ជាមួយគ្នានោះ រដ្ឋភិបាលបាននិយាយនៅក្នុងសេចក្តីថ្លែងការណ៍មួយថា ក្រុមហ៊ុន AVAC Vietnam JSC បានដឹកជញ្ជូនវ៉ាក់សាំងប្រមាណ ៣០០,០០០ដូសទៅកាន់ហ្វីលីពីនរួចមកហើយ ចាប់តាំងពីការអនុម័តរបស់ខ្លួនកាលពីពេលកន្លងទៅមកម្លេះ។

រម្លឹកផងថា​ កាលពីចុងខែកក្កដាកន្លងទៅ ប្រទេសវៀតណាមបានអនុម័តការប្រើប្រាស់ក្នុងស្រុកនូវវ៉ាក់សាំងជំងឺប៉េស្តជ្រូកអាហ្វ្រិកចំនួនពីរគឺ NAVET-ASFVAC និង AVAC ASF LIVE ដែលវ៉ាក់សាំងនេះសហការបង្កើតឡើងដោយក្រុមហ៊ុនវៀតណាម និងអ្នកស្រាវជ្រាវមកពីសហរដ្ឋអាមេរិក។

គួរបញ្ជាក់ផងដែរថា បើយោងតាមរដ្ឋាភិបាលបានលើកឡើងថា វ៉ាក់សាំងប្រមាណជាង ៦៥០,០០០ដូសត្រូវបានធ្វើតេស្តលើហ្វូងជ្រូកក្នុងខេត្តចំនួន ៤០នៅទូទាំងប្រទេស ជាមួយនឹងអត្រាប្រសិទ្ធភាពរហូតដល់ ៩៥%ឯណោះ៕

The post វៀតណាមត្រៀមការនាំចេញវ៉ាក់សំាងជំងឺប៉េស្តជ្រូកអាហ្វ្រិក ២លានដូសទៅកាន់ហ្វីលីពីន appeared first on .

នាឪកាសនោះ លោកបានអះអាងបន្តថា នៅពេលដែលកំពុងផ្ទុះវីរុសនេះឡើង អាចនឹងមានការឈប់សម្រាកពីការងារមួយរយៈ ប៉ុន្ដែមិនមានកត្តាហានិភ័យណាមួយ ដែលអាចប៉ះពាល់ដល់វិស័យ អចលនទ្រព្យឡើយ។

លោក ច្រឹក សុខនីម បានបន្ថែមថា «ពីមុនកម្ពុជាក៏មានវីរុសផ្សេងៗដូចជា ជំងឺសារ, ជំងឺផ្ដាសាយបក្សី មុននឹងចូលដល់ជំងឺកូរ៉ូណានេះ។ ជាទូទៅជំងឺទាំងនេះនឹងបាត់​ទៅវិញ ក្នុងរយៈពេលប្រមាណត្រឹមតែ១-២ខែប៉ុណ្ណោះ ហើយក្នុងរយៈពេលដ៏ខ្លីនេះ នឹងមិនអាចបង្កផលលំបាក ដល់វិស័យអចលនទ្រព្យនោះឡើយ ហើយក៏​មិនជា​បញ្ហាដែលបងប្អូនប្រជាពលរដ្ឋគួរបារម្ភពេកនោះឡើយ»។

ប្រធានសមាគមអ្នកវាយតម្លៃ និងភ្នាក់ងារអចលនវត្ថុកម្ពុជារូបនេះ ក៏បានអះអាងថា វិស័យអចលន​ទ្រព្យកម្ពុជា ឆ្នាំ២០២០ នៅតែបន្ដភាពរឹងមាំ។លោកថា កត្តារឹងមាំ​ដោយផ្អែកសរសរស្តម្ភ៣រួមមាន៖ ភ្នាក់ងារអចលនវត្ថុ, ភ្នាក់ងារវាយតម្លៃ និងការអភិវឌ្ឍគម្រោង។

លោកបានបញ្ជាក់ថា សរសរស្ដម្ភទាំង៣នេះ បានជំរុញឲ្យវិស័យដីធ្លីមានភាពរឹងមាំ។ ក្រៅអំពីនេះសមាគមបានដុតដៃដុតជើង ក្នុងការចូលរួមបណ្ដុះបណ្ដាល នូវជំនាញ​វិជ្ជាជីវៈភ្នាក់ងារអចលនវត្ថុជាង១,០០០នាក់។

គួរបញ្ជាក់ថា គិតរហូតមកដល់ថ្ងៃទី៣១ ខែមករានេះ ជំងឺផ្លូវដង្ហើមថ្មី ដែលផ្ទុះ​ចេញពី​ក្រុងវូហាន ប្រទេសចិន បានរីករាលដល់ប្រទេសចំនួន២៣ នៅលើពិភពលោក ហើយបណ្តាលឱ្យមានមនុស្សស្លាប់២១៣នាក់ និងជាង៩៨០០នាក់កំពុងមានមេរោគ។

ជាមួយគ្នានេះ នៅថ្ងៃនេះអង្គការសុខភាពពិភពលោក (WHO) ក៏បានចេញប្រកាស​អាសន្នជាសកលមួយ ចំពោះការវាយប្រហារនៃជំ​ងឺផ្លូវ​ដង្ហើមថ្មីកូរ៉ូណានៅ​លើពិភព​លោក ៕ អត្ថបទ៖ សិរីកា

The post ប្រធាន ​CVEA​៖ វិស័​យ​អចលន​ទ្រព្យ​ក​ម្ពុជា​មិន​រង​​​ផល​​ប៉ះ​​ពាល់​ឡើយ ពី​​ឥទ្ធិពល​​នៃ​​វីរុស​កូ​រ៉ូ​ណា appeared first on .

