វាំងននគឺជាផ្នែកមួយនៃសោភ័ណភាព​នៅ​​ក្នុងផ្ទះ ដើម្បីការពារបន្ទប់ពីពន្លឺព្រះអាទិត្យ ឬការមើលឃើញពីខាងក្រៅ។ វាំងននអាចទិញបាននៅតាមកន្លែងជាច្រើន ហើយសព្វថ្ងៃ​ក៏​មានភាពងាយស្រួលក្នុងការស្វែងរកម៉ូតជាច្រើនផងដែរ។

ប៉ុន្តែប្រហែលជាពេលខ្លះ យើងក៏​ពិបាករកទិញវាំងននឬក្រណាត់ណាដែលយើងចង់តម្រូវតាមចិត្តផ្ទាល់ខ្លួន។ អត្ថបទពិសេស​នេះ ឧកញ៉ាញូសន៍ ណែនាំ​ពី​របៀបការវាស់និងគណគណនាវាំងនន ដើម្បីកាត់ទៅតាមតម្រូវការនិង​ចំណង់ចំណូលចិត្តសម្រាប់ដេគ័រ​ក្នុង​ផ្ទះខ្លួនឯងបាន។

ការវាស់និងគណគណនាវាំងននគឺតម្រូវទៅតាមប្រភេទ ក្រណាត់ ទំហំ បង្អួច និងម៉ូតវាំងនន។

វិធីនៃការវាស់វាំងននគឺ៖

• វាស់ទទឹងបង្អូចដោយបញ្ចេញ​ ១តឹក កន្លះ ទៅ ២តឹកកន្លះ (ស្តង់ដារ) សងខាងបង្អួច ។
• វាស់កម្ពស់បង្អួចដោយបញ្ចេញ ១តឹកកន្លះឡើងលើ និងទុក ១តឹក (ស្តង់ដារ) ពីឥដ្ឋ។

ជាបន្តសូមលើកយកការគណនាវាំងនន ជីពភ្លី ធម្មតានិងវាំងននចោះកង ដែលកំពុងតែពេញនិយមនាពេលបច្ចុប្បន្ន និង ប្រើប្រាស់ក្រណាត់ដែលមានធ្មេញឈើ ២.៨ម៉។

• ១.វាំងននជីពភ្លី
  យកទទឹងដែលបញ្ចេញរួចគុណ ២.៥ ជាការស្រេច។
  ឧ. ទទឹង ២ម x ២.៥ = ៥ម ។ ដូចនេះបង្អួចទំហំ ២ មែត្រ ប្រើក្រណាត់អស់ ៥ ម៉
• ២.វាំងននចោះកង
• យកទទឹងដែលបញ្ចេញរួចស្រេច គុណ ២.៨ ជាការស្រេច។
• ឧ. ទទឹង ២ម x ២.៨ = ៥ម ។ ដូចនេះបង្អួចទំហំ ២ មែត្រ ប្រើក្រណាត់ អស់ ៥.៦ ម៉

ជាមួយគ្នា​នេះ ជាការ​ណែនាំ​បន្ថែម​សុំ​កុំ​បោកគគ់ដោយប្រើម៉ាស៊ីន។ វាំងននជាធម្មតាមិនសូវមានស្មាមប្រឡាក់ទេបើយើងគ្រាន់តែប្រើប្រាស់សម្រាប់បើកនិងបិទ ប៉ុន្តែធូលីត្រូវជាប់ទៅនឹងវាំងននជារៀងរាល់ថ្ងៃ។ ដូចនេះយើងគ្រាន់តែយកវាំងននមកត្រាំនឹងទឹកសាប៊ូរយៈពេលប្រមាណ ២០ ទៅ ៣០នាទី រួចជាន់ ២ ទៅ ៣ នាទី រួចលើកពួតជាការស្រេច។ បើសិនជាទឹកនៅខ្មៅខ្លាំងសូមបោក​ម្តង ឬ ពីរដងទៀតរួចហាលក្រោមកំដៅថ្ងៃនឹងគ្មានធូលី៕

The post មកដឹក​តិកនិក​វាស់កាត់​វាំងននដាក់​ផ្ទះ​ថ្មី​​ទើប​ទិញ​ កុំឲ្យ​​ពិបាក​សួរ​ជាង appeared first on .

