ការថ្លែងបែបនេះរបស់លោក ឡី សុភាព ត្រូវបានធ្វើឡើងក្នុងពិធីប្រកាសទទួល​ស្គាល់ក្រុមហ៊ុនអ៉ិនអេសហ្សេត វើល ឯ.ក ចូលជាសមាជិកសមាគមសហព័ន្ធធុរកិច្ចទីផ្សារបណ្ដាញកម្ពុជា នារាត្រីថ្ងៃទី២៥ ខែតុលា ឆ្នាំ២០២០ នៅភោជនីយដ្ឋាន The Terrace TK ខណ្ឌទួលគោក។

លោកបានលើកឡើងថា កាលពីមុន ប្រជាជនធ្វើអ្វីៗគឺប្រើដៃប្រើកម្លាំង ប៉ុន្តែបច្ចុប្បន្នប្រជាជនត្រូវអភិវឌ្ឍខ្លួនឱ្យចេះប្រើទូរស័ព្ទដៃ កុំព្យួទ័រ ឬបច្ចេកវិទ្យាផ្សេងៗ ដើម្បីធ្វើពាណិជ្ជកម្មតាមប្រព័ន្ធ អេឡិចត្រូនិក ហើយក្រុមណាដែលមានគ្នាច្រើន ក្រុមនោះនឹងឈានមុខគេក្នុងរបត់សេដ្ឋកិច្ចនាពេលបច្ចុប្បន្ន។ លោកថា ចាប់ពីពេលនេះទៅ អ្នកដែលចេះធ្វើធុរកិច្ចទីផ្សារបណ្ដាញ នឹងមានជីវភាព មុខមាត់ល្អប្រសើរ។

លោក ឡី សុភាព បានពន្យល់ថា ការធ្វើធុរកិច្ចទីផ្សារបណ្ដាញ គឺជាការចងគ្នាជាសម្ពន្ធដើម្បីពង្រីកទំហំសេដ្ឋកិច្ចឱ្យកាន់តែធំ ផ្សារភ្ជាប់ពីផ្នែកមួយទៅផ្នែកមួយបង្កើតបានជាចរន្តទីផ្សារ។ នៅកម្ពុជាមានប្រជាជនប្រមាណ ១៦ លាននាក់ ប៉ុន្តែបើទីផ្សារបណ្ដាញកម្ពុជាចងជាមួយទីផ្សារជាមួយអាស៊ាន នោះវានឹងកើនឡើងប្រមាណ ៦០០ លាននាក់ ដែលនឹងពង្រីកទំហំទីផ្សារបណ្ដាញឱ្យកាន់តែធំ។ ការធ្វើធុរកិច្ចទីផ្សារបណ្ដាញ គឺជាការដើរឱ្យទាន់បដិវត្តឧស្សាហកម្ម ៤.០។

លោកបានបញ្ជាក់់ទៀតថា រាជរដ្ឋាភិបាលបានបង្កើតច្បាប់ពាណិជ្ជកម្មតាមប្រព័ន្ធអេឡិចត្រូនិក ហើយការធ្វើធុរកិច្ចទីផ្សារបណ្ដាញ គឺស្ថិតនៅក្រោមច្បាប់​មួយនេះឯង។ រាជរដ្ឋាភិបាលកម្ពុជាក៏បានសម្រេចអនុញ្ញាតឱ្យមានការបង្កើត​សមាគមធុរកិច្ចទីផ្សារបណ្ដាញ នៅថ្ងៃទី១៨ ខែតុលា ឆ្នាំ២០១៩ ដើម្បី​ចង​ជាសម្ពន្ធសមាហរណកម្មមួយ សំដៅជំរុញលើកទឹកចិត្តអាជីវកម្មខ្នាតតូច និង​មធ្យមលើវិស័យទីផ្សារបណ្ដាញ ស្របតាមគោលនយោបាយរបស់រាជរដ្ឋាភិបាល ក្រោមការដឹកនាំរបស់សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា។

លោកបណ្ឌិតបានអំពាវនាវដល់អ្នកក្រុមហ៊ុនជាតិ-អន្តរជាតិដែលមកបើកអាជីវកម្មនៅកម្ពុជា បញ្ជូនសមាជិក-សមាជិកាមកទទួលការបណ្ដុះបណ្ដាលអំពីធុរកិច្ចទីផ្សារបណ្ដាញ ដើម្បីឱ្យយល់ពីការធ្វើទីផ្សារបណ្ដាញ អាជីវកម្មខ្នាតតូច និងមធ្យមឱ្យបានច្បាស់លាស់។ ម្យ៉ាងទៀត ក៏ដើម្បីយល់ដឹង​ពី​គោល​នយោយ​របស់រាជរដ្ឋាភិបាល នីតិវិធីច្បាប់ និងលិខិតបទដ្ឋានគតិយុត្តផ្សេងៗ។

បើតាមលោក ឡី សុភាព គណៈកម្មការទីផ្សារបណ្ដាញនឹងចុះត្រួតពិនិត្យលើ​ករណី​ចំនួន ២៖ ទី១. ត្រួតពិនិត្យលើប្រព័ន្ធនៃការចែកប្រាក់ចំណេញទៅដល់​សមា​ជិក-សមាជិកា តើមានភាពសមប្រកបដែលឬអត់? ទី២. តើក្រុមហ៊ុននោះជាក្រុមត្រឹមត្រូវ ឬមិនត្រឹមត្រូវ ដែលនឹងសហការជាមួយអគ្គស្នងការនគរបាលជាតិ ដើម្បីទប់ស្កាត់ និងធានាសុវត្ថិភាពកុំឱ្យមានការបោកប្រាស់រវាងការជួញដូរនៃការធ្វើពាណិជ្ជកម្មតាមប្រព័ន្ធអេឡិចត្រូនិក។

