ផាក លែន ពោធិ៍ចិនតុង គឺជាគម្រោងដ៏លេចធ្លោមួយ ក្នុងចំណោមគម្រោងសាងសង់​លំនៅដ្ឋាន​ជាច្រើនផ្សេង​ទៀត របស់ក្រុមហ៊ុន ជីប ម៉ុង លែន ដែលបានបើកលក់តាំងពីដើមឆ្នាំ២០២២ មកម្ល៉េះ។ បើទោះបីជាសេដ្ឋកិច្ច​សកល កំពុងមានការថមថយបន្តិចក៏ពិតមែន ក៏ប៉ុន្តែ គម្រោង ផាក លែន ពោធិ៍ចិនតុង នៅតែបន្តដំណើរការ​សាងសង់​ជាធម្មតា ប្រកបដោយវឌ្ឍនភាព និងត្រៀមរួមជាស្រេច ក្នុងការប្រគល់ផ្ទះជូនអតិថិជន ចូលមករស់នៅ និងប្រកបអាជីវកម្ម ក៏ដូចជាបើកសាងសង់ប្លុកថ្មីជាបន្ត ដើម្បីឆ្លើយតបទៅនឹងតម្រូវការអតិថិជន។

គម្រោង ផាក លែន ពោធិ៍ចិនតុង ស្ថិតនៅក្នុងទីតាំងដ៏អំណោយផល ពោល​គឺស្ថិតនៅត្រឹមតែ ២នាទី ពី​មហាវិថី សហព័ន្ធរុស្សី ដែលមានចរន្តសេដ្ឋកិច្ច ពាណិជ្ជកម្មចម្រុះ និងប្រជាជនរស់នៅដ៏ច្រើនកុះករ។ គម្រោងនេះមានផ្លូវ​ខ្វាត់ខ្វែង ពីមហាវិថីសហព័ន្ធរុស្សី ផ្លូវ137K និងផ្លូវ113K នាំមកនូវចរាចរណ៍មមាញឹក ល្អបំផុតសម្រាប់ប្រភេទ​ផ្ទះអាជីវកម្មបែបទំនើប។

អ្វីដែលជាភាពទាក់ទាញ និងប្រកបដោយផាសុកភាពនោះ គឺការគិតគូប្រកបដោយចក្ខុវិស័យដ៏វែងឆ្ងាយ​ជូន​អតិថិជន មានឧទ្យានធម្មជាតិបៃតង ដែលផ្ដល់មុខងារយ៉ាងសម្បូរបែប តម្រូវតាមការរស់នៅឱ្យកាន់តែល្អ​ប្រសើរ​បំផុត។ ទីធ្លាសួនដ៏ធំទូលាយ ដែលអាចរត់ហាត់ប្រាណ ប្រកបដោយភាពស្រស់ស្រាយគ្រប់ពេលវេលា រួមទាំង​មានកន្លែងក្មេងលេង ប្រកបដោយបរិយាកាសល្អ, ដើមឈើធំៗផ្ទាល់ក្នុងគម្រោង ផ្តល់នូវម្លប់ត្រជាក់ និងភាព​ស្រស់​បំព្រងជារៀងរាល់ថ្ងៃ។

គម្រោង ផាក លែន ពោធិ៍ចិនតុង បានសាងសង់លំនៅឋានប្រណីតៗ ជាច្រើនប្រភេទដូចជា វីឡា ឃ្វីន, វីឡា ឃ្វីន A, វីឡា ឃ្វីន B II, វីឡាភ្លោះ SII, វីឡា កូនកាត់ A S II, វីឡា កូនកាត់ B III និង ហ្សប ហៅស៍ II។

កុំភ្លេចណា៎! ទទួលយកប្រូម៉ូសិនដ៏មហាអស្ចារ្យ និងមិនធ្លាប់មាន ធំៗចំនួន ៣ ពីគម្រោងលំនៅឋាន ផាក លែន ពោធិ៍ចិនតុង នៅថ្ងៃទី០៥-០៦ ខែសីហា នេះ ព្រោះចំនួនមានកំណត់៕

The post ជឿអត់ មានត្រឹម $780/ខែ ទិញផ្ទះនៅ គម្រោង ផាក លែន ពោធិ៍ចិនតុង ហើយឥតការប្រាក់រហូតដល់ ២៥ខែ appeared first on .

