យោងតាមព្រះរាជក្រឹត្យ ស្តីពីគោរមងារឧកញ៉ា ចេញផ្សាយកាលពីថ្ងៃទី២៣ ខែតុលា ឆ្នាំ២០២៤ បានឱ្យដឹងថា បុគ្គលដែលត្រូវផ្ដល់គោរមងារឧកញ៉ាត្រូវគោរពតាមលក្ខខណ្ឌ និងមានលក្ខណៈសម្បត្ដិមួយចំនួនដូចជា៖ គោរមងារឧកញ៉ាលំដាប់ថ្នាក់ណាមួយ ត្រូវផ្តល់ជូនរូបវន្ត បុគ្គលជាប្រជាពលរដ្ឋខ្មែរ ដោយផ្អែកតាមគុណសម្បត្តិ ស្នាដៃ និងគុណបំណាច់ធំធេងដែលបានចូលរួម អភិវឌ្ឍ និងកសាងជាតិ។

បន្ថែមទៀតនោះ ត្រូវមានគុណសម្បត្តិ ស្នាដៃ និងគុណបំណាច់ក្នុងការចូលរួមអភិវឌ្ឍ និងកសាងជាតិ មានជាអាទិ៍ ការចូលរួម បរិច្ចាគធនធានជាថវិកា ទ្រព្យសម្បត្តិផ្ទាល់ខ្លួន ឬសម្ភារបរិក្ខារនានាសម្រាប់កិច្ចការសង្គមនិងការងារមនុស្សធម៌ផ្សេងៗ ឬការកសាងហេដ្ឋារចនាសម្ព័ន្ធរូបវន្តនានា ក្នុងនោះមានដូចជា ផ្លូវ ស្ពាន សាលារៀន មន្ទីរពេទ្យ ប្រព័ន្ធធារាសាស្ត្រ វត្តអារាម អគារសាធារណៈជាដើម ព្រមទាំងរបកគំហើញនូវបច្ចេកវិទ្យាថ្មីៗណាមួយ ឬ ស្នាដៃពិសេសដែលមានអត្ថប្រយោជន៍សម្រាប់សង្គមជាតិ។

ដោយឡែកសម្រាប់ទំហំទឹកប្រាក់នៃការចូលរួមបរិច្ចាគធនធានឬសម្ភារបរិក្ខារនានា ការកសាងហេដ្ឋារចនាសម្ព័ន្ធរូបវន្តនានា ឬរបកគំហើញនូវបច្ចេកវិទ្យាថ្មីៗណាមួយ ឬស្នាដៃពិសេសដែលមានអត្ថប្រយោជន៍សម្រាប់សង្គមជាតិខាងលើ ដែលជាកម្មវត្ថុនៃការផ្តល់គោរមងារឧកញ៉ាតាមលំដាប់ថ្នាក់ណាមួយ ត្រូវកំណត់ដោយអនុក្រឹត្យ។

ទន្ទឹមនឹងលក្ខខណ្ឌខាងលើនេះ រូបវន្ដបុគ្គលជាប្រជាពលរដ្ឋខ្មែរដែល ត្រូវផ្តល់គោរមងារឧកញ៉ា ត្រូវមានលក្ខណសម្បត្តិមួយចំនួនផងដែរដូចជា៖ មានប្រវត្តិរូបច្បាស់លាស់ ,មានកិរិយាមារយាទល្អ, ពុំធ្លាប់ត្រូវបានផ្តន្ទាទោសពីបទឧក្រិដ្ឋ ឬបទមជ្ឈិមណាមួយ និងត្រូវមានមុខរបរស្របច្បាប់៕

The post មកដឹងពីលក្ខខណ្ឌ និងលក្ខណៈសម្បត្ដិរបស់បុគ្គលដែលត្រូវផ្ដល់គោរមងារ «ឧកញ៉ា» appeared first on .

