លោក ច្រឹក សុខនីម អគ្គនាយកក្រុមហ៊ុន Century 21 Mekongមើលឃើញថា ការកសាងស្ពានកោះនរា-កោះពេជ្រជាផ្នែកមួយសំខាន់ដើម្បីសម្រួលដល់ការដឹកជញ្ជូន ហើយដីនៅនៅគៀកនឹងស្ពានក្នុងតំបន់ជិតនិងផ្លូវនិងទទួលបាននូវផលវេជ្ជមានពីការអភិវឌ្ឍនៃគម្រោងសាងសង់ស្ពានមួយនេះ ហើយវត្តមានស្ពានថ្មីនេះជួយកាត់បន្ថយនៃការកកស្ទះចរាចរនៅត្រង់កន្លែងស្ពានអាកាសក្បាលថ្មល់បានមួយកម្រិតផងដែរ ។

លោក ច្រឹក សុខនីម មានប្រសាសន៍ថា ក្នុងពេលបច្ចុប្បន្ននេះ សម្រាប់ទស្សនៈវិស័យឬការអភិវឌ្ឍនៅក្នុងវិស័យអចលនទ្រព្យ ឱ្យរីកចម្រើនឬឱ្យដីនៅកោះនរាឡើងថ្លៃតែម្តង ខ្ញុំមើលទៅវាមិនទាន់ពេលនេះ តែនៅថ្ងៃអនាគតអាចនិងឡើងថ្លៃនៅពេលស្ថានភាពសេដ្ឋកិច្ចមានភាពល្អប្រសើរជាងពេលសព្វថ្ងៃនេះ។

លោកលើកឡើងថា ដីនៅកោះនរាបានឡើងថ្លៃរួចហើយទៅនៅពេលកន្លងមក កន្លែងខ្លះមួយការ៉េថ្លៃពី៨០០ទៅជាង១០០០ដុល្លារអាមេរិកនិងតំបន់ផ្សេងទៀតថ្លៃពី១៥០០ទៅដល់១៧០០ដុល្លារអាមេរិកក្នុងមួយម៉ែត្រការ៉េ ហើយបើមានស្ពានឆ្លងកាត់ថែមទៀត វារឹតតែល្អក្នុងការអភិវឌ្ឍ។

លោក ច្រឹក សុខនីម សង្កត់ធ្ងន់ថា “សម្រាប់ខ្ញុំ ដីនៅខាងកោះនរាវាអាចនឹងមានការឡើងថ្លៃតទៅទៀត បើយើងប្រៀបទៅនិងដីកោះពេជ្រថ្លៃពី៣០០០ទៅ៤០០០ដុល្លារអាមេរិកក្នុងមួយម៉ែត្រការ៉េ អីចឹងតម្លៃដីនៅកោះនរាវានៅក្រោមតម្លៃដីកោះពេជ្រពី២ទៅ៣ដង គ្រាន់តែស្ថានភាពសេដ្ឋកិច្ចបច្ចុប្បន្ននេះវាមិនទាន់អំណោយផលសម្រាប់ដីនៅកោះនរា តែសម្រាប់រយៈវែងប្រាកដជាតម្លៃដីកើនឡើងថ្លៃជាក់ជាមិនខាន”។

លោកបណ្ឌិត ហុង វណ្ណៈ អ្នកជំនាញសេដ្ឋកិច្ចនៃវិទ្យាស្ថានទំនាក់ទំនងអន្តរជាតិនៃរាជបណ្ឌិត្យសភាកម្ពុជាបានឱ្យដឹងថា ជាទូទៅកាលណាមានប្រព័ន្ធហេដ្ឋារចនាសម្ព័ន្ធថ្មីទំនើប តំបន់នោះរមែងទទួលបានការប្រែប្រួល ពិសេសតម្លៃដីធ្លីក៏ដូចជាការអភិវឌ្ឍន៍ផ្សេងៗនិងឡើងថ្លៃ។ក៏ប៉ុន្តែស្ថានភាពនៅពេលបច្ចុបច្ចប្បន្នដោយសារបញ្ហាសង្គ្រាមរុស្ស៊ី- អ៊ុយក្រែន ក៏ដូចជាសង្គ្រាមរវាង អ៊ីស្រាអែល-ប៉ាលីស្ទីន បានធ្វើឱ្យវិនិយោគិនបរទេសមួយចំនួននិងវិនិយោគិននៅក្នុងស្រុកនៅស្ងៀមសិន ។