នៅក្នុងពិធីបើកលក់ជាផ្លូវការនេះ លោកឧកញ៉ា លាង ហេនរី អគ្គនាយក ក្រុមហ៊ុន ជីប ម៉ុង លែន បានមាន​ប្រសាសន៍ថា «វីឡា ឃីង ម៉េនន័រ» គឺជាសមិទ្ធផល ដ៏សំខាន់មួយ ដែលបានឆ្លុះបញ្ចាំងអំពីកិច្ចខិតខំប្រឹង​ប្រែង​របស់ក្រុមហ៊ុនក្នុងការសិក្សាយ៉ាងហ្មត់ចត់អំពីតម្រូវការនៃការរស់នៅបែបថ្មីៗរបស់អតិថិជន បូកផ្សំ​នឹងគំនិតច្នៃប្រឌិត ឈរលើបទពិសោធជាង ៤០ឆ្នាំរបស់ ជីប ម៉ុង ក្នុងវិស័យសំណង់ ដែលផ្តល់ជូន​លំនៅឋាន គុណភាពខ្ពស់កម្រិតស្តង់ដារ ជាទីទុកចិត្ត ។

«វីឡា ឃីង ម៉េនន័រ» គឺជាវីឡាទោលមានចំនួនកំណត់ និងមានតែនៅក្នុងគម្រោង ២ ធំៗប៉ុណ្ណោះនោះគឺ គម្រោងហ្គ្រេនភ្នំពេញស៊ីធី និង គម្រោងលែនម៉ាក 60 ម៉ែត្រ ដែលសុទ្ធសឹងតែជាសហគមន៍រស់នៅទំនើប មានសក្តានុពល និងជាបណ្ដុំលំនៅឋានប្រណីត បែបអភិជនខ្ពង់ខ្ពស់។

«វីឡា ឃីង ម៉េនន័រ» មានបន្ទប់គេងចំនួន ៨ រួមជាមួយសាលស្វាគមន៍ភ្ញៀវធំទូលាយ សាលទទួលភ្ញៀវ​បែបផ្លូវការ សាលទទួលទានអាហារ និងសាលជួបជុំគ្រួសារដ៏កក់ក្តៅ។ បន្ថែមពីនេះទៀត វីឡានេះមាន​បន្ទប់​ពហុមុខងារពិសេសៗចំនួន ៦ ដូចជា បន្ទប់ធុរកិច្ច បន្ទប់កម្សាន្ត & ភាពយន្ត បន្ទប់បណ្ណាល័យ បន្ទប់ហាត់ប្រាណ បន្ទប់សក្ការ និង បន្ទប់ពិសារតែ ដែលផ្តល់ជូនបរិយាកាសថ្មី ។

ការផ្តល់ជូនពិសេសពីធនាគា ជីប ម៉ុង ប៊ែង សម្រាប់ឱកាសបើកលក់ជាផ្លូវការនេះ ដោយអតិថិជន និង​ទទួលបានការអត្រាការប្រាក់ខ្ពស់រហូតដល់ 7.5% មិនធ្លាប់មាន ជាមួយការដាក់ប្រាក់បញ្ញើរជាមួយ ជីប ម៉ុង ប៊ែង ។

ដើម្បីស្វែងយល់បន្ថែមអំពី «វីឡា ឃីង ម៉េនន័រ» សូមអញ្ជើញអតិថិជនទាក់ទងផ្នែកលក់តាមរយៈលេខទូរស័ព្ទ 𝟎𝟔𝟏 𝟗𝟗𝟕 𝟖𝟖𝟖 ឬតាមប្រព័ន្ធតេឡេក្រាម t.me/chipmongland និងតាមដានទំព័រហ្វេសប៊ុក www.facebook.com/chipmongland ដើម្បីទទួលបានព័ត៌មានថ្មីៗពី ជីប ម៉ុង លែន ៕

The post វីឡាអភិជនថ្មី «ឃីង ម៉េនន័រ» របស់ ជីប ម៉ុង លែន បានបើកលក់ជាផ្លូវការហើយ appeared first on .

