នាវាអនុវត្តច្បាប់ដែលជាកម្មសិទ្ធរបស់ចិនចំនួនពីរគ្រឿង បានចាកចេញពីកំពង់ផែ Guanlei ក្នុងតំបន់ស្វយ័ត Xishuangbanna Dai ខេត្ត Yunnan ភាគនិរតីនៃប្រទេសចិន នាម៉ោង ៨ ព្រឹកថ្ងៃអង្គារសប្តាហ៍នេះ។

ជាមួយគ្នានោះ កងនាវានៃកងកម្លាំងអនុវត្តច្បាប់ចំនួនប្រាំពីរ មកពីប្រទេសចំនួន ៤ ត្រូវបានបញ្ជូនទៅប្រយុទ្ធនឹងឧក្រិដ្ឋកម្មឆ្លងដែនជាច្រើនប្រភេទនៅអាងទន្លេមេគង្គ ដើម្បីរក្សាសន្តិសុខ និងស្ថិរភាពក្នុងតំបន់។

មិនត្រឹមតែប៉ុណ្ណោះ ក្នុងអំឡុងពេលដើរល្បាតនោះ ក្រុមការងារចម្រុះមកពីប្រទេសទាំងបួននឹងធ្វើសមយុទ្ធស្វែងរក ព្រមទាំងជួយសង្គ្រោះនៅតាមដងទន្លេក្នុងទីក្រុង Muang Mo នៃប្រទេសឡាវ ដើម្បីស្វែងយល់ពីវិធីសាស្ត្រដោះស្រាយស្ថានភាពអាសន្នណាមួយ ប្រកបដោយប្រសិទ្ធភាព ស្របពេលអាជ្ញាធរ​ចិន​ក៏​នឹង​បញ្ជូន​ក្រុម​គ្រូពេទ្យ ​ទៅ​ផ្តល់​ការ​ព្យាបាល​ដោយ​ឥត​គិតថ្លៃ​ផង​ដែរ​។

ជម្រាបផងដែរថា ទន្លេមេគង្គ ត្រូវបានគេស្គាល់ថាជាទន្លេ Lancang នៅក្នុងប្រទេសចិន។ ទន្លេនេះគឺជាផ្លូវទឹកដ៏សំខាន់មួយសម្រាប់ការដឹកជញ្ជូនឆ្លងកាត់ព្រំដែន។ មួយវិញទៀត ប្រទេសទាំងបួនដែលរួមមានចិន​ ឡាវ មីយ៉ាន់ម៉ា និងថៃត្រូវបានអនុវត្តការល្បាតរួមគ្នាតាមដងទន្លេមេគង្គ ចាប់តាំងពីខែធ្នូ ឆ្នាំ ២០១១ មកម្លេះ៕

The post ចិន និងប្រទេសអាស៊ានចំនួនបីផ្សេងទៀត ចាប់ផ្តើមការល្បាតរួមគ្នាតាមដងទន្លេមេគង្គ appeared first on .

សហព័ន្ធស្រូវអង្ករកម្ពុជា បញ្ជាក់ថា លទ្ធផលពីកិច្ចការប្រកួតនៅក្នុងចំណោមសំណាកអង្ករនៃពូជស្រូវសរុប ចំនួន៦១ ដែលក្នុងនោះចំនួន១២ប្រភេទ មកពីប្រទេសអាស៊ាន ចំនួន៥ប្រទេស និងចំនួន៤៩ប្រទេសមកពីតំបន់ស្វយ័តនិងខេត្តដែលដំាដុះស្រូវនៅក្នុងប្រទេសចិន។ អង្ករម៉ាក សមូហភាព SKO ដែលមានពូជស្រូវសែនក្រអូប ត្រូវបានទទួលស្គាល់ដោយគណៈកម្មាធិការប្រកួត ជាពូជស្រូវល្អ និងមានរសជាតិឆ្ងាញ់ ព្រមទំាងឈ្នះពានរង្វាន់មាស ក្នុងចំណោមពានរង្វាន់មាសរបស់ពូជស្រូវរបស់ប្រទេសផ្សេងទៀត។

