លោកឧកញ៉ា បានរៀបរាប់យ៉ាងដូច្នេះថា៖ “ត្រូវការទិញដី តំលៃល្អ ដែលមានប្លង់រឹង ទំហំ ៣០០ហិចតា នៅផ្លូវជាតិលេខ ៥១ បើបងប្អូនមានដីផ្ទាល់ខ្លួន ចង់លក់បន្ទាន់ អាចទាក់ទងមកខ្ញុំបាន។”

ហេតុដូច្នេះ សម្រាប់បងប្អូន ជាម្ចាស់ដីផ្ទាល់ខ្លួន ឬភ្នាក់ងារទិញលក់អចលនទ្រព្យ ដែលកំពុងមានដីត្រូវនឹងលក្ខខណ្ឌ ដូចដែលឧកញ៉ា ម៉េន កានី កំពុងត្រូវការអាចទាក់ទងបាន តាមរយៈហ្វេសប៊ុកផ្ទាល់របស់គាត់បាន។

គួរបញ្ជាក់ថា ក្រៅពីគម្រោងបុរី GM នៅម្ដុំផ្លូវ ៥១ និងគម្រោងផ្សេងៗទៀត លោកឧកញ៉ា ម៉េន កានី និងដៃគូវិនិយោគ បច្ចុប្បន្នក៏កំពុងតែបន្តស្វែងរកទីតាំងដីជាច្រើនកន្លែងទៀត ដើម្បីអភិវឌ្ឍន៍អចលនទ្រព្យ ដូចជាសាងសង់លំនៅឋានជាដើម។

The post ឧកញ៉ា ម៉េន កានី ប្រកាសស្វែងរកទិញដីប្លង់រឹងទំហំ ៣០០ហិចតា ម្ដុំផ្លូវជាតិលេខ ៥១ appeared first on .

មានការដិតដាម និងដក់ជាប់នូវផ្នត់គំនិតគុណធម៌ទាំងអស់នេះហើយ ទើបជំរុញឱ្យលោក ឧកញ៉ា ម៉េន កានី អគ្គនាយកក្រុមហ៊ុន GM TRADING CO.LTD និងជាស្ថាបនិកគម្រោង បុរី GM ផ្លូវ 51 បានសាងសង់ផ្លូវប៉េតុងក្នុងសាលាមួយខ្សែ ជាការសម្ដែងការដឹងគុណ ជូនលោកគ្រូអ្នកគ្រូ និងសាលាបឋមសិក្សាបឹងប្រីយ៍ ដែលជាគ្រឹះស្ថានអប់រំទី១ ផ្ដល់ចំណេះដឹងដល់លោកឧកញ៉ា កាលពីកុមារភាព។  

ក្នុងពិធីកាត់ខ្សែបូរ បើកការរដ្ឋានសាងសង់ផ្លូវប៉េតុងមួយខ្សែប្រវែង 76ម៉ែត្រ នៅសាលាបឋមសិក្សាបឹងប្រីយ៍ លោកឧកញ៉ា ម៉េន កានី បានរៀបរាប់យ៉ាងដូច្នេះថា៖ “អគុណលោកគ្រូអ្នកគ្រូនៅសាលាបឋមសិក្សាបឹងប្រីយ៍ នៅសង្កាត់ពន្សាំងមួយនេះ ដែលផ្តល់ចំណេះដឹងកាលពីជិត 30ឆ្នាំមុន។  មិនមានអ្វីសងគុណក្រៅពីពាក្យថា អគុណដល់លោកគ្រូអ្នកគ្រូ និងភ្ជាប់ជាមួយផ្លូវប៉េតុងប្រវែង76ម៉ែត្រ ក្នុងសាលាមួយខ្សែនឹងសំភារៈសិក្សាមួយចំនួន។

ក្រៅពីការបរិច្ចាគថវិកាផ្ទាល់ខ្លួនធ្វើបុណ្យ កសាងផ្លូវ ជូនលោកគ្រូអ្នកគ្រូ និងទិញសម្ភារៈសិក្សាមួយចំនួនជូនប្អូនៗ ក្មួយៗ សិស្សានុសិស្សក្នុងសាលាបឋមបឹងប្រីយ៍ហើយ លោកឧកញ៉ា ម៉េន កានី ក៏បានបង្ហោះសារមួយឃ្លាថា “ចង់ប្រាប់ថា សាលារៀនមួយនេះអាចបង្រៀនសិស្សអោយក្លាយជាឧកញ៉ាបាន”។  