ក្រុមហ៊ុន ជីប ម៉ុង លែន បានបើកលក់គម្រោង ផាក លែន ពោធិ៍ចិនតុង ​​តាំង​​ពីថ្ងៃទី​២១ ខែ មករា ឆ្នាំ ២០២២ ​ខណៈ​ដែល​បច្ចុប្បន្ន​គិត​ត្រឹម​ចុង​ខែ​កញ្ញា ឆ្នាំ២០២២​នេះ ​​ការ​សាងសង់​គឺ​កំពុង​​តែ​ដំណើរ​ការ​​បាន​ប្រហែល​ប្រមាណ​ ៥០% ហើយ។

គម្រោង ផាក លែន ពោធិ៍ចិនតុង ស្ថិតនៅទីតាំងអំណោយផល ទល់មុខអាកាសយានដ្ឋានអន្តរជាតិភ្នំពេញ ដោយ​​ធ្វើ​ដំណើរ​តែ​២​នាទី​ប៉ុណ្ណោះ​ពី​មហាវិថី​សហព័ន្ធ​រុស្ស៊ី​ ដែលមានចរន្តសេដ្ឋកិច្ចមមាញឹក ជាមួយ​ពាណិជ្ជកម្ម​ចម្រុះ និងប្រជាពលរដ្ឋរស់នៅច្រើនកុះករ។ គម្រោងនេះ​ សាងសង់លំនៅឋានប្រណីត​ច្រើន​ប្រភេទដូចជាវីឡាឃ្វីន, វីឡាឃ្វីន A, វីឡាឃ្វីន B II, វីឡាភ្លោះ SII, វីឡាកូនកាត់ A S II, វីឡាកូនកាត់ B III និង ហ្សប់ហៅស៍ II ព្រមទាំង​មានសួនឧទ្យាន ​មាន​ដើមឈើតូចធំចម្រុះពណ៌ ផ្តល់ជាម្លប់ត្រឈឹងត្រឈៃតាមដងផ្លូវ នាំមកនូវបទពិសោធន៍នៃការរស់នៅ​ប្រកបដោយផាសុកភាពទាំងផ្លូវកាយ និងផ្លូវចិត្ត៕

The post តើគម្រោង ផាក លែន ពោធិ៍ចិនតុង របស់ក្រុមហ៊ុន ជីប ម៉ុង សាងសង់ដល់ណាហើយ? appeared first on .

ហ្គ្រេនភ្នំពេញស៊ីធី ក៏​ជាគម្រោងតែមួយគត់ និងដំបូងគេបង្អស់ក្នុងក្រុងភ្នំពេញ ដែលមានទីលានវាយ​កូន​ហ្គោល​លំដាប់ថ្នាក់ពិភពលោក ដែលផ្តល់បទពិសោធន៍នៃការរស់នៅបែបថ្មី និងការលេងកូនហ្គោលកម្សាន្ត​ដ៏អស្ចារ្យ។ ទីលានវាយកូនហ្គោល ហ្រ្គេនភ្នំពេញក្លឹប របស់ក្រុមហ៊ុន ជីប ម៉ុង លែន ស្ថិតនៅចំបេះដូង​នៃ​គម្រោង ហ្គ្រេនភ្នំពេញស៊ីធី ត្រូវបានរចនាឡើងដោយ Jack Nicklaus Design លើផ្ទៃដី ៧០ ហិកតា ដែលជាក្រុមហ៊ុនរចនាទីលានវាយកូនហ្គោល​ដ៏ល្បីនៅលើពិភពលោក។