នាពេលកន្លងទៅ សមាគមសហព័ន្ធធុរកិច្ចទីផ្សារបណ្ដាញកម្ពុជា បានចុះហត្ថលេខាជាមួយនាយកដ្ឋានប្រឆាំងផលិតផលក្លែងក្លាយ ដើម្បីធានាទំនិញនៅគ្រប់ក្រុមធុរកិច្ចទីផ្សារបណ្ដាញទាំងអស់ពិតជាទំនិញដែលមានគុណភាព សុវត្ថិភាព មិនប៉ះពាល់ដល់សុខភាពរបស់ប្រជាពលរដ្ឋ និងអ្នកប្រើប្រាស់នៅកម្ពុជា

នាឱកាសនោះ ប្រធានសមាគមសហព័ន្ធធុរកិច្ចទីផ្សារបណ្ដាញកម្ពុជា ក៏បានប្រកាសក្រុមហ៊ុនអ៉ិនអេសហ្សេត វើស ចូលជាសមាជិកសមាគមរបស់ខ្លួនជាផ្លូវ​ការ​ និងមានការប្រគល់ជ័យលាភីដល់ថ្នាក់ដឹកនាំឆ្នើមចំនួន ៩ រូបផង​ដែរ៕

ប្រភព៖ freshnewsasia

The post មេធុរកិច្ចទីផ្សារបណ្ដាញ​អំពាវ​នាវ​ដល់​ក្រុមហ៊ុន​ដែលបើកអាជីវកម្ម​នៅ​កម្ពុជា បញ្ជូនសមាជិក​មក​ទទួល​ការ​បណ្ដុះ​បណ្ដាល​អំ​ពី​ធុរកិច្ច​ទីផ្សារ​បណ្ដាញ​គ្រប់​គ្នា​ appeared first on .

1. បើកូនអាចបង្កើតផលិតផល ឬសេវាកម្ម ដែលប្រជាជនកម្ពុជាទូទាំងប្រទេសប្រើប្រាស់ជាប្រចាំ នោះ​កូននឹងក្លាយទៅជាសេដ្ឋីលំដាប់ប្រទេស!

2. បើកូនអាចបង្កើតផលិតផល ឬសេវាកម្ម ដែលមនុស្សលើពិភពលោកប្រើប្រាស់ជាប្រចាំ នោះ​កូន​នឹង​ក្លាយ​ទៅ​ជាសេដ្ឋីលំដាប់ពិភពលោក!

3. បើកូនរកលុយបានកាន់តែច្រើន កូនត្រូវជួយមនុស្សអោយបានកាន់តែច្រើន នោះ​កូន​នឹង​ជោគជ័យ​កាន់​តែច្រើន!

សូម​បញ្ជាក់​ផង​ដែរ​ថា លោក​ឧកញ៉ាបណ្ឌិត គីម ហ៊ាង និងក្រុមការងារ KW Cambodia ទូទាំង​ប្រទេស ​កាល​ពី​ពេល​ថ្មីៗ​នវ បានចូលរួមបរិច្ចាគថិវិកា ចំនួន១៦លាន៨០ម៉ឺនរៀល ជូន​សម្ដេច​តេជោ ហ៊ុន សែន នាយករដ្ឋមន្រ្តីនៃកម្ពុជា សម្រាប់ជួយសង្រ្គោះប្រជាពលរដ្ឋ ដែល​រង​គ្រោះ​ដោយ​សារ​ទឹក​ជំនន់​​ផង​ដែរ៕

The post អនុវត្ត​ន៏បាន​​ក្លាយ​ជា សេដ្ឋី ឧកញ៉ា​គីម ហ៊ាង នាំ​កូនស្រី​ចែក​អំណោយ បង្រៀន​ឲ្យ​កូន​​ត្រូវ​ចេះ​៣ចំណុច​នេះ appeared first on .

ដូច្នេះ ក្នុងនាមជាថៅកែ ឬជាម្ចាស់ក្រុមហ៊ុន ពេលខ្លះគួរសិក្សាស្វែងយល់ពីកត្តាចិត្តសាស្រ្តក្នុងការប្រើបុគ្គលិក ធ្វើយ៉ាងណាត្រូវចេះសម្រប​សម្រួលឱ្យបុគ្គលិកស្រឡាញ់ក្រុមហ៊ុន និងចាត់ទុកក្រុមហ៊ុនជាផ្ទះសម្បែងដ៏កក់ក្តៅរបស់ពួកគេ ជាជាងឱ្យពួកគេស្រឡាញ់លុយរបស់ក្រុមហ៊ុន។

