នៅក្នុងរបាយការណ៍មួយដែលបានចុះផ្សាយការពីថ្ងៃទី១ ខែធ្នូ នៅក្នុងកាសែត Tages-Anzeiger លោក Gantner បាននិយាយថា ការប្រមូលផ្តុំទ្រព្យសម្បត្តិកាន់តែច្រើនឡើង នៅក្នុងដៃរបស់មនុស្សមួយក្រុមតូច នឹងក្លាយជាបញ្ហាដ៏ធំមួយនៅទូទាំងពិភពលោក។

គួរឲ្យដឹងផងថា លោក Gantner គឺជាសហស្ថាបនិកក្រុមហ៊ុនភាគហ៊ុនឯកជន Partners Group ដែលមានទ្រព្យសម្បត្តិសរុបប្រមាណ ៣,៥ពាន់លានដុល្លារ។ បើតាម Forbes បច្ចុប្បន្នលោកជាប់នៅចំណាត់ថ្នាក់ទី ១ ០៥៤ នៃបញ្ជីអ្នកមានបំផុតដាច់គេនៅលើលោក។

ទន្ទឹមនឹងនេះ យោងតាមលោក Gantner បាននិយាយទៀតថា ពន្ធដាក់លើទ្រព្យសម្បត្តិរបស់អ្នកមាន គួរតែត្រូវអនុវត្តចំពោះអ្នកមានពិតប្រាកដ។ ឧទាហរណ៍ អ្នកដែលមានទ្រព្យសម្បត្តិលើសពី ២០០លានហ្វ្រង់ស្វីស ត្រូវយកពន្ធក្នុងអត្រា ១% ហើយអ្នកមានទ្រព្យសម្បត្តិចំនួន ៥០០លានដុល្លារ ត្រូវយកពន្ធក្នុងអត្រា ១,២% ខណៈអ្នកមានទ្រព្យសម្បត្តិចំនួន ១ពាន់លានដុល្លារ​ត្រូវយកពន្ធក្នុងអត្រា ១,៥% ជាដើម។

ជម្រាបជូនផងដែរថា ជុំវិញមតិយោបល់ទាំងនេះបានកើតឡើងភ្លាមៗ បន្ទាប់ពីប្រជាជនស្វីសបានបោះឆ្នោតនៅថ្ងៃទី៣០ ខែវិច្ឆិកា ដើម្បីប្រឆាំមងទៅនឹងការដាក់ពន្ធ ៥០% លើពន្ធមរតកដែលមានតម្លៃ ៥០លានហ្វ្រង់ស្វីស (៦២លានដុល្លារ) ឬច្រើនជាងនេះ ដោយសារតែអាចបណ្តេញអ្នកមានៗចេញពីប្រទេស និងធ្វើឲ្យបាត់ចំណូលរបស់ប្រទេសទាំងមូល៕

The post មហាសេដ្ឋីស្វីសម្នាក់ ចង់ឲ្យមានការដាក់ពន្ធខ្ពស់ទៅលើអ្នកមានកំពូលៗ ក្នុងប្រទេស appeared first on .

កាលពីថ្ងៃទី៣០ ខែវិច្ឆិកា ប្រជាជនស្វីស បានបោះឆ្នោតលើសំណើមួយដើម្បីដាក់ពន្ធ ៥០% លើអ្នកដែលមានទ្រព្យសម្បត្តិ ៥០លានហ្វ្រង់ស្វីស (៦២លានដុល្លារ) ឬច្រើនជាងនេះ។ ប៉ុន្តែទោះជាយ៉ាងណាក៏ដោយ ៧៨% នៃពលរដ្ឋស្វីសដែលចូលរួមបោះឆ្នោតទាំងអស់ បានប្រឆាំងទៅនឹងផែនការនេះ។

យ៉ាងណាក៏ដោយ ជុំវិញវិធានាការថ្មីនេះ ធនាគារកណ្តាលស្វីស កំពុងតាមដានការបោះឆ្នោតយ៉ាងដិតដល់ ដោយមើលឃើញថាវាជាការសាកល្បងកម្រិតនៃការគាំទ្រ សម្រាប់ការចែកចាយទ្រព្យសម្បត្តិឡើងវិញ នៅក្នុងប្រទេសស្វីស។ ហើយជាមួយគ្នានោះ ប្រទេសជាច្រើនទៀត ដូចជាប្រទេសន័រវេស ការអនុម័តពន្ធលើទ្រព្យសម្បត្តិ ក៏កំពុងមានការជជែកវែកញែក ស្រដៀងគ្នានេះផងដែរ។