លោកបណ្ឌិតមានប្រសាសន៍ “ខ្ញុំគិតថាតំបន់ដែលមានហេដ្ឋារចនាសម្ព័ន្ធថ្មី ពិសេសកោះនរា មានស្ពានសម្រាប់ឆ្លងកាត់ទៅវិញទៅមក ធ្វើឱ្យកោះនរា កាន់គៀកជាមួយទីក្រុងភ្នំពេញហើយប្រជាពលរដ្ឋធ្វើដំណើរកាន់តែមានភាពងាយស្រួល ហើយតម្លៃដីធ្លីនឹងហក់ឡើងពិតប្រាកដ ។ប៉ុន្តែចរន្តឬចលនានៃការទិញលក់ ខ្ញុំគិតថានៅមានកម្រិតនៅឡើយទេ ដោយសារពិភពលោកកំពុងជួបបញ្ហានៃការផ្ទុះសង្គ្រាមកើតឡើងជាបន្តបន្ទាប់”៕ សារេត

The post វត្តមានស្ពានកោះពេជ្រ-កោះនរា មិនទាន់អាចជំរុញឱ្យតម្លៃដីក្នុងតំបន់កោះនរាឡើងថ្លៃភ្លាមៗក្នុងរយៈពេលខ្លីបានទេ appeared first on .

លោក ឡៅ ទិព្វសីហា មន្ត្រីជាន់ខ្ពស់ក្រសួងរៀបចំដែនដីនគរូបីយកមុ្មនិងសំណង់ បានឱ្យដឹងថា សម្រាប់សំណង់អគារខ្ពស់ៗនៅទូទំាងប្រទេសកម្ពុជាចាប់ពី៥ជាន់ឡើងទៅមានចំនួន២៥៨៦អគារ នៅក្នុងនោះក្រុងភ្នំពេញមាន១៧១១អគារ, ខេត្តព្រះសីហនុមាន៩៩០អគារ,បន្ទាយមានជ័យមាន១៤២អគារ និងខេត្តផ្សេងទៀតមាន៤៣អគារ។ នេះគឺជាចំនួនមួយធំហើយយើងមានការសារទរចំពោះអគារខ្ពស់ៗនៅកម្ពុជា។

លោកគូសបញ្ជាក់ថា«នៅកម្ពុជាអគារដែលខ្ពស់បំផុតចាប់ពី៤០ជាន់ឡើងទៅមានចំនួន៥២អគារ»។

លោក ច្រឹក សុខនីម អគ្គនាយកក្រុមហ៊ុនCentury 21 Mekong បានឱ្យដឹងថា ការអភិវឌ្ឍវិស័យអចលនទ្រព្យទាមទាររយៈពេលពី៥ទៅ១០ឆ្នំា។នៅក្នុងការកសាងនិងការអភិវឌ្ឍអគារខ្ពស់ៗគឺតែងតែធ្វើបន្តរហូតមិនថាប្រទេសយើងជួបបញ្ហាជំងឺកូវីដ១៩ឬមិនជួបវិបត្តិនោះទេ វាអាស្រ័យទៅលើអ្នកវិនិយោគ បើសិនគាត់មានលទ្ធភាពទោះបីមាបបញ្ហាប្រឈមក៏គាត់នៅតែមានលទ្ធភាពសាងសង់ជាធម្មតា។

លោកសង្កត់ធ្ងន់ថា «ការកើនឡើងនៃអគារខ្ពស់ៗនៅកម្ពុជាវាបង្ហាញឱ្យឃើញពីសញ្ញានៃការរីកចម្រើននៅក្នុងវិស័យសំណង់ក្នុងពេលបច្ចុប្បន្ន ហើយត្រៀមទុកដើម្បីផលិតឬដើម្បីលក់នៅពេលអនាគតផងដែរ»។

