សូមជម្រាបថា ឧកញ៉ាបណ្ឌិត គីម ហ៊ាង និងជំទាវឧកញ៉ា គង់ សំណាង គឺជាស្ថាបនិក និងជាម្ចាស់បុរីលំដាប់​អភិជន វិមានសំណាង ដែលមានទីតាំងនៅខណ្ឌព្រែកព្នៅ រាជធានីភ្នំពេញ និងជាម្ចាស់បុរី ខេអេស រ៉េស៊ីដេន មាន​ទីតាំងនៅស្រុកកៀនស្វាយ ខេត្តកណ្តាលផងដែរ៕

The post សម្តេចកិត្តិសង្គហបណ្ឌិត ម៉ែន សំអន អនុញ្ញាតឱ្យ ឧកញ៉ាបណ្ឌិត គីម ហ៊ាង និងជំទាវឧកញ៉ា គង់ សំណាង ចូលជួបសម្តែងការគួរសម appeared first on .

លោកឧកញ៉ាបណ្ឌិត គីម ហ៊ាង និងលោកជំទាវឧកញ៉ា គង់ សំណាង កន្លងមកតែងតែចូលរួមឧបត្ថម្ភថវិកាជារៀងរាល់ឆ្នាំ ដល់កាកបាទក្រហមកម្ពុជាសម្រាប់ទិវា ៨ឧសភា។ កន្លងមកនេះ លោកជំទាវឧកញ៉ា និងលោកឧកញ៉ាបណ្ឌិត ក៏តែងតែបានចូលរួមឧបត្ថម្ភថវិកា ជួយដល់យុទ្ធនាការផ្សេងៗរបស់ប្រមុខរាជរដ្ឋាភិបាល ព្រមទាំងបានចូលរួមជួយឧបត្ថម្ភដល់កម្មវិធីសប្បុរសជាច្រើនទៀត។

ការចូលរួមឧបត្ថម្ភគាំទ្រជាថវិកា និងសម្ភារៈ តាមរយៈកាកបាទក្រហមកម្ពុជា គឺពិតជាមានគុណតម្លៃណាស់ ក្នុងការលើកកម្ពស់ស្មារតីវប្បធម៌នៃការចែករំលែក ដែលជាការផ្សារភ្ជាប់រវាងសប្បុរសជនជាមួយអ្នកទទួលផល។

គួររម្លឹកថាកាកបាទក្រហមកម្ពុជា ដែលមាន សម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ ជាព្រះប្រធានកិត្តិយស និង សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ជាប្រធាន នៅក្នុងឆ្នាំ២០២៤កន្លងទៅ បានជួយប្រជាពលរដ្ឋងាយគ្រោះដោយផ្ទាល់ និងទាំងប្រយោលជាង ២លាននាក់៕

The post លោកឧកញ៉ាបណ្ឌិត គីម ហ៊ាង និងលោកជំទាវឧកញ៉ា គង់ សំណាង ឧប្បត្ថម្ភថវិកាមួយចំនួជូនកាកបាទក្រហមកម្ពុជា ដើម្បីចូលរួមអបអរសាទរខួបទី១៦២ ទិវាពិភពលោកកាកបាទក្រហម និងអឌ្ឍចន្ទក្រហម ៨ ឧសភា ឆ្នាំ២០២៥ appeared first on .

