គំនិតអាជិវកម្ម

ជនជាតិចិនមានឱសថទិព្វ ៧ មុខនេះ ទើបកូនចៅចិនរកស៊ីចេះតែមានទៅៗតជំនាន់

ឧកញ៉ាសម្រែ — Sat, 03 Jul 2021 23:29:00 +0000

ប្រទេសចិនគឺជាចាត់ទុកថាជាប្រទេសដែលមានឥទ្ធិពលសេដ្ឋកិច្ចធំបំផុតមួយក្នុងលោក ហើយបើក្រឡេកមើលឲ្យមែនទែនទៅ ប្រទេសមួយនេះគឺសំបូរទៅដោយមហាសេដ្ឋីជាច្រើនរូប បើធៀបនឹងប្រទេសដទៃទៀត។

យ៉ាងណាមិញ សម្រាប់អត្ថបទមួយនេះ ឧកញ៉ាញូត៍សូមធ្វើការចែករំលែកនូវរឿងសំខាន់ៗ ៧ យ៉ាងជនជាតិចិនតែតែជឿថា ជាដើមចមនៃភាពជោគជ័យនៃការធ្វើអាជីវកម្ម ឬទម្លាប់ការងាររបស់ជនជាតិចិនដូចតទៅ៖

១/ ការគោរពពេលវេលា

ចំណុចមួយនេះគឺពិតជាសំខាន់បំផុតសម្រាប់ជនជាតិចិន ហើយគេថែមទាំងអាចវិនិច្ឆ័យមនុស្សម្នាក់បានដោយផ្អែកលើចំណុចនេះទៀតផង។ នៅពេលមានការណាត់ជួបម្ដងៗ ជនជាតិចិនកម្រមកយឺតណាស់ ពោលបើមិនមកមុនកាលកំណត់ ក៏ពួកគេមកដល់ចំពេលដែរ ហើយជនជាតិជប៉ុនក៏ដូចគ្នា។

២/ ផ្ដោតសំខាន់លើលទ្ធផល

ប្រជាជនចិនមានពាក្យស្លោកច្រើនណាស់ដែលនិយាយអំពីផ្លែផ្កាដែលបានមកពីការខិតខំព្យាយាម ដូចគ្នាទៅនឹងសុភាសិតខ្មែរយើងដែលលើកឡើងថា “ព្យាយាមគង់បានសម្រេច”។ ពួកគេជឿយ៉ាងមុតមាំថា ការតស៊ូព្យាយាម គឺជាការត្រួសត្រាយផ្លូវទៅកាន់ជីវិតរីករាយ ហើយមិនត្រឹមប៉ុណ្ណោះ ប្រសិនបើពួកគេតាំងចិត្ត និងកំណត់គោលដៅច្បាស់លាស់ហើយ នោះពួកគេនឹងព្យាយាមធ្វើវាទាល់តែបានលទ្ធផលជោគជ័យ ដូចសុភាសិតមួយមានអត្ថន័យថា “គ្មានអ្វីដែលមិនអាចទៅរួចឡើយ ប្រសិនបើអ្នកមានការតាំងចិត្តច្បាស់លាស់”។

៣/ទស្សនៈ Chi Ku

Chi Ku គឺជាទស្សនៈមួយដែលអ្នកប្រាជ្ញល្បីខុងជឺធ្លាប់និយាយ ដោយវាមានអត្ថន័យថា ការតស៊ូអត់ធ្មត់ ដោយឆ្លងកាត់សកម្មភាពលំបាក។ ប្រជាជនចិនជាច្រើននាក់តែងយកទស្សនៈមួយនេះមកដាក់ពីមុខ ដោយកាលពីឆ្នាំ ២០១៤ គេហទំព័រ Wall Street Journal បានរាយការណ៍ថា ជាមធ្យមជនជាតិចិនម្នាក់ធ្វើការចន្លោះពី ២ ០០០ ទៅ ២ ២០០ ម៉ោងក្នុងមួយឆ្នាំ។

៤/ភាពជោគជ័យគឺមិនមែនពឹងលើសំណាង

មានសុភាសិតមួយលើកឡើងថា “ការតស៊ូប្រឹងប្រែង គឺអាចយកឈ្នះទេពកោសល្យបាន” ហើយនេះគឺជាអ្វីដែលជនជាតិចិនជឿដោយឥតប្រកែកបាន។ ពួកគេត្រូវបានណែនាំតាំងពីនៅក្មេងៗថា គ្រប់យ៉ាងគឺអាចសម្រេចទៅបាន ដោយការខិតខំប្រឹងប្រែង និងការតាំងចិត្ត មិនមែនពឹងតែលើទេពកោសល្យតែមួយមុខឡើយ។ ជាក់ស្ដែងបច្ចុប្បន្នពិភពលោកកំពុងជួបបញ្ហាសេដ្ឋកិច្ចស្ទើរគ្រប់ប្រទេស តែបើក្រឡេកមើលសេដ្ឋកិច្ចប្រទេសចិនវិញ គឺនៅតែបង្ហាញសក្ដានុពលបានកាន់តែរីកចម្រើន។

៥/អភិវឌ្ឍន៍ទៅកាន់ភាពល្អឥតខ្ចោះ

មិនមែននៅពេលអាជីវកម្មមួយទទួលបានភាពជោគជ័យហើយ ជនជាតិចិនឈប់ខ្វាយខ្វល់នឹងការអភិវឌ្ឍនោះទេ ពោលពួកគេនៅបន្តស្រាវជ្រាវ រកមើលចំណុចខ្សោយ និងគន្លឹះបន្ថែម ដើម្បីកែខៃឲ្យផលិតផលរបស់ពួកគេកាន់តែមានភាពល្អមួយកម្រិតបន្ថែមទៀត។

