ឯកឧត្តមកិត្តិសង្គហបណ្ឌិត គន់ គីម អគ្គលេខាធិការសមាគមអតីតយុទ្ធជនកម្ពុជា បានចាត់ទុកការឧបត្ថម្ភគាំទ្ររបស់សប្បុរសជនពេលនេះ ជាចលនាមហាសមានចិត្តដឹងគុណបំណាច់ជ្រាលជ្រៅ ចំពោះអតីតយុទ្ធជន ដែលបានធ្វើពលិកម្មដ៏មហិមាក្នុងបុព្វហេតុជាតិមាតុភូមិ។ ឯកឧត្តមកិត្តិសង្គហបណ្ឌិត បានអំពាវនាវដល់សប្បុរសជនបន្តចូលរួមឧបត្ថម្ភថវិកាគាំទ្រដល់សមាគមអតីតយុទ្ធជនកម្ពុជាបន្ថែមទៀត ដើម្បីរៀបចំមហាសន្និបាតវិសាមញ្ញទូទាំងប្រទេសនេះឱ្យបានកាន់តែមហោឡារិក។

យោងតាមសេចក្តីប្រកាសព័ត៌មានរបស់សមាគមអតីតយុទ្ធជនកម្ពុជា ចុះថ្ងៃទី១៤ ខែកក្កដា ឆ្នាំ២០២៥ បានឱ្យដឹងថា នៅថ្ងៃទី២៦ ខែកក្កដា ឆ្នាំ២០២៥ ខាងមុខនេះ នឹងមានរៀបចំមហាសន្និបាតវិសាមញ្ញតំណាងសមាគមអតីតយុទ្ធជនកម្ពុជាទូទាំងប្រទេស ក្រោមអធិបតីភាពដ៏ខ្ពង់ខ្ពស់បំផុតរបស់សម្តេចអគ្គមហាសេនាបតីតេជោ នាយឧត្តមសេនីយ៍ ផុតលេខផ្កាយមាស៥ ហ៊ុន សែន ប្រធានព្រឹទ្ធសភានៃព្រះរាជាណាចក្រកម្ពុជា និងជាប្រធានសមាគមអតីតយុទ្ធជនកម្ពុជា។

សូមជម្រាបជូនថា មហាសន្និបាតវិសាមញ្ញតំណាងសមាគមអតីតយុទ្ធជនកម្ពុជាទូទាំងប្រទេស នឹងប្រារព្ធឡើងក្នុងគោលបំណង ៣សំខាន់ៗ រួមមាន៖ ទី១-បូកសរុបលទ្ធផលការងាររយៈពេល១០ឆ្នាំ របស់សមាគម, ទី២-កែសម្រួលនិមិត្តសញ្ញាសមាគម និងឈ្មោះសមាគម ដោយផ្លាស់ប្ដូរពីសមាគមអតីតយុទ្ធជនកម្ពុជា ទៅជា សមាគមអតីតយុទ្ធជន និងនិវត្តជនកម្ពុជា និងទី៣-ការធ្វើវិសោធនកម្មលក្ខន្តិកៈសមាគម ដើម្បីបញ្ចូលនិវត្តជនដែលជាអតីតមន្ត្រីរាជការស៊ីវិលចូលក្នុង សមាគមអតីតយុទ្ធជនកម្ពុជា៕

The post ក្រុមហ៊ុន ជីប ម៉ុង គ្រុប ឧបត្ថម្ភថវិកា ៥ម៉ឺនដុល្លារ ដើម្បីរៀបចំមហាសន្និបាតវិសាមញ្ញទូទាំងប្រទេសតំណាងសមាគមអតីតយុទ្ធជនកម្ពុជា ក្រោមអធិបតីភាពសម្ដេចតេជោ ហ៊ុន សែន appeared first on .

ក្នុងឱកាសអញ្ជើញជាអធិបតីភាព ក្នុងពិធីចុះ MOU រវាងក្រុមហ៊ុនធំបំផុតពីរនៅកម្ពុជា កាលពីថ្ងៃចន្ទ ទី៧ ខែមេសា កន្លងទៅនេះ លោកអ្នកឧកញ៉ា លាង ឃុន បានសម្តែងការចូលរួមអបអរសាទរក្រុមហ៊ុន ជីប ម៉ុង និងក្រុមហ៊ុន រ៉ូយ៉ាល់ គ្រុប ដែលជាក្រុមហ៊ុនខ្មែរធំបង្អស់ពីរនៅក្នុងប្រទេសកម្ពុជា បង្កើតឡើងដោយសហគ្រិនខ្មែរផ្ទាល់ បានសម្រេចបោះជំហានដ៏ធំមួយធ្វើការចុះហត្ថលេខា​លើ​អនុស្សរណៈនៃការយោគយល់គ្នា ក្នុងគោលបំណងបង្កើនស្មារតីសហការគ្នាប្រកបដោយឆន្ទៈពិតប្រាកដ និងជាដៃគូយុទ្ធសាស្ត្រលើវិស័យធំៗនៅកម្ពុជា ដើម្បីក្លាយជាជន្ទល់ដ៏រឹងមាំ សម្រាប់អភិវឌ្ឍសេដ្ឋកិច្ចនិងសង្គមជាតិ។

លោកអ្នកឧកញ៉ា លាង ឃុន បានបញ្ជាក់ដូច្នេះថា៖ “លើសពីការចាប់ដៃគូគ្នាក្នុងវិស័យធុរកិច្ច គោលគំនិតនៃភាពជាដៃគូសហការនេះ គឺឆ្លុះបញ្ចាំងពីស្មារតីរួមគ្នា និងលើកកម្ពស់ផលិតផលក្នុងស្រុក សាងកេរ្តិ៍ឈ្មោះម៉ាកយីហោកូនខ្មែរ ដើម្បីឱ្យផលិតផលខ្មែរអាចចរាចរទាំងក្នុងស្រុកនិងក្រៅប្រទេស។ ជាពិសេស ផ្នែកលើកេរ្តិ៍ឈ្មោះរបស់ ជីប ម៉ុង និងក្រុមហ៊ុន រ៉ូយ៉ាល់ គ្រុប ដែលជាក្រុមហ៊ុនវិនិយោគដោយ​សហគ្រិនខ្មែរ យើងខ្ញុំជាថ្នាក់ដឹកនាំកំពូលរបស់ក្រុមហ៊ុន ជីប ម៉ុង សង្ឃឹមយ៉ាងមុតមាំថា ក្រុមហ៊ុនទាំងពីរ នឹងអាចឈានដល់ទៅរួមចំណែកជាមួយរាជរដ្ឋាភិបាល កសាងធនធានមនុស្ស បង្កើតឱកាសការងារជូនប្រជាពលរដ្ឋ។ ជាពិសេសបន្តដំណើរដ៏វែងឆ្ងាយជាមួយរាជរដ្ឋាភិបាលកម្ពុជា កសាងហេដ្ឋារចនាសម្ព័ន្ធកម្ពុជា ឱ្យកាន់តែរឹងមាំទ្វេរដងជាក់ជាមិនខាន ស្របទៅតាមទស្សនៈមួយថា «ខ្មែររួមគ្នា នោះខ្មែរនឹងខ្លាំង» ដូចសភាសិតខ្មែរមួយលើកឡើងថា «ចង្កឹះមួយបាច់កាច់មិនបាក់»។ យើងជាក្រុមហ៊ុនខ្មែរដូចគ្នា ត្រូវតែចេះគិតរកផ្លូវដើររួមគ្នា សាមគ្គីគ្នា យកចំណុចខ្លាំងមកផ្គុំគ្នា អ្វីធ្វើមិនបាន ប៉ុន្តែបើយើងរួមគ្នានោះនឹងអាចធ្វើបាន”។