សហព័ន្ធស្រូវអង្ករកម្ពុជា សូមថ្លែងអំណរគុណដល់ប្រជាកសិករទំាងអស់ដែលបានខិតខំយកចិត្តទុកដាក់ដំាដុះ ថែទំា និងផ្តល់នូវគ្រាប់ស្រូវដែលផលិតចេញជាអង្ករមានគុណភាព ឱជារស មិនតែប៉ុណ្ណោះសម្រាប់គ្រាប់អង្ករបានយ៉ាងល្អ ដែលនាំឱ្យទទួលបាននូវពានរង្វាន់មាសនៅពេលនេះផងដែរ។

សហព័ន្ធស្រូវអង្ករកម្ពុជា សូមអំពាវនាវដល់ប្រជាកសិករ ទំាងអស់សូមមេត្តាខិតខំបន្តនូវការងារដំាដុះដែលប្រកបដោយគុណភាពនិងមោទនភាពនេះជាបន្តទៀត។ការទទួលបាននូវពានរង្វាន់មាសនេះនឹងជួយឱ្យតម្លៃអង្ករសែនក្រអូបមានការទទួលស្គាល់កាន់តែច្រើនឡើង និងមានទីផ្សារកាន់តែធំទូលាយថែមទៀត។

សូមបញ្ជាក់ថា ពូជស្រូវសែនក្រអូប ជាពូជស្រូវមិនប្រកាន់រដូវ ដែលត្រូវបានដំាដុះដោយប្រជាកសិករតំាងពីពាក់កណ្តាលទស្សវត្ស៩០ ដើម្បីឆ្លើយតបទៅកាន់ទីផ្សារ ក្រសួងកសិកម្ម រុក្ខាប្រមាញ់ និងនេសាទ តាមរយៈអគ្គនាយកដ្ឋានកសិកម្ម និងវិទ្យាស្ថានស្រាវជ្រាវអភិវឌ្ឍន៍កសិកម្មកម្ពុជា សកលវិទ្យាល័យភូមិន្ទកសិកម្ម សហព័ន្ធស្រូវអង្ករកម្ពុជា សាជីវកម្មហិរញ្ញវត្ថុអន្តរជាតិ និងកម្មវិធីច្រវាក់តម្លៃកសិកម្មកម្ពុជា អូស្ត្រាលី បានរៀបចំកិច្ចព្រមព្រៀងសហប្រតិបត្តិការលើបច្ចេកទេសនិងហិរញ្ញវត្ថុ ដើម្បីរៀបចំឱ្យមានពូជស្រូវសែនក្រអូបមួយច្បាស់លាស់ ឆ្លងតាមការសិក្សានិងកិច្ចខិតខំរបស់អ្នកវិទ្យាសាស្ត្រស្រូវនៃវិទ្យាស្ថានស្រាវជ្រាវ និងអភិវឌ្ឍន៍កសិកម្មកម្ពុជា បានសម្រំាងឡើងដោយជម្រើសឯកទត្កចេញពីពីពូជស្រូវក្រអូបផ្សេងៗ រហូតទទួលបានពូជស្រូវសែនក្រអូប មួយដែលល្អ ហើយត្រូវបានប្រកាសដាក់ឱ្យប្រើប្រាស់ជាផ្លូវការក្នុងឆ្នំា២០១៩ ក្រោមឈ្មោះជាផ្លូវការថា សែនក្រអូប ០១៕
អត្ថបទ៖សារេត

The post អង្ករម៉ាកសមូហភាពដែលផលិតចេញពីពូជស្រូវសែនក្រអូប ឈ្នះពានរង្វាន់មាសពីកម្មវិធីវាយតម្លៃគុណភាព រស់ជាតិចិន-អាស៊ានលើកទី១ appeared first on .

នៅពេលដែលអាស៊ាន កំពុងប្រឈមមុខជាមួយនឹងបញ្ហា ដោយសារតែសេដ្ឋកិច្ចពិភពលោកធ្លាក់ចុះ រួមទាំងវិបត្តិនៅមីយ៉ាន់ម៉ា និងភាពប្រេះស្រាំកើតឡើងដោយសារទំនាស់នៅសមុទ្រចិនខាងត្បូង និងជាពិសេសការប្រកួតប្រជែងអំណាចកាន់តែខ្លាំងក្លាឡើងក៏ដោយ ប៉ុន្តែលោក Li មានទំនុកចិត្តថាអាស៊ាន អាចបង្ហាញពីភាពធន់ ទៅនឹងការផ្លាស់ប្តូរទាំងនេះបាន។​

