ម្ចាស់បទ «សុំមេមាន់មួយ» លោក ចាន់ សម័យ ក្លាយជា CEO ក្រុមហ៊ុនអចលនទ្រព្យមួយ

ឧកញ៉ាកោះក្របី — Mon, 20 Sep 2021 14:16:02 +0000

លោក ចាន់ សម័យ ឥឡូវកំពុងតែមានជីវភាពខុសឆ្ងាយពី ៣ ឆ្នាំមុន ដោយបច្ចុប្បន្នលោកបានក្លាយ CEO ក្រុមហ៊ុនអចលនទ្រព្យមួយឈ្មោះ Cambo Dimon Land Property Development-Real Estate Company ឬ CDL and Property។ នេះបើតាមមនុស្សជិតស្និទជាមួយលោក ចាន់ សម័យ ប្រាប់គេហទំព័រឧកញ៉ាញូស៍នៅរសៀលថ្ងៃទី២០ ខែកញ្ញានេះ។

លោកថា ម្ចាស់បទ «សុំមេមាន់មួយ» រូបនេះកំពុងសម្ងំនិងកែប្រែវាសនារបស់ខ្លួនខុសកាលពី ៣ឆ្នាំមុនឆ្ងាយណាស់ ដោយឥឡូវលោកកំពុងកាន់តួនាទីជា CEO ក្រុមហ៊ុនអចលនទ្រព្យមួយដោយជោគជ័យ។

បើទោះជាលេចលឺដំណឹងដ៏ល្អនេះរបស់ លោក ចាន់ សម័យ យ៉ាងណាក្តី ឧកញ៉ាញូស៍ មិនអាចសុំការបកស្រាយការពិតបន្ថែមពីលោកបាននោះឡើយទេ។

គួរម្លឹកជូនដែរថា កាលពី ៣ ឆ្នាំ មុន សារព័ត៌មានជាច្រើនបានចុះផ្សាយអំពីជីវិតដ៏កម្សត់របស់តារាចម្រៀងជើងចាស់លោក ចាន់ សម័យ ម្ចាស់បទ «សុំមេមាន់មួយ» ដែលសំងំរស់នៅជាមួយប្រពន្ធ និងកូនៗ បាត់មុខលើវិថីសិល្បៈជាង ១០ ឆ្នាំ ព្រោះមានជីវភាពលំបាក៕

The post ម្ចាស់បទ «សុំមេមាន់មួយ» លោក ចាន់ សម័យ ក្លាយជា CEO ក្រុមហ៊ុនអចលនទ្រព្យមួយ appeared first on .

តារាចម្រៀង ចាន់ សម័យ ទទួលបានផ្ទះ ដែលជាអំណោយដ៏ថ្លៃថ្លា របស់សម្ដេចតេជោ ហ៊ុន សែន និង សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន

កូនចៅឧកញ៉ា — Tue, 21 May 2019 00:58:16 +0000

ទីបំផុតតារាចម្រៀង ចាន់ សម័យ មានផ្ទះស្បែងសម្រាប់ឲ្យប្រពន្ធកូនរស់នៅនឹងគេ ឈប់នៅផ្ទះជួលទៀតហើយ បន្ទាប់ពីសម្ដេចតេជោ ហ៊ុន សែន និង សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន អាណិតអាសូរ ទិញផ្ទះឲ្យលោកក្នុងបុរីឡេងណាវ៉ាត្រា។ តារាចម្រៀងរូបនេះបានចូលស្នាក់នៅជាផ្លូវការកាលពីល្ងាចថ្ងៃទី២១ ខែ ឧសភា ឆ្នាំ ២០១៩ ដោយមានការចូលរួមអបអរ ពីសំណាក់ឧកញ៉ា ឡេង ណាវ៉ាត្រា និង លោក ហេង ឡុង និង អ្នកនាង ចន ច័ន្ទលក្ខិណា ប្រធានសមាគមសិល្បករខ្មែរ។

ផ្ទះដែលសម្ដេចតេជោ ហ៊ុន សែន និង សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ទិញឲ្យ តារាចម្រៀងចាន់ សម័យនោះ គឺជាវីឡាតឿ មានសល់ដីជុំវិញផ្ទះ ដែលមើលទៅគួរឲ្យចង់របស់នៅតែម្ដង ស្ថិតក្នុងបុរីឡេងណាវ៉ាត្រាគម្រោងទី៦ ជិតផ្សារទូលពង្រ។

ឧកញ៉ា ឡេង ណាវ៉ាត្រា បានថ្លែងថា លោកពិតជារំភើបចិត្តខ្លាំងជំនួស តារាចម្រៀងលោក ចាន់ សម័យ ដែលមានសំណាងត្រូវបានសម្ដេចទាំងពីរអាណិតអាសូរ ទិញផ្ទះឲ្យបែបនេះ។ ទទឹមគ្នានោះដែរ សម្រាប់លោកឧកញ៉ាថា គឺជាមោទនភាពនិងមហាកិត្តិយសបំផុត បានសម្រេចទិញនៅក្នុងបុរីឡេងណាវ៉ាត្រា របស់លោក។

