លើបណ្តាញសង្គមផ្ទាល់ខ្លួននៅព្រឹកថ្ងៃសុក្រទី៩ ខែមីនានេះ លោក ឃឹម ហ្វីណង់ បានឲ្យដឹងថា នៅទីបំផុត កិច្ចសន្ទនាដែលលោកតែងតែទន្ទឹងរង់ចាំនេះក៏អាចកើតមានឡើងបាន បន្ទាប់ពីមមាញឹកជាមួយភារកិច្ចថ្មីរៀងៗខ្លួនអស់មួយរយៈកាលរួចមក។

លោកថា វាជាឱកាសដែលអនុញ្ញាតឱ្យលោកបានស្តាប់ បានលឺ ពីចក្ខុវិស័យ និងទស្សនៈក្នុងការដឹកនាំរដ្ឋបាលស្រុកបន្ទាយស្រីរបស់លោក រិន ឡូត ហើយក៏ជាឱកាសបានចែករំលែកក្តីសង្ឃឹម ក្តីស្រមៃ និងបទពិសោធខ្លះៗក្នុងពេលកន្លងមកផងដែរ។

លោក ឃឹម ហ្វីណង់ បានលើកឡើងថា​ «បានសន្យាគ្នាជាមួយបងអភិបាលថា នឹងជួបគ្នាឱ្យបានញឹកញាប់ ផ្លាស់ទីកន្លែងជួបទៅវិញទៅមក និងបន្តការសន្ទនាបែបនេះឱ្យបានជាប្រចាំ ដើម្បីជាប្រយោជន៍រួមនៃស្រុកជាទីស្រលាញ់របស់យើងទាំងពីរ»។

សូមជម្រាបជូនថា លោក រិន ឡូត អតីតអភិបាលរងស្រុកក្រឡាញ់ ឋានន្តរស័ក្តិ ឧត្តមមន្ត្រីថ្នាក់លេខ៥ ត្រូវបានតែងតាំងជាអភិបាលស្រុកបន្ទាយស្រី ជំនួសលោក ឃឹម ហ្វីណង់ ដែលបានទៅទទួលភារកិច្ចថ្មី ជាអភិបាលរងខេត្តសៀមរាប កាលពីចុងឆ្នាំ២០២២កន្លងទៅ៕

The post លោក ឃឹម ហ្វីណង់ ជួបអភិបាលស្រុកបន្ទាយស្រីថ្មី ចែករំលែកបទពិសោធន៍ក្នុងការដឹកនាំ appeared first on .

លោក ឃឹម ហ្វីណង់ អភិបាលស្រុកបន្ទាយស្រី បានលើកឡើងថា៖ អ្នកណាក៏ដឹងដែរថា ស្រុកបន្ទាយស្រីសម្បូរទៅដោយដំណាំស្វាយចន្ទីជាច្រើនកន្លែង ប៉ុន្តែកន្លងមក អ្នកភូមិបានត្រឹមតែប្រឡេះយកគ្រាប់ឆៅទៅលក់ឱ្យឈ្មួញកណ្តាល ឬបកដោយដៃយកទៅលីងហូបបន្តិចបន្តួចតែប៉ុណ្ណោះ។ លោកថា ចំណុចទាំងនេះគឺជារឿងគួរឱ្យសោកស្តាយ ព្រោះកសិករតែងតែលក់បានក្នុងតម្លៃទាប និងមិនទទួលបានតម្លៃបន្ថែមច្រើនពីមុខរបរនេះប៉ុន្មានទេ ប៉ុន្តែលោកជឿជាក់ថា អ្វីៗនឹងចាប់ផ្តើមមានការផ្លាស់ប្តូរ បន្ទាប់ពីមានវត្តមានសិប្បកម្មភូមិចន្ទីមួយនេះ។