ក្រោយទទួលបានគោរមងារនេះ លោកបណ្ឌិត លី រិទ្ធ បានបង្ហោះសារលើបណ្តាញសង្គមហ្វេសប៊ុក កាលពី​ថ្ងៃទី១២ ខែកក្កដា ឆ្នាំ២០២៤ ដូច្នេះថា៖ “នាឱកាសដ៏មហានក្ខត្តឫក្សវិសេសវិសាលនេះ ទូលព្រះបង្គំ​ជាខ្ញុំ ព្រមទាំងក្រុមគ្រួសារទាំងអស់ សូមព្រះបរមរាជានុញ្ញាតសម្ដែងនូវស្វាមីភក្តិដ៏ខ្ពង់ខ្ពស់បំផុត ថ្វាយព្រះករុណាជា​អម្ចាស់ជីវិតលើត្បូង ជាទីគោរពសក្ការៈដ៏ខ្ពង់ខ្ពស់បំផុត ដែលព្រះអង្គប្រោសព្រះរាជទានដ៏ឧត្តុង្គឧត្តម​ត្រាស់​បង្គាប់​ផ្តល់គោរពងារ​ ទួលបង្គំជាខ្ញុំ​បាទ​ បណ្ឌិត​ លី​ រិទ្ធ​ ជា​ ឧកញ៉ា​ តាមព្រះរាជក្រឹត្យលេខ​ នស/រកត/០៦២៤/​៦៧១ ចុះថ្ងៃទី១៩ ខែមិថុនា ឆ្នាំ២០២៤។

“ទូលព្រះបង្គំជាខ្ញុំ សូមព្រះបរមរាជានុញ្ញាតបួងសួងដល់ព្រះគុណបុណ្យព្រះរតនត្រ័យ កែវទាំងបី ទេវតាថែរក្សា​ព្រះមហាស្វេតច្ឆ័ត្រ សូមព្រះមេត្តាប្រសិទ្ធពរជ័យ បវរសួស្ដី មហាប្រសើរ ថ្វាយព្រះករុណាជាអម្ចាស់ជីវិតលើត្បូង ជាទីគោរពសក្ការៈដ៏ខ្ពង់ខ្ពស់បំផុត សូមព្រះអង្គមានព្រះរាជសុខភាពល្អបរិបូរណ៍ ព្រះកាយពលមាំមួន ព្រះជន្មា​យុយឺនយូរ ដើម្បីគង់ប្រថាប់ដ៏សុខដុមរមនាជាមហាម្លប់ដ៏ត្រជាក់ត្រជុំដល់ប្រជានុរាស្ត្រជាកូនចៅ ចៅទួត​របស់​ព្រះអង្គនៅទូទាំងប្រទេសកម្ពុជាយូរអង្វែងតរៀងទៅ”។

ជាមួយគ្នានេះ លោកឧកញ៉ា លី រិទ្ធ ក៏បានគោរពថ្លែងអំណរគុណយ៉ាងជ្រាលជ្រៅបំផុតចំពោះ សម្តេចមហាបវរធិបតី ហ៊ុន ម៉ាណែត​ នាយករដ្ឋមន្រ្តី នៃព្រះរាជាណាចក្រកម្ពុជា ដែលបានផ្តល់សេចក្តីទុកចិត្ត​ និងបានធ្វើ​សេចក្តីបង្គំ​ទូលថ្វាយចំពោះព្រះមហាក្សត្រ​ ដើម្បីត្រាស់បង្គាប់ផ្តល់គោរពងារ​រូបលោក ជា​ ឧកញ៉ា។

សូមជម្រាបថា លោក​បណ្ឌិត លី រិទ្ធ គឺជាសមាជិកនៃសមាគមឧកញ៉ាកម្ពុជា និងជាអគ្គនាយកប្រតិបត្តិក្រុមហ៊ុន អិកវ៉ធើរ ថេកណឡជី (X-Water Technology Co., Ltd) ដែលជាក្រុមហ៊ុន​នាំចូលនិងលក់ចែកចាយ​នូវ​សម្ភារៈ​​កែច្នៃ​ប្រព័ន្ធ​ទឹកកខ្វក់​ ឧបករណ៍ប្រព័ន្ធអគ្គីសនី (សូឡា) និងឧបករណ៍ប្រព័ន្ធទឹក​ជា​ច្រើន​ប្រភេទទៀត៕

The post ព្រះមហាក្សត្រ ត្រាស់បង្គាប់ផ្តល់គោរមងារ «ឧកញ៉ា» ជូនលោក លី រិទ្ធ អគ្គនាយកក្រុមហ៊ុន X-Water Technology appeared first on .