ជាអ្នកអនុវត្តការងារផ្ទាល់ជាយូរឆ្នាំ នៃក្រុមហ៊ុនអចលនទ្រព្យលេចធ្លោរមួយ លោកជំទាវឧកញ៉ា គង់ សំណាង បានលើកឡើងក្នុងបទសម្ភាសន៍មួយ កាលពីពេលថ្មីៗនេះថា បើយើងនិយាយពីការគ្រប់គ្រងធនធានមនុស្ស ជាទូទៅគេគិតថាផ្នែកលក់សំខាន់ណាស់ ព្រោះជាអ្នករកលុយឱ្យឱ្យក្រុមហ៊ុន ហើយផ្នែកហិរញ្ញវត្ថុក៏សំខាន់ព្រោះជាអ្នកថែរក្សាលុយ និងប្រើប្រាស់លុយ។ បើក្រឡេកមើលទៅផ្នែកធនធានមនុស្ស គឺជាផ្នែកមួយដែលជាកន្លែងប្រមូលផ្តុំ (Center) ដើម្បីឱ្យផ្នែកផ្សេងៗដើរទៅមុខទាំងអស់គ្នា។ ឧទាហរណ៍ ផ្នែកលក់ត្រូវមានទំនាក់ទំនងជាមួយអតិថិជន ដូច្នេះគាត់ត្រូវទាក់ទងជាមួយផ្នែកគណនេយ្យ ដើម្បីប្រមូលលុយបានល្អ បើធ្វើមិនបានល្អ ក៏ផ្នែកលក់មិនអាចទៅមុខបានដែរ ហើយនឹងទាក់ទងនឹងផ្នែកធនធានមនុស្ស ដែលចាំបាច់ត្រូវរកមនុស្ស និងរក្សាអ្នកចេះឱ្យនៅធ្វើការជាមួយក្រុមហ៊ុនឱ្យបានច្រើន។

សម្រាប់យុទ្ធសាស្ត្រគ្រប់គ្រងធនធានមនុស្សរបស់លោកជំទាវ គឺផ្តោតសំខាន់លើការរើសមនុស្សឱ្យបានល្អ និងឱ្យបានត្រឹមត្រូវ។ ពេលដែលលោកជំទាវជ្រើសរើសមនុស្សចូល គឺលោកជំទាវជ្រើសរើសយ៉ាងមត់ចត់ ដោយសារមានគោលគំនិតផ្ទាល់ខ្លួនមួយថា លោកជំទាវមិនងាយនឹងប្រលែងគាត់ចេញទេ ព្រោះរើសចូលជារឿងងាយស្រួល តែបញ្ឈប់គាត់គឺជារឿងពិបាក ហើយយើងតែងចង់ឱបក្រសោបបុគ្គលិកល្អៗទុក។ ចំណុចជ្រើសរើសដំបូងគេ គឺផ្តោតលើអត្តចរិក បន្ទាប់មកចំណេះជំនាញ។ បើយើងរើសបានបុគ្គលិកមានទាំងអត្តចរិកល្អ និងមានចំណេះជំនាញ នោះជាសំណាងរបស់ក្រុមហ៊ុន។ មនុស្សយើងបើមានអត្តចរិកល្អ នោះចំណេះជំនាញគឺអាចរៀនសូត្របាន ឬរៀនសូត្រពីការងារបទពិសោធន៍ប្រចាំថ្ងៃបន្ថែមបាន ដូច្នេះបើគាត់ជាមនុស្សល្អ ក្រុមហ៊ុននឹងងាយស្រួលគ្រប់គ្រង។

លោកជំទាវឧកញ៉ា បានបន្ថែមថា ជាក់ស្តែងក្រុមហ៊ុនរបស់លោកជំទាវ បុគ្គលិកចាប់ពីថ្នាក់កណ្តាលឡើងទៅ មិនងាយនឹងផ្លាស់ប្តូរ ឬចាកចេញនោះទេ។ មូលហេតុដោយសារតែលោកជំទាវខ្លួនឯងក្នុងនាមជាអ្នកដឹកនាំ គឺតែងនៅជាមួយពួកគាត់ជានិច្ច។ ឧទាហរណ៍ ប្រធានផ្នែកលក់ ប្រធានផ្នែកហិរញ្ញវត្ថុ និងប្រធានផ្នែកទាំងអស់ គឺលោកជំទាវធ្វើការជាមួយដោយផ្ទាល់ ហើយលោកជំទាវធ្វើរឿង៣ ជូនដល់ពួកគាត់។ ទី១ ការផ្តល់កិត្តិយសឱ្យពួកគាត់ (មិនប្រើពាក្យអសុរោះដាក់ពួកគាត់) ទី២ ផ្តល់សិទ្ធិដល់ពួកគាត់នៅម៉ោងក្រៅធ្វើការ ដោយមិនបង្ខំឱ្យធ្វើការងារក្រោយចប់ម៉ោងការងារ ហើយផ្តល់សិទ្ធិសម្រេចចិត្តកម្រិតតួនាទីរបស់គាត់ និងទី៣ ការផ្តល់អត្ថប្រយោជន៍ ស្របតាមច្បាប់ការងារ បូកបន្ថែមនឹងប្រាក់លើកទឹកចិត្តផ្សេងៗ។