ក្រុមហ៊ុនជីប ម៉ុង លែន ដែលជាក្រុមហ៊ុន បុត្រសម្ព័ន្ធរបស់ ជីប ម៉ុង គ្រុប និងបានវិនិយោគអភិវឌ្ឍន៍​អចលនទ្រព្យ​នៅកម្ពុជា បានសម្រេចទិញយកសិទ្ធិគ្រប់គ្រង​ទាំងស្រុង​របស់ក្រុមហ៊ុន ហ្គ្រេន ភ្នំពេញ អ៊ិនធើណេសិនណល ស៊ីធី ដោយការផ្ទេរសិទ្ធិគ្រប់គ្រងថ្មីនេះ បាន​ចាប់ផ្ដើម ​តាំង​ពីថ្ងៃទី ១៦ ខែតុលា ឆ្នាំ២០១៩។ នេះបើតាមសេចក្ដីប្រកាសព័ត៌មានមួយ របស់ក្រុមហ៊ុន ហ្គ្រេន ភ្នំពេញ។

ក្នុង​សេចក្ដី​ប្រកាស​ព័ត៌មាន​របស់​ក្រុមហ៊ុន ហ្គ្រេន​ ភ្នំពេញ អ៊ិនធើណេសិនណល ស៊ីធី បានជូនដំណឹង​ជាផ្លូវការ កាល​ឆ្នាំ២០១៩ ​យ៉ាងដូច្នេះថា «ថ្មីៗនេះ ក្រុមហ៊ុន បាន​លក់​ទ្រព្យសកម្ម និងអាជីវកម្ម​ទាំងអស់ ទៅឲ្យ​ក្រុមហ៊ុន​ ជីប ម៉ុង លែន ខូ អិលធីឌី ហើយ យើងខ្ញុំបាន​រៀបចំ ​ផ្ទេរសិទ្ធិ​គ្រប់គ្រង​ក្រុមហ៊ុន​ទាំងអស់ ទៅឲ្យ​ក្រុមហ៊ុន​ថ្មី គឺ ក្រុមហ៊ុន ជីប ម៉ុងលែន ខូ អិលធីឌី ដែលតំណាង​ដោយ​លោកឧកញ៉ា លាង ឃុន និងឧកញ៉ា លាង ម៉េង ចាប់ពីថ្ងៃចុះហត្ថលេខា​លើលិខិត​ជូនដំណឹងនេះតទៅ»។ យ៉ាងណាក្តី គេ​មិនទាន់​ដឹងនៅឡើយទេថា តើ​ក្រុមហ៊ុន​ជីប ម៉ុង លែន បាន​ទិញ​សិទ្ធិគ្រប់គ្រង​ក្រុមហ៊ុន ហ្គ្រេន​ភ្នំពេញ អ៊ិនធើណេ​សិនណល ក្នុងតម្លៃប៉ុន្មាន។

ក្រុមហ៊ុន ហ្គ្រេន ភ្នំពេញ អ៊ិនធើណេ​សិនណល ត្រូវបាន​គេដឹង​ថា ទទួលបានសិទ្ធិ​លើការ​អភិវឌ្ឍ​ទីក្រុង​រណប​ហ្គ្រេន ភ្នំពេញ ដោយ​មាន​​ឯកឧត្តម ឧបនាយក​រដ្ឋមន្រ្តី កែ គឹមយ៉ាន និង​ជា​ប្រធាន​ក្រុមប្រឹក្សាភិបាល ក្រុមហ៊ុន ខេមបូឌា វ៉ាយ អ៊ិន ភី សហការ​ជាមួយ​នឹង​ក្រុមហ៊ុន​ឥណ្ឌូនេស៊ី ស៊ីពូត្រា គ្រុប។ តម្លៃ​គម្រោង​​ចុះ​​បញ្ជី​​ទុន​វិនិយោគ​ដំបូង ៦០០​លាន​ដុល្លារ​អាមេរិក ដែល​មាន​ផ្ទៃ​ក្រឡា​សាងសង់​ចំនួន ២៦០​ហិកតា ស្ថិត​នៅ​សង្កាត់​ឃ្មួញ ខណ្ឌ​សែនសុខ ​រាជ​ធានី​ភ្នំពេញ។

