នាវេទិកាទីក្រុងមូស្គូស្តីពីបច្ចេកវិទ្យានាពេលអនាគតលោក ពូទីន បានចង្អុលបង្ហាញថា សហព័ន្ធរុស្ស៊ីបានបោះជំហានយ៉ាងធំសម្បើម ដោយបានស្វែងរកការព្យាលបាលជំងឺមហារីកក្នុងដំណាក់កាលដំបូង ដែលនាំឲ្យអត្រានៃការរស់រានមានជីវិតកាន់តែខ្ពស់។

លោកបានបន្ថែមថា ពួកយើងខិតកាន់តែជិតក្នុងការបង្កើតវ៉ាក់សាំង Onco-Vaccine និងថ្នាំ Immunomodulatory ជំនាន់ថ្មី ដែលមានសមត្ថភាពប្រយុទ្ធប្រឆាំងចំពោះជំងឺមហារីក ហើយខ្ញុំសង្ឃឹមថាឆាប់ៗនេះ វ៉ាក់សាំងក៏ដូចជាថ្នាំទាំងនេះ នឹងត្រូវបានប្រើប្រាស់យ៉ាងមានប្រសិទ្ធភាពក្នុងការព្យាបាលចំពោះមនុស្សទូទៅ។

ដោយយោងតាមលោកប្រធានាធិបតីបានបញ្ជាក់ថា ជាងពាក់កណ្តាលនៃករណីជំងឺមហារីកកើតឡើងក្នុងប្រទេសរុស្ស៊ីទាំងអស់ ត្រូវបានរកឃើញនៅដំណាក់កាលដំបូង។ ម្យ៉ាងវិញទៀត លោកក៏បានសន្យាថា នឹងបន្តផ្តល់មូលនិធិដល់ការស្រាវជ្រាវ និងការអភិវឌ្ឍន៍ផ្នែកវេជ្ជសាស្ត្រក្នុងកម្រិតចាំបាច់ផងដែរ។

គួរជម្រាបផងដែរថា កន្លងមកពិភពលោកបានជួបនឹងវិបត្តិជំងឺរាតត្បាត ខណៈក្នុងនោះប្រទេសរុស្ស៊ីក៏ជាប្រទេសមួយក្នុងចំណោមប្រទេសមួយចំនួនទៀត ដែលបានបង្កើតនូវវ៉ាក់សាំងផ្ទាល់ខ្លួនឈ្មោះថា Sputnik V ដើម្បីប្រឆាំងការពារជំងឺកូវីដ១៩ ហើយក៏បានលក់វាទៅកាន់ប្រទេសមួយចំនួនថែមទៀត៕

The post រុស្ស៊ីជិតផលិតបានវ៉ាក់សាំង ការពារជំងឺមហារីកហើយ appeared first on .

ដោយសារតែជំងឺនេះ ភាគច្រើន អាចមានសភាពធ្ងន់ធ្ងរ បណ្តាលឲ្យស្លាប់ ឬក៏បន្សល់នូវភាពពិការច្រើន ទោះបីបច្ចុប្បន្ននេះមានការព្យាបាលដោយបច្ចេកវិទ្យាទំនើបៗក៏ដោយ ទើបមានការសិក្សាស្រាវជ្រាវជាច្រើន ដើម្បីស្វែងរកវិធីបង្ការកុំឲ្យកើតមានជំងឺនេះ។

កត្តាដែលអាចបង្កាជំងឺគ្រោះថ្នាក់សរសៃឈាមខួរក្បាល ដែលយើងគ្រប់គ្នាអាចអនុវត្តន៍បានគឺ ការផ្លាស់ប្តូរទម្លាប់មួយចំនួនក្នុងជិវិតរស់នៅប្រចាំថ្ងៃរបស់យើង(Lifestyle change)។
ក) របបអាហារដែលយើងទទួលទានរាល់ថ្ងៃ៖
– ត្រូវពិសារអាហារដែលមានជាតិអំបិលតិចបំផុត
– ពិសាបន្លែ និងផ្លែឈើឲ្យបានច្រើនមុខ
– ត្រូវបញ្ចូលគ្រាប់ធញ្ញជាតិទៅក្នុងរបបអាហារប្រចាំថ្ងៃរបស់យើង។
វាមានសារៈសំខាន់ណាស់ក្នុងការកាត់បន្ថយជំងឺ Stroke នេះ ដោយការទទួលទានអាហារសុខភាព(Healthy diet) និងអាចកាត់បន្ថយហានិភ័យនេះបានដោយតាមរយៈការការពារជំងឺមួយចំនួនដូចជា:
– ជំងឺលើសឈាម
– ជំងឺទឹកនោមផ្អែម
– លើសជាតិខ្លាញ់
– ជំងឺធាត់
– ជំងឺគេងស្រម៉ុក
– និងជំងឺសរសៃឈាមបេះដូងជាដើម…

ខ) តើត្រូវធ្វើលំហាត់ប្រាណបែបណា ទើបគ្រប់គ្រាន់និងត្រឹមត្រូវ?
ការធ្វើលំហាត់ប្រាណ គឺអាចកាត់បន្ថយជំងឺលើសឈាម និងមូលហេតុបង្ករផ្សេងៗទៀត នៃជំងឺសរសៃឈាម។ យើងត្រូវធ្វើលំហាត់ប្រាណឲ្យបានយ៉ាងតិច ៣ ទៅ ៤ដងក្នុងមួយសប្តាហ៍ និងម្ដងៗមានរយៈពេលយ៉ាងតិច ៣០នាទី។

គ) កត្តាផ្សេងៗទៀត ដែលយើងត្រូវយកចិត្តទុកដាក់មានដូចជា៖
– ត្រូវរក្សាលំនឹងទម្ងន់ឲ្យបានសមស្រប
• បុរស: រង្វង់ចង្កេះកុំឲ្យលើសពី ៩០ សង់ទីម៉ែត
• នារី: រង្វង់ចង្កេះកុំឲ្យលើសពី ៨០ សង់ទីម៉ែត
• BMI: សូមអោយតិចជាង ២៣គីឡូក្នុងមួយម៉ែតការ៉េ (< 23 Kg/m2) – ត្រូវអញ្ជើញពិនិត្យ និងព្យាបាល ជំងឺលើសឈាម ជំងឺទឹកនោមផ្អែម លើសជាតិខ្លាញ់ និងជំងឺបេះដូងនិងសរសៃឈាមឲ្យបានត្រឹមត្រូវ សរុបសេចក្តីមក ដើម្បីជៀសវាងពីជំងឺដ៏កាចសាហាវនេះ យើងទាំងអស់គ្នា គប្បីថែរក្សាសុខភាពយើងឲ្យបានល្អ និងត្រូវធ្វើការពិនិត្យសុខភាពឲ្យបានទៀងទាត់ជាមួយនិងក្រុមវេជ្ជបណ្ឌិតជំនាញនៃមន្ទីរពេទ្យកាល់ម៉ែត។ “សូមចូលរួមទាំងអស់គ្នា ដើម្បីកាត់បន្ថយជំងឺគ្រោះថ្នាក់សរសៃឈាមខួរក្បាល ពីព្រោះពិការភាព នាំឲ្យខាតបង់ធំធេងណាស់ ចំពោះជីវិតយើង គ្រួសារយើង និងសង្គមជាតិយើង។”

ប្រភព៖ Calmette Hospital

The post ជំងឺគ្រោះថ្នាក់សរសៃឈាមខួរក្បាល អាចបង្ការបាន! appeared first on .