ដើម្បីឱ្យបុគ្គលិកចាត់ទុកក្រុមហ៊ុនជាផ្ទះសម្បែងដ៏កក់ក្ដៅរបស់ពួកគេ មែនទែនទៅក្រៅ​ពី​ផ្ដល់ប្រាក់បៀវត្ស និងអត្ថប្រយោជន៍សមរម្យជូនពួកគេហើយនោះ ថៅកែឬអ្នកគ្រប់​គ្រង​ក្រុមហ៊ុនគួរតែផ្ដល់តម្លៃ លើកទឹកចិត្ត ផ្ដល់កិត្តិយស និងផ្ដល់ឱកាសឱ្យពួកគេចូលរួមបញ្ចេញមតិយោបល់។ មិនតែប៉ុណ្ណោះ ប្រសិនបើពួកគេមានបញ្ហា ឬកើតទុក្ខមិនសុខចិត្តរឿងអ្វីមួយ ថៅកែឬអ្នកគ្រប់គ្រងក្រុមហ៊ុនត្រូវប្រញាប់ដោះស្រាយជូនពួកគាត់ឱ្យបាន​លឿន​បំផុត កុំបណ្ដោយទុកឱ្យបញ្ហាពួកគេអូសបន្លាយវែងឆ្ងាយ រហូតក្លាយជាជំងឺផ្លូវចិត្តរ៉ាំ​រ៉ៃ​ឱ្យសោះ។ ប្រសិនបើបុគ្គលិកមានជំងឺផ្លូវចិត្តរ៉ាំរ៉ៃ ថៅកែមិនដោះស្រាយជូនពួកគេឱ្យបាន​លឿនទេ ភាគីដែលខាតធ្ងន់ធ្ងរនោះ គឺថៅកែ។ ហេតុអ្វី? ព្រោះបុគ្គលិកគ្មានអារម្មណ៍ធ្វើការ ឬធ្វើការមិនបានលទ្ធផលល្អប្រសើរជូនក្រុមហ៊ុន ដ្បិតអីគំនិតពួកគេស្មុគស្មាញ៕

ប្រភព៖ MJQUPTeam

The post ឧកញ៉ា គួច ម៉េងលី៖ មូលហេតុ​ដែល​បុគ្គលិក​ខ្លះ​ទ្រាំ​ឱ្យ​ថៅកែជេរដោយសារតែ… appeared first on .

ស្រុកគេសិស្សរៀនផ្លោះថ្នាក់គ្មានការប៉ះពាល់ដល់ការសិក្សារៀនសូត្រឡើយ ព្រោះមុននឹងអនុញ្ញាតឱ្យសិស្សម្នាក់ណារៀនផ្លោះថ្នាក់ គឺគេធ្វើតេស្ដ IQ សិស្សនោះជាមុនសិន។ បើធ្វើតេស្ដទៅឃើញថាសិស្សនោះឆ្លាត ឬមានទេពកោសល្យពីធម្មជាតិពិតមែន ទើបគេអនុញ្ញាត​ឱ្យសិស្សនោះរៀនផ្លោះថ្នាក់។ ការរៀនផ្លោះថ្នាក់នៅស្រុកគេមិនដូចស្រុកខ្មែរយើងទេ​។ ពោល នៅស្រុកគេដ្បិតថារៀនផ្លោះថ្នាក់ពិតមែន តែគេតម្រូវឱ្យសិស្សអានសៀវភៅកម្រិតថ្នាក់ដែលគេផ្លោះនោះគ្រប់មុខវិជ្ជាទាំងអស់ ពុំមែនរំលងថ្នាក់រំលងសៀវភៅដូចនៅស្រុកខ្មែរយើងទេ។ ឧទាហរណ៍ នៅស្រុកគេនិស្សិតទូទៅរៀនថ្នាក់បរិញ្ញាបត្រ៤ឆ្នាំបាន​ចប់​ ប៉ុន្តែនិស្សិតដែលរៀនផ្លោះថ្នាក់នោះ គាត់រៀនតែមួយឆ្នាំចប់។ សៀវភៅមួយមុខវិជ្ជា គាត់​អានត្រឹមតែ១ម៉ោង ឬ២ម៉ោងចប់ ហើយគាត់អាចយល់ អាចចងចាំ និងអាចចាប់មេរៀនបានទាំងអស់ ជាពិសេសគាត់អាចប្រឡងបាននិទ្ទេសល្អជាងគេទៀតផងដែរ។ ជួនកាលគេមិនមែនផ្លោះថ្នាក់ទៀត ពោលគឺគេផ្លោះតែមុខវិជ្ជាដែលគេរៀនចាប់បានយ៉ាងលឿនតែប៉ុណ្ណោះ។ ម៉្លោះហើយទើបក្មេងស្រុកគេខ្លះអាយុត្រឹម៩ឆ្នាំចូលរៀនដល់​មហា​វិទ្យាល័យ ហើយអាយុ១៨ឆ្នាំរៀន​ចប់ក្លាយជាពេទ្យ។ ចុះខ្មែរយើងធ្វើដូចគេចឹងបាន​​ទេ? គឺមិនបានទេ ព្រោះយើងមិនទាន់មានអ្វីវាស់ស្ទង់ភាពឆ្លាតវៃរបស់សិស្សនៅឡើយទេ។ យើងមិនអាចគ្រាន់តែឃើញកូនរៀនលេចធ្លោជាងគេបន្តិចហើយគិតថាកូនពូកែ ឆ្លាតវៃ ឬមានទេពកោសល្យពីធម្មជាតិឡើយ។ គឺជួនកាលកូនយើងរៀនលេចធ្លោជាងគេក្នុងថ្នាក់ ដោយសារតែយើងមានលទ្ធភាពឱ្យគេទៅរៀនគួរបន្ថែម បូករួមប្រព័ន្ធអប់រំក្នុងសាលានោះខ្សោយ ហើយកូនយើងរៀនក្នុងចំណោមសិស្សខ្សោយជាងខ្លួនក៏អាចថាបាន។