៦/ភាពខ្ជិលច្រអូសគឺជាទោសឧក្រិដ្ឋ

អ្នកនិពន្ធជនជាតិអាមេរិកកាំង Mark Twain ធ្លាប់បាននិយាយថា “គ្មានជនជាតិចិនណាម្នាក់ដែលខ្ជិលឡើយ គឺពួកគេតែងរកអីធ្វើរហូតមិនដែលទំនេរទេ”។ ច្បាស់ណាស់ គេកម្រឃើញជនជាតិចិនណាម្នាក់ ដែលអង្គុយទំនេរដកដង្ហើមចោលណាស់ ពោលគឺតែងធ្វើនេះធ្វើនោះមិនឲ្យទំនេរឡើយ ហើយបើមើលឲ្យមែនទែនទៅ ក្រុមហ៊ុននៅចិនភាគច្រើនតែងឧស្សាហ៍ផ្ដល់ប្រាក់លើកទឹកចិត្តដល់បុគ្គលិកណាដែលបញ្ចប់ការងារមុនកាលកំណត់ណាស់ ដោយសារពួកគេទម្លាប់ក្នុងការយកពេលទំនេរមកព្យាយាមបញ្ចប់ការងារដែលក្រុមហ៊ុនដាក់ឲ្យ។

៧/កុំប្រើតែកម្លាំងបាយតែមួយមុខ គួរប្រើកម្លាំងប្រាជ្ញាមកធ្វើការផង

ប្រជាជនគ្រប់រូបនៅប្រទេសចិន តែងព្យាយាមធ្វើអ្វីឲ្យបានល្អបំផុត ជាពិសេសគឺកាន់តែពិបាក ពួកគេកាន់តែជំនះធ្វើ។ មិនថាឧបសគ្គ ឬភាពលំបាកខ្លាំងប៉ុណ្ណា ក៏វាមិនមែនជារនាំងដែលធ្វើឲ្យពួកគេភ័យព្រួយឡើយ ព្រោះពួកគេតែងរិះរកដំណោះស្រាយបានដោយងាយៗ។ មានឃ្លាមួយដែលជនជាតិចិនចំណាំនិយាយ “ល្អគួរសមហើយ” ដែលនេះគឺចង់សំដៅលើលទ្ធផលសម្រេចបាន ជាជាងដំណើរការ៕

ប្រភព: aiesec

The post ជនជាតិចិនមានឱសថទិព្វ ៧ មុខនេះ ទើបកូនចៅចិនរកស៊ីចេះតែមានទៅៗតជំនាន់ appeared first on .

ជាង ១០ ឆ្នាំក្នុងវិថីសិល្បៈ ភុល សុវណ្ណដានីន ទើបបានក្លាយជាអ្នកតំណាងផលិតផល ឲ្យក្រុមហ៊ុនមួយ

កូនចៅឧកញ៉ា — Thu, 21 Jan 2021 05:08:26 +0000

ជាលើកដំបូងហើយដែលតារាសម្តែង ភុល សុវណ្ណដានីន ទទួលធ្វើជាអ្នកតំណាងផលិតផល មួយ ក្រោយពីប្រលូកក្នុងវិស័យសិល្បៈអស់ជាង ១០ ឆ្នាំ ។ ចូលឆ្នាំ ២០២១ ភ្លាមបុរសសង្ហារ ភុល សុវណ្ណដានីន មិនត្រឹមតែក្លាយទៅជាអ្នកតំណាងផលិតផលធុងបាសឱ្យក្រុមហ៊ុនធំមួយប៉ុណ្ណោះទេ លោកថែមទាំងមានភាគហ៊ុនតូចមួយនៅទីនោះផងដែរ ដែលកាន់តែបង្ហាញឱ្យឃើញថាតារាសម្តែងរូបនេះខ្លាំងមិនធម្មតាឡើយ ។

បុរសសង្ហារ ភុល សុវណ្ណដានីន ត្រូវបានក្រុមហ៊ុន Life T International ប្រកាសជាផ្លូវការដោយទទួលធ្វើជាតារាតំណាងផលិតផលធុងបាសម៉ាក់ W King កាលពីថ្ងៃទី ២០ ខែ មករា ដោយមានការចូលរួមអបអរសាទរ ពីបណ្តាក្រុមហ៊ុនមួយចំនួន និងសិល្បករសិល្បការីនីល្បីៗជាច្រើន នាឱកាសនោះផងដែរក៏មានការបង្ហាញម៉ូដពីសំណាក់តារាសម្តែងជាច្រើនដួង ដែលធ្វើឱ្យកម្មវិធីកាន់តែកក្រើកឡើង ។

លោក ផាត តូម៉ាស់ អគ្គនាយកក្រុមហ៊ុន Life T International បានបញ្ជាក់ប្រាប់ថា មានមូលហេតុជាច្រើនដែលធ្វើឱ្យលោកជ្រើសរើសលោក ភុល សុវណ្ណដានីន ធ្វើជាអ្នកតំណាងឱ្យផលិតផលធុងបាស W King ដោយលោករំពឹងថា វត្តមានលោក ភុល សុវណ្ណដានីន នឹងកាន់តែធ្វើឱ្យអតិថិជនចាប់អារម្មណ៍នូវ ផលិតផលរបស់ក្រុមហ៊ុនលោក ពីព្រោះលោក ភុល សុវណ្ណដានីន ជាតារាល្បីម្នាក់ដែលលោកស្គាល់ យូរឆ្នាំមកហើយ ។

ក្រឡេកមើលលោក ភុល សុវណ្ណដានីន វិញញញឹមបិទមាត់មិនជិតឡើយនៅក្នុងថ្ងៃពិសេសនោះ លោកបានឱ្យដឹងថា ជាង ១០ ឆ្នាំក្នុងសិល្បៈលោកមិនធ្លាប់បានទទួលធ្វើជាអ្នកតំណាងឱ្យក្រុមហ៊ុន ណាទេ ទើបតែឆ្នាំនេះលោកទទួលធ្វើការងារនេះ ។

ក្រៅពីចុះកុងត្រាទទួលធ្វើជាអ្នកតំណាងផលិតផលនៅក្នុងក្រុមហ៊ុននេះដោយគ្មានដែនកំណត់ លោក ភុល សុវណ្ណដានីន បានទម្លាយផងដែរថា លោកក៏មានភាគហ៊ុនតូចមួយនៅទីនោះដែរ ។ ថ្វីដ្បិតតែលោក ភុល សុវណ្ណដានីន មិនបញ្ជាក់ពីហ៊ុនដែលលោកមាន តែលោកបានត្រៀមខ្លួនរួចជាស្រេចដើម្បីធ្វើការផ្សព្វផ្សាយពីផលិតផលនេះឱ្យកាន់តែល្បីល្បាញ ។