សូមជម្រាបថា កាលពីថ្ងៃទី០៧ ខែមេសា ឆ្នាំ២០២៥ ក្រុមហ៊ុន ជីប ម៉ុង និងក្រុមហ៊ុន រ៉ូយ៉ាល់ គ្រុប បានចុះ MOU ក្នុងគោលបំណងជំរុញភាពរីកចម្រើនរួម កំណើនសេដ្ឋកិច្ច និងលើកកម្ពស់វិបុលភាពជាតិ។ ពិធីចុះហត្ថលេខានេះ ធ្វើឡើងក្រោមអធិបតីភាព លោកអ្នកឧកញ៉ា ភាព ហៀក ស្ថាបនិកក្រុមហ៊ុន ជីប ម៉ុង, លោកអ្នកឧកញ៉ា លាង ឃុន និងអ្នកឧកញ៉ា លាង ម៉េង សហស្ថាបនិក ក្រុមហ៊ុន ជីប ម៉ុង, អ្នកឧកញ៉ា គិត ម៉េង ប្រធានក្រុមប្រឹក្សាភិបាល និងអគ្គនាយកក្រុមហ៊ុន រ៉ូយ៉ាល់ គ្រុប, ព្រមទាំងសមាជិកក្រុមប្រឹក្សាភិបាល ថ្នាក់ដឹកនាំ របស់ក្រុមហ៊ុន ជីប ម៉ុង និង រ៉ូយ៉ាល់ គ្រុបនៅសណ្ឋាគារ ហៃយ៉ាត់ រីជិនស៊ី ភ្នំពេញ៕

The post លោកអ្នកឧកញ៉ា លាង ឃុន៖ ការចុះ MOU រវាងក្រុមហ៊ុន ជីប ម៉ុង និង រ៉ូយ៉ាល់គុ្រប នឹងរួមគ្នាលើកកម្ពស់ផលិតផលក្នុងស្រុក សាងកេរ្តិ៍ឈ្មោះម៉ាកយីហោកូនខ្មែរ appeared first on .

ក្នុងឱកាសខួបកំណើត លោកជំទាវលោកអ្នកឧកញ៉ា ភាព ហៀក ស្ថាបនិកក្រុមហ៊ុនយក្សដ៏ធំបំផុតមួយនៅកម្ពុជា គឺមានវត្តមាន ឯកឧត្តម ស៊ុន ចាន់ថុល ឧបនាយករដ្ឋមន្ត្រី អនុប្រធានទី១ ក្រុមប្រឹក្សាអភិវឌ្ឍន៍កម្ពុជា, ថ្នាក់ដឹកនាំក្រុមហ៊ុនរួមមាន លោកអ្នកឧកញ៉ា លាង ឃុន សហស្ថាបនិក និងជាប្រធានក្រុមប្រឹក្សាភិបាលក្រុមហ៊ុន ជីប ម៉ុង, អ្នកឧកញ៉ា លាង ម៉េង សហស្ថាបនិក និងប្រធានក្រុមអគ្គនាយក ក្រុមហ៊ុន ជីប ម៉ុង, លោកជំទាវ តែ សុវណ្ណី អគ្គនាយិកាពហុពាណិជ្ជកម្ម និងសមាជិកក្រុមប្រឹក្សាភិបាលក្រុមហ៊ុន ជីប ម៉ុង, លោកឧកញ៉ា លាង ហួង (ហេនរី) អគ្គនាយកពហុពាណិជ្ជកម្ម និងសមាជិកក្រុមប្រឹក្សាភិបាល ក្រុមហ៊ុន ជីប ម៉ុង, លោកឧកញ៉ា លាង ពៅ (ភីធើរ) អគ្គនាយក ពហុពាណិជ្ជកម្ម និងសមាជិកក្រុមប្រឹក្សាភិបាល ក្រុមហ៊ុន ជីប ម៉ុង, លោកជំទាវ គីម ចាន់ណា នាយិការងជាន់ខ្ពស់ និងសមាជិកក្រុមប្រឹក្សាភិបាលក្រុមហ៊ុន ជីប ម៉ុង, លោកជំទាវ លី សុខឆេង អគ្គនាយិកាក្រុមហ៊ុន ជីប ម៉ុង រីថែល និងសមាជិកក្រុមប្រឹក្សាភិបាល ក្រុមហ៊ុន ជីប ម៉ុង ព្រមទាំងញាតិមិត្ត ចៅប្រុស ចៅស្រី និងភ្ញៀវកិត្តិយសជាច្រើនរូបទៀត។

សូមជម្រាបថា លោកអ្នកឧកញ៉ា ភាព ហៀក ជាស្ត្រីមួយរូបដែលបានបង្កើតក្រុមហ៊ុន វិនិយោគដោយជនជាតិខ្មែរ ១០០ភាគរយ ដែលមានឥទ្ធិលពលដ៏ខ្លាំងបំផុតមួយនៅកម្ពុជា ខណៈក្រុមហ៊ុនមួយនេះស្ទើតែក្តោបក្តាប់សេដ្ឋកិច្ចកម្ពុជាទាំងមូល។ លោកជំទាវលោកអ្នកឧកញ៉ា ភាព ហៀក បានបង្កើតក្រុមហ៊ុន និងចាប់ផ្តើមអាជីវកម្មដំបូង តាំងពីឆ្នាំ១៩៨២ ហើយមកទល់បច្ចុប្បន្ន បានបង្កើតក្រុមហ៊ុនធំៗប្រមាណ១២ និងមានក្រុមហ៊ុន រោងចក្រ ជាបុត្រសម្ព័ន្ធជាច្រើនទៀត៕

រូបភាព៖ OneMemory

The post មកមើលទិដ្ឋភាពថ្ងៃខួបកំណើតរបស់ លោកអ្នកឧកញ៉ា ភាព ហៀក ស្ថាបនិកក្រុមហ៊ុន ជីប ម៉ុង appeared first on .

