គូស្នេហ៍សិល្បៈ

ប្រុសស្អាត អេដវីន កំពុងជាប់ជំពាក់នឹងរឿងរ៉ាវអាស្រូវទាំង ២នេះ ដោះមិនទាន់ចេញ

អ្នកឧកញ៉ាវត្តភ្នំ — Thu, 17 Jun 2021 03:52:09 +0000

តារាសម្តែងប្រុសរូបសង្ហាលោក អេដវីន ពេលនេះបាននិងកំពុងផ្ទុះនូវរឿងរ៉ាវអាស្រូវស្នេហា២ ផ្ទួនៗ ដែលធ្វើឲ្យមហាជននិងអ្នកគាំទ្រភ្ញាក់ផ្អើលខ្លាំង កាលពីថ្ងៃទី១៦ ខែមិថុនា ឆ្នាំ២០២១នេះ។

ចំពោះរឿងរ៉ាវ ដែលកំពុងកើតឡើងលើលោក អេដវីន នោះ គឺករណីទី១. ត្រូវបាននារីជាគូស្នេហ៍ ដែលគេស្គាល់ថាជាអតីតភរិយាម្ចាស់ផលិត កម្មអិលឌី គឺអ្នកនាង សុទ្ធ បញ្ចកា ទម្លាយរឿងហេតុនៃការប្រើហិង្សាវាយដំបណ្តាលឲ្យមានស្នាមជាំពេញខ្លួន។

ករណីនេះបានធ្វើឲ្យមហាជនជាច្រើន សម្តែងការហួសចិត្តនិងរិះគន់យ៉ាងចាស់ដៃ លើតារាប្រុសលោក អេដវីដ ដែលហ៊ានលើកដៃប្រើហិង្សាលើនារីជាគូស្នេហ៍។ យ៉ាងណាមិញ រឿងរ៉ាវនេះកំពុងតែផ្ទុះរីកសាយភាយពេញបណ្តាញសង្គមហ្វេសប៊ុក ខណៈអ្នកនាង សុទ្ធ បញ្ចកា បានទម្លាយជាបន្តបន្ទាប់។

ករណីទី២ ដែលបានកើតឡើងព្រមគ្នានោះ គឺបន្ទាប់ពីមានការទម្លាយរឿងផ្ទុះហិង្សាលើនារីគូស្នេហ៍នោះ ក៏ស្រាប់តែបែកធ្លាយពីទំនាក់ទំនងស្នេហាជាមួយតារាស្រីសិចស៊ី អាណារ៉ូស រហូតឈានដល់ឡើងលើគ្រែជាមួយគ្នាទៀតផង។ ប៉ុន្តែដំណឹងនេះ ត្រូវបានភាគីខាងស្រី អាណារ៉ូ បដិសេធន៍ថាជារឿងមិនពិត។

ទាក់ទងរឿងដ៏រសើបខាងលើនេះកម្ពុជាថ្មី នៅរសៀលថ្ងៃទី១៦ ខែមិថុនា ឆ្នាំ២០២១នេះ មិនទាន់អាចស្វែងរកការបកស្រាយពីលោក អេដវីន បាននៅឡើ យទេចំពោះរឿងហេតុទាំងពីរ។ ខណៈមានទស្សនិកជនជាច្រើន បានរិះគន់ដោយមិនសំចៃមាត់លើតារាប្រុសរូបនេះ៕ ប្រភព៖ កម្ពុជាថ្មី

The post ប្រុសស្អាត អេដវីន កំពុងជាប់ជំពាក់នឹងរឿងរ៉ាវអាស្រូវទាំង ២នេះ ដោះមិនទាន់ចេញ appeared first on .

តារាស្រី មានមុខស្រដៀងជំទាវ ស្រីតូច ចំណាន រៀបការជាមួយឯកឧត្ដមវ័យក្មេងម្នាក់ ដែលសមាជិកក្រុមលេខាសម្ដេចអគ្គមហាសេនាបតីតេជោ ហ៊ុន សែន

កូនចៅឧកញ៉ា — Fri, 21 Feb 2020 03:48:54 +0000

កញ្ញាឯកធម្មជាតិ ទេព ម៉ាយ៉ារ៉ែត ដែលល្បី មានមុខស្រដៀងជំទាវ ស្រីតូច ចំណាន បានសម្រេចចិត្តរៀបការហើយ កាលពីម្សិលមិញនេះ ដោយស្វាមី របស់អ្នកនាងត្រូវបានគេដឹងថា មានឋានៈជាឯកឧត្ដមថែមទៀតផង។

អាពាហ៍ពិពាហ៍របស់ពួកគេ បានធ្វើឡើងនៅ វិមានសែនសុខ ក្រោយវត្តមានភ្ញៀវកិត្តិយស មានឋានៈជាឯកឧត្ដម ជំទាវ ព្រមទាំងអ្នកសិល្បៈល្បីជាច្រើន។ ស្វាមីរបស់មានមានឈ្មោះថា បុត្រ រំដួលរង្សី មានឋានៈជាឯកឧត្ដម បម្រើសមាជិកក្រុមលេខាសម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ហើយក៏ជា អតីតអ្នកដឹកនាំសិល្បៈផងដែរ ដោយពួកគេ ទាំងពីរបានស្រលាញ់គ្នាជាច្រើនឆ្នាំមកហើយ។ ទន្ទឹមនឹងនោះ អ្នកទាំងពីរបានថែមទាំងបោះទុនរកស៊ី ជាមួយគ្នាជាច្រើន មុខរបរ ជាច្រើនឆ្នាំជាមួយ ទម្រាំស្គាល់ចិត្តគ្នាច្បាស់លាស់ ទើបសម្រេចចូលរោងការ។

