ឆាយ វីរៈយុទ្ធ

តារាចម្រៀង ឆាយ វីរៈយុទ្ធ ឧបត្ថម្ភអង្ករ២តោន ជូនលោក ហេង ឡុង ដើម្បីជួយសម្រួលជីវភាពអ្នកសិល្បៈដែលខ្វះខាតអំឡុងជំងឺកូវីដ-១៩

ឧកញ៉ាកោះក្របី — Wed, 24 Mar 2021 16:30:59 +0000

តារាចម្រៀងលោក ឆាយ វីរ:យុទ្ធ បានឧបត្ថម្ភអង្ករចំនួន ២តោន ដើម្បីចូលរួមចំណែកជួយសម្រួលដល់ការលំបាកមួយគ្រាចំពោះតារាសិល្បៈដែលកំពុងជួបបញ្ហាឬជីវភាពខ្វះខាតអំឡុងពេលជំងឺកូវីដ-១៩។ នេះបើតាមការបញ្ជាក់ពីលោក ហេង ឡុង ប្រធានសមាគមមិត្តសិល្បៈស្ម័គ្រ ចិត្តជួយសង្គម។

លោក ហេង ឡុងប្រធានសមាគមមិត្តសិល្បៈស្ម័គ្រ ចិត្តជួយសង្គមបានលើកឡើងនៅព្រលប់ថ្ងៃទី២៤ ខែមីនា នេះថាដំណឹងល្អសម្រាប់សិល្បករ-សិល្បការិនីដែលមានជីវភាពខ្វះខាតកំឡុងពេលដែលបាត់បង់ប្រាក់ចំណូលក្នុងសម័យកូវីដ-១៩។

លោកបន្តថា តារាចម្រៀង ឆាយ វីរៈយុទ្ធ និងគ្រួសារ ជាម្ចាស់អង្ករម៉ាក “ស្ដេចអង្ករ” ផលិតដោយរោងម៉ា ស៊ីនកិនស្រូវហាក់សែបានឧបត្ថមអង្ករចំនួន២តោ នជួយសម្រួលជីវភាពសិល្បករ-សិល្បការិនីខណៈជំងឺកូវីដ-១៩កំពុងរាតត្បាត។

ប្រធានសមាគមមិត្តសិល្ប:ស្ម័គ្រចិត្តជួយសង្គមរូបនេះបានបន្ថែមថា សូមទេវតាតាមថែរក្សាលោក និងក្រុមគ្រួសារឲ្យជួបតែសុខភាពល្អនិងជោគជ័យគ្រប់ភារកិច្ច៕

The post តារាចម្រៀង ឆាយ វីរៈយុទ្ធ ឧបត្ថម្ភអង្ករ២តោន ជូនលោក ហេង ឡុង ដើម្បីជួយសម្រួលជីវភាពអ្នកសិល្បៈដែលខ្វះខាតអំឡុងជំងឺកូវីដ-១៩ appeared first on .

ប្លែកអារម្មណ៍បទចម្រៀងថ្មីរបស់ ឆាយ វីរៈយុទ្ធ មួយបទនេះអ្នកនិពន្ធរួមគ្នាធ្វើរហូតដល់ទៅ៣នាក់

កូនចៅឧកញ៉ា — Thu, 01 Oct 2020 08:55:01 +0000

កំពូលតារាចម្រៀង លោក ឆាយ វីរៈយុទ្ធ បានបញ្ចេញបទថ្មីមួយបទទៀតហើយ ដែលមានចំណងជើងថា «ស្រឡាញ់គេជារឿងអូន ស្រឡាញ់អូនជារឿងបង» ដែលបទចម្រៀងកំពុងតែផ្ទុះ និងចាក់ដោតបេះដូងយុវវ័យមួយបទនេះ មានការចូលរួមផលិត ដោយអ្នកនិពន្ធរួមគ្នាធ្វើរហូតដល់ទៅ៣នាក់ឯណោះ។

