លោកស្រីឧកញ៉ា យ៉ង់ ម៉ូលីកា ជាភរិយានាយឧត្តមសេនីយ៍ ចៅ ផល្លី រដ្ឋលេខាធិការ ក្រសួងការពារជាតិ និងជាសមាជិកគណៈកម្មាធិការកណ្តាលនៃគណបក្សប្រជាជនកម្ពុជា។

លោក ចៅ ផល្លី ធ្លាប់ទទួលបានគោរមងារឧកញ៉ាម្តងរួចមកហើយ តែក្រោយមកលោកសម្រេចបោះបង់ងារឧកញ៉ា បន្ទាប់ពីប្រមុខរាជរដ្ឋាភិបាល សម្តេចតេជោនាយករដ្ឋមន្ត្រី ហ៊ុន សែន ប្រកាសកងកម្លាំងប្រដាប់អាវុធរួមមានទាហាន នគរបាល និងកងរាជអាវុធហត្ថត្រូវស្ម័គ្រចិត្តជ្រើសរើសងារជាឧកញ៉ាឬមួយយកតួនាទីរបស់ខ្លួន ក្នុងចំណោមកងកម្លាំងប្រដាប់អាវុធទាំង ៧៥នាក់ នៃក្រសួងការពារជាតិ។

នាយឧត្តមសេនីយ៍ ចៅ ផល្លី បច្ចុប្បន្នជារដ្ឋលេខាធិការក្រសួងការពារជាតិ មានអត្តលេខ ០០៤២៦១។ លោកបានបញ្ចប់​ថ្នាក់បណ្ឌិត ផ្នែក​វិទ្យាសាស្ត្រ​នយោបាយ ពី​ UNIVERSAL MINSTRIES OF THE KING’S COLLEGE (UM.KC) ហើយទទួលបានសញ្ញាប័ត្រផ្លូវការ កាលពី​ថ្ងៃ​ទី២៨ ខែ​មករា ឆ្នាំ២០២៣ នា​ទីក្រុង​ប៉ាក​សេ ខេត្ត​ចំប៉ា​សាក់ ប្រទេស​ឡាវ៕

The post ណែនាំឱ្យស្គាល់នាយឧត្ដមសេនីយ៍ម្នាក់ ជាស្វាមីឧកញ៉ា យ៉ង់ ម៉ូលីកា appeared first on .