ការអំពាវនាវរបស់លោកអ្នកឧកញ៉ា លី យ៉ុងផាត់ ធ្វើឡើងនៅក្នុងឱកាសនៃពិធីសំណេះសំណាល និងពិសាភោជនាហារសាមគ្គី នៃមហាគ្រួសារសមាគមឧកញ៉ាកម្ពុជា និងសមាគមអ្នកអភិវឌ្ឍន៍លំនៅឋានកម្ពុជា ក្រោមអធិបតីភាពដ៏ខ្ពង់ខ្ពស់សម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា និងលោកជំទាវបណ្ឌិត ពេជ ចន្ទមុន្នី នាល្ងាចថ្ងៃទី២ ខែសីហា ឆ្នាំ២០២៤នេះ នៅអគារ ដឺ ព្រេមៀ សេនធ័រ សែនសុខ។

លើកឡើងនៅលើវេទិកា លោកអ្នកឧកញ៉ា លី យ៉ុងផាត់ បានថ្លែងថា «សូមលោកអ្នកឧកញ៉ា អ្នកឧកញ៉ា ឧកញ៉ា ទាំងអស់ដែលមិនទាន់បានចុះឈ្មោះជាសមាជិកនៃសមាគមឧកញ៉ាកម្ពុជា សូមអញ្ជើញចូលរួមចុះឈ្មោះឱ្យបានទាំងអស់គ្នា ដើម្បីរួមចំណែកលើកកម្ពស់ឧត្ដមភាពគោរងារ ឧកញ៉ា តាមរយៈការប្រមូលកម្លាំង ធនធាន ចំណេះដឹង និងបទពិសោធន៍ ចូលរួមជួយអភិវឌ្ឍសង្គម សេដ្ឋកិច្ចកម្ពុជា ការងារមនុស្សធម៌ និងការជំរុញការលើកកម្ពស់ពាណិជ្ជកម្មនិងការវិនិយោគនៅក្នុងប្រទេស»។

បន្ថែមពីនោះ ក៏បានចូលរួមបង្កើតការងារជូនប្រជាពលរដ្ឋកម្ពុជា ក្រោមម្លប់សន្ដិភាពនិងការដឹកនាំដោយភាពស្វាហាប់យ៉ាងរហ័សរហួន និងប៉ិនប្រសប់របស់សម្ដេចធិបតី ហ៊ុន ម៉ាណែត នាយករដ្ឋមន្រ្ដី។

សូមជម្រាបជូនថា កន្លងមកនេះសមាគមឧកញ៉ាកម្ពុជា បានចូលរួមយ៉ាងសកម្មជាមួយរាជរដ្ឋាភិបាលកម្ពុជា លើការងារសង្គម និងការងារសប្បុរសធម៌សំខាន់ៗ ដូចជា បានថ្វាយ តង្វាយ ជាអង្ករ និងថវិកា ថ្វាយ អង្គព្រះមហាក្សត្រ និង ហ្លួងម៉ែ ដើម្បីចូលរួមដង្ហែ ព្រះរាជសកម្មភាពមនុស្សធម៌ ដ៏ឧត្តុង្គឧត្តមរបស់ព្រះអង្គទាំងទ្វេ , បានបរិច្ចាគថវិកាជូន ដល់កាកបាទក្រហមកម្ពុជា ជារៀងរាល់ឆ្នាំ, បានបរិច្ចាគថវិកាសម្រាប់សកម្មភាពបោសសម្អាតមីន និងអាវុធយុទ្ធភ័ណ្ឌ មិនទាន់ផ្ទុះផ្សេងទៀតនៅកម្ពុជា, បានបរិច្ចាគថវិកាជូនសមាគមយុវជនគ្រូពេទ្យស្ម័គ្រចិត្ត សម្តេចតេជោ ( ធី ដា ) ដើម្បីរៀបចំមន្ទីរពេទ្យ ល្លួង ម៉ែ, បានបរិច្ចាគថវិកាជាមួយសាលារាជធានីភ្នំពេញក្នុងអំឡុងពេល បិទខ្ទប់នៃការឆ្លងរីករាលដាលនៃជំងឺកូវីដ-១៩។

បន្ថែមពីនោះ សមាគមឧកញ៉ាកម្ពុជាក៏បានបរិច្ចាគថវិកាកសាងអគារសិក្សានៅ ពុទ្ធិកៈសាកលវិទ្យាល័យព្រះសីហមុនីរាជា, បានបរិច្ចាគថវិកាចូលរួមជួសជុលមហាកុដិ សម្តេចព្រះសង្ឃរាជ ជួន ណាត, បានបរិច្ចាគថវិកាកសាងសារមន្ទីរ សម្តេចព្រះ ព្រហ្ម រត នមុនី ពិន សែម រាជបូណ៌, បានចែកសម្លៀកបំពាក់ សម្ភារៈសិក្សា ថវិកា និងកសាងហេដ្ឋារចនាសម័្ពន្ធនានានៅសាលាអនុវិទ្យាល័យស្ទឹងជ្រៅ ក្រុងតាខ្មៅ ខេត្តកណ្តាល និងបានចែកសម្លៀកបំពាក់ គ្រឿងឧបភោគបរិភោគ និងថវិកា ដល់កុមារកំព្រានៅក្នុងមណ្ឌលចំនួន ៤កន្លែងក្នុងខេត្តកំពង់ស្ពឺផងដែរ៕