ក្រោយពីទទួលបានផ្ទះយ៉ាងស្រស់ស្អាតហើយនៅក្នុងបុរីក្នុងរាជធានីភ្នំពេញថែមទៀត លោក ចាន់ សម័យ បានសម្ដែងអារម្មណ៍រំភើបខ្លាំងណាស់ ដោយកន្លងមកលោកមិនធ្លាប់ ស្រមៃថា និងមានផ្ទះផ្ទាល់ខ្លួនដើម្បីឲ្យប្រពន្ធកូនស្នាក់នៅឡើយ។ ម្ចាស់បទ”សុំមេមាន់មួយ” លោកសូមអរគុណខ្លាំងណាស់ ដល់សម្ដេចទាំង២ ដែលមានចិត្តប្រោសប្រណីដល់រូបលោកនិងក្រុមគ្រួសារ ដែលចាប់ពីពេលនេះ លោកមានផ្ទះសម្បែងផ្ទាល់ខ្លួនរស់នៅនឹងគេឯង ឈប់នៅផ្ទះជួលហើយ។

ជុំវិញលើការប្រោសប្រណីពីសម្ដេចទាំងពីរ លោក ចាន់ សម័យព្រមទាំងក្រុមគ្រួសារ សូមជូនពរសម្ដេចទាំងពីរមានសុខភាពល្អអាយុយឿនយូ ដើម្បីបន្តដឹកនាំប្រទេសជាតិជាម្លប់ប្រជាជនទាំងអស់ប្រកបដោយសុខសន្តិភាពនិងការអភិវឌ្ឍន៍យ៉ាងខ្លាំងខ្លាបំផុត ។

សូមបញ្ជាក់ផងដែរថា លោក ចាន់ សម័យ បានប្រលូកលើវិស័យចម្រៀងជាង១០ឆ្នាំហើយ ម្ចាស់បទ” សុំមេមាន់មួយ”ត្រូវបានគេដឹងថា មានជំងឺរបេងឆ្អឹង ដោយលោកបានកើតជំងឺ១នេះតាំងពីអាយុ១៤ឆ្នាំមកម្ល៉េះ តែចាប់ផ្ដើមធ្វើទុក្ខខ្លាំងប្រហែល៥ឆ្នាំចុងក្រោយនេះ។

ទទឹមនិងជំងឺនេះលោកបាត់មុខពីសិល្បៈជាច្រើនឆ្នាំ ហើយចុងក្រោយធ្លាយពីព័ត៌មានស្ដី ស្ថានភាពរបស់លោកជួបការលំបាកខ្លាំង បន្ទប់មានមិត្តភក្ដិ បង្ហោះពីជីវភាពរបស់លោក ដើរស្ទូចត្រីលក់ ដើម្បីរកប្រាក់ចិញ្ចឹមកូនទាំង៥នាក់ ដែលកំពុងតែរបស់នៅផ្ទះជួយមួយកន្លែង ក្នុងទឹកដី ខណ្ឌជ្រោយចង្វា។ ដំណឹងស្ថានភាពជីវភាពរបស់លោកធ្វើឲ្យមហាជនសម្ដែងការអាណិតអាសូរជាខ្លាំង និងបានជួយឧបត្ថម្ភលោកជាបន្តបន្ទាប់ ជាពិសេសគឺសម្ដេចទាំង២តែម្ដង។ ជាមួយនិងការងារសិល្បៈវិញលោកមិនធ្លាប់នឹកស្រមៃថា នឹងវិលចូលសិល្បៈវិញទេ បន្ទាប់ពីបានស្ងប់ស្ងាត់ក្នុងវិថីនេះ មិនតិចជាង១០ឆ្នាំ។ ប៉ុន្តែក្រោយផ្ទុះព័ត៌មានពីស្ថានភាពក្រីក្រ និងជំងឺរបស់លោក ហើយត្រូវបានមហាជនជិតឆ្ងាយនៅតែអាណិតស្រលាញ់ នឹករលឹក ព្រមទាំងជួយឧបត្ថម្ភជាច្រើន ធ្វើឲ្យលោកកែប្រែគំនិតនេះឡើងវិញ។ បច្ចុប្បន្ន លោកកំពុងតែច្រៀងក្នុងផលិតកម្ម Galaxy របស់ឧកញ៉ា ឡេង ណាវ៉ាត្រានេះតែម្ដង៕

The post តារាចម្រៀង ចាន់ សម័យ ទទួលបានផ្ទះ ដែលជាអំណោយដ៏ថ្លៃថ្លា របស់សម្ដេចតេជោ ហ៊ុន សែន និង សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន appeared first on .

ចាន់ សម័យ

ម្ចាស់​បទ «​សុំ​មេមាន់​មួយ​» លោក ចាន់ សម័យ ​ក្លាយជា​ CEO ​ក្រុម​​ហ៊ុន​អចលនទ្រព្យមួយ

ម្ចាស់បទ «សុំមេមាន់មួយ» លោក ចាន់ សម័យ ក្លាយជា CEO ក្រុមហ៊ុនអចលនទ្រព្យមួយ