លោកបន្តថា ពិតមែនតែទើបរៀបចំបានក្នុងខ្នាតតូច និងមិនទាន់អាចដល់កម្រិតស្តង់ដាដើម្បីបង្អួតបង្ហាញអ្នកទេសចរបាននៅឡើយ ប៉ុន្តែនេះគឺជាគំនិតផ្តួចផ្តើមមួយដ៏ប្រសើរ ដែលគួរតែទទួលបាននូវការលើកទឹកចិត្ត និងការជំរុញផ្សព្វផ្សាយបន្ថែម។

គ្រាប់ស្វាយចន្ទីគឺជាប្រភេទគ្រាប់ធញ្ញជាតិដែលមានទីផ្សារធំទូលាយ និងសម្បូរបែបខ្លាំងណាស់ ជាពិសេសសម្រាប់អ្នកទេសចរអន្តរជាតិតែម្តង។ គេអាចយកវាទៅឆឹងជាមួយស្ករត្នោត ស្រោបជាមួយសូកូឡា ធ្វើជានំបង្អែមបានយ៉ាងច្រើនមុខ លីងនឹងអំបិលម្ទេស ឬហូបលេងផ្ទាល់ក៏បាន ហើយគេក៏អាចលក់វាជាប្រអប់ៗ ច្រកវេចខ្ចប់តាមស្តង់ដាត្រឹមត្រូវ ឬលក់រាយជាកំប៉ុងៗក៏ម្យ៉ាង។

លោកអភិបាលស្រុកវ័យក្មេង ឃឹម ហ្វីណង់ បានបញ្ជាក់ថា វត្ថុធាតុដើមមាននៅជិតដៃរួចជាស្រេចហើយ នៅឡើយតែការចេះយកមកបំលែងកែច្នៃ បន្ថែមតម្លៃ និងប្រែក្លាយឱ្យទៅជាមុខរបរទេ ទោះក្នុងទម្រង់សិប្បកម្មតូចៗក៏បាន ឬចងគ្នាជាសហគមន៍ក៏បាន ធ្វើយ៉ាងណាឱ្យតែទទួលបាននូវប្រាក់ចំណូលដើម្បីផ្គត់ផ្គង់ជីវភាព។

លោកថ្លែងថា៖ «ខ្ញុំតែងតែសង្ឃឹមថា បងប្អូនអ្នកភូមិកាន់តែច្រើននឹងចូលរួមរុញច្រានកសិផលមួយប្រភេទនេះឱ្យទៅជាអត្តសញ្ញាណថ្មីមួយទៀតរបស់ស្រុកបន្ទាយស្រីដែលនឹងអាចនាំមកនូវចំណូលបន្ថែមដល់សេដ្ឋកិច្ចគ្រួសារ និងបង្កើនភាពទាក់ទាញដល់វិស័យទេសចរណ៍នៅក្នុងស្រុក។ ជឿជាក់ថាផលិតផលមួយនេះមានសក្តានុពលមិនចាញ់ផលិតផលស្ករត្នោតនោះទេ»។

សូមជម្រាបជូនថា ទីតាំងសិប្បកម្មភូមិចន្ទីបន្ទាយស្រី ស្ថិតនៅភូមិប្រិយ៍ ស្រុកបន្ទាយស្រី ខេត្តសៀមរាប តាមបំណ្តោយផ្លូវលេខ67 ហួសភូមិព្រះដាក់ប្រហែល5គីឡូម៉ែត។ Phone and Telegram: 012 200150 Mail: phearomtom@gmail.com

The post ជួយគាំទ្រផង កសិករខេត្តសៀមរាបអាចផលិតគ្រាប់ស្វាយចន្ទីហូបភ្លាមៗបានហើយ appeared first on .