គួរបញ្ជាក់ផងដែរថា បុរសសសង្ហារ ភុល សុវណ្ណដានីន បានធ្វើឱ្យទស្សនិកជនចាប់អារម្មណ៍ខ្លាំងក្រោយពីលេចមុខ ក្នុងត្រេល័ររឿង « អ្នកទី ៣ » របស់ទូរទស្សន៍ ភីអិនអិន ដោយលោកសម្តែងជាតួអង្គ ព្រាននារីមានស្រីរាប់មិនអស់ ។ ភុល សុវណ្ណដានីន ធ្លាប់បានចេញទៅរស់នៅប្រទេស អាលី្លម៉ង់ នៅឆ្នាំ ២០១១ ជាមួយម្តាយនិងបងប្អូន តែដោយសារនៅទីនោះពិបាកក្នុងការរស់នៅនិងប្រកបការងារលោកក៏បានវិលត្រឡប់មកកសាង ជីវិតនិងស្នាដៃក្នុងប្រទេស កម្ពុជា វិញ ។ ឆ្នាំនេះលោកមានវ័យ ៣៧ ឆ្នាំហើយ ៕

The post ជាង ១០ ឆ្នាំក្នុងវិថីសិល្បៈ ភុល សុវណ្ណដានីន ទើបបានក្លាយជាអ្នកតំណាងផលិតផល ឲ្យក្រុមហ៊ុនមួយ appeared first on .

ជាង២០ម៉ឺនដុល្លារ ខេម បោះទុនលើជំនួញធ្វើឲ្យមនុស្សម្នាសប្បាយ

កូនចៅឧកញ៉ា — Mon, 02 Nov 2020 02:33:37 +0000

ខេម ដែលជាគ្រាប់ពេជ្ររបស់ផលិតកម្ម Galaxy Navatra ពេលនេះបានសាកល្បងចេញរកស៊ីហើយ ដោយអាជីវកម្មដំបូងមួយនេះ បានប្រើដើមទុនរហូតជាង២០ម៉ឺនដុល្លារឯណោះ។

មុខជំនួញដំបូងរបស់ ខេម មិនមែនជាអចលនទ្រព្យដូចថៅកែរបស់ខ្លួនឡើយ ពោលគឺលោកបានបើកជាភោជនីយដ្ឋាន(ផាប់) លក្ខណៈស្តង់ដារមួយ។ តារាចម្រៀងល្បីឈ្មោះរូបនេះ បានថ្លែងឲ្យដឹងថា មូលហេតុដែលនាំឲ្យលោកសម្រេចចិត្តបើកភោជនីយដ្ឋាន(ផាប់) នេះ ក៏ព្រោះតែ លោកគិតថា ខ្លួនចង់មានមុខរបរបន្ទាប់បន្សំមួយក្រៅពីការងារសិល្បៈ ត្បិតអីទៅថ្ងៃអនាគតមិនអាចតែពឹងលើសិល្បៈមួយមុខបានឡើយ។

ខេម បានបង្ហើបឲ្យដឹងថា T&Y Restaurant ដែលខ្លួនហ៊ានវិនិយោគលើកដំបូងនេះ បានប្រើទុនរហូតដល់ទៅជាង២០ម៉ឺនដុល្លារឯណោះ ហើយមុខជំនួញនេះ មិនមានអ្នកណាម្នាក់ចូលហ៊ុនជាមួយឡើយ គឺលោកបើកផ្ដាច់មុខតែម្ដង ប៉ុន្តែក្នុងនោះមានការប្រឹក្សាពីបងប្រុសរបស់លោកម្នាក់ដែរ។

ការសម្រេចជ្រើសទីតាំងជិតវត្តសំរោងអណ្ដែត មកផ្ដើមអាជីវកម្មលើកដំបូងនេះ ខេម បានសិក្សាជាច្រើនឆ្នាំនឹងច្បាស់លាស់ ដោយលោកយល់ថា ម្ដុំនោះមានហាងច្រើន ប៉ុន្តែហាងបែប(ផាប់) មានប៊ែនច្រៀង មិនទាន់មាននៅឡើយទេ ដូចនេះការបើកនៅទីតាំងនេះ វាពិតជាងាយស្រួលដល់អតិថិជនដែលចង់សប្បាយបែបផាប់ មិនចាំបាច់ចូលកណ្ដាលទីក្រុងនោះទេ អាចមកកន្លែងលោកបាន។

ខេម បានពន្យល់នៃពាក្យ T&Y Restaurant មានន័យថា (Thank you អរគុណ) ដែលពាក្យមួយនេះមនុស្សគ្រប់គ្នាតែងនិយាយជាការគួរសម។

T&Y Restaurant បានបើកលក់សាលល្បងប៉ុន្មានថ្ងៃមកហើយ ឃើញថា មានការគាំទ្រច្រើន ថ្ងៃសម្ពោធជាផ្លូវការគ្រោងធ្វើនៅថ្ងៃទី០៧ ខែ វិច្ឆិកា ឆ្នាំ ២០២០ ខាងនេះ។ ភ្ញៀវកិត្តិយសដែលធ្វើខួបកំណើត និងកម្មវិធីជប់លៀងផ្សេងៗ និងមានការ Discount យ៉ាងពិសេសជូនភ្ញៀវកិត្តិយសផងដែរ។

ទទឹមគ្នានោះដែរ ខេម ក៏បានស្នើដល់អ្នកគាំរបស់លោក ជាពិសេសអ្នកដែលរស់នៅតំបន់ហាងរបស់លោក មេត្តាចូលសាកល្បងមុខម្ហូប ស្ដាប់ភ្លេងហាងថ្មី របស់លោកឲ្យបានច្រើនកុះករផងដែរ៕

The post ជាង២០ម៉ឺនដុល្លារ ខេម បោះទុនលើជំនួញធ្វើឲ្យមនុស្សម្នាសប្បាយ appeared first on .