ជីប ម៉ុង លែន គឺជាក្រុមហ៊ុនអភិវឌ្ឍន៍អចលនទ្រព្យលំដាប់កំពូលនៅក្នុងប្រទេសកម្ពុជា ដែល​បាន​បង្កើត​ឡើង​ តាំង​ពី​ឆ្នាំ២០០៨។ ជីប ម៉ុង លែន គឺជាពាណិជ្ជកម្មមួយរបស់ ជីប ម៉ុង គ្រុប ដែលជាក្រុមហ៊ុន​វិនិយោគ​លើ​ច្រើនវិស័យ និងរីកលូតលាស់យ៉ាងឆាប់រហ័សក្នុងប្រទេសកម្ពុជា។ គម្រោងដំបូងគេបង្អស់​របស់​ ជីប ម៉ុង លែន គឺ ផាក លែន សែនសុខ ត្រូវបានបញ្ចប់ដោយជោគជ័យ និងបានប្រគល់ជូន​អតិថិជន​នៅក្នុងឆ្នាំ២០១៧ ខណៈ​ដែល​បច្ចុប្បន្ននេះ ជីប ម៉ុង លែន មានគម្រោងធំៗចំនួន ៩ ផ្សេងទៀត ដែល​ស្ថិត​ក្រោមការសាងសង់ ក្នុងនោះរួមទាំងគម្រោង ហ្គ្រេន ភ្នំពេញ ស៊ីធី ដែលបានបើកការដ្ឋានសាងសង់ តាំងពីថ្ងៃទី ១៨ ខែតុលា ឆ្នាំ២០២០៕

The post ដឹងអត់ថា ក្រុមហ៊ុន ជីប ម៉ុង ទិញយក «ហ្គ្រេន ភ្នំពេញ ស៊ីធី» ពីក្រុមហ៊ុនណា? appeared first on .

នេះគឺជាការផ្តល់កម្ចី​ដ៏ច្រើន​មិនធ្លាប់មានសម្រាប់អតិថិជន ដែលមានគម្រោងទិញលំនៅឋានណាមួយរបស់ ជីប ម៉ុង លែន តាមរយៈកម្ចីជាមួយធនាគារ ជីប ម៉ុង។

បើតាម​លោក John Bell អគ្គនាយកធនាគារ ជីប ម៉ុង បានថ្លែងថា នេះគឺជាការផ្តល់ជូនអតិថិជននូវជម្រើសហិរញ្ញវត្ថុដ៏ប្រសើរបំផុត មិនធ្លាប់មានពីមុនសោះ ជាមួយ​​អត្រាការប្រាក់ត្រឹមតែ០.៧៥% ក្នុងមួយខែតែប៉ុណ្ណោះ ហើយរយៈពេលកម្ចីបានវែងរហូតដល់២០ឆ្នាំទៀតផង។

ជីប ម៉ុងលែន គឺជា​ក្រុមហ៊ុន​អភិវឌ្ឍន៍​គម្រោង​អគារ​ធំៗ និង​លំនៅឋាន​ជាច្រើន​ក្នុង​រាជធានី​ភ្នំពេញ​។ ក្រុមហ៊ុន​នេះ​គឺជា​បុត្រសម្ព័ន្ធ​របស់ ជីប ម៉ុង គ្រុប ដែល​មាន​អាជីវកម្ម​ជាច្រើន​ដូចជា រោងចក្រ​ផលិត​ស្រាបៀរ​កម្ពុជា រោងចក្រ​ផលិត​ស៊ីម៉ងត៍ មជ្ឈមណ្ឌល​ពាណិជ្ជកម្ម និង​ធនាគារ​។ កាលពី​ខែ​តុលា ជីប ម៉ុងលែន បាន​ទិញ​យក​គម្រោង​អភិវឌ្ឍន៍​ក្រុង​រណប ហ្គ្រេន​ភ្នំពេញ​ក្នុង​តម្លៃ​មិនត្រូវ​បាន​បញ្ចេញ​មួយ​៕

The post ជីប ម៉ុង ផ្តល់កម្ចី​ដល់ ៩៥ ភាគរយ​ ដល់​អតិថិជន​ចង់​បាន​លំនៅដ្ឋានប្រណិត​នៅ​ជីប ប៉ុង លែន appeared first on .