លោក ឃឹម ហ្វីណង់ ថ្លែងក្នុងសំណេរដើមយ៉ាងដូច្នេះថា៖ “ខ្ញុំសង្ឃឹមយ៉ាងមុតមាំថាករណីនេះនឹងក្លាយទៅជាបន្ទាត់សម្រាប់ដោះស្រាយករណីដទៃទៀតក្នុងរូបមន្តប្រហាក់ប្រហែលគ្នានេះ ហើយក៏សូមទទូចដល់ភាគីករណីវិវាទដីធ្លីផ្សេងៗទៀតនៅក្នុងស្រុកបន្ទាយស្រី ឱ្យបន្ទន់ជំហរ សម្បទានគ្នា និងចាប់យកការចរចាជាច្រកចេញ ជៀសវាងការខាតបង់ពេលវេលាដើរលើផ្លូវទាល់ច្រក“។

លោកបន្តថា ការបញ្ចប់វិវាទក្នុងទម្រង់បែបនេះក៏នឹងអនុញ្ញាតឱ្យបងប្អូនប្រជាពលរដ្ឋអាចប្រើប្រាស់ដីធ្លីរបស់ខ្លួនជាទ្រព្យដ៏មានតម្លៃឱ្យអស់សក្តានុពល និងបើកផ្លូវឱ្យមានការវិនិយោគពីសំណាក់វិស័យឯកជនដើម្បីជាប្រយោជន៍ដល់សេដ្ឋកិច្ចជាតិផងដែរ។

ជាថ្មីម្តងទៀត អភិបាលស្រុកបន្ទាយស្រី បានសារទរចំពោះភាគីទាំងពីរ ដែលបានបន្ទន់ឥរិយាបថស្រុះស្រួលគ្នាបញ្ចប់ជំលោះ និងយល់ព្រមដកពាក្យបណ្តឹងទាំងខាងផ្លូវរដ្ឋបាល និងផ្លូវតុលាការ ដោយឈរលើគោលការណ៍ឈ្នះ-ឈ្នះ និងទទួលយកដំណោះស្រាយដែលអាជ្ញាធរបានប្រឹងប្រែងស្វែងរកជូន។

ជុំវិញបញ្ហានេះ នៅថ្ងៃនេះ សារព័ត៌មានឧកញ៉ាញូស៍ មិនអាចសុំការអធិប្បាយបន្ថែមពីលោក លី សំរិទ្ធ ជាអ្នកនាំពាក្យសាលាខេត្តសៀមរាប បាននៅឡើយទេ។

បន្ថែមលើនេះ កាលពីសប្តាហ៍កន្លងទៅ លោក ឃឹម ហ្វីណង់ ក៏បានដឹកនាំកិច្ចប្រជុំមន្ត្រីពាក់ព័ន្ធទាំងអស់នៅក្នុងស្រុកបន្ទាយស្រី ដើម្បីត្រៀមលក្ខណៈសម្បត្តិដោះស្រាយបញ្ហាទំនាស់ដីធ្លី ទ្រង់ទ្រាយធំជាលក្ខណៈប្រព័ន្ធ នៅក្នុងតំបន់ជាប់ព្រំប្រទល់ រវាងឃុំខ្នារសណ្តាយ ឃុំរំចេក និងឃុំព្រះដាក់ ជាពិសេសតំបន់ចន្លោះផ្លូវជាតិលេខ៦៦ និងផ្លូវជាតិលេខ៦៧ ដើម្បីជាមូលដ្ឋានឈានទៅដល់ការបញ្ចប់វិវាទរ៊ាំរ៉ៃ ដែលបានអូសបន្លាយអស់ជាយូរឆ្នាំមកហើយ។

បើតាមលោក ឃឹម ហ្វីណង់ ដីនៅក្នុងតំបន់ទាំងនេះ សុទ្ធសឹងតែជាដីជាប់នៅក្នុងផែនទីគម្របព្រៃឈើឆ្នាំ២០០២ ដែលត្រូវបានប្រជាពលរដ្ឋរស់នៅកាន់កាប់អាស្រ័យផល ជិតម្ភៃឆ្នាំរួចមកហើយ ប៉ុន្តែក៏ជាតំបន់ដែលមានការទាមទារត្រួតស៊ីគ្នា រវាងប្រជាពលរដ្ឋ និងប្រជាពលរដ្ឋ ឬរវាងប្រជាពលរដ្ឋ និងក្រុមហ៊ុនដែលបានទិញដីបន្តពីប្រជាពលរដ្ឋ។