កាលពីកុមារភាព អំឡុងឆ្នាំ ១៩៩០ជាង លោកឧកញ៉ា ម៉េន កានី បានសិក្សាថ្នាក់បឋម នៅសាលាបឹងប្រីយ៍ ក្នុងឃុំពន្សាំង ស្រុកអង្គស្នួល ខេត្តកណ្ដាល (បច្ចុប្បន្ន កាត់ទៅជាសង្កាត់ពន្សាំង ខ័ណ្ឌព្រែកព្នៅ រាជធានីភ្នំពេញ)។

កាលគ្រានោះ លោកឧកញ៉ា រំឮកថា គ្រួសារលោកពិតជាមានជីវភាពក្រលំបាកណាស់ សូម្បីតែកង់ក៏គ្មានជិះដែរ។ ជារៀងរាល់ថ្ងៃ កុមារា ម៉េន កានី ត្រូវដើរទៅរៀននៅសាលាបឋមខាងលើ ទាំងទៅទាំងមក ចម្ងាយជិត 8 km ។

ទំនេរពីរៀន រូបលោក គ្មានថ្ងៃសៅរ៍ អាទិត្យទេ រូបលោក ក៏ដូចជាក្មេងៗដទៃទៀតក្នុងភូមិដែរ ត្រូវទៅជួយឃ្វាលគោ ដកស្ទូង ភ្ជួរស្រែ ដាក់មងរកម្ហូបជួយសម្រាលជីវភាពគ្រួសារ។ រឿងរ៉ាវដ៏កម្សត់មួយ ដែលលោក ឧកញ៉ា បានបង្ហើបឱ្យដឹងដែរនោះ កាលពីកុមារភាព ពេលមានបុណ្យទានម្ដងៗ រូបលោកមិនសូវហ៊ានចេញមុខដូចក្មេងដទៃទេ ជាពិសេសកន្លែងណា មានអ្នកមានៗទៅពីភ្នំពេញ ត្បិតខ្លួនជាកូនអ្នកស្រែសុទ្ធ គ្មានខោអាវស្លៀកពាក់ស្អាតបាត និងគ្មានលុយ ពោល គឺលោកខ្មាស់គេមែនទែន មិនសូវហ៊ានចេញមុខចេញមាត់ចូលកម្មវិធីបុណ្យទាន ជួបជុំក្នុងភូមិដូចក្មេងដទៃឡើយ។

ប៉ុន្តែបច្ចុប្បន្ន ឧកញ៉ា ម៉េន កានី អគ្គនាយកក្រុមហ៊ុន GM TRADING CO.LTDនិងជាស្ថាបនិកគម្រោង បុរី GM ផ្លូវ 51 ហើយថ្មីៗខាងមុខ លោកឧកញ៉ា បានបង្ហើបប្រាប់ Oknha News ថាលោកត្រៀមនឹងពង្រីកមុខរបរថ្មីៗមួយចំនួនបន្ថែមទៀតផងដែរ៕

The post ឧកញ៉ា ម៉េន កានី៖ សាលារៀនមួយនេះ បានបង្រៀនសិស្សឱ្យក្លាយជា “ឧកញ៉ា”!​ appeared first on .

ខុសពីសព្វមួយដង ដែលលោកតែងតែ មានពេលវេលាគ្រប់គ្រាន់រៀបចំកញ្ចប់អំណោយសប្បុរធម៌ មានទាំងថវិកា ស្បៀងអាហារ និងគ្រឿងឧបភោគបរិភោគចាំបាច់មួយចំនួនផ្សេងទៀត លើកនេះ ឧកញ៉ា វ័យក្មេង និងជាអគ្គនាយកក្រុមហ៊ុន GM TRADING CO.LTD ថា ការចែកអំណោយបន្តិចបន្ទួច ដោយមិនបានរៀបចំធំដុំដូចរាល់ដង ដូចដែលលោកធ្លាប់ចុះជួយប្រជាពលរដ្ឋខ្វះខាតកន្លងមក ដោយសារតែពេលនោះ លោកអញ្ជើញទៅសួរសុខទុក្ខឳពុកម្ដាយនៅស្រុកកំណើត ហើយក៏ទទួលអ្នកផ្ទះ ប្រាប់ថា ពលរដ្ឋនៅស្រុកភូមិជាច្រើនគ្រួសារកំពុងខ្វះខាត លោកក៏គិតគូចាត់ចែងជាមួយអ្នកផ្ទះធ្វើរឿងនេះភ្លាមៗតែម្ដង។

