ចែរ៉ូហ្សា កាន់តែសកម្មនិងការងារសប្បុរសធម៌

កូនចៅឧកញ៉ា — Mon, 22 Jul 2019 03:19:15 +0000

មួយរយៈនេះ តារាសម្ដែង គន់ រៀមរតនៈ ហៅចែរ៉ូហ្សា រមែងបង្ហោះរូបភាព និងសកម្មភាពអំពាវនាវជួយដល់សង្គមតាមរយៈរូបភាពសប្បុរសធម៌នៅលើបណ្ដាញសង្គមហ្វេសប៊ុក ។ ថ្មីៗនេះ តារារូបនេះ បានរ៉ៃអង្គាសថវិកាពូសប្បុរសជននានា យកទៅជួយដល់សាលាខ្វះខាតមួយនៅខេត្តព្រៃវែង ដែលជាទីកំណើតរបស់ខ្លួន។

តាមការកត់សម្កាល់ការងារសិល្បៈ និងទីផ្សារឡើងឆាកគេឃើញថាតារាសម្ដែងភេទទី៣រូប គន់ រៀមរតនៈ ហៅ ចែរ៉ូហ្សា លេចធ្លោមិនអន់ទេ ក្នុងការឈឺឆ្អាលសង្គម និងអ្នកសិល្បៈដូចគ្នា។ បើទោះជាអ្នកទាំងពីរមិនមានលទ្ធភាពដោយផ្ទាល់ខ្លួន ប៉ុន្តែគេឃើញតារាសម្ដែងរូបនេះចេញមុខប្រកូកប្រកាសជួយសង្គម និងអ្មកសិល្បៈដូចគ្នា គួរឱ្យសរសើរក្នុងពេលដែលតារាសិល្បៈភាគច្រើនប្រជែងគ្នាយកបណ្ដាញហ្វេសប៊ុកឃោសនាលក់ផលិតផលច្រើនជាងចំណាយឈឺឆ្អាលនឹងរឿងក្រៅពីខ្លួននោះ។

លោក គន់ រៀមរតនៈ ស្ទើរគ្រប់សកម្មភាពសប្បុរសធម៌ និងក្នុងសកម្មភាពលើកស្ទួយវប្បធម៌ជាដើម គឺឆ្ងាយប៉ុណ្ណាហត់នឿយប៉ុណ្ណា ក៏នាងមិនដែលបាត់មុខ។ ការងារសិល្បៈនាងមិនសូវមានអ្វីប្រជែងនឹងតារាជោគជ័យមួយចំនួនច្រើនមែន ប៉ុន្តែសម្រាប់ការងារសង្គមគឺនាងលេចធ្លោ។ ក្នុងនោះរាល់ការបរិច្ចាគជួយគ្នា ក៍នាងកម្របាត់ឈ្មោះផងដែរ បើទោះជានាងមិនមែនជាអ្នកមាន។ អ្វីដែលគួរសរសើរទៅទៀត គឺនាងកំពុងដើរជាអ្នកនាំពាក្យក្នុងការរ៉ៃអង្គាសថវិកាជួយដល់សាលាខ្វះខាតមួយនៅភូមិកំព្រៅ ឃុំព្នៅទី១ ស្រុកស៊ីធរកណ្ដាល ខេត្ត ព្រៃវែង ដែលជាទីកំណើតរបស់ខ្លួន។ នាងត្រូវគេឃើញចំណាយឡើងចុះ ដើម្បីថតផង Live វីដេអូផង អោយសប្បុរសជនបានដឹងពីការលំបាករបស់សាលាមួយនោះ ខណៈដែលនាងក៍ប្រឹងបង្ហោះអរគុណដល់សប្បុរសជន ស្ទើរមិនមានពេលសម្រាក។

នេះមិនជាសកម្មភាពសប្បុរសធ៌រ របស់នាងជាលើកទី១ឡើយ កន្លងមកតារារូបនេះធ្លាប់បានចូលរួមកិច្ចការសង្គមជាច្រើនដូចជា ការចែកមួកសុវត្ថិភាព ការចែកទានដល់ជនក្រីក្រ ដែលទង្វើនេះជាសកម្មភាពគំរូមួយ ដែលតារាសិល្បៈភេទទី៣ បានធ្វើដើម្បីសង្គម និងសប្បុរសធម៌៕

The post ចែរ៉ូហ្សា កាន់តែសកម្មនិងការងារសប្បុរសធម៌ appeared first on .