មេធុរកិច្ចទីផ្សារបណ្ដាញអំពាវនាវដល់ក្រុមហ៊ុនដែលបើកអាជីវកម្មនៅកម្ពុជា បញ្ជូនសមាជិកមកទទួលការបណ្ដុះបណ្ដាលអំពីធុរកិច្ចទីផ្សារបណ្ដាញគ្រប់គ្នា

កូនចៅឧកញ៉ា — Mon, 26 Oct 2020 06:06:16 +0000

លោកសមូហកបណ្ឌិត ឡី សុភាព ប្រធានសមាគមសហព័ន្ធវិនិយោគិនកម្ពុជា និងជាប្រធានសមាគមសហព័ន្ធធុរកិច្ចទីផ្សារបណ្ដាញកម្ពុជា បានអំពាវនាវដល់ ក្រុមហ៊ុនជាតិ-អន្តរជាតិដែលបើកអាជីវកម្មនៅកម្ពុជា ត្រូវបញ្ជូនសមាជិក-សមាជិកាមកទទួលការបណ្ដុះបណ្ដាលអំពីធុរកិច្ចទីផ្សារបណ្ដាញគ្រប់គ្នា ដើម្បីឱ្យយល់ដឹងច្បាស់អំពីអាជីវកម្មខ្នាតតូច និងមធ្យម ក៏ដូចជាគោលនយោយរបស់រាជរដ្ឋាភិបាល នីតិវិធីច្បាប់ និងលិខិតបទដ្ឋានគតិយុត្តផ្សេងៗ។

ការថ្លែងបែបនេះរបស់លោក ឡី សុភាព ត្រូវបានធ្វើឡើងក្នុងពិធីប្រកាសទទួលស្គាល់ក្រុមហ៊ុនអ៉ិនអេសហ្សេត វើល ឯ.ក ចូលជាសមាជិកសមាគមសហព័ន្ធធុរកិច្ចទីផ្សារបណ្ដាញកម្ពុជា នារាត្រីថ្ងៃទី២៥ ខែតុលា ឆ្នាំ២០២០ នៅភោជនីយដ្ឋាន The Terrace TK ខណ្ឌទួលគោក។

លោកបានលើកឡើងថា កាលពីមុន ប្រជាជនធ្វើអ្វីៗគឺប្រើដៃប្រើកម្លាំង ប៉ុន្តែបច្ចុប្បន្នប្រជាជនត្រូវអភិវឌ្ឍខ្លួនឱ្យចេះប្រើទូរស័ព្ទដៃ កុំព្យួទ័រ ឬបច្ចេកវិទ្យាផ្សេងៗ ដើម្បីធ្វើពាណិជ្ជកម្មតាមប្រព័ន្ធ អេឡិចត្រូនិក ហើយក្រុមណាដែលមានគ្នាច្រើន ក្រុមនោះនឹងឈានមុខគេក្នុងរបត់សេដ្ឋកិច្ចនាពេលបច្ចុប្បន្ន។ លោកថា ចាប់ពីពេលនេះទៅ អ្នកដែលចេះធ្វើធុរកិច្ចទីផ្សារបណ្ដាញ នឹងមានជីវភាព មុខមាត់ល្អប្រសើរ។

លោក ឡី សុភាព បានពន្យល់ថា ការធ្វើធុរកិច្ចទីផ្សារបណ្ដាញ គឺជាការចងគ្នាជាសម្ពន្ធដើម្បីពង្រីកទំហំសេដ្ឋកិច្ចឱ្យកាន់តែធំ ផ្សារភ្ជាប់ពីផ្នែកមួយទៅផ្នែកមួយបង្កើតបានជាចរន្តទីផ្សារ។ នៅកម្ពុជាមានប្រជាជនប្រមាណ ១៦ លាននាក់ ប៉ុន្តែបើទីផ្សារបណ្ដាញកម្ពុជាចងជាមួយទីផ្សារជាមួយអាស៊ាន នោះវានឹងកើនឡើងប្រមាណ ៦០០ លាននាក់ ដែលនឹងពង្រីកទំហំទីផ្សារបណ្ដាញឱ្យកាន់តែធំ។ ការធ្វើធុរកិច្ចទីផ្សារបណ្ដាញ គឺជាការដើរឱ្យទាន់បដិវត្តឧស្សាហកម្ម ៤.០។

លោកបានបញ្ជាក់់ទៀតថា រាជរដ្ឋាភិបាលបានបង្កើតច្បាប់ពាណិជ្ជកម្មតាមប្រព័ន្ធអេឡិចត្រូនិក ហើយការធ្វើធុរកិច្ចទីផ្សារបណ្ដាញ គឺស្ថិតនៅក្រោមច្បាប់មួយនេះឯង។ រាជរដ្ឋាភិបាលកម្ពុជាក៏បានសម្រេចអនុញ្ញាតឱ្យមានការបង្កើតសមាគមធុរកិច្ចទីផ្សារបណ្ដាញ នៅថ្ងៃទី១៨ ខែតុលា ឆ្នាំ២០១៩ ដើម្បីចងជាសម្ពន្ធសមាហរណកម្មមួយ សំដៅជំរុញលើកទឹកចិត្តអាជីវកម្មខ្នាតតូច និងមធ្យមលើវិស័យទីផ្សារបណ្ដាញ ស្របតាមគោលនយោបាយរបស់រាជរដ្ឋាភិបាល ក្រោមការដឹកនាំរបស់សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា។

លោកបណ្ឌិតបានអំពាវនាវដល់អ្នកក្រុមហ៊ុនជាតិ-អន្តរជាតិដែលមកបើកអាជីវកម្មនៅកម្ពុជា បញ្ជូនសមាជិក-សមាជិកាមកទទួលការបណ្ដុះបណ្ដាលអំពីធុរកិច្ចទីផ្សារបណ្ដាញ ដើម្បីឱ្យយល់ពីការធ្វើទីផ្សារបណ្ដាញ អាជីវកម្មខ្នាតតូច និងមធ្យមឱ្យបានច្បាស់លាស់។ ម្យ៉ាងទៀត ក៏ដើម្បីយល់ដឹងពីគោលនយោយរបស់រាជរដ្ឋាភិបាល នីតិវិធីច្បាប់ និងលិខិតបទដ្ឋានគតិយុត្តផ្សេងៗ។

