ក្លិបអ្នកកាសែតកម្ពុជាបានបញ្ជាក់ថា ការផ្សព្វផ្សាយព័ត៌មានខុសពីការពិតរបស់សារព័ត៌មានថៃខាងលើនេះ គឺមិនគ្រាន់តែបង្ហាញឱ្យឃើញពីការខ្វះវិជ្ជាជីវៈ ដែលនាំទៅដល់ការបាត់បង់ជំនឿលើសារព័ត៌មាននៅក្នុងកាលៈទេសៈដ៏សំខាន់នេះទេ ប៉ុន្តែវានាំឱ្យមានការភាន់ច្រឡំ និងប៉ះពាល់ដល់ស្ថានភាពពិតនៅតាមតំបន់ព្រំដែន និងកិច្ចខិតខំប្រឹងប្រែងរបស់ភាគីទាំងពីរ ក្នុងការស្វែងរកដំណោះស្រាយសន្តិភាពដោយមានការគាំទ្រពីអន្តរជាតិ។

ក្លិបអ្នកកាសែតកម្ពុជា បានអំពាវនាវដល់សារព័ត៌មានថៃមួយចំនួននោះ សូមប្រកាន់ខ្ជាប់នូវវិជ្ជាជីវៈ ត្រួតពិនិត្យប្រភពព័ត៌មាន និងផ្ទៀងផ្ទាត់ដោយការប្រុងប្រយ័ត្ន និងចូលរួមកាត់បន្ថយភាពតានតឹងនៃជម្លោះតាមរយៈអត្ថបទដែលមិនញុះញង់បែបជាតិនិយម ឬប្រកាន់ពូជសាសន៍ជាដើម ប៉ុន្តែជួយជំរុញ និងលើកទឹកចិត្តដល់ការសន្ទនា ឬការព្រមព្រៀងជាវិជ្ជមានរវាងប្រទេសទាំងពីរ។

ក្លិបអ្នកកាសែតកម្ពុជា បន្តចូលរួមជាមួយអ្នកសារព័ត៌មានទាំងពីរប្រទេស ដែលកំពុងផ្សព្វផ្សាយ ព័ត៌មានប្រកបដោយវិជ្ជាជីវៈ និងក្រមសីលធម៌ និងបន្តការប្តេជា្ញចិត្ត ក្នុងការការពារសេរីភាពសារព័ត៌មាន និងប្រឆាំងព័ត៌មានមិនពិត ឬព័ត៌មានក្លែងក្លាយ។

The post ក្លិបអ្នកកាសែតកម្ពុជា៖ សារព័ត៌មានថៃមួយចំនួន កំពុងផ្សព្វផ្សាយព័ត៌មានខុសពីការពិតពីបទឈប់បាញ់ appeared first on .

ថ្លែងក្នុងវេទិកានេះ លោក ពុយ គា ប្រធានក្លិបអ្នកការសែតកម្ពុជា បានលើកឡើងថា ផ្នែកធានារ៉ាប់រងពិតជាមានសារៈសំខាន់នៅកម្ពុជា ដូច្នេះហើយទើបសមាគមធានារ៉ាប់រងកម្ពុជារួមសហការជាមួយក្លិបអ្នកកាសែតកម្ពុជា រៀបចំវេទិកានេះឡើង ដើម្បី​ឱ្យប្រព័ន្ធផ្សព្វផ្សាយគ្រប់ស្ថាប័នចែករំលែក និងផ្សព្វផ្សាយឱ្យប្រជាពលរដ្ឋកាន់តែយល់ច្បាស់ពីអត្ថប្រយោជន៍នៃការមានធានារ៉ាប់រង។

លោកបន្តថា លើសពីនេះ កម្មវិធីនៅថ្ងៃនេះ ក៏ជាការផ្តល់ឱកាសដល់អ្នកសារព័ត៌មានឱ្យបានស្វែងយល់អំពីព័ត៌មានពីការវិវឌ្ឍនៃទីផ្សារធានារ៉ាប់រងនៅកម្ពុជា ដើម្បីជាជំនួយស្មារតីដល់ការសរសេរអត្ថបទ ការផ្សព្វផ្សាយពីវិស័យធានារ៉ាប់រងទៅកាន់សាធារណជន។