ស្រីស្អាត ទេព ម៉ាយ៉ារ៉ែត ដែលល្បីមានមុខមាត់ស្រដៀងនឹងជំទាវ ស្រីតូច ចំណាន បន្ទាប់ពីជាប់ជាកញ្ញាឯកធម្មជាតិកាលអំឡុងឆ្នាំ ២០១៧ ការងារសិល្បៈហាក់ដូចមិនសូវចេញមុខច្រើនឡើយ ប៉ុន្តែអ្វីដែលជាការកត់សម្គាល់វិញ តារាស្រីរូបនេះបែរជា មានមុខច្រើនលើវិស័យជំនួញទៅវិញ។ បច្ចុប្បន្ននាងកំពុងតែបោះទុនវិនិយោគលើជំនួញ គ្រឿងថែរក្សាសម្រស់ ព្រមទាំងលើ ផ្ទះល្វែងរាប់រយល្វែង ដោយប្រើទុនរាបសិបលានដុល្លារឯណោះ។ ជោគជ័យទាំងនេះ ក៏ព្រោះ ការព្យាយាម ដាក់គោលដៅឲ្យបានច្បាស់លាស់ ហើយម្យ៉ាង នាងថា ក៏ជាចំណែកមួយពីសិល្បៈ ធ្វើឲ្យមហាជនស្គាល់នាង មានអតិថិជនគាំទ្រ លើជំនួញរបស់នាង។

អតីតសិស្សសាលាផ្នែករបាំនៅសាលាវិចិត្រសិល្បៈមានកំណើតមកពីខេត្តកំពង់ឆ្នាំងរូបនេះ បានបន្តឲ្យដឹងថា ទោះបីជាមមាញឹកលើការជំនួញបែបនេះក្ដី តារាស្រីដែលមានមុខដូចជំទាវ ស្រីតូច ចំណានរូបនេះ មិនបានបោះបង់ការងារសិល្បៈឡើយ រាល់ថ្ងៃគឺ នៅតែឆ្លៀតទៅថតម្ដងម្កាល ដែលការងារញឹកញាប់ជាងគេ គឺថតសម្អាងការ ហើយគ្រោងថតរឿងភាគឲ្យផលិតកម្មមួយថែំផងដែរ។ នាងថ្លែងជា ចុងក្រោយថា ទោះបីជាថ្ងៃក្រោយខ្លួនមានទ្រព្យច្រើនបែបណាក្ដី ចំពោះការងារសិល្បៈវិញនាងមិនបោះបង់ចោលឡើយ ព្រោះវាគឺជាអាជីពដែលស្រលាញ់តាំងពីដឹងក្ដី ម្យ៉ាងនាងគិតថា ការងារសិល្បៈនេះប្រសិនបើខ្លួនចេញមុខកាន់តែច្រើននោះក៏ជាចំណែកមួយជួយឲ្យការងាររកស៊ីនាងកាន់តែជោគជ័យផងដែរ ។

ក្រោយពីរៀបការរួច អ្នកទាំងពីរគ្រោង ដឹកដៃ គ្នាទៅក្រេបទឹកឃ្មុំនៅក្រៅប្រទេសជាច្រើនថ្ងៃ ហើយបន្ទាប់ពីត្រឡប់មកវិញ នឹង ពង្រីក មុខរបរជាច្រើនមុខថែមទៀតផង៕

ប្រភព៖សប្បាយ

The post តារាស្រី មានមុខស្រដៀងជំទាវ ស្រីតូច ចំណាន រៀបការជាមួយឯកឧត្ដមវ័យក្មេងម្នាក់ ដែលសមាជិកក្រុមលេខាសម្ដេចអគ្គមហាសេនាបតីតេជោ ហ៊ុន សែន appeared first on .

ប្រពន្ធ ជិតសម្រាលកូន នី រតនា ដាក់ផែនការបន្ត មិនដឹងប្រពន្ធធ្វើបានឬអត់?

កូនចៅឧកញ៉ា — Mon, 20 Jan 2020 07:49:06 +0000

នៅសល់តែត្រឹម២ខែទៀត តារាចម្រៀង នី រតនា នឹងបានឃើញមុខកូនដំបូងរបស់ខ្លួន បន្ទាប់ពីពួកគេទាំងពីរៀបការជាង១ឆ្នាំមកនេះ ទន្ទឹមគ្នានោះដែរការមានកូនមួយ នៅមិនទាន់គ្រប់គ្រាន់ សម្រាប់គូស្នេហ៍សិល្បៈវ័យក្មេងនោះឡើយ លោកបានបង្ហើបថា ចង់បានច្រើនជាងនេះថែមទៀត ប៉ុន្តែមិនដឹងថា ប្រពន្ធរបស់ខ្លួនអាចបំពេញបំណងលោកបានឡើយ។

