ការស្នើនេះ ត្រូវបានធ្វើឡើងនៅក្នុងជំនួបពិភាក្សារវាងលោក គួច ចំរើន អភិបាល ជាមួយប្រតិភូ ឯកអគ្គរដ្ឋទូត នៃសាធារណរដ្ឋឥណ្ឌូនេស៊ី ប្រចាំនៅព្រះរាជាណាចក្រកម្ពុជា កាលរសៀលថ្ងៃទី០៦ ខែមីនា ឆ្នាំ២០២៥។

នាឱកាសនោះ លោក គួច ចំរើន បានលើកឡើងថា ចក្ខុវិស័យសម្រាប់ឆ្នាំ២០២៥ ខេត្តកណ្តាលប្រែក្លាយជា “ខ្សែក្រវាត់គាំទ្រវិស័យសន្តិសុខ សណ្តាប់ធ្នាប់សាធារណៈ ឧស្សាហកម្ម ឡូជីស្លីក(ភស្តុភារ) ស្បៀង និងលំនៅឋាន”។

ឆ្លៀតឱកាសនោះ លោកអភិបាលខេត្តកណ្ដាល ក៏បានស្នើសុំដល់ទូតឥណ្ឌូនេស៊ី ឱ្យជួយគៀងគរអ្នកវិនិយោគិនមកវិនិយោគនៅខេត្តកណ្ដាលឱ្យបានច្រើន ព្រោះថាខេត្តកណ្ដាល ជាខេត្តមួយដែលមានភូមិសាស្ត្រហំព័ទ្ធរាជធានីភ្នំពេញ ជាបណ្ដុំនៃសេដ្ឋកិច្ច មានព្រលានយន្តហោះអន្តរជាតិ មានផ្លូវជាតិសំខាន់ៗ ដែលជាសរសៃឈាមរបស់ខេត្ត ក្នុងការផ្ដល់អាកាសឱ្យអ្នកវិនិយោគទាំងអស់ មកវិនិយោគនៅខេត្តកណ្ដាលទទួលបាននូវប្រាក់ចំណេញផងដែរ។

ជាការឆ្លើយតប លោក សាន់តូ សារម៉ូស៊ូម៉ាតូ ឯកអគ្គរដ្ឋទូត នៃសាធារណរដ្ឋឥណ្ឌូនេស៊ី ប្រចាំកម្ពុជា បានសន្យាថា នឹងគៀងគរអ្នកវិនិយោគ មកវិនិយោគនៅខេត្តកណ្ដាល ខណៈលោកក៏បានស្នើដល់រដ្ឋបាលខេត្ត ជួយជ្រោមជ្រែងក្នុងការផ្ដល់សេវាកម្មដល់ប្រជាជនឥណ្ឌូនេស៊ី ដែលកំពុងស្នាក់នៅក្នុងខេត្តកណ្ដាលផងដែរ។

តាមរយៈជំនួបនេះ ក៏បានឱ្យដឹថា គិតមកដល់បច្ចុប្បន្ននេះ ទំនាក់ទំនងសេដ្ឋកិច្ចរវាងប្រទេសឥណ្ឌូនេស៊ី និងប្រទេសកម្ពុជា មានទំហំទឹកប្រាក់ប្រមាណជាជាង១ពាន់លានដុល្លារ ហើយធ្វើឱ្យប្រទេសឥណ្ឌូនេស៊ីមានដៃគូពាណិជ្ជកម្ម លំដាប់ទី ៧សម្រាប់ប្រទេសកម្ពុជា៕ អត្ថបទ៖ ហ្សាលីន

The post លោក គួច ចំរើន ​ស្នើឱ្យទូតឥណ្ឌូនេស៊ីគៀងគរអ្នកវិនិយោគិនមកវិនិយោគនៅខេត្តកណ្ដាលឱ្យបានច្រើន appeared first on .

