ក្នុងជំនួបជាមួយលោក គួច ចំរើន អភិបាលខេត្តព្រះសីហនុ កាលពេលថ្មីៗនេះ លោក វ៉ាង ហ្ស៊ី បានលើកឡើងថា ដំណើរទស្សនកិច្ចរបស់គណៈប្រតិភូក្រុងស៊ិនជិន មកខេត្តព្រះសីហនុ មានអ្នកវិនិយោគគិន អង្កការ NGO ជាច្រើនរូប ដើម្បីផ្តលឱកាសពិនិត្យសិក្សាទីផ្សារ ដើម្បីនាំមកនូវទីផ្សារហិរញ្ញវត្ថុ និងក្រុមហ៊ុនអចលនទ្រព្យមកធ្វើវិនិយោគនៅកម្ពុជា ពិសេសនៅខេត្តព្រះសីហនុ។

លោកថ្លែងថា៖ «យើងមានឱកាសរួមគ្នាគិត រួមគ្នាធ្វើរវាងអ្នកវិនិយោគក្រុងស៊ិនជិន និងអ្នកវិនិយោគខេត្តព្រះសីហនុ ក្នុងនាមរដ្ឋបាលក្រុងស៊ិនជិនសហការរួមគ្នាផ្លាស់ប្តូរផ្នែកសេដ្ឋកិច្ច ពាណិជ្ជកម្ម អប់រំ សុខាភិបាល ទេសចរណ៍ និងការផ្លាស់ប្តូរថ្នាក់ដឹកនាំខេត្ត ក្រុងនៃប្រទេសទាំងពីរ ថ្ងៃនេះយើងបាននាំមកនូវអ្នកវិនិយោគជាច្រើនរបស់ទីក្រុងស៊ិនជិន ដើម្បីធ្វើការពិភាក្សារកដំណោះស្រាយឱ្យបានទាន់ពេលវេលា»។

នៅក្នុងជំនួបនោះដែរ លោក គួច ចំរើន អភិបាលខេត្តព្រះសីហនុបានប្រាប់គណៈប្រតិភូទីក្រុងស៊ិនជិនអំពីភូមិសាស្រ្ត និងសក្តានុពលខេត្តព្រះសីហនុ មានវិស័យសេដ្ឋកិច្ចសំខាន់ៗរួមមាន៖ វិស័យឧស្សាហកម្ម ពាណិជ្ជកម្ម ទេសចរណ៍ និងកសិកម្ម ជាវិស័យអាទិភាពរួមចំណែកអភិវឌ្ឍន៍ខឿនសេដ្ឋកិច្ចជាតិ។ លោកបន្តថា រយៈពេលប៉ុន្មានឆ្នាំចុងក្រោយនេះ ខេត្តមានកំណើនសេដ្ឋកិច្ច ស្របជាមួយនឹងការអភិវឌ្ឍផ្លាស់ប្តូរយ៉ាងឆាប់រហ័ស ពិសេសផ្នែកលើហេដ្ឋារចនាសម្ព័ន្ធអគារខ្ពស់ៗ សណ្ឋាគារ និងតំបន់ពាណិជ្ជកម្មជាច្រើន។ តំបន់សេដ្ឋកិច្ចពិសេស កំពង់ផែសមុទ្រទឹកជ្រៅ អាកាសយានដ្ឋានអន្តរជាតិ ផ្លូវល្បឿនលឿន ព្រមទាំងឆ្នេរសមុទ្រ និងកោះដ៏ស្រស់ស្អាត ត្រូវបានប្រសិទ្ធនាមជា «តារារះនាទិសនិរតី» បាននឹងកំពុងដើរតួនាទីយ៉ាងសំខាន់ក្នុងការជំរុញកំណើនសេដ្ឋកិច្ចខេត្ត និងក្នុងប្រទេសកម្ពុជា។