កូនដែលជាចំណងដៃដំបូងរបស់ តារាចម្រៀង លោក នី រតនា នឹង អ្នកនាង ហេង សុវណ្ណភក្តិណា គឺជាកូនស្រី ដែលនឹងត្រូវសម្រាលក្នុងអំឡុងខែ មីនា ឆ្នាំ ២០២០ ខាងមុខនេះ។ លោកមិនទាន់សម្រេចចិត្តដាក់ឈ្មោះផ្លូវការណាមួយជូនកូនស្រីនោះឡើយ ដោយរង់ចាំសម្រាលឃើញពន្លឺថ្ងៃសិន។

ម្ចាស់បទ “កូនក្រមុំបង គ្រាន់ជាមនុស្សស្រីធម្មតា”ថ្លែងឲ្យដឹងថាសម្រាប់ផែនការគ្រួសារការកំណត់ចំនួនកូន លោកនឹងភរិយា បានសម្រេចជាមួយគ្នារួចហើយថា ចង់បានកូនត្រឹមតែ៣នាក់ប៉ុណ្ណោះ ប៉ុន្តែមិនដឹងថា សុខភាពភរិយា របស់ខ្លួនអាចរាប់រងបានឬអត់នោះឡើយ។ “បាទបងខ្ញុំចង់បានកូន៣នាក់ ប្រុស១ ស្រី២ យើងបានសន្យាជាមួយគ្នាហើយ តែចាំមើលសុខភាពប្រពន្ធសិន មិនអាចបង្ខំបានទេ ” នី រតនា បញ្ជាក់។

ជាមួយការផ្ដល់កាដូកូនដំបូងពីឧត្ដម ភរិយា តារាចម្រៀងលោក នី រតនា ថ្លែងឲ្យដឹងថា ខ្លួនមិនមានកាដូ ជាដុំកំភួន សម្រាប់ជូនភរិយាខ្លួនជាការតបស្នងឡើយ គ្រាន់តែបច្ចុប្បន្នលោកបានមើលថែ គិតគូរពីសុខភាពប្រពន្ធឲ្យបានល្អ ទៅពេទ្យតាមការណាត់ជាប្រចាំ ហើយនៅថ្ងៃសម្រាល អាចមានជាបាច់ផ្កាជាការលើកទឹកចិត្ត ដល់ភរិយាតែប៉ុណ្ណោះ។

សូមបញ្ជាក់ផងដែរថា តារាចម្រៀង លោក នី រតនា នឹង អ្នកនាង ហេង សុវណ្ណភក្តិណា បានរៀបការ កាលពីថ្ងៃទី ១៨ មករា ឆ្នាំ ២០១៩ ។ អាពាហ៍ពិពាហ៍ របស់លោកត្រូវបានគេចាំបានថា អញ្ជើញភ្ញៀវជាង១០០តុ ក្នុងនៅ មានអ្នកសិល្បៈ ព្រមទាំងមន្ត្រីជាន់ខ្ពស់ជាច្រើនបានចូលរួម។ ក្រោយពីរៀបការរួចភ្លាមៗ ពួកគេបានទៅក្រេបទឹកឃ្មុំ នៅកោះម៉ាល់ឌីវ ដោយពួកគេបានLive វីដេអូ ព្រមទាំងបង្ហោះរូបភាពនៃការដើរលេងនោះ ធ្វើឲ្យមហាជនចាប់អារម្មណ៍ជាខ្លាំង៕

អត្ថបទ៖ ស៊ុន ហួត

ប្រភព៖ សប្បាយ

The post ប្រពន្ធ ជិតសម្រាលកូន នី រតនា ដាក់ផែនការបន្ត មិនដឹងប្រពន្ធធ្វើបានឬអត់? appeared first on .

ចេញលទ្ធផលហើយកូនក្នុងផ្ទៃ ឱក សុគន្ធកញ្ញា គឺជាកូនប្រុស

កូនចៅឧកញ៉ា — Wed, 09 Oct 2019 09:45:57 +0000

តារាចម្រៀងដ៏ល្បីប្រចាំប្រទេសកម្ពុជា ឱក សុគន្ធកញ្ញា បានទៅថតអូខេ ដើម្បីដឹងពីភេទកូនកំពុងពរពោះក្នុងផ្ទៃរបស់នាងហើយ លទ្ធផលដែលចេញមក នាង ទទួលបានកូនប្រុស។

នៅថ្ងៃទី ០៩ ខែតុលា ឆ្នាំ២០១៩នេះ អ្នកនាង ឱក សុគន្ធកញ្ញា បានបង្ហោះរូបភាពច្រើនសន្លឹកចេញពីលទ្ធផលឆ្លុះអេកូ នៅមន្ទីរពេទ្យ Bumrungrad International ប្រទេសថៃ។ អ្នកនាងថែមទាំងបញ្ជាក់ឲ្យដឹងដែរថា កូនប្រុសមានសុខភាពល្អទេ ហើយទាំងអ្នកនាង និងស្វាមីក៏កំពុងទន្ទឹងរង់ចាំការមកដល់របស់កូនឆាប់ៗដែរ៕

The post ចេញលទ្ធផលហើយកូនក្នុងផ្ទៃ ឱក សុគន្ធកញ្ញា គឺជាកូនប្រុស appeared first on .