សូមជម្រាបថា លោកជំទាវឧកញ៉ា គង់ សំណាង ជាភរិយាលោកឧកញ៉ា បណ្ឌិត គីម ហ៊ាង។ លោកជំទាវ ជាអគ្គនាយិកាបុរី វិមានសំណាង និងជាម្ចាស់បុរី ខេអេស រ៉េស៊ីដេន (Borey KS Residence) ព្រមទាំងជាអ្នកជំនួញលើវិស័យអចលនទ្រព្យមួយរូប ដែលតែងតែចូលរួមបរិច្ចាគធនធានផ្ទាល់ខ្លួន ជួយដល់កិច្ចការងារសង្គមជាហូរហែ។ លោកជំទាវ ត្រូវបានព្រះមហាក្សត្រចេញព្រះរាជក្រឹត្យត្រាស់បង្គាប់ផ្តល់គោរមងារជា «ឧកញ៉ា» នៅថ្ងៃទី១៥ ខែកុម្ភៈ ឆ្នាំ២០២១៕

The post ជំទាវឧកញ៉ា គង់ សំណាង ចែករំលែកបទពិសោធន៍លើការគ្រប់គ្រងធនធានមនុស្ស ដើម្បីរក្សាបុគ្គលិកល្អៗ ឱ្យនៅបន្តជាមួយក្រុមហ៊ុនយូរអង្វែង appeared first on .

ទស្សនៈវិស័យរបស់លោកជំទាវឧកញ៉ា មាន៤សំខាន់ៗ រួមមានដូចខាងក្រោម៖

១.គុណភាព៖ ក្រុមហ៊ុនធ្វើការសាងសង់នូវ វីឡាប្រណិត និងសហគមន៍ដែលមានគុណភាព ដោយប្រើប្រាស់នូវ​សម្ភារៈកម្រិតខ្ពស់ និងប្រកាន់ខ្ជាប់នូវស្តង់ដារនៃការសាងសង់។

២.ប្រណិត៖ បុរី វិមានសំណាង មានគោលបំណងផ្តល់នូវការរស់នៅដ៏ប្រណិត សម្រាប់អ្នករស់នៅ ដោយផ្តល់​ជូននូវបរិក្ខារ នៃការប្រើប្រាស់ដ៏ចាំបាច់ប្រចាំថ្ងៃ និងលក្ខណៈពិសេស ដែលបង្កើននូវផាសុកភាព និងភាពងាយ​ស្រួលទៅដល់អតិថិជន។

៣.គំនិតច្នៃប្រឌិត៖ បុរី វិមានសំណាង បានយកការរចនាប្រកបដោយភាពច្នៃប្រឌិត និងបច្ចេកទេសក្នុងការ​សាងសង់ ដោយធានាថាក្រុមហ៊ុនអាចបំពេញនូវតម្រូវការរបស់អតិថិជន។

៤.ទំនុកចិត្ត៖ បុរី វិមានសំណាង ប្តេជ្ញាកសាងនូវទំនុកចិត្តជាមួយអតិថិជន តាមរយៈតម្លាភាព ភាពជឿជាក់ និងការធ្វើអាជីវកម្មប្រកបដោយក្រមសីលធម៌។