លោកបន្ថែមទៀតថា រាជរដ្ឋាភិបាលកម្ពុជា បានដាក់ចេញនូវគោលនយោបាយគ្រប់គ្រង និងប្រើប្រាស់ដីធ្លី ដើម្បីអភិវឌ្ឍន៍ខេត្តព្រះសីហនុ ជាតំបន់សេដ្ឋកិច្ចពិសេសគំរូពហុបំណង ឆ្លើយតបទៅនឹងការអភិវឌ្ឍលើគ្រប់វិស័យ។ បច្ចុប្បន្នរដ្ឋបាលខេត្តព្រះសីហនុ បានចូលរួមយ៉ាងសកម្មក្រោមការចង្អុលបង្ហាញពីគណៈកម្មាធិការសម្របសម្រួលអន្តរក្រសួងរៀបចំផែនការមេ ដើម្បីអភិវឌ្ឍខេត្តព្រះសីហនុទៅជាតំបន់សេដ្ឋកិច្ចពិសេសគំរូពហុបំណង ដោយបានសិក្សាបែងចែកជាតំបន់លំនៅដ្ឋាន ពាណិជ្ជកម្ម ឧស្សាហកម្ម រដ្ឋបាល ហិរញ្ញវត្ថុ ទេសចរណ៍ តំបន់សាសនា និងវប្បធម៌ ជាដើម។

តាមរយៈក្រសួងសេដ្ឋកិច្ច និងហិរញ្ញវត្ថុ រដ្ឋបាលខេត្តព្រះសីហនុ បានសហការធ្វើការជាមួយវិទ្យាស្ថាននគរូបនីយកម្មរៀបចំផែនការទីក្រុងស៊ិនជិន (Urban Planning design Institute of Shenzhen (UPDIS)) ដើម្បីរៀបចំផែនការមេឆ្លើយតបតាមស្ថានភាព និងតម្រូវការជាក់ស្តែង។ សំដៅផ្ដល់ក្របខ័ណ្ឌ និងតម្រង់ទិសការគ្រប់គ្រងប្រើប្រាស់ដីធ្លី ការបែងចែកដីធ្លី ការអភិវឌ្ឍដែនដី និងនគរូបនីយកម្ម ព្រមទាំងការរៀបចំគោលនយោបាយនានា ដើម្បីអភិវឌ្ឍខេត្តព្រះសីហនុ និងឧត្តមភាព នវានុវត្តន៍ខ្ពស់សំដៅរួមចំណែកប្រែក្លាយកម្ពុជា ទៅជាប្រទេសមានចំណូលមធ្យមកម្រិតខ្ពស់នៅឆ្នាំ២០៣០ និងជាប្រទេសមានចំណូលខ្ពស់នៅ ឆ្នាំ២០៥០ខាងមុខ។

បើតាមលោកអភិបាលខេត្ត បានបញ្ជាក់ថា ខេត្តព្រះសីហនុបានបង្កើតទំនាក់ទំនងខេត្ត-ក្រុងសម្ព័ន្ធមេត្រីភាពជាមួយខេត្ត-ក្រុងនានា នៃប្រទេសចិនចំនួន ១៧ខេត្ត-ក្រុង មានដូចជា ខេត្តជាំងស៊ូ ខេត្តហៃណាន ទីក្រុងណាននីង និងទីក្រុងអ៊ូស៊ីជាដើម។ លោកថ្លែងថា៖ «ថ្ងៃនេះខេត្តព្រះសីហនុ និងទីក្រុងស៊ិនជិន បានផ្តួចផ្តើមពិភាក្សាអំពីការ ចងសម្ព័ន្ធមេត្រីភាពខេត្ត-ក្រុងបងប្អូន ដើម្បីឈានទៅរកឱកាសបង្កើតការទំនាក់ទំនង និងកិច្ចសហប្រតិបត្តិការលើគ្រប់វិស័យ។ ខ្ញុំសូមគាំទ្រចំពោះការចុះហត្ថលេខាលើកំណត់ហេតុកិច្ចប្រជុំពិភាក្សារវាងរដ្ឋបាលខេត្តព្រះសីហនុ និងទីក្រុងស៊ិនជិនប្រកបដោយបរិយាកាសស្និតស្នាល»៕

The post មហាសេដ្ឋីចិន វ៉ាង ហ្សុី ដឹកនាំគណៈប្រតិភូមកទស្សនកិច្ចខេត្តព្រះសីហនុ ដើម្បីបោះទុនវិនិយោគ appeared first on .