យោងតាមរយៈសំណេរលើទំព័រហ្វេសប៊ុកផ្លូវការរបស់សម្តេចធិបតី ហ៊ុន ម៉ាណែត នាយករដ្ឋមន្រ្តីកម្ពុជា នៅថ្ងៃទី៣ ខែកុម្ភៈ ឆ្នាំ២០២៥បាន​ឱ្យដឹងថា ផ្លូវជាតិលេខ២៣ ជាប្រវត្តិសាស្ត្រថ្មី ក្នុងទឹកដីខេត្តកណ្ដាល នឹងជួយជំរុញសេដ្ឋកិច្ច និងជីវភាពប្រជាពលរដ្ឋនៅស្រុកកោះធំ និងស្រុកលើកដែក បន្ថែមទៀត។

កំណាត់ផ្លូវជាតិលេខ២៣(NR23)ប្រវែង១៩,៨ គីឡូម៉ែត្រ មានទទឹងតួផ្លូវ១១ម៉ែត្រ ចាប់ពីគល់ស្ពានកោះធំ ត្រើយខាងកើតក្នុងឃុំជ្រោយតាកែវ ស្រុកកោះធំ(PK0+000) ដល់ផ្លូវជាតិលេខ ១៤ ឃុំពាមរាំង ស្រុកលើកដែក ខេត្តកណ្តាល (PK19+800)បានស្ថាបនាជិតរួចរាល់ ដែលជាផ្នែកចម្បង និងយុទ្ធសាស្ត្ររបស់រាជរដ្ឋាភិបាល ព្រមទាំងផ្តល់អាទិភាពសម្រាប់សម្រួលដល់ការធ្វើចរាចរណ៍របស់ពលរដ្ឋ។

សម្តេចបន្តថា គិតត្រឹមបំណាច់ខែមករា ឆ្នាំ២០២៥ គម្រោងលើកកម្រិត ជួសជុល និងថែទាំកំណាត់ផ្លូវជាតិលេខ២៣ នៃគម្រោងកែលម្អផ្លូវថ្នល់ជំហានទី២ ការអនុអវត្តគម្រោងសម្រេចបានលទ្ធផលជារួម ៦៩,៤០%ហើយ។ តាមផែនការគម្រោងលើកកម្រិត ជួសជុល និងថែទាំកំណាត់ផ្លូវជាតិលេខ២៣ ដោយឆ្លងកាត់ឃុំចំនួន៤ គឺឃុំជ្រោយតាកែវ ឃុំកំពង់កុង ឃុំលើកដែក និងឃុំពាមរាំង ស្រុកកោះធំ ស្រុកលើកដែក ខេត្តកណ្តាល នឹងត្រូវបញ្ចប់នៅថ្ងៃអំឡុងខែមេសា ឆ្នាំ២០២៥ខាងមុខនេះ។

សូមបញ្ជាក់ថា គម្រោងលើកកម្រិត ជួសជុល និងថែទាំកំណាត់ផ្លូវជាតិលេខ២៣ រួមមាន៖ ការពង្រីកផ្លូវឱ្យមានទទឹងកាន់តែធំ, ការងារសាងសង់ និងជួសជុលដោយចាក់ក្រាលកៅស៊ូ AC, ការរចនាចិញ្ចើមផ្លូវ, ការរៀបចំប្រព័ន្ធលូបង្ហូរទឹក (U-drain) ត្រង់ចំណុចសំខាន់ៗ, ការរៀបចំជើងទេរដែលមានភាពធន់ទៅនឹងការបម្រែបម្រួលអាកាសធាតុ និងភាតរៈបរិស្ថាន (Climate Friendly) និងការងារថែទាំខួបសម្រាប់រយៈពេល ៣ ឆ្នាំបន្ទាប់ពីការងារសាងសង់ត្រូវបានបញ្ចប់៕

The post គម្រោងលើកកម្រិត ជួសជុលកំណាត់ផ្លូវជាតិលេខ២៣ នៅខេត្តកណ្តាល សម្រេចលទ្ធផលជិត៧០%ហើយ appeared first on .

នេះបើតាមការឱ្យដឹងពីលោក គួច ចំរើន អភិបាលខេត្តកណ្តាល បានឱ្យថ្លែងនៅក្នុងពិធីបើកការដ្ឋានគម្រោងមេគង្គឃី នៅក្រុងអរិយក្សត្រ ខេត្តកណ្តាល នាព្រឹកថ្ងៃទី១៧ ខែធ្នូ ឆ្នាំ២០២៤ ក្រោមអធិបតីភាពសម្តេចធិបតី ហ៊ុន ម៉ាណែត នាយករដ្ឋមន្រ្តីកម្ពុជា។

នាឱកាសនោះ លោក គួច ចំរើន បានថ្លែងថា វិស័យសេដ្ឋកិច្ច ខេត្តកណ្តាលមានការរីកចម្រើនគួរឱ្យកត់សម្គាល់ ក្នុងនោះកំណើននៃប្រាក់ចំណូលរបស់ប្រជាពលរដ្ឋ ជាមធ្យម ក្នុងឆ្នាំ ២០២៣ បានកើនឡើងដល់ ២ ២៧៥ ដុល្លារ។