ទន្ទឹមនិងការសាងសង់អគារខ្ពស់ៗនៅកម្ពុជាកើនឡើងបង្ហាញពីការរីកចម្រើននៅក្នុងវិស័យសំណង់ លោក ច្រឹក សុខនីម មានប្រសាសន៍ថា តម្រូវការក្នុងការប្រើប្រាស់អគារលំនៅឋាននាពេលបច្ចុប្បន្ននៅកម្ពុជាមិនទាន់មានលើសពីតម្រូវការនៅឡើយទេ។​​ ដូចនេះឱកាសនៅក្នុងការអភិវឌ្ឍវិស័យសំណង់និងអចលនទ្រព្យនៅតែមានសក្តានុពលធំ បើទោះជាបញ្ហាសព្វថ្ងៃដែលយើងឃើញមានស្ថានភាពប្រឈមខ្លះដែលបានកើតឡើងជាសកលមិនមែនតែកើនឡើងនៅក្នុងប្រទេសកម្ពុជាឬក្នុងតំបន់ទេ វាជាបញ្ហាប្រឈមនៃការដើរយឺតនៃសេដ្ឋកិច្ចសកលនៅ២ឬ៣ឆ្នំាចុងក្រោយបន្ទាប់ពីមានវិបត្តិជំងឺកូវីដ១៩។ ប៉ុន្តែនៅពេលស្ថានភាពនេះគាប់ប្រសើរមកវិញនោះវិស័យសំណង់និងអចលនទ្រព្យនឹងដើរតួនាទីយ៉ាងសំខាន់ដើម្បីទ្រទ្រង់ឬជួយអភិវឌ្ឍន៍វិស័យសេដ្ឋកិច្ចក្នុងប្រទេសក៏ដូចជានៅក្នុងតំបន់៕ អត្ថបទ៖សារេត

The post កម្ពុជាមានអគារខ្ពស់ៗរហូតដល់២៥៨៦អគារ បង្ហាញឱ្យឃើញពីការរីកចម្រើននៅក្នុងវិស័យសំណង់ appeared first on .

The post អ្នកជំនាញ៖ ការប្រែក្លាយស្រុកល្វាឯម ទៅជាក្រុង នឹងធ្វើឲ្យកាន់តែមានសញ្ញាវិជ្ជមាននៃការអភិវឌ្ឍ appeared first on .

ប្រធានសមាគមអ្នកវាយតម្លៃ និងភ្នាក់ងារអចលនវត្ថុកម្ពុជា បានណែនាំថា សម្រាប់អ្នកមានសាច់ប្រាក់ក្នុងដៃសមល្មម អាចពិចារណាវិនិយោគទិញដីជាយក្រុងភ្នំពេញ តាមតំបន់នានាស្របតាមផ្លូវក្រវាត់ក្រុងទី ៣ និងទី ៤។ ការវិនិយោគនៅទីនោះ ត្រឹមតែមួយរយៈ នឹងទទួលបានប្រាក់ចំណេញ។ លោកថា បើមានលទ្ធភាពកាន់តែល្អ អាចទិញដីនៅតំបន់ភ្នំពេញថ្មី ឬខណ្ឌសែនសុខក៏ចំណេញដូចគ្នា។ តម្លៃបច្ចុប្បន្នចន្លោះពី ៦០ម៉ីនដុល្លារ ទៅ ៧០ ម៉ីនដុល្លារ។

ដោយឡែក សម្រាប់អ្នកដែលមានដើមទុនតិច គួរងាកទៅមើលតំបន់តាមខេត្ត ដូចជាខេត្តកំពង់ស្ពឺ តាកែវ និងផ្នែកខ្លះនៃខេត្តព្រៃវែង ដើម្បីធ្វើការអភិវឌ្ឍរយៈពេលយូរ។

លោក ច្រឹក សុខនីម លើកទឹកចិត្តប្រសិនបើយើងប្រើប្រាស់ហិរញ្ញប្បទានចេញពីធនាគារ គួរតែវិនិយោគទៅលើផ្ទះ ឬខុនដូ ដោយសារតែផ្ទះ និងខុនដូ ទទួលបានលំហូរសាច់ប្រាក់ប្រចាំខែ បើទោះជាយើងមិនរស់នៅ ក៏អាចជួលឱ្យគេបាន និងមិនមានហានិភ័យ។ ការវិនិយោគលើខុនដូជួលបានថ្លៃ បើទោះជាតម្លៃខុនដូមិនងាយបានថ្លៃ តែលំហូរសាច់ប្រាក់គឺល្អ។

ដូចគ្នានេះដែរលោកស្រី អាន សុធីតា នាយិកាគ្រប់គ្រងក្រុមហ៊ុន PropNex បានប្រាប់កម្ពុជាថ្មី កាលពីពេលថ្មីៗនេះថា បើទោះជាបច្ចុប្បន្នវិស័យខុនដូ មិនទាន់រីកលូតលាស់ឡើងវិញក្តី ប៉ុន្តែយុវវ័យសព្វថ្ងៃកំពុងចាប់អារម្មណ៍ខ្លាំងក្នុងការរស់នៅតាមខុនដូ។