ក្មេងខ្លះរៀនចេះមុខវិជ្ជាណាមួយច្បាស់ ហើយងប់នឹងរៀនសូត្រពិតមែន ប៉ុន្តែគេមិនមានចំណេះដឹងទូលំទូលាយទេ ព្រោះគេអានសៀវភៅឬឯកសារ​បានតិចតួចប៉ុណ្ណោះ។ ដូច្នេះ ប្រសិន​បើកូនរៀនពូកែ យើងឱ្យគាត់រៀនមុខវិជ្ជានោះតិចម៉ោងបានហើយ ហើយជំរុញឱ្យគាត់​យកពេលខ្លះទៅរៀនភាសាអង់គ្លេស ឬមុខវិជ្ជាអ្វីផ្សេង ពិសេសត្រូវជំរុញឱ្យគេ​អាន​សៀវ​ភៅ ឬឯកសារឱ្យបានច្រើនបំផុតតាមដែលអាចធ្វើទៅបាន។

ខ្ញុំសូមទទូចម្ដងទៀតថា ដោយសារប្រព័ន្ធអប់រំស្រុកខ្មែរយើងមិនទាន់មានស្ដង់ដារអន្តរជាតិ ហើយយើងក៏មិនទាន់មានអ្វីវាស់ស្ទង់សមត្ថភាពសិស្ស ដូច្នេះយើងមិនអាចសន្មតថាកូនយើងរៀនឆ្លាត ឬរៀនពូកែបានឡើយ។ ម្ល៉ោះហើយ ប្រសិនបើយើងចេះតែជំរុញឱ្យកូនរៀនផ្លោះថ្នាក់ វានឹងធ្វើឱ្យប៉ះទង្គិចដល់ការសិក្សារបស់កូន គឺប៉ះពាល់ទាំងផ្នែកបញ្ញាញាណ ទាំងផ្នែកចំណេះដឹងទូទៅ និងទាំងផ្នែកផ្លូវចិត្តផងដែរ៕

ប្រភព៖ MJQUPTeam

The post ឧកញ៉ា គួច ម៉េងលី ៖ កុំជំរុញកូនឱ្យរៀន​ផ្លោះថ្នាក់ appeared first on .

១/ ឯកឧត្ដម​ឧកញ៉ា​បណ្ឌិត ម៉ុង ឫទ្ធី យល់​ឃើញ​ថា

ក្នុង​​កាលៈទេសៈ​រស់​​​នៅ​លើ​ប្រទេស​ក្រីក្រ អ្នក​មាន​ទ្រព្យ​ទាំង​ឡាយ មិន​គូរ​​បង្ហោះ​បង្អួត​គេ​ឡើយ បើ​មាន​លុយ​ចង់​ទិញ​អី​ទិញ​ទៅ កុំ​​បង្ហោះ​បង្អួតគេឯង​ ឬ​យក​ទ្រព្យសម្បត្តិ​ដែលមាននេះយក​ទៅវិនិយោគ​លើ​វិស័យ​កសិកម្ម​ កសិឧស្សាហកម្ម​តាម​អនុសាសន៍​ណែនាំ​ដ៏​ខ្ពង់ខ្ពស់​របស់​សម្តេច​តេជោ​ ហ៊ុន​ សែន​ នាយក​រដ្ឋមន្ត្រី​នៃ​ព្រះរាជាណាចក្រ​កម្ពុជា​យើង​ដើម្បី​បង្កើត​ការងារ​អោយ​ដល់​ប្រជាពលរដ្ឋ​ក្រីក្រ​ធ្វើ​ និង​បាន​ចូល​រួម​ចំណែក​មួយផ្នែក​ជាមួយ​រាជរដ្ឋាភិបាល​ ក្នុង​ការ​កាត់បន្ថយ​ភាព​ក្រីក្រ​របស់​ប្រជាជន​កម្ពុជា​យើង​ព្រមទាំង​មិនបាន​រំខាន​ដល់​សន្តិសុខ​សុវត្ថិភាព​សង្គម​ផង​ដែរ​ ។
​ផេក​ផ្លូវ​ការ​របស់​លោក​ឧកញ៉ា បាន​សរសេរ​រៀបរាប់​បែប​នេះ​ថា (នៅ​ក្នុង​គ្រា​ដ៏​សែន​មហា​វិនាសកម្ម​ដោយសារតែ​ជំងឺ​ឆ្លង​កូរ៉ូណា​កូវីដ-១៩​ដ៏​មហា​ប្រលៃ​នៅ​លើ​ភព​ផែនដី​យើង​នេះ​ក្នុង​នោះ​ក៏​មាន​ព្រះរាជាណាចក្រ​កម្ពុជា​យើង​ផង​ដែ​រ ដូច្នេះហើយ​ខ្ញុំ​សូម​អភ័យទោស​មុន​និង​និយាយ​​ក្រែង​លោមាន​អារម្មណ៍​មិនល្អ​ដល់ប្រីយមិត្ត​នៅក្នុង​បណ្ដាញ​សង្គម​fbនេះ។