ចំណែករោងចក្រសហគ្រាស សរុបចំនួន ៥១០ ដែលអាចស្រូបយកកម្លាំងពលកម្មបានចំនួន ១៧១ ៥០០ នាក់ និងអាចទទួលបានប្រាក់ ចំណូលសរុបប្រមាណ ៥០០ លានដុល្លារអាមេរិក ក្នុង ១ឆ្នាំ និងជា ខេត្តទី៣ ដែលមានការអភិវឌ្ឍលើវិស័យនេះ។

លោកបានបន្តថា សក្តានុពលដ៏លេចធ្លោទាំងនេះ គឺជាកត្តាទាក់ទាញវិនិយោគដ៏សំខាន់របស់ខេត្តកណ្តាលជារួម ខណៈសម្រាប់ក្រុងអរិយក្សត្រដោយឡែក ក៏មានភាពអំណោយផលពិសេសដោយស្ថានភាពភូមិសាស្ត្រ ប្រជាសាស្ត្រ និងតម្រូវការសង្គម សេដ្ឋកិច្ច ទីផ្សារលំនៅឋានពិតជាចាំបាច់ ដែលស្តែងឱ្យឃើញតាមរយៈគម្រោងសាងសង់ទីក្រុងមេគង្គឃី។

សូមជម្រាបជូនថា ខេត្តកណ្តាលនៅតែជាខេត្តឈរក្នុងលំដាប់ទី៣ ដែលមានរោងចក្រ សហគ្រាសច្រើនជាងគេបន្ទាប់ពីរាជធានីភ្នំពេញ និងខេត្តកំពង់ស្ពឺ។ កាលពីខែវិច្ឆិកា កន្លងទៅក្រុមប្រឹក្សាអភិវឌ្ឍន៍កម្ពុជា ក៏បានអនុម័តគម្រោងវិនិយោគសរុប៤៣គម្រោង ក្នុងទុនជាង៩០០លានដុល្លារ ក្នុងនោះរួមមាន ខេត្តកំពង់ស្ពឺ ភ្នំពេញ កំពង់ចាម ព្រះសីហនុ តាកែវ កោះកុងស្វាយរៀង កណ្តាល ត្បូងឃ្មុំ និងបាត់ដំបង៕

The post ខេត្តកណ្តាលមានរោងចក្រ សហគ្រាសជាង៥០០ ស្រូបកម្លាំងពលកម្មជាង១៧ម៉ឺននាក់ និងទទួលចំណូលប្រមាណ ៥០០ លានដុល្លារ ក្នុង ១ឆ្នាំ appeared first on .

សេចក្តីសម្រេចចំនួន៧ទំព័រដែលចុះហត្ថលេខាដោយលោក អូន ព័ន្ធមុនីរ័ត្ន ប្រធានគណៈអចិន្ត្រៃយ៍ក្រុមការងារគណបក្សប្រជាជនកម្ពុជាចុះមូលដ្ឋានខេត្តកណ្តាល បានចាត់តាំងសមាសភាពប្រធាន អនុប្រធា សមាជិកចំនួន១១៨រូប ក្នុងនោះមានឧកញ៉ាចំនួន ៦រូប។

ឧកញ៉ាដែលស្ថិតក្នុងសមាសភាពក្រុមការងារគណបក្សចុះមូលដ្ឋានស្រុកស្អាង រួមមាន៖ ឧកញ៉ា លូ គឹមឈន់ ប្រតិភូរាជរដ្ឋាភិបាលកម្ពុជា ទទួលបន្ទុកជាប្រធានអគ្គនាយកកំពង់ផែស្វយ័តក្រុងព្រះសីហនុ ជាអនុប្រធានទទួលបន្ទុកជួយស្រុក, ឧកញ៉ា ហ៉ី បាវី ប្រតិភូរាជរដ្ឋាភិបាល ទទួលបន្ទុកអគ្គនាយកកំពង់ផែស្វយ័តភ្នំពេញ ជាអនុប្រធានទទួលបន្ទុកជួយស្រុក, ឧកញ៉ា ឡាវ វ៉ាន់ រដ្ឋលេខាធិការក្រសួងសាធារណការ និងដឹកជញ្ជូន ជាអនុប្រធាន និងជាប្រធានក្រុមករងារចុះមូលដ្ឋានឃុំខ្ពប, ឧកញ៉ា លី តាក់ អនុប្រធាន ទទួលបន្ទុកជួយស្រុក, ឧកញ៉ា ចិត្រ សេរីសុភ័ក្រ្ត, ឧកញ៉ា ស៊ីវ ថា អនុប្រធាន ទទួលបន្ទុកជួយស្រុក។

