គុណតម្លៃពិតប្រាកដ គឺការធ្វើឱ្យគុណភាពនោះកាន់តែងាយស្រួលសាកល្បង និងទទួលបទពិសោធដោយផ្ទាល់»។

កម្មវិធីបើកដំណើរការហាងជាផ្លូវការនៅថ្ងៃទី៣០ ខែមីនា ម្សិលមិញនេះ រួមមានសកម្មភាពពេញមួយថ្ងៃនៃថ្ងៃសម្ពោធ រួមទាំងការភ្លក្សរសជាតិ ទទួលបទពិសោធន៍ក្នុងហាង និងការផ្តល់ជូនពិសេសដែលរៀបចំឡើង
ដើម្បីស្វាគមន៍អតិថិជនថ្មី និងណែនាំ ពួកគាត់អំពីគំនិតលក់រាយរបស់ Vinamilk នៅភ្នំពេញ។

ក្រៅពីហាងផ្ទាល់ខ្លួន ផលិតផល Vinamilk ក៏មានលក់យ៉ាងទូលំទូលាយនៅតាមផ្សារទំនើបល្បីៗ និងទីផ្សារប្រពៃណីដូចជា ផ្សារច្បារអំពៅ ផ្សារអូឡាំពិក ផ្សារអូរឬស្សី និងផ្សារតាខ្មៅ ដែលធ្វើឱ្យវាកាន់តែងាយស្រួល
រកទិញបានសម្រាប់ក្រុមគ្រួសារ ក្នុងការស្វែងរកផលិតផល Vinamilk ជាផ្នែកមួយនៃការទិញគ្រឿងទេសប្រចាំថ្ងៃរបស់ពួកគាត់។

អំពី Vinamilk

ក្រុមហ៊ុន Vinamilk ត្រូវបានបង្កើតឡើងក្នុងឆ្នាំ១៩៧៦ ជាក្រុមហ៊ុនទឹកដោះគោ និងអាហារូបត្ថម្ភឈានមុខគេដែលដំណើរការកសិដ្ឋានជីវថាមពលចំនួន ១៥កន្លែង និងរោងចក្រផលិតចំនួន ១៦កន្លែង ពាសពេញពិភពលោករួមមាន សហរដ្ឋអាមេរិក និងញូវហ្សឺលែន ហើយក៏ចែកចាយផលិតផលខ្លួន នៅក្នុងប្រទេស និងដែនដីប្រមាណជាង
៦៥ ពាសពេញ ទ្វីបអាស៊ី តំបន់មជ្ឈិមបូព៌ា ទ្វីបអឺរ៉ុប ទ្វីបអាមេរិកទាំង២ ប្រទេសអូស្រ្តាលី និងទីផ្សារដែលកំពុងកកើតនៅទ្វីបអាហ្វ្រិក និងតំបន់ អាមេរិកឡាទីនផងដែរ។

ក្រុមហ៊ុនបានបញ្ចូលបច្ចេកវិទ្យាទំនើប ក្នុងការរក្សាអាហារូបត្ថម្ភ ធានាសុវត្ថិភាពផលិតផល និងបន្តបង្កើនគុណភាពនៅគ្រប់ ស្រឡាយផលិតផលនានា រាប់តាំងពីទឹកដោះគោលាយតាមស្តង់ដារគ្លីនិក រហូតដល់ទឹកដោះគោស្រស់សំបូរដោយរសជាតិ ប្លែកៗ។ ក្រុមហ៊ុន Vinamilk ទទួលបាន ការទទួលស្គាល់ជាសកលជាច្រើន រួមមានចំណាត់ថ្នាក់ ក្នុងចំណោមម៉ាកយីហោ លំដាប់ពិភពលោកឈានមុខគេខាងផលិតផលទឹកដោះគោ ដោយ Brand Finance ពានរង្វាន់ Clean Label Project Purity Award (សហរដ្ឋអាមេរិក) សម្រាប់ «ផលិតផលកសិដ្ឋានបៃតង» ដែលបានសម្រាំងមួយចំនួន និងពានកិត្តិយសផ្សេងៗ ក្នុងកម្មវិធីរង្វាន់ World Dairy Innovation Awards ឆ្នាំ២០២៥។

ជាមួយគ្នានេះ GreenFarm ក៏ជាប់ជាម៉ាកយីហោទី១ ដែលទទួលបាន «ការទទួលស្គាល់ចំនួន ៣» ដូចជា៖ ពានរង្វាន់ Clean Label Project Purity Award, the Monde Selection Gold Quality Award និង Superior Taste Award ដោយរំលេចនូវស្តង់ដារតេស្តគុណភាពយ៉ាងម៉ត់ចត់ឯករាជ្យ និងកម្រិតអន្តរជាតិ៕

សម្រាប់ព័ត៌មានបន្ថែម បងប្អូនអាចទាក់ទងតាមហ្វេសប៊ុកផេក Vinamilk តាមដំណរលីងខាងក្រោម៖

https://www.facebook.com/profile.php?id=61581492282416

The post ក្រុមហ៊ុន Vinamilk បើក​ហាង​ផ្ទាល់ខ្លួនជាផ្លូវការ​នៅ​ភ្នំពេញដោយនាំយកបទពិសោធន៍ លក់រាយបែបថ្មីមកកាន់អតិថិជនកម្ពុជា appeared first on .