ខ្ញុំ​សុំចិត្ត​សុំថ្លើម​អ្នកដែល​ចូល​ចិត្តឈ្លោះប្រកែកគ្នា​និយាយរឿងមិនល្អ​បង្ហោះ​បង្អួត​ទ្រព្យសម្បត្តិ​ឡានវីឡា​ លុយ​កាក់​ មាសពេជ្រ​និងរឿងដែល​មិន​សមរម្យ​មួយចំនួន​ទៀត​បង្ហោះតាម​បណ្តាញ​សង្គម​fb​សូម​មេត្តា​ឈប់បង្ហោះទៀតទៅ ព្រោះអី​យើង​ត្រូវ​ដឹងថា​មិនមែនមើលឃើញតែនៅ​ក្នុង​ប្រទេស​យេីងទេ​គឺគេ​មើលឃើញ​ទូទាំង​ពិភពលោក​មានទ្រព្យសម្បត្តិ​ច្រើន​ប៉ុណ្ណា​ក៏​ដោយ​រក្សា​វាទុកទៅ​ចង់ទិញអីក៏ស្រេចតែចិត្តចង់ទៅ​មិនចាំបាច់​បង្អួត​ប្រាប់គេឯងទេ​បើខ្លួន​ពិតជា​ស្រឡាញ់​ដល់​ប្រជាជន​ក្រីក្រ​មែន​គួរណាតែ​​យក​ទ្រព្យសម្បត្តិ​ដែលមាននេះយក​ទៅវិនិយោគ​លើ​វិស័យ​កសិកម្ម​កសិឧស្សាហកម្ម​តាម​អនុសាសន៍​ណែនាំ​ដ៏​ខ្ពង់ខ្ពស់​របស់​សម្តេច​តេជោ​ហ៊ុន​ សែន​នាយក​រដ្ឋមន្ត្រី​នៃ​ព្រះរាជាណាចក្រ​កម្ពុជា​យើង​ដើម្បី​បង្កើត​ការងារ​អោយ​ដល់​ប្រជាពលរដ្ឋ​ក្រីក្រ​ធ្វើ​និង​បាន​ចូល​រួម​ចំណែក​មួយផ្នែក​ជាមួយ​រាជរដ្ឋាភិបាល​ក្នុង​ការ​កាត់បន្ថយ​ភាព​ក្រីក្រ​របស់​ប្រជាជន​កម្ពុជា​យើងព្រមទាំង​មិនបាន​រំខាន​ដល់​សន្តិសុខ​សុវត្ថិភាព​សង្គម​ផង​ដែរ​។)

២/ឧកញ៉ា​បណ្ឌិត គីម ហ៊ាង យល់​ ឃើញ​ថា

អ្នក​ទាំង​នោះ កំពុង​ឈ្លក់​វង្វេង​នឹង​ភាព​ហ៊ឺហា ភាព​ឆើតឆាយ សម្ភារៈ​និយម​ជ្រុល​ហួស​ហេតុ ។
ដោយ​បាន​ឆ្លង​កាត់​សម័យ​វិបត្តិ​សេដ្ឋកិច្ច​ក្នុង​តំបន់ ឆ្នាំ១៩៩៧ វិបត្តិសេដ្ឋកិច្ច​ពិភពលោក​ឆ្នាំ២០០៨ និង​កំពុងឆ្លងកាត់វិបត្តិពិភពលោក Covoid19 ​ឧកញ៉ា​បណ្ឌិត គីម ហ៊ាង បាន​ចែក​រំលែក ៥ចំណុច​​ដល់​ពាណិជ្ជករ​វ័យ​ក្មេង​ជា​ច្រើន​ ដែល​កំពុង​ឈ្លក់​វង្វេង​នឹង​ភាព​ហ៊ឺហា ភាព​ឆើតឆាយ សម្ភារៈ​និយម​ជ្រុល​ហួស​ហេតុ ហើយ​យក​សំបក​ ឬ​ខោអាវ​ថ្លៃ​ជាង​ខ្លួន។ ឧកញ៉ា​បណ្ឌិត បាន​សរសេរ​​សារ​ចែក​រំលែក​លើ​​ផេក​ផ្លូវ​ការ​របស់​លោក ដោយ​ខ្លឹម​សារ​ទាំង៥​ចំណុច​​នោះ​រួម​មាន​ដូច​ខាង​ក្រោម។​

1. កុំចំណាយលើសពី ៩% នៃទ្រព្យសម្បត្តិសរុបទៅលើរថយន្តទំនើប និងប្រណិត១គ្រឿង ព្រោះយើងត្រូវការដើមទុនដើម្បីបង្កើនប្រាក់ចំណេញ និងពង្រីកអាជីវកម្ម!
2. កុំចំណាយលើសពី ១០% នៃទ្រព្យសម្បត្តិសរុបទៅលើផ្ទះនៅប្រចាំថ្ងៃ ព្រោះយើងនៅវ័យក្មេង ឱកាសរកលុយនៅមានច្រើន គួរទុកដើមទុនទាំងនោះទៅពង្រីក និងពង្រឹងអាជីវកម្ម!
3. កុំខ្ចីធនាគារលើសពី ៣០% នៃទ្រព្យសម្បត្តិសរុប ព្រោះបើបំណុលក្រោម ៣០% គឺយើងអាចគ្រប់គ្រងបាន ទោះស្ថិតក្នុងស្ថានភាពលំបាកយ៉ាងណាក៏ដោយ!
4. បើកក្រុមហ៊ុនរកសុី គឺដើម្បីប្រាក់ចំណេញ មិនមែនដើម្បីអួតប្រាប់គេថា ខ្លួនជាម្ចាស់អាជីវកម្ម ចេះរកស៊ី​មិនមែនទំនេរទេ ព្រោះបើបើកមកដើម្បីតែខាត កុំបើកល្អជាង!
5. បើអ្នកមានលុយពិត នោះធ្វើអ្វី ទិញអ្វី ប្រើរបស់ប្រណិតអ្វី គឺសុទ្ឋតែសមទាំងអស់ តែបើភាពមានបាននៅមានកំរិត នោះសូមទុកលុយរកស៊ី​ទៅវាល្អជាងហឺហាតែសំបកក្រៅ!

