ដឹងអត់ថា មកទល់បច្ចុប្បន្ននៅកម្ពុជាមាន «លោកអ្នកឧកញ៉ា» ប៉ុន្មានរូប?

ឧកញ៉ាដែនដី — Mon, 09 Sep 2024 00:45:00 +0000

គោរមងារឧកញ៉ា សំដៅដល់ងារកិត្តិយស ដែលព្រះមហាក្សត្រទ្រង់ព្រះរាជទានដោយព្រះរាជក្រឹត្យទៅតាមលំដាប់ថ្នាក់ ដល់រូបវន្តបុគ្គលជាប្រជាពលរដ្ឋខ្មែរ ដែលមានគុណបំណាច់ក្នុងការចូលរួមអភិវឌ្ឍនិងកសាងជាតិ។ គោរមងារឧកញ៉ា មាន៣លំដាប់ថ្នាក់គឺ លោកអ្នកឧកញ៉ា អ្នកឧកញ៉ា និងឧកញ៉ា។ បើតាមទិន្នន័យដែលឧកញ៉ា ញូស៍ ទទួលបាន គិតត្រឹមខែសីហា ឆ្នាំ២០២៤នេះ នៅកម្ពុជាបច្ចុប្បន្នមាន «លោកអ្នកឧកញ៉ា» ចំនួន ៨រូប រួមមានដូចខាងក្រោម៖

១. លោកអ្នកឧកញ៉ា ពុង ឃាវសែ ៖ ប្រធានក្រុមប្រឹក្សាភិបាលក្រុមហ៊ុន OCIC

២. លោកអ្នកឧកញ៉ា លី ហួរ ៖ ប្រធាននាយកប្រតិបត្តិក្រុមហ៊ុន លី ហួរ គ្រុប

៣. លោកអ្នកឧកញ៉ា លី យ៉ុងផាត់ ៖ អគ្គនាយកក្រុមហ៊ុន LYP Group

៤. លោកអ្នកឧកញ៉ា ភាព ហៀក ៖ ស្ថាបនិកក្រុមហ៊ុន ជីប ម៉ុង គ្រុប

៥. លោកអ្នកឧកញ៉ា លាង ឃុន ៖ សហស្ថាបនិក និងជាប្រធានក្រុមប្រឹក្សាភិបាលក្រុមហ៊ុន ជីប ម៉ុង គ្រុប

៦. លោកអ្នកឧកញ៉ា ស៊ី គង់ទ្រីវ ៖ នាយកក្រុមហ៊ុន ខេ ធី ប៉ាស៊ីហ្វិច គ្រុប លីមីធីត

៧. លោកអ្នកឧកញ៉ា ភូ ហុងស៊ួន ស៊ីគង់ទ្រីវ ៖ ម្ចាស់មជ្ឈមណ្ឌលម៉ុងឌីយ៉ាល់ និងផ្សារនាគមាស

៨. លោកអ្នកឧកញ៉ា ទ្រី ភាព ៖ អគ្គនាយកក្រុមហ៊ុន ទ្រី ភាព គ្រុប

ថ្មីៗនេះនៅថ្ងៃទី០២ ខែកញ្ញា ឆ្នាំ២០២៤ ព្រះមហាក្សត្របានចេញព្រះរាជក្រឹត្យផ្តល់គោរមងារជូន លោកជំទាវ គង់ បញ្ញា កូនស្រីសម្តេចចៅហ្វាវាំង វរវៀងជ័យ អធិបតីស្រឹង្គារ គង់ សំអុល ជា «លោកអ្នកឧកញ៉ា មហាភក្តី គង់ បញ្ញា»។ ទោះយ៉ាងណា គោរមងារថ្មីនេះ មិនស្ថិតក្នុងចំណោមគោរមងារ «លោកអ្នកឧកញ៉ា» ដែលមានចែងក្នុងព្រះរាជក្រឹត្យស្តីពីគោរមងារឧកញ៉ានោះទេ ពោលគឺគោរមងារនេះ ជាគោរមងារពិសេសមួយដាច់ដោយឡែក សម្រាប់ផ្តល់ជូនថ្នាក់ដឹកនាំជាន់ខ្ពស់នៃក្រសួងព្រះបរមរាជវាំង។

