ក្នុងដំណើរទស្សនកិច្ចមកកាន់ប្រទេសកម្ពុជានៅពេលនេះ លោក Kim Jin-pyo ប្រធានរដ្ឋសភាកូរ៉េ បានបង្ហាញក្តីសង្ឃឹមថា ស្ពាននេះនឹងជួយរួមចំណែកដល់ការអភិវឌ្ឍរបស់កម្ពុជា និងជានិមិត្តរូបនៃមិត្តភាពកម្ពុជា-កូរ៉េ។

លោកថ្លែងថា៖ ប្រទេសទាំងពីរនឹងបន្តពង្រីក កិច្ចសហប្រតិបតិ្តការឱ្យកាន់តែរឹងមាំ ដើម្បីទាក់ទាញក្រុមហ៊ុនកូរ៉េមកវិនិយោគនៅកម្ពុជា និងបន្តពង្រីកលើវិស័យនានាបន្ថែមទៀត ហើយកិច្ចសហប្រតិបតិ្តការដ៏រឹងមាំរវាងប្រទេសទាំងពីរ នឹងរួមចំណែកដល់សន្តិភាព ស្ថិរភាព និងអភិវឌ្ឍនៅតំបន់អាស៊ានក៏ដូចជាតំបន់មេគង្គផងដែរ។

សូមជម្រាបថា គម្រោងសាងសង់ស្ពានមិត្តភាពកម្ពុជា-កូរ៉េ ដែល តភ្ជាប់ពីតំបន់ផ្សារចាស់ទៅកាន់តំបន់ជ្រោយចង្វារ ពីជ្រោយចង្វារ តភ្ជាប់ទៅកាន់អរិយក្សត្រ រាជរដ្ឋាភិបាលកម្ពុជាគ្រោងនឹងបើក​ការ​ដ្ឋា​ន​សាងសង់ជាផ្លូវការនៅចុងឆ្នាំ២០២៣ ខាងមុខ។

គម្រោងសាងសង់ស្ពានមិត្តភាពកម្ពុជា-កូរ៉េ ត្រូវបានចុះហត្ថលេខារួចហើយ រវាង​រា​ជ​រដ្ឋាភិ​​បាល​កម្ពុជា និង រដ្ឋាភិបាលកូរ៉េ កាលពីថ្ងៃទី០៩ ខែធ្នូ ឆ្នាំ២០២២។ បើ ក្រសួងសាធារណការ និងដឹកជញ្ជូន គម្រោង​សាង​សង់​ស្ពាននេះ នឹងត្រូវចំណាយទឹកប្រាក់ចំនួន ២៤៥,៩០លាន​ដុល្លារ​អាមេរិក៕

The post ជំនួបជាមួយប្រមុខរដ្ឋស្ដីទី ភាគីកូរ៉េបញ្ជាក់ពីការចាប់ផ្តើមសាងសង់ស្ពានភ្នំពេញ-អរិយក្សត្រ ឆាប់ៗនេះ appeared first on .

ថ្លែងក្នុងពិធីបើកការដ្ឋានសាងសង់ ស្ពានអាកាស ចំនួន០២កន្លែងបន្ថែមទៀត ក្នុងរាជធានីភ្នំពេញ កាលថ្ងៃទី៣១ ខែសីហា ឆ្នាំ២០២២ សម្តេច ហ៊ុន សែន បានបញ្ចាក់ថា ការសាងសង់ស្ពានអាកាសនាពេលកន្លងមក នឹងពេលនេះ គឺជាឆ្លើយតបនឹងតម្រូវការរបស់ប្រជាពលរដ្ឋដែលកំពុងមានកំណើនជារៀងរាល់ថ្ងៃ ពិសេសដើម្បីជំរុញកំណើនសេដ្ឋកិច្ចកម្ពុជា។