The post លោកអ្នកឧកញ៉ា លី យ៉ុងផាត់ អំពាវនាវដល់លោកអ្នកឧកញ៉ា អ្នកឧកញ៉ា និងឧកញ៉ា ដែលមិនទាន់បានចុះឈ្មោះជាសមាជិកសមាគមឧកញ៉ាកម្ពុជា សូមចុះឈ្មោះដើម្បីបានចូលរួមជាចំណែកជាមួយសមាគម អភិវឌ្ឍសង្គម-សេដ្ឋកិច្ចកម្ពុជា appeared first on .

លោក ឡាយ ឈុនហួ ត្រូវបានគេស្គាល់ថា ជាអគ្គនាយក ក្រុមហ៊ុន ស៊ីធីរ៉ាយស៍ អ៊ិមផតអិចផតខូអិលធីឌី ដែលជាក្រុមហ៊ុននាំចេញអង្ករធំ១នៅកម្ពុជា។ ក្រៅពីនោះ លោកក៏មានតួនាទីជា អគ្គនាយកក្រុមហ៊ុន អែមដាយអីម៉ិន អ៊ិនធើត្រេដ ឯ.ក ផងដែរ។

លោក ឡាយ ឈុនហួ មានស្រុកកំណើតនៅភូមិថ្មគោល ឃុំតាម៉ឺន ស្រុកបាត់ដំបង ខេត្តបាត់ដំបង។ នៅក្នុងការសិក្សា អគ្គនាយកក្រុមហ៊ុននាំចេញអង្ករដ៏ធំលេខ១នេះ បានបញ្ចប់ថ្នាក់បរិញ្ញាបត្រពាណិជ្ជកម្ម កាលពីឆ្នាំ២០០៦ មកពីសហរដ្ឋអាមេរិច, បញ្ចប់ថ្នាក់អនុបណ្ឌិតគ្រប់គ្រងអាជីវកម្ម នៅឆ្នាំ២០១០ ពីសហរដ្ឋអាមេរិច។ មិនត្រឹមតែប៉ុណ្ណោះ លោក ឡាយ ឈុនហួ ក៏បានរៀនចប់វគ្គបណ្ដុះបណ្ដាល អាជីវកម្ម នៅឆ្នាំ២០០២ ពីប្រទេសនូវែលសេឡង់ផងដែរ។

លោក ឡាយ ឈុនហួ ជាសិស្សកម្ពុជាដែលមានសមត្ថភាព អាចចេះនិយាយរហូតដល់ទៅ៤ភាសា គឺភាសាខ្មែរ ភាសាអង់គ្លេស ភាសាចិនកុកងឺ និងភាសាថៃ។

ក្រៅពីសមត្ថភាពទាំងអស់នេះ លោក ឡាយ ឈុនហួ ធ្លាប់បានទទួលគ្រឿងឥស្សរិយយសជាច្រើនផងដែរ ដូចជា គ្រឿងឥស្សរិយយសការងារ និងគ្រឿងឥស្សរិយយស ថ្នាក់មហាសេរីវឌ្ឍន៍។

នៅក្នុងកិច្ចការសង្គម អគ្គនាយកស៊ីធីរ៉ាយស៍ អ៊ិមផតអិចផតខូអិលធីឌី តែងតែចូលរួមបរិច្ចាគធនធានផ្ទាល់ខ្លួនជាមួយរាជរដ្ឋាភិបាលជាច្រើនដូចជា បរិច្ចាគថវិកា ក្នុងខួប១៦១ ទិវាពិភពលោកកាកបាទក្រហម និងអឌ្ឍចន្ទក្រហម ៨ ឧសភា ២០២៤, បរិច្ចាគថវិកាជូនដល់មន្ទីពេទ្យគន្ធបុប្ផា តាមរយៈការប្រកួតបាល់ទាត់មនុស្សធម៌ របស់ក្រុមបាល់ទាត់តារាកម្ពុជា , បរិច្ចាគអង្ករដល់ក្រសួងនានា ដើម្បីប្រើប្រាស់ក្នុងការងារមនុស្សធម៌ ចុះជួយប្រជាជនក្រីក្រ ជាពិសេសចាស់ជរា និងកុមារក្រីក្រ ក្នុងស្រុកថ្មគោល ខេត្តបាត់ដំបង
,បរិច្ចាគថវិកា ធ្វើសាលាអនុវិទ្យាល័យតាម៉ឺន ស្រុកថ្មគោល ខេត្តបាត់ដំបង និងកម្មវិធីជាច្រើនទៀតរបស់រាជរដ្ឋាភិបាល៕