បើតាមលោកស្រី ខុនដូ ចែកចេញជាបីកម្រិត មានកម្រិតខ្ពស់ កម្រិតកណ្តាល និងកម្រិតសមរម្យ។ កម្រិតខ្ពស់នាពេលបច្ចុប្បន្នតម្លៃប្រហែល ៣០០០ដុល្លារក្នុង១ម៉ែត្រការ៉េ ឬមួយយូនីតតម្លៃចន្លោះពី ១០ទៅ ១២ម៉ឺនដុល្លារ។ ខុនដូ កម្រិតកណ្តាលតម្លៃប្រហែល ២២០០ដុល្លារ ១ម៉ែត្រការ៉េ ឬមួយយូនីតតម្លៃ ៧ម៉ឺនដុល្លារ។ ចំណែកខុនដូតម្រិតសមរម្យ តម្លៃមួយយូនីតប្រហាក់ប្រហែល ៥ម៉ឺនដុល្លារអាមេរិក៕

The post អ្នកជំនាញណែនាំ ៣ ជម្រើសសម្រាប់អ្នកចង់វិនិយោគលើវិស័យអចលនទ្រព្យ ក្រោយបើកប្រទេសឡើងវិញ appeared first on .

លោក ច្រឹក សុខនីម ប្រធានសមាគមអ្នកវាយតម្លៃ និងភ្នាក់ងារអចលនវត្ថុកម្ពុជា  បានឲ្យដឹងថា តម្រូវការទីផ្សារខុនដូតម្លៃសមរម្យក្នុងក្រុងភ្នំពេញ កំពុងតែមានការ​កើនឡើងសម្រាប់អតិថិជនជនជាតិខ្មែរ ។លោកថា មូលហេតុមួយចំនួន ដែលនាំ​ឲ្យទីផ្សារខុនដូតម្លៃសមរម្យផ្ទុះឡើងនេះ ក៏ដោយសារ បុរីថ្មីៗកាន់តែឆ្ងាយពីក្រុង ហើយមានតម្លៃខ្ពស់ទៅៗ និងការស្ទះចរាចរណ៍ ដោយសារប្រជាជនក្នុង​ក្រុងមាន​ការកើនឡើង។

ជាងនេះទៀត និន្នាការរបស់អតិថិជន ដែលទិញដីឆ្ងាយពីក្រុង ហើយកំពុងតែជួល​ផ្ទះនៅក្នុងទីក្រុងភ្នំពេញ នឹងងាកមកទិញខុនដូតំលៃសមរម្យវិញ ដោយហេតុ​ថាការទិញខុនដូមានភាពងាយស្រួល ក្នុងការបង់ប្រាក់ ដែលអាចឲ្យពួក​គាត់យក​លុយពី​ការជួលផ្ទះ រឺលុយពីការបង់រំលោះដី ដែលនៅជាយក្រុង ជំនួសដោយការ​ទិញខុនដូវិញ។

លើសពីនេះទៅទៀត ការទិញខុនដូ គឺជាការទិញផ្ទះរស់នៅតែម្តង អាចឲ្យគាត់មាន​ស្ថេរភាព និងផាសុកភាពសម្រាប់គ្រួសារ ជាពិសេសអាចបំ​ពេញភារកិច្ចក្នុងទីក្រុង​ភ្នំពេញបានយ៉ាងងាយស្រួល និងចំណេញពេលវេលា ហើយកូនៗអាច​មានឱកា​សក្នុងការចូលរៀនសាលាល្អៗក្នុងក្រុងភ្នំពេញ ដែលខ្លួនពេញចិត្តទៀតផង។ នេះជាការ​បញ្ជាក់បន្ថែម ពីលោក លោក ច្រឹក សុខនីម ប្រធានសមាគមអ្នកវាយតម្លៃ និងភ្នាក់​ងារអចលនវត្ថុកម្ពុជា៕ អត្ថបទ៖ សិរីកា

The post លោក ច្រឹក សុខនីម​៖ ទីផ្សារខុន​ដូ​​ត​​ម្លៃសមរម្យនៅ​​ភ្នំ​ពេញ កំពុង​ផ្ទុះ​ខ្លាំ​ង appeared first on .

