យោងតាមបណ្តាញទំនាក់ទំនងសង្គមផ្លូវការរបស់ឧកញ៉ា ម៉ុង ឬទ្ធី បានឱ្យដឹងថា ក្រោយពីបានចាប់ផ្តើមបើកការដ្ឋានសាងសង់កាលពីថ្ងៃទី១១ខែវិច្ចិកាឆ្នាំ២០២១ រោងចក្រផលិតចំណីសត្វទី២ដែលមានកម្លាំងផលិត៣០តោនក្នុងមួយម៉ោង បានសាងសង់តម្លើងរួចរាល់ជាស្ថាពរ ព្រមទាំងបានចាប់ផ្តើមដំណើរការសាកល្បង នៅវេលាម៉ោង៧ព្រឹកថ្ងៃសុក្រទី២១ខែកក្កដាឆ្នាំ២០២៣នេះ។

លោកឧកញ៉ាគូសបញ្ជាក់ថា «នៅក្រោយពេលរោងចក្រផលិតចំណីសត្វទី១មានកម្លាំងផលិត២០តោនក្នុងមួយម៉ោង និងទី២ថ្មីអាចផលិតបាន៣០ទៅ៥០តោនក្នុងមួយម៉ោង រោងចក្រនេះគឺជាទីផ្សារសម្រាប់ឱ្យកសិករកម្ពុជាយើងនាំយកកសិផលដូចជាដំឡូងមី ពោតចំណីសត្វ កន្ទក់ ចុងអង្ករ កាកសំណស់សណ្តែកសៀង ប្រេងដូងឆៅ កាកសំណល់គ្រាប់ក្នុងផ្លែដូងប្រេងជាដើម យកមកលក់ជាមធ្យម១០០លានដុល្លារសហរដ្ឋអាមេរិកជារៀងរាល់ឆ្នាំ»។

លោកឧកញ៉ាថា សូមបញ្ជាក់ថាដើម្បីផលិតជាចំណីសត្វបាន យើងមានតម្រូវការគ្រាប់ធញ្ញជាតិរួមជាមួយវត្ថុធាតុដើមផ្សេងៗទៀត ចំនួន២១មុខយកមកលាយបញ្ចូលគ្នាទើបអាចផលិតជាចំណីសត្វបាន ។រោងចក្រនេះមានទីតាំងស្ថិតនៅតាមបណ្តោយផ្លូវជាតិលេខ៤ ត្រង់ចន្លោះបង្គោលគីឡូម៉ែត្រលេខ១៥៨ហាងការហ្វេដូងប្រេង ភូមិមនោរម្យ ឃុំតានៃ ស្រុកព្រៃនប់ ខេត្តព្រះសីហនុ ៕ អត្ថបទ៖សារេត

The post រោងចក្រចំណីសត្វទី២ របស់ឧកញ៉ា ម៉ុង ឬទ្ធី ជាទីផ្សារឱ្យកសិករនាំកសិផលមកលក់បានចំណូលខ្ទង់ ១០០លានដុល្លាររៀងរាល់ឆ្នាំ appeared first on .

ជាក់ស្តែងរោងម៉ាស៊ីនកែច្នៃ បានត្អូញត្អែអស់រយ:ពេលជាច្រើនខែមកហើយ ចំពោះកង្វះគ្រាប់ធញ្ញជាតិ ដែលប្រើប្រាស់សម្រាប់ធ្វើជាចំណីសត្វ ដែលមានដូចជាស្រូវសាលី និងពោត ហើយពួកគេថែមទាំងបានជំរុញឱ្យរដ្ឋាភិបាល ធ្វើការបន្ធូរបន្ថយការគ្រប់គ្រង លើការនាំចូល ដែលធ្លាប់តែអនុម័ត ដើម្បីការពារដល់កសិករក្នុងស្រុក ។

គួរឱ្យដឹងថា ប្រទេសរុស្ស៊ី និងអ៊ុយក្រែន មានការនាំចេញស្រូវសាលីរួមគ្នាប្រហែល ២៩% នៅទូទាំងសកលលោក និង ១៩% នៃការនាំចេញពោត ប៉ុន្តែដោយសារតែការឈ្លានពានរបស់រដ្ឋាភិបានទីក្រុងម៉ូស្គូ លើអ៊ុយក្រែន បានធ្វើឱ្យការផ្គត់ផ្គង់ ត្រូវបានរឹតបន្តឹង ។

យ៉ាងណា រដ្ឋមន្ត្រីក្រសួងពាណិជ្ជកម្មថៃ លោក Jurin Laksanwisit បានប្រាប់សន្និសីទសារព័ត៌មាន ថា វិធានការមួយ ដែលត្រូវបានស្នើឡើង គឺផ្អាកការត្រួតពិនិត្យជាបណ្តោះអាសន្ន លើការនាំចូលស្រូវសាលី ពីខែឧសភា ដល់ខែកក្កដា ។