ក្នុងឱកាសនោះ លោក ហ៊ុយ វ៉ាថារ៉ូ ប្រធានសមាគមធានារ៉ាប់រងកម្ពុជា បានលើកឡើងថា សារៈសំខាន់ធានារ៉ាប់រង ត្រូវបានទទួលស្គាល់ជាទូទៅ។លោកបន្តថា ប៉ុន្តែសម្រាប់កម្ពុជាយើង នៅមានបញ្ហាមួយចំនួននៅឡើយពាក់ព័ន្ធវិស័យធានារ៉ាប់រងនេះ ដូចជា ទីផ្សារនៅក្មេងខ្ចី​, យើងមិនទាន់យល់ពីហានិភ័យ, បញ្ហាទំនុកចិត្តដែលនៅតែអាចបង្កើតផ្នត់គំនិតគួរទុកចិត្តបានឬមិនបាន និងព្រួយបារម្ភខ្លាចធានារ៉ាប់រងមិនសងសំណង។

ជាមួយគ្នានោះ លោក ប៉ូ ច័ន្ទភីរូ អគ្គនាយកនិយ័តករធានារ៉ាប់រងកម្ពុជា ក៏បានលើកទ្បើងផងដែរអំពីអត្ថប្រយោជន៍ក្នុងការមានធានារ៉ាប់រង សម្រាប់ខ្លួនឯង និងក្រុមគ្រួសារ ជាពិសេសក្នុងការធានារ៉ាប់រងអាយុជីវិត។ទោះជាយ៉ាងណា លោកថា នៅកម្ពុជាក៏នៅតែមានបញ្ហាមួយចំនួនផងដែរដូចជា បញ្ហាប្រជាពលរដ្ឋមិនទាន់យល់ , ពួកគាត់មិនមានទំនុកចិត្តជាដើម។

បើតាមលោក ប៉ូ ច័ន្ទភីរូ បានគូសបញ្ជាក់ថា ការធានារ៉ាប់រងអាយុជីវិត ជាកិច្ចសន្យាធានារ៉ាប់រងដែធ្វើឡើងរវាងអ្នកត្រូវបានធានារ៉ាប់រង និងក្រុមហ៊ុនធានារ៉ាប់រង ដែលក្នុងនោះការបង់បុព្វលាភធានារ៉ាប់រងត្រូវធ្វើឡើងដើម្បីធានាទៅលើការស្លាប់ ឬការរស់រានមានជីវិតដោយអាចរួមបញ្ចូលការធានារ៉ាប់រងលើគ្រោះថ្នាក់បុគ្គល ជំងឺធ្ងន់ធ្ងរ ឬជំងឺទូទៅ។ប្រភេទផលិតផលធានារ៉ាប់រងអាយុជីវិតរួមមានការធានារ៉ាប់រងមានកាលកំណត់ ការធានារ៉ាប់រងមួយជីវិតកាល ការធានារ៉ាប់រងទាយជ្ជទាន និងការធានារ៉ាប់រងធនលាភ៕

The post សមាគមធានារ៉ាប់រងកម្ពុជា សហការជាមួយក្លិបអ្នកការសែត រៀបចំវេទិកាអំពីបច្ចុប្បន្នភាពនៃទីផ្សារធានារ៉ាប់រងនៅកម្ពុជា appeared first on .

កិច្ចពិភាក្សានេះ ធ្វើឡើងនៅព្រឹកថ្ងៃទី២២ ខែមេសា ឆ្នាំ២០២៤ នៅវត្តនិគ្រោធវ័ន គល់ទទឹង ដោយមានការចូលរួមពីព្រះវាគ្មិនកិត្តិយស ព្រះមេធានុរ័ក្ខ គូ សុភាព សាស្ត្រាចារ្យសកលវិទ្យាល័យបញ្ញាសាស្ត្រកម្ពុជា និងឯកឧត្តម ប៉ែន បូណា ប្រធានអង្គភាពអ្នកនាំពាក្យរាជរដ្ឋាភិបាល ដោយមានការសម្របសម្រួលពីលោក ប្រាក់ សម្ផស្ស សាស្ត្រាចារ្យពុទ្ធិកសាកលវិទ្យាល័យព្រះសីហនុរាជ។កិច្ចពិភាក្សានេះ នឹងចាក់ផ្សាយទាំងស្រុង នៅថ្ងៃទី២៣ ខែមេសា ឆ្នាំ២០២៤។

បើតាមអង្គភាពអ្នកនាំពាក្យរាជរដ្ឋាភិបាល កម្មវិធី «ដំណោះស្រាយបញ្ហាសង្គម ឆ្លុះបញ្ចាំងតាមរយៈព្រះពុទ្ធឱវាទ»នេះមានគោលបំណងសំខាន់ៗចំនួន៤ គឺទី១,យល់ដឹងពីគោលការណ៍ព្រះពុទ្ធសាសនា ក្នុងកិច្ចបដិបត្តិប្រចាំថ្ងៃ ទី២, យល់ដឹងពីការអប់រំចិត្ត និងរបៀបដោះស្រាយបញ្ហា តាមគន្លងមាគ៌ាព្រះពុទ្ធសាសនា ទី៣, លើកទឹកចិត្តសាធារណជន ក្នុងការប្រើប្រាស់ប្រព័ន្ធបណ្តាញសង្គមប្រកបដោយទំនួលខុសត្រូវខ្ពស់ និងទី៤, លើកទឹកចិត្តសាធារណជន ក្នុងការចូលរួមចំណែកអភិវឌ្ឍសង្គមជាតិ៕