ឧកញ៉ា ម៉េន កានី បញ្ជាក់ថា៖ “ពេលហ្នឹងខ្ញុំទៅសួរសុខទុក្ខឳពុកម្ដាយខ្ញុំនៅស្រុកដូចរាល់ដង តែពួកគាត់ក៏ប្រាប់ខ្ញុំថា មានអ្នកភូមិយើងមួយចំនួនកំពុងខ្វះខាត អ្នកខ្លះខ្វះខាតដោយសារបញ្ហាកូវីដធ្វើឱ្យប៉ះពាល់ជីវភាព អ្នកខ្លះទៀត ក៏ឈឺថ្កាត់ និងជាប់ចត្តាឡីស័កផ្សេងៗ អ៊ីចឹង ខ្ញុំ និងក្រុមគ្រួសារ ក៏រៀបចាំចាត់ចែងភ្លាមៗទាំងប្រថុចញុច ជួយពួកគាត់បានបន្តិចបន្ទួច ចំនួន ៣៣គ្រួសារ តាមជាក់ស្ដែងហ្នឹងឯង”។

លោកថាការចែកអំណោយជូនបងប្អូនប្រជាពលរដ្ឋខ្វះខាតលើកនេះ មិនជាច្រើនប៉ុន្មានទេ ប៉ុន្តែលោកថា តិច ឬច្រើន មិនសំខាន់ សំខាន់យើងបានចូលរួមធ្វើអំពើល្អក្នុងសង្គម ទៅតាមលទ្ធភាព។ “ហើយនេះក៏មិនមែនជាលើកទី១ដែរ គ្រាន់តែថា ការចែកអំណោយលើកនេះ ខ្ញុំធ្វើទាំងប្រថុចញុច ព្រោះគ្រាន់តែអ្នកផ្ទះប្រាប់ដំណឹងនេះភ្លាម ខ្ញុំចាត់ចែងភ្លាមៗ តាមជាក់ស្ដែងតែម្ដង”។ ឧកញ៉ា ម៉េន កានី បន្ថែម។

អំណោយដែល ឧកញ៉ា ម៉េន កានី ចែកជូនបងប្អូនប្រជាពលរដ្ឋខ្វះខាត ចាស់ជរា និងកុមារ ជាង ៣០គ្រួសារ កាលពីពេលថ្មីៗកន្លងទៅធ្វើឡើងនៅ ភូមិថ្នល់បន្ទាយ សង្កាត់ពន្សាំង ខណ្ធព្រែកព្នៅ រាជធានីភ្នំពេញ។ អំណោយទាំងនោះ រួមមានដូចជា អង្ករមួយបេ និងមីកំប៉ុងមួយយួរ ហើយការចែកជូននេះ ធ្វើឡើងនៅផ្ទះឳពុកម្ដាយលោក ដែលលោកទើបតែសាងសងជូនអ្នកមានគុណកាលពីពេលថ្មីៗកន្លងទៅ។ អំណោយទាំងអស់នោះទៀតសោត ក៏មិនបានធ្វើឡើងឱ្យពេញលេញ ឬចែកផ្ទាល់ដៃជូនពួកគាត់ដូចរាល់ដងដែរ ដោយសារតែចូលរួមទប់ស្កាត់ការឆ្លងរីករាលដាលកូវីដ។

ឧកញ៉ា ម៉េន កានី អគ្គនាយកក្រុមហ៊ុន GM TRADING CO.LTD និងជាម្ចាស់គម្រោងបុរី GM ជាសប្បុរជនមួយរូប ក្នុងចំណោម អ្នកឧកញ៉ា ឧកញ៉ា និងសប្បុរជនផ្សេងៗទៀត ដែលតែងតែចេញមុខ ចំណាយធនធាន ថវិកា ស្បៀងអាហារ និងសម្ភារៈចាំបាច់ផ្សេងៗ ជួយដល់ប្រជាពលរដ្ឋរងការខ្វះខាតក្នុងសង្គមជាហូរហែ ដូចភ្លៀងរលឹម៕

The post គ្រាន់តែអ្នកផ្ទះប្រាប់ដំណឹង ឧកញ៉ា ម៉េន កានី ធ្វើរឿងនេះភ្លាមៗដោយមិនបានព្រាងទុកមុន appeared first on .