លោកថា តាមការសន្និដ្ឋានរបស់ក្រុមការងារ មានដីមិនតិចជាង១០០០ហិកតាទេ ដែលស្ថិតក្រោមភាពស្រពេចស្រពិល នៅលាយឡំជាមួយនឹងដីមានទំនាស់ មានឯកសារកាន់កាប់ជាន់គ្នា និងមានព្រំប្រទល់មិនច្បាស់លាស់ ដែលទាមទារឱ្យមានការត្រួតពិនិត្យជាប្រព័ន្ធ និងធ្វើការវិនិច្ឆ័យជារួមដំណាលគ្នាទើបសង្ឃឹមអាចរកច្រកចេញបាន។

លោក ឃឹម ហ្វីណង់ ថ្លែងថា៖ “ម្ចាស់ដីទាំងអស់នៅក្នុងតំបន់ទាំងនេះនឹងត្រូវបានទុកពេលឱ្យរយៈពេល១ខែដើម្បីបង្ហាញឯកសារកាន់កាប់ដែលមានសុពលភាពនៅលើដីរបស់ខ្លួនមកកាន់ក្រុមការងាររបស់រដ្ឋបាលស្រុកដើម្បីធ្វើការផ្ទៀងផ្ទាត់ និងវាយតម្លៃ មុននឹងកំណត់ឱ្យច្បាស់ថាតំបន់ណាត្រួតជាន់គ្នាពិតប្រាកដ ហើយត្រូវដោះស្រាយបញ្ចប់ ដោយតម្រូវឱ្យម្ចាស់ដីពិតប្រាកដចេញមុខតវ៉ាដោះស្រាយដោយផ្ទាល់ និងមិនអនុញ្ញាតឱ្យតំណាងឬម្ចាស់ដីដើមចេញមុខតវ៉ាជំនួសឡើយ”៕

The post ទំនាស់ដីធ្លីនៅស្រុកបន្ទាយស្រី មួយករណីធំបានបិទបញ្ចប់ ខណៈដីរាប់ហិចតាទៀត មិនទាន់រកច្រកចេញបាន appeared first on .

លោកអភិបាលស្រុក បានរៀបរាប់លើផេកហ្វេសប៊ុករបស់ខ្លួន អមដោយរូបភាពស្ត្រីអ្នកភូមិម្នាក់ ឈរក្នុងរបងផ្ទះគាត់ ក្នុងសភាពទឹកមុខដ៏ក្រៀមក្រំ ក្រោយដឹងថាប្ដីរបស់គាត់ ធ្វើតេស្តរកឃើញវិជ្ជមានកូវីដ-១៩ យ៉ាងដូច្នេះថា៖ អារម្មណ៍ដំបូង និងក្រសែភ្នែកបង្កប់ទៅដោយក្តីពួយបារម្ភ លាយឡំនឹងភាពច្របូកច្របល់ នៅពេលដែលទទួលបានដំណឹងថាប្តីរបស់ខ្លួនមានផ្ទុកវិជ្ជមានមេរោគកូវីដ១៩។ ពិតជាគួរឱ្យកោតសរសើរដល់បងស្រីអ្នកភូមិថ្នល់បណ្តោយក្នុងឃុំព្រះដាក់ម្នាក់នេះណាស់ បងស្រីបានគិតពីប្រយោជន៍រួមជាធំ សុខចិត្តមិនឱ្យប្តីរបស់ខ្លួនដែលមកពីឆ្ងាយចូលផ្ទះ និងបានរាយការណ៍ទុកជាមុនជូនដល់អាជ្ញាធរក្នុងមូលដ្ឋាន ដើម្បីទប់ស្កាត់ការរីរាលដាលឆ្លងក្នុងសហគមន៍បានទាន់ពេលវេលា។