សូមជម្រាបថា បើតាមអនុក្រឹត្យស្តីពីបែបបទ និងនីតិវិធី នៃការស្នើសុំនិងវាយតម្លៃក្នុងការផ្តល់គោរមងារឧកញ៉ា និងការបញ្ចប់គោរមងារឧកញ៉ា ដែលចុះហត្ថលេខាដោយសម្តេចធិបតី ហ៊ុន ម៉ាណែត នាយករដ្ឋមន្ត្រី នាថ្ងៃទី៤ ខែមិថុនា ឆ្នាំ២០២៤ ការផ្តល់គោរមងារជា «លោកអ្នកឧកញ៉ា» ត្រូវអនុវត្តចំពោះគោរមវន្តដែលបានទទួលគោរមងារជាអ្នកឧកញ៉ា យ៉ាងតិច ៥ឆ្នាំ មានអាយុយ៉ាងតិច ៤៥ឆ្នាំ និងផ្តល់អំណោយជាថវិកាជូនរដ្ឋ ក្នុងទំហំទឹកប្រាក់ចំនួន ១៦ ០០០ ០០០ ០០០ រៀល (ដប់ប្រាំមួយប៊ីលានរៀល) ប្រហែល ៤លានដុល្លារ ឡើងទៅ បន្ថែមពីលើសមិទ្ធផលផ្សេងទៀត ដែលជាអត្ថប្រយោជន៍សម្រាប់សង្គមជាតិ៕

The post ដឹងអត់ថា មកទល់បច្ចុប្បន្ននៅកម្ពុជាមាន «លោកអ្នកឧកញ៉ា» ប៉ុន្មានរូប? appeared first on .

អ្នកឧកញ៉ា លី ហួរ ត្រូវបានព្រះមហាក្សត្រប្រោសព្រះរាជទានគោរម្យងារជា “លោកអ្នកឧកញ៉ា”

អ្នកឧកញ៉ាវត្តភ្នំ — Sat, 27 Apr 2024 09:05:13 +0000

អ្នកឧកញ៉ា លី ហួរ ប្រធាននាយកប្រតិបត្តិក្រុមហ៊ុន លី ហួរ គ្រុប និងជាសមាជិកក្រុមប្រឹក្សាភិបាលនៃសមាគមឧកញ៉ាកម្ពុជា ត្រូវបានព្រះមហាក្សត្រ ព្រះករុណាព្រះបាទសម្ដេចព្រះបរមនាថ នរោត្តម សីហមុនី ត្រាស់បង្គាប់ប្រោសព្រះរាជទានគោរមងារជា “លោកអ្នកឧកញ៉ា” តាមរយៈព្រះរាជក្រឹត្យលេខ នស/រកត/០៤២៤/៣៤៦ ចុះថ្ងៃទី១២ ខែមេសា ឆ្នាំ២០២៤ ។

គោរមងារ “លោកអ្នកឧកញ៉ា” ដ៏ឧដង្គុង្គឧត្ដម ដែល អ្នកឧកញ៉ា លី ហួរ ទទួលនាពេលនេះ តមតាមសេចក្ដីក្រាបង្គំទូលថ្វាយរបស់សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា។

គួរបញ្ជាក់ផងដែរថា ព្រះរាជក្រឹត្យផ្ដល់គោរមងារជា “លោកអ្នកឧកញ៉ា” ជូនអ្នកឧកញ៉ា លី ហួរ ត្រូវបានផ្ដល់កិត្តិយសប្រគល់ជូនផ្ទាល់ដៃ ដោយសម្ដេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា និងជាប្រធានកិត្តិយស សមាគមឧកញ៉ាកម្ពុជា កាលពីល្ងាចថ្ងៃសុក្រ ទី២៦ ខែមេសា ឆ្នាំ២០២៤នេះ ក្នុងពិធីសន្និបាតលើកទី១ និងកម្មវិធីពិសាអាហារសាមគ្គីមហាគ្រួសារសមាគមឧកញ៉ាកម្ពុជា នៅសណ្ឋាគារ ហ្គាឌិនសុីធី ៕

The post អ្នកឧកញ៉ា លី ហួរ ត្រូវបានព្រះមហាក្សត្រប្រោសព្រះរាជទានគោរម្យងារជា “លោកអ្នកឧកញ៉ា” appeared first on .

គោរមងារលោកអ្នកឧកញ៉ា

ដឹងអត់ថា មកទល់បច្ចុប្បន្ននៅកម្ពុជាមាន «លោកអ្នកឧកញ៉ា» ប៉ុន្មានរូប?

អ្នកឧកញ៉ា លី ហួរ ត្រូវបានព្រះមហាក្សត្រប្រោសព្រះរាជទានគោរម្យងារជា “លោកអ្នកឧកញ៉ា”