ឯកឧត្តម លោកជំទាវ ជាគោរមងារ​ដែល​​ត្រូវបានតែងតាំងដោយព្រះរាជក្រឹត្យ តាមរយៈសំណើរបស់នាយករដ្ឋមន្ត្រី ឬតាមព្រះរាជតម្រិះរបស់ព្រះមហាក្សត្។

គោមងារនេះអាច​ហៅបាន​សម្រាប់​ឥស្សរជន​ដែលមាន​តួនាទី​និង​តំណែង​ស្មើ៖

• ប្រធាន អនុប្រធាន រដ្ឋសភា និងព្រឹទ្ធសភា
• នាយករដ្ឋមន្ត្រី
• ឧបនាយករដ្ឋមន្ត្រី
• ទេសរដ្ឋមន្ត្រី
• រដ្ឋមន្ត្រី
• រដ្ឋលេខាធិការ
• អនុរដ្ឋលេខាធិការ
• អគ្គនាយក
• សមាជិករដ្ឋសភា និងព្រឹទ្ធសភា
• ឯកអគ្គរាជទូត
• ក្រុមប្រឹក្សារាជធានី ខេត្ត
• អភិបាលរាជធានី ខេត្ត

ក្នុងកងកម្លាំង​​ប្រដាប់​អាវុធ​វិញ អ្នក​មាន​ឋានន្តរសក្តិចាប់ពីឧត្តមសេនីយ៍ត្រីឡើងទៅ នៅក្នុងនគរបាលជាតិ កងយោធពលខេមរភូមិន្ទ កងរាជអាវុធហត្ថ មិនមែនសុទ្ធតែមានងារជាឯកឧត្តមលោកជំទាវទេ តែបើ​បម្រើ​ការងារជាអគ្គនាយកឡើងទៅនៅក្នុងក្រសួង ទើបមានគោរមងារជា ឯកឧត្តម លោកជំទាវ លុះត្រាណាមាន​តួនាទី​ជាទីប្រឹក្សាជំនួយការ លេខាធិការ ឫជាមន្ត្រីដែលមានឋានៈស្មើក្នុងមុខតំណែងខាងលើទើបមានគោរមងារជា ឯកឧត្តម លោកជំទាវ។

នៅតាមរាជធានីខេត្ត មានតែអភិបាលខេត្តតែប៉ុណ្ណោះដែលមានងារជា ឯកឧត្តម លោកជំទាវ ចំណែកឯអភិបាលរង មានងារត្រឹមលោកលោកស្រីតែប៉ុណ្ណោះ។ តែបើអភិបាលរងរាជធានីខេត្តនោះជាទីប្រឹក្សា ជំនួយការ លេខាធិការ ឬជាមន្ត្រីដែលមានឋានៈស្មើក្នុងមុខតំណែងខាងលើទើបមានងារជា ឯកឧត្តម លោកជំទាវ។

បើស្វាមីដែលមានងារជាឯកឧត្តម ហើយនោះ ភរិយារបស់ជននោះ ក៏មានគោរមងារជា លោកជំទាវ ដោយស្វ័យប្រវត្តិ៕

The post ងារ​ឯកឧត្តម លោកជំទាវ មាន​តំណែង​កម្រិតណា ទើប​អាច​​ហៅ​បាន? appeared first on .

បើតាមលោក ឧកញ៉ា គីម ហ៊ាង ៥ ចំណុចសំខាន់ៗទាំងនោះ នឹងធ្វើកម្ពុជាអាចដើរ​លឿនជាងប្រទេសភាគច្រើនបំផុតក្នុងតំបន់អាស៊ានត្រឹមឆ្នាំ២០៥០ ។ ចំណុចទាំង៥ រួមមាន ៖

១. ធ្វើបច្ចុប្បន្នភាពប្រពន្ធ័អប់រំរបស់ខ្លួនតាំងពីថ្នាក់មត្តេយ្យ រហូតដល់ថ្នាក់មហាវិ​ទ្យាល័យ សម្រាប់រយៈពេល៣០ឆ្នាំ ដោយបង្រៀនគាត់២០ឆ្នាំ និងអោយគាត់​បង្រៀនកូនគាត់ថែម១០ឆ្នាំទៀត ដោយយកគំរូតាមប្រទេសជប៉ុន។