ជាមនុស្សម្នាក់ ដែលតែងតែចិញ្ចឹមចិត្ត ចង់ធ្វើអ្វីមួយហើយ ដាក់ចិត្តដាក់កាយ ធ្វើការងារនោះទាល់តែចេញជាលទ្ធផល ឧកញ៉ា ម៉េន កានី អគ្គនាយកក្រុមហ៊ុន GM TRADING CO.LTD បានបង្ហើបពីការប្ដេជ្ញាចិត្តដ៏មុតស្រួចរបស់ខ្លួនឯងថា៖ “ពីមុនខ្ញុំមានគោលគំនិត និងការប្ដេជ្ញាចិត្តថា បើចេញពីស្រុកកំណើត ធ្វើម៉េចចូលស្រុកវិញ ឱ្យមានកំណើត!”។

លោកសង្កត់ធ្ងន់ទៀតថា លោកជាមនុស្សម្នាក់ដែលមានគោលបំណងច្បាស់លាស់ និងការប្ដេជ្ញាចិត្តខ្ពស់ ចំពោះគ្រប់កិច្ចការដែលនឹងត្រូវធ្វើ។ លោកថា បើចេញរកស៊ី ដាច់ខាតត្រូវតែមានបានដូចគេ ហើយពេលមានលុយ មានឡាន មានផ្ទះសំបែងរស់នៅសមរម្យនឹងគេ ទើបវិលត្រឡប់ទៅលេងស្រុកកំណើតវិញ។

យ៉ាងណាមិញ ចរិតលក្ខណៈរបស់អគ្គនាយកក្រុមហ៊ុន GM TRADING CO.LTD រូបនេះ មិនមែនត្រឹមតែជាអ្នកចូលចិត្តចែករំលែកអ្វីដែលខ្លួនមានដល់មនុស្សដទៃជុំវិញខ្លួនប៉ុណ្ណោះទេ លោកក៏ជាមនុស្សម្នាក់ដែល ចូលចិត្តស្ដាប់គេចែករំលែកបទពិសោធន៍ ចំណេះដឹង ជាពិសេសផ្នត់គំនិតធ្វើជំនួញត្រឡប់មកវិញផងដែរ។

ឧកញ៉ា ម៉េន កានី លើកឡើងយ៉ាងដូច្នេះថា៖ “ខ្ញុំចេញប្រឡូកក្នុងសង្គមដំបូងៗ ខ្ញុំចាប់ផ្ដើមរៀនសូត្រពីមនុស្សច្រើន ខ្ញុំចូលចិត្តស្ដាប់ការចែករំលែកពីមនុស្សនៅជុំវិញខ្លួន ដែលពួកគាត់មានមុខជំនួញ មានមុខរបរក្នុងដៃ ជាពិសេសអ្នកដែលមានលុយច្រើនជាងខ្ញុំ ព្រោះធ្វើបែបនេះ ខ្ញុំនឹងមានឱកាសបានរៀនសូត្រពីគាត់”។

“ខ្ញុំបានអានសៀវភៅមួយក្បាល ក្នុងនោះគេនិយាយថា អ្នកឆ្លាតអាចរៀនពីអ្នកល្ងង់បាន តែអ្នកល្ងង់មិនអាចរៀនពីអ្នកឆ្លាតបាននោះទេ។ ពេលនោះហើយ ដែលខ្ញុំតែងតែចំណាយពេលចូលទៅក្នុងចំណោមមនុស្សក្នុងសង្គម ឬការជួបជុំណាមួយ ដូចជាការទៅអង្គុយផឹកកាហ្វេ ញ៉ាំគុយទាវ ស្ដាប់អ្នកមានៗពិភាក្សាគ្នាពីនេះពីនោះ។ ខ្ញុំប្រាកដក្នុងចិត្តថា ពួកគាត់ទាំងអស់នោះ មុខជាមានអ្វីពិសេសហើយ ទើបគាត់អាចក្លាយជាអ្នកមាន ឬអ្នកជំនួញ ដែលមានលុយច្រើនអ៊ីចឹងបាន”។  ឧកញ៉ា ម៉េន កានី បន្ថែម។