បើតាមលោក ឡី សុភាព គណៈកម្មការទីផ្សារបណ្ដាញនឹងចុះត្រួតពិនិត្យលើករណីចំនួន ២៖ ទី១. ត្រួតពិនិត្យលើប្រព័ន្ធនៃការចែកប្រាក់ចំណេញទៅដល់សមាជិក-សមាជិកា តើមានភាពសមប្រកបដែលឬអត់? ទី២. តើក្រុមហ៊ុននោះជាក្រុមត្រឹមត្រូវ ឬមិនត្រឹមត្រូវ ដែលនឹងសហការជាមួយអគ្គស្នងការនគរបាលជាតិ ដើម្បីទប់ស្កាត់ និងធានាសុវត្ថិភាពកុំឱ្យមានការបោកប្រាស់រវាងការជួញដូរនៃការធ្វើពាណិជ្ជកម្មតាមប្រព័ន្ធអេឡិចត្រូនិក។

នាពេលកន្លងទៅ សមាគមសហព័ន្ធធុរកិច្ចទីផ្សារបណ្ដាញកម្ពុជា បានចុះហត្ថលេខាជាមួយនាយកដ្ឋានប្រឆាំងផលិតផលក្លែងក្លាយ ដើម្បីធានាទំនិញនៅគ្រប់ក្រុមធុរកិច្ចទីផ្សារបណ្ដាញទាំងអស់ពិតជាទំនិញដែលមានគុណភាព សុវត្ថិភាព មិនប៉ះពាល់ដល់សុខភាពរបស់ប្រជាពលរដ្ឋ និងអ្នកប្រើប្រាស់នៅកម្ពុជា

នាឱកាសនោះ ប្រធានសមាគមសហព័ន្ធធុរកិច្ចទីផ្សារបណ្ដាញកម្ពុជា ក៏បានប្រកាសក្រុមហ៊ុនអ៉ិនអេសហ្សេត វើស ចូលជាសមាជិកសមាគមរបស់ខ្លួនជាផ្លូវការ និងមានការប្រគល់ជ័យលាភីដល់ថ្នាក់ដឹកនាំឆ្នើមចំនួន ៩ រូបផងដែរ៕

ប្រភព៖ freshnewsasia

The post មេធុរកិច្ចទីផ្សារបណ្ដាញអំពាវនាវដល់ក្រុមហ៊ុនដែលបើកអាជីវកម្មនៅកម្ពុជា បញ្ជូនសមាជិកមកទទួលការបណ្ដុះបណ្ដាលអំពីធុរកិច្ចទីផ្សារបណ្ដាញគ្រប់គ្នា appeared first on .

ឧកញ៉ា ហ៊ួត ជា ៖ បើខ្វះដើមទុនរកសុីមកសហការជាមួយខ្ញុំ

ឧកញ៉ាកោះក្របី — Sat, 17 Oct 2020 02:32:05 +0000

កាលពីថ្ងៃទី១៦ ខែតុលា ឆ្នាំ២០២០ លោកឧកញ៉ា ហ៊ួត ជា បានប្រកាសដល់បងប្អូនដែលស្រឡាញ់ និងមានជំនាញអាជីវកម្ម បច្ចេកទេសក្នុងការផលិតមានគុណ ហើយខ្វះដើមទុនក្នុងការចេញរកសុី មកសហការជាមួយលោកឧកញ៉ាៗនឹងឲ្យក្រុមការងាររបស់លោកឧកញ៉ាទាញចូលគ្រុបតែម្តង។

នៅបណ្តាញសង្គមហ្វេសបុកលោកឧកញ៉ា បានបង្ហោះសារថា៖ “ខ្ញុំបាទ ហ៊ួត ជា សូមអំពាវនាវដល់បងប្អូនជនរួមជាតិដែលមានជំនាញលើអាជីវកម្ម
_ខ្នាតតូចមធ្យម
_ស្រលាញ់ចូលចិត្ត
_មានបច្ចេកទេសក្នុងការធ្វើផលិតផល មានគុណភាព
_ខ្វះដើមទុនក្នុងការរកសុី
ត្រូវការសហការជាមួយខ្ញុំ អាចទំនាក់ទំនងមកកាន់លេខ 092775000 ឬ ខមមិនYes លេខទូរស័ព្ទ និងមុខរបរចង់រកសុី ក្រុមការងារខ្ញុំបាទនិងធ្វើការទាញចូលគ្រុប”

“បើអ្នកចង់ជោគជ័យ ត្រូវផ្លាស់ប្តូររបៀបគិតរបស់អ្នក “ ឧកញ៉ា ហ៊ួត ជា

សូមបញ្ជាក់ថា លោកឧកញ៉ា ហ៊ួត ជា ជាអគ្គនាយកក្រុមហ៊ុន ហ៊ួត ជា ផ្គត់ផ្គង់សម្ភារសំណង់ ដែលនាំចូល និងចែកចាយគ្រឿងសំណង់មានគុណភាពខ្ពស់ឈានមុខគេនៅកម្ពុជា។

The post ឧកញ៉ា ហ៊ួត ជា ៖ បើខ្វះដើមទុនរកសុីមកសហការជាមួយខ្ញុំ appeared first on .

ផែនការថ្មី ឧកញ៉ា ហ៊ួត ជា គ្រោងពង្រីកសាខាបន្ថែមរហូតដល់ ១៥០សាខាទូទាំងប្រទេស

កូនចៅឧកញ៉ា — Wed, 14 Oct 2020 04:31:24 +0000

ការថ្លែងបែបនេះ គ្រាដែលលោក ឧកញ៉ា ហ៊ួត បានចូលមហារពិធីជួបជុំក្រុមគ្រួសារ ហ៊ួត ជា ប្រចាំឆ្នាំ២០២០ ទូទាំងប្រទេសកាលពីថ្ងៃទី១០ ខែតុលា ឆ្នាំ២០២០កន្លងទៅ។

ក្រុមហ៊ុន ហ៊ួត ជា បានប្រារព្វពិធីដ៏ធំមួយ ដោយមានការជួបជុំពីសំណាក់ សាខាទូទាំងប្រទេស អគ្គនាយក គណគ្រប់គ្រង និងបុគ្គលិកហ៊ួត ជា ដ៏សែនឧឡារឹកបំផុត ដើម្បីចែករំលែក និងបង្កើនភាពស្និតស្នាលកាន់តែល្អបំផុតកាលពីថ្ងៃទី១០ ខែតុលា ឆ្នាំ២០២០។