សូម​ជម្រាប​ថា បុរី វិមានសំណាង របស់លោកឧកញ៉ា បណ្ឌិត គីម ហ៊ាង និងលោកជំទាវឧកញ៉ា គង់ សំណាង ជាបុរី លំដាប់អភិជន ដែលមានម៉ូដផ្ទះវីឡា ៣ប្រភេទគឺ វីឡាឃីង វីឡាឃ្វីន និងវីឡាព្រីន។ បុរី វិមានសំណាង ស្ថិតនៅខាងជើងក្រសួងដែនដី ២៥០០ម៉ែត្រ សាងសង់លើដី ២៥ហិកតា ជាវីឡាព្រីន បែបក្លាសិក វីឡាឃ្វីន បែបក្លាសិក និងជាវីឡាឃីង បែបក្លាសិក ឬបែបបារាំង ដែលចំណាយថ្លៃសាង សង់ច្រើនជាង និងប្រណិតជាង​ការសាងសង់​វីឡាបែបទំនើបនានា។ បុរី មានសួនច្បារ កន្លែងហាត់ប្រាណ កន្លែងលេង កីឡា ផ្លូវ ធំ ដើមឈើ​ច្រើន និងព្រែកធម្មជាតិ ស្មើជិត ៤០% នៃផ្ទៃដីសរុប ដែលសាកសមបំផុត សម្រាប់ គ្រួសារ អភិជន កម្ពុជាស្នាក់​នៅប្រចាំថ្ងៃ៕

The post ជំទាវឧកញ៉ា គង់ សំណាង អគ្គនាយិកា បុរី វិមានសំណាង បង្ហាញទស្សនៈវិស័យសំខាន់ៗ៤ចំណុច appeared first on .

គួរបញ្ជាក់ថា ជំទាវឧកញ៉ា គង់ សំណាង គឺជាអគ្គនាយិកា បុរី វិមានសំណាង បន្ថែមពីនោះ ជំទាវឧកញ៉ាក៏មានជំនួញជាច្រើនទៀតនៅក្នុងដៃផងដែរ។ បច្ចុប្បន្ន ជំទាវឧកញ៉ា គង់ សំណាង គឺជាអគ្គនាយិកា បុរី វិមានសំណាង, ក្រុមហ៊ុន ខ្មែរ រៀល អុីស្ទេត (Khmer Real Estate Co., Ltd) និងបុរី ខេអេស រ៉េស៊ីដេន (Borey KS Residence)។ លើស​ពី​នេះ ជំទាវឧកញ៉ា គង់ សំណាង ក៏បានចូលរួមក្នុងកិច្ចការសង្គមជាច្រើនផងដែរ។

The post គណៈសង្ឃនាយក នៃព្រះរាជាណាចក្រកម្ពុជា ត្រាស់សម្រេចផ្តល់គោរមងារជូន ជំទាវឧកញ៉ា គង់ សំណាង ជា “មហាឧបាសិកាពុទ្ធសាសនូបត្ថម្ភក៍” appeared first on .

ឧកញ៉ាបណ្ឌិត គីម ហ៊ាង ​​បាន​ឱ្យ​ដឹង​ថា បច្ចុប្បន្ន​​ប្លុកទី១ នៃ​បុរី វិមានសំណាង​ ​​លក់បាន៥០ភាគរយ​​ហើយ​ និងកំពុង​បន្ត​ការ​សាងសង់​បន្ថែម​ទៀត។ លោកឧកញ៉ា បាន​បន្ត​ថា សម្រាប់​ហ្សបហោស៍ គឺ​​​​បាន​សាងសង់​រួចរាល់​ជា​ស្ថាពរ​ និង​កំពុង​ប្រគល់​ជូនម្ចាស់ផ្ទះជាមួយនឹងប្លង់រឹងជាបន្តបន្ទាប់ ខណៈ​ដែល​​វីឡាទោល ក៏​គ្រោង​នឹង​បញ្ចប់ការសាងសង់ និងប្រគល់​ជូន​ម្ចាស់ផ្ទះឆាប់ៗ​​ខាង​មុខ​នេះផងដែរ។

​បុរី វិមានសំណាង របស់លោកឧកញ៉ា បណ្ឌិត គីម ហ៊ាង និងលោកជំទាវឧកញ៉ា គង់ សំណាង ជាបុរី លំដាប់​អភិជន ដែលមានម៉ូដផ្ទះវីឡា ៤ប្រភេទគឺ វីឡាឃីង វីឡាឃ្វីន វីឡាព្រីន និងរ៉ូយ៉ាល់វីឡា។