តាមការបង្ហាញបទ«ស្រឡាញ់គេជារឿងអូន ស្រឡាញ់អូនជារឿងបង» និពន្ធរបៀបច្រៀង ដោយអ្នកនាង សែ ចាន់ឌី ដែលជា ភរិយារបស់លោក និពន្ធទំនុកច្រៀង ដោយ Memories និងអ្នកនិពន្ធបទភ្លេងម្នាក់ទៀត ។ អ្វីដែលជាការចាប់អារម្មណ៍នោះ ជាធម្មតាបទចម្រៀង១បទ ធ្វើឡើងត្រឹមតែអ្នកនិពន្ធ២នាក់ឬ អ្នកម្នាក់ទេ គឺអ្នកនិពន្ធទំនុកច្រៀង និង អ្នកនិពន្ធមេឡូឌីច្រៀងម្នាក់ និងអ្នកនិពន្ធបទភ្លេងម្នាក់ទៀត ប៉ុន្តែសម្រាប់បទចម្រៀង១បទនេះ និពន្ធរហូតដល់ទៅ៣នាក់ឯណោះ ទម្រាំផលិតមកសម្រាប់បម្រើអារម្មណ៍ជូនទស្សនិកជន។

បទ«ស្រឡាញ់គេជារឿងអូន ស្រឡាញ់អូនជារឿងបង»បានបង្កប់អត្ថន័យស្នេហា របស់បុរសម្នាក់ស្រឡាញ់គេតែម្ខាង ទោះបីឈឺចាប់យ៉ាងណាក៏ទ្រាំឲ្យតែបានក្បែរកាយពេលគេត្រូវការ រឺមើលគេពីចំងាយក៏សប្បាយចិត្តដែរ។ ជាមួយនឹងសំនៀងរបស់ លោក ឆាយ វីរៈយុទ្ធ បង្កប់នៅអត្ថន័យនៃឈឺចាប់នោះ វាពិតដាស់អារម្មណ ប្លែកមួយ ដល់ប្រិយមិត្ត ដែលបានស្ដាប់បទចម្រៀងនេះ។

ជាការកត់សម្គាល់ អ្នកនៅក្នុងមជ្ឈដ្ឋានសិល្បៈចម្រៀង បើនិយាយពី គូស្នេហ៍របស់លោក ឆាយ វីរៈយុទ្ធ គឺដឹងថា ភរិយារបស់លោកជា អ្នកនិពន្ធមួយរូបផងដែរ ដោយអ្នកនាង ធ្លាប់និពន្ធបទចម្រៀងឲ្យតារាចម្រៀងក្នុងផលិតកម្មសាន់ដេររូបនេះ តាំងតែ មិនទាន់រៀបការជាមួយគ្នាមកម្ល៉េះ។

ចង់ដឹងថា បទនេះពីរោះកម្រិតណា សូមប្រិយមិត្តទស្សនា និងស្តាប់ចម្រៀងខាងក្រោមនេះទាំងអស់គ្នា៖

The post ប្លែកអារម្មណ៍បទចម្រៀងថ្មីរបស់ ឆាយ វីរៈយុទ្ធ មួយបទនេះអ្នកនិពន្ធរួមគ្នាធ្វើរហូតដល់ទៅ៣នាក់ appeared first on .

ឆាយ វីរៈយុទ្ធ បោះទុនជិត៣លានដុល្លារ ជាមួយឧកញ៉ាវ័យក្មេងម្នាក់

កូនចៅឧកញ៉ា — Sat, 11 Jan 2020 08:54:57 +0000

បន្ទាប់ពីមានទំនាក់ទំនងជាមួយលោកឧកញ៉ា ម៉េន កានី កាន់តែជិតស្និទ្ធ តារាចម្រៀងលោក ឆាយ វីរៈយុទ្ធ គេមើលឃើញថា អ្នកទាំងពីរបានបោះទុនរកស៊ីជាគ្នាកាន់តែច្រើនកន្លែងឡើងៗហើយ នៅព្រឹកព្រឹកថ្ងៃទី១១ មករា ២០២០ តារាចម្រៀងល្បីឈ្មោះរូបនេះ បានបោះទុនវិនិយោគប្រមាណ២លាន៦សែនដុល្លារទៀត លើគម្រោងគម្រោងលំនៅឋាន GM ឆាយ វីរៈយុទ្ធ Style Mini Villa ជាមួយលោកឧកញ៉ា ដែលធ្វើឲ្យមហាជនផ្ទុះការកោតសរសើរថា ជោគជ័យទាំងសិល្បៈ និងមុខជំនួញ។