និយាយរៀបរាប់បទពិសោធន៍ជីវិតផ្ទាល់ខ្លួន ដោយគ្មានលាក់បាំង លោកប្រាប់ថា៖ មានពេលនោះ លោកមានលុយជាប់ខ្លួនតែ ១៥០០០រៀលទេ តែលោកមានចិត្តក្លាហាន សម្រេចចិត្តចូលទៅហាងផឹកកាហ្វេប្រេនៗ មួយកែវថ្លៃដល់ ៣$ ពេលមកវិញអស់លុយជាប់ខ្លួនក៏មាន។ វត្ថុបំណងតែមួយគត់ ដែលសហគ្រិនវ័យក្មេងរូបនេះ ចិត្តសឿងដាច់ចិត្តបង្ហើយលុយក្នុងហោប៉ៅខ្លួន ដោយមិនគិតពីលទ្ធផលដាច់បាយ គឺដើម្បីបានចូលក្នុងចំណោមបណ្ដុំអ្នករកស៊ីពិភាក្សាគ្នាពីនេះពីនោះ និងបង្កើតឱកាស សុំគេចូលរួមជួបជជែកជាមួយអ្នកមានៗ។

ឧកញ៉ា ម៉េន កានី ថ្លែងថា៖ “និយាយដោយស្មោះត្រង់ អំឡុងពេលនោះ ខ្ញុំជាបុគ្គលិកធ្វើការប្រាក់ខែត្រឹម ២០$ ហើយជួលផ្ទះគេនៅ ដូច្នេះខ្ញុំមិនសមណានឹងហ៊ានចំណាយលុយចូលទៅផឹកកាហ្វេប្រេនថ្លៃដល់ម្លឹងនោះទេ ប៉ុន្តែខ្ញុំទទួលបានឱកាសបានស្គាល់ រាប់អានជាមួយអ្នកមានលុយច្រើនជាងខ្ញុំ”។

ត្រង់ហ្នឹងហើយ ដែលក្នុងសៀវភៅ The Secret បាននិយាយថា you are what you think តាមសេចក្ដីពន្យល់របស់អ្នកនិពន្ធចេញពីសៀវភៅនោះ ឧកញ៉ា ម៉េន កានី បានចែករំលែកថា មនុស្សគ្រប់គ្នាដែលមានទំនោរនៃការគិតបែបណាមួយនោះ ពួកគាត់នឹងហ៊ានលះបង់គ្រប់បែបយ៉ាង ដើម្បីសម្រេចបំណង ក្លាយទៅជាអ្វី ដែលពួកគាត់បានផ្ដោតនោះឯង។ ពេលយើងចង់បានអ្វី ខួរក្បាលរបស់យើងនឹងបញ្ជូនថាមពលមួយមកឱ្យយើង ជាកម្លាំងចលកររុញច្រានយើង ឱ្យចង់ធ្វើការងារនោះ ដោយមិនបោះបង់។

និយាយដល់ចំណុចនេះ ឧកញ៉ា ម៉េន កានី បានរំលឹកពីបទពិសោធន៍ខ្លួនឯងកន្លងមកថា កាលពីមុនដែលលោកនៅមានជីវភាពខ្វះខាត ពេលទំនេរៗ លោកតែងតែទៅអង្គុយផឹកកាហ្វេនៅម្ដុំផ្សារកណ្ដាល ព្រោះនៅទីនោះមានមនុស្សវ័យលើលោកជាច្រើន ដែលពួកគាត់ជាអ្នកមាន ក្រតែខ្ញុំទេ ជិះម៉ូតូតែឯង គេនៅជុំវិញសុទ្ធតែអ្នកជិះឡាន។ ពួកគេជាក្រុមអ្នកមាន មានលុយរាប់សែន រាប់លានដុល្លារ។

