ស្រុកចំនួន៤ ក្នុងខេត្តកណ្ដាលត្រូវបានកំណត់ជាតំបន់ប៉ូលសេដ្ឋកិច្ច

កូនចៅឧកញ៉ា — Thu, 20 Feb 2020 02:28:04 +0000

ស្រុកចំនួន៤ ក្នុងខេត្តកណ្ដាលត្រូវបានកំណត់ជាតំបន់ប៉ូលសេដ្ឋកិច្ចក្នុងការអនុវត្តគម្រោងគាំទ្រនិរន្តភាពហេដ្ឋារចនាសម្ព័ន្ធជនបទ ដើម្បីទីផ្សារកសិករ និងពាណិជ្ជូបនីយកម្មកសិកម្ម (SAAMBAT) ខេត្តកណ្ដាល។ នេះបើតាមប្រសាសន៍ លោកស្រី ជី ថាវី ប្រធានមន្ទីរអភិវឌ្ឍន៍ជនបទខេត្តកណ្ដាល បានថ្លែងដូចនេះនៅនៅក្នុង កិច្ចប្រជុំពិភាក្សាពិគ្រោះយោបល់កំណត់តំបន់ប៉ូលសេដ្ឋកិច្ច សម្រាប់អនុវត្តគម្រោងគាំទ្រនិរន្តរភាពហេដ្ឋារចនាសម្ព័ន្ធជនបទ ដើម្បីទីផ្សារកសិករ និងពាណិជ្ជូបកម្ម កសិកម្ម (SAAMBAT) ខេត្តកណ្តាល ក្រោមវត្តមានលោក តាំង ម៉េងលាន អភិបាលរងខេត្តកណ្ដាល នាព្រឹកថ្ងៃទី១៧ ខែកុម្ភៈ ឆ្នាំ២០២០ នៅមន្ទីរអភិវឌ្ឍន៍ជនបទខេត្តកណ្ដាល។

លោកស្រី ជី ថាវី បានបន្ថែមថា ការកំណត់ស្រុកចំនួន៤ ជាតំបន់ប៉ូលសេដ្ឋកិច្ច ក្នុងការអនុវត្តគម្រោងគាំទ្រនិរន្តរភាពហេដ្ឋារចនាសម្ព័ន្ធជនបទ ដើម្បីទីផ្សារកសិករ និងពាណិជ្ជូបនីយកម្មកសិកម្ម (SAAMBAT) ខេត្តកណ្ដាល មានស្រុកខ្សាច់កណ្ដាល ស្រុកមុខកំពូល ស្រុកស្អាង និងស្រុកពញាឮ ហើយគម្រោងនេះគឺផ្ដោតសំខាន់ទៅលើហេដ្ឋារចនាសម្ព័ន្ធផ្លូវជាសំខាន់ ដោយកែប្រែពីផ្លូវកំទេចថ្ម ផ្លូវដីស ផ្លូវគ្រួសក្រហម ទៅជាផ្លូវបេតុង និងផ្លូវកៅស៊ូDBST។ ក្នុងនោះស្រុកខ្សាច់កណ្ដាល ទទួលបាន១១គម្រោង ស្មើ៣១.៣៦គីឡូម៉ែត្រ ស្រុកមុខកំពូល ទទួលបាន០២គម្រោង ស្មើ១៥.២០គីឡូម៉ែត្រ ស្រុកស្អាង ទទួលបាន១៣គម្រោង ស្មើ៥៩.១២គីឡូម៉ែត្រ និងស្រុកពញាឮ ទទួលបាន៦គម្រោង ស្មើ៣០.៦៥គីឡូម៉ែត្រ។