ក្នុងពិធីប្រកាសសមាសភាពក្រុមការងារគណបក្សចុះមូលដ្ឋាន ស្រុកស្អាង នាព្រឹកថ្ងៃសៅរ៍ ទី១៦ ខែមីនា លោក ប៉េង ពោធិ៍នា បានលើកឡើងថា ក្រុមការងារដែលមានឈ្មោះក្នុងសេចក្តីសម្រេច សូមអនុវត្តភារកិច្ចប្រកបដោយសា្មរតីបុរសកម្ម និងទំនួលខុសត្រូវខ្ពស់។

បន្ថែមពីនេះ លោកបានស្នើដល់ថ្នាក់ដឹកនាំ និងសមាជិក សមាជិកានៃក្រុមការងារគណបក្សទាំងអស់ សូមបន្តបំពេញសេចក្តីត្រូវការរបស់ប្រជាពលរដ្ឋឱ្យបានជាអតិបរមា ហើយត្រូវបន្តដំណើរតាមមាគ៌ាដ៏ត្រឹមត្រូវរបស់គណបក្សប្រជាជនកម្ពុជាយើងបន្តទៀត ដើម្បីរួមគ្នាថែរក្សាសុខសន្តិភាព និងការអភិវឌ្ឍប្រទេសជាតិឱ្យកាន់តែមានការរីកចម្រើនទាំងក្នុងអាណត្តិទី៧ ក៏ដូចជាអាណត្តិជាបន្តបន្ទាប់ទៀតផងដែរ៕

The post លោក អូន ព័ន្ធមុនីរ័ត្ន ចាត់តាំងឧកញ៉ា៦រូបជាអនុប្រធានក្រុមការងារចុះជួយមូលដ្ឋានស្រុកស្អាងខេត្តកណ្តាល appeared first on .

មុនឡើងកាន់អភិបាលស្រុក លោកជាអភិបាលរងស្រុកកៀនស្វាយ។ លោកក៏ជាអ្នករកស៊ីវ័យក្មេងម្នាក់ ដែលត្រូវបានព្រះមហាក្សត្រ ត្រាស់បង្គាប់ផ្តល់គោងរមងារ «ឧកញ៉ា» តាមព្រះរាជក្រឹត្យ នស/រកត/០៧១៥/៧១៦ ចុះថ្ងៃទី១១ ខែកក្កដា ឆ្នាំ២០១៥។

លោកជាកូនប្រុស ឧកញ៉ា ឡូវ ហ៊ឹង ទីប្រឹក្សាផ្ទាល់សម្តេចតេជោនាយករដ្ឋមន្រ្តី និងជាកូនប្រសារ លោក ម៉ៅ ភិរុណ អតីតចៅហ្វាយខេត្តកណ្តាល បច្ចុប្បន្នជាប្រធានក្រុមប្រឹក្សាខេត្តកណ្តាលផងដែរ៕

The post អភិបាលស្រុកនៃខេត្តកណ្តាលម្នាក់មានងារ «ឧកញ៉ា» appeared first on .

បច្ចុប្បន្នគម្រោងនេះ កំពុងតែពន្លឿននៃការអភិវឌ្ឍ និងធ្វើច្រាំងទន្លេឱ្យដូចទីក្រុងកោះពេជ្រ និងកោះនរា។ លោក គង់ សោភ័ណ្ឌ អភិបាលខេត្តកណ្តាល ធ្លាប់បានបញ្ជាក់ថា ការចាក់ថ្មលុបទន្លេនេះ​ គឺជាការអភិវឌ្ឍន៍ស្រដៀងនិងតំបន់កោះពេជ្រ និងកោះនរា ហើយចំពោះការអភិវឌ្ឍទៀតសោត នឹងបង្កើតជាតំបន់ទេសចរណ៍ ឬអាគារពាណិជ្ជកម្មខ្ពស់ៗ។