ជាការគួរឲ្យកត់សំគាល់ មានក្រុមហ៊ុនចំនួន ៥ ធំៗ បានបរិច្ចាគច្រើនជាងគេនៅក្នុង «មូលនិធិកសាងហេដ្ឋា​រចនាសម្ព័ន្ធតាមព្រំដែន» តួយ៉ាង ក្រុមហ៊ុន ទ្រីភាព គ្រុប របស់លោកអ្នកឧកញ៉ា ទ្រី ភាព បានចូលរួមបរិច្ចាគថវិការចំនួន ១លាន២សែនដុល្លារ, ក្រុមហ៊ុន រ៉ូយ៉ាល់ គ្រុប របស់អ្នកឧកញ៉ា គិត ម៉េង បានចូលរួមបរិច្ចាគចំនួន ១លានដុល្លារ, ក្រុមហ៊ុន ជីប ម៉ុង គ្រុប បានចូលរួមបរិច្ចាគ​ចំនួន ១លានដុល្លារ, ក្រុមហ៊ុន OCIC របស់លោកអ្នកឧកញ៉ា ពុង ឃាវសែ បានចូលរួមបរិច្ចាគចំនួន ១លានដុល្លារ និងក្រុមហ៊ុន LYP Group របស់លោកអ្នកឧកញ៉ា លី យ៉ុងផាត់ បានចូលរួមបរិច្ចាគចំនួន ១លានដុល្លារផងដែរ៕

The post ក្រុមហ៊ុនខ្នាតយក្ស៥ បរិច្ចាគច្រើនជាងគេ ក្នុងមូលនិធិកសាងហេដ្ឋារចនាសម្ព័ន្ធតាមព្រំដែន appeared first on .

បន្ទាប់ពី​ការ​ប្រកាស​បង្កើត​មូលនិធិខាងលើនេះឡើង មានសប្បុរសជនពីគ្រប់មជ្ឈដ្ឋាន​បានបរិច្ចាគថវិកា​ជា​ហូរហែរ​ រួមមានទាំង​ ប្រជាពលរដ្ឋខ្មែរទាំងក្នុងនិងក្រៅប្រទេស មន្ត្រីរាជការ កងកម្លាំងប្រដាប់អាវុធ ថ្នាក់ដឹកនាំតាមក្រសួង ស្ថាប័ន ព្រមទាំង​ លោក​អ្នកឧកញ៉ា អ្នកឧកញ៉ា និងឧកញ៉ាៗ វិស័យឯកជន​ជា​ច្រើន​ផងដែរ។ ជាមួយគ្នានេះ គិតនៅត្រឹម​ថ្ងៃទី២៧ ខែសីហា ឆ្នាំ២០២៤ គេឃើញមានក្រុមហ៊ុនយក្សធំៗចំនួន ៥ ដែលមានស្ថាបនិក​សុទ្ធ​សឹងតែជាជនជាតិខ្មែរ បានចូលរួមបរិច្ចាគថវិកាច្រើនជាងគេ រួមមាន៖

១. ក្រុមហ៊ុន ជីប ម៉ុង គ្រុប ដែលមាន លោកអ្នកឧកញ៉ា ភាព ហៀក លោកអ្នកឧកញ៉ា លាង ឃុន និងអ្នកឧកញ៉ា លាង ម៉េង ជាសហស្ថាបនិក បានបរិច្ចាគចំនួន ១លានដុល្លារអាមេរិក

២. ក្រុមហ៊ុន រ៉ូយ៉ាល់ គ្រុប ដែលមាន អ្នកឧកញ៉ា គិត ម៉េង ជាប្រធានក្រុមប្រឹក្សាភិបាល និងលោកជំទាវ​អ្នកឧកញ៉ា ម៉ៅ ចំណាន ជាអនុប្រធានក្រុមប្រឹក្សាភិបាល បានបរិច្ចាគចំនួន ១លានដុល្លារអាមេរិក

៣. ក្រុមហ៊ុន ទ្រីភាព គ្រុប ដែលមាន លោកអ្នកឧកញ៉ា ទ្រី ភាព ជាអគ្គនាយក​ក្រុមហ៊ុន និងអ្នកឧកញ៉ា គៀន ស្រីនាង បានចូលរួមបរិច្ចាគចំនួន ១លាន២សែនដុល្លារអាមេរិក

៤. ក្រុមហ៊ុន អិលវ៉ាយភី គ្រុប ដែលមាន លោកអ្នកឧកញ៉ា លី យ៉ុងផាត់ ជាប្រធានក្រុមប្រឹក្សាភិបាល និងលោកជំទាវអ្នកឧកញ៉ា គីម ហ៊ាង បានចូលរួមបរិច្ចាគចំនួន ១លានដុល្លារអាមេរិក

៥. ក្រុមហ៊ុន អូស៊ីអាយស៊ី (OCIC) ដែលមាន លោកអ្នកឧកញ៉ា ពុង ឃាវសែ ជាប្រធានក្រុមប្រឹក្សាភិបាល បានចូលរួមបរិច្ចាគចំនួន ១លានដុល្លារអាមេរិក

ទោះយ៉ាងណា គេរំពឹងថា​នឹងមាន​ក្រុមហ៊ុនធំៗ​ជាបន្តបន្ទាប់​ទៀត នឹងចូលរួម​បរិច្ចាគថវិកាក្នុង “មូលនិធិកសាង​ហេដ្ឋា​រចនា​សម្ព័ន្ធតាមព្រំដែន” ដើម្បីចូលរួមក្នុងការជំរុញការអភិវឌ្ឍនៅតាមតំបន់ព្រំដែន ឱ្យបានកាន់តែរឹងមាំ និងប្រកបដោយចីរភាព។

សម្រាប់លោកអ្នកចង់ចូលរួមតាមរយៈសាច់ប្រាក់ គឺអាចចូលរួមតាម លោក សេង ទៀង នាយករងខុទ្ទកាល័យ សម្តេច​ធិបតីនាយករដ្ឋមន្ត្រី ទូរស័ព្ទលេខ 012 961 971តាមរយៈទីតាំងនៅទីស្តីការគណៈរដ្ឋមន្ត្រី “អគារជាប់​ផ្លូវកម្ពុជា​​ក្រោម បន្ទប់លេខ ២០៦ ជាន់ទី២” ឬអាចបរិច្ចាគតាមរយៈគណនីធនាគារឈ្មោះ៖ «Foundation for Border Infrastructure Development»៕

The post ក្រុមហ៊ុនខ្នាតយក្ស ៥ បរិច្ចាគច្រើនជាងគេ ក្នុងមូលនិធិកសាងហេដ្ឋារចនាសម្ព័ន្ធតាមព្រំដែន appeared first on .