ទន្ទឹមគ្នានេះ លោក វេជ្ជបណ្ឌិត លី ចេងហ៊ុយ បានលើកឡើងបន្តថា ដោយសារការ​កំណត់ឈ្មោះជម្ងឺ ប្រភពមេរោគ របៀបឆ្លងមេរោគ រោគសញ្ញា ការវិវត្តន៍ និងការព្យា​បាលនៃជំងឺ នៅមិនទាន់បានច្បាស់លាស់នៅឡើយ ទើបមានការលំបាក​ក្នុងការជឿ​ជាក់ និងចាត់វិធានការឲ្យបានត្រឹមត្រូវ និងមានប្រសិទ្ធភាព ១០០%។

ហេតុនេះ លោកវេជ្ជបណ្ឌិត លី ចេងហ៊ុយ ក៏បានចូលរួមចែករំលែកព័ត៌មាន និងចំណេះ​ដឹងមួយចំនួន ស្តឺពីមេរោគអ៊ូហាន ឬមេរោគកូរ៉ូណាថ្មី ជូនសាធារណៈជន ទុកគ្រាន់​ជាការយល់ដឹង និងជាអាវុធការពារខ្លួន។

ក្នុងនោះលោកវេជ្ជបណ្ឌិតបញ្ជាក់ដូច្នេះថា «ជាកិច្ចបន្ទាន់ ដើម្បីថែទាំសុខភាព​ពីការរាតត្បាតមេរោគអ៊ូហាន ខ្ញុំសូមជូន «វិធាន៣គួរ៣កុំ» ងាយស្រួលចងចាំ និងប្រតិបត្តិតាម ដូចតទៅ៖

+ គួរ៣ប្រការ៖
១-គួរលាងដៃជាមួយសាប៊ូ ឬអាល់កុល ឲ្យបានញឹកញាប់ ជាពិសេសមុននិងក្រោយប៉ះកាន់អ្វីមួយ។
២-គួរពាក់ម៉ាស់ នៅពេលក្អកកណ្តាស់ និងនៅពេលនៅទីប្រជុំជន ដែលមានមនុស្សច្រើនកុះករ។
៣-គួរជួបពិគ្រោះ និងព្យាបាល ជាមួយគ្រូពេទ្យជំនាញត្រឹមត្រូវ បើសង្ស័យឬមានអាការរោគមិនស្រួលខ្លួន។

+ កុំ៣ប្រការ៖
១-កុំពិសារសាច់សត្វឆៅ ឬចម្អិនមិនបានល្អ ជាពិសេសសាច់សត្វព្រៃ។
២-កុំទៅកន្លែងដែលចិញ្ចឹម ឬសម្បូរសត្វព្រៃ និងសត្វស្លាប ឬបក្សាបក្សី។
៣-កុំនៅកន្លែងដែលមានមនុស្សច្រើនកុះករ និងកន្លែងដែល​មានអ្នកមានរោគ​សញ្ញាជម្ងឺផ្លូវដង្ហើមជាដើម។

រហូតមកដល់ពេលនេះ តាមការបញ្ជាក់របស់រដ្ឋមន្រ្តីសុខាភិបាលកម្ពុជា បានឲ្យដឹងថា ទើបនឹងមានករណីជំងឺរលាកផ្លូវដង្ហើមថ្មីកូរ៉ូណា ១ករណីតែប៉ុណ្ណោះ នៅកម្ពុជា។ មេរោគនេះ ត្រូវបានរកឃើញនៅលើខ្លួនជនជាតិចិនម្នាក់ អាយុ៦០ឆ្នាំ ដែលធ្វើ​ដំណើរ​ពីក្រុងវូហាន ខេត្តហ៊ួប៉ី ប្រទេសចិន ចូលមកដល់ខេត្តព្រះសីហនុ នៅថ្ងៃទី២៣ ខែមករា ឆ្នាំ២០២០។ ជនជាតិចិនរូបនោះ មកជាមួយក្រុមគ្រួសារ៣នាក់ទៀត ប៉ុន្តែក្រុមគ្រួសារ​របស់គាត់ រហូតមកដល់ពេលនេះ ពុំទាន់រកឃើញថាបានឆ្លងជំងឺកាច​សាហាវនេះ​ឡើយ​។

ហេតុនេះ ពាក់ព័ន្ធនៅតែអំពាវឲ្យសារធាណៈជន ថែរក្សាសុខភាពផ្ទាល់ខ្លួន និងប្រុង​ប្រយ័ត្ន​ការពារខ្លួនពីកូរ៉ូណាវីរុសថ្មី ខណៈក្រសួងសុខាភិបាលកម្ពុជាកំពុងតែ​ដុតដៃ​ដុតជើង​លើរឿង​នេះ៕ អត្ថបទ៖ សិរីកា

The post លោក វេជ្ជបណ្ឌិត លី ​ចេង​ហ៊ុយ៖ «វិធាន៣​គួរ​៣​កុំ» ជា​អាវុ​ធ​កា​រ​ពារ​ខ្លួន​​ពីកូរ៉ូណាវីរុសថ្មី appeared first on .