គួរឲ្យដឹងផងដែរថា សំណើដើម្បីដាក់ពន្ធមរតក ៥០% ត្រូវបានដាក់ចេញដោយក្រុមយុវជននៃគណបក្សប្រជាធិបតេយ្យសង្គម (JUSO) ដើម្បីផ្តល់មូលនិធិដល់គម្រោងដើម្បីកាត់បន្ថយផលប៉ះពាល់នៃការប្រែប្រួលអាកាសធាតុ។ បើតាមលោកស្រី Mirjam Hostetmann មេដឹកនាំ JUSO បាននិយាយថា អ្នកមានទ្រព្យសម្បត្តិច្រើនកំពុងបំផ្លាញអាកាសធាតុជាមួយនឹងការចំណាយហួសហេតុរបស់ពួកគេ។

ប៉ុន្តែទោះជាយ៉ាងណាក៏ដោយ មេដឹកនាំអាជីវកម្មធំៗនៅក្នុងប្រទេស បានជំទាស់យ៉ាងខ្លាំងចំពោះគំនិតផ្តួចផ្តើមនេះ ដោយអះអាងថាវាអាចនឹងបណ្តេញអ្នកមានៗ ចេញពីប្រទេសស្វីស និងកាត់បន្ថយប្រាក់ចំណូលរដ្ឋាភិបាលទាំងមូល៕​

The post ពលរដ្ឋស្វីស ចេញមុខតវ៉ាប្រឆាំងទៅនឹងការដាក់ពន្ធ ៥០% លើអ្នកមានកំពូលៗ appeared first on .

ជុំវិញចំណាត់ថ្នាក់នេះ ត្រូវបានដាក់ដោយក្រុមហ៊ុនវិភាគខាងអចលនទ្រព្យសកល Knight Frank មានមូលដ្ឋាននៅចក្រភពអង់គ្លេស ដែលបានធ្វើការចងក្រង និងវិភាគទិន្នន័យទាក់ទងទៅនឹងបុគ្គល ដែលមានទ្រព្យសម្បត្តិសរុប ((UHNWI) ឬអ្នកដែលមានទ្រព្យសរុបលើសពី ៣០លានដុល្លារអាមេរិក។

ចំពោះការវិភាគនេះ បានបង្ហាញថា ចាប់តាំងពីឆ្នាំ ២០១៤ មក Knight Frank បានដាក់ចំណាត់ថ្នាក់វៀតណាម នៅក្នុងចំណោមប្រទេសដែលមានចំនួនអ្នកមាន ឬហៅកាត់ UHNWI កើនឡើងលឿនជាងគេបំផុត។

មិនតែប៉ុណ្ណោះ ស្ថាប័ន Knight Frank បានព្យាករទៀតថា ចាប់ពីពេលនេះ រហូតដល់ឆ្នាំ ២០២៦ ខាងមុខ ចំនួនអ្នកមានរបស់វៀតណាម នឹងបន្តកើនឡើង ១៧០%។ ហើយក្នុងអំឡុងពេលជាមួយគ្នានេះផងដែរ ចំនួនមហាសេដ្ឋីសរុបរបស់ប្រទេសនេះវិញ នឹងបន្តកើនឡើងពីចំនួនបច្ចុប្បន្ន ១៤ ៣០០ នាក់ ដល់ ៣៨ ៦០០ នាក់។

ជម្រាបជូនផងដែរថា បើទោះបីជាចំនួនប្រជាជន UHNWI របស់វៀតណាមមានកើនឡើងលឿន ដោយសារតែភាពជោគជ័យផ្នែកសេដ្ឋកិច្ចរបស់ប្រទេសនេះទាំងមូលក៏ដោយ តែអ្នកជំនាញរបស់ធនាគារពិភពលោក ក៏បានព្រមានថាប្រទេសនេះនៅតែងាយទទួលរងនូវ “វិបត្តិសេដ្ឋកិច្ច និងបរិស្ថាន” ដែលអាចប៉ះពាល់ដល់ស្ថិរភាពសេដ្ឋកិច្ចរបស់ខ្លួនបាន ៕

​

The post វៀតណាម ជាប្រទេសមានចំនួនអ្នកមានកើនឡើងលឿនបំផុតលើពិភពលោក​ appeared first on .