តារាស្រីខ្មែរល្បីៗ មានកូនមិនទាន់បានរៀបការជាសាធារណៈ

កូនចៅឧកញ៉ា — Mon, 23 Sep 2019 13:48:59 +0000

កន្លងមកSabay ធ្លាប់តែលើកបង្ហាញពីអាពាហ៍ពិពាហ៍របស់អ្នកសិល្បៈនេះ អ្នកសិល្បៈនោះជារឿយៗចែកជូនប្រិយមិត្តទស្សនា ប៉ុន្តែថ្ងៃនេះយើងលើកយកតារាស្រីចំនួន៧រូប មានកូនដោយ មិនបានប្រកាសជាសាធារណៈនៃអាពាហ៍ពិពាហ៍របស់ខ្លួនឲ្យអ្នកគាំទ្របានដឹង។ តារាស្រីទាំង៦រូបនោះមានឈ្មោះដូចខាងក្រោម៖

១/ អ្នកនាង នៅ សុនិតា

តារាសម្ដែងស្រី នៅ សុជាតា ទើបតែសម្រាលកូនស្រីម្នាក់កាលពីពេលថ្មីៗនេះ ដោយកូននោះ គឺជា ដំណក់ឈាមរបស់លោក ទិត្យ ថារិទ្ធ អគ្គនាយករងវិទ្យុ និងទូរទស្សន៍បាយ័ន បច្ចុប្បន្នមានតួនាទីបន្ថែមក្នុងជួររដ្ឋាភិបាលជា អនុរដ្ឋលេខាធិការក្រសួងវប្បធម៌និង វិចិត្រសិល្បៈ។ ការរួមរសជាមួយគ្នារបស់នាងអ្នកនាង នៅ សុនិតា និង លោក ទិត្យ ថារិទ្ធ រហូតដល់មានកូននេះ ត្រូវបានមហាជនមើលឃើញថា មិនទាន់បានរៀបការជាសាធារណៈឡើយ។

២/ អ្នកនាង ឈិត សុជាតា

ពិធីការិនីនិង តារាសម្ដែងអ្នកនាង ឈិត សុជាតា បានធ្វើឲ្យមហាជនមានការភ្ញាក់ផ្អើលខ្លាំង កាលពេលកន្លងទៅ ក្រោយពីតារាស្រីរូបនេះបង្ហាញមុខមាត់កូនប្រុសស្រីភ្លោះពីរនាក់គួរឲ្យស្រលាញ់។ ប៉ុន្តែនាងភ្លាមៗ នាងបានព្យាយាមមិនបង្ហាញអត្តសញ្ញាណស្វាមីនាង។ ប៉ុន្តែទើបថ្មីៗនេះ ទើបនាងដាច់ចិត្តបង្ហាញមុខមាត់ស្វាមីនាងជាសាធារណៈ។ ដូចនឹងតារាស្រីទាំង៣នាក់ខាងលើដែរ អ្នកទាំងពីរមិនទាន់បានចូលរោងការជាចំហនៅឡើយ។

៣/ អ្នកនាង ហង្ស ម៉ារ៉ានី

តារាសម្ដែង ហង្ស ម៉ារ៉ានី ក៏ត្រូវបានគេដឹងថា ទើបមានកូនប្រុសម្នាក់វ័យជិតជាង១ឆ្នាំ ។ តារាស្រីដែលល្បីខាងឡាយ លក់ផលិតផលរូបនេះ មានស្វាមីឈ្មោះ ភូ កែវសម្បត្តិ វ័យជាង៣០ឆ្នាំ គឺជាអ្នកជំនួញម្នាក់។ ពួកគេក៏រួមរស់ជាមួយគ្នា រហូតដល់មានកូននេះ ដោយមិនទាន់បានរៀបការជាសាធារណៈដូចគ្នា។

៤/ ពេជ្រ សិរីរ័ត្ន៖ អតីតពិធីការិនីទូរទស្សន៍បាយ័ន បានរងព័ត៌មានចចាមអារ៉ាមជាលើកអំពីទំនាក់ទំនងស្នេហ៍ជាបន្តបន្ទាប់ ក្រោយពីបែកបាក់ជាមួយលោក គង់ វិសាល។ ម្ដងល្បីថានាងមានស្នេហ៍ជាមួយមន្ត្រីធំម្នាក់ដែលជាអ្នកនៅពីក្រោយភាពហ៊ឺហារបស់នាង។ ក្រៅពីនេះ ក៏ព័ត៌មានថា នាងមានទំនាក់ទំនងជាមួយអ្នកជំនួញធំមួយរូបទៀត។ យ៉ាងណា ពិធីការិនី “តុបំភ្លឺ” មិនដែលបំភ្លឺរឿងខ្លួនឯងឲ្យច្បាស់លាស់ឡើយ។មិនបង្ហាញបុរសអ្នកនៅពីក្រោយភាពហ៊ឺហា ប៉ុន្តែ សិរីរ័ត្ន បានបង្ហាញកូនប្រុស ស្រី ២នាក់ អាយុប្រមាណ ៥ និង ៧ឆ្នាំ ទាំងមិនមានព័ត៌មានច្បាស់ថា ឪពុករបស់ពួកគេគឺជានរណា។