ការលើកឡើងយ៉ាងដូច្នេះរបស់លោក ច្រឹក សុខនីម ធ្វើឡើងនៅព្រឹកថ្ងៃទី១៩ ខែកុម្ភៈ ឆ្នាំ២០២០ ក្នុងឱកាសអញ្ជើញចូលរួមជាវាគ្មិន ក្នុងសិក្ខាសាលា ស្តីពីការបណ្តុះ​បណ្តាល​ភាពជោគជ័យ សម្រាប់៣,៨០០នាក់ដំបូង ក្នុងវិស័យអចលនទ្រព្យរបស់ក្រុមហ៊ុន Century 21 ។

នាឱកាសនោះ ប្រធានសមាគមអ្នកវាយតម្លៃ និងភ្នាក់ងារអចលនវត្ថុកម្ពុជា លោក ច្រឹក សុខនីម បានលើក​ឡើងថា វីរុសកូរ៉ូណា ឬហៅថា COVID-19 បានជះផលតិច​តួចប៉ុណ្ណោះ លើវិស័យអចលទ្រព្យកម្ពុជា ហើយនឹងប្រសើរឡើងវិញ នៅក្នុងរយៈ​ពេលដ៏ខ្លីខាងមុខ នាពេលណាដែលអ្នកជំនាញអាចរកថ្នាំព្យាបាល និងគ្រប់គ្រងបាន។

លោកបានលើកឡើងយ៉ាងដូច្នេះថា «វិស័យអចលនទ្រព្យ នៅក្នុងដើមឆ្នាំ២០២០នេះ យើងឃើញថាមានភាពប្រឈមមួយចំនួន បាននិងកំពុងកើតឡើង នៅប្រទេសកម្ពុជា ក៏ដូចជាសកលលោក ជាពិសេសអ្នកដែលប្រកបរបរទទួលទាន នៅលើវិស័យ​អចលនទ្រព្យកម្ពុជា ហើយមកដល់មួយរយៈចុងក្រោយនេះ គឺមានភាពប្រឈម​ពាក់ព័ន្ធទៅនឹងជំងឺកូរ៉ូណា ដែលជាការប៉ះពាល់រយៈពេលខ្លីមួយ និងប៉ះពាល់​តិចតួចទៅលើវិស័យអចលនទ្រព្យកម្ពុជាផងដែរ»។

ជាមួយគ្នានេះ លោកបានអះអាងថា  បើទោះចិនជាប្រទេសដែលវិនិយោគនៅកម្ពុជា ច្រើនជាងគេក្តី ហើយខណៈ​ដែលកំពុងផ្ទុះវីរុសកូរ៉ូណា ឬហៅថា COVID-19 ក៏ដោយ ក៌លោកសង្កេតឃើញថា តម្លៃអចលនទ្រនៅក្នុងកម្ពុជានាពេលនេះ គឺស្ថិតនៅដដែល ពោលគឺមិនមានការឡើងថ្លៃ ហើយក៏មិនមានការចុះថ្លៃនោះដែរ។

ដោយឡែកពាក់ព័ន្ធនឹងឱកាសវិនិយោគ លើវិស័យអចលនទ្រព្យនាពេលនេះវិញ ប្រធានសមាគមអ្នកវាយតម្លៃ និងភ្នាក់ងារអចលនវត្ថុកម្ពុជារូបនេះ អះអាងថា បើចង់វិនិ​យោគនៅក្នុងកាលៈទេសៈនេះ មានតែការវិនិយោគរយៈពេលវែង គឺជាការវិនិ​យោគ​ដ៏ល្អ ព្រោះអាចមានឱកាសចំណេញប្រាក់ច្រើន នៅក្នុងពេលអនាគត ហើយជា​ឱកាសដែលមានការចរចាបានល្អ ប៉ុន្តែបើសិនជាទិញ ក្នុងរយៈពេលខ្លីត្រូវតែមានការប្រយ័ត្នប្រយែង៕ សិរីកា

The post លោក ច្រឹក សុខនីម​៖ តម្លៃ​អ​ច​ល​ន​​ទ្រព្យ កម្ពុជា ពុំមានការ​​ឡើង​​ថ្លៃ ឬចុះ​ថ្លៃ​ឡើ​យ(ទ្រឹង) appeared first on .

​លោក​ឧកញ៉ា ចេង ខេង អគ្គនាយកក្រុមហ៊ុន​អចលនទ្រព្យ ស៊ីភីអិល និងជា​​ប្រធាន​ក្រុមប្រឹក្សាភិបាល​សមាគម​អ្នកវាយតម្លៃ​និងភ្នាក់ងារ​អចលនវត្ថុកម្ពុជា បានថ្លែងថា រាល់​ការវិនិយោគ​លើ​វិស័យ​ដីធ្លី ដើម្បី​បញ្ចៀស​ហានិភ័យ​នោះ អ្នក​ត្រូវ​ធ្វើ​ការស្រាវជ្រាវ​ ​មុន​ពេល​អ្នក​វិនិយោគ​លើ​អចលនទ្រព្យ​ណាមួយ​អ្នក​នឹង​ត្រូវការ​ស្រាវជ្រាវ​យ៉ាង​ពេញលេញ​ពី​អចលនទ្រព្យ​និង​តំបន់​ជុំវិញ​ទាំង​ទីក្រុង​ក៏ដូចជា​តាម​បណ្តា​ខេត្ត​។​