ឡូយ ចែរ៉ូហ្សា ស្ងាត់ៗក្លាយជាតំណាងផលិតផលឲ្យល្បីឈ្មោះមួយ

កូនចៅឧកញ៉ា — Sat, 06 Jul 2019 02:51:46 +0000

ពិតជាកាលីបមែនទែន ដែលតារាសម្ដែងទី៣ លោក គន់ រៀមរតន: ហៅ ចែរ៉ូហ្សាត្រូវបានសាប៑ូដុះខ្លួន និងកក់សក់ម៉ាក Huapusi ជ្រើសជាតំណាងផលិតផល ជាមួយនឹងកញ្ញា ឌី លីកា អតីត Miss Grand Cambodia ឆ្នាំ២០១៨។ លោកបានទាំងថតស្ពត និងរូបសន្លឹកនៅក្នុងថ្ងៃនោះ ក្នុងនាមជាតំណាងផលិតផល ផ្ដាច់មុខនោះផង។

តារាសម្ដែង លោក គន់ រៀមរតន: បានត្រឹមតែអះអាងថា កាន់តួនាទីនេះ១ឆ្នាំ ប៉ុន្តែមិនបានបង្ហើបឲ្យដឹងពី តម្លៃខ្លួនក្នុងតួនាទី ជាអ្នកតំណាងផលិតផលនេះឡើយ។ យ៉ាងណាមិញ ម្នាក់ៗសរសើរថា លោកឡូយ ដោយសារតែឡើង កាលីបជាម្ចាស់ប្រេនផលិតផលម៉ាកល្បី ដែលជាប្រវត្តិសាស្ត្ត្រលើកដំបូង តាំងពីចូលសិល្ប:។ លោកថា ផលិតផលដែលត្រូវបានជ្រើសលោក ជា Brand Ambassador នោះ គឺសាប៑ូដុះខ្លួន និងថែបំប៉នសក់ម៉ាក Huapusi ដែលត្រូវគេស្គាល់ថា ជាផលិតផលប្រេនរបស់ប្រទេសបារាំង។

លោកថាគឺជារឿង រំភើប ដែលលោកត្រូវបានក្រុមហ៑ុនជ្រើសជាតំណាងផលិតផល ហើយថែមទាំងបានកុងត្រា រហូតដល់ពេញមួយឆ្នាំ ជាមួយនឹងអត្ថប្រយោជន៍ មិនអន់ជាងតារាល្បី។ លោកថាជាលើកទី១ ដែលមានផលិតផលប្រេនៗរបៀបនេះ ជ្រើសឲ្យធ្វើជាតំណាងផ្សព្វផ្សាយ ខណ:ដែលលោកប្រកាសថា នឹងធ្វើឲ្យក្រុមហ៑ុនបន្តជំនឿចិត្ត ហើយបន្តកុងត្រានៅឆ្នាំទី២ ក្រោយចប់កុងត្រាដំបូងនេះ ឲ្យខានតែបាន។ លោក កាន់តែសប្បាយចិត្ត នៅពេលដឹងថា ក្រុមហ៑ុនជ្រើសអ្នកតំណាមួយរូបទៀត គឺកញ្ញា ឌី លីកា ដែលជាអតីត Miss Grand Cambodia ឆ្នាំ២០១៨។ លោក និង កញ្ញា ឌី លីកា នឹងត្រូវទទួលភារ:ថតបង្ហាញផលិតផល និងធ្វើសកម្មភាពច្រើនទៀតនៅក្នុងមួយឆ្នាំនេះ។

ជាមួយនឹងការប្រកាសនោះ គន់ រៀមរតន: និង ឌី លីកា ក៏ត្រូវគេដឹងថា នឹងចាប់ដៃគ្នាលើតួនាទីតែមួយ ចេញធ្វើសកម្មភាពទាំងខេត្ត និងក្រុង ដើម្បីជួយគ្នាធ្វើឲ្យការងារជាតំណាងផលិតផលមួយនេះ ទទួលបានការចាប់អារម្មណ៍។ ក្នុងនោះ លោក ក៏បដិសេធមិនប្រាប់តម្លៃខ្លួន សម្រាប់ការងារដំបូងនេះ ឲ្យដឹងឡើយ៕

The post ឡូយ ចែរ៉ូហ្សា ស្ងាត់ៗក្លាយជាតំណាងផលិតផលឲ្យល្បីឈ្មោះមួយ appeared first on .

ចែរ៉ូហ្សា

ចែរ៉ូហ្សា កាន់តែ​សកម្ម​និង​ការងារ​​សប្បុរសធម៌

ឡូយ​ ចែរ៉ូហ្សា ស្ងាត់​ៗ​ក្លាយ​ជា​តំណាង​​ផលិតផល​​ឲ្យ​ល្បី​ឈ្មោះ​មួយ

ចែរ៉ូហ្សា កាន់តែសកម្មនិងការងារសប្បុរសធម៌

ឡូយ ចែរ៉ូហ្សា ស្ងាត់ៗក្លាយជាតំណាងផលិតផលឲ្យល្បីឈ្មោះមួយ