ក្នុង​ការ​ប្រកាស​​មាន​ទាំង​រូប​ភាព​ជន​​ល្មើស​ថត​ដោយ​កាមេរ៉ា​សុវត្ថិភាព ម៉ូតូ​ដែល​បាត់​នោះ​គឺ ម៉ូតូម៉ាក HONDA SCOOPY-I ស៊េរីឆ្នាំ 2019 ពណ៍ក្រហម ស្លាកលេខ ភ្នំពេញ 1HQ-8845!។ ​

ផេក​​​ផេក” MJQ Education” បាន​សរសេរ​​យ៉ាង​ដូច្នេះ​ថា “ដំណឹងបាត់ម៉ូតូម៉ាក HONDA SCOOPY-I ស៊េរីឆ្នាំ 2019 ពណ៍ក្រហម ស្លាកលេខ ភ្នំពេញ 1HQ-8845!​កាលពីថ្ងៃទី៧ ខែមិថុនា ឆ្នាំ២០១៩ វេលាម៉ោង ១២:៥៧ នាទីថ្ងៃត្រង់ បុគ្គលិកនៃក្រុមហ៊ុនម៉េងលី ជេ. គួច អេឌ្យូខេសិន បានបាត់ម៉ូតូមួយគ្រឿងម៉ាកដូចបានរៀបរាប់ខាងលើ នៅក្រោយរបងមន្ទីពេទ្យរុស៊្សី។ អាស្រ័យហេតុនេះ បើបងប្អូនណាបានរកឃើញឬជួបប្រទះ សូមទាក់ទង់មកកាន់លេខទូរស័ព្ទ 061 666 057 ឬ 016 865 116 យេីងខ្ញុំនឹងជូនរង្វាន់ជាទីគាប់ចិត្ត។”

សូមអរគុណ!

The post ជួយរកផង ឧកញ៉ា គួច ម៉េងលី ប្រកាស​ស្វែង​រកចោរលួច​ម៉ូតូ​បាត់​… appeared first on .

ជនសង្ស័យម្នាក់ ឃាត់ខ្លួនបាន ឈ្មោះ សំណាង ពន្លឺ ភេទប្រុស អាយុ២២ឆ្នាំ មុខរបរ កម្មកររោងចក្រ មានទីលំនៅភូមិព្រៃកី «ខ» សង្កាត់ពងទឹក ខណ្ឌដង្កោ កន្លងមកធ្លាប់សមត្ថកិច្ច ខណ្ឌមានជ័យចាប់ឃាត់ខ្លួនម្តងមកហើយ ពាក់ព័ន្ធលួចមានស្ថានទម្ងន់ទោស ។តាមសម្តីសារភាពយុវជនខាងលើ បានឲ្យដឹងថា ខ្លួបធ្លាប់ប្រើប្រាស់គ្រឿងញៀន ។ចំណែក​យុវជនម្នាក់ទៀត រត់គេចទៅបាត់ គ្រាន់តែស្គាល់ឈ្មោះ រ៉ា ភេទប្រុស អាយុ២១ឆ្នាំ មានទីលំនៅ ភូមិព្រៃជីសាក់ សង្កាត់ចោមចៅ៣ ។

តាមសមត្ថកិច្ចបានឲ្យដឹងថា មុនឃាត់ខ្លួនបានជនខាងលើ ខណៈដែលកម្លាំងល្បាត របស់នគរបាលខណ្ឌពោធិសែនជ័យ ប៉ុស្តិ៍រដ្ឋបាល ល្បាតក្នុងភូមិសាស្ត្រងាយរងគ្រោះ សកម្មភាពឆក់ តាមផ្លូវសហព័ន្ធរុស្សី ចំណុចភូមិព្រៃទា សង្កាត់ចោមចៅ៣ គ្រាន់តែក្រឡេកឃើញប៉ូលិស ស្រាប់តែជនសង្ស័យ២នាក់ ជិះម៉ូតូ ម៉ាកហុងដា សេ១២៥ សេរី២០១៩ ពណ៌ខ្មៅ គ្មានស្លាកលេខ បើករត់គេច ចូលក្នុងបុរីញ៉ូថោន ហើយបានចេញមកវិញ បើករត់តាមផ្លូវសហព័ន្ធរុស្សីពីលិចទៅកើត កាន់តែសង្ស័យ កម្លាំងប៉ូលិសប្រដេញតាម លុះដល់មុខព្រលានយន្តហោះពោធិចិនតុង ជនសង្ស័យ បើកចូលក្នុងបុរីអាកាសចរណ៍ ផ្តួលម៉ូតូ ចែកផ្លូវគ្នារត់ ម្នាក់រត់ទៅលិច ម្នាក់ ឈ្មោះ សំណាង ពន្លឺ រត់ផ្លោះរបងទៅកើត សង្ងំ ក្នុងព្រៃ ត្រូវបានបន្ថែមកម្លាំង រុករក ទើបប្រះឃើញជនសង្ស័យម្នាក់ សង្ងំពួនក្នុងព្រៃ ស្មៅ ចាប់ឃាត់ខ្លួនបានម្នាក់ បក្ខពួកម្នាក់ទៀត រត់គេចទៅបាត់ ។

ក្រោយចាប់ឃាត់ខ្លួនបាន ជនសង្ស័យ​នាំទៅសាកសួរនៅផ្នែកជំនាញអធិការដ្ឋាន​ខណ្ឌពោធិ​សែន​ជ័យ ដើម្បីបន្តនីតិវិធី ៕

ប្រភព៖ NiceTV អត្ថបទៈ​ ទុយ​ ម៉ែន​ និងរូបភាពៈ​ សំរឹទ្ធ​ ទីរ៉ា

The post ក្រឡេកឃើញប៉ូលិសជិះម៉ូតូរត់ ត្រូវកម្លាំងដេញព័ទ្ធចាប់បានម្នាក់ រត់បាត់ម្នាក់ appeared first on .