The post អង្គភាពអ្នកនាំពាក្យសហការរៀបចំកិច្ចពិភាក្សាស្តីពី «ដំណោះស្រាយបញ្ហាសង្គម ឆ្លុះបញ្ចាំងតាមរយៈព្រះពុទ្ធឱវាទ» appeared first on .

វគ្គបណ្តុះបណ្តាលនេះ ក៏មានការចូលរួមពី លោក អឿ សុធារ័ត្ន ប្រធាននាយកប្រតិបត្តិ នៃក្រុមហ៊ុន ក្រេឌីត ប្យួរ៉ូ (ខេមបូឌា) ខូ អិលធីឌី (CBC), លោក ខុម ច័ន្ទតារា នាយកប្រតិបត្តិការនៃ CBC, លោក ផៃ សុផល នាយកសេវាអតិថិជន, អ្នកស្រី ស៊ីសុវត្ថិ រស្មី នាយិកាអភិវឌ្ឍន៍អាជីវកម្ម, និងអ្នកស្រី ស៊្រី បុប្ផារ័ត្ន ប្រធានផ្នែកស្រាវជ្រាវនិងភាពជាដៃគូ។

បើតាមក្លិបអ្នកកាសែតកម្ពុជា បានចាត់ទុកវគ្គបណ្តុះបណ្តាលនេះថាពិតជាមានសារសំខាន់ខ្លាំងណាស់សម្រាប់អ្នកសារព័ត៌មានផ្នែកសេដ្ឋកិច្ច ដោយនឹងទទួលបាននូវចំណេះដឹងបន្ថែមអំពីការអភិវឌ្ឍវិស័យធនាគារ ហិរញ្ញវត្ថុ សំខាន់វាក្យស័ព្ទដែលត្រូវប្រើក្នុងវិស័យនេះ ហើយដែលសំខាន់ជាងនេះទៀតនោះ គឺអ្វីទៅជា CBC? រួមទាំងការយល់ដឹងអំពីដំណើរការទីផ្សារឥណទាន ដែលត្រឹមត្រូវមានតម្លាភាព ហើយអាចជួយដល់ការអភិវឌ្ឍសេដ្ឋកិច្ចនៅកម្ពុជា។

លើសពីនេះ អ្នកសារព័ត៌មានក៏នឹងទទួលបាននូវចំណេះដឹងច្បាស់លាស់ទាក់ទងនឹងសិទ្ធិរបស់អតិថិជន និងច្បាប់ដែលបានតម្រូវក្នុងការប្រើប្រាស់ប្រព័ន្ធចែករំលែកព័ត៌មានឥណទាននៅកម្ពុជា សម្រាប់ប្រជាពលរដ្ឋក្នុងការទទួលបានឥណទានជាមួយលក្ខខណ្ឌសមស្របសម្រាប់ទាំងស្ថាប័នហិរញ្ញវត្ថុ ក៏ដូចជាការការពារសិទ្ធិរបស់អតិថិជនផ្ទាល់ខ្លួនពីហានិភ័យឥណទាន និងវិធីដោះស្រាយបញ្ហានៅពេលប្រវត្តិឥណទានមានភាពមិនប្រក្រតី៕

The post អ្នកសារព័ត៌មានមកពី២០ស្ថាប័ន ចូលរួមវគ្គបណ្តុះបណ្តាល«ការស្វែងយល់អំពីប្រតិបត្តិការប្រព័ន្ធចែករំលែកព័ត៌មានឥណទានកម្ពុជា» appeared first on .

នេះជាលើកទី១ សម្រាប់វេទិកាពិភាក្សារវាងលោក ហួត ហាក់ រដ្ឋមន្ត្រីក្រសួងអធិការកិច្ច ជាមួយក្លិបអ្នកកាសែតកម្ពុជា និងអ្នកសារព័ត៌មានជាង ១០០នាក់ មកពីស្ថាប័នផ្សេងៗ ដើម្បីស្វែងយល់ដឹងបន្ថែមពីតួនាទីភារកិច្ច រួមទាំងការងារកំណែទម្រង់នៃវិស័យអធិការកិច្ចនៅកម្ពុជា។