បុរី វិមានសំណាង ស្ថិតនៅខាងជើងក្រសួងដែនដី ២៥០០ម៉ែត្រ សាងសង់លើដី ២៥ហិកតា ជាវីឡាព្រីន បែបក្លាសិក វីឡាឃ្វីន បែបក្លាសិក និងជាវីឡាឃីង បែបក្លាសិក ឬបែបបារាំង ដែលចំណាយថ្លៃសាង សង់ច្រើនជាង និងប្រណិតជាង​ការ​សាងសង់វីឡាបែបទំនើបនានា។ បុរី មានសួនច្បារ កន្លែងហាត់ប្រាណ កន្លែងលេងកីឡា ផ្លូវធំ ដើមឈើច្រើន និងព្រែក​ធម្មជាតិស្មើជិត ៤០% នៃផ្ទៃដីសរុប ដែលស័ក្តសមបំផុត សម្រាប់គ្រួសារអភិជនកម្ពុជាស្នាក់នៅប្រចាំថ្ងៃ៕

The post ឧកញ៉ាបណ្ឌិត គីម ហ៊ាង ចុះត្រួតពិនិត្យគុណភាពសាងសង់ វីឡាទោលដ៏ប្រណិត ក្នុងបុរី វិមានសំណាង appeared first on .

ព្រះរាជទានត្រាស់បង្គាប់ផ្តល់គោរមងារ អ្នកឧកញ៉ា ជាសក្ខីភាពឆ្លុះបង្ហាញអំពី កិច្ចខិតខំប្រឹងប្រែង ទាំងកម្លាំង​កាយ និងចិត្ត ដោយមិនខ្លាចនឿយហត់របស់ អ្នកឧកញ៉ាទាំង៣រូប ក្នុងបុព្វហេតុ ដើម្បីជួយសង្គមជាតិ និង​ចូល​រួមចំណែក​ដល់ការអភិវឌ្ឍន៍សេដ្ឋកិច្ចប្រទេសជាតិជាទីស្នេហានៃយើងឱ្យកាន់តែរីកចម្រើន។ ទន្ទឹមនឹងនេះ ការ​ប្រទាននេះ ពិតជាស័ក្តិសម និងផ្ដល់កិត្តិយសដ៏ឧត្តុង្គឧត្តម សម្រាប់ អ្នកឧកញ៉ា និងក្រុមគ្រួសារ។

លោកឧកញ៉ាបណ្ឌិត គីម ហ៊ាង និង​លោកជំទាវ​ឧកញ៉ា គង់ សំណាង អគ្គនាយក​បុរី វិមានសំណាង សង្ឃឹម​យ៉ាង​មុតមាំ​ ក្នុងការចូលរួមអភិវឌ្ឍ​លើ​ការ​វិនិយោគ ពាណិជ្ជកម្ម សំដៅរួមចំណែកពង្រឹងសេដ្ឋកិច្ចជាតិកម្ពុជា ឱ្យរីក​លូត​លាស់ឆ្ពោះទៅមុខឥតឈប់ឈរ និងសូមបួងសួងដល់វត្ថុស័ក្ដិសិទ្ធិទាំងអស់ក្នុងលោក តាមជួយប្រោះព្រំ​ប្រសិទ្ធពរជ័យជូន អ្នកឧកញ៉ាទាំង៣រូប និងក្រុមគ្រួសារ សូមជួបប្រទះតែសេចក្ដីសុខ សុភមង្គល និងប្រកប​ដោយពុទ្ធពរទាំង ៤ប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ៕

The post ឧកញ៉ា គីម ហ៊ាង និងជំទាវឧកញ៉ា គង់ សំណាង ផ្ញើសារអបអរសាទរចំពោះឧកញ៉ា៣រូប ដែលត្រូវបានព្រះមហាក្សត្រប្រទានគោរមងារជា «អ្នកឧកញ៉ា» appeared first on .