លោកឧកញ៉ា ហ៊ួត ជា អគ្គនាយកក្រុមហ៊ុន ហ៊ួត ជា បានលើកឡើងថា សម្រាប់ការបន្តរចែកចាយសម្ភារៈសំណង់ បន្ទាប់ពីជំងឺកូវិដ ១៩ បានស្ងប់ស្ងាត់ទៅវិញ ក្រុមហ៊ុនបានបង្កើតវគ្គបណ្តុះបណ្តាល សម្រាប់សាខា ដែលបានបើកជាយូរ និងសាខាដែលទើបតែបង្កើតថ្មី ដើម្បីទទួលបានជោគជ័យក្នុងអាជីវកម្ម មានចំណេះដឹងខ្ពង់ខ្ពស់ វិជ្ជាជីវៈគ្រប់គ្រងបុគ្គលិក ជាសហគ្រិនភាព នាំយកមកបង្ហាញសាខារបស់ខ្លួនពីរបៀបធ្វើអាជិវកម្មដោយភាពទទួលខុសត្រូវ ស្មោះត្រង់ និងភាពច្នៃប្រឌិត ដើម្បីភាពជោគជ័យដ៏យូរអង្វែង។ លោកក៏បានមានប្រសាសន៍ថា ក្រុមហ៊ុន នឹងពង្រីកសាខាបន្ថែមរហូតដល់ ១៥០ សាខាទូទាំងប្រទេស ក្នុងឆ្នាំ២០២០។

The post ផែនការថ្មី ឧកញ៉ា ហ៊ួត ជា គ្រោងពង្រីកសាខាបន្ថែមរហូតដល់ ១៥០សាខាទូទាំងប្រទេស appeared first on .

ជា វិបុលដឹកដៃភរិយាបោះទុនរកស៊ីជាមួយប្អូនប្រុសបង្កើត ឧកញ៉ា ឡេង ណាវ៉ាត្រា ក្រោមទុនច្រើនម៉ឺនដុល្លារ

កូនចៅឧកញ៉ា — Mon, 12 Oct 2020 05:16:13 +0000

ទើបតែលាចាកសិក្ខាបទមិនបានប៉ុន្មានថ្ងៃផងស្រាប់តែលោក ជា វិបុល បានដឹកដៃភរិយារបស់ខ្លួនទៅបើកសម្ពោធគម្រោងដីឡូតិ៍មួយកន្លែងជាមួយដៃគូថ្មី ដែលគេស្គាល់ថា ជាប្អូនប្រុសបង្កើតរបស់ លោកឧកញ៉ាវ័យក្មេង ឡេង ណាវ៉ាត្រា។ពិធីសម្ពោធមុខជំនួញថ្មីក្រោយទុករាប់សិបម៉ឺន ដុល្លារនេះ បានធ្វើឡើងកាលពីថ្ងៃអាទិត្យ ទី ១១ ខែ តុលា កន្លងមកនេះ នៅឯទីតាំងដីផ្ទាល់តែម្ដង តាមបណ្ដោយផ្លូវជាតិលេខ ៣ ក្នុង ទឹកដី ភូមិ ព្រៃទទឹង ឃុំ ព្រះនិព្វាន ស្រុក គង ពិសី ខេត្ត កំពង់ស្ពឺ ។

លោក ជា វិបុល បានឱ្យដឹងថា នេះជាលើកដំបូងហើយដែលលោក បានបោះទុនប្រាក់ផ្ទាល់ខ្លួនក្នុងគម្រោងលក់ដីឡូតិ័ ។ ទាំងនេះក៏ដោយសារតែលោកព្រមទាំងភរិយា បានធ្វើការងារជាមួយ លោក ឡេង និមល ច្រើនលើកមកហើយ ឃើញថា ទីផ្សារអចលនទ្រព្យពិសេសដីឡូតិ៍មានទីផ្សារខ្លាំង ជាឱកាសមិនអាចបង្អង់យូរបាន គួបផ្សំដៃគូ របស់លោកជាមនុស្សល្អយល់ចិត្តគ្នា នឹងជាក្រុមហ៊ុនមួយមានកេរ្តិ៍ឈ្មោះល្អ អតិថិជនមានទំនុកចិត្ត ទើប លោកព្រមទាំងភរិយា បានសម្រេចចិត្ត ចូលហ៊ុនរកស៊ីជាមួយគ្នាតែម្ដង។

បច្ចុប្បន្នទីតាំងគម្រោងដីឡូតិ៍ ខាងលើ ជាទីតាំងល្អសម្រាប់បងប្អូនដែលបានដីឡូតិ៍សាងសង់ផ្ទះស្នាក់នៅ ឬផ្ទះជួលជាដើមបានយ៉ាងល្អប្រសើរ ត្បិតជុំវិញដំបន់ នោះជាដំបន់ប្រកបដោយសក្ដានុពល ជាប់ផ្លូវជាតិ មានផ្សារ និងរោងចក្រជាច្រើន។

មុនឈានដល់ ការចាប់ដៃគូ រកស៊ីជាមួយ លោក ជា វិបុល នឹង អ្នកនាង គង់ សុជាតិ នេះ លោក ឡេង និមល បានឱ្យដឹងនៅក្នុងថ្ងៃសម្ពោធបើកគម្រោងដីឡួតិ៍នោះថា ផ្ដើមឡើងដោយការធ្វើការជាមួយគ្នា ហើយអ្នកទាំងពីជា អាយដល របស់លោកផងនោះ ក៏ឈានដល់ទំនាក់ទំនងកាន់តែស្និទ្ធស្នាល កើតចេញជាមុខជំនួញនេះឡើងតែម្ដង។

ជាជំហានដំបូង ប្អូនប្រុស របស់លោកឧកញ៉ាឡេង ណាវ៉ាត្រារូបនេះឲ្យដឹងថា អ្នកទាំងពីរសាកល្បីលើដីចំនួន ១០ ហិចតា សិន ប្រសិនបើជោគជ័យ ពួកគេនឹង បន្តនៅមុខជំនួញដីឡូតិនេះ ជាបន្តបន្ទាប់ទៀត។ ក្នុងដីគម្រោង១០ ហិចតា ត្រូវបានពុះចេញជាង១០០០ឡូតិ មានប្រពន្ធលូ ទឹក ភ្លើង នឹង សួនច្បាជាដើម ។ ក្នុង១ឡូត៍ លក់ចេញចាប់ពី ជាង៣៥០០ ដុល្លារ រហូតដល់ ជាង១ម៉ឺនដុល្លារ មានការបង់រំលោះត្រឹមតែ៨០ ដុល្លារក្នុង១ខែប៉ុណ្ណោះ គឺពិតជាងាយស្រួលសម្រាប់បងប្អូនតែមានចំណូលទាប។ បច្ចុប្បន្នគ្រាន់តែប្រកាសលក់ចេញនោះ ដីមួយចំនួនធំត្រូវបាន អតិថិជន ទិញអស់មួយចំនួនធំទៅហើយ។