ធនាគារ ជីប ម៉ុង ដែលជាធនាគារក្នុងស្រុកវិនិយោគដោយកូនខ្មែរ១០០% គឺតែងតែប្ដេជ្ញាខិតខំផ្តល់ដំណោះស្រាយហិរញ្ញវត្ថុ ប្រកបដោយភាពច្នៃប្រឌិត ស្របទៅតាមតម្រូវការអាជីវកម្ម និងប្រជាជន ដោយមានការសិក្សាស្វែងយល់គ្រប់ជ្រុងជ្រោយ ទៅលើតម្រូវការនៃវិស័យ និងទីផ្សារទាំងមូល ជាពិសេសគឺការបង្កើតទំនាក់ទំនង និងបង្កើនទំនុកចិត្តជាមួយអតិថិជនជាប្រចាំ។

ការពង្រីកខ្លួនបានយ៉ាងឆាប់រហ័ស និងការសម្រេចបានសមិទ្ធផលផ្លែផ្កាផ្សេងៗនៅត្រឹម៥ឆ្នាំនៃប្រតិបត្តិការ បង្ហាញពីវឌ្ឍនភាពនៃភាពរីកចម្រើនដ៏អស្ចារ្យ ជាមួយកំណើនទ្រព្យសកម្មសរុបដល់ទៅ ១,៣ពាន់លានដុល្លារអាមេរិក ខណៈទំហំទឹកប្រាក់កម្ចីបានកើនឡើងដល់ ៧១២លានដុល្លារអាមេរិក និងប្រាក់បញ្ញើរបស់អតិថិជនកើនដល់ចំនួន ១ពាន់លានដុល្លារអាមេរិក។

ការទទួលស្គាល់របស់ធនាគារ ជីប ម៉ុង ដោយ Global Brands Magazine ជា “ធនាគារឌីជីថលដែលមានការរីកចម្រើនលឿនជាងគេបំផុតនៅកម្ពុជា” ដូច្នេះ បានសរបញ្ជាក់យ៉ាងច្បាស់ ពីភាពជោគជ័យរបស់ធនាគារ ជីប ម៉ុង ក្នុង កិច្ចខិតខំប្រឹងប្រែង និងការប្តេជ្ញាចិត្ត ចំពោះការធ្វើឱ្យបទពិសោធន៍អ្នកប្រើប្រាស់កាន់តែប្រសើរឡើងជារៀងរាល់ថ្ងៃ រួមនឹងការដាក់ចេញនូវផលិតផលថ្មីៗបន្តបន្ទាប់ ក្នុងទិសដៅក្លាយជាធនាគារឈានមុខគេ លើវិស័យធនាគារនៅកម្ពុជា៕

The post ធនាគារ ជីប ម៉ុង ឈ្នះពានរង្វាន់ Global Brand Awards 2024 ជា “ធនាគារឌីជីថលដែលមានការរីកចម្រើនលឿនជាងគេបំផុតនៅកម្ពុជា” appeared first on .

ក្រោយបានបង្ហាញពីសាវតាក្រុមហ៊ុន ជីប ម៉ុង និងក្រុមហ៊ុន ពហុពាណិជ្ជកម្មជាច្រើន ដែលកំពុងប្រតិបត្តិការក្នុងចរន្តអាជីវកម្មយ៉ាងរឹងមាំ នៅកម្ពុជា ជូនមន្ត្រីស្ថានទូតស្វីសប្រចាំនៅកម្ពុជា អ្នកឧកញ៉ា លាង ម៉េង ក៏បានរំលេចពីសមិទ្ធិផលលើការបញ្ជូនធនធានមនុស្សយុវជនខ្មែរ ដែលសុទ្ធសឹងតែជា វិស្វករជំនាញបច្ចេកទេស និងបញ្ជាគ្រឿងចក្រស្តង់ដារអន្តរជាតិ ហើយកំពុងតែបម្រើការងារនៅរោងចក្រ ខ្មែរ ប៊ែវើរីជីស ។

អ្នកឧកញ៉ា លាង ម៉េង មានប្រសាសន៍ថា៖ ទោះបីជា ក្រុមហ៊ុន ខ្មែរ ប៊ែវើរីជីស គឺជាក្រុមហ៊ុនឈានមុខគេនៅកម្ពុជា ប៉ុន្តែកត្តាធនធានមនុស្ស នៅតែមិនអាចកាត់ផ្ដាច់បានឡើយ។ ហេតុដូច្នេះហើយ ទើបថ្នាក់ដឹកនាំកំពូលក្រុមហ៊ុន ខ្មែរ ប៊ែវើរីជីស តែងតែចំណាយធនធាន បញ្ជូនបុគ្គលិកខ្មែរយើង ទៅរៀនសូត្រពីអ្នកជំនាញៗអន្តរជាតិ នៅតាមប្រទេសអភិវឌ្ឍន៍ជឿនលឿន ជាពិសេសនៅសហគមន៍អឺរ៉ុបតែម្ដង ក្នុងនោះ ក៏មានប្រទេសស្វីសមួយផងដែរ។

ក្នុងដំណើរទស្សនកិច្ចផ្លូវការនេះដែរ លោក Markus Buerli ឯកអគ្គរដ្ឋទូតស្វីសប្រចាំកម្ពុជា ក៏បានសម្ដែងនូវការកោតសរសើរពីច្រវាក់ផលិតកម្មក្រុមហ៊ុន ខ្មែរ ប៊ែវើរីជីស ទាំងស្តង់ដារការផលិត បច្ចេកវិទ្យា គ្រឿងចក្រទំនើបៗ ជាពិសេសធនធានវិស្វករជំនាញខ្មែរ ដែលពិតជាមានសមត្ថភាពពេញលេញ លើការគ្រប់គ្រងច្រវាក់ផលិតកម្មក្នុងរោងចក្រទាំងមូលបានយ៉ាងល្អប្រសើរ និងមានស្តង់ដារកម្រិតពិភពលោកពិតប្រាកដមែន។