លោក ហួត ហាក់ បានលើកឡើងថា តួនាទីរបស់មន្ត្រីអធិការកិច្ច គឺស្វែងរកទាំងចំណុចល្អដែលក្រសួងស្ថាប័ន និងមន្ត្រីសម្រេចបានតាមទិសដៅដែលបានកំណត់ និងស្វែងរកទាំងកំហុសឆ្គងនៃសកម្មភាពអនុវត្តរបស់ក្រសួងស្ថាប័ន និងមន្ត្រី ដើម្បីរាយការណ៍ជូនប្រមុខរាជរដ្ឋាភិបាល។ លោកបានបញ្ជាក់ពីសារៈសំខាន់នៃវិស័យអធិការកិច្ច ដែលជាភ្នែកជាត្រចៀករបស់ថ្នាក់លើ និងជាមិត្តដ៏ជិតស្និទ្ធរបស់ថ្នាក់ក្រោម។

លោករដ្ឋមន្ត្រី ក៏បានគូសបញ្ជាក់ពីផែនការសកម្មភាពចំនួន ៤សំខាន់ ក្នុងពេលដែលលោដឹកនាំក្រសួងអធិការកិច្ច គឺទី១.ការពង្រឹងសមត្ថភាពស្ថាប័ន ទី២. កសាងសមត្ថភាពមន្ត្រីឲ្យទៅជាមូលធនមនុស្ស ទី៣.ការកសាងច្បាប់ និងលិខិតបទដ្ឋានគតិពាក់ព័ន្ធនឹងការអធិការកិច្ច ក្នុងនោះ បាននិងកំពុងកសាងសេចក្តីព្រាងច្បាប់ស្តីពីអធិការកិច្ច រួមទាំងសេចក្តីព្រាងច្បាប់ និងអនុក្រឹត្យមួយចំនួនទៀត ដើម្បីបម្រើបេសសកម្មរបស់ក្រសួង និងទី៤. ការកសាង និងថែរក្សាបរិយាកាសសុខុដុមរមនីយកម្ម នៅក្នុងក្រសួង ក៏ដូចជាអង្គភាពទាំងនៅថ្នាក់ជាតិ និងថ្នាក់ក្រោមជាតិ។

សូមជម្រាបថា រាជរដ្ឋាភិបាល នីតិកាលទី៧នេះ សម្រេចការកែសម្រួលឈ្មោះ “ក្រសួងទំនាក់ទំនងជាមួយ រដ្ឋសភា-ព្រឹទ្ធសភា និងអធិការកិច្ច” ទៅជា”ក្រសួងអធិការកិច្ច” ។ សម្រាប់វិស័យអធិការកិច្ច ក្រសួងបានចូលរួមចំណែកជាមួយរាជរដ្ឋាភិបាលក្នុងការលើកកម្ពស់និងពង្រឹងអភិបាលកិច្ច ដោយបានចុះធ្វើអធិការកិច្ចលើគ្រប់វិស័យនិងដោះស្រាយបណ្តឹងក្នុងដែនសមត្ថកិច្ចរបស់រាជរដ្ឋាភិបាលសំដៅ បង្ការ ទប់ស្កាត់ កែលម្អ និងមានវិធានការ ចំពោះមន្រ្តីរាជការ កងកម្លាំងប្រដាប់អាវុធ ដែលបានប្រព្រឹត្តអំពើអសកម្មនានាក្នុងសង្គម ដើម្បីធានាប្រសិទ្ធភាព សុចរិតភាព មនសិការវិជ្ជាជីវៈ វិន័យការងារ និងភាពស្អាតស្អំរបស់រដ្ឋបាលសាធារណៈ។
ទន្ទឹមនឹងនោះ ក្រសួងបានចូលរួមចំណែកទប់ស្កាត់ ប្រយុទ្ធប្រឆាំង កាត់បន្ថយ នឹងឈានទៅលុបបំបាត់អំពើពុករលួយ ដែលជាកត្តាបំផ្លិចបំផ្លាញការអនុវត្តគោលនយោបាយអភិវឌ្ឍរបស់រាជរដ្ឋាភិបាល ឆ្លើយតបទៅនឹងសេចក្តីត្រូវការរបស់ប្រជាពលរដ្ឋ។ បើតាមរដ្ឋមន្ត្រីក្រសួងអធិការកិច្ច, អធិការកិច្ច ជាភ្នែក ជាត្រចៀករបស់ថ្នាក់លើ និងជាមិត្តដ៏ជិតស្និទ្ធរបស់ថ្នាក់ក្រោម៕

The post ក្រសួងអធិការកិច្ច និងក្លិបអ្នកកាសែតកម្ពុជា បើកវេទិកាពិភាក្សាលើវិស័យអធិការកិច្ច ក្នុងបរិបទកំណែទម្រង់ appeared first on .