១. ការស្វែងរកដើមទុនបន្ថែម៖ បើអ្នកមានដើមទុនផ្ទាល់ខ្លួនបម្រុងរួចមកហើយវាជារឿងល្អ តែបើអ្នកមិនទាន់មានទេការយកប្រាក់កម្ចីជារឿងមួយដែរអ្នកគួរពិចារណា។ សម័យនេះមានធានាគារ ឬគ្រឹះស្ថានហិរញ្ញវត្ថុ ផ្ដល់ប្រាក់កម្ចីជាច្រើន ជាពិសេសធនាគារសហគ្រាសធុនតូចនិងមធ្យមកម្ពុជា ក៏បានផ្ដល់នូវប្រាក់កម្ចីជាច្រើនសម្រាប់ជួយអាជីវកម្មធុនតូច និងមធ្យមនៅកម្ពុជា ដែលខ្វះធនធានហិរញ្ញវត្ថុ ជាមួយនិងអត្រាការប្រាក់ទាប។ មុននិងអ្នកសម្រេចចិត្តខ្ចីប្រាក់ពីធនាគារណាមួយផ្សេងទៀត អ្នកត្រូវដឹងអោយច្បាស់ថាធនាគារនោះមានការប្រាក់ទាប និងត្រូវតាមសមត្ថភាពដែរអ្នកមាន ជៀសវាងពីការប្រាក់កម្ចីណាដែរមានការប្រាក់ថ្លៃហួសហេតុ។ ពេលដែលបានដើមទុនមកបន្តអាជីវកម្មហើយ អ្នកត្រូវប្រើប្រាស់វាអោយបានល្អ កុំខ្ចីយកមកគ្រាន់តែបើកប្រាក់ខែអោយបុគ្គលិក និងចំណាយធម្មតា។

២. ការបន្ថែមសេវាកម្ម និងផលិតផល៖ ប្រសិនបើអាជីវកម្មរបស់ អ្នកអាចអោយអ្នកបន្ថែមសេវាកម្ម ឬផលិតផលបាន អ្នកគួរតែសាកល្បងធ្វើវា។ ឧទាហរណ៌ ថាអាជីវកម្មរបស់អ្នកបើកលក់នូវបាយពេលព្រឹក ហើយពេលថ្ងៃ និងពេលល្ងាចអ្នកអាចបើកលក់នូវភេសជ្ជះ និងអាហារផ្សេងៗទៀត ដែរអាចជួយរកប្រាក់ចំណូលអោយអ្នកបានបន្ថែមទៀត។

៣. ការដុះខាតជំនាញបុគ្គលិក និងខ្លួនឯងផ្ទាល់៖ មូលហេតុដែលធ្វើអោយហាងរបស់អ្នកមានអតិថជនតិចជាងបើធៀបទៅ និងគូរប្រកួតអ្នក អាចមកពីសមត្ថភាពបុគ្គលិករបស់អ្នកនៅខ្សោយពេក។ បើហាងរបស់អ្នកកបើលក់នូវសម្លៀកបំពាក់ ឬសម្ភារះប្រើប្រាស់ផ្សេងៗ វាអាចមកពីសេវាកម្មរបស់អ្នកមិនល្អ យឺតយ៉ាវ មិនមានអនាម័យ គ្មានភាពរួសរាយរាក់ទាក់។ល។ ដូច្នេះអ្នកត្រួវមើលពីបុគ្គលិកខ្លូនឯងថាតើមានចំណុចណាខុសឆ្គងដែរឬទេ រួចធ្វើការកែខៃទៅតាមនោះ។

៤. កុំទិញរបស់ស្តុកទុកច្រើន៖ សម្រាប់អ្នកដែរលក់នូវសម្ភារះ និងផលិតផលប្រើប្រាស់ផ្សេងៗ ក្នុងរដូវការកូវីតនេះអ្នកមិនត្រូវទិញផលិតផលស្តុកទុកប្រើនពេកទេ ព្រោះអ្នកមិនដឹងថាថ្ងៃណាតំបន់ណាត្រូវបានបិទ ឬថ្ងៃណាអ្នកត្រូវបានឃុំខ្លួននៅក្នុងផ្ទះ ដូច្នេះមិនត្រូវស្ដុកទុកផលិតផលប្រើនពេកទេ ដែលអាចធ្វើអោយខូចគុណភាព និងធ្វើអោយអ្នកខាតថវិការផងដែរ។