ប្រសិនបើបងស្រីមិនបានរាយការណ៍ជូនអាជ្ញាធរជាមុនទេ ទម្រាំតែដឹងប្រហែលជាយឺតពេលមួយជំហានបាត់ទៅហើយ អាចនាំឱ្យភូមិទាំងមូលត្រូវបានបិទ និងរំខានដល់មនុស្សរាប់ពាន់នាក់ទៀតផងក៏មិនដឹង។ សង្ឃឹមថា អ្នកបន្ទាយស្រីដទៃទៀត នឹងយកគំរូតាមបងស្រី ដើម្បីជួយការពារបន្ទាយស្រីឱ្យរួចផុតពីការផ្ទុះឆ្លងនៅក្នុងសហគមន៍។ បើមិនច្បាស់ក្នុងចិត្តថាសមាជិកក្រុមគ្រួសាររបស់ខ្លួនដែលវិលត្រលប់មកផ្ទះវិញមានផ្ទុកកូវីដឬអត់ មកពីតំបន់ហានិភ័យឬអត់ ឬមានរោគសញ្ញាណាមួយគួរឱ្យសង្ស័យ សូមជួយរាយការណ៍ឱ្យបានទាន់ពេលវេលា អាជ្ញាធរនឹងមិនខ្ជិល ឬនឿយហត់ដើម្បីយកទៅត្រួតពិនិត្យសុខភាពនោះទេ។

ក្នុងនាមរដ្ឋបាលស្រុក ខ្ញុំក៏សូមអំពាវនាវដល់បងប្អូនទាំងអស់ ដែលដឹងខ្លួនថាចង់វិលត្រលប់ចូលមកក្នុងមូលដ្ឋានវិញ ប្រសិនបើគិតថាខ្លួនទើបត្រលប់មកពីតំបន់មានហានិភ័យ គួរស្ម័គ្រចិត្តដាក់ខ្លួនឯងឱ្យនៅដាច់ដោយឡែកយ៉ាងហោចណាស់ឱ្យបាន១៤ថ្ងៃ បើទោះបីជាមិនមានច្បាប់តម្រូវក៏ដោយ។ យ៉ាងហោចណាស់ក៏គួរគិតដល់សុខសុវត្ថិភាពរបស់អ្នកផ្ទះរបស់ខ្លួន កុមារតូចៗ និងមនុស្សចាស់ជរាដែលនៅជុំវិញខ្លួន កុំមកស្ងាត់ៗហើយក្លាយជាអ្នកចម្លងបន្តដល់គេឯងពេញភូមិ។

សូមបងប្អូនទាំងអស់បន្តអនុវត្តវិធានសុវត្ថិភាព”៣កុំ-៣ការពារ”តាមអនុសាសន៍សម្តេចនាយករដ្ឋមន្ត្រីឱ្យបានខ្ជាប់ខ្ជួនជាប្រចាំឱ្យបានគ្រប់ៗគ្នា៕

The post អ្នកស្រុកបន្ទាយស្រីម្នាក់ហាមប្ដីមកពីឆ្ងាយមិនឱ្យចូលផ្ទះ និងរាយការណ៍ជូនអាជ្ញាធរទាន់ពេលវេលា កុំអីឆ្លងកូវីដពេញភូមិ appeared first on .