ការដំឡើង ឋានន្តរស័ក្តិថ្នាក់ «នាយឧត្តមសេនីយ៍» នេះគឺពិតជាស័ក្តិសមនឹង សមត្ថភាព ស្នាដៃ សមិទ្ធផល និងការលះបង់ដ៏ធំធេងមិនអាចកាត់ថ្លៃបានរបស់ ឯកឧត្តមបណ្ឌិត ក្នុងការចូលរួមអភិវឌ្ឍ និងពង្រឹងសមត្ថភាពកង យោធពលខេមរភូមិន្ទ ក៏ដូចជាចូលរួមថែរក្សាការពារ និងអភិវឌ្ឍជាតិកម្ពុជា ឱ្យកាន់តែខ្លាំងក្លា និងមានកេរ្តិ៍ឈ្មោះល្បីសុះសាយបន្តបន្ទាប់។

យើងខ្ញុំទាំងអស់គ្នា សូមសម្តែងការកោតសរសើរ និងអរគុណចំពោះ កិច្ចខិតខំប្រឹងប្រែងរបស់ ឯកឧត្តមបណ្ឌិត ក្នុងការការពារនូវសុខសន្តិភាព ស្ថិរភាព និងការអភិវឌ្ឍរបស់ប្រទេសកម្ពុជា នាពេលកន្លងមក បច្ចុប្បន្ន និងសម្រាប់ថ្ងៃអនាគត និងសូមបង្ហាញជំហរគាំទ្រឯកឧត្ត មបណ្ឌិត ជាបេក្ខជននាយករដ្ឋមន្ត្រីសម្រាប់ថ្ងៃអនាគតផងដែរ។

ជាថ្មីម្ដងទៀត ខ្ញុំបាទ និងក្រុមគ្រួសារ សូមគោរពជូនពរ ឯកឧត្តមបណ្ឌិត និងលោកជំទាវ ព្រមទាំងក្រុមគ្រួសារ ប្រកបដោយពុទ្ធពរទាំង៤ប្រការគឺ៖ អាយុ វណ្ណៈ សុខៈ និងពលៈ កុំបីឃ្លៀងឃ្លាតឡើយ។

គួររំឮកដែរថា កាលពីថ្ងៃទី១៧ ខែមីនា ឆ្នាំ២០២៣ ព្រះករុណា ព្រះបាទសម្តេច ព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា បានចេញព្រះរាជក្រឹត្យត្រាស់បង្គាប់ដំឡើងឋានន្តរស័ក្តិ «នាយឧត្តមសេនីយ៍» ជូនដល់ ឯកឧត្តម ឧត្តមសេនីយ៍ឯក ហ៊ុន ម៉ាណែត នាយទាហានថ្នាក់ឧត្តមសេនីយ៍ នៃកងយោធពលខេមរភូមិន្ទ៕

The post ឧកញ៉ាបណ្ឌិត គីម ហ៊ាង និងលោកជំទាវ ឧកញ៉ា គង់ សំណាង សូមគោរពជូនពរឯកឧត្តម ហ៊ុន ម៉ាណែត ដែលត្រូវបានបំពាក់ឋានន្តរស័ក្តិជា នាយឧត្តមសេនីយ៍ផ្កាយ ៤  appeared first on .

ក្នុងឱកាសដ៏មហានក្ខត្តឫក្សនេះ យើងខ្ញុំទាំងអស់គ្នា លំឱនកាយវាចាចិត្តបួងសួងដល់គុណបុណ្យព្រះរតនត្រ័យ វត្ថុស័ក្ដិសិទ្ធិក្នុងលោក ជាពិសេស ទេវតាឆ្នាំថ្មី ព្រះនាម កិមិរាទេវី សូមប្រទាននូវពរជ័យបវរមហាប្រសើរជូន សម្ដេចតេជោ នាយករដ្ឋមន្ត្រី និង សម្ដេចកិត្តិព្រឹទ្ធបណ្ឌិត សូមមានសុខភាពល្អបរិបូរណ៍ កម្លាំងពលំមាំមួន ប្រាជ្ញាភ្លឺថ្លា ជន្មាយុយឺនយូរ ឈ្នះអស់មារសត្រូវគ្រប់ទិសទី និងទទួលបានជោគជ័យថ្មីបន្ថែមទៀត ក្នុងបុព្វហេតុជាតិ មាតុភូមិ ប្រជាជន ប្រកបដោយការអភិវឌ្ឍ និងរីកចម្រើនតរៀងទៅ។