ប្រទេសចិន និងអាស៊ាន តែងចែករំលែកពីការរំពឹងទុកដូចគ្នា សម្រាប់សន្តិភាព និងកំណើននៅក្នុងតំបន់ ដែលជាផលប្រយោជន៍របស់ប្រទេសទាំងអស់ ហើយគួរតែរួមដៃគ្នា ដើម្បីរក្សាការអភិវឌ្ឍប្រកបដោយចីរភាព ជាមួយនឹងចក្ខុវិស័យធំ ជាជាងការចង់បានផលចំណេញតិចតួចពីខាងក្រៅ។ នេះបើតាមការលើកឡើងរបស់លោក Li។

ជម្រាបជូនផងដែរថា រដ្ឋមន្ត្រីចិនលោក Li Qiang បច្ចុប្បន្នកំពុងស្ថិតនៅក្នុងទីក្រុងហ្សាកាតា ដើម្បីបំពេញទស្សនកិច្ចផ្លូវការមកកាន់ប្រទេសឥណ្ឌូនេស៊ី និងចូលរួមកិច្ចប្រជុំកំពូលចិន-អាស៊ាន លើកទី២៦ អាស៊ានបូកបី លើកទី២៦ និងកិច្ចប្រជុំកំពូលអាស៊ីបូព៌ាលើកទី១៨ ៕

The post ចិន ប្រកាសគាំទ្រពេញទំហឹងចំពោះជំហររបស់អាស៊ាន លើកិច្ចសហប្រតិបត្តិការក្នុងតំបន់ appeared first on .

យោងតាមការចុះផ្សាយពីសារព័ត៌មាន Malaymail បានបង្ហាញថា ប្រមុខការទូតចិន នឹងបំពេញទស្សនកិច្ចទៅកាន់ប្រទេសម៉ាឡេស៊ី រយៈពេល ២ថ្ងៃ ពីថ្ងៃទី ១១ ដល់ថ្ងៃទី ១២ ខែសីហា មុនបន្តមកកាន់ប្រទេសកម្ពុជា ដែលជាសម្ព័ន្ធមិត្តដែកថែប។

ដោយឡែក ក្នុងដំណើរទស្សនកិច្ចផ្លូវការលើកទី ០៦ ដែលលោក វ៉ាង មកកាន់ប្រទេសម៉ាឡេស៊ី លោកនឹងជួបជជែកជាមួយនាយករដ្ឋមន្ត្រី Anwar Ibrahim ហើយនឹងជជែកគ្នាឲ្យកាន់តែ​ស៊ីជម្រៅ ពីទំនាក់ទំនងទ្វេភាគី ទាំងបញ្ហាក្នុងតំបន់ និងអន្តរជាតិ ដើម្បីផលប្រយោជន៍ប្រទេសទាំង ២។

សូមជម្រាបបន្ថែមថា បន្ទាប់ពីបញ្ចប់ភារកិច្ចនៅប្រទេសម៉ាឡេស៊ីរួចរាល់ មិត្តជិតស្និទ្ធរបស់កម្ពុជា​រូបនេះ នឹងធ្វើដំណើរ​មកកាន់​កម្ពុជាភ្លាមៗ ហើយនឹងបញ្ចប់​ដំណើរទស្សនកិច្ច​នៅប្រទេស ៣ ក្នុងតំបន់អាស៊ានត្រឹមថ្ងៃទី ១៣ ខែសីហានេះតែម្ដង៕

The post ប្រមុខការទូតចិន ចាប់ផ្ដើមបំពេញទស្សនកិច្ចទៅម៉ាឡេស៊ី មុនចូលមកកម្ពុជា appeared first on .

កំណើនពាណិជ្ជកម្ម​ ចិន និង​អាស៊ាន​គិត​ត្រឹម​ខែមករា ដល់​មេសា​មាន​សរុប ១,៨៤ ទ្រីលាន​យ័ន ឬ​ប្រមាណ ២៧៤,៥ ពាន់​លាន​ដុល្លារ​ កើន​ឡើង ៧,២% បើ​ធៀប​នឹង​ឆ្នាំ​ទៅ។