៥ អ្នកនាង ភិន សុដាលីស

តារាសម្ដែង ភិន សុដាលីស ត្រូវបានគេដឹងថា មានកូនស្រីម្នាក់ដូចគ្នា ជាមួយអតីតស្វាមី លោក ប៉ែន ចំរុង ដោយពួកគេ ធ្លាប់រួមរស់ជាមួយគ្នា មិនបានរៀបការជាសាធារណៈ គ្រាន់តែចុះសំបុត្រអាពាហ៍ពិពាហ៍ប៉ុណ្ណោះ។ ប៉ុន្តែចុងក្រោយមក អ្នកទាំងពីរបានលែងលះគ្នា តាមផ្លូវច្បាប់ ដោយបន្សល់កូនស្រីម្នាក់វ័យ៣ឆ្នាំ កំពុងតែស្ថិតក្រោម កាលមើលថែ ដោយអ្នកនាង ភិន សុដាលីស ហើយលោក ប៉ែនចំរុង សូម្បីតែទៅជួបមុខកូនផ្ទាល់តែម្ដង ក៏មិនមានឧកាសបានជួបរហូតមកដល់បច្ចុប្បន្ន។

៦/ អ្នកនាង ម៉ៅ ស៊ីណាត

បន្ទាប់ពីចែកផ្លូវជាមួយអតីតស្វាមីជាមេធាវីល្បីឈ្មោះម្នាក់ តារាចម្រៀងអ្នកនាងម៉ៅ ស៊ីណាត ត្រូវបានគេដឹងជាសាធារណៈថា បានបង្កើតភ្លើងស្នេហ៍ជាមួយមន្ត្រីយោធាម្នាក់ឈ្មោះ “វិសាល” ហើយបច្ចុប្បន្នអ្នកទាំងពី មានចំណងដៃកូនស្រីម្នាក់វ័យប្រហែលជាង៣ឆ្នាំមកហើយ។ ការរួមរសជាមួយគ្នា របស់នាង ម៉ៅ ស៊ីណាត និង លោក វិសាល ត្រូវបានមហាជនមើលឃើញថា ពួកគេមិនបានរៀបការជាសាធារណៈឡើយឲ្យអ្នកគាំទ្របានដឹងឡើយ។

៧/អ្នកនាង ស្វែង សុជាតា

តារាស្រីជើងចាស់ ស្វែង សុជាតា ត្រូវបានគេដឹងថា ជាតារាស្រីម្នាក់ធ្លាប់ឆ្លងកាត់ ការមានស្វាមីជាច្រើនលើកមកហើយ ស្វាមីចុងក្រោយ របស់អ្នកនាង គឺជា គ្រូខ្មែរម្នាក់នៅឯភ្នំគូលេន ដែលមានវ័យក្មេងជាង អ្នកនាងជាច្រើនឆ្នាំ។ អ្នកទាំងពីរ បានរួមរសជាមួយគ្នារហូតដល់មានកូនប្រុសម្នាក់ដោយមិនទាន់បានរៀបការជាសាធារណៈឡើយ៕

ប្រភព៖ sabay.com.kh

The post តារាស្រីខ្មែរល្បីៗ មានកូនមិនទាន់បានរៀបការជាសាធារណៈ appeared first on .

ម៉ាក សែនសូនីតា បំភ្លឺរឿងល្បីដើរចែកធៀបការម្សិលមិញ ជាមួយថៅកែផលិតកម្មសម្បូរស្នេហ៍

កូនចៅឧកញ៉ា — Wed, 28 Aug 2019 13:23:36 +0000

មានព័ត៌មានក្រៅផ្លូវការមួយនាពេលថ្មីៗនេះបានទម្លាយឲ្យដឹងថា ស្រីស្អាត ម៉ាកសែន សូនីតា កំពុងតែដើរចែកធៀបការយ៉ាងតក់ក្រហល់ ទាំងកណ្ដាល វស្សា ជាមួយគូស្នេហ៍ គឺលោក ប៉ុល វិបូ ហៅនីត ថៅកែពោះម៉ាយ ហើយនៅថ្ងៃនេះ នាងចេញមកមុខបញ្ជាក់ច្បាស់ៗតែម្ដង។

ជុំវិញការលើកឡើងនេះ តូតា បានបញ្ជាក់ច្បាស់ជាមួយ Sabay ថា ខ្លួនមិនទាន់ចូលរោងការឡើយ រឿងរ៉ាវទាំងនេះ គ្រាន់តែពាក្យចចាមអារ៉ាម ដើម្បីទាមទារការចាប់អារម្មណ៍ប៉ុណ្ណោះ។

តូតា បានបន្តឲ្យដឹងថា ប្រសិនបើនាងពិតជាសម្រេចចិត្តចូលរោងការពិតមែននោះ ខ្លួនមិនធ្វើឡើងស្ងាត់ៗអីចឹងឡើយ គឺនឹងប្រកាសជាសាធារណៈឲ្យមហាជនបានដឹងតែម្ដង ត្បិតអីស្នេហា របស់អ្នកទាំងពីរចាប់តាំងពីកកើតមក មិនបានលាក់លៀមពី ក្រសែភ្នែកមហាជនឡើយ។

តួឯកស្រីក្នុងរឿង””កូនពស់កេងកង” រូបនេះបានលើកឡើងថា ពួកគេមិនទាន់គិតរឿងរៀបការជាធំឡើយ អ្វីដែលត្រូវធ្វើចំពោះមុខត្រូវពង្រឹងមុខរបរឲ្យបានរឹងមាំសិន។