​​
សម្រួល​អត្ថបទ​ដោយ៖ កូន​ចៅ​ឧកញ៉ា

The post ឧកញ៉ា​២រូប​ ​​​អ្នក​និយម​​​សម្ភារៈ​​ជ្រុល​​មិន​គូរ​​បង្ហោះ​បង្អួត​គេ​ឯង​ឡើយ appeared first on .

1. កុំចំណាយលើសពី ៩% នៃទ្រព្យសម្បត្តិសរុបទៅលើរថយន្តទំនើប និងប្រណិត១គ្រឿង ព្រោះយើងត្រូវការដើមទុនដើម្បីបង្កើនប្រាក់ចំណេញ និងពង្រីកអាជីវកម្ម!

2. កុំចំណាយលើសពី ១០% នៃទ្រព្យសម្បត្តិសរុបទៅលើផ្ទះនៅប្រចាំថ្ងៃ ព្រោះយើងនៅវ័យក្មេង ឱកាសរកលុយនៅមានច្រើន គួរទុកដើមទុនទាំងនោះទៅពង្រីក និងពង្រឹងអាជីវកម្ម!

3. កុំខ្ចីធនាគារលើសពី ៣០% នៃទ្រព្យសម្បត្តិសរុប ព្រោះបើបំណុលក្រោម ៣០% គឺយើងអាចគ្រប់គ្រងបាន ទោះស្ថិតក្នុងស្ថានភាពលំបាកយ៉ាងណាក៏ដោយ!

4. បើកក្រុមហ៊ុនរកសុី គឺដើម្បីប្រាក់ចំណេញ មិនមែនដើម្បីអួតប្រាប់គេថា ខ្លួនជាម្ចាស់អាជីវកម្ម ចេះរកស៊ី​មិនមែនទំនេរទេ ព្រោះបើបើកមកដើម្បីតែខាត កុំបើកល្អជាង!

5. បើអ្នកមានលុយពិត នោះធ្វើអ្វី ទិញអ្វី ប្រើរបស់ប្រណិតអ្វី គឺសុទ្ឋតែសមទាំងអស់ តែបើភាពមានបាននៅមានកំរិត នោះសូមទុកលុយរកស៊ី​ទៅវាល្អជាងហឺហាតែសំបកក្រៅ!

បណ្ឌិត គីម ហ៊ាង៕

សម្រួល​អត្ថបទ​ដោយ៖ កូន​ចៅ​ឧកញ៉ា
ប្រភព៖ឧកញ៉ា​បណ្ឌិត គីម ហ៊ាង

The post អ្នក​​ឈ្លក់​វង្វេង​សម្ភារៈនិយម​ជ្រុល បើ​ដឹង​៥ចំណុច​នេះ ច្បាស់​ស្វាង​មុខ​ចែស appeared first on .

១.ឈប់ប្រៀបធៀបខ្លួនឯងទៅនឹងអ្នកដទៃ៖ ត្រូវចាំថាអ្នកមើលឃើញតែអ្វីដែលគេបង្ហាញឲ្យអ្នកឃើញប៉ុណ្ណោះ អ្នកមិនបានដឹងថាមុនគេទទួលជោគជ័យដូចបច្ចុប្បន្ននេះ គេបានហែឆ្លងការលំបាកអ្វីខ្លះនោះឡើយ។

២. ត្រូវជឿជាក់ថាខ្លួនអាចធ្វើបាន ៖ បុគ្គលជោគជ័យបំផុត ក៏នៅតែមានកម្រិត។ អ្វីដែលធ្វើឲ្យពួកគេខុសប្លែកពីសាមញ្ញជននោះ គឺ គេជ្រើសរើសផ្ដោតតែទៅលើការពង្រឹងសមត្ថភាពខ្លួនឯង និងអ្វីដែលគេអាចធ្វើបាន ជាជាងការគិតដល់រឿងដែលគេមិនអាចធ្វើបាន។

៣. រស់នៅក្នុងការពិតដែលវិជ្ជមាន ៖ អ្នកត្រូវតែរំលឹកខ្លួនឯងជារឿយៗ ពីអ្វីដែលអ្នកអាចធ្វើ ពីសមត្ថភាពខ្លួនឯង និងសម្មតិផលដែលអ្នកសម្រេចបានកន្លងមក។ បើទោះជាការគិត និងសម្តីវិជ្ជមានតែម្យ៉ាង មិនអាចធ្វើឲ្យអ្នកក្លាយជាមនុស្សដែលពោរពេញដោយជំនឿចិត្តក្តី តែយ៉ាងហោចណាស់អ្នកក៏ត្រូវតែមានសុទិដ្ឋិនិយមចំពោះជីវិតខ្លួនដែរ។

៤. កុំពាក់ស្រោមមុខ ៖ មានន័យថាត្រូវធ្វើជាខ្លួនឯង មិនមែនត្រូវពុតសម្ដែងធ្វើជាមនុស្សផ្សេង ដើម្បីឲ្យគេឯងសរសើរនោះឡើយ។ ជំនឿចិត្តជារឿងផ្ទាល់ខ្លួន ទាមទារអ្នកត្រូវស្គាល់ខ្លួនឯងឲ្យច្បាស់ ថាអ្នកជាអ្នកណា ចង់បានអ្វី ហើយអ្នកកំពុងនៅកន្លែងណា ត្រូវកំណត់គោលដៅជីវិត និងមានភាពជាអ្នកដឹកផ្ទាល់ខ្លួនជាក់លាស់។