ដោយឡែក សម្រាប់​ត្រីមាស​ទី ១ នៃ​ឆ្នាំ ២០២២ វិញ ស្ថិតិ​នាំចេញ និង​នាំចូល​រវាង​ចិន និង​អាស៊ាន​បាន​កើនឡើង​ដល់ ១,៣៥ ទ្រីលាន​យ័ន កើន ៨,៤% បើ​ធៀប​នឹង​ឆ្នាំ​ទៅ ហើយ​ក្នុង​ចំណោម​ការ​ជួញដូរ​រវាង​ចិន និង​បរទេស​ទាំងអស់ អាស៊ាន​មាន​ចំណែក ១៤,៤%។

សូមជម្រាប​ដែរ​ថា ចិន​បាន​ក្លាយ​ជា​ដៃគូ​ពាណិជ្ជកម្ម​ធំ​បំផុត​របស់​​ ASEAN ទាំងមូល ជាលើក​ដំបូងនៅ​ឆ្នាំ ២០២០ ប៉ុន្តែ​បើ​មើល​ឲ្យ​មែនទែន​ទៅ ចិន​គឺ​ជា​ដៃគូពាណិជ្ជកម្មធំ​បំផុត​ជាមួយ​សមាជិក ASEAN មួយ​ចំនួន​តាំងពី​ឆ្នាំ ២០០៩ មកម៉្លេះ៕

The post ចិនផ្ដួលអាមេរិក និងអឺរ៉ុប ក្លាយជាដៃគូពាណិជ្ជកម្មធំបំផុតរបស់ ASEAN នៅត្រីមាសទី ១ appeared first on .

អគ្គនាយកដ្ឋានគយ បន្តថា កំណើននេះ គឺមានចំនួន ៣.៤ ភាគរយ ខ្ពស់ជាងអត្រាកំណើនប្រចាំឆ្នាំជាមធ្យមសរុប នៃពាណិជ្ជកម្មបរទេសរបស់ចិន ក្នុងកំឡុងពេលដូចគ្នា ។

នៅក្នុងឆ្នាំ ២០២០ កន្លងទៅ អាស៊ាន បានក្លាយជាដៃគូពាណិជ្ជកម្មដ៏សំខាន់ និងធំបំផុតរបស់ចិន ខណៈដែលប្រទេសមហាអំណាចសេដ្ឋកិច្ចពិភពលោកមួយនេះ នៅតែបានរក្សាភាពជាដៃគូពាណិជ្ជកម្មធំបំផុតរបស់អាស៊ានអស់រយ:ពេល ១២ ឆ្នាំជាប់ៗគ្នាមកហើយ។

យ៉ាងណា ក្នុងរយ:ពេល ៨ ខែដំបូងនៃឆ្នាំនេះ ការនាំចូលនិងការនាំចេញរបស់ចិន ទៅកាន់ប្រទេសក្នុងតំបន់អាស៊ាន សម្រេចបានចំនួន ៥៥៣,៩២ ពាន់លានដុល្លារ ពោលគឺកើនឡើង ៣៣.៣ ភាគរយ ស្មើនឹង ១៤.៥ ភាគរយនៃពាណិជ្ជកម្មបរទេសសរុបរបស់ចិន ក្នុងអំឡុងពេលដូចគ្នានេះ។

គួររម្លឹកជូនថា រាប់ចាប់ពីទសវត្សវត៍ឆ្នាំ ១៩៩០ មក ផលិតផលពឹងផ្នែកលើកម្លាំងពលកម្ម ដូចជា វាយនភ័ណ្ឌ និងសំលៀកបំពាក់ បានកើនឡើងជាលំដាប់ នៅក្នុងសមាមាត្រនៃការនាំចេញរបស់ចិនទៅកាន់អាស៊ាន ខណ:ការនាំចូលប្រេនឆៅ ជ័រកៅស៊ូ និងកំណាត់ឈើ ពីប្រទេសក្នុងតំបន់អាស៊ាន ក៏បានកើនឡើងខ្លាំងផងដែរ ក្នុងរយ:ពេលដូចគ្នា ។