តូតា និងគូរស្នេហ៍ លោក ប៉ុល វិបូ ហៅនីត ថៅកែផលិតកម្ម “អង្គរ Picture ” ដែលជាបុរសមានឥទ្ធិពលម្នាក់ ត្រូវគេដឹងថា ក្រៅផលិតកម្មពួកគេ បានបើកជំនួញជាច្រើនរួមគ្នា ក្នុងនោះ មានភោជនីយដ្ឋានជាច្រើនកន្លែង និងជំនួញដីធ្លីជាច្រើនកន្លែងថែមទៀត ។ ប៉ុន្តែសម្រាប់ ភោជនីយដ្ឋាន មួយចំនួនដែលពួកគេទាំងពីរបានបើកឲ្យដំណើរការ និងបានទាំងលក់ franchiseផងនោះ គេឃើញមួយចំនួន បានបិទទ្វារទៅវិញហើយ។ជុំវិញបង្ហានេះ តូតា មិនបានបញ្ជាក់ ចំពោះមូលហេតុដែលនាំឲ្យហាងទាំងនោះបិទទ្វារឡើយ។

ទោះបីជាមួយគ្នាបានមានទំនាក់ទំនងស្នេហានិងគ្នាច្រើនឆ្នាំហើយក្ដី ចំណងស្នេហាពួកគេនៅតែមានស្អិតល្មួតនឹងគ្នាដដែល ដោយក្នុងនោះ សាច់ញាតិទាំងសងខាងបានស្គាល់ ភ្ជាប់មាត់ភ្ជាប់សម្ដីជាមួយគ្នា មិនបានហាមប្រាមពួកគេឡើយ ទោះបីជាដឹងថា ភាគីខាងប្រុស ជាពោះម៉ាយ ហើយថែមទាំងមានកូនថែមទៀតក្ដី ។ ទាំង តូតា ទាំង លោក នីត ពេលមានកម្មវិធី គ្រួសារទាំងសងខាង គឺតែងតែបណ្ដើរគ្នា ទៅចូលរួមដោយក្ដីរីករាយ មិនដែលអាក់ខានឡើយ។

ចំពោះថា តើអ្នកទាំងពីរ និងត្រូវចំណាយពេល ប៉ុន្មានឆ្នាំទៀតថា និងប្រកាសថ្ងៃរៀបការនោះ តូតា ប្រាប់ថា ដូចនាងបានលើកឡើងខាងលើ អីចឹង គឺមិនអាចកំណត់បានឡើយ ចាំសម្រេចពេលណា គឺនាងប្រកាសជាសាធារណៈតែម្ដង៕

ប្រភព៖sabay.com.kh

The post ម៉ាក សែនសូនីតា បំភ្លឺរឿងល្បីដើរចែកធៀបការម្សិលមិញ ជាមួយថៅកែផលិតកម្មសម្បូរស្នេហ៍ appeared first on .

ឧកញ៉ា ឃ្លោក ជាអ្នកកំដរ កូនកំលោះ អាពាហ៍ពិពាហ៍ខ្ញុង និង នាយកៃដ

កូនចៅឧកញ៉ា — Thu, 08 Aug 2019 03:49:33 +0000

ទីបំផុតតារាកំប្លែងក្នុងក្រុមនាយ ពែកមី អ្នកនាង ស្រេង សុកាន់ដា ហៅ ខ្ញុង បានសម្រេចចូលរោងការមួយនៅថ្ងៃនេះ ហើយ ជាមួយកូនកំលោះ នាយ កៃដ ដែលមានឈ្មោះពិតថា អ៊ុំ ក្សត្រា អតីតតារាកំប្លែងក្នុងស្ថានីយទូរទស្សន៍ស៊ីធីអិនជាមួយគ្នា។ អ្វីដែលជា ការចាប់អារម្មណ៍នោះ លោក ឧកញ៉ា ទុំ សារ៉ុត ហៅ ឃ្លោក គឺជាអ្នកកំដរកូនកំលោះ ចំណែក អ្នកកាត់សក់វិញ គឺអ្នកនាង ខាត់ សុឃីម និង នាយកុយ។

មុនមកដល់ថ្ងៃនេះ អ្នកនាង ស្រេង សុកាន់ដា ហៅ ខ្ញុង និងលោក អ៊ុំ ក្សត្រា ហៅ កៃដ គឺជាមេម៉ាយ និងពោះម៉ាយដូចគ្នា ក្រោយពីបាក់បែកស្វាមី និងភរិយាមុនដូចគ្នា។ ក្នុងវេលាសេពគប់គ្នា ភាគីខាងស្រី ធ្លាប់រងការចោទប្រកាន់ពីបងថ្លៃស្រីនាយ កៃដ ថាជាអ្នកដណ្ដើមប្ដីពីប្អូនស្រីគេ។ ប៉ុន្តែក្រោយមក ពួកគេទាំងពីរចេញមកបដិសេធ ថាពួកគេស្រឡាញ់គ្នាទៅវិញទៅមក។