សូមចុច Subscribe Telegram oknha_news ដើម្បីទទួលបានព័ត៌មានគ្រប់​សកម្មភាព​ឧកញ៉ា​ អាជីវកម្ម ចែក​រំលែក ជោគជ័យ

នៅពីក្រោយភាពជោគជ័យដ៏ត្រចេះត្រចង់របស់ ជីបម៉ុង លែន ដ៏ល្បីល្បាញ់នាបច្ចុប្បន្ននេះ ក៏មានសហស្ថាបនិកជាច្រើន ក្នុងនោះក៏មានលោកឧកញ៉ា លាង ហួង អគ្គនាយកក្រុមហ៊ុន ជីប ម៉ុង លែន ដែលបានខំខិតលះបង់ដើម្បីនាំមកនូវភាពជោគជ័យមកឲ្យជីបម៉ុង គ្រុប។

ឧកញ៉ា លាង ហួង ដែលគេស្គាល់ឈ្មោះ ហេនរី  អ្នកជំនួញអចលនទ្រព្យលាក់មុខមួយរូបនៅកម្ពុជា និងជាថ្នាក់ដឹកនាំដ៏ឆ្នើម ខណៈដែលលោកកាន់តួនាទីអគ្គនាយកក្រុមហ៊ុន ជីប ម៉ុង លែន ដែលជា​បុត្រ​សម្ព័ន្ធ​របស់​ក្រុមហ៊ុន​ ជីប ម៉ុង​ គ្រុប ជា​​ក្រុមហ៊ុន​​វិនិយោគអចលនទ្រព្យ​ក្នុង​ស្រុក​​ ផ្តល់ជូនគេហដ្ឋានតាមក្តីស្រមៃរបស់មនុស្សគ្រប់គ្នា។ គម្រោងលំនៅឋានរបស់ ជីបម៉ុង លែន សាងសង់ឡើងដោយប្រើប្រាស់សម្ភារៈ ដែលមានគុណភាពខ្ពស់បំផុត និងមានវិញ្ញាបនបត្រ ISO បញ្ជាក់ ដូចជា បេតុង ជីប ម៉ុង ដែកថែបអ៊ីតាលីម៉ាក វី ក្បឿង ជីប ម៉ុង និងទុយោ ជីប ម៉ុង ជាដើម។

ការរចនាម៉ូដទាំងក្នុង និងក្រៅរបស់លំនៅឋាននីមួយៗ ជារចនាបថមិនចេះហួសសម័យ ដែលឆ្លុះបញ្ចាំងពីការគិតគូរយ៉ាងហ្មត់ចត់លើទំនោររបស់មនុស្សគ្រប់សម័យកាល។ លំនៅឋាន ជីបម៉ុង លែន ត្រូវបានបំពាក់ដោយបរិក្ខារទំនើបៗ និងហ៊ុមព័ទ្ធទៅដោយក្លឹបហៅស៍ សួនច្បារ ចំណតរថយន្ត ទីធ្លាកម្សាន្ត និងផ្សារសហគមន៍ ដើម្បីធានាជូនអតិថិជននូវការ «ជឿជាក់ក្នុងការរស់នៅ»។