ក្រុមហ៊ុន ខ្មែរ ប៊ែវើរីជីស គឺជាពាណិជ្ជកម្មដ៏លេចធ្លោរមួយ របស់ក្រុមហ៊ុន ជីប ម៉ុង វិនិយោគដោយសហគ្រិនខ្មែរ និងឈរជើងយ៉ាងរឹងមាំក្នុងប្រទេសកម្ពុជា អស់រយៈពេលជាង ៤០ឆ្នាំកន្លងមកហើយ។ តាមរយៈការនាំចូលវត្ថុធាតុដើម គ្រឿងចក្រទំនើបៗពីសហគមន៍អឺរ៉ុប រួមទាំងបច្ចេកវិទ្យាទំនើបចុងក្រោយរបស់ពិភពលោកជាដើម សុទ្ធសឹងតែជាកត្តាលីករជំរុញឱ្យគ្រប់ផលិតផលភេសជ្ជៈ និងស្រាបៀរ ដែលផលិតចេញពីរោងចក្រ ខ្មែរ ប៊ែវើរីជីស មានគុណភាពស្តង់ដារកម្រិតពិភពលោក វិនិយោគដោយសហគ្រិនខ្មែរ បញ្ជាច្រវាក់ផលិតកម្មទាំងមូលដោយវិស្វករជំនាញរបស់ខ្មែរ ផលិតភេសជ្ជៈម៉ាកយីហោ Made in Cambodia ទៅកាន់ទីផ្សារក្រៅប្រទេស ឱ្យអន្តរជាតិបានស្គាល់កាន់តែទូលំទូលាយ។

សូមគូសបញ្ជាក់ថា ក្រុមហ៊ុន ខ្មែរ ប៊ែវើរីជីស ជាក្រុមហ៊ុនផលិតភេសជ្ជក្នុងស្រុក Made in Cambodia ដែលទទួលស្គាល់គុណភាព និងមេដាយពីស្ថាប័នអន្តរជាតិច្រើនជាងគេនៅកម្ពុជា ដោយក្នុងនោះរួមមានទាំងវិញ្ញាបនបត្របញ្ជាក់ពីប្រព័ន្ធគ្រប់គ្រងបរិស្ថាន ISO 14001, វិញ្ញាបនបត្របញ្ជាក់ពីប្រព័ន្ធគ្រប់គ្រងគុណភាព ISO 9001, ពានរង្វាន់គ្រប់គ្រងចង្វាក់ផលិតកម្មលំដាប់ពិភពលោក World-class Operations Management, ព្រមទាំងមេដាយមាសបញ្ជាក់ពីគុណភាពផលិតផល Monde Selection ច្រើនដាច់គេផងដែរ៕

The post ថ្ងៃទស្សនៈកិច្ចផ្លូវការ ឯកអគ្គរដ្ឋទូតស្វីសប្រចាំកម្ពុជា មកកាន់ក្រុមហ៊ុន ខ្មែរ ប៊ែវើរីជីស អ្នកឧកញ៉ា លាង ម៉េង បង្ហាញវត្តមានវិស្វករជំនាញខ្មែរមួយក្រុម ដែលធ្លាប់ទៅក្រេបជញ្ជក់ចំណេះដឹងពីប្រទេសស្វីស appeared first on .

យោងតាមសមាគម TAFTAC កម្មវិធី HIGG FEM និង ជីប ម៉ុង អេកូសាយខល (Chip Mong Ecocycle) មាន​គោលដៅរួមគ្នា ដើម្បីលើកកម្ពស់ និងអភិវឌ្ឍពិភពលោកជាមួយនឹងការវិវត្តន៍​បៃតងដែលអាចជួយឱ្យមនុស្សជំនាន់ក្រោយ​រស់នៅក្នុងទីកន្លែងល្អប្រសើរ តាមរយៈការអភិវឌ្ឍបរិស្ថាន និងនិរន្តរភាព។ ស្របតាមគោលដៅខាងលើ សមាគម TAFTAC បានរៀបចំសិក្ខាសាលានេះឡើងក្នុងគោលបំណងណែនាំកម្មវិធី HIGG FEM ជំនាន់ថ្មី និងណែនាំបច្ចេកវិទ្យា ខូ-ប្រូសេសស៊ីង (Co-processing) ពី ជីប ម៉ុង អេកូសាយខល (Chip Mong Ecocycle) ដែលទទួលបានអាជ្ញាប័ណ្ណ និងត្រូវបានទទួលស្គាល់ទាំងក្នុង និងក្រៅប្រទេសលើដំណោះស្រាយកាកសំណល់ប្រកបដោយនិរន្តរភាព ដែលនេះជា​គន្លឹះដ៏សំខាន់ក្នុងការធ្វើឱ្យអាជីវកម្មឧស្សាហកម្មវាយនភណ្ឌ សម្លៀកបំពាក់ ស្បែកជើង និងទំនិញធ្វើដំណើរ​ក្នុងប្រទេស​កម្ពុជា ស្របតាមការអភិវឌ្ឍបរិស្ថានប្រកបដោយនិរន្តរភាព ដោយធ្វើឱ្យឧស្សាហកម្មទទួលបានការវាយតម្លៃពី HIGG FEM លើសពីកម្រិតមួយ។

សិក្ខាសាលានេះធ្វើឡើងក្នុងគោលបំណងផ្សព្វផ្សាយ និងណែនាំបន្ថែមអំពីនីតិវិធីអនុវត្តន៍​ដល់បណ្តារោងចក្រដែលកំពុង​អនុវត្តន៍កម្មវិធី HIGG FEM ដើម្បីអោយពួកគេអាចពង្រឹងសមត្ថភាពក្នុងការអនុវត្តន៍​ស្របតាមតម្រូវការរបស់​អ្នកបញ្ជា​ទិញ។ គួរបញ្ជាក់ថា HIGG FEM គឺជាគន្លឺះនៃការប៉ាន់ស្មានតម្លៃនិរន្តរភាពដែលអនុញ្ញាតឱ្យមានមធ្យោបាយវាស់វែង និងវាយតម្លៃនូវគុណភាពបរិស្ថានពីមួយឆ្នាំទៅមួយឆ្នាំ និងជំរុញភាពជាដៃគូប្រកបដោយផលិតភាពរវាងក្រុមហ៊ុន និង​អ្នកបញ្ជាទិញផងដែរ។

នៅក្នុងសិក្ខាសាលានេះដែរ មានការចូលរួមធ្វើបទបង្ហាញពីសំណាក់អ្នកជំនាញការមកពី Control Union និង ជីប ម៉ុង អេកូសាយខល (Chip Mong Ecocycle) លើប្រធានបទសំខាន់ៗចំនួនពីរគឺ៖