បន្ទាប់ថ្ងៃប្រកាសនៅគម្រោងដីឡូតិ៍ ជាលើកដំបូងនេះ សម្រាប់អតិថិជនដែលទិញក្នុងពេលនេះ នឹងទទួលបានការបញ្ចុះតម្លៃ និង មានជូននូវ ទូទឹកកក និង ទូរទស្សន៍ ម៉ាស៊ីនបោកគក់ជាដើម ….។

ជាមួយនឹងការបោះហ៊ុនរកស៊ីជាមួយគ្នាជំហានដំបូងសម្រាប់លោក ជា វិបុល និង លោក ឡេង និមល បានរំពឹងថា គម្រោងដីឡូតិ៍នេះនឹងទទួលបានជោគជ័យ ពីព្រោះទីតាំងដូចបានបញ្ជាក់ខាងលើ អីចាំង វាជាកន្លែងរស់នៅប្រកបដោយសក្តានុពល ជាប់ផ្លូវជាតិ មានផ្សារ និងរោងចក្រជាច្រើន ។

លោក ឡេង និមល ក៏ដូចជា លោក ជាវិបុល មិនបានបញ្ជាក់អំពីទឹកប្រាក់ដែលពួកគេបានបោះទុននៅលើគម្រោងដីឡូតិ៍ ១០ ហិចតានោះទេ ដោយអ្នកទាំងពីរគ្រាន់តែ បង្ហើបយ៉ាងខ្លីថា គឺច្រើនគួរសមប្រសិនបើគិតលើទីផ្សារបច្ចុប្បន្នដីលើតំបន់នេះ ហើយក្នុងនោះអ្នកទាំងពីរបាន ចូលហ៊ុនគ្នាម្នាក់ពាក់កណ្ដាល ៕

The post ជា វិបុលដឹកដៃភរិយាបោះទុនរកស៊ីជាមួយប្អូនប្រុសបង្កើត ឧកញ៉ា ឡេង ណាវ៉ាត្រា ក្រោមទុនច្រើនម៉ឺនដុល្លារ appeared first on .

ឧកញ៉ា ភិរម្យ វិចិត្រដារ៉ា៖ត្រូវធ្វើការឲ្យអស់ពីថាមពលរបស់ខ្លួន

កូនចៅឧកញ៉ា — Mon, 28 Sep 2020 02:20:19 +0000

អ្នកដែលគិតក្នុងផ្លូវអាក្រក់ ធ្វើការដោយមិនលើកតម្លៃខ្លួនឯង ការធ្វើការងារដោយមិនលើកតម្លៃខ្លួនឯង ធ្វើការតាមដំណើរ ឥតខ្វល់ខ្វាយពីរឿងចម្រើនឬមិនចម្រើន ឥតខ្វល់ពីរឿងល្អឬមិនល្អ មិនចង់លើដៃលើកជើង(ខ្ជិល) មិនព្រមបញ្ចេញឲ្យអស់ពីថាមពលរបស់ខ្លួន ដែលជាហេតុធ្វើឲ្យកិច្ចការរបស់គេបានផលតែបន្តិចបន្តួច ឯជោគជ័យក្នុងជីវិតក៏នឹងមានតិចតួចទៅតាមនោះដែរ។ នេះជា ការលើកឡើង របស់លោក ឧកញ៉ា ភិរម្យ វិចិត្រដារ៉ា លើផេកផ្លូវការរបស់លោកឧកញ៉ា ដែលជាការក្រើនរំលឹកដល់ប្រិយមិត្តអ្នកគាំទ្រ។

គំនិតខាងលើនេះគឺជាការដាស់អារម្មណ៍មួយ ដើម្បីយុវជនដែលចង់ក្លាយជាបុគ្គលជោគជ័យនាពេលអនាគត គូរកុំធ្វើការបញ្ចេញឲ្យអស់ពីថាមពលរបស់ខ្លួន កុំធ្វើការតាមទម្លាប់ ត្បិតអីលើវិថី បុគ្គលជោគជ័យគ្មានដានជើងមនុស្សខ្ជិលឡើយ៕

The post ឧកញ៉ា ភិរម្យ វិចិត្រដារ៉ា៖ត្រូវធ្វើការឲ្យអស់ពីថាមពលរបស់ខ្លួន appeared first on .

CEO Khmer Club បើកជាផ្លូវការហើយ ក្រោមវត្តមានឧកញ៉ាល្បីជាច្រើនរូប

កូនចៅឧកញ៉ា — Thu, 10 Sep 2020 02:37:17 +0000

CEO Khmer Clubបង្កើតឡើយដោយយុវជនមួយក្រុម ដែលមានគោលដៅចែករំលែកអាថ៌កំបាំងជោគជ័យពិតរបស់CEOក្នុងប្រទេសកម្ពុជា ដល់យុវជនខ្មែរជំនាន់ក្រោយ បានប្រកាសបើកជាផ្លូវការហើយកាលពីថ្ងៃទី៩ ខែ កញ្ញា ឆ្នាំ ២០២០ ក្រោមវត្តមានឧកញ៉ាល្បីជា ព្រមទាំងប្រធានក្រុមហ៊ុនស្ថាប័នជាច្រើនរូប។

ក្នុងថ្ងៃសម្ពោធនោះ គេឃើញមានវត្តមានឧកញ៉ាៗព្រមទាំងអ្នកជំនួញល្បីឈ្មោះជាច្រើនរូបមានដូចជា លោកឧកញ៉ា យូ សាម៉េត លោកឧកញ៉ា ហ៊ួត ជា លោក ឧកញ៉ា នួន រិទ្ធី បណ្ឌិត សំ ហេង លោក បណ្ឌិត ឃិត ឈឿន ព្រមទាំងប្រធានក្រុមហ៊ុនស្ថាប័នជាច្រើនរូបទៀត ដែលពួកគាត់សុទ្ធតែជាបុគ្គលជោគជ័យលើវិស័យជំនួញ។