The post អគ្គនាយកក្រុមហ៊ុននាំចេញអង្ករធំ១នៅកម្ពុជា ត្រូវបានព្រះមហាក្សត្រត្រាស់បង្គាប់ប្រទានគោរមងារ «ឧកញ៉ា» appeared first on .

គោរមងារ ដ៏ខ្ពង់ខ្ពស់បំផុត និងឧត្តុង្គឧត្តមនេះ គឺពិតជាស័ក្តិសមនិងជាសក្ខីភាពឆ្លុះបញ្ចាំងអំពីគុណវុឌ្ឍិដែល លោកឧកញ៉ា បានលះបង់ទាំងកម្លាំងកាយ កម្លាំងចិត្ត ប្រាជ្ញាស្មារតី និងធនធានជាច្រើនដើម្បីចូលរួមបម្រើឧត្តមប្រយោជន៍ជូនជាតិមាតុភូមិ និងប្រជាជនកម្ពុជាទាំងក្នុងវិស័យសេដ្ឋកិច្ច សង្គមកិច្ច សាសនា និងមនុស្សធម៌នាពេលកន្លងមក។

ជាថ្មីម្ដងទៀត ខ្ញុំបាទ និងក្រុមគ្រួសារ សូមចូលរួមអបអរសាទរ និងសូមគោរពជូនពរ លោកឧកញ៉ា និងភរិយា ព្រមទាំងក្រុមគ្រួសារ សូមប្រកបដោយសិរីមង្គល វិបុលសុខ និងពុទ្ធពរទាំងបួនប្រការគឺអាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ។

គួរបញ្ជាក់ថា លោកឧកញ៉ា លុក សុីដូរ៉េ គឺជាសហគ្រិន វ័យក្មេងមួយរូបនៅកម្ពុជា ។ ក្នុងវិស័យធុរៈកិច្ច លោកឧកញ៉ា មានមុខជំនួញធំៗមួយចំនួនក្នុងដៃ និងកំពុងកាន់តួនាទីជា អគ្គនាយកក្រុមហ៊ុន ​ប្រេងម៉ាសុីន អុិច វន័ (Distributor Cambodia), អគ្គនាយកក្រុមហ៊ុន លី យៀវ (ខេមបូឌា) Food Trading Co., Ltd និង​ជា​អគ្គនាយកក្រុមហ៊ុន DORE-MEY Import Export Co., Ltd។

ការងារសង្គម លោកឧកញ៉ា លុក សុីដូរ៉េ និងភរិយា ជាសប្បុរសជន​ដ៏​សកម្ម ដែល​តែងតែ​​បរិច្ចាគ​ធនធាន​ផ្ទាល់ខ្លួន ​រួមចំណែក​ជាមួយ​​រាជរដ្ឋាភិបាល​ក្នុង​ការ​​ជួយ​ដល់​​សង្គម ដូចជា៖ ការបរិច្ចាគ​ថវិកាជូនដល់មន្ទីរពេទ្យគន្ធបុប្ផា និងការបរិច្ចាគថវិកាជូនដល់កាកបាទក្រហមកម្ពុជា ព្រមទាំង​​សកម្មភាព​មនុស្សធម៌​ជា​ច្រើន​ទៀត៕

The post ឧកញ៉ា គួច ជាវ សូមចូលរួមអបអរសាទរ លោក លុក សុីដូរ៉េ ដែលត្រូវបានព្រះមហាក្សត្រ ប្រោសព្រះរាជទានគោរមងារជា «ឧកញ៉ា» appeared first on .