៥. ការប្រើប្រាស់សេវាកម្ម និងដឹកជញ្ជូន៖ សម្រាប់អ្នកដែលលក់ចំណីអាហារ ផលិតផលប្រើប្រាស់ និងលក់សម្លឿកបំពាក់់ អ្នកអាចសាកល្បងដាក់ហាងរបស់អ្នកទៅលើកម្មវិធីដឹងជញ្ជូនដូចជា Food Panda Nham24 និងកម្មវិធីផ្សេងទៀតបាន។ ការធ្វើបែបនេះអ្នកមិនត្រឹមតែបន្ថែមអតិថិជនប៉ុណ្ណោះទេ តែអ្នកក៏អាចធ្វើអោយគេស្គាល់ហាងរបស់អ្នកកាន់តែច្រើនថែមទៀតទោះគេទិញ ឬមិនទិញក៏ដោយ។

The post បើកអាជីវកម្មចំសម័យកូវីដ គ្មានប្រាក់ចំណេញសោះ តើគួរធ្វើដូចម្ដេច? appeared first on .

ដោយឡែក សម្រាប់ថ្ងៃនេះវិញ យើងងាកចាប់អារម្មណ៍ជាមួយបទពិសោធន៍របស់សហគ្រិនដ៏ជោគជ័យមួយរូបទៀត គឺលោក ម៉ៅ វុត្ថា ដែលជាថៅកែលក់បោះដុំត្រីសាលម៉ុនដ៏ធំមួយនៅកម្ពុជា ហើយគាត់នឹងចែករំលែកទាក់ទងនឹងបទពិសោធន៍ ក្នុងការបញ្ចៀសមុខជំនួសរបស់លោក មិនឱ្យជាប់គាំងក្នុងសម័យកូវីដនាពលេបច្ចុប្បន្ន។

សូមចុច Subscribe Telegram oknha_news ដើម្បីទទួលបានព័ត៌មានគ្រប់​សកម្មភាព​ឧកញ៉ា​ អាជីវកម្ម ចែក​រំលែក ជោគជ័យ

ជាក់ស្តែងជុំវិញស្ថានភាពដែលកំពុងប៉ះពាល់ស្ទើតែគ្រប់វិស័យ ដោយសារកូវីដនាពេលបច្ចុប្បន្ននេះ លោក ម៉ៅ វត្ថា ប្រាប់ឱ្យដឹងថា ៖ ចំពោះអាជីវកម្មលក់ត្រីសាលម៉ុនក្នុងស្រុកយើង អំឡុងពេលកូវីដនេះ ក៏រងផលប៉ះពាល់ដូចគ្នាដែរ ដោយអត្រាលក់របស់ក្រុមហ៊ុនលោកថយចុះលើសពី ៥០ ភាគរយ បើធៀបជាមួយនឹងកាលមិនទាន់មានបញ្ហាកូវីដ ។

ជុំវិញបញ្ហាខាងលើ សហគ្រិនបើកក្រុមហ៊ុននាំចូលត្រីសាលម៉ុនស្រស់ពីប្រទេសណរវ៉ែស និងអូស្ត្រាលី រូបនេះសង្កត់ធ្ងន់ថា៖ កត្តាដែលការលក់ត្រីសាលម៉ុនរបស់លោកធ្លាក់ចុះបែបនេះ គឺមិនមែនមកពីខ្វះអ្នកទិញដោយសារអំឡុងកូវីដនេះទាំងស្រុងនោះទេ ប៉ុន្តែមកពីបច្ចុប្បន្នមានក្រុមហ៊ុននាំចូលត្រីសាលម៉ុនមកលក់នៅក្នុងប្រទេសកម្ពុជាយើងមានចំនួនច្រើនគួរសម ហើយរីឯតម្លៃវិញក៏មានការប្រកួតប្រជែងផងដែរ ត្បិតតម្រូវការត្រីសាលម៉ុននៅតែពេញនិយមខ្លាំងសម្រាប់ប្រជាជនយើង ។