ទន្ទឹមនឹងនេះ កម្ពុជាក៏បានឈានមួយជំហានធំជាមួយនឹងគម្រោងសាងសង់ស្ពាននៅតំបន់អរិយក្សត្រ ដែលត្រូវរដ្ឋាភិបាលកូរ៉េខាងត្បូងប្រកាសជួយកសាងទុកជាចំណងដៃមិត្តភាពកម្ពុជា-កូរ៉េ ខណៈបច្ចុប្បន្នក្រសួងសាធារណការ និងក្រុមហ៊ុនកំពុងសិក្សានឹងឈានទៅបើកការដ្ឋានសាងសង់ឆាប់ៗខាងមុខ។

ថ្លែងទៅកាន់អ្នកសារព័ត៌មាន ទេសរដ្ឋមន្ដ្រី ស៊ុន ចាន់ថុល រដ្ឋមន្ដ្រីក្រសួងសាធារណការ និងដឹកជញ្ជូន បានឲ្យដឹងថាស្ពានមិត្តភាពកម្ពុជា-កូរ៉េខាងត្បូង គ្រោងនឹងចាប់ផ្តើមសាងសង់នៅឆ្នាំ២០២៣ ខាងមុខ ខណៈដែលការសិក្សាគម្រោងជិតចប់សព្វគ្រប់អស់ហើយ។

ជាមួយគ្នានេះ រាជរដ្ឋាភិបាល ក៏បានប្រកាសសិក្សាគម្រោងបង្កើតក្រុងថ្មីមួយបន្ថែម នៅក្នុងស្រុកល្វាឯម ដែលស្ថិតនៅខាងកើតទន្លេចតុមុខ។ ចំពោះសក្តានុពលនៃការអភិវឌ្ឍនៅតំបន់អរិយក្សត្រ ស្រុកល្វាឯម អ្នកជំនាញបានលើកឡើងថា នឹងធ្វើឲ្យអ្នកវិនិយោគជាតិ និងអន្តរជាតិ មានការចាប់អារម្មណ៍ ហើយធ្វើឲ្យតម្លៃអចលនទ្រព្យនៅតំបន់អរិយក្សត្រមានតម្លៃកាន់តែឡើងខ្ពស់ខ្លាំង។

ឧកញ៉ា ឃាង ពុទ្ធី ប្រធានក្រុមប្រឹក្សាភិបាលសមាគមអ្នកជំនាញអចលនទ្រព្យ ប្រាប់សារព័ត៌មានឧកញ៉ាញូស៍ថា៖ “ដីធ្លីនៅតំបន់អរិយក្សត្រវាជាពេលដែលត្រូវឡើងថ្លៃ ពីព្រោះតំបន់ដែលនៅជិតរាជធានីភ្នំពេញមានតែតំបន់ហ្នឹងមួយទេ (អរិយក្សត្រ) មានតម្លៃសមរម្យ ដោយកន្លងមកជួបបញ្ហាការលំបាកធ្វើដំណើរ។ បើគ្មានស្ពានទេត្រូវការពេលវេលាយូរក្នុងការឆ្លងសាឡង”។

លោកគូសបញ្ជាក់ថា នៅពេលមានស្ពានប្រជាជនមានភាពងាយស្រួលក្នុងការធ្វើដំណើរ អ្នកវិនិយោគទុនជាតិ អន្តរជាតិ ក៏អាចវិនិយោគអចលនទ្រព្យនៅតំបន់នោះ ព្រោះចរាចរនឹងកើនឡើងខ្ពស់ ហើយការអភិវឌ្ឍនឹងរីកចម្រើនលឿនដោយសារមានស្ពានភ្ជាប់ជាមួយរាជធានី។

ដំណឹងនៃការសាងសង់ស្ពានភ្ជាប់ទៅតំបន់អរិយក្សត្រ និងការបង្កើតក្រុងល្វាឯម បានធ្វើឲ្យហាងឆេងដីធ្លីនៅតំបន់នោះហើបឡើងយ៉ាងខ្លាំង។ បើតាមឈ្មួញរកស៊ីអចលទ្រព្យ បច្ចុប្បន្នដីនៅអរិយក្សត្រតំបន់ល្អជាប់មាត់ទន្លេ មានតម្លៃជាមធ្យមក្នុងរង្វង់ ១ ០០០ ដុល្លារក្នុង ១ ម៉ែត្រការ៉េ។ ចំណែកដីឡូត៍លំនៅឋានមានតម្លៃក្នុងរង្វង់ ១០០-៣០០ ដុល្លារ និងដីសម្រាប់អភិវឌ្ឍន៍ធំៗមានតម្លៃជាមធ្យមចន្លោះពី ១៨០-២៥០ ដុល្លារ៕

The post តំបន់អរិយក្សត្រ ស្រុកល្វាឯម បោះពួយមួយជំហានទៀត ក្រោយគម្រោងទាំងនេះរួចរាល់ appeared first on .