ក្នុងនោះ សម្តេច បានបញ្ជាក់ដូច្នេះថា«ប្រទេសកម្ពុជា នឹងមានតម្រូវការស្ពានអាកាសចំនួន៣ ទៀត ទី១ ពីភ្នំពេញទៅស្វាយជ្រុំ មិត្តកូរ៉េ នឹងបន្តជួយដល់កម្ពុជា ដែលមានន័យថា ជាស្ពានមិត្តភាពកម្ពុជានិងកូរ៉េ។ ទី២ ស្ពានព្រែកតាកុយ ដើម្បីបង្វាងចរាចរណ៍នេះផ្នែកខាងទន្លេមេគង់។ និងទី៣ កសាងស្ពានមួយទៀត នៅម្តុំព្រែកប្រា កំពុងចរចាជាមួយប្រទេសចិន»។

គួរបញ្ជាក់ដែរថា បច្ចុប្បន្ននៅក្នុងរាជធានីភ្នំពេញ មានស្ពានអាកាសចំនួន ៦ ដែលបានសាងសង់រួចរាល់ និងកំពុងប្រើប្រាស់ រួមមាន៖ ស្ពានអាកាសក្បាលថ្នល់, ស្ពានអាកាស៧មករា ,ស្ពានអាកាសស្ទឹងមានជ័យ, ស្ពានអាកាស៥មករា,ស្ពានអាកាសមិត្តភាព កម្ពុជា-ចិន សែនសុខ ឬហៅថា «ស្ពានអាកាសផ្សារដីហ៊ុយ», ស្ពានអាកាស និងផ្លូវក្រោមដីចោមចៅ។

ជាមួយគ្នានេះ បច្ចុប្បន្នរាជរដ្ឋាភិបាលកម្ពុជា ក៏កំពុងដំណើរការសាងសង់ស្ពានអាកាស១ទៀតដែរ ស្ថិតនៅលើបណ្តោយផ្លូវជាតិលេខ៥ ចំណុចប្រសព្វនៃផ្លូវតភ្ជាប់ពីស្ពានខ្សែកាបឫស្សីកែវ ឆ្លងកាត់ទន្លេសាប ដែលតភ្ជាប់រវាងផ្លូវជាតិលេខ៥ និងទីក្រុងរណបជ្រោយចង្វាផងដែរ។ បូករួមទាំងគម្រោងស្ពានអាកាស២ទៀត គឺ ស្ពានអាកាសស្តុបស៊ិនជូរី និងច្រមុះជ្រូកក្បាលថ្នល់ ដែលបានបើកការដ្ឋាននាថ្ងៃទី៣១ ខែសីហា ឆ្នាំ២០២២ ដូច្នេះរាជធានីភ្នំពេញ នឹងមានស្ពានការសរុប៩ ឆាប់ៗនេះផងដែរ៕

អត្ថបទ៖ រង្សី

The post សម្តេច ហ៊ុន សែន៖កម្ពុជា នឹងសាងសង់ស្ពានអាកាស៣ទៀត ដើម្បីឆ្លើយតបតម្រូវការរបស់ប្រជាពលរដ្ឋ appeared first on .

សម្ដេចតេជោ ហ៊ុន សែន បន្តថា ទេសរដ្ឋមន្ត្រី លោក ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន ទទួលបានការណែនាំឲ្យទៅចរចាជាមួយភាគីចិន អំពីគម្រោងសាងសង់ស្ពានមួយទៀតនៅម្ដុំព្រែកប្រា ដោយស្ពាននេះមានប្រវែង ៨៤៥ម៉ែត្រ និងត្រូវធ្វើជា ៤គន្លង ២គន្លងទៅ និង ២គន្លងមក ដើម្បីកុំឲ្យស្ទះចរាចរណ៍នៅលើស្ពាន។

ជាមួយគ្នានេះ សម្ដេចតេជោ ហ៊ុន សែន ក៏បានបង្កើបថា គម្រោងសាងសង់ស្ពានម្ដុំព្រែកប្រានេះ មានតម្លៃប្រហែលជា ៦០លានដុល្លារអាមេរិក ហើយប្រសិនបើប្រទេសចិនយល់ព្រមជាមួយនឹងគម្រោងនេះ ការដ្ឋាននេះអាចនឹងត្រូវបើកសម្រាប់ឆ្នាំក្រោយ៕

The post គម្រោងស្ពានតម្លៃ ៦០លានដុល្លារ តភ្ជាប់ខណ្ឌមានជ័យ ទៅខណ្ឌច្បារអំពៅ នឹងបើកការដ្ឋានឆ្នាំក្រោយ appeared first on .