យោងតាមព្រះរាជក្រឹត្យចំនួន១ទំព័រ លេខ នស/រកត/០៤២៣/៦៥១ ព្រះករុណា អង្គព្រះមហាក្សត្រ សព្វព្រះរាជហឫទ័យ ឡាយព្រះហស្តលេខាតែងតាំងមុខដំណែងលោក អ៊ុ រាត្រី ឋានន្តរស័ក្តិឧត្តមមន្ត្រី ថ្នាក់លេខ៤ ជាអភិបាលគណៈនៃគណៈអភិបាលខេត្តបន្ទាយមានជ័យ លោក គួច ចំរើន ឋានន្តរស័ក្តិឧត្តមមន្រ្តី ថ្នាក់លេខ២ ជាអភិបាលគណៈនៃគណៈអភិបាលខេត្តព្រះសីហនុ និងលោក អ៊ុន ចាន់ដា ឋានន្តរស័ក្តិឧត្តមមន្ត្រី ថ្នាក់លេខ២ ជាអភិបាលគណៈនៃគណៈអភិបាលខេត្តកំពង់ចាម។

លោក អ៊ុ រាត្រី ត្រូវបានសម្រេចឲ្យកាន់ដំណែងអភិបាលខេត្តបន្ទាយមានជ័យ នៅថ្ងៃទី០៨ ខែឧសភា ឆ្នាំ២០១៩ ជំនួសលោក សួន បវរ ដែលត្រូវបានផ្ទេរភារកិច្ច ទៅបម្រើការងារនៅក្រសួងមហាផ្ទៃ។ កាលណោះលោក អ៊ុ រាត្រី កំពុងកាន់តួនាទីជាអភិបាលខេត្តបន្ទាយមានជ័យ។

លោកគួច ចំរើន អតីតអភិបាលខេត្តកំពង់ចាម ហើយបានចូល កាន់តំណែងជាអភិបាលខេត្តព្រះសីហនុនៅថ្ងៃទី២៩ ខែមិថុនា ឆ្នាំ២០១៩ ជំនួសលោក យន្ត មីន ដែល ត្រូវ ផ្ទេរភារកិច្ច ឲ្យទៅ បម្រើ ការងារនៅ ទីស្តីការក្រសួងមហាផ្ទៃ។ លោក គួច ចំរើន ត្រូវ បាន គេមើលឃើញ ថា ជាមន្រ្តី មាន សមត្ថភាព និង មាន បទពិសោធន៍លើការ គ្រប់គ្រង រដ្ឋបាល។ សម្តេចតេជោ ហ៊ុន សែន ធ្លាប់ អះអាងថា ខេត្តព្រះសីហនុត្រូវ តែ មានអភិបាលខេត្ត ដែលខ្លាំងដូចលោកគួច ចំរើន ជាអ្នកគ្រប់គ្រង។

លោក គួច ចំរើន អតីតជាអភិបាលរងខណ្ឌចំការមន, អភិបាលខណ្ឌមានជ័យ, អភិបាលខណ្ឌដូនពេញ និងអគ្គនាយករងនៃអគ្គនាយករដ្ឋានរដ្ឋបាល ក្រសួងមហាផ្ទៃ មុនចូលកាន់ដំណែងអភិបាលនៃគណៈអភិបាលខេត្តកំពង់ចាម នាឆ្នាំ២០១៧ ដល់ឆ្នាំ២០១៩។

ចំណែកឯលោក អ៊ុន ចាន់ដា ត្រូវបានសម្តេច ក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ កាលថ្ងៃទី២៤ ខែ មិថុនា ឆ្នាំ២០១៩ បាន ស្នើ សុំ សម្តេចតេជោនាយករដ្ឋមន្ត្រី ហ៊ុន សែន ផ្ទេរភារកិច្ច អ៊ុន ចាន់ដា ពីអភិបាល ខេត្តព្រះវិហារ ទៅជាអភិបាល ខេត្តកំពង់ចាម ជំនួសលោក គួច ចំរើន ដែលត្រូវមកធ្វើជាអភិបាលខេត្តព្រះសីហនុ។