មន្រ្តីរាជការ ដែលត្រូវបានតែងតាំង និងផ្ទេរភារកិច្ច រួមមាន៖ លោក ប៉ែត សារ៉ាត់ ជាអនុប្រធានមន្ទីរសាធារណការនិងដឹកជញ្ជូនខេត្តកណ្តាល លោក ចេង ឃីម ជាអនុប្រធានមន្ទីរសាធារណការនិងដឹកជញ្ជូនខេត្តកណ្តាល លោក ឌួង វណ្ណៈ ជាប្រធានការិយាល័យដឹកជញ្ជូនផ្លូវទឹក និងកំពង់ផែ
លោក ជា ឆេកូ ជាអនុប្រធានការិយាល័យបច្ចេកទេស និងលោក អ៊ុច សំនាង ជាអនុប្រធានសេវាដ្ឋានផ្តល់ប័ណ្ណបើកបរយានយន្ត នៃអង្គភាពចុះបញ្ជីនិងផ្តល់បណ្ណបើកបរយានយន្ត។

ថ្លែងក្នុងឱកាសនោះ លោក គង់ សោភណ្ឌ បានណែនាំដល់មន្ទីរសាធារណការ និងដឹកជញ្ជូនខេត្តកណ្តាល ត្រូវបន្តខិតខំជួសជុលផ្លូវ ចុះមើលផ្លូវឱ្យគ្រប់ទីកន្លែង និងត្រួតពិនិត្យករណីឡានដឹកលើសទម្ងន់ទាំងឡាយដែលខុសច្បាប់ ត្រូវធ្វើការផាកពិន័យ អនុវត្តទៅតាមច្បាប់អោយបានម៉ឺងម៉ាត់បំផុត ដោយមិន មានការលើកលែងនោះទេ៕

The post មន្ត្រីរាជការ ៥រូបប្រកាសចូលកាន់ដំណែងផ្លូវការ នៃមន្ទីរសាធារណការខេត្តកណ្តាល appeared first on .

នៅឆ្នាំ២០១៦ អភិបាល​ខេត្ត​កណ្ដាល លោក ផៃ ប៊ុនឈឿន ត្រូវ​បានរាជរដ្ឋាភិបាលផ្លាស់ប្តូរមកជា​រដ្ឋលេខាធិការប្រចាំការក្រសួង​បរិស្ថាន។

លោក ផៃ ប៊ុនឈឿន មានកូនប្រុសស្រីចំនួន ៥នាក់ ដែលសុទ្ធសឹងតែទទួលបានការអប់រំខ្ពង់ខ្ពស់ បច្ចុប្បន្នកូនរបស់លោកបានចូលបំពេញការងារជាមន្រ្តីរាជការស្ទើរគ្រប់គ្នាទៅហើយ។ អ្វីដែលជាការកត់សម្គាល់កូនប្រុសស្រីលោកកាន់តួនាទីសំខាន់ៗ និងដឹកនាំកងកម្លាំងផងដែរ។

តើកូនប្រុសស្រីលោកកាន់តួនាទីខ្លះ សូមតាមដានជាមួយឧកញ៉ាញូស៍ ដូចតទៅ៖

ឧត្តមសេនីយ៍ទោ ឈឿន សុចិត្ត កូនប្រុសច្បងលោក ផៃ ប៊ុនឈឿន កាន់តំណែងជាស្នងការនគរបាលខេត្តកណ្តាល នៅឆ្នាំ២០២០ ជំនួសឧត្តមសេនីយ៍ទោ អ៊ាវ ចំរើន ដែលត្រូវមកកន្លែងនាយករងមន្ទីរប្រឆាំងគ្រឿងញៀន។ ឧត្តមសេនីយ៍ត្រី ឈឿន សុចិត្ត ធ្លាប់កាន់តួនាទីជាស្នងការរងនគរបាលខេត្តកណ្តាល ទទួលផែនប្រឆាំងគ្រឿងញៀនជាច្រើ នឆ្នាំមុនឡើងស្នងការខេត្ត។