នាយ​ឧត្តមសេនីយ៍​សន្ដិបណ្ឌិត នេត សាវឿន អគ្គ​ស្នងការ​នគរបាល​ជាតិ បាន​បញ្ជាឲ្យ​សមត្ថកិច្ច​បញ្ជូន​សំណុំ​រឿង​មន្ត្រី​នគរបាល​ពាក់​ស័ក្តិ​៣ បម្រើ​ការងារ​នៅ​នាយកដ្ឋាន​ការពារ​ព្រំដែន​ទឹក លួច Ipad នៅក្នុង​កន្លែង​វេលុយ​មួយ​កន្លែង​ក្នុង​ខណ្ឌ​ទួលគោក ទៅ​តុលាការ​ដើម្បី​ចាត់វិធានការ​តាមច្បាប់។ ប៉ុន្តែ​មន្ត្រី​នគរបាល​រូបនោះ មិនទាន់​បញ្ជូន​ខ្លួន​ទៅ​តុលាការ​នៅ​ឡើយ​ទេ។

មន្ដ្រី​នគរបាល​ពាក់​ស័ក្ដិបី ឈ្មោះ ហេង ហាប់ អាយុ​២៤ឆ្នាំ បម្រើ​ការងារ​នៅ​នាយកដ្ឋាន​ការពារ​ព្រំដែន​ទឹក និង​ត្រូវជា​កូន​ប្រុស​ប្រធាន​នាយកដ្ឋាន​ការពារ​ព្រំដែន​ទឹក កាលពី​ព្រឹក​ថ្ងៃទី​៣០ ខែ​ឧសភា ឆ្នាំ​២០១៩ កន្លង​ទៅ បានចូល​ទៅដក​លុយ​នៅហាង​វីង​មួយ​កន្លែង​យីហោ «រស្មី សាមគ្គី» ស្ថិតនៅក្នុង​ខណ្ឌ​ទួលគោក ស្រាប់តែ​បន្លំ​លួចយក iPad មួយ​គ្រឿង​ទៅបាត់ រួចក៏​ត្រូវម្ចាស់​ហាង​យកទៅ​បង្ហោះ​ល្បីពេញ​បណ្តាញ​សង្គម​ហ្វេសប៊ុក និងមានគេ Share រាប់ពាន់​នាក់។ បន្ទាប់មក​នៅ​ល្ងាចថ្ងៃទី​៣០ ខែ​ឧសភា ឆ្នាំ​២០១៩ មន្រ្តី​រូបនេះ ត្រូវបាន​នាយកដ្ឋាន​ព្រហ្មទណ្ឌ​បានអនុញ្ញាត​ឲ្យត្រឡប់​ទៅផ្ទះវិញ​ហើយ ក្រោយធ្វើ​កិច្ចសន្យា និង​មាន​អ្នកធានា៕

អត្ថបទ៖ សំភី

ប្រភព៖httpkleykley.sabay.com.kh

The post អគ្គស្នងការ បញ្ជា​ឲ្យ​បញ្ជូន​សំណុំ​រឿង​ប៉ូលិស​ស័ក្ដិ​បីលួច Ipad ទៅ​តុលាការ appeared first on .

លោកអធិការបានបញ្ជាក់ថា បុរសរូបនេះពិតជាមន្ដ្រីនគរបាល ប៉ុន្ដែលោកមិនទាន់បានបញ្ជាក់ថា បម្រើការងារនៅអង្គភាពណានោះទេ ដោយបច្ចុប្បន្នកំពុងតែសួរនាំនៅអធិការដ្ឋាន នគរបាលខណ្ឌទួលគោក។

លោក សុខ ហេង បានបញ្ជាក់ថា ក្រោយមានព័ត៌មាននេះភ្លាម កម្លាំងនគរបាលរបស់លោក សហការជាមួយកម្លាំងនគរបាលសន្ដិសុខ នៃស្នងការដ្ឋាននគរបាលរាជធានីភ្នំពេញ ក្រោមការបញ្ជារបស់លោកឧត្តមសេនីយ៍ស្នងការ បានចុះស្រាវជ្រាវ ហើយមន្ដ្រីនគរបាលរូបនេះ ក៏បានយល់ព្រមចូលមកសារភាពពីទោសកំហុស និងប្រគល់ iPad ជូនទៅម្ចាស់ហាងវិញ។

បើតាមការលួចបង្ហើបពីសមត្ថកិច្ចមូលដ្ឋាន មន្រ្តីនគរបាលរូបនេះមានឈ្មោះ ហេង ហាប់ អាយុ២៥ឆ្នាំ បម្រើការងារនៅនាយកដ្ឋានព្រំដែនទឹក ក្រសួងមហាផ្ទៃ៕

The post មន្ដ្រីនគរបាលពាក់ស័ក្ដិ៣ ចូលលួច iPad ផ្អើលពេញបណ្ដាញ​Facebook បានចូលសារភាព ប៉ូលិសឃាត់ខ្លួន​ហើយ appeared first on .