​​​លោក​ឧកញ៉ា​បាន​ថ្លែង​ទៀត​ថា ការដឹង​ព័ត៌មាន​លម្អិត​អំពី​ទ្រព្យសម្បត្តិ​ទាំងអស់​នឹង​ជួយ​អ្នក​ក្នុង​ការ​សម្រេច​ថា​ តើ​វា​មានតម្លៃ​យ៉ាងណា​នៅពេល​បច្ចុប្បន្ន​នេះ តម្លៃ​អនាគត​រំពឹង​លើ​អ្វីខ្លះ ហើយ​អាច​ជួយ​បញ្ជាក់​ពី​គោលដៅ​វិនិយោគ​រយៈពេល​វែង​ផងដែរ​។​

​លើសពី​នេះ​ ឧកញ៉ា​បញ្ជាក់ថា បើ​មិន​ប្រា​កកដ​ត្រូវសុំ​ជំនួយ​ឬ​ប្រឹក្សា​យោបល់​ជាមួយ​អ្នកជំនាញ ទោះបីជា​អ្នកមាន​អារម្មណ៍​សុខ​ស្រួល​និង​សុ​វត្ថ​ភាព​ក្នុង​ការ​ធ្វើ​វិនិយោគ​ក៏ដោយ ព្រោះ​ជា​មធ្យោបាយ​ល្អ​ក្នុង​ការ​ជួយ​បញ្ជាក់​ពី​អ្នកឯកទេស ដើម្បី​ទទួល​បាន​ប្រសិទ្ធភាព​ក្នុង​ការ​វិនិយោគ​។​

​លោក​ប្រធាន​បន្ថែមទៀតថា សូម​ព្យាយាម​និយាយ​ជាមួយ​អ្នកជំនាញ​ទាំងនោះ មុនពេល​ធ្វើការ​វិនិយោគ​រ និង​ពិភាក្សា​ជាមួយ​ភ្នាក់ងារ​អចលនទ្រព្យ ដើម្បី​ស្វែងយល់​បន្ថែម​អំពី​តម្លៃ​នៃ​អចលនទ្រព្យ​នេះ និង​តម្លៃ​អចល​ទ្រព្យ​ជុំវិញ​ទីតាំង​ដែល​កំពុងតែ​វិនិយោគ​នោះ​។​

​សម្រាប់ វិស័យ​សំណង់​នៅក្នុង​ប្រទេស​កម្ពុជា​ត្រូវបាន​អ្នកជំនាញ​ចាត់ទុកថា នៅតែ​វិវត្តន៍​ល្អ​ទៅមុខ​ហើយ​គ្មាន​ឧបសគ្គ​រារាំង​ដល់​ការវិនិយោគ​នោះទេ ពោល អ្នកវិនិយោគ​និង​ក្រុមហ៊ុន​ជាច្រើន​កំពុងតែ​រកស៊ី​ជាធម្មតា​។​

​​​លោក ច្រឹក សុខនីម ប្រធានសមាគមអ្នកវាយតម្លៃ និងភ្នាក់ងារអចលនវត្ថុកម្ពុជា បាន​សម្តែង​នូវ​សុទិដ្ឋិនិយម​ថា បើ​គិត​មកដល់​ឆ្នាំ​២០២០​នេះ វិស័យ​អចលនទ្រព្យ​នៅ​កម្ពុជា​ហាក់ដូចជា​មិនមាន​អ្វី​ជា​បញ្ហា​ដែល​គួរ​ឲ្យ​ព្រួយ​បារ​ម្មណ៍​នោះទេ ហើយ​ទីផ្សារ​ទាំងមូល​គ្រាន់តែ​ថមថយ​បន្តិច​ទាក់ទង និង​គម្រោង​ថ្មីៗ ប៉ុន្តែ​បញ្ហា​នេះ​ដោយសារតែ​អ្នកទិញ​សម្រាប់​រស់នៅ​ចង់បាន​របស់​អ្វីដែល​មានតម្លៃ​សមរម្យ​។​