លោក អ៊ុន ចាន់ដា ធ្លាក់កាន់តួនាទីប្រធានផ្នែកកាត់បន្ថយភាពក្រីក្រនៅទីស្ដីការគណៈរដ្ឋមន្ត្រី និង ជាអភិបាលរង ខេត្តព្រះវិហារ៕

The post លោក គួច ចំរើន និងអភិបាលខេត្ត ២រូបទៀត ព្រះមហាក្សត្រឡាយព្រះហស្តលេខាឲ្យបន្តកាន់ដំណែងរបស់ខ្លួនដដែល appeared first on .

ខេត្តសេដ្ឋកិច្ចដ៏សកម្មរបស់កម្ពុជាមួយនេះ នៅរយៈពេលចុងក្រោយនេះ ឃើញមានករណីឃាតកម្ម និងបទល្មើសចម្រិតទាប្រាក់តាប្រព័ន្ធអនឡាញកើតឡើងជាច្រើនករណី ខណៈដែលអាជ្ញាធរបានដាក់ចេញបទបញ្ជារ និងវិធានការ ដើម្បីបង្ក្រាប។ ករណីឃាតកម្មភាគច្រើនបានកើតឡើងលើក្រុមវិនិយោគិនចិន ជាមួយជនជាតិចិនដូចគ្នា។

នៅក្នុងឱកាសចុះពិនិត្យវត្ថុតាង និងនាំយកថវិកាលើកទឹកចិត្តដល់កងកម្លាំង ដែលបានធ្វើប្រតិបត្តិការបង្ក្រាបក្រុមឧក្រិដ្ឋជនទទួលបានជោគជ័យ កាលពីរសៀលថ្ងៃទី ៩សីហា លោក គួច ចំរើន បានគូសបញ្ជាក់ថា បញ្ហាទាំងនេះត្រូវតែបន្តស្រាវជ្រាវ និងទប់ស្កាត់ឲ្យបានទាន់ពេលវេលា ដោយបន្តចុះធ្វើសកម្មភាពល្បាត ដើម្បីស្វែងរកអ្នកដែលប្រើប្រាស់អាវុធខុសច្បាប់ ហើយត្រូវធ្វើដូចភ្លៀងរលឹម ដើម្បីគ្រប់គ្រងអ្នកប៉ុនប៉ងប្រព្រឹត្តអំពើមិនគប្បី ដោយការប្រើប្រាស់អាវុធ និងធ្វើសកម្មភាពចាប់ជំរិត និងបង្ខាំងមនុស្សដោយខុសច្បាប់នៅក្នុងក្រុង ដើម្បីសុខសុវត្ថិភាពសម្រាប់ប្រជាពលរដ្ឋ ភ្ញៀវទេសចរណ៍ និងអ្នកវិនិយោគ។

យ៉ាងណា លោកអភិបាលខេត្តព្រះសីហនុ បានណែនាំដល់កងកម្លាំងសមត្ថកិច្ច ត្រូវប្រុងប្រយ័ត្នជាប់ជាប្រចាំ ព្រោះជនល្មើសតែងតែមានអាវុធ ដូច្នេះត្រូវតែចេះការពារខ្លួនឲ្យបានល្អ៕

The post លោក គួច ចំរើន បញ្ជាឲ្យអាជ្ញាធរទប់ស្កាត់ និងបង្រ្កាបបទល្មើសធំៗ ដើម្បីសុវត្ថិភាពអ្នកវិនិយោគ appeared first on .