សូមជម្រាបជូនលោកអ្នកនាងដែលថា គម្រោងដំបូងគេបង្អស់របស់ ជីបម៉ុង លែន គឺ ផាក លែន សែនសុខ ត្រូវបានបញ្ចប់ដោយជោគជ័យ និងបានប្រគល់ជូនអតិថិជននៅក្នុងឆ្នាំ២០១៧។ បច្ចុប្បន្ននេះ ជីបម៉ុង លែន មានគម្រោងចំនួនប្រាំបួនផ្សេងទៀត ដែលស្ថិតក្រោមការសាងសង់៖ គម្រោង លែនម៉ាក ២៧១, គម្រោង លែនម៉ាក ៦០ម៉ែត្រ, គម្រោង ផាក លែន ៥៩៨, គម្រោង ផាក លែន ធី ខេ, គម្រោង ផាក លែន ខុនដូ ធីខេ, គម្រោង ផាក លែន ៦អា, គម្រោង ផាក លែន ៥០ម៉ែត្រ និង គម្រោង លែន រីច ចំការដូង ដែលគម្រោងទាំងអស់នេះផ្តល់ជូននូវលំនៅឋានជាច្រើនប្រភេទរួមមាន វីឡា វីឡាកូនកាត់ ហ្សបហៅស៍ និងខុនដូ ដើម្បីបំពេញតាមតម្រូវការរបស់ប្រជាពលរដ្ឋ ដែលកំពុងមានការកើនឡើងសម្រាប់គេហដ្ឋានដែលមានគុណភាពខ្ពស់ និងមានរចនាបថប្រណីត។

យើងសង្កេតឃើញថា ជីប ម៉ុង លែន បាននឹងកំពុងជ្រើសរើសអភិវឌ្ឍគម្រោងទាំងអស់របស់ខ្លួននៅតំបន់យុទ្ធសាស្ត្រ។ មានសក្តានុពលនៃការអភិវឌ្ឍ ដែលមានផ្លូវចេញចូលឆាប់រហ័ស និងងាយស្រួលបំផុតទៅកាន់ផ្សារទំនើប សាលារៀនរដ្ឋ និងសាលាអន្តរជាតិ ធនាគារ និងមន្ទីរពេទ្យ។

មកដល់ពេលបច្ចុប្បន្ននេះ ជីបម៉ុង លែន មានបុគ្គលិកបម្រើការជាអ្នកឯកទេសជាតិ និងអន្តរជាតិ និងអ្នកជំនាញជាង៤០០០នាក់ ដែលពួកគេទាំងអស់ប្តេជ្ញាចិត្តជួយធ្វើឲ្យការរស់នៅរបស់ប្រជាពលរដ្ឋកម្ពុជាកាន់តែប្រសើរ តាមរយៈសំណង់ដែលមានគុណភាពខ្ពស់ ស្តង់ដាសម្រាប់ការរស់នៅ និងបំពាក់ដោយបរិក្ខារលំនៅឋាន និងសេវាកម្សាន្ត ដែលមានភាពល្អផ្តាច់គេ៕

អត្ថបទទាក់ទង៖

The post មកស្គាល់អ្នកជំនួញអចលនទ្រព្យម្នាក់ ដែលនាំនូវភាពជោគជ័យដ៏អស្ចារ្យមកក្រុមហ៊ុន ជីបម៉ុង លែន appeared first on .

មានទីតាំងតាមបណ្តោយផ្លូវម៉ុងរិទ្ធី គម្រោងខុនដូដំបូងបង្អស់របស់ក្រុមហ៊ុន ជីប ម៉ុង លែន គឺជាប្រភេទខុនដូប្រណិតមានកម្ពស់ ២៦ បំពាក់ទៅដោយលក្ខណៈពិសេសជាច្រើនសម្រាប់បំរើដល់ការរស់នៅបែបថ្មីនិងទាន់សម័យ។
 

«ផាក លែន ខុនដូ ធីខេ» គឺជាខុនដូដំបូងបង្អស់នៅកម្ពុជាដែលមានសួនច្បារលើ អាកាសសម្រាប់លម្ហែកាយ  បូករួមជាមួយនឹងផ្លូវសម្រាប់រត់ហាត់ប្រាណលើអាកាស។ ក្រៅពីនេះ ខុនដូនេះ ក៏មានអាងហែលទឹកទំហំធំ៦ម៉ែត្រគុណ៤០ម៉ែត្រ ចំណតរថយន្តកម្ពស់បួនជាន់ សួនកុមារធំទូលាយ ក្លឹបហាត់ប្រាណទំនើប កន្លែងធ្វើការរួមគ្នា (Co-working Space) និងទីលានលើអាកាស (Sky Pavillion) សម្រាប់រៀបចំកម្មវិធីជួបជុំផ្សេងៗ។ 