១) ការអនុវត្តន៍ HIGG FEM សម្រាប់ឧស្សាហកម្ម វាយនភណ្ឌ សម្លៀកបំពាក់ ស្បែកជើង និងផលិតផលធ្វើដំណើរ​ប្រកបដោយនិរន្តរភាពនៅក្នុងប្រទេសកម្ពុជាដោយ កញ្ញា Umesha Maddumaarachchi ជាសវនករ និងជាអ្នកផ្ទៀងផ្ទាត់ Higg FEM ដែលចងសម្ព័ន្ធជាមួយ Control Union ។

២) បទបង្ហាញអំពីសេវាកម្មរបស់ ជីប ម៉ុង អេកូសាយខល (Chip Mong Ecocycle), បច្ចេកវិទ្យា ខូ-ប្រូសេសស៊ីង (Co-processing) និងអត្ថប្រយោជន៍របស់វាចំពោះឧស្សាហកម្មវាយនភណ្ឌ សម្លៀកបំពាក់ ស្បែកជើង និងទំនិញធ្វើដំណើរ​សម្រាប់ការអនុលោមតាមតម្រូវការ HIGG FEM ដោយ លោក Sanka Seneviratne ប្រធាន ជីប ម៉ុង អេកូសាយខល (Chip Mong Ecocycle) ។

លោក Albert Tan អនុប្រធានសមាគម TAFTAC មានប្រសាសន៍ថា ចំណេះដឹងអំពីការអនុវត្តន៍ HIGG ពិតជាមាន​សារៈ​សំខាន់ ព្រោះវាជាស្តង់ដាវាយតម្លៃក្នុង ឧស្សាហកម្ម វាយនភណ្ឌ និងស្បែកជើងដើម្បីវាស់វែងពីនិរន្តរភាពនៃបរិស្ថាន និងសង្គមនៅក្នុងខ្សែច្រវ៉ាក់ផ្គត់ផ្គង់របស់រោងចក្រ។ លោកក៏បានបន្តទៀតថា HIGG ត្រូវបាន បង្កើតឡើងនៅឆ្នាំ២០១២​ដោយ សម្ព័ន្ធសម្លៀកបំពាក់ប្រកបដោយនិរន្តរភាព (Sustainable Clothing Alliance) ដែលជាស្ថាប័នមិនស្វែងរក​ចំណេញ​មួយដោយមានការចូលរួមពីសំណាក់ម្ចាស់ម៉ាកយីហោធំៗ អ្នកលក់រាយ ម្ចាស់ក្រុមហ៊ុន ស្ថាប័នអប់រំ អង្គការមិន​ស្វែងរកប្រាក់ចំណេញ (NGOs) រដ្ឋាភិបាល និងភាគីពាក់ព័ន្ធជាច្រើនទៀត ដោយមានចំនួនសរុបជាង៣០០ស្ថាប័ន។

លោកអនុប្រធានសមាគម TAFTAC បានបន្ថែមថា «នៅក្នុងសិក្ខាសាលានេះនឹងមានការធ្វើបទបង្ហាញពិសេសមួយដោយ ជីប ម៉ុង អេកូសាយខល (Chip Mong Ecocycle) អំពីការគ្រប់គ្រងកាកសំណល់ឧស្សាហកម្ម​សម្រាប់បង្កើនអនុលោម​ភាព HIGG FEM ។ ជីប ម៉ុង អេកូសាយខល (Chip Mong Ecocycle) មានជំនាញឯកទេសក្នុងការផ្តល់សេវាកម្ម​គ្រប់គ្រងសំណល់ ប្រមូលដឹកជញ្ជូន និងបច្ចេកវិទ្យា ខូ-ប្រូសេសស៊ីង (Co-processing) ដែលអាចកែច្នៃកំទេចកាក​សំណល់​គ្រោះថ្នាក់ និងមិនគ្រោះថ្នាក់នៅក្នុងប្រទេសកម្ពុជា។ ជាមួយនឹងសេវាកម្មដែលពោរពេញ​ដោយវិជ្ជាជីវៈបែបនេះ​បានរួមចំណែកច្រើនក្នុងការធ្វើឱ្យមានកំណើនបៃតងនៃ ឧស្សាហកម្ម វាយនភណ្ឌ ស្បែកជើង និង ផលិតផលធ្វើដំណើរ​នៅកម្ពុជា»។

ជាមួយគ្នានេះដែរ លោក Kasem Makrailert នាយកប្រតិបត្តិស្តីទីរបស់ក្រុមហ៊ុន ជីប ម៉ុង អ៊ិនស៊ី ស៊ីមេន ខបភើរេសិន មានប្រសាសន៍ថា ៖ «ជារៀងរាល់ឆ្នាំពិភពលោកបានបង្កើតកាកសំណល់រឹងជាង ២ពាន់លានតោន ហើយត្រូវបាន​គេប៉ាន់​ស្មាន​ថានឹងអាចឡើងដល់ជាង ៣.៥ពាន់លានតោន ជាប្រចាំឆ្នាំនៅឆ្នាំ២០៥០។ នៅក្នុងកាកសំណល់ទាំងអស់នោះ សំណល់​អាហារ និងសរីរាង្គរួមគ្នាមាន ៤៤% ស្របពេលដែលក្រដាស ប្លាស្ទីក កៅស៊ូ និងស្បែកមាន ៣១% នៃសំណល់​សរុប។ ដូច្នេះក្នុងនាមយើងជាពលរដ្ឋម្នាក់របស់ពិភពលោក យើងត្រូវមានទំនួលខុសត្រូវក្នុងការកាត់​បន្ថយកាក​សំណល់»។

លោកនាយកប្រតិបត្តិស្តីទីបានបញ្ជាក់ដូច្នេះថា៖ «ខ្ញុំរីករាយណាស់ដែលសមាគម TAFTAC ឈានមុខគេក្នុង ការអនុវត្តន៍ HIGG FEM ។ សិក្ខាសាលាថ្ងៃនេះជាជំហានដំបូងដ៏សំខាន់របស់យើង ដើម្បីជួយគ្នាកាត់បន្ថយកម្តៅរបស់ ពិភពលោក។ នៅក្រុមហ៊ុន ជីប ម៉ុង អ៊ិនស៊ី ស៊ីមេន ខបភើរេសិន យើងរីករាយក្នុងការក្លាយជាដៃគូរបស់អ្នក​សម្រាប់ការគ្រប់គ្រង​កាក​សំណល់។ យើងធ្វើការរួមគ្នា និងរួមចំណែកជួយឱ្យពិភពលោកមានភាពបៃតង ដើម្បីកូនៗរបស់យើងជំនាន់ក្រោយ»។