សូមចុច Subscribe Telegram oknha_news នឹងទទួលបានព័ត៌មានពី​សកម្មភាព​ឧកញ៉ា សេដ្ឋកិច្ច ពាណិជ្ជកម្ម និងសហគ្រិនភាព

អ្នកឧកញ៉ាត្រូវបានចាត់ថា ជាមនុស្សពាណិជ្ជករម្នាក់ តែងតែចេញមុខ​​ចែករំលែក​ជា​សាធារណៈ​នូវ​ចំណេះ​ដឹង​ទាក់ទិន​នឹង​ការអប់រំ​ ​សុខភាព​ ​និង​ការ​ធ្វើអាជីវកម្ម​ដល់មនុស្សជំនាន់ក្រោយឲ្យមានកម្លាំងចិត្តកសាងជាតិមួយសម្បូរដោយធនធានខ្លាំងពូកែ។​

អ្នកឧកញ៉ា គួច ម៉េង មានប្រសាសន៍ថា «​ខ្ញុំ​ពិតជា​មាន​កិត្តិយស​ ​និង​សេចក្តី​សោម​នស្សក្រៃលែង​ ​ដែល​ព្រះករុណា​ ​ព្រះមហាក្សត្រ​ ​ទ្រង់​បាន​ប្រទាន​គោ​រម​ងារ​នេះ​ដល់​ខ្ញុំ​ ​ចំពោះ​ការចូលរួម​របស់​ខ្ញុំ​ ​និង​ក្រុមហ៊ុន​ក្នុង​សកម្មភាព​មនុស្សធម៌​នានា​ ​ក៏ដូចជា​គោលបំណង​និង​សេចក្តីព្យាយាម​ប្រឹងប្រែង​របស់​ខ្ញុំ​ ​ក្នុង​ការ​ចែករំលែក​ចំណេះ​ដឹង​ជាច្រើន​ទៅដល់​សា​ធារណ​ជន​ទាំង​យុវជន​ ​និង​ចាស់ទុំ​ ឱ្យ​ពួកគាត់​មានជីវិត​ ​និង​អនាគត​ ​ក៏ដូចជា​ការចូលរួម​ក្នុង​ការ​អភិវឌ្ឍ​ប្រទេសជាតិ​»​។

អ្នកឧកញ៉ា​ បន្ត​ថា៖​ ​«​កិត្តិយស​នេះ​ ​ធ្វើ​ឱ្យ​ខ្ញុំ​កាន់តែ​មាន​កម្លាំងចិត្ត​ ​ក្នុង​ការ​ធ្វើការងារ​ទាំងនេះ​បន្ត​ទៀត​ ​ជាពិសេស​តាមរយៈ​មូលនិធិ​ ​ម៉េង​លី​ ជេ. គួ​ច​ ​ហើយ​ខ្ញុំ​សូម​អំពាវនាវ​ឱ្យ​សាធារណជន​ទាំងឡាយ​ចូលរួម​ជាមួយនឹង​មូលនិធិ​របស់យើង​ ​ដើម្បី​ពង្រឹង​ការងារ​សប្បុរស​ធម៌​ ​និង​មនុស្សធម៌​ ​ដើម្បី​អភិវឌ្ឍ​សង្គមជាតិ​យើង​ឱ្យ​បាន​កាន់តែ​ល្អ​ប្រសើរ​ទៅទៀត »​ ​។​

អ្នកឧកញ៉ា​ គឺជា​ស្ថាបនិក​ប្រធាន​ក្រុមប្រឹក្សា​ភិ​បាល​ ​និង​អគ្គនាយក​ប្រតិបត្តិ​ ​នៃ​ក្រុមហ៊ុន​ ​ម៉េង​លី​ ជេ. គួ​ច​ អេឌ្យូខេ​សិន​ ​ដែល​មាន​មជ្ឈមណ្ឌល​ភាសា​ អេ ​អាយ​ ​អាយ​ ​និង​សាលារៀន​ ​អន្តរទ្វីប​ ​អាមេរិកាំង​ ​ជា​បុត្រ​សម្ពន្ធ​ដោយ​ផ្ដោ​ត​សំខាន់​ទៅលើ​ការ​បណ្ដុះបណ្ដាល​ធនធានមនុស្ស​នៅ​កម្ពុជា​ ​ព្រមទាំង​មាន​គ្រឹះស្ថាន​ប្រសិទ្ធ​ភាព​ហ្វា​យ​នែ​ន​។​