មួយវិញទៀតទាក់ទងនឹងការដឹកជញ្ចូនតាមជើងយន្តហោះគឺមិនសូវមានច្រើនដូចមុននោះទេ ដោយសារកូវីដ ស្របពេលមានឈ្មួញមួយចំនួ​ន ពួកគាត់ទិញត្រីសាលម៉ុនពីប្រទេសជិតខាង ដោយមិនបានបង់ពន្ធជូនរដ្ឋត្រឹមត្រូវ ជាហេតុធ្វើឱ្យតម្លៃមានការប្រកួតប្រជែងគ្នាខ្លាំង។

លើសពីនេះលោក ម៉ៅ វត្ថា បានបន្ថែមទៀតថា តម្លៃបង់ពន្ធក្នុងការនាំចូលប្រភេទត្រីនេះក៏មានចំនួនខ្ពស់ខ្លាំងផងដែរ បើធៀបជាមួយប្រទេសជិតខាង ។

យ៉ាងណា សម្រាប់ដំណោះស្រាយ អាចនិយាយបានគឺយើងត្រូវមានភាពបត់បែន ធ្វើការព្យាករណ៍ និងត្រៀមខ្លួនទុកជាមុនពីផលប៉ះពាល់ ដោយបង្កើតអាជីវកម្មប្រភេទណា ដែលចំតាមតម្រូវការទីផ្សារក្នុងស្ថានភាពនេះ និងបង្កើនការប្រកួតប្រជែង ផ្តល់ភាពងាយស្រួលលើផ្នែកសេវាកម្មរបស់ខ្លួន ៕

អត្ថបទ៖ Phath Phanneth

The post ថៅកែបោះដុំត្រីសាលម៉ុននៅស្រុកខ្មែរ ប្រាប់បទពិសោធន៍ទប់អាជីវកម្មកុំឱ្យដួលក្នុងវិបត្តិកូវីដ appeared first on .

អ្នកមានបទពិសោធ៍លើកឡើងគោលគំនិត​ ៥ ចំណុច សម្រាប់​អ្នក​ចង់​សាកល្បង​ចេញ​រកស៊ី​។ ឧកញ៉ាញូស៍​សូម​លើក​យក​នូវ​គន្លឹះ​ ៥ ដែល​ចម្រាញ់​ឡើង​ដោយ​លោក Baruch Silvermann ស្ថាបនិក The Smart Investor សម្រាប់​អ្នក​ចង់​ចេញ​រកស៊ី​ថ្មីថ្មោង៖

សូមចុច Subscribe Telegram oknha_news ដើម្បីទទួលបានព័ត៌មានគ្រប់​សកម្មភាព​ឧកញ៉ា​ អាជីវកម្ម ចែក​រំលែក ជោគជ័យ

1/ ត្រូវ​មាន​ភាព​ជឿជាក់​លើ​ខ្លួនឯង

ចំណុច​នេះ​គឺ​ជា​ចំណុច​សំខាន់​បំផុត​មួយ ប្រសិនបើ​អ្នក​ពិតជា​ចង់​ក្លាយ​ជា​អ្នកជំនួញ​ជោគជ័យ​មួយ​រូប ដ្បិត​រាល់​បុគ្គល​ជោគជ័យ​ផ្នែក​ជំនួញ​តែង​មាន​គោលគំនិត​ថា អ្នក​ត្រូវ​តែ​មាន​ជំនឿ​ចិត្ត​លើ​ខ្លួនឯង។