សូមជម្រាបថា វិស័យឧស្សាហកម្ម វាយនភណ្ឌ សម្លៀកបំពាក់ ស្បែកជើង និងផលិតផលធ្វើដំណើរនៅកម្ពុជា ជាវិស័យ​មួយដែលបានដើរតួនាទីយ៉ាងសំខាន់ក្នុងការជួយជំរុញឱ្យមានកំណើនសេដ្ឋកិច្ចនៅក្នុងព្រះរាជាណាចក្រកម្ពុជា។ ទន្ទឹមនឹង​នេះដែរ វិស័យនេះក៏មានទំនួលខុសត្រូវដ៏សំខាន់មួយ ដើម្បីធានាថាអាចបន្តនិរន្តរភាពរបស់ ខ្លួនបានទាំងផ្នែកសេដ្ឋកិច្ច និងបរិស្ថាន៕

The post ជីប ម៉ុង អេកូសាយខល (Chip Mong Ecocycle) និងសមាគម TAFTAC រៀបចំសិក្ខាសាលាស្តីពី «ការអនុវត្តន៍ HIGG FEM សម្រាប់វិស័យឧស្សាហកម្ម វាយនភណ្ឌ សម្លៀកបំពាក់ ស្បែកជើង និងផលិតផលធ្វើដំណើរនៅកម្ពុជា» appeared first on .

ការអះអាងពីក្ដីរំពឹង និងមហិច្ឆិតា របស់លោកឧកញ៉ា លាង ហួង ជុំវិញការត្រៀមខ្លួនរួចរាល់ ក្នុងការផ្សារភ្ជាប់ពាណិជ្ជកម្ម​ឆ្លងប្រទេសរវាង ក្រុមហ៊ុន ខ្មែរ ប៊ែវើរីជីស ដែលជាក្រុមហ៊ុនខ្មែរ វិនិយោគលើការផលិតភេសជ្ជៈឈានមុខគេនៅកម្ពុជា អស់រយៈពេលជាង ៤០ឆ្នាំ ហើយបាននឹងកំពុងកសាង ពង្រីកបណ្ដាញទីផ្សារក្នុង និងក្រៅប្រទេសបានយ៉ាងរឹងមាំ។

ក្រោយដំណើរទស្សនៈកិច្ច ស្វែងយល់ពីច្រវាក់ផលិតកម្ម និងបច្ចេកវិទ្យា គ្រឿងចក្រទំនើបៗលំដាប់ពិភពលោក ក្នុងរោង​ចក្រ ខ្មែរ ប៊ែវើរីជីស រួចរាល់ ឯកឧត្តម យ៉ សូ មីន ក៏បានបង្ហាញនូវអារម្មណ៍ភ្ញាក់ផ្អើល និងវាយតម្លៃខ្ពស់ ចំពោះរោងចក្រ ខ្មែរ ប៊ែវើរីជីស ដែល ពិតជា ស័ក្តិសមជាក្រុមហ៊ុនផលិតភេសជ្ជៈ និងស្រាបៀរឈានមុខគេនៅកម្ពុជា។

ឯកឧត្ដម ក៏បានបង្ហាញជំហរត្រៀមជួយសម្របសម្រួលលើការសហការពាក់ព័ន្ធ និងសូមលើកទឹកចិត្ត ឱ្យថ្នាក់ដឹកនាំ ក្រុមហ៊ុន ខ្មែរ ប៊ែវើរីជីស ស្វែងរកការសហការសមស្របណាមួយ ជាមួយក្រុមហ៊ុនវិនិយោគិន នៅប្រទេសមីយ៉ាន់ម៉ា តាមលទ្ធភាពដែលអាចធ្វើបាន ដើម្បីឈានឆ្ពោះទៅជំរុញពាណិជ្ជកម្មប្រទេសទាំងពីរ កម្ពុជា មីយ៉ាន់ម៉ាឱ្យកាន់តែកើនឡើង​ទ្វេដងថែមទៀត។

ក្រុមហ៊ុន ខ្មែរ ប៊ែវើរីជីស គឺជាពាណិជ្ជកម្មដ៏លេចធ្លោរមួយ របស់ក្រុមហ៊ុន ជីប ម៉ុង វិនិយោគដោយសហគ្រិនខ្មែរ និងឈរ​ជើងយ៉ាងរឹងមាំក្នុងប្រទេសកម្ពុជា អស់រយៈពេលជាង ៤០ឆ្នាំ កន្លងមកហើយ។ តាមរយៈការនាំចូលវត្ថុធាតុដើម គ្រឿង​ចក្រទំនើបៗពីសហគមន៍អឺរ៉ុប រួមទាំងបច្ចេកវិទ្យាទំនើបចុងក្រោយរបស់ពិភពលោកជាដើម បានជំរុញឱ្យ គ្រប់ផលិតផល​ភេសជ្ជៈ និងស្រាបៀរ ដែលផលិតចេញពីរោងចក្រ ខ្មែរ ប៊ែវើរីជីស សុទ្ធតែមានគុណភាព ស្តង់ដាកម្រិតពិភពលោក។

ជារៀងរាល់ឆ្នាំ ថ្នាក់ដឹកនាំកំពូលក្រុមហ៊ុន ខ្មែរ ប៊ែវើរីជីស តែងតែយកចិត្តទុកដាក់ លើការកសាងទំនាក់ទំនង​ការទូតយ៉ាង​ស្អិតរមួត ជាមួយមន្ត្រីស្ថានទូតនានាប្រចាំប្រទេសកម្ពុជា តាមរយៈការអញ្ជើញមកបំពេញទស្សនកិច្ច​ផ្ទាល់ដល់ក្នុង​រោង​ចក្រ។ ជាលទ្ធផល ក្រុមហ៊ុន វិនិយោគរបស់សហគ្រិនខ្មែរដ៏ល្បីល្បាញមួយនេះ បានឈានទៅចុះអនុស្សរណៈយោគយល់​ភាព​ជាដៃគូ​ពាណិជ្ជកម្ម ជាមួយបណ្ដាប្រទេសជិតខាង និងក្នុងតំបន់អាស៊ានជាបន្តបន្ទាប់។

តួយ៉ាង កាលពីដើមឆ្នាំ​២០២៤ ថ្នាក់ដឹកនាំកំពូល ក្រុមហ៊ុន ខ្មែរ ប៊ែវើរីជីស ក៏ទើបតែចុះហត្ថលេខាលើអនុស្សរណៈ​នៃការ​យោគយល់គ្នា ចាប់ផ្តើមភាពជាដៃគូពាណិជ្ជកម្ម ជាមួយក្រុមហ៊ុនសិង្ហបុរី ក្នុងការនាំចេញផលិតផល CAMBODIA BEER និងភេសជ្ជៈគ្រប់ប្រភេទ ដែលមានគុណភាពស្តង់ដារខ្ពស់ ទៅដាក់លក់បន្ដនៅទីផ្សារសិង្ហបុរី ហើយក៏កំពុងតែ​សិក្សានាំចេញផលិតផលទៅកាន់ប្រទេសនានាជាច្រើនទៀតផងដែរ៕

The post ឧកញ៉ា លាង ហួង បង្ហាញមហិច្ឆិតាគ្រោងនាំចេញផលិតផលស្តង់ដា «Made in Cambodia» របស់ក្រុមហ៊ុន ខ្មែរ ប៊ែវើរីជីស ទៅកាន់សហភាពមីយ៉ាន់ម៉ា appeared first on .

