លោក ចៅ សុភៈភិបាល បានឱ្យដឹងថា ក្នុងដំណើរចុះពិនិត្យនោះ ក្រុមការងារចុះពិនិត្យការងារសាងសង់បណ្តាញលូខ្នែង និងខ្នែងរង ស្ថានីយបូមទឹកកខ្វក់ និងតំណភ្ជាប់តាមខ្នងផ្ទះ សម្រាប់កញ្ចប់ការងារ MPWT-CW-6A និង MPWT-CW-9 នៃគម្រោងលើកកម្ពស់ការផ្គត់ផ្គង់ទឹកស្អាត និងអនាម័យ (WaSSIP)។

គួរឱ្យដឹងថា ដំណើរចុះពិនិត្យនេះ ក៏មានការអញ្ជើញចូលរួមពីអង្គភាពគ្រប់គ្រងប្រព័ន្ធចម្រោះទឹកកខ្វក់ខេត្តសៀមរាប ក្រុមការងារទីប្រឹក្សាគម្រោង Consultant CTI Engineering International Co., Ltd JV PPIC Co., Ltd ក្រុមហ៊ុនសាងសង់ China Railway No.2 Engineering Group Co., Ltd និងក្រុមហ៊ុនសាងសង់ Phkay Prek & Jace Korea-Joint Venture និងមន្ត្រីជំនាញបច្ចេកទេសពាក់ព័ន្ធជាច្រើនរូបផងដែរ។

ដំណើរចុះត្រួតពិនិត្យនេះ ធ្វើឡើងក្នុងគោលបំណង ដើម្បីពិនិត្យអំពីវឌ្ឍនភាពការងាររបស់គម្រោង ការងារដំឡើងបណ្តាញលូខ្នែង និងខ្នែងរងទឹកកខ្វក់ ការងារតបណ្តាញលូទឹកកខ្វក់ចូលផ្ទះប្រជាពលរដ្ឋ វឌ្ឍនភាពស្ថានីយបូមទឹកកខ្វក់ថ្មីទាំង២ទីតាំង ខាងលិច និងខាងកើតស្ទឹងសៀមរាប ព្រមទាំងពិនិត្យការងារសាងសង់ផ្លូវបេតុងថ្មីផងដែរ។

សូមជម្រាបជូនថា វឌ្ឍនភាពនៃការអនុវត្តគម្រោងលើកកម្ពស់ការផ្គត់ផ្គង់ទឹកស្អាត និងអនាម័យ (WaSSIP) ក្នុងក្រុងសៀមរាប ខេត្តសៀមរាបតាមកញ្ចប់កិច្ចសន្យារួមមាន៖ ១). កញ្ចប់ MPWT-CW-6A សម្រេចបាន ៩០.៧០% និង ២) .កញ្ចប់ MPWT-CW-9 សម្រេចបាន ៣៧.២២%៕អត្ថបទ៖ហ្សាលីន

The post គម្រោងលើកកម្ពស់ការផ្គត់ផ្គង់ទឹកស្អាត និងអនាម័យ ក្នុងក្រុងសៀមរាប សម្រេចតាមផែនការគ្រោងទុក appeared first on .