​អ្នកវិនិយោគ​ខាងលើ​មានជំនឿថា ក្នុង​រយៈពេល​នេះ​លំហូរ​វិនិយោគ​លើ​វិស័យ​សំណង់​កម្ពុជា​នៅតែមាន​ភាពរឹងមាំ ហើយ​ក្នុងនោះ​ប្រទេស​ចិន​បាន​នាំមុខគេ​ក្នុងការ​វិនិយោគ និង​ក្រៅពីនេះ មាន កូរ៉េ ថៃ និង​ជប៉ុន ក៏ដូចជា​បណ្តា​ប្រទេស​ផ្សេងៗ​ទៀត​។​

​លោក​បាន​បន្ថែមថា សម្រាប់​ទីផ្សារ​ខុន​ដូ ផ្ទះល្វែង​និង​ដីធ្លី​នៅតែមាន​សន្ទុះ​កើនឡើង​នៅឡើយ ហើយ​កត្តា​ដែល​ជំរុញ​ឲ្យ​ទីផ្សារ​នេះ​ល្អ​ដោយសារតែ​ស្ថានភាព​នយោបាយ និង​សេដ្ឋកិច្ច​ល្អ​ទើប​ធ្វើ​ឲ្យ​វិស័យនេះ​បន្ត​រឹ​មាំ​របស់ខ្លួន​៕ អត្ថបទ៖ សិរីកា

The post អ្នកជំនួញអចលនទ្រព្យ ប្រាប់​ពី​​គ​​ន្លឹះជួយស​​ហគ្រិន​បញ្ចៀស​​ហានិ​​ភ័យ​​​លើវិស័យដីធ្លី appeared first on .

លោក​ ច្រឹក​ សុ​ខនីម​ ប្រធាន​សមាគម​អ្នក​វាយតម្លៃ​ និង​ភ្នាក់ងារ​អចលនវត្ថុ​កម្ពុជា ​ ​មើលឃើញថា តម្លៃអចលនទ្រព្យនឹង​បន្ត​ឡើងថ្លៃ​ពី ​១០​% ទៅ ១៥​% ប្រចាំឆ្នាំ ដោយផ្នែកលើ​ ក​ត្តា​ចំនួន ៣ ​ ក្នុងនោះរួមមាន វិស័យ​លំនៅដា្ឋន វិស័យ​ដីធ្លី​ និង​ប្រតិបត្តិការ​ទិញ​ និងជួល​ដែលនឹងបន្តមានដំណើរការយ៉ាងសកម្មនៅពេលអនាគត។

ទន្ទឹមនឹងការលើកឡើងនេះ ប្រធានសមាគមអ្នកវាយតម្លៃ និងភ្នាក់ងារអច​លនវត្ថុកម្ពុជា​រូប​នេះ ក៏បានបញ្ជាក់ថា សម្រាប់អ្នកវិនិយោគ មុននឹងធ្វើការវិនិយោគលើវិស័យ​អចលន​ទ្រព្យ គឺចាំបាច់ត្រូវមើលទៅលើ៤ចំណុចរួមមាន៖ ទី១៖ ព័ត៌មានអំពីទីតាំងដែលត្រូវ​វិនិយោគឲ្យបានច្បាស់លាស់ ទី២៖ សិក្សាឲ្យបានច្បាស់លើប្លង់មេរបស់រាជរដ្ឋាភិបាល ឬក៏ផែនការរបស់សាលាក្រុង, ទី៣៖ វិភាគលើធម្មជាតិ តើតំបន់នោះបើមិនទាន់មាន​ការអភិវឌ្ឍទៅ តើតំបន់នោះធម្មជាតិ អាចអំណោយផលដល់ការវិនិយោគ​លើវិស័យ​អចលន​ទ្រព្យដែល​ឬទេ? និងទី៤៖ មើលលើទុនវិនិយោគ ដែលនឹងត្រូវវិនិ​យោគ​នៅតំបន់នោះ តើវាសាកសមដែលឬទេ?។

យ៉ាងណា លោកប្រធានសមាគម បានអះអាងថា បើសិនជាអ្នកវិនិយោគដឹងមុន និង​ច្បាស់​លាស់​ពីចំនុចទាំង៤ខាងលើនេះ ពិសេសត្រូវច្បាស់ទីតាំង ឬតំបន់ដែលចង់​វិនិយោគ ដើម្បីការពារនូវហានិភ័យ ពិសេសជៀសវាងលើការចំណាយ​ប្រាក់លើការ​វិនិយោគអចលនទ្រព្យខុសគោលដៅ ហើយខាត​បង់ថែមទៀត៕ អត្ថបទ៖សិរីកា

The post អ្នកជំ​នាញ៖ គួរ​យល់​ដឹង ៤​ចំ​​ណុ​ច​នេះ មុននឹងសម្រេច​ចិត្តវិនិយោគ​វិ​ស័​យ​​អច​លន​ទ្រព្យ appeared first on .