៥. ធ្វើឲ្យមានការផ្លាស់ប្តូរជាវិជ្ជមាន ៖ ត្រូវចាំថាអ្នកមិនអាចកែប្រែអ្វីដែលបានកើតឡើងរួចហើយក្នុងអតីតកាលនោះទេ។ អ្នកដែលរស់នៅប្រកបដោយជំនឿចិត្តនឹងអាចរៀបចំគម្រោង ត្រួសត្រាយផ្លូវក្នុងពេលបច្ចុប្បន្នរបស់គេ ទៅរកអនាគតមួយដែលខ្លួនចង់បាន។

៦. ត្រូវមានការតាំងចិត្តមុតមាំ ៖ មានការទទួលខុសត្រូវខ្ពស់ ប្ដេជ្ញាចិត្តឲ្យពេញទំហឹងបំពេញរាល់ការងារដែលអ្នកត្រូវធ្វើ ដើម្បីបង្កើតភាពជោគជ័យជារៀងរាល់ថ្ងៃ។ ជោគជ័យតូច ប្រចាំថ្ងៃនឹងពួនផ្តុំទៅជាជោគជ័យធំ ហើយវានឹងជំរុញឲ្យអ្នកកាន់តែជឿជាក់លើខ្លួនឯង។ ប្រសិនបើអ្នកយល់ថាមិនស្រួលចិត្ត ឬពិបាកធ្វើនោះ មានន័យថាអ្នកកំពុងតែដើរលើផ្លូវខុសហើយ ។ ចៀសវាងទម្លាប់ពន្យឺតឬ ពន្យារពេល និងធ្វើអីលំៗឲ្យតែរួចដៃ។

ប្រភពផេក​៖ Oknha Nourn Ork ឧកញ៉ា នួន អក

The post ឧកញ៉ា នួន អក ៖ ត្រូវ​បង្កើន​ជំនឿ​ចិត្ត​ខ្លួន​ឯង​ឲ្យ​ខ្លាំង​បំផុត​ក្នុង​ស្ថាន​ភាព​លំបាក​ appeared first on .

ដូច្នេះ ធ្វើអ្វីក៏ដោយ ការងារតូចធំក៏ដោយ ត្រូវ​ធ្វើ​ដោយ​​ប្រយ័ត្នប្រយែង​ មធ្យ័ត លម្អិត កុំមើលស្រាល ត្រូវ​ហ្មត់​ចត់បំផុត បើមិនយល់ មិនចេះ មិនច្បាស់ ត្រូវចេះឆ្ងល់ ចេះសួរគេ ទើបមិនធ្លោយការ និង​ជោគ​ជ័យ៕

ប្រភព៖ MJQUP

The post ឧកញ៉ា​ គួ​ច​ ​ម៉េង​លី​៖​កុំប្រមាទការ​ងារ​ ធ្វើ​​ឲ្យហ្មត់​ចត់​ បើ​មិន​ចេះ​សួរគេ appeared first on .

ទាក់ទង់នឹងជំនាញសំខាន់សម្រាប់ថ្ងៃអនាគត់នេះដែរ អ្នកស្រី ម៉ីសន សុធារី ដែលអ្នកនិពន្ធមានប្រជាប្រិយភាពមួយរូប បានបង្ហើបពីជំនាញសំខាន់ដែលជាជំនាញមិនងាយហួសសម័យនោះគឺជំនាញទីផ្សារ( marketing)។

យើងបានដឹងហើយថាទីផ្សារពាណិជ្ជកម្មនៅពេលបច្ចុប្បន្ននេះកំពុងតែមានការប្រកួតប្រជែងគ្នាយ៉ាងច្រើន ពោលគឺពេញប្រទេសនៅក្នុងពិភពលោកនេះ ដែលមានប្រជាជនជាច្រើនបាននិងកំពុងតែបង្កើតអាជីវកម្មផ្ទាល់ខ្លួនទៅលើមុខទំនិញគ្រប់ប្រភេទ ដើម្បីជួយសម្រួលទៅដល់តម្រូវការប្រចាំថ្ងៃផងដែរ។

មួយវិញទៀតដើម្បីក្លាយខ្លួនទៅជាអ្នកជំនាញផ្នែកគ្រប់គ្រងទីផ្សារឬក៏បង្កើតទីផ្សារអ្នកត្រូវយល់ដឹងពីផ្លាក់សញ្ញាយីហារ ផលិតផល ហ្រ្វេនឆាយនិងការលក់ឱ្យបានច្បាស់លាស់ ដើម្បីបង្កើនគុណតម្លៃពីការគ្រប់គ្រងនៅលើទីផ្សារ។ ចំពោះជំនាញក្នុងការគ្រប់គ្រងទីផ្សារនេះវាកំពុងតែមានការពេញនិយមខ្លាំងនៅពេលថ្ងៃខាងមុខនេះ ដែលយុវជនអាចមើលឃើញពីតម្រូវការទីផ្សារយ៉ាងធំនៅក្នុងថ្ងៃអនាគតថែមទៀតផង។

អ្នកស្រី ម៉ីសន សុធារីក៏បានបង្ហើបផងដែរនៅក្នុងជំនាញទីផ្សារ( marketing)នេះដែរ ក៏មាន២ទៀតសំខាន់២ដូចខាងក្រោមនេះ៖

១. ជំនាញទំនាក់ទំនង( communication)