គោលដៅនៃ CEO Khmer Clubបង្កើតឡើយដោយយុវជន៩រូបពួកគាត់សុទ្ធតែជាប្រជាប្រធានក្រុមហ៊ុន ដែលមានគោលបំណង ដើម្បីគៀងគរម្ចាស់អាជីវកម្ម ប្រធានក្រុមហ៊ុន និង ប្រធានក្រុមប្រឹក្សាអភិបាល អ្នកដែលមានបទពិសោធន៍រួម ជាពិសេសជួយដល់សង្គមកម្ពុជាផ្នែកធុរះកិច្ច។
ដើម្បីចែករំលែក និង ផ្តល់ជូននូវចំណេះជំនាញ បទពិសោធន៍ល្អៗ ដែលគួរឲ្យទុកចិត្តបំផុតសម្រាប់សមាជិក និង អតិថិជនរបស់យើង។
ដើម្បីបង្កើនប្រសិទ្ធិផល និងប្រសិទ្ធិភាពនៃការគ្រប់គ្រងអាជីវកម្មសមាជិក និងអតិថិជនរបស់យើង។

ការទទួលពាក្យចូលរៀនចាប់ពីពេលនេះតទៅ នៅការិយាល័យកណ្ដាលរបស់ CEO KHMER CLUB មានទីតាំងនៅជាន់ទី៣ផ្សារKC Marke ដែលយើងអាចធ្វើដំណើរ តាមផ្លូវ ខាងជើងវត្តតាំងក្រសាំង ផ្លូវរថភ្លើងទៅប្រលានយន្តហោះ ទល់មុខគម្រោងបុរីអ័រគីដេពោធិ៍ចិនតុង៕

The post CEO Khmer Club បើកជាផ្លូវការហើយ ក្រោមវត្តមានឧកញ៉ាល្បីជាច្រើនរូប appeared first on .

ឧកញ៉ាបណ្ឌិត គីម ហ៊ាង បង្ហើប៣វិធីសាស្រ្តដើម្បីបំបាត់ភាពក្រីក្រពីកម្ពុជា

កូនចៅឧកញ៉ា — Tue, 08 Sep 2020 02:56:43 +0000

មានវិធីជាច្រើនដែលធ្វើឲ្យយើងចេះរកស៊ី ក្លាយជាអ្នកមានទ្រព្យ ក្លាយជាបុគ្គលជោគជ័យ ក្នុងនោះដែរមនុស្សជាច្រើនតែងតែ សិក្សានៅទ្រឹស្ដី បុគ្គលជោគជ័យជាច្រើនយកទៅ គិតក៏ដូចជាអនុវត្តន៍តាម។ ជារួមចំណែកនៃគំនិតនេះ ឧកញ៉ាបណ្ឌិត គីម ហ៊ាង ដែលមហាជនស្គាល់ថា ជាសាស្ត្រាចារ្យល្បីឈ្មោះម្នាក់ បានចែករំលែកបង្ហើប៣វិធីសាស្រ្តដើម្បីបំបាត់ភាពក្រីក្រពីកម្ពុជា ក្នុងនោះមានដូចជា៖

1. កុំធ្វើអោយខ្លួនឯងក្លាយជាអ្នកក្រ!

2. កុំធ្វើបាបអ្នកក្រ តែត្រូវជួយអ្នកក្រ អោយឈប់ក្រ!

3. ខ្លួនឯង កូនក្មួយ ប្តីប្រពន្ធ សាច់ញាតិ មិត្តភក្តិ ពិសេសគឺមនុស្សមួយប្រទេសត្រូវតែរៀនហើយរៀនទៀត ព្រោះការអប់រំ គឺជាផ្លូវដ៏ត្រឹមត្រូវបំផុត និងគ្រប់ពេលវេលា!៕

ប្រភព៖ ផេក បណ្ឌិតសង្ហា គីម ហ៊ាង

The post ឧកញ៉ាបណ្ឌិត គីម ហ៊ាង បង្ហើប៣វិធីសាស្រ្តដើម្បីបំបាត់ភាពក្រីក្រពីកម្ពុជា appeared first on .

គំនិតអាជិវកម្ម

ជនជាតិ​ចិន​មាន​ឱសថ​ទិព្វ​ ៧ មុខនេះ​ ទើប​កូនចៅ​ចិន​​រកស៊ី​ចេះ​តែ​មានទៅៗ​តជំនាន់

ជាង ១០ ឆ្នាំក្នុង​វិថី​សិល្បៈ ភុល សុវណ្ណដានីន ទើប​បាន​ក្លាយ​ជា​អ្នក​តំណាង​ផលិតផល ឲ្យ​ក្រុម​ហ៊ុន​មួយ

ជាង​២០ម៉ឺន​ដុល្លារ ខេម បោះ​ទុន​លើ​​ជំនួញ​ធ្វើ​ឲ្យ​មនុស្ស​ម្នា​សប្បាយ

ប្រភព៖ freshnewsasia

ឧកញ៉ា ហ៊ួត ជា ៖ បើខ្វះដើម​ទុន​រកសុី​​មកសហការជាមួយខ្ញុំ

ផែន​ការ​ថ្មី ឧកញ៉ា ហ៊ួត ជា គ្រោង​​ពង្រីក​សាខា​បន្ថែម​រហូត​ដល់ ១៥០​សាខា​ទូទាំង​ប្រទេស

ឧកញ៉ា ភិរម្យ វិចិត្រដារ៉ា​៖ត្រូវ​ធ្វើ​ការ​ឲ្យ​អស់​ពី​ថាមពល​របស់​ខ្លួន

CEO Khmer Club បើក​ជា​ផ្លូវ​ការ​ហើយ ក្រោម​វត្ត​មាន​ឧកញ៉ា​ល្បី​ជា​ច្រើន​រូប

ឧកញ៉ា​បណ្ឌិត គីម ហ៊ាង បង្ហើប​​៣វិធីសាស្រ្ត​ដើម្បីបំបាត់ភាពក្រីក្រពីកម្ពុជា