តាមរយៈព្រះរាជក្រឹត្យលេខ នស/រកត/០៥២៤/៥៣១ ចុះថ្ងៃទី៣១ ខែឧសភា ឆ្នាំ២០២៤ បានឱ្យដឹងថា ឧកញ៉ាៗចំនួន៤រូបរួមមាន៖ ឧកញ៉ា ពូ សុធីរៈ, ឧកញ៉ា តាំង ងួនសុង, ឧកញ៉ា សំ ប៊ន និងឧកញ៉ា ឌី បញ្ញា បានបញ្ចប់គោរមងារឧកញ៉ា។

បច្ចុប្បន្ន ឧកញ៉ា សំ ប៊ន មានតួនាទី​ជា ទីប្រឹក្សារាជរដ្ឋាភិបាល មានឋានៈស្មើ រដ្ឋមន្ត្រី ខណៈដែល​ឧកញ៉ា ៣រូបទៀត​ខាងលើ​ ក៏មានតួនាទី​ជា​មន្ត្រីសាធារណៈ​របស់​រាជរដ្ឋាភិបាលផងដែរ។

ការបញ្ចប់គោរមងារឧកញ៉ានេះ ធ្វើឡើងដោយសមីខ្លួនបានស្នើសុំបញ្ចប់គោរមងារ ឧកញ៉ា ទៅសម្ដេចធិបតី ហ៊ុន ម៉ាណែត នាយករដ្ឋមន្រ្តី និងសេចក្តីក្រាបបង្គំទូលថ្វាយរបស់សម្តេចធិបតី ហ៊ុន ម៉ាណែត នាយករដ្ឋមន្រ្តី ថ្វាយព្រះមហាក្សត្រ ដើម្បីឡាយព្រះហត្តលេខាជាស្ថាពរ។

សូមជម្រាបជូនថា តាមព្រះរាជក្រឹត្យ ស្តីពីគោរមងារឧកញ៉ា ចុះថ្ងៃទី០៤ ខែសីហា ឆ្នាំ២០២៣ ត្រង់ជំពូកទី៤ អំពីលក្ខខណ្ឌនិងលក្ខណសម្បត្តិដែលត្រូវផ្តល់គោរមងារឧកញ៉ា ត្រង់មាត្រា៦ និងមាត្រា៧ បានចែងថា គោរមងារឧកញ៉ាលំដាប់ថ្នាក់ណាមួយ (លោកអ្នកឧកញ៉ា អ្នកឧកញ៉ា ឬឧកញ៉ា) ត្រូវផ្តល់ជូនដល់រូបវន្ត​បុគ្គលជាប្រជាពលរដ្ឋខ្មែរ ដោយផ្អែកតាមគុណបំណាច់របស់រូបវន្តបុគ្គលម្នាក់ៗនោះ ក្នុងការចូលរួមអភិវឌ្ឍ និងកសាងជាតិ។

ជាមួយគ្នានេះ មាត្រា៨ បានចែងយ៉ាងច្បាស់បន្ថែមទៀតថា គោរមងារឧកញ៉ា មានវិសមិតភាពជាមួយមន្ត្រី​រាជការសាធារណៈ ដែលកំពុងបំពេញការងារក្នុងក្របខ័ណ្ឌមន្ត្រីរាជការស៊ីវិល មន្ត្រីកងយោធពលខេមរភូមិន្ទ និងមន្ត្រីនគរបាលជាតិ។

គួររំលឹកផងដែរថា សម្ដេចតេជោ ហ៊ុន សែន អតីតនាយករដ្ឋមន្រ្ដី កាលពីថ្ងៃទី ២២ ខែសីហា ឆ្នាំ២០១៩ បាន​ដាក់បទបញ្ជាឱ្យកងកម្លាំងប្រដាប់អាវុធរួមមានទាហាន នគរបាល និងកងរាជអាវុធហត្ថ ត្រូវជ្រើសរើសជាបន្ទាន់​ថាតើត្រូវយកងារ ឧកញ៉ា ឬយកតួនាទីរបស់ខ្លួន ប៉ុន្តែសម្តេចពុំបានបញ្ជាក់ច្បាស់អំពីមន្ត្រីរាជការស៊ីវិលនោះទេ។ ទោះយ៉ាងណា ព្រះរាជក្រឹត្យថ្មី ស្តីពីគោរមងារឧកញ៉ានេះ បានកំណត់ច្បាស់តែម្តងគឺ មន្ត្រីរាជការសាធារណៈ​គ្រប់ប្រភេទ មិនអាចមានគោរមងារឧកញ៉ានោះទេ៕

The post ឧកញ៉ាចំនួន៤រូប ស្ម័គ្រចិត្តលាលែងពីគោរមងារ «ឧកញ៉ា» ទៅបំពេញភារកិច្ចជាមន្ត្រីរាជការ appeared first on .