បន្ថែមលើនេះលោក តាំង ម៉េងលាន អភិបាលរងខេត្តកណ្ដាលបានប្រសាសន៍ថា គម្រោងគាំទ្រនិរន្តភាពហេដ្ឋារចនាសម្ព័ន្ធជនបទ ដើម្បីទីផ្សារកសិករ និងពាណិជ្ជូបនីយកម្មកសិកម្ម (SAAMBAT) ពិតជាមានសារៈសំខាន់ណាស់ សម្រាប់ប្រជាលរដ្ឋ ព្រោះវាបានសម្រួលដល់ការធ្វើដំណើរ និងការដឹកកសិផលរបស់ប្រជាពលរដ្ឋនៅក្នុងមូលដ្ឋាន ទៅកាន់ទីផ្សារ និងបានចូលរួមក្នុងការកាត់បន្ថយភាពក្រីក្រជូនប្រជាពលរដ្ឋផងដែរ។

លោកបានស្មើដល់ក្រុមការងារ ត្រូវធ្វើការសិក្សាគម្រោងឱ្យបានល្អ ហើយត្រូវគិតពីផលប៉ះពាល់របស់ប្រជាពលរដ្ឋ និងត្រូវអនុវត្តទៅលើគម្រោងណាដែលមានអាទិភាព និងមានផ្លូវវែងមុន ព្រោះថា ផ្លូវនេះមិនត្រឹមតែសម្រាប់ប្រជាពលរដ្ឋក្នុងមូលដ្ឋាផ្ទាល់ប្រើប្រាស់នោះទេ តែសម្រាប់ប្រជាពលរដ្ឋដែលមកពីស្រុកផ្សេង និងខេត្តផ្សេងផងដែរ៕

The post ស្រុកចំនួន៤ ក្នុងខេត្តកណ្ដាលត្រូវបានកំណត់ជាតំបន់ប៉ូលសេដ្ឋកិច្ច appeared first on .

រោងចក្រតម្លៃ ២,៥ លានដុល្លារអាមេរិកនឹងបើកនៅខេត្តកណ្ដាល

កូនចៅឧកញ៉ា — Wed, 29 Jan 2020 02:02:07 +0000

តាមសំណើសុំវិនិយោគលើគម្រោងបង្កើតរោងចក្រកាត់ដេរ និងចាក់សម្លៀកបំពាក់របស់ក្រុមហ៊ុន “KNITERACY ASIA COMPANY LIMITED” គណៈកម្មាធិការវិនិយោគ កម្ពុជានៃក្រុមប្រឹក្សា អភិវឌ្ឍន៍កម្ពុជា បានសម្រេចចេញ “វិញ្ញាបនប័ត្រចុះបញ្ជីជាស្ថាពរ” ជូនដល់ក្រុមហ៊ុនខាងលើ។

គម្រោងវិនិយោគនេះមានទីតាំងវិនិយោគស្ថិតនៅភូមិព្រៃខ្លា ឃុំក្រាំងម្កាក់ ស្រុកអង្គស្នួល ខេត្តកណ្តាល មានទុនវិនិយោគប្រមាណ ២,៤លានដុល្លារអាមេរិក និងអាចបង្កើតការងារបានចំនួន ១.០២៦កន្លែង។

The post រោងចក្រតម្លៃ ២,៥ លានដុល្លារអាមេរិកនឹងបើកនៅខេត្តកណ្ដាល appeared first on .

ខេត្ត កណ្ដាល

ស្រុកចំនួន៤ ​ក្នុង​ខេត្ត​កណ្ដាល​ត្រូវ​បាន​កំណត់​ជា​តំបន់​ប៉ូល​សេដ្ឋកិច្ច ​

រោងចក្រ​តម្លៃ​ ២,៥ លាន​ដុល្លារ​អាមេរិក​នឹង​បើក​នៅ​ខេត្ត​កណ្ដាល​

ស្រុកចំនួន៤ ក្នុងខេត្តកណ្ដាលត្រូវបានកំណត់ជាតំបន់ប៉ូលសេដ្ឋកិច្ច

រោងចក្រតម្លៃ ២,៥ លានដុល្លារអាមេរិកនឹងបើកនៅខេត្តកណ្ដាល