នៅពេលផ្តើមនិយាយដល់ការបោះទុនវិនិយោគដ៏គួរឲ្យភ្ញាក់ផ្អើលនេះ បានធ្វើមហាជនងឿងឆ្ងល់មិនតិចទេថា តើតារារូបនេះបោះទុនរកស៊ីអ្វីបានជាប្រើដើមទុនធំសម្បើមម្លេះ? ប៉ុន្តែយ៉ាងណាចម្ងល់នេះត្រូវបានបកស្រាយនៅព្រឹកថ្ងៃទី១១ មករា ២០២០ ដោយតារារូបនេះបានប្រើដើមទុនវិនិយោគលើគម្រោងលំនៅឋាន GM ឆាយ វីរៈយុទ្ធ Style Mini Villa ដែលមានទីតាំងនៅភូមិថ្នល់បន្ទាយ សង្កាត់ពន្សាំង ខណ្ឌព្រែកព្នៅ រាជធានីភ្នំពេញ។ ចំពោះព័ត៌មាននៃការបោះទុនដ៏ធំសម្បើមនាដើមឆ្នាំ២០២០នេះ លោក ឆាយ វីរៈយុទ្ធ បានឲ្យដឹងថា តាមពិតទៅគម្រោងវិនិយោគនេះពិតជាចំណាយជិត៣លានដុល្លារមែន ប៉ុន្តែជាការចាប់ដៃគ្នាវិនិយោគរវាងរូបលោក និងលោកឧកញ៉ា ម៉េន កានី ដោយរូបលោកផ្ទាល់មានទុន២៥ភាគរយ រីឯលោកឧកញ៉ា ម៉េន កានី មានដើមទុនធំរហូត៧៥ភាគរយ។

លោកឧកញ៉ា មេន កានី ប្រធានក្រុមហ៊ុន ជី អឹម ត្រេឌីង ក៏បានបញ្ជាក់ផងដែរថា រូបលោកពិតជាជឿជាក់ចំពោះការវិនិយោគរួមគ្នាជាមួយនឹងលោក ឆាយ វីរៈយុទ្ធ ហើយគិតថា គម្រោង Style Mini Villa GM Residence Baseth នឹងទទួលបានជោគជ័យខ្ពស់ ដោយសារគម្រោងស្ថិតនៅលើទីតាំងល្អ ហើយប្រកបដោយសោភ័ណ្ឌភាពខ្ពស់។

នេះមិនមែនជាទំនួញទី១ដែល តារាចម្រៀងលោក ឆាយ វីរៈយុទ្ធ និងលោកឧកញ៉ា មេន កានី រកស៊ីជាមួយគ្នាឡើយ កាលពីពេលកន្លងទៅអ្នកទាំងពីរបានបោះទុនរកស៊ីជាមួយគ្នា លើគម្រោងដីឡូតិ៍ ក្នុងទឹកដីខេត្តព្រះសីហនុ ក្នុងទំហំទឹកប្រាក់ប្រមាណជាង ២លានដុល្លារ ផងដែរ ដោយទទួលបានភាពជោគជ័យជាខ្លាំង៕

The post ឆាយ វីរៈយុទ្ធ បោះទុនជិត៣លានដុល្លារ ជាមួយឧកញ៉ាវ័យក្មេងម្នាក់ appeared first on .

បង្ហាញមុខ ឧកញ៉ាវ័យក្មេងម្នាក់ចំណាយប្រាក់ផលិតបទចម្រៀងថ្មី ឲ្យ ឆាយ ឆាយ វីរ:យុទ្ធ

កូនចៅឧកញ៉ា — Tue, 07 Jan 2020 01:51:31 +0000

បទ “រំលឹករឿងចាស់ចង់តែយំ” ដែលជាបទបទចំរៀងថ្មីរបស់លោកឆាយ វីរ:យុទ្ធ ត្រូវបានឧកញ៉ាម្នាក់រ៉ាប់រងចំណាយទាំងស្រុង ដោយបទចម្រៀងនោះទើបតែផលិតរួចរាល់កាលពីពេលថ្មីៗនេះ។

បទ “រំលឹករឿងចាស់ចង់តែយំ” ត្រូវបានផុសនថ្ងៃនេះ មានហ្វេនជាច្រើននាំគ្នា like share និង commentជាច្រើន ព្រោះភាគច្រើនត្រូវរឿងរបស់ពួកគេ។ បទចំរៀងដ៏មានអត្ថន័យនេះ បានចាក់ដោត ស្តាប់ហើយស្ទើរខ្ទេចខ្ទាំបេះដូង ថ្លើមប្រមាត់ ព្រោះតែមនុស្សដែលខ្លួនស្រលាញ់ ទុកយើងត្រឹមជាកាំជណ្តើរ។ អ្វីដែលពិសេស ព្រោះតែស្រលាញ់បទនេះពេក មានបុរសម្នាក់ដែលគេស្គាល់មានងារជាឧកញ៉ាផងនោះរ៉ាប់រងចំណាយទាំងស្រុង ក្នុងការផលិតបទចម្រៀងនោះឡើង។