នៅក្នុងជំនាញគ្រប់គ្រងទីផ្សារនេះក៏រាប់បញ្ចេញនូវជំនាញទំនាក់ទំនងផងដែរ។ ជាក់ស្ដែង នៅក្នុងអាជីវកម្មឬសហគ្រាសណាក៏ដោយប្រសិនបើគ្មានបណ្តាញទំនាក់ទំនងល្អជាមួយនិងដៃគួរសហការគ្នាទេនោះ វាក៏មិនអាចមានភាពរីកចម្រើនបានដែរ។ មិនតែប៉ុណ្ណោះមនុស្សគ្រប់ៗរូបក៏ត្រូវមានទំចំពោះមនុស្សដែលមានជំនាញក្នុងទំនាក់ទំនងគឺជាមនុស្សដែលពូកែវិភាគទៅលើទន្និន័យណាមួយនៅក្នុងអាជីវកម្មពីតម្រូវការនៅក្នុងស្រុកនិងក្រៅស្រុកផងដែរ។ ជាពិសេសនោះជំនាញទំនាក់ទំនងគឺជាជំនាញដែលមានតម្រូវការខ្លាំងនៅក្នុងទីផ្សារដែលចាំបាច់ដើម្បីដឹងពីការផ្គត់ផ្គង់ទៅដល់អតិថិជនផងដែរ។ នាក់ទំនងជាមួយគ្នាទៅវិញទៅមកដែរ ដើម្បីបានបទពិសោធន៍ថ្មីៗពីគ្នាបន្ថែម។

២.ជំនាញក្នុងការសរសេរ( writing)

មែនទែនសម្រាប់ជំនាញមួយនេះវាមិនមានអ្នកចាប់អារម្មណ៍ច្រើននោះទេ ពីគុណតម្លៃនៃការសរសេរ ហើយវាក៏ជាអាជីពមួយដែលមិនងាយនិងហួសសម័យកាលផងដែរ។ជាពិសេសនោះនៅក្នុងការផ្សាព្វផ្សាយជាមួយនិងបណ្តាលសង្គមនាពេលបច្ចុប្បន្ននេះ ក៏ត្រូវការជំនាញមួយនេះក្នុងការសរសេរCaption ដើម្បីឱ្យទាក់ទាញអតិថិជនមកចាប់អារម្មណ៍ពីការផ្សាព្វផ្សាយនេះផងដែរ។

លើសពីនេះ ការសរសេរគឺវាជាទំនាក់ទំនងមួយដល់ល្អដែលមនុស្សជាច្រើនបានប្រើប្រាស់ពីកន្លែងមួយទៅកន្លែងទៅលើភាសានិងការបកប្រែផងដែរ។ដូច្នេះប្រសិនបើអ្នកពង្រឹងជំនាញសរសេរឱ្យបានល្អខ្លីហើយខ្លឹមនិងមានអត្ថន័យចំពោះអ្នកអានឱ្យចំចំណុច វាអាចឱ្យអ្នកឈានទៅរកជំនាញក្នុងការសរសេរដែលមានទឹកដៃដែលមនុស្សគ្រប់គ្នាចង់អាន។

គួរបញ្ចាក់ផងដែលថាជំនាញខាងលើដែលបានដាក់បង្ហាញនេះគឺសុទ្ធសឹងតែជាជំនាញដែលមានតម្រូវការខ្លាំងនៅថ្ងៃអនាគត។ អ្នកស្រីក៏បានបង្ហើបផងដែរក្រៅពីជំនាញដែលបានរៀបរាបខាងលើក៏មានជំនាញមួយទៀតដែលសំខាន់សម្រាប់យុវជននោះគឺជំនាញ”លុយ”​ ដែលអ្នកស្រីនឹងបកស្រាយនៅក្នុងវីដេអូបន្ទាប់អ្នក Facebook page របស់អ្នកស្រីផ្ទាល់៕

អត្ថបទដោយ៖ តែម សុគន្ធា
ប្រភព៖business-cambodia.com

The post អ្នកស្រី ម៉ីសន សុធារី៖ ជំនាញសំខាន់មួយមិនងាយហួសសម័យ ដែលយុវជនខ្មែរមិនគួរមើលរំលង appeared first on .

1. គ្រួសារមួយក្រីក្រ នោះ​គេមិនបន្ទោសភរិយាដែលមិនចេះទុកដាក់លុយទេ តែគេបន្ទោសស្វាមី​មិន​ចេះ​រក​លុយ!
2. គ្រួសារមួយមិនសល់លុយ នោះគេមិនបន្ទោសស្វាមីមិនចេះរកលុយទេ តែគេ​បន្ទោសភរិយា​មិនចេះ​ទុកដាក់លុយ!
3. ស្វាមីមានតួរនាទីជាអ្នករកលុយ រីឯភរិយាជាអ្នកទុកដាក់លុយ ហើយបើភរិយាចេះរកលុយទៀត គ្រួសារនោះនឹងក្លាយជាអ្នកមានឆាប់!
4. នៅក្នុងការងារ អាជីវកម្ម និងសង្គម គឺស្វាមីជាអ្នកដឹកនាំ តែនៅក្នុងក្រុមគ្រួសារ និងសាច់ញាតិ​សង​ខាង គឺភរិយាជាអ្នកដឹកនាំ!
5. គ្មានទេការឈ្នះ ឬចាញ់រវាងគូរស្វាមីភរិយា ព្រោះបើឈ្នះ ឬចាញ់ក៏ដោយ ក៏នៅតែជាស្វាមី ឬ​ភរិយា​របស់​យើង!
   បណ្ឌិត គីម ហ៊ាង

The post ឧកញ៉ា​បណ្ឌិត គីមហ៊ាង៖៥​ចំណុច​របស់​ភរិយាដែល​ធ្វើ​ឲ្យ​គ្រួសារ​មាន​ទ្រព្យ​ច្រើនរស់​នៅ​​ដោយភាព​ថ្លៃថ្នូរ appeared first on .