ដំណើរទៅដល់របស់ប្រធានរដ្ឋចិន ត្រូវបាននាយករដ្ឋមន្រ្តីលោក Pham Minh Chinh ទៅស្វាគមន៍ដល់កាំជណ្តើរយន្តហោះតែម្តងនៅអាកាសយានដ្ឋានអន្តរជាតិ ណយបាយ ដើម្បីធ្វើបដិសណ្ឋារកិច្ចវត្តមានលោក ស៊ី ជិនពីង និងភរិយា។ ដំណើរទស្សនកិច្ចនេះ ធ្វើឡើងតបតាមការអញ្ជើញរបស់អគ្គលេខាបក្សកុម្មុយនិស្តវៀតណាម លោក Nguyen Phu Trong ព្រមទាំងប្រធានរដ្ឋវៀតណាម លោក Vo Van Thuong ។

នេះ​ជា​ដំណើរ​ទស្សនកិច្ច​លើក​ទី​៣​របស់​លោក សុី ជិនពីង ក្នុង​នាម​ជា​អគ្គលេខាធិការ និង​ជា​ប្រធានាធិបតី​ចិន ខណៈវាគឺជាដំណើរទស្សនកិច្ចទៅវិញទៅមក បន្ទាប់ពីដំណើរទស្សនកិច្ចរបស់អគ្គលេខាបក្ស លោក Nguyen Phu Trong ទៅកាន់ប្រទេសចិនកាលពីឆ្នាំមុន។

បើតាមកាសែត Vietnamplus បានលើកឡើងថា​ ដំណើរទស្សនកិច្ចនេះមានអត្ថន័យសំខាន់ចំពោះទំនាក់ទំនងរវាងបក្សនិងរដ្ឋទាំងពីរ ដោយបញ្ជាក់ពីការយកចិត្តទុកដាក់របស់ប្រទេសទាំងពីរនូវសារៈសំខាន់ និងអាទិភាពកំពូលក្នុងការបង្រួបបង្រួមទំនាក់ទំនងវៀតណាម – ចិន ឱ្យអភិវឌ្ឍយ៉ាងរឹងមាំ ស្ថិរភាព និងនិរន្តរភាព ដើម្បីផលប្រយោជន៍នៃប្រទេសទាំងពីរ។ លើសពីនេះ ដើម្បីពង្រឹងទំនាក់ទំនងភាពជាដៃគូសហប្រតិបត្តិការយុទ្ធសាស្ត្រលើគ្រប់ជ្រុងជ្រោយវៀតណាម – ចិន កំពុងអភិវឌ្ឍយ៉ាងវិជ្ជមានលើគ្រប់វិស័យ៕

The post នាយករដ្ឋមន្រ្តីវៀតណាម ស្វាគមន៍វត្តមានប្រធានាធិបតីចិន ដល់កាំជណ្តើរយន្តហោះណយបាយ ដើម្បីបំពេញទស្សនកិច្ចផ្លូវរដ្ឋ appeared first on .