ថ្លែងដោយទឺកចិត្តរំភើប​ដែល​ឆ្នាំនេះ លោក​បាន​ឃើញអ្នកភូមិនាំគ្នាដាំផ្កាប្រចាំរដូវកាលមួយនេះកាន់តែច្រើន ហើយរឹតតែសប្បាយចិត្តដែលអ្នកបន្ទាយស្រីច្រើនទៅៗ ក្លាយជាអ្នកស្រលាញ់ផ្កា ចូលរួមស្រលាញ់បរិស្ថាន និងចាប់ផ្តើមឱ្យតម្លៃទៅលើសោភ័ណភាពស្អាតនៅតាមលំនៅឋានរបស់ខ្លួន។

ពិតមែនតែរីកស្រស់ត្រឹមរយៈពេលខ្លី រុក្ខជាតិប្រភេទមើមមានផ្កាពណ៌ទឹកក្រូចស្រស់មួយនេះ បានក្លាយទៅជាអត្តសញ្ញាណមួយរបស់ស្រុកបន្ទាយស្រីនៅរៀងរាល់ដើមរដូវវស្សា ឱ្យតែចាប់ផ្តើមមានផ្គរលាន់ និងភ្លៀងធ្លាក់បានមួយមេពីរមេរួចហើយ មើមដែលនៅសល់ពីឆ្នាំចាស់ ក្រាំងរង់ចាំទឹកភ្លៀងអស់កាលពេញមួយឆ្នាំនោះ នឹងលូតចេញជាពន្លកលាស់ថ្មី មកបង្អួតរាងយ៉ាងស្រស់ឆើតឆាយជាមួយនឹងផ្កាពណ៌ទឹកក្រូចគួរឱ្យទាក់ទាញ។ វាក៏ជាសញ្ញាប្រាប់ថាវស្សារដូវបានមកដល់ហើយ និងជាពេលវេលាដែលប្រជាកសិករត្រូវរួសរាន់ចាប់ផ្តើមសាបព្រោះធ្វើស្រែចម្ការរបស់ពួកគាត់ផងដែរ។

The post រដូវ​«ផ្កាផ្គរលាន់» រីកសម្រស់ អភិបាលស្រុក​វ័យ​ក្មេង​ មោទនភាព​​ឃើញអ្នកភូមិនាំគ្នាដាំផ្កាប្រចាំរដូវកាលនេះតាម​របង​ផ្ទះ​កាន់តែច្រើន appeared first on .

ទំព័រហ្វេសបុក លោក ឃឹម ហ្វីណង់ បានឲ្យដឹងថា ឃើញពេលចេញពីសៀមរាបមកដំបូងឡើយ ដូចជាគ្នាច្រើននាក់ដែរ តែទើបតែរត់បាន២០គីឡូម៉ែត្រសោះ បែរជាបាត់អ្នកក្លាហានអស់រលីង! តែក៏សប្បាយចិត្តដែរ ដែលឃើញមានប្អូនៗយុវជនច្រើន នៅរង់ចាំស្វាគមន៍Sai ពេលមកដល់ភូមិព្រះដាក់ជំនួសវិញ។

លោកអភិបាលស្រុកបានបន្តថា សោកស្តាយដែល មិននៅចូលរួមផ្ទាល់ជាមួយSai ដោយហេតុតែជាប់កាតព្វកិច្ចផ្សេង កុំអីបានរត់២០គីឡូម៉ែត្រ នឹងគេដែរបាត់។ 

សូមបញ្ជាក់ថា កម្មវិធីរត់ដើម្បីសប្បុរសធម៌ជាមួយសាយ ដើម្បីគៀងគរថវិកាជូន កុមារកម្ពុជា គឺមន្ទីពេទ្យកុមារអង្គរ ខេត្តសៀមរាប។

The post អភិបាលស្រុកបន្ទាយស្រី លោក ឃឹម ហ្វីណង់ សោកស្តាយដែលមិននៅចូលរួមរត់ជាមួយSai appeared first on .