បើនិយាយពីការនាំចេញវិញ នៅឆ្នាំ ១៩៩៣ នៅពេលដែលទំហំពាណិជ្ជកម្មទ្វេភាគី បានកើនឡើងលើសពី ១០ ពាន់លានដុល្លារជាលើកដំបូង សម្រាប់ការនាំចេញគ្រឿងម៉ាស៊ីន និងគ្រឿងអេឡិចត្រូនិករបស់ចិន ទៅកាន់អាស៊ាន មានត្រឹមតែ ១,៥៣ ពាន់លានដុល្លារប៉ុណ្ណោះ ដែលវាបានឈានដល់ ២០៤,៤៨ ពាន់លានដុល្លារនៅឆ្នាំ ២០២០។  ការនាំចេញរបស់ចិន ទៅកាន់តំបន់អាស៊ាន បានកើនឡើងពី ២៨.៩ ភាគរយក្នុងឆ្នាំ ១៩៩៣ ដល់ ៥៣.៣ ភាគរយនៅឆ្នាំ ២០២០ ។

សម្រាប់ការនាំចូលវិញ ចិនបាននាំចូលតែគ្រឿងម៉ាស៊ីន និងគ្រឿងអេឡិចត្រូនិក ពីអាស៊ាន ចំនួន ៦៩០ ពាន់លានដុល្លារក្នុងឆ្នាំ ១៩៩៣ ហើយវាបានកើនឡើងដល់ ១៥៩,០២ ពាន់លានដុល្លារ នៅឆ្នាំ ២០២០ ហើយសមាមាត្រនេះ បានកើនឡើងពី ១១.១ ភាគរយ ក្នុងឆ្នាំ ១៩៩៣ ដល់ ៥២.៧ ភាគរយនៅឆ្នាំ ២០២០ ។

គិតត្រឹមដំណាច់ឆ្នាំ ២០២០ ក្រុមហ៊ុនរបស់ចិន បានទទួលអត្ថប្រយោជន៍ពីការនាំចូល ទំនិញពីតំបន់ពាណិជ្ជកម្មសេរីចិន-អាស៊ាន បានចំនួន ៣,៣ ទ្រីលានយ៉ន់ ឬស្មើនឹង ៥៥១ ពាន់លានដុល្លារ ដែលកើនឡើងប្រចាំឆ្នាំជាមធ្យម ២៧ ភាគរយ ស្របពេលទំនិញច្រើនជាង ៩០ ភាគរយ រវាងភាគីទាំងពីរ ឥឡូវនេះបានទទួលការអនុគ្រោះពន្ធមកត្រឹមសូន្យ ដោយការកាត់បន្ថយពន្ធសរុប ចំនួន ៣១៤,៩ ពាន់លានយ៉ន់ ។

រដ្ឋមន្ត្រីគយប្រទេសចិន បាននិយាយថា ការដឹកជញ្ជូនឆ្លងកាត់ព្រំដែន រវាងភាគីទាំង ២ គឺមានភាពល្អប្រសើរឡើងជានិច្ច ដោយក្នុងរយ:ពេល ៧ ខែដំបូងនៃឆ្នាំនេះ រថភ្លើងចំនួន ៣ ១៥៤ និងទូកុងតឺន័រប្រមាណ ៣១៤ ០០០ ត្រូវបានដឹកជញ្ជូនតាមច្រករបៀងសមុទ្រខាងលិចថ្មី ដោយពីមួយឆ្នាំទៅមួយឆ្នាំ វាបានកើនឡើង ៩៦ ភាគរយ ដល់ ២៨៧ ភាគរយ ។

ជាមួយចក្ខុវិស័យឆ្ពោះទៅមុខ រដ្ឋមន្រ្តីនិយាយថា ប្រទេសចិន នឹងជំរុញយ៉ាងសកម្មនូវទំនាក់ទំនងសេដ្ឋកិច្ច និងពាណិជ្ចកម្មជាមួយអាស៊ាន ដោយបង្កើនកិច្ចសហប្រតិបត្តិការ ក្នុងការប្រយុទ្ធប្រឆាំងជំងឺកូវីដ ១៩ និងរួបរួមគ្នាជំរុញការអនុវត្តិកិច្ចព្រមព្រៀងភាពជាដៃគូសេដ្ឋកិច្ចគ្រប់ជ្រុងជ្រោយក្នុងតំបន់៕​

ប្រភព: Global Times

ប្រែសម្រួល៖ ឧកញ៉ាសាមញ្ញ

The post កំណើនពាណិជ្ជកម្មទ្វេភាគីចិន-អាស៊ាន កើនឡើងជិត ៧០០ ពាន់លានដុល្លារ ពីឆ្នាំ ១៩៩១ ដល់ឆ្នាំ ២០២០ appeared first on .