ជាថ្មីម្ដងទៀត យើងខ្ញុំទាំងអស់គ្នា ជាថ្នាក់ដឹកនាំ និងបុគ្គលិកទាំងអស់ សូមបួងសួងដល់វត្ថុស័ក្តិសិទ្ធិទេវតាថែរក្សាទឹកដី នៃព្រះរាជាណាចក្រកម្ពុជា សូមតាមជួយបីបាច់ថែរក្សា អភិបាលប្រោះព្រំសព្ទសាធុការពរជូន សម្ដេចតេជោ នាយករដ្ឋមន្ត្រី និង សម្ដេចកិត្តិព្រឹទ្ធបណ្ឌិត ព្រមទាំងបុត្រាបុត្រី និងចៅៗទាំងអស់ សូមបានប្រកបដោយពុទ្ធពរទាំងបួនប្រការគឺ អាយុ វណ្ណៈ សុខៈ និងពលៈ កុំបីឃ្លៀងឃ្លាតឡើយ៕

The post ឧកញ៉ាបណ្ឌិត គីម ហ៊ាង និងលោកជំទាវ ឧកញ៉ា គង់ សំណាង ផ្ញើសារលិខិតជូនពរ សម្ដេចតេជោ ហ៊ុន សែន និងសម្ដេចកិត្តិព្រឹទ្ធបណ្ឌិត ក្នុងឱកាសបុណ្យចូលឆ្នាំថ្មី ឆ្នាំថោះ appeared first on .

ឧកញ៉ាបណ្ឌិត គីម ហ៊ាង សូមបង្ហាញពីអារម្មណ៍ក្ដុងក្ដួលចំពោះមរណភាព លោកស្រី ម៉េង ហុងមៀន និងសូមចូលរួមសម្ដែង នូវសេចក្តីសោកស្ដាយស្រណោះ អាឡោះអាល័យបំផុតជាមួយអ្នកឧកញ៉ា និងលោកជំទាវ ព្រមទាំងក្រុមគ្រួសារ ចំពោះការបាត់បង់លោកស្រី គិត ហុងមៀន ជាបងស្រីបង្កើត ជាបងស្រីថ្លៃ ជាឧត្តមភរិយា ជាម្តាយ ជាម្តាយក្មេក និងជាជីដូន ដែលជាទីគោរពស្រលាញ់ដ៏ជ្រាលជ្រៅ និងប្រកបដោយសង្គហធម៌ដ៏ថ្លៃថ្លាបំផុត ព្រហ្មវិហារធម៌មិនចេះរីងស្ងួត ដោយមួយជីវិតរបស់លោកស្រី បានលះបង់ទាំងកម្លាំងកាយ និងប្រាជ្ញាស្មារតី មិនគិតពីការនឿយហត់លំបាកលំបិន ជំនះរាល់ឧបសគ្គនានា ក្នុងការចិញ្ចឹមបីបាច់ថែរក្សា និងអប់រំ ទូន្មានបុត្រាបុត្រី ឱ្យក្លាយជាកុលបុត្រ កុលធីតា ប្រកបដោយគន្លងធម៌សម្រាប់សង្គមជាតិ។

នៅក្នុងវេលាប្រកបដោយក្តីខ្សឹកខ្សួលរំជួលចិត្ត ក្រៀមក្រំស្ទើររកទីបំផុតគ្មាននេះ ឧកញ៉ាបណ្ឌិត គីមហ៊ាង និងលោកជំទាវ គង់ សំណាង ក៏សូមចូលរួមរំលែកទុក្ខដ៏ក្រៀមក្រំ ដោយសេចក្តីសោកសង្រេងជាទីបំផុត ជាមួយអ្នកឧកញ៉ា ប្រធានសភាពាណិជ្ជកម្មកម្ពុជា និងលោកជំទាវ ព្រមទាំងក្រុមគ្រួសារនៃសព និងសូមសម្តែងនូវការគោរព ចំពោះដួងវិញ្ញាណក្ខន្ធរបស់លោកស្រី គិត ហុងមៀន បានទៅកាន់សុគតិភពកុំបីឃ្លៀងឃ្លាតឡើយ៕

The post ឧកញ៉ាបណ្ឌិត គីម ហ៊ាង និងលោកជំទាវ ឧកញ៉ា គង់ សំណាង សូមផ្ញើសាររំលែកទុក្ខបងស្រីបង្កើត អ្នកឧកញ៉ា គិត ម៉េង appeared first on .