លោក ឆាយ វិរៈយុទ្ធ បានឲ្យដឹងថា លោកឧកញ៉ា ដែលបានចំណាយប្រាក់ក្នុងការជួយផលិតបទចម្រៀងរបស់លោកមានឈ្មោះថា ឧកញ៉ា ម៉េន កានី Oknha GANY MEN. GM ជាអ្នកជំនួញអចលនទ្រព្យម្នាក់ ដែលបានស្រលាញ់រាប់អាន នឹងបានថែមទាំងបានបោះទុនរកស៊ីជាមួយលោក លើមុខជំនួញជាច្រើនកន្លងមក។

ក្រៅពីជាដៃគូពាណិជ្ជកម្មជាមួយគ្នា លោក ឆាយ វិរៈយុទ្ធ ប្រាប់ថា លោកឧកញ៉ា គឺជាFans ម្នាក់ដែលពេញចិត្តសំលេងរបស់លោកតាំងពីយូរយារមកហើយ។ទទឹមគ្នានោះដែរ ដោយសារតែមានទំនាក់ទំនងនេះហើយបានឈានឲ្យអ្នកទាំងពីរស្គាល់គ្នា ហើយបានបោះទុនរកស៊ីជាមួយគ្នា ជាបន្តបន្ទាប់បែបនេះ។

តារាចម្រៀងល្បីឈ្មោះខាងលើ បានលើកឡៀងទៀតថា ជាជំហានដំបូង លោក ឧកញ៉ា ម៉េន កានីចំណាយយថវិកាទាំងស្រុង លើការផលិតបទចម្រៀងថ្មី មាន ទំនុកច្រៀង មេឡូឌី នឹង ទំនុកភ្លេង ហើយអាចនឹងឈានទៅរកការផលិតខារាអូខេក្នុងពេលឆាប់ៗខាងមុខនេះថែំទៀតផង។

ចង់ដឹងបទ “រំលឹករឿងចាស់ចង់តែយំ” របស់លោក ឆាយ វិរៈយុទ្ធ ដែលនាំឲ្យលោកឧកញ៉ាចំណាយប្រាក់ជួយផលិតឡើងមានអត្ថន័យបែបណាតោះ!ប្រិយមិត្តស្ដាប់ទាំងអស់គ្នា៖

https://www.facebook.com/SUNDAY.PRODUCTION.SD/videos/822619358237692/

The post បង្ហាញមុខ ឧកញ៉ាវ័យក្មេងម្នាក់ចំណាយប្រាក់ផលិតបទចម្រៀងថ្មី ឲ្យ ឆាយ ឆាយ វីរ:យុទ្ធ appeared first on .

រំភើបពេក Fan នារីម្នាក់ គ្រាន់តែចាប់ដៃលោក ឆាយ វីរ:យុទ្ធ ភ្លាម យំហ៊ូរតែម្ដង

កូនចៅឧកញ៉ា — Mon, 23 Dec 2019 00:52:45 +0000

តារាចម្រៀងសាន់ដេ លោក ឆាយ វីរៈយុទ្ធ ថ្មីៗនេះ បានធ្វើឲ្យអ្នកគាំទ្រលោកម្នាក់រំភើបដល់ថ្នាក់ស្រក់ទឹកភ្នែក ក្រោយពីអ្នកគាំទ្ររូបនោះ បានជួបលោកផ្ទាល់លើកដំបូងបំផុតចាប់តាំងពីគេបានដាក់ចិត្តស្រឡាញ់ និងគាំទ្រ idol រូបនេះផង។

ទិដ្ឋភាពនេះ តាមព័ត៌មាន គឺបានកើតឡើងនៅខេត្តកំពត កាលពីថ្ងៃទី១៨ ខែធ្នូ ឆ្នាំ២០១៩ កន្លងទៅថ្មីៗ។ វេលានោះ លោក ឆាយ វីរ:យុទ្ធបាន និងកំពុងសម្ដែងនៅលើឆាកតន្ត្រីមួយនាស្រុកអង្គរជ័យ ខណះពេលនោះដែរមានfanជាច្រើនបានចូលមកសម្ដែងការគាំទ្រយ៉ាងច្រើនកុះករ ពេលលោកកំពុងច្រៀងចប់បទ “ទឹកលុយសម្លាប់ទឹកចិត្តខ្ញុំហើយ”។