នៅឆ្នាំ២០២១ កូនប្រុសទី២ម្នាក់ទៀត របស់អតីតអភិបាលខេត្តកណ្តាលរូបនេះ គឺ ឧត្តមសេនីយ៍ទោ ឈឿន ប៊ុនឆន ត្រូវបានរដ្ឋាភិបាល តែងតាំងជាប្រធាននាយកដ្ឋានវិទ្យុទាក់ទង នៃអគ្គស្នងការដ្ឋាននគរបាលជាតិ ជំនួសឧត្តមសេនីយ៍ទោ សៅ ច័ន្ទកុសល្យ ផ្ទេរមកកាន់អនុប្រធាននាយកដ្ឋានកណ្ដាលនគរបាលព្រំដែន។ ហើយឧត្តមសេនីយ៍ទោ ឈឿន ប៊ុនឆន ហៅ លែត គឺជាអតីតអធិការ នៃអធិការដ្ឋាននគរបាលស្រុកកោះធំ ខេត្តកណ្តាល។

សម្រាប់កូនប្រុសទី៣ឯណេះវិញ កាន់ដំណែងប្រហាក់ប្រហែលលោក ផៃ ប៊ុនឈឿន ដែល លោក ឈឿន ប៊ុណ្ណារ័ត្ន បច្ចុប្បន្នកំពុងកាន់ដំណែងជារដ្ឋលេខាធិការ និងជាអ្នកនាំពាក្យក្រសួងមុខងារសាធារណៈ។ លើសពីនេះលោកជាប្រធានក្រុមការងាររាជរដ្ឋាភិបាល និងជាប្រធានក្រុមការងារគណបក្សប្រជាជនកម្ពុជាចុះមូលដ្ឋានក្រុងក្រចេះ ខេត្តក្រចេះ។

ដោយឡែក កូនប្រុសទី៤ វិញម្តង ជាមន្ត្រីក្នុងវិស័យសុខាភិបាល គឺ លោក​ ឈឿន​ ប៊ុណ្ណារិទ្ធិ​ ជាវេជ្ជបណ្ឌិត បំរើការងារនៅមន្ទីរសុខាភិបាលខេត្តកណ្តាល និងជាម្ចាស់មន្ទីរសម្រាកព្យាបាល និងសម្ភព ចតុមុខ ស្ថិតនៅក្នុងក្រុងតាខ្មៅ។

ដោយឡែក លោក ផៃ ប៊ុនឈឿន ក៏មានកូនស្រីម្នាក់ដែរកំពុងកាន់តំណែងជាអភិបាលរងក្រុងតាខ្មៅ ខេត្តកណ្តាល គឺលោកស្រី ឈឿន បុប្ផារ័ត្ន ហៅស្រីមុំ ខណៈដែលលោកស្រីក៏ជាអនុប្រធានគណៈកម្មាធិកាសាខាក្រុងតាខ្មៅ។

សូមជម្រាបថា លោក ផៃ ប៊ុនឈឿន អតីតអភិបាលខេត្តកណ្តាល កើតនៅភូមិក្បាលកោះ ឃុំកោះអន្លង់ចិន ស្រុកស្អាង ខេត្តកណ្តាល ដែលកាលនោះមិនទាន់កាត់ចូលក្រុងតាខ្មៅនៅឡើយ។ ឧត្តមភរិយារបស់លោកជាស្រ្តីមេផ្ទះ ស្ថិតនៅក្នុងភូមិឃុំជាមួយគ្នា៕

The post មកស្គាល់កូនអតីតអភិបាលខេត្តកណ្តាល ផៃ ប៊ុនឈឿន សុទ្ធតែកំពុងកាន់តំណែងក្នុងរាជការ appeared first on .

លោក តាំង ម៉េងលាន អភិបាលរងខេត្តកណ្ដាលបាន​ឲ្យ​ដឹង​ថា ការរៀបចំវេទិកានេះគឺមានគោលបំណងបង្កើនការយល់ដឹងដល់​យុវជន​ពី​មូលដ្ឋានលើទិដ្ឋភាពទូទៅពី​សុវត្ថិភាពចំណីអាហារ។

លោក​អភិបាល​រង​ខេត្ត​បាន​ឲ្យ​ដឹង​ថា តាម​រយៈ​ការ​ចូលរួម​ផ្សព្វផ្សាយ​នេះ​នឹង​ជួយ​ឲ្យប្រជាពលរដ្ឋទូទៅផ្លាស់ប្ដូរឥរិយាបថមកទទួលទានអាហារ ដែលមានសុវត្ថិភាពនិងអាហារដែលមានសារជាតិចិញ្ចឹមគ្រប់គ្រាន់និងចម្រុះមុខដូចជា បន្លែ ផ្លែឈើស្រស់ ត្រី សាច់ និងស៊ុតដើម្បីឱ្យរាងកាយលូតលាស់បានល្អមានសុខភាពល្អនិងបង្កើនប្រសិទ្ធភាពការងារផងដែរ។