លោកឃឹម ហ្វីណង់ បាន​ថ្លែង​ដោយ​រីករាយ​ថា អ្នកភូមិថ្នល់មានផ្លូវបេតុងមួយខ្សែនឹងគេហើយ។ ហើយអ្នកភូមិខ្នារក៏ទទួលបានមួយខ្សែផងដែរ។

តាម​អភិបាល​វ័យ​ក្មេង​ពោរពេញ​ដោយ​សមត្ថភាព បាន​លើក​ឡើង​ថា ផ្លែផ្កានៃការរីកចម្រើន ដែលរាជរដ្ឋាភិបាលបានខិតខំប្រឹងប្រែងអស់ជាច្រើនឆ្នាំកន្លងមក បានធ្វើឱ្យគម្រោងបែបនេះអាចលេចចេញជារូបរាងបានជាលើកដំបូងនៅតាមទីជនបទនៃភូមិទាំងពីរ ជាពិសេសក្រោយពីមានការបង្កើនកញ្ចប់ថវិកាអភិវឌ្ឍនៅថ្នាក់មូលដ្ឋាន។

លោក​ថា ពិតមែនតែផ្លូវទាំងពីរនេះនៅមានប្រវែងខ្លី ហើយទើបតែមាននៅក្នុងភូមិចំនួនពីរ តែការអភិវឌ្ឍមិនបញ្ចប់ត្រឹមនេះនោះទេ។ ឆ្នាំក្រោយ និងឆ្នាំបន្តបន្ទាប់ទៀត ទាំងរដ្ឋបាលស្រុក និងរដ្ឋបាលឃុំទាំងអស់នៅក្នុងស្រុកបន្ទាយស្រី គ្រោងនឹងបន្តគម្រោងផ្លូវបេតុងនេះ ឱ្យបានដល់ក្នុងភូមិទាំងមូល ក៏ដូចជានៅតាមបណ្តាភូមិផ្សេងៗទៀតនៅក្នុងស្រុក។

បើ​តាមលោក​អភិបាល ដើម្បីកេងយកចំណេញពីភាពស្រស់ស្អាតថ្មីនៃផ្លូវបេតុងទាំងពីរខ្សែនេះ រដ្ឋបាលស្រុកនឹងធ្វើការបំពាក់បន្ថែមអំពូលសូឡាជូនគ្រប់ផ្ទះទាំងអស់ដែលស្ថិតនៅតាមបណ្តោយដងផ្លូវថ្មីនេះ ដើម្បីបំភ្លឺផ្ទះផង និងបំភ្លឺផ្លូវបេតុងផង ហើយរដ្ឋបាលស្រុកនឹងសហការជាមួយអាជ្ញាធរភូមិឃុំ រៀបចំតុបតែងលម្អនៅតាមមុខផ្ទះ រៀបចំជារបង ដាំផ្កា គ្មានសម្រាម​ និងបង្កើនសោភ័ណភាពជារួមនៅតាមដងផ្លូវ ឱ្យស័ក្តិសមនឹងសមិទ្ធិផលថ្មី ដើម្បីប្រែក្លាយឱ្យទៅជាតំបន់គំរូខាងផ្នែកបរិស្ថានប្រចាំភូមិទាំងពីរផងដែរ។

គួរ​បញ្ជាក់​ថា ផ្លូវបេតុងទី១ ភូមិថ្នល់ ឃុំរុនតាឯក ប្រវែង ៤៩៤ម៉ែត្រ ទទឹង ៤,៥ម៉ែត្រ និង​ផ្លូវបេតុងទី២ នៅ​ភូមិខ្នារ ឃុំខ្នារសណ្តាយ ប្រវែង ៥៤៥ម៉ែត្រ ទទឹង ៤ម៉ែត្រ៕

The post ភូមិ​ពីរ​ក្នុង​ស្រុក​បន្ទាយ​ស្រី​ មាន​ផ្លូវ​បេតុងជិះស្រួល អម​ដោយ​ទេសភាព​តាមផ្លូវ​ឡើង​ខៀវស្រងាត់ appeared first on .