២. រដ្ឋមន្រ្តីនៅក្រសួងត្រូវមើលថែ និងកាពារផ្នែកជំនាញរបស់ខ្លួនអោយបានល្អ និង​មាន​ការទទួលខុសត្រូវខ្ពស់ សម្រាប់ប្រជាជនមួយប្រទេស ដែលទាក់​ទងទំនាញ​របស់ខ្លួន ហើយចៅហ្វាយខេត្ត ត្រូវមើលថែ និងការពារគ្រប់ផ្នែក ដែលទាក់ទងជីវភាព​ប្រចាំថ្ងៃរបស់ប្រជាជននៅខេត្តរបស់ខ្លួនឯង។

៣. រាល់ការតែងតាំង ប្រគល់ភារកិច្ច និងតម្លើងឋានៈ បុណ្យសក្តិ ក្នុងជួររាជការ ត្រូវធ្វើឡើងតាមរយៈស្នាដៃ និងសមត្ថភាពពិតៗ ដើម្បីអោយពួកគាត់ដឹងថា ការងារ​ដែលពួកគាត់ត្រូវធ្វើ និងប្រាក់ខែ ដែលពួកគាត់បានទទួលតាមរយៈ​ការបង់​ពន្ធរបស់​រាស្រ្ត សុំជំនួយបរទេស ព្រមទាំងខ្ចីលុយពីបរទេស ដែលទាំង​កូនចៅ​គាត់ និងកូនចៅ​យើង​ទាំងអស់គ្នាត្រូវសង ក្នុងថ្ងៃអនាគត គឺត្រូវធ្វើការបំរើរាស្រ្ត ទុកផលប្រយោ​ជន៍រាស្រ្ត និងសង្គមជាតិជាធំ ដោយមិនត្រូវយកមុខដំណែង និងតួរនាទីទាំងនោះ ទៅធ្វើអាជីវកម្មជាដាច់ខាត។

៤. ប្រជាជនគ្រប់ស្រទាប់វណ្ណៈ ត្រូវចេះស្រលាញ់គ្នា ជាប្រជាជាតិតែមួយ ឈប់កាច់ត្រួ​យដាក់ជី ឈប់្របឆាំងផ្កាប់មុខ ឬគាំទ្រផ្កាប់មុខ ដោយអ្វីៗត្រូវចេះពិចារណា ហើយ​បើមិនយល់អាចសួរគេសួរឯង និងត្រូវរៀនជានិច្ច។

និងចំនុចទី៥. បញ្ញាវន្ត័វ័យក្មេងកម្ពុជា ដែលមានសមត្ថភាពពិតៗ មានឆន្ទៈពិតៗ មានគំនិតស្នេហាជាតិពិតៗ ហើយមានបំណងបំរើរាជរដ្ឋាភិបាល បំរើប្រជាជន គួរតែត្រូវបានលើកទឹកចិត្ត បង្កភាពងាយស្រួល និងផ្តល់ឱកាសអោយពួកគាត់​តាមការគួរ ដោយមិនប្រកាន់ប្រវត្តិក្រុមគ្រួសារ ជាអ្នកធ្លាប់តស៊ូឬអត់ មកពីគ្រួសារ​ថ្នាក់ដឹកនាំ ឬមកពីគ្រួសារធម្មតា។លោកឧកញ៉ា គីម ហ៊ាង អះអាងថា អ្វីៗទាំងនេះ គឺគ្រាន់តែលើកឡើង ដើម្បីការរីកចំរើនប្រកបដោយនិរន្តភាពនៅកម្ពុជាប៉ុណ្ណោះ៕ អត្ថបទ៖ សិរីកា

The post លោ​ក​ឧ​​កញ៉ា គី​ម ហ៊ា​​ង៖ ចំ​ណុ​ច ៥ នាំ​ឲ្យក​​ម្ពុជា អាច​ដើរ​​លឿន​ជាង​ប្រ​ទេស​ក្នុងតំបន់​អា​​ស៊ាន​ត្រឹម​​ឆ្នាំ​២០៥០ appeared first on .