ពិធីចុះអនុស្សរណៈនៃការយោគយល់គ្នា ធ្វើឡើងក្រោមអធិបតីភាពដ៏ខ្ពង់ខ្ពស់របស់សម្តេចកិត្តិសង្គហបណ្ឌិត ម៉ែន សំអន និងមានឯកឧត្តម ជា វ៉ាន់ដេត រដ្ឋមន្ត្រីក្រសួងប្រៃសនីយ៍ និងទូរគមនាគមន៍ និងឯកឧត្តមបណ្ឌិត គុណ ញឹម រដ្ឋមន្ត្រី ប្រតិភូអមនាយករដ្ឋ ជាសាក្សី និងអ្នកចូលរួមប្រមាណជិត ២០០ នាក់ នាសណ្ឋាគារ ហៃយ៉ាត់ រីជិនស៊ី ភ្នំពេញ។

សហស្ថាបនិក និងជាប្រធានក្រុមប្រឹក្សាភិបាលក្រុមហ៊ុន ជីប ម៉ុង អ្នកឧកញ៉ា លាង ឃុន បានមានប្រសាសន៍ថា «ក្រុមហ៊ុនតែងតែឈរលើគោលការ ដំណើរការធុរកិច្ចប្រកបទៅដោយភាពស្មោះត្រង់ យុត្តិធម៌ និងមានក្រមសីលធម៌ខ្ពស់ ដោយអនុលោមតាមបទប្បញ្ញត្តិ និងច្បាប់នានារបស់ប្រទេសកម្ពុជា និងតែងតែយកចិត្តទុកដាក់ និងសកម្មក្នុងការ បង្កើត ការងារ ការផលិត ការសាងសង់ ផ្តល់សេវាកម្មដែលមានគុណភាព និងនាំចូលផលិតផលពេញនិយមដែលមានគុណភាព និងអត្ថប្រយោជន៍ ដើម្បីឆ្លើយតបទៅនឹងតម្រូវការ និងកំណើនកម្រិតជីវភាពរស់នៅ ជាពិសេសការរស់នៅ ជំនាន់ថ្មីរបស់ ប្រជាពលរដ្ឋកម្ពុជា។ ដោយផ្អែកលើគោលការណ៍នេះ បូកផ្សំជាមួយនឹងបទពិសោធន៍ពាណិជ្ជកម្មជាងបួនទសវត្សរ៍ យុទ្ធសាស្ត្រពាណិជ្ជកម្មនិង ផ្សព្វផ្សាយទីផ្សារ ក៏ដូចជាប្រព័ន្ធដៃគូអាជីវកម្មដ៏ទូលំទូលាយដែល ជីប ម៉ុង មាន ខ្ញុំជឿជាក់ថា ភាពជាដៃគូនេះនឹងធ្វើឲ្យម៉ាកយីហោ សាមសុង កាន់តែទទួលបានការគាំទ្រពេញនិយម និងជោគជ័យកាន់តែខ្លាំង នៅក្នុង ទីផ្សារកម្ពុជា»។

អនុប្រធានសាជីវកម្ម និងជា នាយកផ្នែកទូរស័ព្ទនៃក្រុមហ៊ុនថៃសាមសុងអេឡិចត្រូនិច លោក Mark Kim បានមានប្រសាសន៍ថា «យើងជឿជាក់យ៉ាងមុតមាំថា ភាពជាដៃគូសហការនេះនឹងបង្កើតមូលដ្ឋាន វគ្រឹះដ៏រឹងមាំសម្រាប់ការ ពង្រឹង វត្តមានទីផ្សាររបស់ ក្រុមហ៊ុនសាមសុង នៅក្នុងប្រទេសកម្ពុជាឱ្យកាន់តែទូលំទូលាយជាងមុខទៅទៀត។ លើសពីនេះ កម្ពុជា គឺជាទីផ្សារស្មាតហ្វូនដ៏មានសក្ដានុពលមួយ ហើយស្របពេលសេដ្ឋកិច្ចកម្ពុជា កំពុងតែរីកចម្រើនទៅមុខ ចំនួន ប្រជាជនក៏ចេះតែកើនឡើងជាលំដាប់ វាជាឱកាសដ៏ល្អសម្រាប់ការពង្រីកទីផ្សាររបស់ក្រុមហ៊ុនសាមសុង នៅកម្ពុជា។ តាងនាមឱ្យក្រុមហ៊ុន សាមសុង ក៏សូមថ្លែងអំណរគុណយ៉ាងស្មោះអស់ពីចិត្តចំពោះ ក្រុមហ៊ុន ជីប ម៉ុង គ្រុប សម្រាប់ ទំនុកចិត្តមកលើក្រុមហ៊ុន សាមសុង ពិសេស ភាពជឿជាក់ ចំពោះស្មាតហ្វូនរបស់ សាមសុង ផងដែរ»។

គួរបញ្ជាក់ថា តាមរយៈកិច្ចព្រមព្រៀងពាណិជ្ជកម្មនេះ ក្រុមហ៊ុន ជីប ម៉ុង និង ថៃសាមសុងអេឡិចត្រូនិក នឹងរួមគ្នាអភិវឌ្ឍយុទ្ធសាស្ត្រពង្រីកទីផ្សារ ពង្រឹងមុខតំណែងប្រកួតប្រជែង និងជំរុញឲ្យមានកំណើននិរន្តរភាពនៅក្នុងវិស័យអេឡិចត្រូនិកនៅក្នុងស្រុក៕

The post ក្រុមហ៊ុន ជីប ម៉ុង ចុះអនុស្សរណៈនៃការយោគយល់ជាមួយនឹងក្រុមហ៊ុន ថៃសាមសុងអេឡិចត្រូនិក appeared first on .