គួររម្លឹកជូនថា តាមរយៈ​សកម្មភាព​និង​ទឹកចិត្តប្រកបដោយ​សប្បុរស​ធម៌​បេះដូងបរិសុទ្ធស្អាត​បរិច្ចាគថវិកា និងគ្រឿងសម្ភារៈចាំបាច់មួយចំនួន គិតជាទឹកប្រាក់ច្រើនលានដុល្លារជូនទៅដល់រាជរដ្ឋាភិបាលកន្លងមក សរបញ្ជាក់ឲ្យឃើញពីសមិទ្ធផល និងសក្ខីកម្ម​ រហូត​ត្រូវបានព្រះមហាក្សត្រ​ចេញព្រះរាជក្រឹត្យ​ ​តែងតាំង​ជា​ “​ឧកញ៉ា​” ​ចាប់តាំង​ពី​ ​ឆ្នាំ​២​០​០​៩​ ​មក​ ​ដើម្បីជាកិច្ច​តបស្នង​ ​នូវ​ទឹក​ចិត្តសប្បុរស​ធម៌​ ​ដែល​លោក​បាន​បរិ​ច្ចា​គសម្រាប់​ប្រទេសជាតិ​ ៕

The post បន្ទាប់ពីទទួលងារបន្ថែម អ្នកឧកញ៉ា គួច ម៉េងលី ប្តេជ្ញាបន្ត​ពង្រឹង​ការងារ​សប្បុរស​ធម៌​និង​មនុស្សធម៌​​ដើម្បី​អភិវឌ្ឍ​សង្គមជាតិ​​ឱ្យ​កាន់តែល្អ​ប្រសើរ​ appeared first on .

ភរិយារបស់អភិបាលខេត្តព្រះសីហនុ លោក គួច ចំរើន គឺលោកជំទាវ អ៊ូ ធីតាពៅ បានបង្ហោះលើទំព័រហ្វេសបុកនៅរសៀលនេះថា “ខ្ញុំថាមិនចង់និយាយទេ តែ! លោកប្រើពាក្យពេជ្រធ្ងន់ធ្ងរលើសលភ់ពេកហើយក្នុងនាមខ្ញុំជាអ្នកដែលគោរពព្រះពុទ្ធ ខ្ញុំទទួលយកមិនបានទេ”។

លោកជំទាវបន្តថា លោកដែលហារមាត់ថា គេអត់មានមេត្តា សួរខ្លួនឯងមើលៗថា តើរាល់ថ្ងៃហ្នឹងលោកមានមេត្តាស្មើរនឹងបុគ្គលដែលលោកដៀលកប់កប់មាត់ហើយនៅ? លោកយកអីមកប្រមាថបុគ្គលគួរជាទីគោរព ចុះទង្វើ និងចិត្តលោកវិញ លោកមានដែលបានយកពេលមកមើលខ្លួនលោកទេ?

លោកជំទាវបានឆោទសួរថា តើចិត្តគំនិតនិងទង្វើពាក្យសម្តីលោករាល់ថ្ងៃហ្នឹងបរិសុទ្ធប៉ុណ្ណា មុននឹងយកពេលមកឡាយតាមការគិតរបស់លោកតែម្នាក់ឯង ឬគ្នាលោកតែមួយផ្នែកតូច។

សូម​រំលឹកថា​ ករណី​ផ្ទុះ​ក្នុង​បណ្ដាញ​សង្គម facebook នេះ​ថា​មាន​ករណី​អំពើហិង្សា​នៅក្នុង​វត្ត​រាជ​បូណ៌ ដោយព្រះចៅអធិការវត្តព្រះនាម ពិន សែម ព្រះជន្ម៨០វស្សា ទៅលើសិស្សគណរបស់លោក ដែល​បាន​កើតឡើង​កាលពី​ថ្ងៃ​ថ្ងៃទី១៤ ខែមីនា​ឆ្នាំ​២០២១​ ស្ថិតក្នុង​វត្ត​រាជ​បូណ៌ ដែល​ស្ថិតនៅ​ភូមិ​វត្ត​បូ​ណ៌ សង្កាត់​សាលា​កំរើក ​ក្រុង​សៀមរាប​៕

The post ភរិយាអភិបាលខេត្តព្រះសីហនុ ប្រតិកម្មលើពាក្យសម្តីរបស់លោក ផែង វណ្ណៈ ដែលបានប្រមាថដល់សមាជិកថេរសភាសង្ឃខេត្តសៀមរាប appeared first on .