ក្រោយមក នៅពាក់កណ្ដាលខែតុលា ឆ្នាំ ២០១៧ ពួកគេក៏បានប្រកាសសែនព្រេនយកគ្នាជាគូ និងរួមរស់ជាមួយគ្នារហូតមក។ ទម្រាំមកដល់ថ្ងៃនេះ ភាគីខាងស្រី បានអះអាងថា នាងបានឆ្លងកាត់ជីវិតតស៊ូច្រើនណាស់ មានទាំងគ្រប់រសជាតិ គឺមានភាពលំបាក ជូរចត់ វេទនា បោកប្រាស់ បោះបង់ ធ្វើបាប ។ល។ យ៉ាងណា នាង អះអាងថា បានតាំងចិត្តជម្នះឲ្យបានរហូតមក រហូតបានរកឃើញពន្លឺជីវិតជាថ្មីនៅថ្ងៃនេះ ដោយនាងសំអាងទៅលើ អំពើល្អទាំងឡាយ ដែលនាងបានសាង។

ពិធីជ័យរបស់តារាកំប្លែងរូបនេះ នឹងប្រព្រឹត្តទៅនៅនឹងផ្ទះរបស់នាងតែម្ដងស្ថិតនៅក្នុងភូមិសាស្ត្រភូមិដូង សង្កាត់ព្រែកព្នៅ ខណ្ឌព្រែកព្នៅ រាជធានីភ្នំពេញ។ ពិធីទទួលភ្ញៀវកិត្តិយសពិសាភោជនីយអាហារក៏ធ្វើនៅទីនោះដូចគ្នា៕

The post ឧកញ៉ា ឃ្លោក ជាអ្នកកំដរ កូនកំលោះ អាពាហ៍ពិពាហ៍ខ្ញុង និង នាយកៃដ appeared first on .

ឆាប់មែន ឱក សុគន្ធកញ្ មានកូនហើយ

កូនចៅឧកញ៉ា — Mon, 05 Aug 2019 08:21:06 +0000

ឱក សុគន្ធកញ្ញា បានបង្ហោះរូបមួយសន្លឹកនៅក្នុងបណ្ដាញសង្គមផ្លួវការរបស់គាត់ទាំងពីរគឺ Facebook និង Instagram ជាមួយរូបថតមួយសន្លឹក ដែលមានបុរសថើបក្បាលពោះស្ត្រីម្នាក់ ដែលមានន័យថា កញ្ញានិងស្វាមីកំពុងតែត្រៀមខ្លួនទទួលនូវសមាជិកថ្មីចូលមកគ្រួសារ។
យោងទៅតាមការសរសេររបស់តារាស្រីល្បីឈ្មោះលំដាប់ប្រទេសរូបនេះ អ្នកនាងមិនបានបញ្ជាក់ថា បុត្ររបស់គាត់ជាស្រីឬប្រុសនោះទេ។

មិនថាស្រីឬប្រុសនោះទេ អ្នកគាំទ្រពិតជារំភើបជំនួសអ្នកទាំងពីរ និងបានចូលរួមអបអរសាទរ ដល់អ្នកទាំងពីរដែលកំពុងតែមានបុត្រដំបូងក្នុងគ្រួសារមួយនេះ តាមរយៈការសរសេរសារជូនពរនិងអបអរសាទរនៅក្នុងខមិន។

កញ្ញា និងស្វាមី បានរៀបអាពាហ៍ពិពាហ៍កាលពីថ្ងៃទី ១៦ ខែឧសភា កន្លងទៅដែលទទួលបានការចាប់អារម្មណ៍ពីទស្សនិកជនគ្រប់មជ្ឈដ្ឋាន និងការចូលរូមផ្ដល់ជាភ្ញៀវកិត្តិយសពីសំណាក់ថ្នាក់នាំកំពូលៗ និងអ្នកសិល្បៈយ៉ាងច្រើនកុះករ៕

ប្រភព៖ Sabay

The post ឆាប់មែន ឱក សុគន្ធកញ្ មានកូនហើយ appeared first on .

ចុមយក្ស! ណូម័រ លេងផ្លូវកាត់មុនថ្ងៃរៀបការ

កូនចៅឧកញ៉ា — Wed, 29 May 2019 04:56:55 +0000

ទីបំផុត តារាស្រី អន រ៉ាស៊ីសុមេត្តា ហៅ ណូម័រ បានរៀបការបញ្ចប់ភាពនៅលីវ របស់ខ្លួនហើយ កាលពីល្ងាចមិញនេះ ជាមួយ វីជេ សុភា បន្ទាប់ពីពួកគេ ស្គាល់គ្នាជាង៣ឆ្នាំ។ គូរស្នេហ៍សិល្បៈ១គូរនេះ ខុសពីគូស្នេហ៍សិល្បផ្សេងទៀត គឺ ពួកគេបានចុះសំបុត្រអាពាហ៍ពិពាហ៍មុនថ្ងៃរៀបការ។ មូលហេតុដែលនាំឲ្យពួកគេ រត់ទៅបំពេញឯកសារច្បាប់មុនថ្ងៃរៀបការនេះ ត្រូវបានស្វាមីនាងបញ្ជាក់យ៉ាងដូច្នេះ។