https://www.facebook.com/ChhayVirakyuthOfficial/videos/1149319115272392/

ក្នុងចំណោមនោះ គេឃើញមានfanនារីម្នាក់បាន ប្រជ្រៀតមកចាប់ដៃលោកដោយផ្ទាល់ យ៉ាងជាប់ សម្ដែងការរំភើបរហូតដល់ស្រក់ទឹកភ្នែក ព្រោះស្រលាញ់គាំទ្រលោកខ្លាំងពេក ពិសេសគឺបទចម្រៀងខាងលើតែម្ដង។ នារីអ្នកគាំទ្រវ័យក្មេងរូបនោះ បាននិយាយឲ្យដឹងថា រាល់ពេលនាងទស្សនា និងស្ដាប់បទចម្រៀង “ទឹកលុយសម្លាប់ទឹកចិត្តខ្ញុំ” ពេលណា គឺនាងយំរហូត។ប៉ុន្តែភ្លាមៗ នាងមិនបានបង្ហើបថា ដោយសារមូលហេតុអ្វីឡើយ។

ដោយឡែកនៅវេលានោះ នារីរូបនេះ យំជាថ្មីក្រោយពីបានស្ដាប់បទចម្រៀងខាងលើជាថ្មី និងបានទស្សនាការច្រៀងរបស់លោក ឆាយ វីរៈយុទ្ធដោយផ្ទាល់។ រឿងដែលមិននឹកស្មាននោះ គឺថានាងមិនដែលសង្ឃឹមថា ថ្ងៃណាមួយ បានជួបម្ចាស់បទដោយផ្ទាល់បែបនេះទេ។ ដូច្នេះហើយ ទឹកភ្នែកក៏ហូរមក ជំរុញដោយក្ដីរំភើប។

ងាកមក លោក ឆាយ វីរ:យុទ្ធ វិញ មិនបានតបអ្វីច្រើនចំពោះទឹកចិត្តស្រឡាញ់ទេ ព្រោះនៅលើឆាក។ ប៉ុន្តែលោកក៏បានសំដែងការអរគុណចំពោះការគាំទ្រមួយនេះចំពោះរូបលោក។ វិលមក ក្នុងសាររបស់ទស្សនិកជន គេឃើញថា មានទស្សនិកជាច្រើនទៀត សរសើរពីតារាចម្រៀងល្បីរូបនេះដែរ ហើយពួកគេលើកឡើងថា បើសិនជាពួកគេវិញដែលជាអ្នកគាំទ្រតារាចម្រៀងសាន់ដេ ដូចគ្នានោះ ក៏ប្រហែលរំភើបខ្លាំងដល់ថ្នាក់ស្រក់ទឹកភ្នែកដែរក៏មិនដឹងទេ ប្រសិនបើបានជួបផ្ទាល់ដូចនេះ៕

The post រំភើបពេក Fan នារីម្នាក់ គ្រាន់តែចាប់ដៃលោក ឆាយ វីរ:យុទ្ធ ភ្លាម យំហ៊ូរតែម្ដង appeared first on .

ឆាយ វីរៈយុទ្ធ

ឆាយ វីរៈយុទ្ធ បោះ​ទុន​ជិត​៣លានដុល្លារ ជា​មួយ​ឧកញ៉ា​វ័យ​ក្មេង​ម្នាក់

បង្ហាញ​មុខ ឧកញ៉ា​​វ័យ​ក្មេង​ម្នាក់​ចំណាយ​ប្រាក់ផលិត​បទ​ចម្រៀង​ថ្មី ឲ្យ ឆាយ ឆាយ វីរ:យុទ្ធ

រំភើប​ពេក Fan នារី​ម្នាក់ គ្រាន់​តែ​ចាប់​ដៃ​លោក ឆាយ វីរ:យុទ្ធ ភ្លាម យំ​ហ៊ូរ​តែ​ម្ដង​

ឆាយ វីរៈយុទ្ធ បោះទុនជិត៣លានដុល្លារ ជាមួយឧកញ៉ាវ័យក្មេងម្នាក់

បង្ហាញមុខ ឧកញ៉ាវ័យក្មេងម្នាក់ចំណាយប្រាក់ផលិតបទចម្រៀងថ្មី ឲ្យ ឆាយ ឆាយ វីរ:យុទ្ធ

រំភើបពេក Fan នារីម្នាក់ គ្រាន់តែចាប់ដៃលោក ឆាយ វីរ:យុទ្ធ ភ្លាម យំហ៊ូរតែម្ដង