លោក ច្រឹក សុខនីម សមាគមនអ្នកវាយតម្លៃ និងភ្នាក់ងារអចលនវត្ថុកម្ពុ បានឲ្យដឹងថា នៅដើមឆ្នាំ២០២០នេះ ចន្លោះពីខែ មករា ដល់ខែកុម្ភៈ ពុំទាន់មានការ​ទិញ-លក់ដីធ្លីច្រើន​នៅឡើយ ប៉ុន្ដែបើទោះជាដូច្នេះក្តី ក៏មិនមែនមានន័យថា មានឧបសគ្គនោះឡើយ។

លោកពន្យល់ដូច្នេះថា «ខ្ញុំនៅតែមានគំនិតវិជ្ជាមានថា ឆ្នាំ២០២០ កំណើនសេដ្ឋកិច្ច និងកំណើនអចលនទ្រព្យនៅកម្ពុជា នៅតែបន្ដរីកចម្រើនក្នុងចន្លោះ១៥ភាគរយ បើធៀបនឹងឆ្នាំមុនៗ ដោយសារតែកម្ពុជានៅតែរក្សាភាពរឹងមាំ ក្នុងវិស័យអចលន​ទ្រព្យ។ កត្តាដែលជំរុញឲ្យវិស័យអចលនទ្រព្យ នៅឆ្នាំ២០២០ បន្ដរឹងមាំ គឺអាស្រ័យ​លើកត្តាខុដូ ដោយបច្ចុប្បន្ននេះកំណើនខុនដូ មានការកើនឡើង, កំណើននៃបុរី, ផ្ទះល្វែងក៏មានច្រើនឡើង ប៉ុន្ដែបើប្រៀបធៀបចំនួនផ្ទះ និងចំនួនប្រជាជនក៏នៅ​តែមានការខ្វះខាតច្រើនដែរ ហើយការផលិតមិនទាន់គ្រប់គ្រាន់ ដូច្នេះទើបធ្វើឲ្យវិ​ស័យអចលនទ្រព្យបន្ដកើនឡើង»។

កត្តាមួយទៀត គឺភាពរីកចម្រើននៅកម្ពុជា ដែលធ្វើឲ្យជីវភាព និងលទ្ធភាពរបស់ប្រជា​ជន មានការកើនឡើង ហើយក៏មានការចូលមកវិនិយោគពីវិនិយោគិន តាមបណ្ដាប្រ​ទេស​ផ្សេងៗ។ ការចូលមកវិនិយោគរបស់វិនិយោគិនបរទេស គឺដោយសារយើង​បានភ្ជាប់ប្រទេសកម្ពុជា ជាប្រទេសក្នុងតំបន់អាស៊ាន, ភ្ជាប់កម្ពុជាទៅក្នុងសកល ដូច្នេះបានជាវិនិយោគិនសម្លឹងពីឱកាសវិនិយោគ និងសម្រុកចូលមកវិនិយោគ​នៅ​កម្ពុជា។ នេះជាការបន្ថែមរបស់លោក ច្រឹក សុខនីម។

លោកបានបន្ដទៀតថា «ប្រទេសកម្ពុជា អ្នកជំនាញវិស័យអចលនទ្រព្យ គេបានវាយ​តម្លៃថា ជាប្រទេស ដែលមានភាពទាក់ទាញបំផុត ពិសេសវិស័យអចលនទ្រព្យទេស​ចរណ៍ និងវិស័យអចលនទ្រព្យកសិកម្ម»។

ជាមួយគ្នានេះ លោក ច្រឹក សុខនីម ក៏បានមើលឃើញពីការកត្តាសន្ដិភាពផងដែរ ដែលបានជួយរុញច្រានវិស័យអចលនទ្រព្យកម្ពុជា កាន់តែរីកចម្រើន។ លោកថា ប្រសិនបើមិនមានសន្ដិភាពទេ យើងនឹងមិនអាចរត់ឆ្ពោះទៅរកភាពរីក​ចម្រើនបាន​ឡើយ៕ អត្ថបទ៖ សិរិកា

The post អ្នក​ជំនា​ញ៖ វិស័យ​អច​លន​​ទ្រ​ព្យ​ក​ម្ពុជា​​ ​នឹងមាន​កំណើន​​ក្នុងរង្វង់​​១៥​​% ឆ្នាំ​​២០​​២០ appeared first on .