ដើមហេតុចម្បងគឺ មកពីពួកគេទាំង២បានទិញផ្ទះរួមគ្នា ហើយខាងបុរីតម្រូវឲ្យមានសំបុត្រអាពាហ៍ពិពាហ៍ ដើម្បីយកទៅធ្វើប្លង់រឹងឲ្យ ទើបនាំគ្នាទៅចុះ សំបុត្រអាពាហ៍ពិពាហ៍មុនថ្ងៃតែម្ដងទៅ។ វីជេ សុភា បានប្រាប់ថា ផ្ទះដែលពួកគេទិញមានទីតាំងនៅម្ដុំចោមចៅ ដោយទិញក្នុងតម្លៃជាង៥ម៉ឺនដុល្លារ។ ជុំវិញការចុះសំបុត្រអាពាហ៍ពិពាហ៍មុនថ្ងៃរៀបការនេះ វីជេ សុភា ថ្លែងថា លោកមិនបានគិតពីការតិចទៀនពីអ្នកដទៃឡើយ ព្រោះលោកគិតថា ការធ្វើនៅតម្រូវតាមលក្ខណ៍ខាងបុរី ហើយម្យ៉ាងទៀតមុននឹងក្រោយ គឺពួកគេគង់តែជាប្ដីប្រពន្ធនឹងគ្នាដែលហ្នឹង ដូចនេះ ការចុះអ៊ីតាស៊ីវិល មុនថ្ងៃរៀបការ មិនជាបញ្ហាសម្រាប់គូរស្នេហ៍លោកឡើយ។

តាមការរៀបរបស់អ្នកទាំងពីរពួកគេបានស្គាល់គ្នាជាង៣ឆ្នាំមកហើយ ២ដំបូងគ្រាន់តែ រាប់អានគ្នាធម្មតាទេ ប៉ុន្តែទើបតែមានចិត្តស្រលាញ់គ្នា១ឆ្នាំចុងក្រោយនេះប៉ុណ្ណោះ។ វីជេ សុភា លោកស្គាល់គ្នា ក្នុងការងាររួមគ្នា ដោយលោកគឺជាអ្នកគ្រប់ គ្រង់កម្មវិធីចំណែក ណូម័រ ជាពិធីការិនី ។ លោកថា ធ្វើការជាមួយគ្នាយូរៗទៅ ចេះសហការណ៍គ្នា ឃើញទង្វើល្អរៀងៗខ្លួន ចេះអត់ឱនឲ្យគ្នាទៅវិញទៅមក ក៏ចាប់ផ្ដើមបង្កើតជាស្នេហ៍ជាមួយគ្នាតែម្ដងទៅ។

ទន្ទឹមនិងការប្រារព្ធពិធីអាពាហ៍ពិពាហ៍នោះ ពួកគេបានបញ្ចូលពិធីឡើងផ្ទះថ្មីជាមួយគ្នាតែម្ដង ក្នុងនោះ អ្នកទាំងពីរបានអញ្ជើញភ្ញៀវប្រហែលជា៧០តុ ភាគច្រើនជាអ្នកសិល្បៈ ត្បិតអីដូចបានជ្រាប់ហើយថា ពួកគេទាំងពីរគឺជាអ្នកសិល្បៈ ដូចនេះមិត្តភ័ក្ដិរបស់ពួកគេភាគច្រើន ជាអ្នកសិល្បៈតែម្ដង។ វីជេ សុភា បានថ្លែងជា ចុងក្រោយថា ទោះបីជាលោកមិនមានទ្រព្យច្រើនជូនដល់ភរិយាលោកក្ដី អ្វីដែលលោកបានធ្វើឲ្យភរិយានិងសាច់ញាតិទាំងសងខាងសប្បាយចិត្តនោះ គឺលោកបានជូនខាន់ស្លាដល់ដល់ភរិយា ដែលនេះគឺជាបំណងរបស់ស្ត្រីគ្រប់រូប៕

The post ចុមយក្ស! ណូម័រ លេងផ្លូវកាត់មុនថ្ងៃរៀបការ appeared first on .

គូស្នេហ៍សិល្បៈ

ប្រុសស្អាត អេ​ដ​វីន កំពុងជាប់ជំពាក់នឹងរឿងរ៉ាវអាស្រូវទាំង ២នេះ ដោះមិនទាន់ចេញ

ប្រពន្ធ ជិត​សម្រាល​កូន នី រតនា ដាក់​​​ផែន​ការ​បន្ត មិន​ដឹង​ប្រពន្ធ​ធ្វើ​បាន​ឬ​អត់?

ចេញ​លទ្ធផល​​ហើយ​កូន​ក្នុង​ផ្ទៃ ឱក សុគន្ធកញ្ញា គឺ​ជា​កូនប្រុស

តារា​ស្រីខ្មែរ​ល្បី​ៗ មាន​កូន​មិន​ទាន់​បាន​រៀប​ការ​ជា​សាធារណៈ

ម៉ាក សែនសូនីតា បំភ្លឺ​រឿង​ល្បី​ដើរ​ចែក​ធៀបការ​ម្សិលមិញ ជាមួយ​ថៅកែ​ផលិតកម្ម​សម្បូរស្នេហ៍

ឧកញ៉ា ឃ្លោក ជា​អ្នក​កំដរ កូន​​កំលោះ អាពាហ៍ពិពាហ៍​ខ្ញុង និង នាយ​កៃដ

ឆាប់​មែន ឱក សុគន្ធ​កញ្ មាន​កូនហើយ

ចុម​យក្ស​! ណូម័រ ​លេង​ផ្លូវ​កាត់​​មុន​ថ្ងៃ​រៀប​​ការ