សម្តេចតេជោ ហ៊ុន សែន បានថ្លែងថា អភិបាលកិច្ចល្អ គឺជាផ្នែកសំខាន់មួយក្នុងការប្រយុទ្ធប្រឆាំងនឹងជំងឺកូវីដ-១៩ របស់ប្រទេស ហើយផ្នែកមួយនៃអភិបាលកិច្ចល្អគឺត្រូវអនុវត្តច្បាប់ស្តីពីវិធានការទប់ស្កាត់ការឆ្លងរាលដាលនៃជំងឺកូវីដ-១៩ និងជំងឺឆ្លងកាចសាហាវ និងប្រកបដោយគ្រោះថ្នាក់ធ្ងន់ធ្ងរផ្សេងទៀត។

ប្រសិនបើត្រូវបានផ្តន្ទាទោស អ្នកដែលបំពាននឹងត្រូវប្រឈមមុខនឹងការជាប់ពន្ធនាគារពី ៦ ខែទៅ ៣ ឆ្នាំរួមជាមួយការពិន័យជាប្រាក់ពី ៥០០ ទៅ ២៥០០ ដុល្លារដូចមានចែងក្នុងច្បាប់ថ្មី។

បើតាមសម្តេច៖ ចៅក្រម និងមន្ត្រីតុលាការនឹងត្រូវបំពាក់ឧបករណ៍ការពារខ្លួនអំឡុងពេលដំណើរការសវនាការ។ មន្ទីរព្យាបាលនឹងត្រូវបានត្រៀមរួមស្រេច ប្រសិនបើជនល្មើសបានធ្វើតេស្តវិជ្ជមានកូវីដ-១៩ ប៉ុន្តែពួកគេត្រូវប្រឈមនឹងការកាត់ទោសដោយសារទង្វើរដែលពួកគេបានប្រព្រឹត្ត។

កម្ពុជាកំពុងប្រឈមនឹងស្ថានភាពកាន់តែអាក្រក់ទៅៗដោយសារជំងឺកូវីដ-១៩ លើកទី៣នេះ ត្រូវបានដាក់ឈ្មោះថាព្រឹត្តិការណ៍សហគមន៍ ២០ កុម្ភៈ ដែលផ្តើមឡើងដោយជនជាតិចិន ៤ នាក់ស្ថិតក្រោមការធ្វើចត្តាឡីស័ក ហើយបានរត់គេចចេញពីសណ្ឋាគា សុខា និងបានសូកប៉ាន់សន្តិសុខ ២ នាក់ផងដែរ។ បន្ទាប់ពីបានរត់ចេញហើយ ពួកគេបានស្នាក់នៅខុនដូជាច្រើនក្នុងរាជធានីភ្នំពេញ។

ចាប់តាំងពីពេលនោះមក សកម្មភាពដែលបំពានការធ្វើចត្តាឡីស័កចាប់ផ្តើមកើតមាន ហើយករណីវិជ្ជមានថ្មីបានកើនឡើងជារៀងរាល់ថ្ងៃ៕

The post សម្តេចតេជោ ហ៊ុន សែន បានបញ្ជាឲ្យលោក កើត រិទ្ធ ចាត់វិធានការណ៍កាត់ទោសអ្នកបំពានច្បាប់ appeared first on .

ការផ្ទុះព្រឹត្តិការណ៍ សហគមន៍ ២០កុម្ភៈ បណ្តាលឲ្យមានកំណើនអ្នកឆ្លងថ្មី និងចំនួនអ្នកស្លាប់កើនឡើងជារៀងរាល់ថ្ងៃ រាជរដ្ឋាភិបាលបានដាក់ចេញនូវវិធានការដ៏តឹងរឹងដើម្បីទប់ស្កាត់ការរីករាលដាលកូវីដ១៩។

នៅរសៀលថ្ងៃទី២៩ ខែមីនានេះ ដើម្បីចូលរួមទប់ស្កាត់កូវីដ១៩ រដ្ឋបាលខេត្តកណ្តាល បានចេញសេចក្តីជូនដំណឹងស្តីពីការអនុវត្តច្បាប់ស្ដីពីកាតព្វកិច្ចពាក់ម៉ាស និងកាតព្វកិច្ចរក្សាគម្លាតសុវត្តិភាព ក្នុងអំឡុងពេលនៃការឆ្លងរាលដាលជំងឺកូវីដ-១៩ ក្នុងសហគមន៍។

រាជរដ្ឋាភិបាលកម្ពុជា បានបង្កើតច្បាប់ថ្មី​ស្តីពី​វិធានការ​ទប់ស្កាត់​ការឆ្លងរាលដាល​នៃ​ជំងឺ​កូវីដ១៩​ និង​ជំងឺ​ឆ្លងកាចសាហាវ​និង​ប្រកប​ដោយ​គ្រោះថ្នាក់​ធ្ង​ន់ធ្ងរ​ផ្សេងទៀត​ត្រូវបាន​ប្រកាស់​ប្រើប្រាស់​ជាផ្លូវការហើយ ​ចាប់ពី​ថ្ងៃទី​១១មីនា​ឆ្នាំ២០២១​តទៅ។​

ច្បាប់ថ្មីនេះ​ត្រូវបាន​តាក់​តែង​ និង​អនុម័ត​ជាច្បាប់ប្រញាប់​ ដើម្បី​យកទៅ​អនុវត្ត​ប្រយុទ្ធ​ប្រឆាំង ​និង​ទប់ស្កាត់​ការឆ្លងរាលដាល​នៃ​ជំងឺ​កូវីដ១៩​។ ​ច្បាប់នេះ​ បានកំណត់​ពិន័យ​អ្នកបំពាន​វិធានការពារ​ជំងឺកូវីដ១៩​ពីចន្លោះ​១លាន​ដល់​២០លានរៀល​ និង​អាច​ត្រូវជាប់​ពន្ធនាគារ​ពី៦ខែ​រហូត​ដល់​២០ឆ្នាំ​ឯណោះ​៕

The post រដ្ឋបាលខេត្តកណ្តាល ជូនដំណឹងអនុវត្តច្បាប់ស្ដីពីកាតព្វកិច្ចពាក់ម៉ាស និងកាតព្វកិច្ចរក្សាគម្លាតសុវត្តិភាព appeared first on .