លោក សុខ ស៊ីឡូ អគ្គលេខាធិការនៃក្រុមប្រឹក្សាស្ដារអភិវឌ្ឍន៍កសិកម្មនិងជនបទមានប្រសាសន៍ថា អាហារគ្មានសុវត្ថិភាពបានបង្កការគំរាមកំហែងដល់សុខភាពជាសកល ហើយបង្កគ្រោះថ្នាក់ដល់មនុស្សគ្រប់គ្នាផងដែរ។ ទារក កុមារតូចៗ ស្ត្រីមានផ្ទៃពោះ មនុស្សចាស់និងមនុស្សដែលមានជំងឺប្រចាំកាយគឺងាយរងគ្រោះជាមួយនឹងបញ្ហាសុវត្ថិភាពចំណីអាហារនេះ ។

អង្គការសុខភាពពិភពលោក ក៏បានក្រើនរំលឹកផងដែរថាជារៀងរាល់ឆ្នាំមានកុមារជាង 220 លាននាក់កើតជំងឺរាគរូសហើយកុមារជាង 96 ពាន់នាក់បានស្លាប់ដោយសារបញ្ហាសុវត្ថិភាពចំណីអាហារ។

លោក សុខ ស៊ីឡូ បាន​លើក​ពី​គ្រោះថ្នាក់​នៃ​ចំណីអាហារគ្មានសុវត្ថិភាព បានបង្កើតវដ្តដ៏កាចសាហាវនៃជំងឺរាគរូសនិងបញ្ហាកង្វះអាហារូបត្ថម្ភដែលគំរាមកំហែងដោយស្ថានភាពរបស់ជនងាយរងគ្រោះបំផុត៕

The post ខេត្តកណ្តាល​ រៀបចំ​វេទិកា​បបញ្រ្ជាប​ការ​យល់​ដឹង​ពី​សុវត្ថិភាព​ចំណីអាហារ appeared first on .

ក្នុងនោះក៏ឃើញមានព្រះសង្ឃមួយអង្គ ទទួលបានការនិមន្តពីអ្នកឧកញ៉ា គិត ម៉េង ដើម្បីទទួលការចាក់សាំងការពារជំងឺកូវីដ១៩ ស៊ីណូវ៉ាក់ ដែលនិមន្តមកពីវត្តក្បាលកោះអន្លង់ចិន ក្រុងតាខ្មៅ ខេត្តកណ្តាល ព្រះនាម ឃីន ជីន ជាចៅអធិការវត្ត។

អ្នកឧកញ៉ា គិត ម៉េង បានថ្លែងថា “ខ្ញុំពិតជាមានមោទនភាពណាស់ដែលសមាជិករបស់គ្រួសារ រ៉ូយ៉ាល់គ្រុប ជាច្រើនបានស្ម័គ្រចិត្ត ទទួលវ៉ាក់សាំងបង្ការ និងធ្វើជាគំរូដ៏ល្អមួយសម្រាប់សហគមន៍។ នៅក្នុងស្ថានភាពបច្ចុប្បន្ននេះ យើងត្រូវជឿជាក់ និងការពារខ្លួនយើងនិងក្រុមគ្រួសាររបស់យើងពីវីរុស តាមរយៈវ៉ាក់សាំងបង្ការដែលត្រូវបានផ្តល់ឲ្យដោយរដ្ឋាភិបាល”។ 

អ្នកឧកញ៉ាបានប្រាប់ថា “យើងទាំងអស់គ្នាពិតជាមានសំណាងណាស់ដែលអាចទទួលបានវ៉ាក់សាំងបានយ៉ាងលឿន ដោយសារកិច្ចខិតខំរបស់រាជរដ្ឋាភិបាល ជាពិសេស សម្តេចតេជោ ហ៊ុន សែន និងក្រសួងសុខាភិបាល”៕

The post អ្នកឧកញ៉ា គិត ម៉េង និមន្តព្រះសង្ឃមួយអង្គមកទទួលការចាក់វ៉ាក់សាំងកូវីដ១៩នៅសណ្ឋាគារ កាំបូឌីយ៉ាណា appeared first on .