ថ្លែងក្នុងពិធីបើកការលក់ខាងលើ លោក លាង ហេនរី អគ្គនាយកក្រុមហ៊ុន ជីប ម៉ុង លែន បានមានប្រសាសន៍ថា៖ «ផាក លែន ខុនដូ ធីខេ ត្រូវបានបង្កើតឡើងបន្ថែមពីលើប្រភេទគម្រោងលំនៅដ្ឋានផ្ទះវីឡា និងហ្សបហោស៍ របស់យើងដើម្បីឆ្លើយតបទៅនឹងតម្រូវការ និងនិន្នាការរបស់មនុស្សសម័យថ្មីដែលនិយមជ្រើសយកលំនៅដ្ឋានដែលមានតម្លៃសមរម្យ និងមានផាសុខភាព សុវត្ថិភាព សេវាកម្មចម្រុះ ទីតាំងអំណោយផល និងជាពិសេស ការស្នាក់នៅដែលប្រកបដោយស្តង់ដារ»។

ថ្លែងអំពីការបញ្ចប់ការសាងសង់ក្នុងឆ្នាំ ២០២២ ខាងមុខនេះ លោក លាង ហេនរី ក៏បានបញ្ជាក់ថា «ផាក លែន ខុនដូ ធីខេ» ត្រូវបានសាងសង់ពីស្ថាបត្យកម្មដ៏ល្អឯកដើម្បីផ្តល់លំនៅឋាន ដ៏រឹងមាំ និង ទំនើបទាន់សម័យជូនអតិថិជន។

ជាមួយនឹងការធ្វើបទបង្ហាញយ៉ាងក្បោះក្បាយអំពីព័ត៌មាននៃគម្រោងខាងលើជូនដល់អតិថិជនប្រកបដោយសក្តានុពលរបស់ក្រុមហ៊ុន លោក តេង កុយទ្រី អ្នកគ្រប់គ្រងផ្នែកលក់របស់ជីប ម៉ុង លែន បានឲ្យដឹងថាការសម្រេចចិត្តរបស់ក្រុមហ៊ុនក្នុងការឈានជើងចូលក្នុងទីផ្សារខុនដូគឺដោយសារក្រុមហ៊ុនមើលឃើញឱកាសមួយចំនួនដូចជា១)មនុស្សជំនាន់ក្រោយគឺគាត់ចង់សាកល្បងរស់នៅជីវិតបែបថ្មីក្នុងខុនដូ ២) ទីតាំងល្អ ដែលបច្ចុប្បន្នការផ្គត់ផ្គង់ខុនដូក្នុងខណ្ឌសែន សុនមានត្រឹមប្រមាណជា ១៤ ភាគរយ និង ៣) តម្រូវការលំនៅដ្ឋានសមរម្យសម្រាប់គូស្វាមីភរិយាថ្មី។ 

សម្រាប់ការបើកលក់អគារទីមួយដែលមានជាង ១៣០០ យូនីត ក្រុមហ៊ុននឹងមានការបញ្ចុះតម្លៃពិសេសរហូតដល់ ៥ ភាគរយ និងការផ្តល់ជូនការបង់រំលស់ឥតការប្រាក់រហូតដល់ ២ ឆ្នាំទៀតផង ដោយបង់ត្រឹមតែ ៤៩៩ ដុល្លារអាមេរិក ក្នុងមួយខែ។

The post ក្រុមហ៊ុនជីបម៉ុង​របស់ អ្នកឧកញ៉ា លាងឃុន​ចាប់ផ្តើមបើក​លក់គម្រោង​ខុនដូប្រណិត​ដំបូង​បង្អស់​របស់​ខ្លួន​ហើយ appeared first on .