ត្រូវ​ព្យាយាម​សិក្សា​ឲ្យ​ច្បាស់​ពី​អាជីវកម្ម​ដែល​អ្នក​ចង់​រកស៊ី និង​សួរ​ខ្លួនឯង​ថា ហេតុអ្វី​បាន​ជា​អ្នក​ស្រឡាញ់​គំនិត​អាជីវកម្ម​មួយ​នោះ។ ដើម្បី​អាច​សម្រេច​គោលដៅ និង​ចាប់ផ្ដើម​អាជីវកម្ម​បាន​ អ្នក​គួរ​គប្បី​មាន​ទំនុកចិត្ត​លើ​ខ្លួនឯង​ជាមុន​សិន។

2/ កំណត់​គោលដៅ​ដែល​អាច​សម្រេច​ទៅរួច​

ការ​ដែល​មាន​គោលដៅ​ជាក់លាក់​ វា​រឹតតែ​ធ្វើ​ឲ្យ​អាជីវកម្ម​របស់​អ្នក​កាន់​តែ​ឆាប់​ឃើញ​ផ្លែផ្កា។ ការ​កំណត់​គោលដៅ​អាច​មាន​ដូចជា កំណត់​ចំនួន​លក់​ប្រចាំ​សប្ដាហ៍ ឬ​អាច​ជា​ផែនការ​អាជីវកម្ម​ជា​ដើម។ ជា​ឧទាហរណ៍ អ្នក​អាច​ធ្វើ​ការ​កំណត់​ចំនួន​ទឹកប្រាក់​ពី​វិនិយោគិន ស្វែងរក​ទីតាំង​អាជីវកម្ម កំណត់​ចំនួន​ប្រាក់ចំណេញ​នៅ​ ៣ ខែ​ដំបូង និង​ចំនួន​លក់​ប្រចាំ​ខែ​ជាដើម។

ចំណុច​សំខាន់​មួយទៀត​នោះ​ គឺ​នៅ​ពេល​អ្នក​រៀបចំ​គម្រោង អ្នក​គួរ​តែ​មាន​ពេលវេលា​កំណត់​ច្បាស់លាស់ (Deadline) មួយ​ ព្រោះ​ការ​ធ្វើ​បែប​នេះ​អាច​ឲ្យ​អ្នក​ដឹង​ថា​ អ្នក​អាច​កំណត់​គោលដៅ​បាន​ទាន់​ពេលវេលា​ ឬ​ទេ ហើយ​ប្រសិនបើ​មិនទាន់ អ្នក​អាច​រក​ដំណោះស្រាយ​ផ្សេងៗ​បាន​បន្ថែម។

3/ កត្តា​មនុស្ស​ជុំវិញ​ខ្លួន

​ការ​ដែល​មាន​ទំនុក​ចិត្ត​លើ​ខ្លួនឯង គឺជា​រឿង​សំខាន់​បំផុត​មួយ តែ​កត្តា​មនុស្ស​ជុំវិញ​ខ្លួន​ក៏​ជា​រឿង​ដែល​មិន​អាច​មើល​រំលង​បាន​ដែរ។ ប្រសិនបើ មនុស្ស​ជុំវិញ​ខ្លួន​អ្នក គឺ​ជា​មនុស្ស​ដែល​មាន​សុទិដ្ឋិនិយម​ល្អៗ​ ចេះ​ផ្ដល់​យោបល់​ប្រសើរៗ នោះ​វា​កាន់​តែ​ផ្ដល់​ផល​ល្អ​ដល់​អាជីវកម្ម​អ្នក​កាន់តែ​ខ្លាំង។

សាក​ស្រមៃ​មើល គ្រាន់តែ​គិត​ដល់​គំនិត​អាជីវកម្ម​មួយៗ គឺ​ធ្វើ​ឲ្យ​យើង​ហត់នឿយ​ម្ដងៗ​ទៅ​ហើយ ចុះ​ទម្រាំតែ​ចាប់ផ្ដើម​មែនទែន ហើយ​គ្មាន​អ្នកគាំទ្រ​ទៀត អាជីវកម្ម​មិនទាន់​ទៅមុខ​ផង អាជីវករ​ដួល​មុន​បាត់​ទៅ​ហើយ។