មិនតែប៉ុណ្ណោះ វិធានការដែលបានគ្រោងទុកមួយផ្សេងទៀត គឺការបន្ធូរបន្ថយ លើការគ្រប់គ្រងការនាំចូលពោត ដែលអនុញ្ញាតិឱ្យមានការនាំចូលរហូតដល់ ៦០០ ០០០ តោន ដោយមិនគិតថ្លៃពន្ធ ២០% ក្នុងរយ:ពេលដូចគ្នានេះដែរ ។

លើសពីនេះ លោក Jurin បាននិយាយទៀតថា ក្រសួង នឹងស្នើទៅគណ:រដ្ឋមន្ត្រីថា គ្រឿងផ្សំធ្វើចំណីសត្វ រហូតដល់ ១,២ លានតោន រួមទាំងពោត ស្រូវសាលី និងស្រូវ Barley គឺត្រូវអនុញ្ញាតឱ្យនាំចូល ក្នុងរយ:ពេល ៣ ខែ ៕

ប្រភព: Bangkok Post

The post រដ្ឋមន្ត្រីថៃ ស្នើសុំឱ្យបើកការនាំចូលពោត និងស្រូវសាលីបន្ថែម ក្រោយកង្វះខាតចំណីសត្វ  appeared first on .

យោងលើតម្រូវការចាំបាច់នៅលើទីផ្សារនៃផលិតកម្មចំណីសត្វ ក្នុងឆ្នាំ២០២០ ក្រុមហ៊ុនផលិត និងលក់ចំណីសត្វបានសរុបចំនួន ១១៨ ៥០០តោន ក្នុងនោះមាន៖ ចំណីមាន់សាច់ ៩ ០០០តោន, ចំណីមាន់ស្រុក ២៨ ០០០តោន,ចំណីមាន់យកពង ១០ ០០០តោន, ចំណីជ្រូក ២៣ ០០០តោន ចំណីគោ ៧ ៥០០តោន ចំណីត្រី ៧ ០០០តោន និងចំណីទា ៣៤ ០០០តោន។ នេះតាមរបាយការណ៍ របស់ក្រុមហ៊ុនកាលពីថ្ងៃទី២២ ខែមីនា បានបញ្ជាក់ឲ្យដឹង។

ទន្ទឹមនឹងនេះ ដើម្បីចូលរួមចំណែកបង្កើនការកែឆ្នៃផលិតផលកសិកម្មក្នុងស្រុក សម្រាប់ឆ្នាំ២០២០ ក្រុមហ៊ុនបានប្រមូលទិញវត្ថុធាតុដើមសរុបចំនួន ៥៧ ៨០០តោន ក្នុងនោះមាន៖ ពោត ២០ ០០០តោន, សណ្តែកសៀង ១២ ០០០តោន, ដំឡូងមីស្ងួត ៦ ០០០តោន, ចុងអង្ករ ១ ៨០០តោន, កន្ទក់ ១៤ ៤០០តោន, ថ្មកំបោរ ៣ ០០០តោន, និងម្សៅត្រី ៦០០តោន។ ក្រៅពីនេះ ក្រុមហ៊ុនក៏បានស្នើសុំគោលការណ៍នាំចូលវត្ថុធាតុដើមផ្សំចំណីសត្វមួយចំនួនទៀតផងដែរ តាមរយៈក្រសួងកសិកម្ម រុក្ខាប្រមាញ់ និងនេសាទ ដែលមានបរិមាណសរុបចំនួន ៦៦ ៩៩៦តោន។

បច្ចុប្បន្ន ក្រុមហ៊ុនមានបុគ្គលិក និងកម្មករ សរុបចំនួន ២៥០នាក់ (ស្រ្តី ៥០) មានជំនាញគណនេយ្យ ពេទ្យសត្វ គ្រប់គ្រង ទីផ្សារ អគ្គីសនី មេកានិច កម្មករ អ្នកវេច្ចខ្ចប់ និងអ្នកបញ្ចេញទំនិញ។ ដោយសារកំណើនផលិតកម្មចិញ្ចឹមសត្វមានការកើនឡើង ធ្វើឲ្យកំលាំងផលិតក្នុងឆ្នាំ ២០២០ កើនឡើង ៣០% បើធៀបទៅឆ្នាំ២០១៩ ហើយប្រាកដណាស់ កំណើននេះនឹងនៅតែ បន្តសម្រាប់ឆ្នាំ២០២១ និងឆ្នាំបន្តបន្ទាប់៕

The post មកស្គាល់ក្រុមហ៊ុនផលិតចំណីសត្វដ៏ធំ ដែលមានទុនវិនិយោគជាង ១៨លានដុល្លារ appeared first on .