“ពេលនោះ ខ្ញុំចាប់ផ្ដើមរៀនសូត្រពីពួកគាត់ ខ្ញុំកត់ត្រាទុក ខ្ញុំ save រឿងល្អៗទាំងនោះទុកក្នុងខួរក្បាល ខ្ញុំចាប់ផ្ដើមហ៊ានសួរគេ សុំស្គាល់រាប់អានគេ ខ្ញុំចាប់ផ្ដើមសុំពួកគាត់ផ្ដល់ឱកាសពីនេះពីនោះជាបន្តបន្ទាប់។ ហើយពេលនោះហើយ ដែលខ្ញុំក៏មានឱកាសចូលប្រឡូកក្នុងវិស័យអចលនទ្រព្យ និងទទួលបានផ្លែផ្ការហូតមកទល់ពេលបច្ចុប្បន្ន”។ នេះបើតាមអ្វី ដែលលោករៀបរាប់។

បច្ចុប្បន្ន ឧកញ៉ា ម៉េន កានី គឺជានាយកក្រុមហ៊ុន ជី-អិម ត្រេឌីង ឯ.ក (GM Trading Co. Ltd) និងជាម្ចាស់គម្រោងបុរី GM នៅម្ដុំផ្លូវ 51 រួមទាំងមានមុខជំនួញជាច្រើនផ្សេងទៀតនៅក្នុងដៃ និងកំពុងប្រតិបត្តិការ ក៏ដូចជារួមចំណែកអភិវឌ្ឍន៍សេដ្ឋកិច្ចប្រទេសជាតិ តាមរយៈការផ្ដល់ការងារជាច្រើនដល់យុវជនខ្មែរ។ កាលពីដើមឆ្នាំ ២០២០ កន្លងទៅ អ្នកជំនួញវ័យក្មេង មានប្រវត្តិតស៊ូក្រាញននៀល មិនចុះចាញ់ផ្ញើអនាគតខ្លួនជាមួយនឹងព្រេងវាសនារូបនេះ បានបោះទុនវិនិយោគធំខ្ទង់លានដុល្លារ ជាមួយកំពូលតារាចម្រៀង ឆាយ វីរៈយុទ្ធ បើកគម្រោងលំនៅឋាន GM ឆាយ វីរៈយុទ្ធ Style Mini Villa ទទួលបានការគាំទ្រយ៉ាងខ្លាំងពីសំណាក់អតិថិជន។

គម្រោងបុរី GM មានទីតាំងស្ថិតនៅតាមបណ្តោយផ្លូវជាតិលេខ51 សាងសង់នៅលើទំហំដីដែលមានទំហំជាង ១៤ ហិចតា មានជាង ១ពាន់ល្វែង។ មានចម្ងាយត្រឹមតែ ២Km ពីផ្សារឧដុង្គ និងផ្លូវជាតិលេខ ៥ ផ្លូវចូលធំទូលាយ ទំហំដល់ទៅ ២៥m ផ្លូវក្នុងគម្រោងមានទំហំខ្នាតធំ(១៣,៥m & ១០m)។ ទីតាំងប្រកបទៅដោយសក្ដានុពល មានចរន្តសេដ្ឋកិច្ច និងមនុស្សរស់នៅអ៊ូអរស្រាប់ ទល់មុខបុរីមានរោងចក្រ ផ្សារ និងមានផ្ទះប្រជាពលរដ្ឋជុំវិញ ឣាចបើអាជីវកម្ម ឬដាក់ជួលតក៏បាន។  

ចំពោះតម្លៃ មានចាប់ពី 19900$ឡើងទៅ។ អតិថិជនបង់ប្រាក់ត្រឹមតែ10% ឬ 30% ក៏ឣាចទិញរស់នៅបាន។ ផ្ទះល្វែងមានសាច់ផ្ទះ 4.3m X 13m សល់ខាងមុខ 4m ខាងក្រោយ1m មានបន្ទប់គេង 2 បន្ទប់ទឹក1 ជាពិសេសអតិថិជនឣាចសាងសង់ឡើងបានថែម 2ជាន់ ទៀត៕

The post ឧកញ៉ា ម៉េន កានី៖ ចេញពីស្រុកកំណើត ធ្វើម៉េចចូលស្រុកវិញ ឱ្យមានកំណើត! appeared first on .