The post នៅខេត្តព្រះសីហនុ ភ្លៀងមួយមេ សំរាមហូចូលពេញ អូស្តេចមឹក ផ្លូវ៣០១ appeared first on .

នេះជាការ​បង្ក្រាប​គ្រឿងញៀនទ្រង់ទ្រាយធំ​នៅក្រុងព្រះសីហនុ ដោយ​ក្នុង​ប្រតិបត្តិការបង្ក្រាប បានធ្វើការ​ឃាត់ខ្លួនមនុស្ស​ចំនួនជាង ១០០នាក់ ដើម្បីយក​មកធ្វើការ​សាកសួរ និង​ធ្វើតេស្ត​រកសារធាតុញៀន៕

The post គួច ចំរើន ចុះ​បង្ក្រាប​គ្រឿងញៀន​​​ទាំងកណ្ដាល​អាធ្រាត្ររឃាត់ខ្លួន​ជាង​១០០នាក់ appeared first on .

សម្តេច​បាន​លើកឡើង​យ៉ាងដូច្នេះ​ថា៖ «ខ្ញុំមើល comment ថ្ងៃហ្នឹង អ្នក​កំពង់ចាម​អត់ចង់​ឱ្យ គួច ចំរើន ចេញពី​កំពង់ចាម​ទេ។ ប៉ុន្តែដោយ​សារ គួច ចំរើន ខ្លាំងហ្នឹង​ហើយ បាន​ជាយក​មកដាក់​នៅកន្លែងមួយ​ ដែលត្រូវការ​មនុស្ស​ខ្លាំង​ដូច គួច ចំរើន។ គាត់​ជា​បញ្ញវន្ត​ម្នាក់ ដែលគួរ​ឱ្យគោរព ហើយក៏​ចេះការងារ​រដ្ឋបាល​ខេត្ត។ អ៊ីចឹង បើសិន​ជាមនុស្ស​មិនខ្លាំង​ទេ ចាំបាច់​ដក យន្ត មីន​ ទៅធ្វើអី ទុក យន្ត មីន នៅហ្នឹង​ហើយ។ យើងចង់​យក គួច ចំរើន ដោយសារ គួច ចំរើន មានបទ​ពិសោធន៍ ក្នុងការ​ដឹកនាំ​នៅក្នុង​ទីក្រុង​ភ្នំពេញ។ ដូច្នេះ​បទពិសោធន៍​នោះ គួបផ្សំ​នឹងការ​គ្រប់គ្រង​ខេត្ត ដែលមាន​ទាំងតំបន់​ជនបទ និង​ទីក្រុង គួច ចំរើន មាន​លទ្ធភាព​អាច​អភិវឌ្ឍ​ខេត្តព្រះសីហនុ​បានល្អ»។

សូម​រំលឹក​ថា លោក គួច ចំរើន បាន​កាន់តំណែង​ជាច្រើន​ដូចជា៖ អភិបាលរងខណ្ឌចំការមន (១៩៩៩-២០០៤) , អភិបាលខណ្ឌមានជ័យ​(២០០៤-២០១៤), អភិបាលខណ្ឌដូនពេញ (២០១៤-២០១៦), អគ្គនាយករងរដ្ឋបាលក្រសួងមហាផ្ទៃ (២០១៦-២០១៧) និង​អភិបាលខេត្តកំពង់ចាម (ខែមិថុនា ឆ្នាំ២០១៧-ខែមិថុនា ២០១៩)៕

ប្រភាព៖ kleykley
អត្ថបទ៖ សំភី

The post សម្តេច ហ៊ុន សែន ថា​លោក គួច ចំរើន ជា​មនុស្ស​ខ្លាំង​ដែលអាច​គ្រប់គ្រង​ខេត្តព្រះសីហនុ​បាន appeared first on .