ដូច្នេះ​ហើយ​កត្តា​មនុស្ស​ជុំវិញ​ខ្លួន​ក៏​ជា​ចំណែក​សំខាន់​មិនអាច​ខ្វះ​បាន​ដូច​គ្នា ហើយ​ពួកគេ​គឺ​អាច​ជា ឪពុក​ម្ដាយ​ ប្ដី/ប្រពន្ធ មិត្តភក្ដិ ដៃគូ​អាជីវកម្ម ឬក៏​សមាជិក​គ្រួសារ​ដទៃ​ដូចជា​ ពូ​ មីង​ជាដើម។

4/ ត្រូវ​ចេះ​ត្រៀម​ខ្លួន​ទទួល​យក​បញ្ហា

មុន​ចាប់ផ្ដើម​អាជីវកម្ម អ្នក​គួរគប្បី​ត្រៀម​កម្លាំងកាយ​ កម្លាំងចិត្ត​ទប់ទល់​បញ្ហា​ដែល​នឹង​កើត​មាន​ឡើង នា​ពេល​អនាគត ដ្បិត​ការ​រកស៊ី​គឺ​មិនមែន​ចេះ​តែ​ចំណេញ​ឡើយ។

អ្នក​គួរ​ណាស់​ត្រៀម​រៀបចំ​ទុកមុន​ នូវ​គម្រោង​ផ្សេងៗ​សម្រាប់​អាជីវកម្ម​របស់​អ្នក​ ដូចជា​ យុទ្ធសាស្ត្រ​តម្លៃ​ទីផ្សារ ការ​ធ្វើ​ពាណិជ្ជកម្ម និង​ជា​ពិសេស​គឺ​ការ​ធ្វើ​វិភាគ​ទីផ្សារ។

5/ ចាប់ផ្ដើម​ពេល​ត្រៀម​ខ្លួន​រួចរាល់

ជាចុងក្រោយ គឺ​ធ្វើ​តាម​ផែនការ​ដែល​បាន​គ្រោងទុក នៅពេល​ដែល​អ្នក​គិតថា​វា​គួរ​ដល់​ពេល​សម​ល្មម​សម្រាប់​ដំណើរ​អាជីវកម្ម​របស់​អ្នក​អាច​លេចចេញ​ជា​រូបរាង។

ពេល​ខ្លះ​អ្នក​ក៏​គួរ​តែ​ប្រថុយ និង​ដើរ​តាម​បេះដូង​របស់​អ្នក​ដែរ តែ​ក៏​មិន​គួរ​ប្រថុយ​ទាំងស្រុង​ពេក គឺ​សាកល្បង​បន្តិច​ម្ដងៗ ហើយ​ត្រូវ​ចាំ​ថា ត្រូវ​ចេះ​បន់​បែន​តាម​កាលៈទេសៈ​ ព្រោះ​ថា​គម្រោងការ​គឺ​អាច​ផ្លាស់ប្ដូរ​បាន​តាម​ក្រោយ។

កុំ​ទន្ទឹង​រង់ចាំ​យូរ​ពេក​ក្នុង​ការ​ធ្វើ​អាជីវកម្ម គួរ​ប្រមូល​កម្លាំងចិត្ត ចាប់​ផ្ដើម​អាជីវកម្ម​ពី​ចំណុច​តូច ហើយ​ព្យាយាម​ឈាន​ទៅ​ដល់​គោលដៅ​ដែល​អ្នក​បាន​ដាក់​តាំងពី​រៀប​ផែនការ​ពី​ដំបូង​​ដោយ​ សន្សឹមៗ៕

ប្រភព: Smallbusiness

The post ចង់​ចេញ​រកស៊ី បើ​ខ្វះ​ ៥ ចំណុច​នេះ កុំ​ចង់​សាក​ល្បង​អី​​ ទៅមុខ​មិន​រួច​ទេ ខាត​​ទាំង​ពេល ខាត​​ទាំងលុយ appeared first on .