ដូចមហាជនបានឃើញស្រាប់ហើយថា មួយរយៈពេលមុនអតីតារាសម្តែងរៀមច្បងលោក ច័ន្ទ រិទ្ធមេធានី បានប្រកាសថាខ្លួនមានជំងឺនិងស្វែងរកជំនួយដើម្បីដោះស្រាយជីវភាព ព្រោះខ្លួនមិនអាចចេញទៅរត់ផាស់អេបដូចមុនបានទេ ។ ទន្ទឹមនិងការប្រកួតសុំជំនួយបែបនេះក៏មានសប្បុរសជនមួយចំនួនបានជួយជាហូរហែ ក្នុងនោះកំពូលតារាចម្រៀងលោក ខេមរៈ សិរីមន្ត ក៏បានផ្តល់ជាថវិការនិងសំភារៈខ្លះៗជូនដល់លោក ច័ន្ទ រិទ្ធមេធានី ផងដែរ ។

កំពូលតារាចម្រៀង ខេមរៈ សិរីមន្ត បានរៀបរាប់ប្រាប់ថា « ដោយក្តីគោរពស្រឡាញ់ចំពោះសិល្បកររៀមច្បង ច័ន្ទ រិទ្ធមេធានិ ដែលបងមានបញ្ហាសុខភាព និងបញ្ហាជីវភាព ប្អូនចូលរួមជូនថវិការ និង សំភារៈខ្លះៗជូនបង ដោយស្រាយបញ្ហាជីវភាពបានមួយរយៈដែរ បើបងប្អូនសិល្បៈករណាចង់ជួយគាត់អាចជួយបានក្នុងនាមជាខ្មែរដូចគ្នា » ។
បន្ទាប់ពីឃើញពីសកម្មភាពរបស់កំពូលតារាចម្រៀង ខេមរៈ សិរីមន្ត បែបនេះ បានធ្វើឱ្យមហាជនជាច្រើនផ្ទុះការសរសើរនូវទង្វើរដ៏ល្អរបស់លោកចំពោះអ្នកមានជីវភាពខ្វះខាត ។

គួរបញ្ជាក់ផងដែរថា នេះមិនមែនជាលើកទី១នោះទេដែលកំពូលតារាចម្រៀងលោក ខេមរៈ សិរីមន្ត តែងតែលេចមុខនៅក្នុងការងារសប្បុរសធម៌និងជួយដល់សិល្បករដែលមានជីវភាពខ្វះខាត កន្លងមកលោកបានជួយសិល្បករជាច្រើនផ្សេងទៀតទៅតាមលទ្ធភាពដែលខ្លួនមាន ។ កំពូលតារាចម្រៀង ខេមរៈ សិរីមន្ត នៅតែអះអាងថា លោកនឹងបន្តជួយដល់សិល្បករឬអ្នកដែលមានជីវភាពលំបាក ទៅតាមសមត្ថភាពរបស់ខ្លួនមាន ៕

ប្រភព៖ https://www.facebook.com/share/v/1AX1qczkaa/

The post ឧកញ៉ាខេមរៈ សិរីមន្ត ផ្តល់ជូនថវិការនិងសំភារៈខ្លះៗដល់រៀមច្បង ច័ន្ទ រិទ្ធមេធានី ដោះស្រាយជីវភាព ! appeared first on .

តាមរយៈទំព័រហ្វេសប៊ុកផ្លូវការរបស់ ឧកញ៉ា ខេមរៈ សេរីមន្ត បានបង្ហោះរូបភាព អមដោយពាក្យពេចន៍មានខ្លឹមសារយ៉ាងដូច្នេះថា៖ “ថ្ងៃនេះទូលព្រះបង្គំខ្ញុំបាទ ពិតជាមានមហាកិត្តិយសបានរួមដំណើរជាមួយនឹងលោកជំទាវ អ្នកឧកញ៉ា ម៉ៅ ចំណាន ប្រធានសមាគមសិល្បករខ្មែរ និងសមាជិកសមាជិកាបានចូលក្រាបថ្វាយបង្គំគាល់ ព្រះករុណាសម្តេចសីហមុនី ជីវិតតម្កល់លើត្បូងនៃព្រះរាជាណាចក្រកម្ពុជា”។

ទន្ទឹមនឹងនោះ សមាគមសិល្បករខ្មែរ ដែលមានអ្នកឧកញ៉ា ម៉ៅ ចំណាន ជាប្រធាន បានចូលក្រាបថ្វាយបង្គំគាល់សម្តែងការគួរសម ព្រមទាំងបាននាំយកមកនូវដង្វាយអង្ករចំនួន ១០តោនថ្វាយចំពោះព្រះករុណាជាអម្ចាស់ជីវិតតម្កល់លើត្បូង សម្រាប់ថ្វាយនូវការចូលរួមដង្ហែតាមព្រះរាជសកម្មភាពមនុស្សធម៌ដ៏ឧត្តុងឧត្តមរបស់ព្រះអង្គ អោយសម្រេចទទួលបានមហាជោគជ័យដ៏ត្រចេះត្រចង់បន្ថែមទៀត។

គួរឲ្យដឹងដែរថា ក្រៅពីមានការចូលរួមពីអ្នកឧកញ៉ា ម៉ៅ ចំណាន ប្រធានសមាគមសិល្បករខ្មែរ និង ឧកញ៉ា ខេមរៈ សេរីមន្ត ក្នុងនោះក៏ឃើញមានដែរនូវវត្តមាន ឧកញ៉ា តាន់ មុនីវណ្ណ ព្រមទាំងសមាជិកសមាជិកាសមាគមសិល្បករខ្មែរ  និងសិល្បករ សិល្បការនីជាច្រើនរូបទៀតសរុបចំនួន ១៨រូប៕

The post ឧកញ៉ា ខេមរៈ សេរីមន្ត អមដំណើរអ្នកឧកញ៉ា ម៉ៅ ចំណាន ចូលក្រាបបង្គំគាល់ព្រះមហាក្សត្រ នៃព្រះរាជាណាចក្រកម្ពុជា appeared first on .